US Midterm Election Result: യുഎസ് ഇടക്കാല തിരഞ്ഞെടുപ്പിൽ ട്രംപിന് തിരിച്ചടി; ഇറാന് മുന്നറിയിപ്പുമായി മുജ്തബ ഖമേനി

വാഷിങ്ടൺ: യുഎസിലെ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത പരാജയം. ചരിത്രവിജയം സ്വന്തമാക്കിയിരിക്കുകയാണ് ഡെമോക്രാറ്റിക് പാർട്ടി. പരാജയത്തിന് പിന്നാലെ ഇറാനിലെ ജനങ്ങൾക്ക് രാജ്യത്തിന്റെ പരമോന്നത നേതാവ് മുജ്തബ ഖമനേയി ശക്തമായ മുന്നറിയിപ്പ് നൽകി. തിരഞ്ഞെടുപ്പ് ഫലം ഏതെങ്കിലും തരത്തിൽ യുഎസിന് ഇറാനോടുള്ള നിലപാടിൽ മാറ്റം വരുത്തുമെന്ന് വിശ്വസിക്കരുതെന്നായിരുന്നു മുജ്തബ ഖമനേയിയുടെ മുന്നറിയിപ്പ്. എക്സിലൂടെയാണ് ഇക്കാര്യം അറിയിച്ചത്. അമേരിക്കയുടെ ഭാഗത്തുനിന്ന് വീണ്ടും സൈനിക നടപടികളോ ആക്രമണങ്ങളോ ഉണ്ടായാൽ, പശ്ചിമേഷ്യൻ മേഖലയിലെ നിലവിലെ പോരാട്ടം കൂടുതൽ വിപുലീകരിക്കുമെന്ന കടുത്ത മുന്നറിയിപ്പുമായി അയത്തൊള്ള ഖമേനി. അതേസമയം, അമേരിക്കൻ വോട്ടർമാർക്കിടയിൽ ശക്തിപ്പെട്ട യുദ്ധവിരുദ്ധ വികാരത്തെ ഇറാൻ സ്വാഗതം ചെയ്തു. പ്രസ്തുത വർഷത്തെ തിരഞ്ഞെടുപ്പ് പ്രചാരണങ്ങളിൽ യുഎസ്-ഇറാൻ യുദ്ധവും അതിന്റെ പ്രത്യാഘാതങ്ങളും പ്രധാന ചർച്ചാവിഷയമായി ഉയർന്നുവന്നിരുന്നു. ഒറ്റരാത്രികൊണ്ടാണ് വാഷിംഗ്ടണിലെ രാഷ്ട്രീയ അധികാര സന്തുലനം പൂർണ്ണമായി മാറിമറിഞ്ഞത്. യുഎസ് പ്രതിനിധി സഭയുടെയും സെനറ്റിന്റെയും നിയന്ത്രണം ഡെമോക്രാറ്റുകൾ വീണ്ടെടുത്തു. ട്രംപ് ഭരണകൂടം നടപ്പിലാക്കിയ നയങ്ങൾക്കെതിരെയുള്ള ജനങ്ങളുടെ ശക്തമായ ജനവിധിയായാണ് ഈ തിരഞ്ഞെടുപ്പ് ഫലം പൊതുവേ വിലയിരുത്തപ്പെടുന്നത്. എന്നാൽ ഈ രാഷ്ട്രീയ മാറ്റം അമേരിക്കയുടെ ഇറാൻ വിരുദ്ധ നയങ്ങളിൽ പെട്ടെന്ന് അയവുണ്ടാക്കുമെന്ന സൂചനയായി കണക്കാക്കരുതെന്ന് അയത്തൊള്ള ഖമേനി സ്വന്തം ജനങ്ങളോട് അഭ്യർത്ഥിച്ചു. യുഎസ് കോൺഗ്രസിന്റെ ഇരു സഭകളായ ജനപ്രതിനിധി സഭയിലും സെനറ്റിലും റിപ്പബ്ലിക്കന്മാർക്ക് കേവലഭൂരിപക്ഷം നഷ്ടമാകുകയായിരുന്നു. കഴിഞ്ഞ മൂന്ന് പതിറ്റാണ്ടിലെ ഏറ്റവും മികച്ച മുന്നേറ്റമാണ് ഡെമോക്രാറ്റുകൾക്ക് നേടാനായത്. ഡോണൾഡ് ട്രംപിന്റെ വിശ്വസ്തനും പ്രമുഖ ഇന്ത്യൻ വംശജനുമായ വിവേക് രാമസ്വാമി ഉൾപ്പെടെ റിപ്പബ്ലിക്കൻ നിരയിലെ പ്രമുഖ നേതാക്കൾ പോലും പരാജയത്തിന്റെ കയ്പ് അറിഞ്ഞു. ട്രംപ് ഭരണകൂടത്തിന്റെ വിദേശ-ആഭ്യന്തര നയങ്ങൾക്കെതിരെ ഉയർന്ന ശക്തമായ ജനവികാരം വോട്ടെടുപ്പിൽ പ്രതിഫലിച്ചതായാണ് രാഷ്ട്രീയ നിരീക്ഷകർ വിലയിരുത്തുന്നത്. ടെക്സസ്, കാൻസസ്, സൗത്ത് കരോലിന, ഒഹായോ, നോർത്ത് കരോലിന, ഐയോവ തുടങ്ങിയ റിപ്പബ്ലിക്കൻ പാർട്ടിയുടെ പരമ്പരാഗത കോട്ടകളിൽ പോലും ഡെമോക്രാറ്റിക് സ്ഥാനാർത്ഥികൾ വലിയ വിജയമാണ് നേടിയത്. ഭൂരിപക്ഷത്തിന് 218 സീറ്റുകൾ വേണ്ട പ്രതിനിധി സഭയിലും ഡെമോക്രാറ്റുകൾ വ്യക്തമായ ആധിപത്യം ഉറപ്പിച്ചു. കൂടാതെ 36 സംസ്ഥാനങ്ങളിൽ നടന്ന ഗവർണർ തിരഞ്ഞെടുപ്പിലും ഡെമോക്രാറ്റിക് സ്ഥാനാർത്ഥികൾ മുന്നേറി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

