Today's Horoscope: 12 രാശികൾക്കും ഇന്നത്തെ ദിവസം എങ്ങനെ? അറിയാം സമ്പൂർണ രാശിഫലം

മേടം രാശിക്കാർക്ക് ഇന്ന് അനുകൂല ദിവസമാണ്. പുതിയ സംരംഭങ്ങൾക്ക് നല്ല സമയമാണ്. ജോലിയിൽ ഉത്തരവാദിത്തങ്ങൾ കൂടും. സാമ്പത്തിക നേട്ടത്തിന് സാധ്യതയുണ്ട്. കുടുംബത്തിൽ സന്തോഷകരമായ അന്തരീക്ഷം നിലനിൽക്കും. ഇടവം രാശിക്കാർക്ക് ഇന്ന് സമ്മിശ്ര ഫലങ്ങൾ നിറഞ്ഞ ദിവസമായിരിക്കും. മാനസിക വിഷമങ്ങൾക്ക് സാധ്യതയുണ്ട്. അനാവശ്യ ചെലവുകൾ നിയന്ത്രിക്കുക. ജോലിസ്ഥലത്ത് തർക്കങ്ങളിൽ നിന്ന് വിട്ടുനിൽക്കുക. വാഹനം ഉപയോഗിക്കുമ്പോഴും യാത്രകളിലും ജാഗ്രത വേണം. മിഥുനം രാശിക്കാർക്ക് ഇന്ന് അവർ ആഗ്രഹിച്ച കാര്യങ്ങൾ നടപ്പിലാക്കാനാകും. ബിസിനസ്സിലും തൊഴിൽ മേഖലയിലും പുരോഗതിയുണ്ടാകും. സാമ്പത്തിക സ്ഥിതി മെച്ചപ്പെടും. ബന്ധുക്കളിൽ നിന്നും സുഹൃത്തുക്കളിൽ നിന്നും പിന്തുണ ലഭിക്കും. കർക്കിടകം രാശിക്കാർക്ക് ഇന്ന് തൊഴിൽ രംഗത്ത് പ്രശംസ പിടിച്ചുപറ്റാൻ സാധിക്കും. സന്തോഷവും സമാധാനവുമുണ്ടാകും. മുടങ്ങിക്കിടന്ന കാര്യങ്ങൾ പുനരാരംഭിക്കും. ആരോഗ്യനില തൃപ്തികരമായിരിക്കും. ചിങ്ങം രാശിക്കാർ ഇന്ന് കർമ്മരംഗത്ത് കൂടുതൽ ശ്രദ്ധ നൽകണം. സാമ്പത്തിക ഇടപാടുകളിൽ ശ്രദ്ധിക്കുക. പ്രധാനപ്പെട്ട തീരുമാനങ്ങൾ എടുക്കുന്നത് മാറ്റിവെക്കുന്നതായിരിക്കും നല്ലത്. അനാവശ്യ ചിന്തകൾ ഒഴിവാക്കാൻ ശ്രമിക്കുക. കന്നി രാശിക്കാർക്ക് ഇന്ന് സാമ്പത്തിക സ്ഥിതി അനുകൂലമായിരിക്കും. ചെയ്യുന്ന കാര്യങ്ങളിൽ കൃത്യത പുലർത്താൻ സാധിക്കും. ദാമ്പത്യ ജീവിതത്തിൽ സന്തോഷമുണ്ടാകും. ആരോഗ്യം ശ്രദ്ധിക്കുക. തുലാം രാശിക്കാർക്ക് ഇന്ന് പുതിയ അവസരങ്ങൾ തേടിയെത്തും. ബിസിനസിൽ ലാഭമുണ്ടാകും. ആരോഗ്യം തൃപ്തികരമായിരിക്കും. നല്ല വാർത്തകൾ കേൾക്കാനിടയാകും. വൃശ്ചികം രാശിക്കാർക്ക് ഇന്ന് ജോലിയിലെ പ്രതിസന്ധികൾ നീങ്ങും. പ്രതിബന്ധങ്ങളെ തരണം ചെയ്ത് മുന്നേറാൻ സാധിക്കും. സഹപ്രവർത്തകരുടെ പിന്തുണയുണ്ടാകും. ആരോഗ്യം ശ്രദ്ധിക്കണം. ദൂരയാത്രകൾ ഒഴിവാക്കുക. ധനു രാശിക്കാർക്ക് ഇന്ന് ഭാഗ്യമുള്ള ദിവസമാണ്. ധനലാഭത്തിന് സാധ്യതയുണ്ട്. നിക്ഷേപങ്ങൾക്ക് അനുയോജ്യമായ സമയമാണ്. മകരം രാശിക്കാർക്ക് ജോലിഭാരം വർധിക്കും. കഠിനാധ്വാനത്തിന് ഫലമുണ്ടാകും. സാമ്പത്തിക സ്ഥിതി അനുകൂലമായിരിക്കും. കുംഭം രാശിക്കാർ ഇന്ന് പുതിയ പദ്ധതികൾ ആസൂത്രണം ചെയ്യും. സാമ്പത്തിക കാര്യങ്ങളിൽ വ്യക്തതയുണ്ടാകും. സുഹൃത്തുക്കളുമായി ഒത്തുചേരലുകൾക്ക് സാധ്യത കാണുന്നുണ്ട്. മീനം രാശിക്കാർക്ക് ഇന്ന് അനുകൂല ദിവസമാണ്. ഉദ്ദേശിച്ച കാര്യങ്ങൾ എളുപ്പത്തിൽ സാധ്യമാകും ഇന്നത്തെ ദിവസം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Updates: മഴയ്ക്ക് ശമനം? സംസ്ഥാനത്ത് ഇന്ന് 2 ജില്ലകളിൽ യെല്ലോ അലർട്ട്

