Abhiram Murder Case: അഭിരാം വധക്കേസ്: രണ്ടാം പ്രതിയുടെ പെൺസുഹൃത്ത് കസ്റ്റഡിയിൽ

തിരുവനന്തപുരം: പാങ്ങപ്പാറയിലെ അഭിരാമിനെ കൊലപ്പെടുത്തിയ കേസിൽ രണ്ടാം പ്രതി ഉമറിന്റെ പെൺസുഹൃത്തിനെ പോലീസ് കസ്റ്റഡിയിലെടുത്തതായി റിപ്പോർട്ട്. പോലീസിന്റെ നിഗമനം അനുസരിച്ചു അഭിരാമിന്റെ കൊലപാതത്തിൽ ഈ ഇരുപത്തിരണ്ടുകാരിയായ പെൺകുട്ടിക്കും പങ്കുണ്ടെന്നാണ്. ഇവരെ കൂടാതെ കേസിൽ വേറെയും ആൾക്കാർക്ക് പങ്കുണ്ടോയെന്നും പോലീസിന് സംശയമുണ്ട്. ഈ കേസിൽ 3 പേരെയാണ് നേരത്തെ അറസ്റ്റു ചെയ്‌തത്. 17 വയസുകാരനാണ് കേസിലെ ഒന്നാം പ്രതി. കൂടാതെ ക്രിമിനൽ കേസുകളിലെ പ്രതിയായ ഉമർ, 18 വയസുള്ള ഒരു പെൺകുട്ടി എന്നിവരാണ് അറസ്റ്റിലായവർ. കൊല്ലപ്പെട്ട അഭിരാമിനെ ആളൊഴിഞ്ഞ സ്ഥലത്തേക്ക് വിളിച്ചുവരുത്തിയത് അറസ്റ്റിലായ 18 കാരിയുടെ ഫോണിൽ നിന്നാണെന്ന് കണ്ടെത്തിയിട്ടുണ്ട്. ഈ മൂന്നുപേർക്ക് പുറമെയാണ് ഉമറിന്റെ പെൺസുഹൃത്തിനെ കൂടി കസ്റ്റഡിയിലെടുത്തിരിക്കുന്നത്. ഈ പെൺകുട്ടിക്ക് കൊലപാതകത്തിൽ നേരിട്ട് പങ്കുണ്ടെന്നോയെന്ന കാര്യത്തിൽ വ്യക്തതയില്ലെങ്കിലും ഇവർ കൊല നടത്തിയ വിവരങ്ങളും ഇവരുടെ നീക്കങ്ങളും 22 കാരിക്ക് അറിയാമായിരുന്നുവെന്നാണ് പോലീസ് വ്യക്തമാക്കിയത്. നിലവിൽ 22 കാരിയെ വിശദമായി ചോദ്യം ചെയ്യുകയാണ്. പെൺകുട്ടിക്കെതിരെ കൂടുതൽ തെളിവുകൾ ലഭിച്ചാൽ അറസ്റ്റ് ചെയ്തേക്കുമെന്നാണ് റിപ്പോർട്ട്. തിങ്കളാഴ്ചയായിരുന്നു ശ്രീകാര്യത്തെ അരുംകൊല പുറം ലോകമറിയുന്നത്. കാര്യവട്ടം പാങ്ങപ്പാറ സംഗീത നഗര്‍ സ്വദേശിയായ അഭിറാം കൊല്ലപ്പെട്ടത് അതിദാരുണമായാണ്. ശേഷം ചാക്കില്‍ കെട്ടി ഉപേക്ഷിച്ച നിലയിലുള്ള മൃതദേഹം പോലീസ് കണ്ടെത്തുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Food Poison Death: വറ്റ മത്സ്യം കഴിച്ച് ഭക്ഷ്യവിഷബാധ; വർക്കലയിൽ ചികിത്സയിലായിരുന്നയാൾ മരിച്ചു