US Election: യു.എസ് തെരഞ്ഞെടുപ്പിൽ തിളക്കമാർന്ന വിജയവുമായി മലയാളികൾ; നേട്ടവുമായി സുരേന്ദ്രൻ പട്ടേലും ജൂലി മാത്യുവും മാർട്ടിൻ ജോണും

ഹൂസ്റ്റൺ: അമേരിക്കൻ ഇടക്കാല തിരഞ്ഞെടുപ്പിൽ ടെക്സസിലെ ഫോർട്ട് ബെൻഡ് കൗണ്ടിയിൽ മികച്ച വിജയം നേടി മലയാളികളും. ഡെമോക്രാറ്റിക് പാർട്ടി സ്ഥാനാർഥികളായി മത്സരിച്ച സുരേന്ദ്രൻ കെ. പട്ടേൽ, ജൂലി എ. മാത്യു, കക്ഷിരഹിത സ്ഥാനത്തേക്ക് മത്സരിച്ച മാർട്ടിൻ ജോൺ എന്നിവർക്കാണ് തെരഞ്ഞെടുപ്പിൽ വിജയം നേടാനായത്. യു.എസ് പ്രാദേശിക ഭരണരംഗത്തും നീതിന്യായ മേഖലയിലും മലയാളികളുടെ സ്വാധീനം വ്യക്തമായി ഉറപ്പിക്കുന്നതാണ് ഈ ചരിത്ര നേട്ടം. സുരേന്ദ്രൻ കെ. പട്ടേൽ ടെക്സസിലെ 240-ാം ജുഡീഷ്യൽ ഡിസ്ട്രിക്റ്റ് ജഡ്ജി സ്ഥാനത്തേക്കാണ് സുരേന്ദ്രൻ കെ. പട്ടേൽ മത്സരിച്ചത്. റിപ്പബ്ലിക്കൻ സ്ഥാനാർഥി ആശാ റെഡ്ഡിയായിരുന്നു എതിരാളി. 37,396 വോട്ടുകളുടെ ഭൂരിപക്ഷത്തിലാണ് സുരേന്ദ്രന്റെ വിജയം. തെരഞ്ഞെടുപ്പിൽ ആകെ 1,82,760 വോട്ടുകൾ രേഖപ്പെടുത്തിയപ്പോൾ അതിൽ 1,10,078 വോട്ടുകൾ (60.23%) പട്ടേൽ സ്വന്തമാക്കി. ആശാ റെഡ്ഡിക്ക് 72,682 വോട്ടുകൾ (39.77%) ആണ് ലഭിച്ചത്. ജൂലി എ. മാത്യു ഫോർട്ട് ബെൻഡ് കൗണ്ടി കോർട്ട് അറ്റ് ലോ നമ്പർ 3 ജഡ്ജി സ്ഥാനത്തേക്കുള്ള മത്സരത്തിൽ റിപ്പബ്ലിക്കൻ സ്ഥാനാർഥി ജെസ്സിക്ക ജാരാമില്ലോയെ പരാജയപ്പെടുത്തിക്കൊണ്ടാണ് ഡെമോക്രാറ്റിക് സ്ഥാനാർഥി ജൂലി എ. മാത്യു മികച്ച വിജയം നേടിയത്. 38,966 വോട്ടുകളുടെ ഭൂരിപക്ഷത്തിനാണ് ജൂലിയുടെ വിജയം. ആകെ രേഖപ്പെടുത്തിയ 1,82,816 വോട്ടുകളിൽ ജൂലിക്ക് ലഭിച്ചത് 1,10,891 വോട്ടുകളാണ് (60.66%). ജെസ്സിക്ക ജാരാമില്ലോയ്ക്ക് 71,925 വോട്ടുകളും (39.34%) ലഭിച്ചു. മാർട്ടിൻ ജോൺ ഫോർട്ട് ബെൻഡ് സെൻട്രൽ അപ്രൈസൽ ഡിസ്ട്രിക്റ്റ് ബോർഡ് ഓഫ് ഡയറക്ടേഴ്‌സിലേക്ക് നടന്ന കക്ഷിരഹിത തെരഞ്ഞെടുപ്പിൽ മാർട്ടിൻ ജോൺ വൻ വിജയം നേടി. ആകെ രേഖപ്പെടുത്തിയ 1,38,907 വോട്ടുകളിൽ 79,376 വോട്ടുകൾ (57.14%) നേടിയാണ് അദ്ദേഹത്തിന്റെ വിജയം. മാർട്ടിന്റെ എതിരാളിയായ ഷൈസാദ് ‘സാം’ ചത്രിവാലയ്ക്ക് 59,531 വോട്ടുകളാണ് (42.86%) നേടാനായത്. 19,845 വോട്ടുകളുടെ വ്യക്തമായ ഭൂരിപക്ഷത്തിലാണ് മാർട്ടിന്റെ വിജയം. പാലാ സെന്റ് തോമസ് കോളേജ് യൂണിയൻ മുൻ ചെയർമാൻ കൂടിയാണ് മാർട്ടിൻ ജോൺ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