തിരുവനന്തപുരം: സംസ്ഥാനത്ത് ഇന്നും മഴ തുടരും. രണ്ട് ജില്ലകളിൽ യെല്ലോ അലർട്ട് പ്രഖ്യാപിച്ചു. കോട്ടയം, ഇടുക്കി ജില്ലകളിലാണ് ഇന്ന് അലർട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളിൽ പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്. അതേസമയം ഈ മണിക്കൂറുകളിൽ കേരളത്തിലെ കോഴിക്കോട്, കണ്ണൂർ, കാസർകോട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഒറ്റപ്പെട്ടയിടങ്ങളിൽ ഇന്ന് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നാണ് പ്രവചനം. മണിക്കൂറിൽ 30-40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. നവംബർ 09 മുതൽ നവംബർ 11 വരെ ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ജാഗ്രതാ നിർദേശങ്ങൾ ഇടിമിന്നൽ അപകടകാരികളാണ്. അവ മനുഷ്യൻറെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതിൽ നിന്നും വിട്ടുനിൽക്കരുത്. – ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും. – ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക. – ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക. – ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല. – അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക. – ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്. – ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നത് വരെ സുരക്ഷിതമായ ഒരു കെട്ടിടത്തിൽ അഭയം തേടുകയും വേണം. – മഴക്കാറ് കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്. – കാറ്റിൽ മറിഞ്ഞു വീഴാൻ സാധ്യതയുള്ള വസ്തുക്കൾ കെട്ടി വെക്കുക. – ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം. – ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല. കാർമേഘങ്ങൾ കണ്ട് തുടങ്ങുമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്ക്കണം. – പട്ടം പറത്തുന്നത് ഒഴിവാക്കുക. – ഇടിമിന്നലുള്ള സമയത്ത്‌ ടെറസിലോ മറ്റ്‌ ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത്‌ അപകടകരമാണ്‌. – വളർത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുന്ന സമയത്ത് പോകരുത്. ഇത് നിങ്ങൾക്ക് ഇടിമിന്നലേൽക്കാൻ കാരണമായേക്കാം. – അടുത്തുള്ള കെട്ടിടത്തിലേക്ക് മാറാൻ സാധിക്കാത്ത വിധത്തിൽ തുറസായ സ്ഥലത്താണങ്കിൽ പാദങ്ങൾ ചേർത്തുവച്ച്‌ തല, കാൽ മുട്ടുകൾക്ക്‌ ഇടയിൽ ഒതുക്കി പന്തുപോലെ ഉരുണ്ട്‌ ഇരിക്കുക. – ഇടിമിന്നലിൽനിന്ന് സുരക്ഷിതമാക്കാൻ കെട്ടിടങ്ങൾക്കു മുകളിൽ മിന്നൽ രക്ഷാ ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സർജ് പ്രൊട്ടക്ടർ ഘടിപ്പിക്കാം. – മിന്നലിന്റെ ആഘാതത്താൽ പൊള്ളൽ ഏൽക്കുകയോ കാഴ്ച്ചയോ കേൾവിയോ നഷ്ടമാവുകയോ ഹൃദയാഘാതം സംഭവിയ്ക്കുകയോ വരെ ചെയ്യാം. മിന്നലാഘാതം ഏറ്റ ആളിന്റെ ശരീരത്തിൽ വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാൽ മിന്നലേറ്റ ആളിന്‌ പ്രഥമ ശുശ്രൂഷ നൽകുവാൻ മടിക്കരുത്‌. മിന്നൽ ഏറ്റാൽ ആദ്യ മുപ്പത്‌ സെക്കൻഡ് ജീവൻ രക്ഷിക്കാനുള്ള സുവർണ നിമിഷങ്ങളാണ്. മിന്നലേറ്റ ആളിന് ഉടൻ വൈദ്യ സഹായം എത്തിക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Poland Shooting: പോളണ്ടിൽ വെടിവെയ്പിൽ അഞ്ച് പേർ കൊല്ലപ്പെട്ടു; അക്രമിയെ പോലീസ് വെടിവെച്ച് വീഴ്ത്തി

പോളണ്ടിൽ വെടിവെയ്പിൽ അഞ്ച് പേർ കൊല്ലപ്പെട്ടു. ക്രാക്കോവ് നഗരത്തിലെ മാർക്കറ്റ് ചത്വരത്തിലുണ്ടായ വെടിവെയ്പിൽ പന്ത്രണ്ടോളം പേർക്ക് പരിക്കേറ്റു. ശനിയാഴ്ച പ്രദേശിക സമയം ഉച്ചകഴിഞ്ഞ് മൂന്ന് മണിയോടെയാണ് അക്രമി വെടിവെയ്പ് നടത്തിയത്. കാറോടിച്ചെത്തിയ അക്രമി യാതൊരു പ്രകോപനവും കൂടാതെ വാഹനത്തിനുള്ളിൽ നിന്ന് ആളുകൾക്ക് നേരെ വെടിയുതിർക്കുകയായിരുന്നുവെന്ന് എക്സിൽ പങ്കുവച്ച കുറിപ്പിൽ പോലീസ് വ്യക്തമാക്കി. അക്രമിയെന്ന് സംശയിക്കുന്നയാളെ വെടിവച്ചുവീഴ്ത്തി പിടികൂടി ആശുപത്രിയിലേക്ക് മാറ്റിയതായി പോലീസ് അറിയിച്ചു. പരിക്കേറ്റവരിൽ പോലീസ് ഉദ്യോഗസ്ഥരും ഉൾപ്പെടുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Rain Alert: സംസ്ഥാനത്ത് മഴ ശക്തമാകുന്നു; ഏഴ് ജില്ലകളിൽ യെല്ലോ അലർട്ട്

തിരുവനന്തപുരം: സംസ്ഥാനത്ത് മഴ ശക്തമാകുമെന്ന് മുന്നറിയിപ്പ്. ഏഴ് ജില്ലകളിൽ യെല്ലോ അലർട്ട് പുറപ്പെടുവിച്ചു. തിരുവനന്തപുരം, പത്തനംതിട്ട, കൊല്ലം, കോട്ടയം, ആലപ്പുഴ, എറണാകുളം, ഇടുക്കി എന്നീ ജില്ലകളിലാണ് യെല്ലോ അലർട്ട്. ഒറ്റപ്പെട്ട ശക്തമായ മഴയുണ്ടാകുമെന്നാണ് മുന്നറിയിപ്പിൽ വ്യക്തമാക്കുന്നത്. സംസ്ഥാനത്ത് ഇന്നും നാളെയും ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്. നാളെയും ശക്തമായ മഴ തുടരുമെന്നാണ് മുന്നറിയിപ്പ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

