Crime News: കുന്നംകുളത്ത് അതിഥി തൊഴിലാളിയെ ഭാര്യയും കാമുകനും ചേർന്ന് കൊലപ്പെടുത്തി; കസ്റ്റഡിയിൽ

തൃശൂർ: കുന്നംകുളത്ത് അതിഥി തൊഴിലാളിയെ ഭാര്യയും കാമുകനും ചേർന്ന് കൊലപ്പെടുത്തി. ബിഹാർ സ്വദേശി മുഹമ്മദ് മുംതാസ് മിയാൻ ആണ് മരിച്ചത്. ഞായറാഴ്ചയാണ് ഇയാളെ മരിച്ച നിലയിൽ കണ്ടെത്തുന്നത്. സംഭവത്തിൽ ഭാര്യയെയും കാമുകനെയും പോലീസ് കസ്റ്റഡിയിലെടുത്തു. മരത്തംകോട് വാടക ക്വാർട്ടേഴ്‌സിലാണ് മുഹമ്മദ് മുംതാബിനെ കഴിഞ്ഞ ദിവസം രാവിലെ 7:30-ഓടെ മരിച്ച നിലയിൽ കണ്ടെത്തിയത്. ഹൃദയാഘാതം മൂലമുള്ള സ്വാഭാവിക മരണമാണെന്നായിരുന്നു ആദ്യ നിഗമനമെങ്കിലും, ഇൻക്വസ്റ്റ് നടപടികൾക്കിടെ മൃതദേഹത്തിന്റെ കഴുത്തിൽ ദുരൂഹ സാഹചര്യത്തിൽ പാടുകൾ കണ്ടെത്തിയതോടെ പോലീസ് കൊലപാതക സാധ്യതയടക്കം പരിശോധിച്ചുവരികയാണ്. കഴുത്തുഞെരിച്ചും മുഖവും വായയും പൊത്തിപ്പിടിച്ച് ശ്വാസംമുട്ടിച്ചുമാണ് കൊലപ്പെടുത്തിയതെന്ന് വ്യക്തമായതോടെ കുന്നംകുളം പോലീസ് അന്വേഷണം ഊർജ്ജിതമാക്കി. സംഭവവുമായി ബന്ധപ്പെട്ട് മരിച്ച മുഹമ്മദ് മുംതാബിന്റെ ഭാര്യയെയും ഇവരുടെ ആൺസുഹൃത്തിനെയും പോലീസ് കസ്റ്റഡിയിലെടുത്തു. ഇരുവരെയും രഹസ്യ കേന്ദ്രത്തിൽ വച്ച് ചോദ്യം ചെയ്തുവരികയാണ്. കെട്ടിടനിർമ്മാണ തൊഴിലാളിയായ ബിഹാർ സ്വദേശി മുഹമ്മദ് മുംതാബ് മിയാൻ കൊല്ലപ്പെട്ട സംഭവത്തിൽ ഭാര്യയും സുഹൃത്തും പിടിയിൽ. എട്ട് വർഷം മുമ്പ് ജോലി തേടി തൃശൂരിലെത്തിയതായിരുന്നു ഇവർ. മദ്യപാനിയായ മുഹമ്മദ് മുംതാബ് വീട്ടിൽ സ്ഥിരമായി വഴക്കുണ്ടാക്കുന്നത് പതിവായിരുന്നു. ഈ കാലയളവിൽ ഭാര്യ റോഷൻ കാത്തൂൺ മറ്റൊരു ബിഹാർ സ്വദേശിയായ ഹസന്നാൻ (38) എന്നയാളുമായി അടുപ്പത്തിലാവുകയും, തുടർന്ന് ഇരുവരും ചേർന്ന് മുഹമ്മദിനെ ആസൂത്രിതമായി കൊലപ്പെടുത്തുകയുമായിരുന്നുവെന്ന് പോലീസ് വ്യക്തമാക്കി. കുന്നംകുളം എസിപി ഷാജു കെ. എബ്രഹാം, സിഐ അനിൽകുമാർ ടി. മേപ്പുള്ളി, എസ്ഐ രോഹിത് എന്നിവരുടെ നേതൃത്വത്തിലാണ് അന്വേഷണം. ഡോഗ് സ്ക്വാഡും ഫോറൻസിക് വിഭാഗവും സ്ഥലത്തെത്തി തെളിവുകൾ ശേഖരിച്ചിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Governor: രാജേന്ദ്ര ആർലേക്കർ മാറി, കേരളത്തിന് പുതിയ ഗവർണർ; ഓം പ്രകാശ് മാഥൂറിന് ചുമതല