US Midterm Elections 2026: ട്രംപിന് അടിപതറുന്നു; ആദ്യ ഫലസൂചനകളിൽ ഡെമോക്രാറ്റിക് പാര്‍ട്ടി മുന്നേറുന്നു

വാഷിങ്ടൺ ഡിസി: യുഎസ് ഇടക്കാല തിരഞ്ഞെടുപ്പില്‍ വോട്ടെണ്ണൽ പുരോഗമിക്കുമ്പോൾ ട്രംപിന് തിരിച്ചടി. ഡെമോക്രാറ്റുകള്‍ മുന്നിലെന്നാണ് ആദ്യ ഫല സൂചനകൽ പറയുന്നത്. റിപ്പബ്ലിക്കന്‍ പാര്‍ട്ടിയുടെ നിയന്ത്രണത്തിലുള്ള പല മണ്ഡലങ്ങളിലും ഡെമോക്രാറ്റുകള്‍ മുന്നിലെന്നാണ് പ്രാഥമിക ഫലങ്ങള്‍. ഇനി 2 വർഷം മാത്രമാണ് പ്രസിഡന്റ് ഡോണള്‍ഡ് ട്രംപിന്റെ വൈറ്റ് ഹൗസ് കാലാവധി തീരാന്‍ ശേഷിക്കുന്നത്. ഈ പശ്ചാത്തലത്തില്‍ യുഎസ് കോണ്‍ഗ്രസിലെ അധികാര സന്തുലിതാവസ്ഥ നിര്‍ണയിക്കുന്ന തിരഞ്ഞെടുപ്പ് ട്രംപിന് നിര്‍ണായകമാനിന്നതിൽ സംശയമില്ല. അതുകൊണ്ടുതന്നെ നിർണായക പ്രോട്ടമാണ് നടക്കുന്നതും. യുഎസ് പ്രസി ഡന്റ് ഭരണത്തിന്റെ പകുതിയില്‍ വച്ച് നടത്തുന്ന തിരഞ്ഞെടുപ്പായതുകൊണ്ടാണ് ഇതിനെ ഇടക്കാല തിരഞ്ഞെടുപ്പ് എന്നറിയപ്പെടുന്നത്. ഒഹായോ, ജോര്‍ജിയ, നോര്‍ത്ത് കരോലിന തുടങ്ങിയ സംസ്ഥാനങ്ങളിൽ വോട്ടെടുപ്പ് ഏതാണ്ട് കഴിയാറായി. പ്രതിനിധി സഭയിലെ നിയന്ത്രണം റിപ്പബ്ലിക്കന്‍മാര്‍ക്ക് നഷ്ടപ്പെട്ടാല്‍ ട്രംപിന്റെ നിയമനിര്‍മ്മാണ അജണ്ടകളെ തടസ്സപ്പെടുത്താന്‍ ഡെമോക്രാറ്റുകള്‍ക്ക് സാധിക്കുമെന്നാണ് റിപ്പോർട്ട്. അധികാരം പരിമിതപ്പെടുമെന്നതിനാല്‍ ട്രംപിന് ഈ തിരഞ്ഞെടുപ്പ് നിര്‍ണായകമാണ്. അതുപോലെ സെനറ്റിലും ട്രംപ് പരാജയപെട്ടാൽ സുപ്രീംകോടതി ജഡ്ജിമാരെയും ഉന്നത ഉദ്യോഗസ്ഥരെയും നിയമിക്കാനുള്ള ട്രംപിന്റെ കഴിവിനെയും ഇത് ബാധിക്കും. ചെലവ് കുതിച്ചുയരുന്നതും ഇറാനെതിരായ യുദ്ധ സാഹചര്യവും കാരണം റിപ്പബ്ലിക്കന്‍ പാര്‍ട്ടിക്കെതിരെ ജനവികാരം ശക്തമാകുന്ന ഈ ഘട്ടത്തില്‍ ട്രംപിന്റെ ഭരണത്തോടുള്ള രാജ്യവ്യാപകമായ വിലയിരുത്തലായിരിക്കും ഈ തിരഞ്ഞെടുപ്പ് ഫലത്തിൽ കാണാൻ കഴിയുക എന്നതാണ് വിലയിരുത്തൽ. അമേരിക്കൻ പ്രതിനിധി സഭയിലെ 435 സീറ്റുകളിലേക്കും സെനറ്റിലെ 100 ല്‍ 35 സീറ്റുകളിലേക്കും 36 സംസ്ഥാനങ്ങളിലെ ഗവര്‍ണര്‍ സ്ഥാനങ്ങളുമാണ് ഈ തിരഞ്ഞെടുപ്പില്‍ നിര്‍ണായകമാകുന്നത്. അധികാരം പിടിച്ചെടുക്കാന്‍ ഡെമോക്രാറ്റുകള്‍ക്ക് പ്രതിനിധി സഭയില്‍ മൂന്ന് സീറ്റുകളും സെനറ്റില്‍ നാല് സീറ്റുകളും അധികമായി നേടിയാല്‍ മതി. ഏകദേശം 21 കോടി ആളുകളാണ് വോട്ട് ചെയ്തത്. അഭിപ്രായ സർവേകളിൽ ജനപ്രതിനിധിസഭയുടെ നിയന്ത്രണം ഡെമോക്രാറ്റുകള്‍ക്ക് ലഭിക്കാനാണ് സാധ്യതയെന്ന് സൂചിപ്പിച്ചിരുന്നു. എന്നാല്‍ എത്രത്തോളം സീറ്റുകൾ റിപ്പബ്ലിക്കന്‍ പാര്‍ട്ടിയുടെ ശക്തികേന്ദ്രങ്ങളില്‍ ഡെമോക്രാറ്റുകള്‍ക്ക് നേടാനാകുമെന്നത്തിൽ വ്യക്തതയില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