തിരുവനന്തപുരം: വർക്കലയിൽ വറ്റ മത്സ്യം കഴിച്ചതിനെത്തുടർന്ന് ദേഹാസ്വാസ്ഥ്യം അനുഭവപ്പെട്ട് ചികിത്സയിലായിരുന്ന പ്രവാസി മരിച്ചു. തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്ന ചിലക്കൂർ ഗ്രാലികുന്ന് തൈക്കാവിൽ വീട്ടിൽ സുധീർ (40) ആണ് മരിച്ചത്. ഭക്ഷ്യവിഷബാധയാണ് മരണകാരണമെന്നാണ് ആശുപത്രി അധികൃതരിൽ നിന്നും പോലീസിന് ലഭിച്ച പ്രാഥമിക വിവരം. സുധീറിന്റെ സ്വന്തം ബോട്ടിൽ നിന്ന് മത്സ്യം ലഭിക്കാതിരുന്നതിനെ തുടർന്ന് മറ്റൊരു ബോട്ടിൽ നിന്നും 25 കിലോയോളം തൂക്കം വരുന്ന 28 വറ്റ മത്സ്യങ്ങൾ വാങ്ങിയിരുന്നു. ഇതാണ് സുധീറും കുടുംബവും ഉപയോഗിച്ചിരുന്നത്. ഇക്കഴിഞ്ഞ ഒക്ടോബർ 28-നാണ് മത്സ്യം കഴിച്ചതിന് പിന്നാലെ സുധീറിന് കടുത്ത ദേഹാസ്വാസ്ഥ്യമുണ്ടായത്. തുടർന്ന് വർക്കല താലൂക്ക് ആശുപത്രിയിൽ പ്രവേശിപ്പിച്ചു. പിന്നീട് പാരിപ്പള്ളി മെഡിക്കൽ കോളേജിലും പ്രവേശിപ്പിക്കുകയായിരുന്നു. എന്നാൽ ആരോഗ്യസ്ഥിതി കൂടുതൽ വഷളായതോടെ തിരുവനന്തപുരം മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിക്കുകയായിരുന്നു. ചികിത്സയിൽ ഇരിക്കെ ഇന്ന് രാവിലെ 9.30 ഓടെയാണ് സുധീറിന്റെ മരണം സ്ഥിരീകരിച്ചത്. ഇയാളുടെ ബന്ധുക്കൾക്കും അലർജിയും ആരോഗ്യ പ്രശ്‌നങ്ങളുമുണ്ടായിരുന്നു. ബന്ധുവായ മുഹമ്മദ് ഹാഷിമിനെ ആ ദിവസം പാരിപ്പള്ളി ആശുപത്രിയിൽ പ്രവേശിപ്പിച്ചിരുന്നു. പിന്നീട് ആരോഗ്യനില മെച്ചപ്പെട്ടതോടെ ഇയാൾ ഹോസ്പിറ്റൽ വിട്ടു. ഒക്ടോബർ 26-ന് മുതലപ്പൊഴിയിലും പെരുമാതുറയിലും ലഭിച്ച വറ്റ മത്സ്യം വാങ്ങി ഉപയോഗിച്ചവർക്കാണ് ദേഹാസ്വാസ്ഥ്യമുണ്ടായത്. ഇതേ തുടർന്ന് വർക്കല നഗരസഭ ജാഗ്രതാ മുന്നറിയിപ്പ് നൽകിയിരുന്നു. കേടില്ലാത്തതും ഭക്ഷ്യയോഗ്യവുമായ മീനുകൾ മാത്രം വാങ്ങാൻ അധികൃതർ നിർദേശം നൽകി. സ്ഥിതിഗതികൾ കണക്കിലെടുത്ത് വെട്ടൂർ പഞ്ചായത്ത് പരിധിയിൽ ആരോഗ്യവകുപ്പും പോലീസും സംയുക്തമായി വറ്റ മത്സ്യത്തിന്റെ വിൽപ്പന തടഞ്ഞിരുന്നു. വറ്റ മീനിന്റെ മുട്ട ഉപയോഗിച്ചതാണ് ഭക്ഷ്യവിഷബാധയ്ക്ക് കാരണമെന്ന