ന്യൂഡൽഹി: കേരളത്തിന്റെ പുതിയ ഗവർണറായി ഓം പ്രകാശ് മാഥൂറിനെ നിയമിച്ചു. നിലവിൽ സിക്കിം ഗവർണറാണ് അദ്ദേഹം. കേരള ഗവർണറായിരുന്ന രാജേന്ദ്ര അർലേക്കറെ തമിഴ്‌നാട് ഗവർണറായി സ്ഥലംമാറ്റി നിയമിച്ചിട്ടുണ്ട്. രാജ്യത്തെ ആറ് സംസ്ഥാനങ്ങളിലെ ഗവർണർമാരെ പുനഃക്രമീകരിച്ചുകൊണ്ടുള്ള സുപ്രധാന ഉത്തരവിലാണ് കേന്ദ്ര സർക്കാർ നിർണ്ണായക മാറ്റങ്ങൾ പ്രഖ്യാപിച്ചത്. ബ്രജ് മോഹൻ റാം ഒഡീഷ ഗവർണറായി ചുമതലയേൽക്കും. ഹരി ബാബു കംഭംപാട്ടിയുടെ പിൻഗാമിയായാണ് ഈ നിയമനം. കർണാടക ഗവർണറായി താവർചന്ദ് ഗെലോട്ടിന് പകരക്കാരിയായി സുധാ യാദവ് എത്തും. ഗുർമീത് സിങ്ങിന്റെ കാലാവധി പൂർത്തിയായതിനെ തുടർന്ന് ധൽ സിങ് ബിസെൻ ഉത്തരാഖണ്ഡിന്റെ പുതിയ ഗവർണറാകും. ഓംപ്രകാശ് മാഥൂർ കേരളത്തിലേക്ക് മാറുന്ന ഒഴിവിലാണ് ദുഷ്യന്ത് ഗൗതമിനെ സിക്കിം ഗവർണറായി നിയമിച്ചിരിക്കുന്നത്. കേരള ഗവർണറുടെ ചുമതല വഹിക്കുന്നതിനൊപ്പം തമിഴ്‌നാടിന്റെ അധിക ചുമതലയും നിർവഹിച്ചു വരികയായിരുന്നു രാജേന്ദ്ര അർലേക്കർ. കഴിഞ്ഞ മാർച്ചിൽ അന്നത്തെ തമിഴ്‌നാട് ഗവർണർ ആർ.എൻ. രവിയെ ബംഗാൾ ഗവർണറായി നിയമിച്ചതിനെ തുടർന്നാണ് അർലേക്കറിന് തമിഴ്‌നാടിന്റെ അധിക ചുമതല നൽകിയിരുന്നത്. പുതിയ ഉത്തരവോടെ അദ്ദേഹം തമിഴ്‌നാടിന്റെ ഔദ്യോഗിക ഗവർണർ പദവി പൂർണ്ണമായി ഏറ്റെടുക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Udumpanchola Vision: നാല് വ്യത്യസ്ത ഇടങ്ങൾ, ഒരേ സമയം! ‘ഉടുമ്പൻചോല വിഷൻ’ ട്രെയിലർ ലോഞ്ച് ശ്രദ്ധ നേടുന്നു

വേറിട്ട ട്രെയിലർ ലോഞ്ചുമായി ശ്രദ്ധ നേടി ‘ഉടുമ്പൻചോല വിഷൻ’. പ്രമുഖ താരങ്ങളായ ഫഹദ് ഫാസിൽ, ടൊവിനോ തോമസ്, ജോജു ജോർജ്, സിദ്ദിഖ് എന്നിവർ ചേർന്ന് നാല് വ്യത്യസ്ത സ്ഥലങ്ങളിൽ വച്ച് ഒരേസമയം ചിത്രത്തിന്റെ ട്രെയിലർ പുറത്തിറക്കി. പരമ്പരാഗത രീതികളിൽ നിന്ന് വേറിട്ടുനിൽക്കുന്ന ഈ വേഗതയാർന്ന ലോഞ്ച് സിനിമാ ലോകത്ത് വലിയ തരംഗമാണ് സൃഷ്ടിച്ചിരിക്കുന്നത്. നാല് ഇടങ്ങളിൽ നടന്ന ലോഞ്ച് ചടങ്ങുകളുടെ ദൃശ്യങ്ങൾ കോർത്തിണക്കിയുള്ള പ്രൊമോ വീഡിയോ നിലവിൽ സോഷ്യൽ മീഡിയയിൽ വൈറലാണ്. ചിത്രം ഒക്ടോബർ 21-ന് തിയേറ്ററുകളിൽ എത്തുമ്പോൾ മികച്ച വിജയമാകട്ടെ എന്ന് താരങ്ങൾ ആശംസിച്ചു. പ്രമുഖ സംവിധായകൻ അൻവർ റഷീദിന്റെ സഹസംവിധായകനായിരുന്ന സലാം ബുഖാരി ആദ്യമായി സ്വതന്ത്ര സംവിധായകനാകുന്ന ചിത്രം ഒരു കംപ്ലീറ്റ് മാസ്സ് എന്റർടെയ്നറായാണ് അണിയറയിൽ ഒരുങ്ങുന്നത്. എ&ആർ മീഡിയ ലാബ്‌സിന്റെയും യു.ബി പ്രൊഡക്ഷൻസിന്റെയും ബാനറുകളിൽ അഷർ അമീർ, റിയാസ് കെ. മുഹമ്മദ് എന്നിവർ ചേർന്നാണ് ചിത്രം നിർമ്മിക്കുന്നത്. മാത്യു തോമസ്, മിലിന്ദ് സോമൻ, ശ്രീനാഥ് ഭാസി, സിദ്ദിഖ്, ദിലീഷ് പോത്തൻ, വിശാഖ് നായർ, അശോകൻ, ജിനു ജോസഫ്, ബാബുരാജ്, സുദേവ് നായർ, അഭിറാം രാധാകൃഷ്ണൻ, ശങ്കർ ഇന്ദുചൂഡൻ, ഷഹീൻ സിദ്ദീഖ്, ഭഗത് മാനുവൽ, ഗബ്രി ജോസ്, ഹസ്ലി അമാൻ തുടങ്ങി വൻ താരനിരയാണ് ചിത്രത്തിലുള്ളത്. ഒപ്പം ചൈതന്യ പ്രകാശ്, ജിജിന രാധാകൃഷ്ണൻ, ശ്രിന്ദ, നീന കുറുപ്പ്, വഫ ഖദീജ റഹ്മാൻ തുടങ്ങിയ പ്രമുഖ നടിമാരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഛായാഗ്രഹണം : വിഷ്ണു തണ്ടാശ്ശേരി, എഡിറ്റിങ്: വിവേക് ഹർഷൻ, സംഗീതം: ഗോപി സുന്ദർ, റൈറ്റർ: അലൻ റോഡ്‍നി, ക്രീയേറ്റീവ് ഡയറക്ടർ &വി എഫ് എക്സ് സൂപ്പർവൈസർ : അഷർ അമീർ, എക്സി.പ്രൊഡ്യൂസർ: ഷിഹാബ് പരാപറമ്പത്ത്, പ്രൊഡക്ഷൻ ഡിസൈൻ: ജോസഫ് നെല്ലിക്കൻ, കോസ്റ്റ്യൂം: സമീറ സനീഷ്, ആലിയ അഷർ മേക്കപ്പ്: റോണക്സ് സേവ്യർ, സ്റ്റണ്ട്: കലൈ കിങ്സൺ, മാഫിയ ശശി, തവസി രാജ്, കോറിയോഗ്രഫി: ഷോബി പോൾരാജ്, ഗാനരചന: വിനായക് ശശികുമാർ, സുഹൈൽ കോയ, ഫൈനൽ മിക്സ്: എംആർ രാജാകൃഷ്ണൻ, സൗണ്ട് ഡിസൈൻ: വിക്കി, പ്രൊഡക്ഷൻ കൺട്രോളർ: വിനോദ് ശേഖർ, ലൈൻ പ്രൊഡ്യൂസർ: സിറാസ് എംപി, സിയാക് ഹംസ, ചീഫ് അസോസിയേറ്റ് ഡയറക്ടർ: കണ്ണൻ ടിജി, അസോസിയേറ്റ് ഡയറക്ടർ: അജ്മൽ ഹംസ, അർജുൻ ഗണേഷ്, വിഎഫ്എക്സ്: എഗ്ഗ് വൈറ്റ്,ടീം വിഎഫ്എക്സ്, ഐ വി എഫ് എക്സ്,സ്റ്റിൽസ്: ആദർശ് കെ രാജ്, അസി.ഡയറക്ടർമാർ: രസ്ന രാജൻ,തോമസ് കുട്ടി രാജു, അഭിരാമി കെ ഉദയ്, രവീണനാഥ് കെ.എൽ, നന്ദന പ്രദീപ് , പബ്ലിസിറ്റി ഡിസൈൻ: സ്പെൽബൗണ്ട് സ്റ്റുഡിയോസ്,ആനിമേഷൻ :എയൂണിയൻസ്,ഡി ഐ :കളർ പ്ലാനറ്റ് സ്റ്റുഡിയോ,പി ആർ ഓ : പ്രതീഷ് ശേഖർ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