North Korea Denuclearization: ഉത്തരകൊറിയന്‍ ആണവ നിരായുധീകരണം, നി‍ര്‍ണായക നീക്കവുമായി യുഎസും സഖ്യകക്ഷികളും

ഉത്തരകൊറിയയുടെ സമ്പൂർണ ആണവ നിരായുധീകരണം ആവശ്യപ്പെട്ട് യുഎസും ദക്ഷിണ കൊറിയയും ജപ്പാനും സംയുക്ത പ്രസ്താവന പുറത്തിറക്കി. അറ്റ്ലാന്റയിൽ നടന്ന ജി20 വിദേശകാര്യ മന്ത്രിമാരുടെ യോഗത്തോട് അനുബന്ധിച്ചാണ് മൂന്ന് രാജ്യങ്ങളുടെയും വിദേശകാര്യ മന്ത്രിമാർ കൂടിക്കാഴ്ച നടത്തി. ഉത്തരകൊറിയ ആണവായുധങ്ങൾ ഉപേക്ഷിക്കണമെന്നും മിസൈൽ പദ്ധതികൾക്കുള്ള വരുമാനം തടയുന്നതുൾപ്പെടെയുള്ള യുഎൻ സുരക്ഷാ കൗൺസിൽ പ്രമേയങ്ങൾ പൂർണമായി നടപ്പാക്കുമെന്നും അവർ വ്യക്തമാക്കി. യുഎസ് പ്രസിഡന്റ് ഡോണൾഡ് ട്രംപും ഉത്തരകൊറിയൻ ഭരണാധികാരി കിം ജോങ് ഉന്നും തമ്മിൽ അടുത്ത മാസം ചൈനയിൽ നടക്കുന്ന എപെക് (APEC) ഉച്ചകോടിക്കിടെ കൂടിക്കാഴ്ച നടത്തിയേക്കുമെന്ന അഭ്യൂഹങ്ങൾ ശക്തമാണ്. ഉത്തരകൊറിയയുമായുള്ള ചർച്ചകൾക്ക് ഉപാധികൾ വെക്കില്ലെന്നും ആണവ പദ്ധതി മരവിപ്പിക്കുന്നതിന് പകരമായി ഉപരോധനങ്ങളിൽ ഇളവ് നൽകുന്നത് പരിഗണിക്കാമെന്നും ദക്ഷിണ കൊറിയൻ പ്രസിഡന്റ് ലീ ജേ മ്യുങ് നിർദേശിച്ചിരുന്നു. റഷ്യയുടെയും ചൈനയുടെയും പിന്തുണയോടെ ആണവായുധ രാഷ്ട്രമെന്ന പദവി ഉറപ്പിച്ചിട്ടുള്ള ഉത്തരകൊറിയ, തങ്ങളുടെ ആണവശേഖരം ശാശ്വതമാണെന്നും ഉപരോധങ്ങൾക്ക് നിലപാട് മാറ്റാനാകില്ലെന്നും വ്യക്തമാക്കി. ഐക്യരാഷ്ട്രസഭയും പാശ്ചാത്യ രാജ്യങ്ങളും കടുത്ത ഉപരോധങ്ങള്‍ ഏര്‍പ്പെടുത്തി ഒറ്റപ്പെടുത്താന്‍ ശ്രമിക്കുമ്പോഴും യുഎന്‍ രക്ഷാസമിതിയില്‍ റഷ്യയും ചൈനയും ഉത്തരകൊറിയക്ക് ശക്തമായ നയപരമായ സംരക്ഷണം നല്‍കുന്നുണ്ട്. അമേരിക്കയുടെ നേതൃത്വത്തിലുള്ള ഉപരോധ നീക്കങ്ങളെ വീറ്റോ ചെയ്യാനും പ്രതിരോധിക്കാനും ഈ വന്‍കിട രാജ്യങ്ങളുടെ പിന്തുണയുള്ളത് ഉത്തരകൊറിയക്ക് വലിയ ആത്മവിശ്വാസം നല്‍കുന്നുണ്ട്. അമേരിക്കയുടെയും സഖ്യകക്ഷികളുടെയും സമ്മര്‍ദ്ദങ്ങള്‍ക്ക് വഴങ്ങി ആണവ നിരായുധീകരണത്തിന് തയ്യാറല്ലെന്നും സ്വന്തം താല്‍പര്യം സംരക്ഷിച്ചുകൊണ്ട് ഒരു ആണവ രാഷ്ട്രമായി മുന്നോട്ട് പോകുമെന്നുള്ള കടുത്ത പ്രഖ്യാപനമാണ് ഉത്തരകൊറിയ നടത്തുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Helicopters Collide in Nepal: നേപ്പാളില്‍ ഹെലികോപ്റ്ററുകള്‍ കൂട്ടിയിടിച്ച് അപകടം, ഒരാള്‍ മരിച്ചു