വിവരങ്ങൾ സമൂഹമാധ്യമങ്ങളിൽ വന്നിരുന്നെങ്കിലും, വൻതോതിൽ ശേഖരിച്ച മത്സ്യം കേടുവരാതിരിക്കാൻ രാസവസ്തുക്കൾ ചേർത്ത് വിൽപ്പന നടത്തിയതാണോ എന്ന സംശയവും ഉയരുന്നുണ്ട്. വിഷയത്തിൽ സമഗ്ര അന്വേഷണം വേണമെന്ന ആവശ്യം ശക്തമാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Abhiram Murder Case: അന്വേഷണത്തില്‍ വീഴ്ചപറ്റിയിട്ടില്ലെന്ന് പോലീസ്

തിരുവനന്തപുരം: പാങ്ങപ്പാറയിൽ പതിനേഴുകാരനായ അഭിറാമിന്റെ കൊലപാതകവുമായി ബന്ധപ്പെട്ട അന്വേഷണത്തിൽ പോലീസിന് വീഴ്ച പറ്റിയിട്ടില്ലെന്ന് സിറ്റി പോലീസ് കമ്മീഷണറുടെ റിപ്പോർട്ട്. റിപ്പോർട്ട് ക്രമസമാധാന ചുമതലയുള്ള ഡിജിപിക്ക് സമർപ്പിച്ചു. അഭിരാമിനെ കാണാനില്ലെന്ന പരാതി ലഭിച്ചത് രാത്രി 10:52 ഓടെയാണെന്നും അപ്പോഴേക്കും വിദ്യാർത്ഥി കൊല്ലപ്പെട്ടിരുന്നുവെന്നും റിപ്പോർട്ടിൽ വ്യക്തമാക്കുന്നുണ്ട്. പരാതി ലഭിച്ച ഉടനെ കേസ് രജിസ്റ്റർ ചെയ്ത്‌ ബന്ധുക്കളുടെ സഹായത്തോടെ അന്വേഷണം ആരംഭിക്കുകയും വിദ്യാർത്ഥിയുടെ സുഹൃത്തുക്കളിൽ നിന്നും ലഭിച്ച വിവരത്തിന്റെ അടിസ്ഥാനത്തിൽ ഒന്നാം പ്രതിയായ പ്രായപൂർത്തിയാകാത്ത കുട്ടിയെ കസ്റ്റഡിയിലെടുത്തതായും പ്രായപൂർത്തിയാകാത്തതിനാൽ കുട്ടിയെ പുലർച്ചയോടെ വിട്ടയച്ചുവെന്നും റിപ്പോർട്ടിൽ വ്യക്തമാക്കുന്നുണ്ട്. കൊല്ലപ്പെട്ട വിദ്യാർത്ഥിയുടെ ഫോൺ ഓഫ് ആയതിനാൽ അന്വേഷണം നടത്തിയെകിലും കൃത്യമായ ലൊക്കേഷൻ ലഭിച്ചില്ല. എങ്കിലും പോലീസ് നടത്തിയ ശാസ്ത്രീയ അന്വേഷണത്തിലൂടെ പ്രതികളിലേക്ക് എത്തിച്ചേരാൻ കഴിഞ്ഞെന്നും സംഭവത്തിൽ പോലിസിന് വീഴ്ച പറ്റിയിട്ടില്ലെന്നും റിപ്പോർട്ടിൽ വ്യക്തമാക്കുന്നുണ്ട്. കൂടാതെ കൊലപാതകത്തിൽ ദുരൂഹതയുണ്ടെന്നും മരിച്ച അഭിറാമിന്റെ ഇൻസ്റ്റാഗ്രാം അക്കൗണ്ടിൽ നിന്നുള്ള പല ചാറ്റുകളും അപ്രത്യക്ഷമാണെന്നും സൈബർസെൽ പരിശോധനയിൽ കണ്ടെത്തിയിട്ടുണ്ട്. അഭിരാമിന്റെ ഇൻസ്റ്റാഗ്രാം അക്കൗണ്ട് മറ്റൊരു പെൺസുഹൃത്തുമായും