അനധികൃത സ്വത്തുസമ്പാദനവും ഹവാല ഇടപാടും: മുൻമന്ത്രി മുഹമ്മദ് റിയാസ് ഒന്നാം പ്രതി, വീണ രണ്ടാം പ്രതി

തിരുവനന്തപുരം: അനധികൃത സ്വത്തുസമ്പാദനത്തിലും വിദേശത്തേക്ക് പണം കടത്തിയ കേസിലും മുൻമന്ത്രി പി.എ. മുഹമ്മദ് റിയാസിനെ ഒന്നാം പ്രതിയാക്കി വിജിലൻസ് കേസ് രജിസ്റ്റർ ചെയ്തു. ഭാര്യ വീണ രണ്ടാം പ്രതിയായ കേസിൽ ഷൈജാൽ മുഹമ്മദ്, പി. നിഖിൽ, ഹസൻ വാരിസ്, വി.പി. ഫൈജാസ്, എം. നന്ദലാൽ, സുബൈർ കരുവാംപൊയിൽ എന്നിവരാണ് മറ്റ് പ്രതികൾ. മന്ത്രിസ്ഥാനം ദുരുപയോഗം ചെയ്ത് അഴിമതിയിലൂടെ സമ്പാദിച്ച കോടികൾ മറ്റു പ്രതികളുമായി ഗൂഢാലോചന നടത്തി വിദേശത്തേക്ക് കടത്തിയെന്നാണ് എഫ്.ഐ.ആറിലെ കണ്ടെത്തൽ. വീണയുടെ വീട്ടിൽ നിന്ന് എൻഫോഴ്സ്മെന്റ് ഡയറക്ടറേറ്റ് (ഇ.ഡി) കണ്ടെടുത്ത കൈപ്പടയിലുള്ള രേഖകളിൽ ഭർത്താവിനായി നടത്തിയ കോടികളുടെ സാമ്പത്തിക ഇടപാടുകളുടെ വിശദാംശങ്ങളുണ്ടെന്നും റിപ്പോർട്ടിൽ വ്യക്തമാക്കുന്നു. ദുബായിൽ തുണിത്തരങ്ങളുടെ കയറ്റുമതി ബിസിനസ് തുടങ്ങാനെന്ന വ്യാജേന പ്രതികൾ ചേർന്ന് ഹവാല ഫണ്ട് വിദേശത്തേക്ക് കടത്തിയതായി വിജിലൻസ് എഫ്.ഐ.ആറിൽ വ്യക്തമാക്കുന്നു. പ്രതികളായ കെ. വാരിസ്, ഷൈജാൽ എന്നിവർ വഴിയാണ് പണം വിദേശത്തേക്ക് അയച്ചത്. ഫൈജാസ് വഴി നടത്തിയ കോടികളുടെ ഹവാല ഇടപാടുകളുടെ വിവരങ്ങൾ വീണയുടെ വീട്ടിൽ നിന്ന് പിടിച്ചെടുത്ത 'റെഡ് ബുക്കിൽ' രേഖപ്പെടുത്തിയിട്ടുണ്ടെന്ന് പോലീസ് കണ്ടെത്തി. 2024-ൽ വീണ നാല് തവണ ദുബായ് സന്ദർശിച്ചിരുന്നുവെന്നും, ബെനാമി ഷെൽ കമ്പനികൾ രൂപീകരിച്ച് കോടികൾ വിദേശത്തേക്ക് കടത്താനാണ് ഈ യാത്രകൾ ഉപയോഗിച്ചതെന്നുമാണ് വിജിലൻസിന്റെ പ്രധാന ആരോപണം. 2024 മേയിൽ റിയാസും വീണയ്ക്കൊപ്പം ദുബായ് സന്ദർശിച്ചിരുന്നു. റിയാസിന്റെ നേരിട്ടുള്ള നിർദ്ദേശപ്രകാരമാണ് കോടികളുടെ ഹവാല ഇടപാടുകൾ നടന്നതെന്നും, ഇതിന്റെ ആശയവിനിമയത്തിനായി 'നമ്മൾ ബേപ്പൂർ കോർ ടീം' എന്ന പേരിൽ 16 അംഗ വാട്സാപ്പ് ഗ്രൂപ്പ് ഉണ്ടാക്കിയിരുന്നുവെന്നും റിപ്പോർട്ടിൽ പറയുന്നു. പ്രത്യേകിച്ച് വരുമാനമൊന്നുമില്ലാതെ മന്ത്രിമന്ദിരത്തിൽ കഴിഞ്ഞിരുന്ന കാലയളവിലാണ് കണക്കിൽപ്പെടാത്ത കോടികളുടെ സാമ്പത്തിക രേഖകൾ ഇവർ സൂക്ഷിച്ചിരുന്നത്. റിയാസ് മന്ത്രി പദവി ദുരുപയോഗം ചെയ്ത് അനധികൃത സ്വത്തുസമ്പാദനം നടത്തിയെന്ന് വ്യക്തമാക്കിയ വിജിലൻസ്, അഴിമതി നിരോധന നിയമത്തിലെ 13(2), 13(1)B, ബി.എൻ.എസ് (BNS) 61(2), 3(5) എന്നീ ഗുരുതര വകുപ്പുകളാണ് പ്രതികൾക്കെതിരെ ചുമത്തിയിട്ടുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