നേപ്പാൾ: എവറസ്റ്റിന് സമീപം ലാൻഡിങ്ങിനിടെ രണ്ട് ഹെലികോപ്റ്ററുകൾ കൂട്ടിയിടിച്ച് അപകടം. അപകടത്തില്‍ ഒരാള്‍ മരിച്ചു. മറ്റൊരാൾ പരിക്കേറ്റ് ചികിത്സയിലാണ്. ഇന്ത്യൻ പൗരനായ വസന്ത് കുമാർ ബലാറാംബരമാഡു (47) ആണ് മരിച്ചത്. പരിക്കേറ്റത് ഇന്ത്യന്‍ വംശജനായ ന്യൂസിലന്‍ഡ് പൗരന്‍ ശൈലേഷ് കിഷന്‍ പട്ടേലിനാണ്. രണ്ട് പേരും വിനോദസഞ്ചാരികളാണ്. കൂട്ടിയിടിച്ച രണ്ട് ഹെലികോപ്റ്ററിലെയും പൈലറ്റുമാര്‍ക്കും നിസാര പരിക്കേറ്റു. ഇവരെ വൈദ്യസഹായത്തിനായി കാഠ്മണ്ഡുവിലേക്ക് കൊണ്ടുപോയി. അപകടത്തിന്റെ ദൃശ്യങ്ങള്‍ പുറത്തുവന്നു.

Florida Jet Crash: ഫ്ളോറിഡയിൽ ബിസിനസ് ജെറ്റ് തകർന്നുവീണ് 9 പേർക്ക് ദാരുണാന്ത്യം

വാഷിംഗ്‌ടൺ: ഫ്ലോറിഡയിലെ പാംബീച്ച് കൗണ്ടിയിൽ ബിസിനസ് ജെറ്റ് തകർന്നുവീണ് 9 പേർക്ക് ദാരുണാന്ത്യം. അപകടത്തിൽ പെട്ടത് ഓസ്റ്റിനിൽ നിന്നും ബഹാമാസിലേക്ക് പോയ വിമാനമായിരുന്നു. അപകടത്തിന് കാരണം മോശം കാലാവസ്ഥയാണെന്നാണ് റിപ്പോർട്ട്. ഇത് അമേരിക്കയിൽ അടുത്തിടെയുണ്ടാകുന്ന രണ്ടാമത്തെ വിമാന അപകടമാണ്. അപകടത്തിന്റെ വീഡിയോ പുറത്തുവന്നിട്ടുണ്ട്. അകടത്തിന് മുൻപ് ലഭിച്ച പൈലറ്റിന്റെ അവസാന സന്ദേശം 'ഞങ്ങൾ തകർന്നു വീഴാൻ പോകുന്നു' എന്നതായിരുന്നു. അപകടത്തിൽ വിമാനത്തിലുണ്ടായിരുന്ന 9 പേരും മരിച്ചതായി അധികൃതർ സ്ഥിരീകരിച്ചു. വിമാനത്തിൽ ഐസ് രൂപപ്പെട്ടതായി പൈലറ്റ് ഇടയ്ക്ക് ട്രാഫിക് കൺട്രോളിനെ അറിയിച്ചതായും റിപ്പോർട്ടുണ്ട്. 35000 അടി ഉയരത്തിൽ പറക്കുമ്പോഴായിരുന്നു ഇത്. തുടർന്ന് പൈലറ്റ് കൂടുതൽ ഉയരത്തിലേക്ക് പറക്കാൻ അനുമതി ചോദിച്ചെങ്കിലും വിമാനത്തിന്റെ നിയന്ത്രണം നഷ്ടപ്പെട്ട് കുത്തനെ താഴോട്ട് പതിക്കുകയായിരുന്നു എന്നാണ് റിപ്പോർട്ട്. റിപ്പോർട്ടുകളുടെ അടിസ്ഥാനത്തിൽ വിമാനം ഒരു മിനിറ്റിനുള്ളിൽ നിലംപതിച്ചു എന്നാണ്.

Ebola Outbreak: എബോള വ്യാപനം; ഡിആർ കോംഗോയിലെ മരണനിരക്ക് 5000 കടന്നു, അതിവേഗ രോഗവ്യാപനത്തിൽ ആശങ്ക