NBCC Flat Auction Row: എൻബിസിസി ലേല തർക്കം; ആഡംബര ഫ്ലാറ്റുകളുടെ ലേലം റദ്ദാക്കി, ചോദ്യം ചെയ്ത് ഉപഭോക്താക്കൾ, നോട്ടീസ് അയച്ച് കോടതി

ന്യൂഡൽഹി: എൻബിസിസി ഡൽഹിയിലെ സരോജിനി നഗറിലെ അവന്യൂ ടവേഴ്സിലെ ആഢംബര ഫ്ലാറ്റുകളുടെ ലേലം റദ്ദാക്കിയത് വിവാദത്തിൽ. സർക്കാർ പൊതുമേഖലാ സ്ഥാപനമായ എൻബിസിസി 49 ആഢംബര ഫ്ലാറ്റുകളുടെ ലേലമാണ് റദ്ദാക്കിയത്. ഒക്ടോബർ 28ന് നടന്ന ലേലത്തിൽ ഏറ്റവും ഉയർന്ന തുക ലേലം വിളിച്ച് വിജയികളായ ഉപഭോക്താക്കൾക്കാണ് ലേലം റദ്ദാക്കിയത് തിരിച്ചടിയായിരിക്കുന്നത്. ഇതാദ്യമായല്ല എൻബിസിസി ഇത്തരത്തിൽ ഫ്ലാറ്റ് ലേല നടപടികൾ റദ്ദാക്കുന്നത്. ഓഗസ്റ്റ് 19ന് 262 ഫ്ലാറ്റുകളുടെ ലേലം കമ്പനി ഇത്തരത്തിൽ റദ്ദാക്കിയിരുന്നു. പിന്നീട് ഒക്ടോബർ മൂന്നിന് ഇവ വീണ്ടും ലേലത്തിന് വച്ചുവെങ്കിലും അവയിൽ 17 എണ്ണത്തിൻറെ ലേലം വീണ്ടും റദ്ദാക്കി. ജൂലൈയിലാണ് 262 ഫ്ലാറ്റുകൾ കമ്പനി ആദ്യമായി വിൽപ്പനയ്ക്കായി പരസ്യപ്പെടുത്തിയത്. സുതാര്യത ചോദ്യം ചെയ്ത് ഉപഭോക്താക്കൾ തുടർച്ചയായി കമ്പനിയുടെ ഭാഗത്ത് നിന്നുണ്ടാകുന്ന ഈ റദ്ദാക്കലുകൾ ലേല നടപടികളുടെ വിശ്വാസ്യതയും സുതാര്യതയും നിഷ്പക്ഷതയും സംബന്ധിച്ച് സംശയങ്ങൾ ഉയർത്തുന്നുണ്ട്. കമ്പനി നിശ്ചയിച്ച അടിസ്ഥാന വിലയേക്കാൾ (റിസർവ് പ്രൈസ്) ഉയർന്ന തുകയാണ് തങ്ങൾ വാഗ്ദാനം ചെയ്തതെന്ന് ലേലത്തിൽ പങ്കെടുത്തവർ പറയുന്നു. ഇപ്പോൾ റദ്ദാക്കിയ 49 ഫ്ലാറ്റുകൾക്കും ലഭിച്ച ഓഫറുകൾ അടിസ്ഥാന തുകയ്ക്ക് തൊട്ടടുത്തോ അല്ലെങ്കിൽ 10 ശതമാനം വരെ ഉയർന്നതോ ആയിരുന്നു. ചതുരശ്ര അടിക്ക് 37,161 രൂപ നിരക്കിൽ അടിസ്ഥാന വില നിശ്ചയിച്ച 245 ഫ്ലാറ്റുകളാണ് എൻബിസിസി വിൽപ്പനയ്ക്ക് വച്ചിരുന്നത്. ഓരോ ഫ്ലാറ്റിനും 15 കോടി രൂപയിൽ അധികം മൂല്യമുണ്ട്. വ്യക്തികൾക്ക് പുറമേ വൻകിട നിക്ഷേപകരും ലേലത്തിൽ പങ്കെടുത്തിരുന്നു. ഒരാൾ 262 ഫ്ലാറ്റുകൾക്കും മറ്റുചിലർ 70 മുതൽ 80 വരെ ഫ്ലാറ്റുകൾക്കും ബിഡ്ഡുകൾ നൽകിയിരുന്നു. ഡൽഹി ഹൈക്കോടതി നോട്ടീസ് അയച്ചു എൻബിസിസിയുടെ ഏകപക്ഷീയമായ തീരുമാനത്തിനെതിരെ ഉപഭോക്താക്കൾ ഡൽഹി ഹൈക്കോടതിയെ സമീപിച്ചു. ഉയർന്ന തുക ലേലം വിളിച്ചിട്ടും തങ്ങൾക്ക് അർഹമായ ഫ്ലാറ്റുകൾ അനുവദിച്ചില്ലെന്നും ലേലം റദ്ദാക്കിയതിന് വ്യക്തവും ന്യായവുമായ കാരണങ്ങൾ കമ്പനി ബോധിപ്പിച്ചില്ലെന്നും ഹർജിക്കാർ കോടതിയിൽ വ്യക്തമാക്കി. ഹർജി പരിഗണിച്ച ഡൽഹി ഹൈക്കോടതി വിഷയത്തിൽ രണ്ടാഴ്ചയ്ക്കകം മറുപടി നൽകണമെന്ന് ആവശ്യപ്പെട്ട് എൻബിസിസിക്ക് നോട്ടീസ് അയച്ചു. ജനുവരി 12ന് കേസ് വീണ്ടും പരിഗണിക്കും. വിഷയത്തിൽ എൻബിസിസിയുടെ ഭാഗത്ത് നിന്ന് വിശദീകരണങ്ങൾ ഇതുവരെ പുറത്തുവന്നിട്ടില്ല. സാമ്പത്തിക നേട്ടത്തിൽ എൻബിസിസി വിവാദങ്ങൾക്കിടയിലും മികച്ച സാമ്പത്തിക ലാഭമാണ് കമ്പനി മൂന്നാം പാദത്തിൽ കൈവരിച്ചിരിക്കുന്നത്. നടപ്പ് സാമ്പത്തിക വർഷത്തിൻറെ രണ്ടാം പാദത്തിൽ കമ്പനിയുടെ സംയോജിത അറ്റാദായം 34 ശതമാനം വർധിച്ച് 209.85 കോടി രൂപയായി. മുൻ വർഷം ഇതേ കാലയളവിൽ ഇത് 156.69 കോടി രൂപയായിരുന്നു. കമ്പനിയുടെ വരുമാനം 16.5 ശതമാനം ഉയർന്ന് 3,395.78 കോടി രൂപയിൽ എത്തി. ഓഹരി ഉടമകൾക്കായി ഓഹരിയൊന്നിന് 0.25 രൂപ നിരക്കിൽ രണ്ടാം ഇടക്കാല ഡിവിഡൻറും ബോർഡ് പ്രഖ്യാപിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Job Search: '175 അപേക്ഷകള്‍, 55 ഇന്റര്‍വ്യൂകള്‍ പക്ഷെ ജോലികിട്ടിയില്ല'