IV Drip Therapy: നവരാത്രി ആഘോഷങ്ങളിൽ ട്രെൻഡായി ഐവി ഡ്രിപ്പ് തെറാപ്പി; മുന്നറിയിപ്പുമായി ഡോക്ടർമാർ

Jantar Mantar: ജന്തർ മന്തറിനെ സമരവേദിയിൽ നിന്ന് ഒഴിവാക്കിയ നടപടിക്കെതിരെ സിജെപി; രാജ്യം മുഴുവൻ ജന്തർ മന്തറായി മാറുമെന്ന് മുന്നറിയിപ്പ്

ന്യൂഡൽഹി: ജന്തർ മന്തറിനെ ഔദ്യോഗിക പ്രതിഷേധ വേദികളുടെ പട്ടികയിൽ നിന്ന് ഒഴിവാക്കിയ ഡൽഹി പൊലീസ് നടപടിക്കെതിരെ കോക്റോച്ച് ജനതാ പാർട്ടി (സി.ജെ.പി) രംഗത്ത്. ജനങ്ങളുടെ മൗലികാവകാശങ്ങൾക്ക് മേലുള്ള കടന്നുകയറ്റവും ഏകാധിപത്യ പ്രവണതയുമാണ് ഈ തീരുമാനമെന്ന് സി.ജെ.പി കൺവീനർ അഭിജീത് ദീപ്കെയും കോ-കൺവീനർ സൗരവ് ദാസും വ്യക്തമാക്കി. ആരോടും മുൻകൂർ കൂടിയാലോചന നടത്താതെ കേന്ദ്ര ആഭ്യന്തര മന്ത്രാലയമാണ് ഏകപക്ഷീയമായി ഈ തീരുമാനം കൈക്കൊണ്ടതെന്ന് നേതാക്കൾ ആരോപിച്ചു. സർക്കാരിന്റെ ഈ നീക്കത്തിനെതിരെ എക്സ് പ്ലാറ്റ്‌ഫോമിലൂടെയാണ് സി.ജെ.പി കടുത്ത പ്രതിഷേധം രേഖപ്പെടുത്തിയത്. ജന്തർ മന്ദിർ ഇന്ത്യയിലെ ജനങ്ങളുടെ സ്വത്താണെന്നും വരും ദിവസങ്ങളിൽ രാജ്യം മുഴുവൻ ജന്തർ മന്തറായി മാറുമെന്നും സി.ജെ.പി നേതൃത്വം മുന്നറിയിപ്പ് നൽകി. രാജ്യതലസ്ഥാനത്തെ ജനകീയ പ്രതിഷേധങ്ങളെ നിയന്ത്രിക്കുന്നതിന്റെ ഭാഗമായി പതിറ്റാണ്ടുകളായി ഡൽഹിയിലെ പ്രധാന സമരകേന്ദ്രമായിരുന്ന ജന്തർ മന്തറിനെ ഔദ്യോഗിക പ്രതിഷേധ വേദികളുടെ പട്ടികയിൽ നിന്ന് പോലീസ് പൂർണ്ണമായും ഒഴിവാക്കുകയാണ് ചെയ്തത്. ജന്തർ മന്തറിന് പകരം രാംലീല മൈതാൻ, ബുരാരി ഗ്രൗണ്ട്, ഈസ്റ്റ് ഡൽഹിയിലെ സി.ബി.ഡി (CBD) ഗ്രൗണ്ട് എന്നീ മൂന്ന് കേന്ദ്രങ്ങളാണ് പ്രതിഷേധങ്ങൾക്കായി പുതുതായി അനുവദിച്ചിട്ടുള്ളത്. സമരങ്ങൾ തടസ്സമില്ലാതെ നടത്താൻ ബദൽ വേദികൾ കണ്ടെത്തണമെന്ന സുപ്രീം കോടതി നിർദ്ദേശവും കേന്ദ്ര ആഭ്യന്തര മന്ത്രാലയ സമിതിയുടെ ശുപാർശയും പരിഗണിച്ചാണ് ഈ നടപടി. ഇതിനായി 2022 ഏപ്രിൽ 28-ലെ ഉത്തരവ് പോലീസ് ഭേദഗതി ചെയ്തു. പാർലമെന്റിനും പ്രധാന കേന്ദ്ര ഓഫീസുകൾക്കും സമീപമുള്ള സമരവേദി മാറ്റിയത് പ്രതിപക്ഷ ശബ്ദങ്ങളെ ഇല്ലാതാക്കാനാണെന്ന വിമർശനം ശക്തമാകുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Chalo Delhi March: 'ചലോ ഡൽഹി' മാർച്ച് തടഞ്ഞു, സംഘർഷം; ഗ്യാനേഷിനെതിരെ ഹർജി സമ‍ർപ്പിച്ച് രാഹുൽ ഗാന്ധി