ഡിആർ കോംഗോയിലെ എബോള രോഗവ്യാപനം അതിരൂക്ഷം. എബോള ബാധിച്ചുള്ള മരണസംഖ്യ 5000 കടന്നു. 10,300 പേരാണ് രോഗം സ്ഥിരീകരിച്ചവർ. 26 പ്രവിശ്യകളിൽ എട്ടെണ്ണത്തിലും ഇപ്പോൾ രോഗബാധ റിപ്പോർട്ട് ചെയ്തതായി സർക്കാർ വ്യക്തമാക്കുന്നു. നിലവിൽ 48.6 ശതമാനം ആണ് രോഗബാധമൂലമുള്ള മരണനിരക്ക്. മെയ് മാസത്തിലാണ് രോഗവ്യാപനം ആരംഭിച്ചത്. എന്നാൽ, ഓഗസ്റ്റോടെ രോഗവ്യാപനം ഏറ്റവും മാരകമായി മാറി. എബോള മഹാമാരിയുടെ പ്രഭവകേന്ദ്രം ഇട്ടൂരി പ്രവിശ്യയാണെന്നാണ് ആരോഗ്യ മന്ത്രാലയം അറിയിക്കുന്നത്. നൈജീരിയ, കെനിയ, ഉഗാണ്ട എന്നിവിടങ്ങളിലും രോഗബാധ സ്ഥിരീകരിച്ചിട്ടുണ്ട്. ഐക്യരാഷ്ട്രസഭയുടെ കണക്കുകൾ പ്രകാരം, ഡിആർ കോംഗോയുടെ ചരിത്രത്തിലെ പതിനേഴാമത്തെ രോഗവ്യാപനം ആണിത്. ചരിത്രത്തിലെ രണ്ടാമത്തെ ഏറ്റവും വലിയ രോഗവ്യാപനവും ആണിത്. വാക്സിനുകളുടെ ക്ലിനിക്കൽ പരീക്ഷണങ്ങൾ നടക്കുന്നതായും പരിശോധനയും ചികിത്സയും പുരോഗമിക്കുന്നുണ്ടെന്നും ലോകാരോഗ്യ സംഘടന അറിയിച്ചു. നിലവിലെ രോഗവ്യാപനത്തിന് പിന്നിലെ കാരണം ബൂൻഡിബുഗ്യോ വകഭേദം ആണ്. ഇതിന് വാക്സിനോ കൃത്യമായ ചികിത്സയോ നിലവിലില്ല. വളരെ വേഗത്തിലാണ് നിലവിലെ രോഗവ്യാപനം മരണത്തിലേക്ക് നയിക്കുന്നതെന്ന് യുഎൻ മുന്നറിയിപ്പ് നൽകി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Taliban Girls Education: താലിബാനെ ന്യായീകരിച്ച് സാക്കിര്‍ നായിക്, പെണ്‍കുട്ടികളുടെ വിദ്യാഭ്യാസം തടഞ്ഞിട്ടില്ലെന്ന് പരാമര്‍ശം

അഫ്ഗാനിസ്ഥാനിലെ പെണ്‍കുട്ടികളുടെ വിദ്യാഭ്യാസത്തിന്മേല്‍ താലിബാന്‍ ഏര്‍പ്പെടുത്തിയ വിലക്കുകളെ ഇസ്ലാമിക പ്രഭാഷകന്‍ സാക്കിര്‍ നായിക് പരസ്യമായി ന്യായീകരിച്ചത് വിവാദത്തില്‍. ഇതിനെതിരെ ഇന്ത്യ, പാകിസ്ഥാന്‍, അഫ്ഗാനിസ്ഥാന്‍ എന്നീ രാജ്യങ്ങളില്‍ വ്യാപകമായ പ്രതിഷേധമാണ് ഉയര്‍ത്തിട്ടുള്ളത്. മാധ്യമങ്ങള്‍ അഫ്ഗാനിസ്ഥാനിലെ യഥാര്‍ത്ഥ സ്ഥിതി വളച്ചൊടിക്കുകയാണെന്ന് സാക്കിര്‍ അവകാശപ്പെട്ടു. പെണ്‍കുട്ടികളുടെ വിദ്യാഭ്യാസം താലിബാന്‍ തടഞ്ഞിട്ടില്ലെന്നും സുരക്ഷിതമായ സാഹചര്യം ഒരുങ്ങുന്നതും യോഗ്യരായ വനിതാ അധ്യാപകരെ ലഭിക്കുന്നതും വരെ സെക്കന്‍ഡറി, ഉന്നത വിദ്യാഭ്യാസം താല്‍ക്കാലികമായി നീട്ടിവെക്കുക മാത്രമാണ് ചെയ്തതെന്നും പറഞ്ഞ് അദ്ദേഹം താലിബാന്‍ ഭരണകൂടത്തെ ന്യായീകരിച്ചു.

California Shooting: കാലിഫോർണിയയിൽ ഷോപ്പിങ് മാളിൽ വെടിവെപ്പിൽ ഒരാൾ കൊല്ലപ്പെട്ടു; ആറ് പേർക്ക് പരിക്ക്