മാസങ്ങളോളം നീണ്ട കടുത്ത പരിശ്രമങ്ങൾക്കും നിരവധി ഇന്റർവ്യൂകൾക്കും ഒടുവിലും ഒരൊറ്റ ജോലി ഓഫറുപോലും ലഭിക്കാതെ വരുമ്പോൾ ഒരു വ്യക്തിയുടെ മാനസികാവസ്ഥ എന്തായിരിക്കും? ഇന്നത്തെ കടുത്ത തൊഴിൽ വിപണിയുടെ നേർക്കാഴ്ചയാ‌ണ് സമൂഹമാധ്യമങ്ങളിൽ വൈറലാകുന്നത്. ഏഴ് മാസം നീണ്ട കടുത്ത തൊഴിൽ അന്വേഷണത്തിനൊടുവിൽ 175 അപേക്ഷകളും 55 അഭിമുഖങ്ങളും 25 ഫൈനൽ റൗണ്ടുകളും പൂർത്തിയാക്കിയിട്ടും ഒരൊറ്റ ജോലി ഓഫറുപോലും ലഭിക്കാത്ത ഉദ്യോഗസ്ഥന്റെ അനുഭവം സമൂഹമാധ്യമങ്ങളിൽ വലിയ ചർച്ചയായി. തൊഴിലില്ലായ്മ ആനുകൂല്യങ്ങൾ പൂർണ്ണമായി തീർന്നതായും, വിലക്കയറ്റം കാരണം പതിവായി വാങ്ങിയിരുന്ന പ്രോട്ടീൻ ഡ്രിങ്ക് പോലും വാങ്ങാൻ കഴിയാത്ത അവസ്ഥയാണെന്നും അദ്ദേഹം വ്യക്തമാക്കി. തൊഴിൽ അന്വേഷണം കൂടുതൽ ഫലപ്രദമാക്കുന്നതിനായി അദ്ദേഹം സ്വന്തമായി ഒരു എഐ ഏജന്റിനെ നിർമ്മിച്ച് അനുയോജ്യമായ ജോലികൾ കണ്ടെത്താൻ ശ്രമിച്ചു. തനിക്കുറപ്പുള്ളതും 95 ശതമാനത്തെയെങ്കിലും യോജിക്കുന്നതുമായ ജോലികൾ കണ്ടെത്താനാണ് താൻ നിർമ്മിച്ച എഐ ഏജന്റിനെ ഉപയോഗിച്ചതെന്ന് അദ്ദേഹം വ്യക്തമാക്കി. കുറിപ്പിന് താഴെ നിരവധി പേരാണ് സമ്മിശ്ര പ്രതികരണങ്ങളുമായും പിന്തുണയുമായും എത്തിയത്. പ്രൊഫൈൽ യോഗ്യതകൾ മികച്ചതാണെന്നും ഫൈനൽ റൗണ്ട് വരെ എത്തുന്നുണ്ടെന്നത് നല്ല ലക്ഷണമാണെന്നും പലരും അഭിപ്രായപ്പെട്ടു. പലപ്പോഴും ഫൈനൽ റൗണ്ടുകളിൽ പരാജയപ്പെടുന്നത് കമ്പനികൾ അകത്തുനിന്നുള്ളവരെ നിയമിക്കുന്നത് കൊണ്ടാണെന്നും അതിൽ ഉദ്യോഗസ്ഥർക്ക് നിയന്ത്രണമില്ലെന്നും മറ്റൊരു ഉപയോക്താവ് ചൂണ്ടിക്കാണിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Building Collapsed: തിരുവനന്തപുരത്ത് സ്കൂൾ ഓഡിറ്റോറിയത്തിൻറെ കോൺക്രീറ്റ് സ്ലാബ് തകർന്നുവീണു

തിരുവനന്തപുരം: നെയ്യാറ്റിൻകര കാഞ്ഞിരംകുളത്ത് സ്കൂൾ ഓഡിറ്റോറിയത്തിൻറെ കോൺക്രീറ്റ് അടർന്നുവീണു. ഷീറ്റ് മാറ്റി ഓഡിറ്റോറിയം കോൺക്രീറ്റ് ചെയ്യുന്നതിനിടെയാണ് അപകടമുണ്ടായത്. കാഞ്ഞിരംകുളം പികെ ഹയർസെക്കണ്ടറി സ്കൂളിലാണ് അപകടമുണ്ടായത്. ശനിയാഴ്ച രാവിലെ ഏഴരയോടെയാണ് അപകടം നടന്നത്. സ്കൂൾ അവധി ആയതിനാൽ വൻ ദുരന്തം ഒഴിവായി. ഓഡിറ്റോറിയം നവീകരണത്തിൻറെ ഭാഗമായി ഇന്ന് കോൺക്രീറ്റ് പണികൾ നടക്കുന്നതിനിടെയാണ് അപകടമുണ്ടായത്. നിർമാണ പ്രവൃത്തികൾ നടക്കുന്നതിനിടെ കെട്ടിടത്തിൻറെ ഒരു ഭാഗം താഴുകയും തുടർന്ന് കോൺക്രീറ്റ് അടർന്നുവീഴുകയുമായിരുന്നു. കെട്ടിടത്തിൻറെ ഒരു ഭാഗം താഴുന്നത് കണ്ടപ്പോൾ തന്നെ തൊഴിലാളികൾ സ്ഥലത്ത് നിന്ന് മാറിയതിനാൽ ആർക്കും പരിക്കേറ്റില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Actor Mammootty: കുരുന്ന് മനസ്സുകളിലേക്ക് മമ്മൂട്ടിയുടെ സർപ്രൈസ് എൻട്രി