ന്യൂഡൽഹി: 'വോട്ട് ചോരി' ആരോപണങ്ങളിൽ മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം സംഘടിപ്പിച്ച 'ഡൽഹി ചലോ' മാർച്ച് സുപ്രീം കോടതിക്ക് സമീപം സംഘർഷഭരിതമായി. സുപ്രീം കോടതിക്ക് 200 മീറ്റർ അകലെ ശക്തമായ ബാരിക്കേഡുകൾ നിരത്തി പോലീസ് പ്രതിഷേധക്കാരെ തടഞ്ഞതോടെയാണ് രാജ്യതലസ്ഥാനത്ത് വീണ്ടും സംഘർഷമുടലെടുത്തത്. ബാരിക്കേഡുകൾ മറികടക്കാൻ ശ്രമിച്ച പ്രവർത്തകരെ പോലീസ് ബലം പ്രയോഗിച്ച് തള്ളിമാറ്റിയതോടെ പലതവണ ഉന്തും തള്ളുമുണ്ടായി. ഫുട്പാത്തിൽ നിന്നവരെ വരെ പോലീസ് ഒഴിപ്പിക്കാനും പ്രവർത്തകരെ വലിച്ചിഴച്ച് നീക്കാനും ശ്രമിച്ചതോടെ സ്ഥിതിഗതികൾ വഷളായി. എന്നാൽ സംഘർഷത്തിലേക്ക് കടക്കരുതെന്നും ശാന്തരാകണമെന്നും മുതിർന്ന നേതാക്കൾ പ്രവർത്തകർക്ക് നിർദ്ദേശം നൽകി. ഇന്ത്യ സഖ്യത്തിന്റെ സുപ്രീം കോടതി മാർച്ചതിനിടയിൽ സി.ഇ.സി ഗ്യാനേഷ് കുമാറിനെതിരെ രാഹുൽ ഗാന്ധി ഹർജി സമർപ്പിച്ചു. രാഹുൽ ഗാന്ധിക്ക് വേണ്ടി അദ്ദേഹത്തിന്റെ അഭിഭാഷകരാണ് വൈകിട്ട് 4:45-ഓടെ സുപ്രീം കോടതിയിൽ ഹർജി ഫയൽ ചെയ്തത്. എസ്.ഐ.ആർ (SIR) ഉൾപ്പെടെയുള്ള തെരഞ്ഞെടുപ്പ് കമ്മീഷന്റെ പ്രധാന തീരുമാനങ്ങളെ ചോദ്യം ചെയ്തുകൊണ്ടാണ് ഹർജി സമർപ്പിച്ചിരിക്കുന്നത്. മുഖ്യ തെരഞ്ഞെടുപ്പ് കമ്മീഷണർ ഏകപക്ഷീയമായ തീരുമാനങ്ങൾ നടപ്പിലാക്കുന്നുവെന്ന ഗുരുതരമായ ആരോപണങ്ങളും ഹർജിയിൽ ഉന്നയിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Nobel Prize 2026: കേന്ദ്ര ബാങ്കുകൾക്ക് കരുത്തായ കണ്ടെത്തലുകൾ; സാമ്പത്തികശാസ്ത്ര നൊബേൽ പ്രഖ്യാപിച്ചു