കാലിഫോർണിയ: കാലിഫോർണിയയിൽ ഷോപ്പിങ് മാളിൽ വെടിവെപ്പ്. ആക്രമണത്തിൽ ഒരാൾ കൊല്ലപ്പെട്ടു. സൊളാനോ ടൌൺ സെൻറർ മാളിലാണ് വെടിവെപ്പുണ്ടായത്. സ്പിരിറ്റ് ഹാലോവീൻ എന്ന സ്റ്റോറിലുണ്ടായ വെടിവെപ്പിൽ ഏഴ് പേർക്കാണ് വെടിയേറ്റത്. ഒരാൾ മരിച്ചു, ആറ് പേർക്ക് പരിക്കേറ്റു. പരിക്കേറ്റവരിൽ മൂന്ന് പേരുടെ ആരോഗ്യനില ഗുരുതരമാണെന്നാണ് വിവരം. വെള്ളിയാഴ്ച രാത്രിയാണ് ആക്രമണം നടന്നത്. എന്നാൽ, സംഭവത്തിൽ ആരെയും ഇതുവരെ കസ്റ്റഡിയിലെടുത്തിട്ടില്ല. അക്രമിയെക്കുറിച്ചോ വെടിപ്പിലേക്ക് നയിച്ച കാരണങ്ങളെക്കുറിച്ചോ പോലീസ് കൂടുതൽ വിവരങ്ങൾ പുറത്തുവിട്ടിട്ടില്ല. രാത്രിയിൽ 8.30ഓടെയാണ് പോലീസിന് വെടിവെപ്പിനെക്കുറിച്ച് വിവരം ലഭിച്ചത്. ആക്രമണത്തിന് പിന്നിൽ ഒന്നിലധികം പേരുണ്ടോയെന്ന കാര്യം അന്വേഷിച്ച് വരികയാണെന്ന് പോലീസ് അറിയിച്ചു. വെടിയൊച്ച കേട്ടതോടെ ആളുകൾ പരിഭ്രാന്തരായി പുറത്തേക്കോടിയെന്നും അഞ്ച് മുതൽ ഏഴ് തവണ വരെ വെടിയൊച്ച കേട്ടതായും ദൃക്സാക്ഷികൾ പറഞ്ഞു. വെടിവെപ്പുണ്ടായ മാളിലും പരിസര പ്രദേശങ്ങളിലും പോലീസ് തിരച്ചിൽ നടത്തി. മാളിൽ നിന്ന് ആളുകളെ ഒഴിപ്പിച്ചതായി മേയർ അറിയിച്ചു. അന്വേഷണം തുടരുകയാണെന്നും മാളിൻറെ പരിസരത്തേക്ക് വരരുതെന്നും പോലീസ് ജനങ്ങളോട് അഭ്യർഥിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Donald Trump Rally: 'മിണ്ടാതിരിക്കൂ, തോല്‍വി!' തിരഞ്ഞെടുപ്പ് റാലിക്കിടെ പൊട്ടിത്തെറിച്ച് ട്രംപ്

യുഎസിലെ വരാനിരിക്കുന്ന ഇടക്കാല തിരഞ്ഞെടുപ്പിന്റെ പ്രചാരണത്തിലാണ് ഡോണാള്‍ഡ് ട്രംപ്. ഫ്ലോറിഡയില്‍ ട്രംപ് നടത്തിയ റാലിയില്‍ പ്രതിഷേധക്കാര്‍ അദ്ദേഹത്തിന്റെ പ്രസംഗം തടസ്സപ്പെടുത്തി. ട്രംപിന്റെ പ്രസംഗത്തിനിടയില്‍ കുറഞ്ഞത് നാല് തവണയെങ്കിലും പ്രതിഷേധക്കാരുടെ ഭാഗത്തുനിന്ന് തടസ്സപ്പെടുത്തലുകള്‍ ഉണ്ടാവുകയും അത് അദ്ദേഹത്തെ ചൊടിപ്പിക്കുകയും ചെയ്തു. നിയന്ത്രണം വിട്ട ട്രംപ് പ്രസംഗം പാതിവഴിയില്‍ നിര്‍ത്തിവെച്ച് രൂക്ഷമായ ഭാഷയില്‍ തിരിച്ചടിച്ചു. 'മിണ്ടാതിരിക്കൂ മണ്ടാ! ഇയാല്‍ എന്ത് തോല്‍വിയാണ്? ഇയാളെ പുറത്താക്കൂ.' എന്ന് ട്രംപ് ആക്രോശിച്ചു. തുടര്‍ച്ചയായുള്ള ഇത്തരം തടസ്സപ്പെടുത്തലുകള്‍ തന്റെ പ്രസംഗത്തിന്റെ ഒഴുക്കിനെയും അവതരണങ്ങളെയും ബാധിക്കുമെന്ന് ട്രംപ് പിന്നീട് വ്യക്തമാക്കി.