ഷെയർ ചെയ്യപ്പെട്ടിരുന്നുവെന്നും അന്വേഷണ സംഘം കണ്ടെത്തിയിട്ടുണ്ട്. അതുകൊണ്ടുതന്നെ ഈ മെസ്സേജുകൾ എങ്ങനെ മാഞ്ഞുപോയി എന്നും അന്വേഷണസംഘം പരിശോധിക്കുന്നുണ്ട്. പ്രാഥമിക നിഗമനത്തിൽ ഇതോരു ആസൂത്രിതമായ കൊലപാതമായിരുന്നുവെന്നും ഇതിൽ കൂടുതൽ പേർക്ക് പങ്കുണ്ടെന്നുമാണ് അന്വേഷണ സംഘത്തിന്റ സംശയം. പ്രതി കൊലപ്പെടുത്താൻ ഉദ്ദേശിച്ചത് അഭിരാമിനെയല്ലെന്നും അഭിറാം വഴി മറ്റൊരു വിദ്യാർത്ഥിയെ വിളിച്ചു വരുത്താനായിരുന്നു ഉദ്ദേശമെന്നും കസ്റ്റഡിയിലുള്ള പതിനേഴുകാരൻ തെളിവെടുപ്പിനിടെ വെളിപ്പെടുത്തിയിരുന്നു. എന്നാൽ ഇതിനിടയിൽ പ്രതിയും അഭിറാമും തമ്മിൽ വാക്കുതർക്കം ഉണ്ടാകുകയും അതിനുപിന്നാലെ കൊലപ്പെടുത്തുകയായിരുന്നു എന്നാണ് പ്രതി വെളിപ്പെടുത്തിയത്. തിങ്കളാഴ്ചയായിരുന്നു ശ്രീകാര്യത്തെ അരുംകൊല പുറം ലോകമറിയുന്നത്. കാര്യവട്ടം പാങ്ങപ്പാറ സംഗീത നഗര്‍ സ്വദേശിയായ അഭിറാം കൊല്ലപ്പെട്ടത് അതിദാരുണമായാണ്. ശേഷം ചാക്കില്‍ കെട്ടി ഉപേക്ഷിച്ച നിലയിലുള്ള മൃതദേഹം പോലീസ് കണ്ടെത്തുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Abhiram Murder Case: അഭിറാം കൊലക്കേസ്: മൂന്നു പ്രതികളുടെയും അറസ്റ്റ് രേഖപ്പെടുത്തി

തിരുവനന്തപുരം: പാങ്ങപ്പാറയിൽ പതിനേഴുകാരനായ അഭിറാമിനെ കൊലപ്പെടുത്തിയ കേസിൽ കസ്റ്റഡിയിലെടുത്ത 3 പ്രതികളുടെയും അറസ്റ്റ് രേഖപ്പെടുത്തിയതായി പോലീസ്. പ്രതി ചേർത്തത് പതിനേഴുകാരന്റെ പെൺസുഹൃത്ത് അനന്ത, ശ്രീകാര്യം സ്വദേശി ഉമർ എന്നിവരെയാണ്. പെൺകുട്ടി പ്രായപൂർത്തിയായതാണ്. പഠിക്കുകയാണ് എന്നാണ് റിപ്പോർട്ട്. പെൺകുട്ടിക്ക് കൊലപാതകത്തെ കുറിച്ച് അറിയാമായിരുന്നുവെന്നാണ് പോലീസ് പറഞ്ഞത്. പ്രതി വിവരം പെൺകുട്ടിയെ അറിയിച്ചിരുന്നതായും കണ്ടെത്തിയിട്ടുണ്ട്. ഇതിനെ തുടർന്നാണ് പെൺകുട്ടിയുടെ അറസ്റ്റ് രേഖപ്പെടുത്തിയത്. മറ്റൊരു പ്രതിയായ ഉമർ കാപ്പ കേസ് പ്രതിയാണ്. അഭിറാമിനെ വിളിച്ചുവരുത്തി