സാമ്പത്തികശാസ്ത്രത്തിനുള്ള ഈ വർഷത്തെ നൊബേൽ പുരസ്കാരം പ്രഖ്യാപിച്ചു. അമേരിക്കൻ സാമ്പത്തികശാസ്ത്രജ്ഞരായ റോബർട്ട് ഇ. ഹാൾ, മൈക്കൾ വുഡ്ഫോർഡ് എന്നിവർക്കാണ് പുരസ്കാരം ലഭിച്ചത്. മാക്രോ ഇക്കണോമിക്സ് സ്ഥിരത കൈവരിക്കുന്നതിനുള്ള സൂക്ഷ്മ സാമ്പത്തിക അടിത്തറയെക്കുറിച്ചുള്ള (Microeconomic foundations of Macroeconomic Stabilization) ഗവേഷണത്തിനാണ് ഇവർക്ക് ഈ അംഗീകാരം ലഭിച്ചത്. കലിഫോർണിയയിലെ സ്റ്റാൻഫോർഡ് സർവകലാശാലയുമായി ബന്ധപ്പെട്ടാണ് റോബർട്ട് പ്രവർത്തിക്കുന്നത് അതേസമയം മൈക്കൾ കോളംബിയ സർവകലാശാലയിലും. ഊർജ്ജ പ്രതിസന്ധികൾ പോലുള്ള സാമ്പത്തിക പ്രഹരങ്ങളെ നേരിടാൻ ലോകമെമ്പാടുമുള്ള സർക്കാരുകൾക്കും സെൻട്രൽ ബാങ്കുകൾക്കും കരുത്തുനൽകുന്നതാണ് ഇവരുടെ കണ്ടെത്തലുകൾ.

Nedumbassery Car Accident: നെടുമ്പാശേരി അപകടം: പ്രതികളായ സുഹൈലിനെയും നിനവിനെയും ബോർസ്റ്റൽ സ്കൂളിലേക്ക് മാറ്റി

കൊച്ചി: നെടുമ്പാശേരിയിൽ മൂന്നുപേരുടെ മരണത്തിനിടയാക്കിയ കാറപകടത്തിൽ അറസ്റ്റിലായ സുഹൈലിനെയും സുഹൃത്ത് നിനവിനെയും കാക്കനാട് ദുർഗുണപരിഹാര പാഠശാലയിലേക്ക് (ബോർസ്റ്റൽ സ്കൂൾ) മാറ്റി. ഇന്നലെ രാത്രി ആലുവ മജിസ്ട്രേട്ടിന് മുന്നിൽ ഹാജരാക്കിയ സുഹൈലിനെ 14 ദിവസത്തേക്ക് റിമാൻഡ് ചെയ്തിരുന്നു. ഇതിന് പിന്നാലെയാണ് ജയിലിനോട് ചേർന്നുള്ള ഈ കേന്ദ്രത്തിലേക്ക് മാറ്റിയത്. ഇരുവർക്കും 19 വയസ്സായതിനാലും ജയിൽ ചട്ടങ്ങൾ പാലിച്ചുകൊണ്ടുമാണ് നടപടിയെന്ന് നെടുമ്പാശേരി പോലീസ് വ്യക്തമാക്കി. 18-നും 21-നും ഇടയിൽ പ്രായമുള്ളവർ അറസ്റ്റിലായാൽ ജയിലിലെ സാധാരണ സെല്ലിലല്ല, ദുർഗുണപരിഹാര പാഠശാലയിലാണ് പ്രവേശിപ്പിക്കുന്നത് എന്ന് ജയിൽ ഡി.ജി.പി. എസ്. ശ്രീജിത്ത് വിശദീകരിച്ചു. ] കേസിൽ നിർണായക വെളിപ്പെടുത്തൽ നടത്തിയിരിക്കുകയാണ് പ്രതി സുഹൈൽ സജീവ്. അമിതവേഗത്തിലാണ് താൻ കാറോടിച്ചിരുന്നതെന്നും മദ്യലഹരിയിലായിരുന്നുവെന്നും ആലപ്പുഴ ആലിശേരി സ്വദേശിയായ സുഹൈൽ പോലീസിനോട് സമ്മതിച്ചു. എയർപോർട്ട് റോഡിലൂടെ മണിക്കൂറിൽ 120 കിലോമീറ്റർ വേഗതയിലാണ് വാഹനം ഓടിച്ചിരുന്നതെന്നാണ് പ്രതിയുടെ മൊഴി. അപകടസമയത്തെ കാറിന്റെ കൃത്യമായ വേഗത കണ്ടെത്താൻ വിദഗ്ധ പരിശോധന നടത്തുമെന്ന് പോലീസ് അറിയിച്ചു. ഇന്നലെ പുലർച്ചെ 2 മണിയോടെ അത്താണി എയർപോർട്ട് സിഗ്നൽ കവലയ്ക്ക് സമീപമായിരുന്നു അപകടം നടന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

INDIA Bloc March: സുപ്രീം കോടതിയിലേക്ക് ഇന്ത്യ സഖ്യത്തിന്റെ മാർച്ച്; രാഹുലും ഖാർഗെയും പ്രിയങ്കയും മുൻനിരയിൽ