കൊച്ചി: കേൾക്കാൻ ശേഷിയില്ലാത്ത, സംസാരിക്കാൻ ത്രാണിയില്ലാത്ത കുഞ്ഞുങ്ങളായിരുന്നു അവർ. ഇപ്പോൾ അവരുടെ കാതുകൾ കേൾവിയുടെ ലോകത്തേക്ക് തുറന്നിട്ട ജനാലകൾ പോലെയാണ്. നാവുകൾ ഏതുവാക്കും തെളിയുന്നൊരു സ്ലേറ്റുപോലെയും..! 'കാതോട് കാതോര'ത്തിലൂടെ ശബ്ദത്തിന്റെ ലോകം കിട്ടിയ ആ കുഞ്ഞുങ്ങളെ സാക്ഷിയാക്കി മമ്മൂട്ടി എഴുതിയത് ലോകത്തിലെ ഏറ്റവും മനോഹരമായ വാക്ക് ആയിരുന്നു-'അമ്മ'!. രാജഗിരി ആശുപത്രിയും, കെയർ ആൻഡ് ഷെയർ ഫൗണ്ടേഷനും ചേർന്ന് നടത്തുന്ന 'കാതോട് കാതോരം' പദ്ധതിയിലൂടെ സൗജന്യമായി കോക്ലിയർ ഇംപ്ലാന്റേഷൻ ശസ്ത്രക്രിയ പൂർത്തിയാക്കിയ കുരുന്നുകളുടെ സംഗമത്തിൽ അപ്രതീക്ഷിതമായാണ് മലയാളത്തിന്റെ പ്രിയനടൻ എത്തിയത്. പദ്ധതിയിലൂടെ ആദ്യമായി കോക്ലിയർ ഇംപ്ലാന്റേഷൻ കഴിഞ്ഞ ഇടുക്കി ചെമ്മണ്ണാർ സ്വദേശിയായ ആഞ്ചലോ മുതൽ കഴിഞ്ഞ ആഴ്ച ശസ്ത്രക്രിയ പൂർത്തിയാക്കിയ നെട്ടൂർ സ്വദേശി ഉമറൂൾ ഫാറൂഖ് വരെയുള്ളവർ പരിപാടിക്ക് എത്തിയിരുന്നു. താരത്തിന്റെ വരവ് കുട്ടികൾക്കും മാതാപിതാക്കൾക്കും സംഘാടകർക്കും ഇരട്ടിമധുരമായി മാറി. തങ്ങളെ ശബ്ദങ്ങളുടെയും വാക്കുകളുടെയും മനോഹരമായ ലോകത്തേക്ക് കൈപിടിച്ചുയർത്തിയ വലിയ മനുഷ്യനെ അവർ നേരിട്ട് കണ്ടു. സ്വന്തം അനുഭവങ്ങളും ഇത്രയും കാലത്തെ സങ്കടങ്ങളും പറഞ്ഞ അവരുടെ അമ്മമാർ മമ്മൂട്ടിയ്ക്ക് മുന്നിൽ നിറകണ്ണുകളോടെ കൈകൂപ്പി. കുഞ്ഞുങ്ങളോട് കുശലം ചോദിച്ചും, അവരെ ചേർത്തുപിടിച്ച് ഫോട്ടോകളെടുത്തും രണ്ട് മണിക്കൂറിലേറെ സമയമാണ് മമ്മൂട്ടി അവരിലൊരാളായി ചെലവഴിച്ചത്. ഇത്രയും കാലം വാക്കുകൾ അന്യമായിരുന്ന കുട്ടികളെ അക്ഷരങ്ങളുടെ ലോകത്തേക്ക് കൈപിടിച്ചുകയറ്റിക്കൊണ്ട് അവരുടെ സ്ലേറ്റുകളിൽ മമ്മൂട്ടി തന്നെ 'അമ്മ' എന്ന് എഴുതിച്ചു. കുഞ്ഞുങ്ങൾ അക്ഷരങ്ങൾ എഴുതുന്നത് കണ്ടപ്പോൾ അരികെ മാതാപിതാക്കളുടെ സന്തോഷക്കണ്ണീർ. ഷൂട്ടിംഗ് സെറ്റിലെ പതിവ്, സ്നേഹസംഗമത്തിലും മമ്മൂട്ടി ആവർത്തിച്ചു. കുട്ടികൾക്കും കുടുംബാംഗങ്ങൾക്കും വേണ്ടി പ്രത്യേകം തയ്യാറാക്കി എത്തിച്ച ബിരിയാണി സ്വയം വിളമ്പി നൽകിയും, കൈനിറയെ സമ്മാനങ്ങൾ കൊടുത്തുമാണ് ഒടുവിൽ, പ്രിയതാരം അവരെ യാത്രയാക്കിയത് "ഈ കുരുന്നുകൾ വളർന്ന് വലിയൊരു നിലയിലെത്തട്ടെ എന്ന് ആഗ്രഹിക്കുകയാണ് ഞങ്ങൾ. കുറച്ച് പേരെയെങ്കിലും സഹായിക്കാൻ സാധിച്ചല്ലോ. സഹായിക്കാൻ മനസ്സുള്ള ഡോക്ടർമാരും, രാജഗിരി പോലുള്ള ആശുപത്രിയും, അതിൻ്റെ കൂടെ കുറെ പ്രവർത്തകരും ഉള്ളപ്പോൾ കുറേക്കൂടി എളുപ്പമായി കാര്യങ്ങൾ, സന്തോഷം" - മമ്മൂട്ടി പറഞ്ഞു. "ഒരു കുഞ്ഞ് ആദ്യമായി സ്വന്തം മാതാപിതാക്കളെ അമ്മ എന്നും അച്ഛാ എന്നും വിളിക്കുന്നതും, കേൾക്കുന്നതും, ആ വൈകാരിക നിമിഷങ്ങൾക്ക് സാക്ഷിയാകുമ്പോൾ നമുക്ക് ലഭിക്കുന്ന ആത്മസംതൃപ്തി വാക്കുകൾക്ക് അതീതമാണ്. അതുകൊണ്ട് തന്നെയാണ് കാതോട് കാതോരം പദ്ധതി നമ്മുടെയെല്ലാം ഹൃദയത്തോട് ചേർന്ന് നിൽക്കുന്നത്" - രാജഗിരി അഡ്മിനിസ്ട്രേഷൻ ഡയറക്ടർ ഫാ. ജോയ് കിളിക്കുന്നേൽ പറഞ്ഞു. ചടങ്ങിൽ രാജഗിരി അഡ്മിനിസ്ട്രേഷൻ ഡയറക്ടർ ഫാ. ജോയ് കിളിക്കുന്നേൽ, രാജഗിരി ആശുപത്രി ഇ.എൻ.ടി ഹെഡ് ആൻഡ് നെക്ക് സർജറി വിഭാഗം മേധാവി ഡോ. രാജേഷ് രാജു, ഇംപ്ലാന്റ് സർജൻ ഡോ. സജിത്ത് അബ്രാഹാം, കെയർ ആൻഡ് ഷെയർ മാനേജിങ് ഡയറക്ടർ ഫാ. തോമസ് കുര്യൻ, ഡയറക്ടർമാരായ റോബർട്ട് കുര്യാക്കോസ്, ജോർജ് എസ്, രാജഗിരി ഡയറക്ടർ ഡോ. വി. എ. ജോസഫ് എന്നിവർ പങ്കെടുത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tesla Cybertruck: ടെസ്‌ല സൈബര്‍ട്രക്ക് ഉത്പാദനം നിര്‍ത്തുന്നു!