കഴുത്തുഞെരിച്ചു കൊന്നതാണെന്ന് പോലീസ് നേരത്തെ പറഞ്ഞിരുന്നു. അഭിറാം ഓടിരക്ഷപ്പെടാൻ ശ്രമിച്ചപ്പോൾ കല്ലുകൊണ്ട് തലക്കടിച്ചു വീഴ്ത്തുകയും ശേഷം കഴുത്തു ഞെരിച്ചു കൊലപ്പെടുത്തിയെന്നും ഇതൊക്കെ താൻ ഒറ്റക്കാണ് ചെയ്തതെന്നും പതിനേഴുകാരൻ മൊഴി നൽകിയതായിട്ടാണ് റിപ്പോർട്ട്. കൊലപാതകം നടത്തിയ ശേഷം കാപ്പകേസ് പ്രതിയായ ഉമറിനെ വിളിച്ചുവരുത്തിയെന്നും പ്രതി മൊഴി നൽകിയിട്ടുണ്ട്. ഇതിനിടയിൽ പോലീസിന് കേസിൽ വീഴചയുണ്ടായതായി വിമർശനമുണ്ട്. തിങ്കളാഴ്ച അഭിരാമിനെ കാണാനില്ലെന്ന് പരാതി നൽകിയിട്ടും പോലീസ് കൃത്യമായി അന്വേഷണം നടത്തിയില്ലെന്ന് കുടുംബം ആരോപിക്കുന്നുണ്ട്. അന്വേഷണം അപ്പോൾ തന്നെ ശക്തമാക്കിയിരുന്നില്ലെങ്കിൽ ഇങ്ങനൊരു കൊലപാതകം നടക്കില്ലായിരുന്നുവെന്നും കുടുംബം പറയുന്നു. പ്രാഥമിക നിഗമനത്തിൽ ഇതോരു ആസൂത്രിതമായ കൊലപാതമായിരുന്നുവെന്നും ഇതിൽ കൂടുതൽ പേർക്ക് പങ്കുണ്ടെന്നുമാണ് അന്വേഷണ സംഘത്തിന്റ സംശയം. പ്രതി കൊലപ്പെടുത്താൻ ഉദ്ദേശിച്ചത് അഭിരാമിനെയല്ലെന്നും അഭിറാം വഴി മറ്റൊരു വിദ്യാർത്ഥിയെ വിളിച്ചു വരുത്താനായിരുന്നു ഉദ്ദേശമെന്നും കസ്റ്റഡിയിലുള്ള പതിനേഴുകാരൻ തെമിവെടുപ്പിനിടെ വെളിപ്പെടുത്തിയതായും റിപ്പോർട്ടുണ്ട്. എന്നാൽ ഇതിനിടയിൽ പ്രതിയും അഭിറാമും തമ്മിൽ വാക്കുതർക്കം ഉണ്ടാകുകയും അതിനുപിന്നാലെ കൊലപ്പെടുത്തുകയായിരുന്നു എന്നാണ് പ്രതി വെളിപ്പടുത്തിയിരിക്കുന്നത്. കേസുമായി ബന്ധപ്പെട്ട് 3 പേര് പോലീസ് കസ്റ്റഡിയിലുണ്ട്. പ്രതി കൊല്ലപ്പെട്ട അഭിരാമിന്റെ സുഹൃത്താണ്. പോലീസ് പ്രതിയെ ഇന്നലെത്തന്നെ സംഭവസ്ഥലത്ത് കൊണ്ടുവന്ന് തെളിവെടുപ്പ് നടത്തിയിരുന്നു. ഇൻക്വിസ്റ്റ് ഫോറൻസിക് പരിശോധനകൽ പൂർത്തിയായ ശേഷം അഭിറാമിന്റെ മൃതദേഹം പുലർച്ചയോടെ മെഡിക്കൽ കോളേജ് മോർച്ചറിയിലേക്ക് മാറ്റി. ഇനി പോസ്റ്റുമോർട്ടം കൂടി കഴിഞ്ഞു കഴിഞ്ഞാൽ ബന്ധുക്കൾക്ക് വിട്ടുകൊടുക്കും എന്നാണ് റിപ്പോർട്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Abhiram Murder Case: അഭിറാം കൊലക്കേസ്: പിടിയിലായ പതിനേഴുകാരന്‍ കുറ്റം സമ്മതിച്ചു