ന്യൂഡൽഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും 'വോട്ട് ചോരി' ആരോപണങ്ങൾക്കെതിരെയും രാജ്യതലസ്ഥാനത്ത് പ്രതിപക്ഷത്തിന്റെ ശക്തമായ പ്രതിഷേധം. സുപ്രീം കോടതിയിലേക്ക് ഇന്ത്യ സഖ്യം പ്രഖ്യാപിച്ച മാർച്ച് ഡൽഹിയിൽ ആരംഭിച്ചു. ലോക്‌സഭാ പ്രതിപക്ഷ നേതാവ് രാഹുൽ ഗാന്ധി, കോൺഗ്രസ് അധ്യക്ഷൻ മല്ലികാർജ്ജുൻ ഖർഗെ, സി.പി.എം ജനറൽ സെക്രട്ടറി എം.എ. ബേബി, പ്രിയങ്ക ഗാന്ധി തുടങ്ങി എം.പിമാരും നേതാക്കളും മാർച്ചിൽ അണിനിരന്നിട്ടുണ്ട്. ബസുകളിലായാണ് നേതാക്കൾ സുപ്രീം കോടതി പരിസരത്തേക്ക് നീങ്ങുന്നത്. പോലീസ് തടയുന്നിടം സമരവേദിയാക്കാനാണ് സഖ്യത്തിന്റെ തീരുമാനം. ചീഫ് ജസ്റ്റിസിനെ നേരിൽ കണ്ട് നിവേദനം നൽകാനാണ് ഇന്ത്യ സഖ്യത്തിന്റെ പദ്ധതി. ഭരണഘടന സംരക്ഷിക്കാൻ എല്ലാവരും തെരുവിൽ അണിനിരക്കണമെന്ന് രാഹുൽ ഗാന്ധി ആഹ്വാനം ചെയ്തു. അതേസമയം തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ സുപ്രീം കോടതിയിൽ ഹർജി സമർപ്പിക്കുമെന്ന് രാഹുൽ ഗാന്ധി വ്യക്തമാക്കിയിരുന്നു. 'വോട്ട് ചോരി' ആരോപണങ്ങളിൽ ഗ്യാനേഷ് കുമാറിനെതിരെ രൂക്ഷവിമർശനമാണ് രാഹുൽ ഗാന്ധി ഉന്നയിക്കുന്നത്. കേസിൽ ഗ്യാനേഷ് കുമാർ 'മാപ്പുസാക്ഷി' ആകണമെന്ന് രാഹുൽ ഗാന്ധി പറഞ്ഞു. തെരഞ്ഞെടുപ്പ് കമ്മീഷന്റെ പ്രവർത്തനങ്ങളിൽ നിഷ്പക്ഷതയില്ലെന്നാണ് ആരോപണം. ഇതിനെതിരെ നിയമപോരാട്ടവും പ്രതിഷേധവും ശക്തമാക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

FSSAI: മദ്യത്തിൽ സിന്തറ്റിക് ഫ്ലേവറുകളും തെറ്റായ ലേബലുകളും: നിർമ്മാതാക്കൾക്ക് FSSAI-യുടെ കർശന മുന്നറിയിപ്പ്

ഇന്ത്യയിലെ ഭക്ഷ്യ സുരക്ഷാ റെഗുലേറ്ററായ ഫുഡ് സേഫ്റ്റി ആൻഡ് സ്റ്റാൻഡേർഡ്സ് അതോറിറ്റി ഓഫ് ഇന്ത്യ (FSSAI) മദ്യ നിർമ്മാതാക്കൾക്കെതിരെ കർശന നടപടി സ്വീകരിച്ചു. അനധികൃത ഫ്ലേവറുകളുടെ ഉപയോഗവും ലേബലുകളിൽ തെറ്റിദ്ധാരണ ജനിപ്പിക്കുന്ന രീതിയിൽ പഴക്കവുമായി ബന്ധപ്പെട്ട അവകാശവാദങ്ങൾ ഉന്നയിച്ചതിനുമാണ് മദ്യ നിർമ്മാതാക്കൾക്ക് അതോറിറ്റി നോട്ടീസ് അയച്ചത്. 2018-ലെ ഭക്ഷ്യസുരക്ഷാ മാനദണ്ഡങ്ങൾ (ആൽക്കഹോളിക് ബിവറേജസ്) ചട്ടങ്ങളുടെ ലംഘനങ്ങൾ കണ്ടെത്തിയതിനെ തുടർന്നാണ് നോട്ടീസുകൾ പുറപ്പെടുവിച്ചത്. എന്താണ് പറയുന്നത്? 2006-ലെ എഫ്എസ്എസ് നിയമത്തിലെയും അതിന്റെ കീഴിലുള്ള ചട്ടങ്ങളിലെയും വ്യവസ്ഥകൾ പ്രകാരം നടപടി സ്വീകരിക്കാതിരിക്കാൻ കാരണമുണ്ടെങ്കിൽ അത് വ്യക്തമാക്കിക്കൊണ്ട് വിശദീകരണം സമർപ്പിക്കാനും ചട്ടങ്ങൾ പാലിക്കുന്നുവെന്ന് ഉറപ്പുവരുത്താനും ബന്ധപ്പെട്ട കമ്പനികൾക്ക് നിർദ്ദേശം നൽകി. പ്രകൃതിദത്ത മദ്യങ്ങളുടെ രുചിയും ഗന്ധവും അനുകരിക്കാൻ സിന്തറ്റിക് ഫ്ലേവറുകൾ ഉപയോഗിക്കുന്നതിനെതിരെ എഫ്എസ്എസ്എഐയുടെ മുന്നറിയിപ്പ്. റം, ബ്രാണ്ടി, ജിൻ, ഗ്രെയിൻ വിസ്കി, വൈൻ, ബിയർ തുടങ്ങിയ മദ്യങ്ങളുടെ പ്രകൃതിദത്തമായ സവിശേഷതകൾ അനുകരിക്കുന്നതിനായി മദ്യ നിർമ്മാതാക്കൾ ഫ്ലേവറിങ് വസ്തുക്കൾ ചേർക്കുന്നുണ്ടെന്ന് എഫ്എസ്എസ്എഐ വ്യക്തമാക്കി. മദ്യത്തിന് യഥാർത്ഥവും സ്വാഭാവികവുമായ സ്വഭാവഗുണമുള്ള രുചിയും മണവും മാത്രമായിരിക്കണമെന്ന നിർദ്ദേശത്തിന് വിരുദ്ധമാണിത്. മദ്യത്തിന്റെ പ്രായം ആൽക്കഹോളിക് ബെവറേജസ് റെഗുലേഷൻസ് ചട്ടത്തിലെ 13.7 വകുപ്പ് പാലിക്കാതെ മദ്യക്കുപ്പിയിൽ പ്രായം സൂചിപ്പിക്കുന്നതിനായി പര്യായപദങ്ങളോ പരോക്ഷമായ കാര്യങ്ങളോ കമ്പനികൾ ഉപയോഗിക്കുന്നതായി എഫ്എസ്എസ്എഐ കണ്ടെത്തി. 'ഏജ്ഡ്' ലേബൽ ചെയ്തിരിക്കുന്ന പല കുപ്പിയിലെയും സ്പിരിറ്റിന്റെ കാലപ്പഴക്കമല്ല പ്രതിഫലിപ്പിച്ചിരിക്കുന്നത്. ഇത് ചട്ടങ്ങളുടെ ലംഘനമാണ്. 2006-ലെ ഭക്ഷ്യ സുരക്ഷാ ഗുണനിലവാര നിയമവും അതിനു കീഴിൽ രൂപീകരിച്ച ചട്ടങ്ങളും അനുസരിച്ച് കമ്പനികൾക്കെതിരെ എന്തുകൊണ്ട് നടപടിയെടുക്കരുതെന്ന് കാണിച്ച് വിശദീകരണം നൽകാനും കമ്പനികൾക്ക് നിർദ്ദേശം നൽകി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