Doomsday 2026: നവംബർ 13ന് ലോകാവസാനമോ? പ്രവചനം ഇങ്ങനെ

നവംബർ 13ന് ലോകം അവസാനിക്കുമെന്ന പ്രവചനമാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. വർഷങ്ങൾക്ക് മുൻപ് തന്നെ ശാസ്ത്രജ്ഞർ 2026 നവംബർ 13ന് ലോകം അവസാനിക്കുമെന്ന് പ്രവചിച്ചിരുന്നുവെന്നാണ് പറയപ്പെടുന്നത്. എന്നാൽ, ഈ പ്രവചനത്തിന് പിന്നിലെ യാഥാർഥ്യം എന്താണെന്ന് അറിയാം. വർധിച്ചുവരുന്ന ജനസംഖ്യ, വിഭവങ്ങളുടെ അഭാവം എന്നിവ മൂലം 2026 നവംബർ 13ന് ലോകം പ്രതിസന്ധിയിലാകുമെന്നും ലോകവസാനം ഉണ്ടാകുമെന്നുമാണ് പ്രവചനം. അതിനാൽ തന്നെ ഇത് അതിവേഗം സോഷ്യൽ മീഡിയയിൽ പ്രചരിക്കുകയാണ്. യാഥാർത്ഥ്യം എന്ത്? ഈ പ്രവചനം വാസ്തവത്തിൽ 1960ൽ നടത്തിയ ഒരു ശാസ്ത്രീയ ഗവേഷണവുമായി ബന്ധപ്പെട്ടതാണ്. അന്ന് ഇല്ലിനോയിസ് സർവകലാശാലയിലെ ശാസ്ത്രജ്ഞരായ ഹെയ്ൻസ് വോൺ ഫോസ്റ്റർ, പട്രീഷ്യ മോറ, ലോറൻസ് അമിയോട്ട് എന്നിവർ ചേർന്ന് ലോകത്തിലെ വർധിച്ചുവരുന്ന ജനസംഖ്യയെക്കുറിച്ച് പഠനം നടത്തി. ശാസ്ത്രജ്ഞർ ഏകദേശം 2000 വർഷത്തെ ജനസംഖ്യാ ഡാറ്റ വിശകലനം ചെയ്ത് ഒരു ഗണിതശാസ്ത്ര മാതൃക സൃഷ്ടിച്ചു. ഈ വേഗത്തിൽ ലോകജനസംഖ്യ വളർന്നാൽ 2026 നവംബർ 13ഓടെ സ്ഥിതി ഗുരുതരമാകുമെന്ന് ഇവർ പ്രവചിച്ചു. എന്നാൽ, ലോകാവസാനം ഉണ്ടാകുമെന്നോ ഭൂമിയിൽ വലിയ ദുരന്തം ഉണ്ടാകുമെന്നോ ശാസ്ത്രജ്ഞർ പ്രവചിച്ചിട്ടില്ല. നിയന്ത്രണാതീതമായി ജനസംഖ്യാ വളർച്ച ഉണ്ടായാൽ അത് ഭക്ഷണം, വെള്ളം, പ്രകൃതി വിഭവങ്ങൾ, സ്ഥലം എന്നിവയിൽ വലിയ സമ്മർദ്ദം ചെലുത്തുമെന്ന് മുന്നറിയിപ്പ് നൽകുകയായിരുന്നു ഈ ശാസ്ത്രജ്ഞരുടെ ലക്ഷ്യം. നിയന്ത്രണാതീതമായ ജനസംഖ്യാ വളർച്ച എന്ന ഗവേഷണ പരാമർശം ലോകാവസാനം ആയല്ല, ഒരു മുന്നറിയിപ്പായാണ് ഉദ്ദേശിച്ചത്. ആധുനിക ശാസ്ത്രം പറയുന്നത് കാര്യങ്ങൾ ഇപ്പോൾ പഴയതിൽ നിന്ന് തീർത്തും വ്യത്യസ്തമാണ്. ലോകത്തിൽ ജനസംഖ്യ എട്ട് ബില്യൺ കവിഞ്ഞുവെങ്കിലും ജനസംഖ്യാ വളർച്ചയുടെ വേഗത കുറഞ്ഞുവെന്നാണ് വിലയിരുത്തൽ. 2080ഓടെ ലോകജനസംഖ്യ അതിൻറെ ഉച്ചസ്ഥായിയിൽ എത്തുമെന്നാണ് ഐക്യരാഷ്ട്രസഭയുടെ കണക്കുകൾ വ്യക്തമാക്കുന്നത്. ഇതിന് ശേഷം ക്രമേണ ജനസംഖ്യ കുറയുമെന്നാണ് കണക്കുകൂട്ടൽ. അതേസമയം, ഭൂമിക്ക് യഥാർഥ ഭീഷണിയാകുന്നത് ഓക്സിജൻറെ കുറവ് ആയിരിക്കുമെന്നാണ് ആധുനിക ശാസ്ത്ര ഗവേഷണങ്ങൾ സൂചിപ്പിക്കുന്നത്. അതിനാൽ 2026ൽ ലോകാവസാനം ഉണ്ടാകുമെന്നതിന് ശാസ്ത്രീയമായ ഒരു സ്ഥിരീകരണവും നിലവിൽ ഇല്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Trump Body Shamed Journalist: ആരോഗ്യത്തെക്കുറിച്ച് ചോദിച്ചു, മാധ്യമപ്രവര്‍ത്തകനെ വ്യക്തിഹത്യ ചെയ്ത് ട്രംപ്

തിരഞ്ഞെടുപ്പ് പ്രചാരണ റാലികൾ റദ്ദാക്കിയതിനെക്കുറിച്ച് ചോദിച്ച മാധ്യമപ്രവർത്തകനെതിരെ യുഎസ് പ്രസിഡന്റ് ഡൊണാൾഡ് ട്രംപ് അധിക്ഷേപിച്ചു. അന്താരാഷ്ട്ര വാർത്താ ഏജൻസിയായ റോയിട്ടേഴ്സിന്റെ വൈറ്റ് ഹൗസ് ലേഖകനായ ജേക്കബ് ബോഗേജിനെയാണ് ട്രംപ് അപമാനിച്ചത്. അയോവയിലും കാൻസാസിലും തിരഞ്ഞെടുപ്പ് പ്രചാരണ റാലികൾ റദ്ദാക്കിയതിന്റെ കാരണം ട്രംപിന്റെ ആരോഗ്യ പ്രശ്നങ്ങളാണോയെന്നാണ് മാധ്യമപ്രവർത്തകൻ ചോദിച്ചത്. എന്നാൽ ഈ ചോദ്യത്തോട് ട്രംപ് പൊട്ടിത്തെറിക്കുകയാണ് ചെയ്തത്. മാധ്യമപ്രവർത്തകന്റെ ശരീരപ്രകൃതിയെയും രൂപത്തെയും പരിഹസിച്ചുകൊണ്ടാണ് ട്രംപ് മോശം പരാമർശങ്ങൾ നടത്തിയത്.