Vastu Tips For Gift: സമ്പത്തും സമൃദ്ധിയും നിറയട്ടെ! നിങ്ങളുടെ പ്രിയപ്പെട്ടവർക്ക് ഈ സമ്മാനങ്ങൾ നൽകൂ

സമ്മാനങ്ങൾ സ്നേഹപ്രകടനത്തിൻറെ ഒരു വശമാണ്. അവ വൈകാരികവും അന്തർലീനവുമായ മൂല്യങ്ങൾ ഉൾക്കൊള്ളുന്നു. എന്നാൽ, വാസ്തുശാസ്ത്രം അനുസരിച്ച് സമ്മാനങ്ങൾ തിരഞ്ഞെടുക്കുന്നത് ജീവിതത്തിൽ സമൃദ്ധിയും സമ്പത്തും സന്തോഷവും കൊണ്ടുവരും. നിങ്ങളുടെ പ്രിയപ്പെട്ടവർക്ക് സമ്മാനിക്കാവുന്ന ജീവിതത്തിലേക്ക് ഭാഗ്യവും പോസിറ്റീവ് എനർജിയും കൊണ്ടുവരുന്ന ഏഴ് സമ്മാനങ്ങൾ ഏതെല്ലാമാണെന്ന് അറിയാം. ലാഫിങ് ബുദ്ധ ലാഫിങ് ബുദ്ധ ഓഫീസുകളിലും വീടുകളിലും പലരും വയ്ക്കുന്ന അലങ്കാര വസ്തുവാണ്. ഈ പ്രസന്നമായ രൂപം ഏത് സ്ഥലത്തും സന്തോഷം കൊണ്ടുവരുന്നു. ഫെങ്ഷൂയി തത്വങ്ങൾക്ക് അനുസൃതമായി ഊർജ്ജസ്വലവും ശുഭകരവുമായ ഊർജ്ജം സൃഷ്ടിക്കപ്പെടുന്നു. ഗണേശ വിഗ്രഹം പുതിയ തുടക്കങ്ങൾക്കും വിജയങ്ങൾക്കും ഗണേശ ഭഗവാൻറെ അനുഗ്രഹം പ്രധാനമാണ്. ഗണേശ വിഗ്രഹം സൂക്ഷിക്കുന്നത് ഭഗവാൻറെ അനുഗ്രഹം ലഭിക്കാനിടയാക്കും. ശക്തി, ജ്ഞാനം, ജീവിതത്തിലെ വെല്ലുവിളികളെ അതിജീവിക്കാനുള്ള കഴിവ് എന്നിവയെല്ലാം ലഭിക്കും. ശ്രീ മേരു യന്ത്രം സമർപ്പണത്തോടെയും വിശ്വാസത്തോടെയും ആരാധിച്ചാൽ ശ്രീ മേരു യന്ത്രം സമ്പത്ത്, സമൃദ്ധി, വിജയം, സന്തോഷം, സമാധാനം എന്നിവ പ്രദാനം ചെയ്യും. ശ്രീ മേരു യന്ത്രം സമ്മാനമായി നൽകുന്നത് സ്വീകർത്താവിന് ഭാഗ്യം, സമ്പത്ത്, ഐശ്വര്യം എന്നിവ നൽകും. രാധാകൃഷ്ണ വിഗ്രഹം രാധാകൃഷ്ണ വിഗ്രഹം സമാധാനം, സ്നേഹം എന്നിവ നിലനിർത്തുന്നു. പങ്കാളിക്കോ സുഹൃത്തുക്കൾക്കോ രാധാകൃഷ്ണ വിഗ്രഹം സമ്മാനമായി നൽകുന്നത് ജീവിതത്തിൽ പോസിറ്റീവ് ഊർജ്ജം നിറയ്ക്കും. ആമയുടെ രൂപം ആമ ദീർഘായുസിനെ പ്രതിനിധീകരിക്കുന്നു. ആമയുടെ രൂപം സമ്മാനമായി നൽകുന്നത് ഭാഗ്യവും വിജയവും കൊണ്ടുവരും. ഗ്ലാസ്, ക്രിസ്റ്റൽ രൂപങ്ങളിൽ ആമയുടെ രൂപം സമ്മാനമായി നൽകാനാകും. വിൻഡ് ചെയിനുകൾ വിൻഡ് ചെയിനുകൾ അലങ്കാരത്തിനപ്പുറം ഭാഗ്യം, സമൃദ്ധി എന്നിവയുടെ പ്രതീകമാണ്. ഇവ ശാന്തമായ അന്തരീക്ഷം സൃഷ്ടിക്കാനും പോസിറ്റീവ് എനർജി കൊണ്ടുവരാനും സഹായിക്കുന്നു. ഗോമതി ചക്രം ഗോമതി ചക്രം സമ്മാനിക്കുന്നത് ആത്മീയ പ്രാധാന്യം നിറഞ്ഞ ഒരു പ്രവർത്തിയാണ്. ഗോമതി നദിയിൽ കാണപ്പെടുന്ന ഈ കല്ലുകൾ അവയുടെ പോസിറ്റീവ് എനർജിയുടെ പേരിൽ പ്രസിദ്ധമാണ്. ഗോമതി ചക്രം നൽകുന്നത് സ്വീകർത്താവിന് സമൃദ്ധിയും ഭാഗ്യവും നൽകുമെന്നാണ് വിശ്വാസം. നമ്മുടെ ദൈനംദിന ജീവിതത്തിൽ വാസ്തുശാസ്ത്രത്തിൻറെ സ്വാധീനം വളരെ വലുതാണ്. വീട്ടിലോ, ജോലി സ്ഥളത്തോ വാസ്തുനിയമങ്ങൾ പാലിക്കുന്നത് ഊർജ്ജ പ്രവാഹത്തെ സന്തുലിതമാക്കും. വാസ്തുശാസ്ത്രം കൃത്യമായി പാലിക്കുന്നത് ഒരു വ്യക്തിയുടെയും കുടുംബാംഗങ്ങളുടെയും ആരോഗ്യം, സാമ്പത്തികം, സന്തോഷം, ജോലിയിലെ പുരോഗതി എന്നിവയിലെല്ലാം സ്വാധീനം ചെലുത്തും. Disclaimer: ഇവിടെ നൽകിയിരിക്കുന്ന വിവരങ്ങൾ വിശ്വാസങ്ങളെയും പൊതുവായ വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS ഇക്കാര്യങ്ങൾ സ്ഥിരീകരിക്കുന്നില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

PF Error Correcting: പിഎഫ് രേഖകളിലെ തെറ്റുകള്‍ ഇനി എളുപ്പത്തില്‍ തിരുത്താം, പുതിയ സംവിധാനവുമായി ഇപിഎഫ്ഒ

പിഎഫ് (PF) രേഖകളിലെ തെറ്റുകൾ വരുന്നത് സ്വാഭാവികമാണ്, എന്നാൽ ഇനിമുതൽ തെറ്റുകൾ തിരുത്തുന്നത് കൂടുതൽ എളുപ്പമായി. ഇപിഎഫ്ഒ (EPFO) അംഗങ്ങൾക്ക് പേര്, പിതാവിന്റെയോ ഭർത്താവിന്റെയോ പേര്, ജനനത്തീയതി, ലിംഗഭേദം, വൈവാഹിക നില, ജോലിയിൽ പ്രവേശിച്ചതോ വിരമിച്ചതോ ആയ തീയതി തുടങ്ങിയ വിവരങ്ങൾ ഇപിഎഫ്ഒ മെമ്പർ പോർട്ടലിലെ 'ജോയിന്റ് ഡിക്ലറേഷൻ' ഫീച്ചർ വഴി ഓൺലൈനായി തിരുത്താൻ സാധിക്കും. യുഎഎൻ (UAN) അല്ലെങ്കിൽ ഇപിഎഫ് രേഖകളിൽ പേര്, ജനനത്തീയതി, ലിംഗഭേദം എന്നിവ തെറ്റായിരിക്കുകയോ അല്ലെങ്കിൽ പിതാവിന്റെ പേരിൽ അക്ഷരതെറ്റ് വരികയോ ചെയ്യുന്നത് പിഎഫ് തുക പിൻവലിക്കുമ്പോഴോ, ട്രാൻസ്ഫർ ചെയ്യുമ്പോഴോ, പെൻഷൻ ക്ലെയിം ചെയ്യുമ്പോഴോ വലിയ ബുദ്ധിമുട്ടുകൾ സൃഷ്ടിക്കാറുണ്ട്. ഇതിനൊരു ശാശ്വത പരിഹാരമാണ് ഇപ്പോള്‍ ഉണ്ടായിരിക്കുന്നത്. ജോയിന്റ് ഡിക്ലറേഷൻ സംവിധാനം ഇപ്പോൾ പൂർണ്ണമായും ഓൺലൈനിലൂടെ ലളിതമായി ഉപയോഗിക്കാവുന്നതാണ്. അക്കൗണ്ട് ഉടമകൾക്ക് ഇനി മുതൽ ബുദ്ധിമുട്ടുകൾ ഇല്ലാതെ, ഇപിഎഫ്ഒ മെമ്പർ സർവീസസ് പോർട്ടൽ വഴി തിരുത്തലുകൾക്കുള്ള അപേക്ഷകൾ നല്‍കാം. അഞ്ച് ലളിതമായ ഘട്ടങ്ങളിലൂടെ നിങ്ങളുടെ പിഎഫ് അക്കൗണ്ടിലെ തെറ്റായ വിവരങ്ങൾ തിരുത്താം: ഇപിഎഫ്ഒയുടെ ഔദ്യോഗിക പോർട്ടൽ സന്ദർശിച്ച് നിങ്ങളുടെ അക്കൗണ്ടിലേക്ക് ലോഗിൻ ചെയ്യുക. മുകളിലെ മെനുവിലെ 'Manage' ടാബിൽ ക്ലിക്ക് ചെയ്ത് 'Joint Declaration' എന്ന ഓപ്ഷൻ തിരഞ്ഞെടുക്കുക. നിങ്ങളുടെ കമ്പനി തിരഞ്ഞെടുത്ത് സ്ക്രീനിൽ കാണുന്ന വിവരങ്ങൾ തിരുത്താം. പരിശോധികള്‍ക്ക് ആവശ്യമായ രേഖകളുടെ സ്കാൻ ചെയ്ത് അപ്ലോഡ് ചെയ്യുക. ആധാർ അധിഷ്ഠിത ഒടിപി നൽകി അപേക്ഷ സമർപ്പിക്കുക. അപേക്ഷ ആദ്യം തൊഴിലുടമയുടെ അനുമതിക്കായി പോകും തുടർന്ന് ഇപിഎഫ്ഒ ഫീൽഡ് ഓഫീസ് ഇത് പരിശോധിച്ച് അപ്ഡേറ്റ് ചെയ്യും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Man Found Dead: ഹോട്ടൽ ഉടമയെ മരിച്ച നിലയിൽ കണ്ടെത്തി; മൃതദേഹം കത്തിക്കരിഞ്ഞ നിലയിൽ

കൊല്ലം: കുളത്തൂപ്പുഴയിൽ ഹോട്ടലുടമയെ മരിച്ച നിലയിൽ കണ്ടെത്തി. മൃതദേഹം കത്തിക്കരിഞ്ഞ നിലയിലാണ്. കുളത്തൂപ്പുഴ കെഎസ്ആർടിസി കവലയിലെ സന്തോഷ് ഹോട്ടൽ ഉടമ ചന്ദ്രൻ (82) ആണ് മരിച്ചത്. ശനിയാഴ്ച രാവിലെയാണ് വർഷങ്ങളായി ഇയാൾ നടത്തിവന്നിരുന്ന ഹോട്ടലിന് പുറകിലെ പുരയിടത്തിൽ കത്തിക്കരിഞ്ഞ നിലയിൽ മൃതദേഹം കണ്ടെത്തിയത്. ചന്ദ്രൻ രാവിലെ ഹോട്ടലിൽ എത്തിയെന്ന് ജീവനക്കാർ പറയുന്നു. പിന്നീട് കുറേ നേരം കഴിഞ്ഞിട്ടും കാണാതായതിനെ തുടർന്ന് നടത്തിയ തിരച്ചിലിലാണ് ജീവനക്കാർ ഹോട്ടലിന് പുറകിലെ അടുത്ത പുരയിടത്തിൽ ശൌചാലയത്തിന് സമീപത്ത് കത്തിക്കരിഞ്ഞ നിലയിൽ മൃതദേഹം കണ്ടെത്തിയത്. നാട്ടുകാർ വിവരം അറിയിച്ചതിനെ തുടർന്ന് കുളത്തൂപ്പുഴ പോലീസ് സ്ഥലത്തെത്തി മേൽനടപടികൾ സ്വീകരിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Healthy Foods For Good Sleep: ഉറക്കം ശരിയാകുന്നില്ലേ? ഭക്ഷണക്രമത്തിൽ മാറ്റം വരുത്തൂ!

ശരീരം ആരോഗ്യത്തോടെയിരിക്കുന്നതിൽ ഉറക്കത്തിന് വലിയ പ്രാധാന്യമുണ്ട്. അതിനാൽ നന്നായി ഉറങ്ങേണ്ടത് പ്രധാനമാണ്. ഉറക്കത്തെ സ്വാധീനിക്കുന്ന പല ഘടകങ്ങളും ഉണ്ട്. ഇതിൽ പ്രധാനപ്പെട്ട ഒന്നാണ് ഭക്ഷണം. നമ്മൾ എന്ത് കഴിക്കുന്നുവെന്നത് ഉറക്കത്തെ സ്വാധീനിക്കുന്ന പ്രധാന ഘടകമാണ്. ദഹനവും ഉറക്കവും തമ്മിൽ ബന്ധമുണ്ട്. ഉറക്കത്തിൻറെ കാര്യത്തിൽ നിർണായകമായിരിക്കുന്നത് രാത്രിയിൽ നാം എന്ത് ഭക്ഷണം കഴിക്കുന്നുവെന്നതാണ്. രാത്രിയിൽ അമിതമായി ഭക്ഷണം കഴിക്കുന്നത് ഉറക്കത്തെ മോശമായി ബാധിച്ചേക്കാം. ദഹന പ്രശ്നങ്ങൾക്ക് കാരണമാകാത്ത ഭക്ഷണങ്ങൾ രാത്രിയിൽ കഴിക്കാൻ ശ്രദ്ധിക്കണം. പച്ചക്കറികളും പഴവർഗങ്ങളും പയറുവർഗങ്ങളും കഴിക്കാം. നല്ല ഉറക്കവും ദഹനവും ഉണ്ടാകാൻ രാത്രികാലങ്ങളിൽ കഴിക്കേണ്ട ഭക്ഷണങ്ങൾ ഏതെല്ലാമാണെന്ന് അറിയാം. ഇലക്കറികൾ ഇലക്കറികൾ വേവിച്ച് കഴിക്കുന്നത് ആരോഗ്യത്തിന് നല്ലതാണ്. ബ്രോക്ക്ളി പോലുള്ളവ നാരുകളുടെ മികച്ച ഉറവിടമാണ്. ഇത് ഉറക്കവും ദഹനവും മികച്ചതാക്കാൻ സഹായിക്കും. അവോക്കാഡോ, ക്വിനോവ തുടങ്ങിയവും രാത്രിയിൽ കഴിക്കാൻ മികച്ചതാണ്. മധുരക്കിഴങ്ങ് മധുരക്കിഴങ്ങിൽ ഫൈബർ ധാരാളമായി അടങ്ങിയിരിക്കുന്നു. ഇത് കുടലിൻറെ ആരോഗ്യത്തിന് മികച്ചതാണ്. ദഹനം മെച്ചപ്പെടുത്താനും മധുരക്കിഴങ്ങ് ഗുണം ചെയ്യുന്നു. ഇവ പോഷകസമ്പുഷ്ടമാണ്. സാൽമൺ ഒമേഗ 3 ഫാറ്റി ആസിഡ് ധാരാളമായി അടങ്ങിയിരിക്കുന്ന മത്സ്യമാണ് സാൽമൺ. കുടലിൻറെ ആരോഗ്യത്തിനും ഇത് മികച്ചതാണ്. പ്രോട്ടീൻ, സിങ്ക്, വൈറ്റമിൻ ഡി എന്നീ പോഷകങ്ങളും സാൽമൺ നൽകുന്നു. മഞ്ഞൾ, ഇഞ്ചി ഇഞ്ചിയും മഞ്ഞളും ഭക്ഷണത്തിൽ ഉൾപ്പെടുത്തുന്നത് ദഹനത്തിന് ഗുണം ചെയ്യും. ഇത് വയറുവീർക്കൽ, പുളിച്ചുതികട്ടൽ, ഓക്കാനം തുടങ്ങിയവയെ ചെറുക്കാൻ മികച്ചതാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.