RCC Thiruvananthapuram Jobs: റീജിയണൽ കാൻസർ സെന്ററിൽ സ്റ്റാഫ് നഴ്സ് തസ്തികയിൽ 25 ഒഴിവുകൾ

RCC Thiruvananthapuram Recruitment 2026: റീജിയണൽ കാൻസർ സെന്ററിൽ സ്റ്റാഫ് നഴ്സ് തസ്തികയിൽ നിരവധി ഒഴിവുകൾ. തിരുവനന്തപുരം റീജിയണൽ കാൻസർ സെന്ററിലാണ് ഒഴിവുകൾ. 25 ഒഴിവുകളാണ്. നഴ്‌സിങ്ങിൽ ബിരുദം ഉള്ളവർക്ക് അപേക്ഷിക്കാം. നിയമനം നടത്തുന്നത് താൽക്കാലിലെ അടിസ്ഥാനത്തിൽ ഒരു വർഷത്തേക്കാണ്. ചിലപ്പോൾ കരാർ 3 വർഷത്തേക്ക് നീട്ടിയേക്കാം. ഒക്ടോബർ 19 നുള്ളിൽ യോഗ്യതയുള്ളവർ അപേക്ഷകൾ സമർപ്പിക്കണം. ആകെ ഒഴിവുകൾ: 25 പോസ്റ്റ്: റെസിഡന്റ് സ്റ്റാഫ് നഴ്സ് ശമ്പളം: 20000 രൂപ പ്രതിമാസം വിദ്യാഭ്യാസ യോഗ്യത: BSc നഴ്‌സിംഗ് അല്ലെങ്കിൽ ജനറൽ നഴ്‌സിങ്ങും രണ്ടു വർഷത്തെ പ്രവൃത്തി പരിചയവും. കേരളം നഴ്‌സസ് ആൻഡ് മിഡ്‌വൈവ്സ് കോൺസിൽ രജിസ്‌ട്രേഷൻ നിർബന്ധമാണ്. പ്രായപരിധി: 30 വയസിൽ താഴെ ആയിരിക്കണം. പക്ഷെ SC/ST/OBC അപേക്ഷകർക്ക് നിയമാനുസൃതമായ ഇളവുകൾ ഉണ്ടാകും. ജോലിയുടെ കാലാവധി നിലവിൽ 1 വർഷം ആണെങ്കിലും. പ്രകടന മികവിന്റെ അടിസ്ഥാനത്തിൽ അത് 3 വര്ഷം വരെ നീട്ടിയേക്കാം. അപേക്ഷകരുടെ എണ്ണം 25 ൽ കൂടിയാൽ 50 മാർട്ടിപ്പിൽ ചോയ്‌സ് ചോദ്യങ്ങൾ അടങ്ങിയ എഴുത്തുപരീക്ഷയുടെയും പവൃത്തിപരിചയത്തിന്റെയും അടിസ്ഥാനത്തിലായിരിക്കും തിരഞ്ഞെടുക്കുക. ജനറൽ/ഒബിസി വിഭാഗങ്ങൾക്ക് 200 രൂപയും SC/ST വിഭാഗങ്ങൾക്ക് 100 രൂപയുമാണ് അപേക്ഷാ ഫീസ്. ആപേക്ഷിക്കേണ്ടത് ആവശ്യമായ സർട്ടിഫിക്കറ്റുകളുടെ കോപ്പികൾ സെല്ഫ് അറ്റസ്റ്റ് ചെയ്ത് ഓൺലൈൻ ആയി അപേക്ഷിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.