തിരുവനതപുരം: പാങ്ങപ്പാറയിൽ പതിനേഴുകാരനായ അഭിരാമിനെ കൊലപ്പെടുത്തിയ കേസിൽ കസ്റ്റഡിയിലെടുത്ത പതിനേഴുകാരൻ കുറ്റം സമ്മതിച്ചതായി റിപ്പോർട്ട്. സംഭവത്തിൽ പതിനേഴുകാരന്റെ ഞെട്ടിക്കുന്ന മൊഴി പുറത്തുവന്നിരിക്കുകയാണ്. അഭിറാമിനെ വിളിച്ചുവരുത്തി കഴുത്തുഞെരിച്ചു കൊന്നതാണെന്ന് പോലീസ് നേരത്തെ പറഞ്ഞിരുന്നു. അഭിറാം ഓടിരക്ഷപ്പെടാൻ ശ്രമിച്ചപ്പോൾ കല്ലുകൊണ്ട് തലക്കടിച്ചു വീഴ്ത്തുകയും ശേഷം രപതി കഴുത്തു ഞെരിച്ചു കൊലപ്പെടുത്തിയെന്നും ഇതൊക്കെ താൻ ഒറ്റക്കാണ് ചെയ്തതെന്നും പതിനേഴുകാരൻ മൊഴി നൽകിയതായിട്ടാണ് റിപ്പോർട്ട്. കൊലപാതകം നടത്തിയ ശേഷം കാപ്പകേസ് പ്രതിയായ ഉമറിനെ വിളിച്ചുവരുത്തിയെന്നും പ്രതി മൊഴി നൽകിയിട്ടുണ്ട്. സംഭവത്തിൽ പെൺകുട്ടിയ്ക്ക് പങ്കുണ്ടോയെന്ന് പോലീസ് അന്വേഷിക്കുന്നുണ്ട്. ഈ പെൺകുട്ടിക്ക് കൊലപാതകത്തിന്റെ വിവരണൽ അറിയാമായിരുന്നു എന്നാണ് പോലീസ് പറയുന്നത്. പെൺകുട്ടി പ്രായപൂർത്തിയായ ആളാണ് അതുകൊണ്ടുതന്നെ പെൺകുട്ടിയെ പ്രതി ചേർക്കാനാണ് സാധ്യതയെന്നാണ് റിപ്പോർട്ട്. ഇതിനിടയിൽ പോലീസിന് കേസിൽ വീഴചയുണ്ടായതായി വിമർശനമുണ്ട്. തിങ്കളാഴ്ച അഭിരാമിനെ കാണാനില്ലെന്ന് പരാതി നൽകിയിട്ടും പോലീസ് കൃത്യമായി അന്വേഷണം നടത്തിയില്ലെന്ന് കുടുംബം ആരോപിക്കുന്നുണ്ട്. അന്വേഷണം അപ്പോൾ തന്നെ ശക്തമാക്കിയിരുന്നില്ലെങ്കിൽ ഇങ്ങനൊരു കൊലപാതകം നടക്കില്ലായിരുന്നുവെന്നും കുടുംബം പറയുന്നു. പ്രാഥമിക നിഗമനത്തിൽ ഇതോരു ആസൂത്രിതമായ കൊലപാതമായിരുന്നുവെന്നും ഇതിൽ കൂടുതൽ പേർക്ക് പങ്കുണ്ടെന്നുമാണ് അന്വേഷണ സംഘത്തിന്റ സംശയം. പ്രതി കൊലപ്പെടുത്താൻ ഉദ്ദേശിച്ചത് അഭിരാമിനെയല്ലെന്നും അഭിറാം വഴി മറ്റൊരു വിദ്യാർത്ഥിയെ വിളിച്ചു വരുത്താനായിരുന്നു ഉദ്ദേശമെന്നും കസ്റ്റഡിയിലുള്ള പതിനേഴുകാരൻ തെമിവെടുപ്പിനിടെ വെളിപ്പെടുത്തിയതായും റിപ്പോർട്ടുണ്ട്. എന്നാൽ ഇതിനിടയിൽ പ്രതിയും അഭിറാമും തമ്മിൽ വാക്കുതർക്കം ഉണ്ടാകുകയും അതിനുപിന്നാലെ കൊലപ്പെടുത്തുകയായിരുന്നു എന്നാണ് പ്രതി വെളിപ്പടുത്തിയിരിക്കുന്നത്. കേസുമായി ബന്ധപ്പെട്ട് 3 പേര് പോലീസ് കസ്റ്റഡിയിലുണ്ട്. പ്രതി കൊല്ലപ്പെട്ട അഭിരാമിന്റെ സുഹൃത്താണ്. പോലീസ് പ്രതിയെ ഇന്നലെത്തന്നെ സംഭവസ്ഥലത്ത് കൊണ്ടുവന്ന് തെളിവെടുപ്പ് നടത്തിയിരുന്നു. ഇൻക്വിസ്റ്റ് ഫോറൻസിക് പരിശോധനകൽ പൂർത്തിയായ ശേഷം അഭിറാമിന്റെ മൃതദേഹം പുലർച്ചയോടെ മെഡിക്കൽ കോളേജ് മോർച്ചറിയിലേക്ക് മാറ്റി. ഇനി പോസ്റ്റുമോർട്ടം കൂടി കഴിഞ്ഞു കഴിഞ്ഞാൽ ബന്ധുക്കൾക്ക് വിട്ടുകൊടുക്കും എന്നാണ് റിപ്പോർട്ട്. കസ്റ്റഡിയിലുള്ള മറ്റൊരാളായ ഉമറിനെതിരേ മോഷണം, ലഹരി കടത്ത്, അടിപിടി കേസുകളും നിലവിലുണ്ടെന്നാണ് റിപ്പോർട്ട്. പ്രണയവുമായി ബന്ധപ്പെട്ട് സുഹൃത്തുക്കള്‍ തമ്മില്‍ ഉണ്ടായ തര്‍ക്കമാണ് അരുംകൊലയിലേക്ക് നയിച്ചതെന്നാണ് റിപ്പോർട്ട്. ഇന്നലെയായിരുന്നു ശ്രീകാര്യത്തെ അരുംകൊല പുറം ലോകമറിയുന്നത്. കാര്യവട്ടം പാങ്ങപ്പാറ സംഗീത നഗര്‍ സ്വദേശിയായ അഭിറാം കൊല്ലപ്പെട്ടത് അതിദാരുണമായാണ്. ശേഷം ചാക്കില്‍ കെട്ടി ഉപേക്ഷിച്ച നിലയില്‍ മൃതദേഹം പോലീസ് കണ്ടെത്തുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Abhiram Murder Case: പിന്നിൽ പ്രണയത്തർക്കമോ? പെൺകുട്ടിയടക്കം 3 പേർ കസ്റ്റഡിയിൽ

തിരുവനന്തപുരം: തലസ്ഥാനത്തെ നടുക്കിയ അഭിറാമിന്റെ കൊലപാതകത്തിൽ ഞെട്ടിക്കുന്ന വിവരങ്ങൾ പുറത്ത്. കൊലപാതകത്തിന് കാരണം പ്രണയത്തിന്റെ പേരിലുള്ള തർക്കമാണോ എന്നാണ് പോലീസിന്റെ നിഗമനം. പെൺകുട്ടിയുടെ പേരിൽ ഇൻസ്റ്റാഗ്രാമിൽ ചാറ്റ് ചെയ്ത പ്രതികൾ അഭിരാമിനെ വിളിച്ചുവരുത്തിയാണ് കൊലപ്പെടുത്തിയത്. ഇക്കാര്യം പോലീസാണ് വ്യക്തമാക്കിയത്. കൊലപാതകവുമായി ബന്ധപ്പെട്ട് ഒരു പെൺകുട്ടിയടക്കം മൂന്നുപേരെ പോലീസ് കസ്റ്റഡിയിലെടുത്തിട്ടുണ്ട്. പ്രതികൾ പെൺകുട്ടിയുടെ പേരിൽ ഇൻസ്റ്റാഗ്രാമിൽ മെസ്സേജ് അയച്ചു അഭിരാമിനെ പാങ്ങപ്പാറയിലേക്ക് വിളിച്ചു വരുത്തുകയായിരുന്നു. ശേഷം ഭിരാമിന്റെ കഴുത്തിൽ പ്രതികൾ ബെൽറ്റ് മുറുക്കി കൊലപ്പെടുത്തുകയായിരുന്നു എന്നാണ് റിപ്പോർട്ട്. ആളൊഴിഞ്ഞ പറമ്പിൽ ചാക്കിൽ കെട്ടിയ നിലയിൽ ഇന്നലെ പോലീസ് കണ്ടെത്തിയത് കാര്യവട്ടം പാങ്ങപ്പാറ സംഗീത നഗറിലുള്ള അഭിറാം എംഡി എന്ന പതിനേഴുകാരനായ പ്ലസ്ടു വിദ്യാർത്ഥിയുടെ മൃതദേഹമാണ്. ഇന്നലെ വൈകുന്നേരം സുഹൃത്തിന്റെ വീട്ടിൽ പോകുന്നു എന്ന് പറഞ്ഞാണ് അഭിറാം വീട്ടിൽ നിന്നും ഇറങ്ങിയത്. രാത്രി ഏറെ വൈകിയിട്ടും അഭിറാം തിരികെ എത്തിയിരുന്നില്ല. തുടർന്ന് വീട്ടുകാർ അഭിറാമിനെ വിളിച്ചുവെങ്കിലും ഫോൺ സ്വിച്ച് ഓഫായിരുന്നു. തുടർന്നാണ് വീട്ടുകാർ പോലീസ് സ്റ്റേഷനിൽ പരാതി നൽകിയത്. ശേഷം പോലീസ് സിസിടിവി ദൃശ്യങ്ങൾ, ഫോണിന്റെ ടവർ ലൊക്കേഷൻ എന്നിവ കേന്ദ്രീകരിച്ചു അന്വേഷണം നടത്തുന്നതിനിടയിലാണ് അഭിറാമിന്റെ മൃതദേഹം പാങ്ങപ്പാറയിൽ നിന്നും ചാക്കിൽ കെട്ടിയ നിലയിൽ കണ്ടെത്തിയത്. കൊല്ലപ്പെട്ട അഭിറാം കേശവാപുരത്തെ എൻഎസ്എസ് ഹയർസെക്കൻഡറി സ്‌കൂളിലെ പ്ലസ് വൺ വിദ്യാർത്ഥിയാണ്. സംഭവത്തിൽ നിലവിൽ പോലീസ് കാറ്റാടിയിലുള്ളത് 17 കാരനും ഒരു പെൺകുട്ടിയും മറ്റൊരാളുമാണ്. ഇയാൾ ഗുണ്ടാ ലിസ്റ്റിലുള്ള ആളാണെന്നാണ് റിപ്പോർട്ട്. അഭിറാമിന്റെ മൃതദേഹം ആളൊഴിഞ്ഞ പറമ്പിൽ വാഴകൾക്കിടയിൽ ചാക്കിൽ കെട്ടി ഉപേക്ഷിക്കപ്പെട്ട നിലയിലാണ് കണ്ടെത്തിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Crime News: ചാക്കിൽ കെട്ടി മരത്തിൽ തൂക്കിയ നിലയിൽ മൃതദേഹം, കാണാതായ അഭിറാമിന്റെ മൃതദേഹം കണ്ടെത്തി; 17-കാരൻ പിടിയിൽ

തിരുവനന്തപുരം: ശ്രീകാര്യത്ത് 17 കാരന്റെ മൃതദേഹം ചാക്കിൽ കെട്ടി ഉപേക്ഷിച്ച നിലയിൽ. പാങ്ങപ്പാറ സ്വദേശിയും പ്ലസ് ടു വിദ്യാർത്ഥിയുമായ അഭിറാം എം ഡി യുടെ മൃതദേഹമാണ് ചാക്കിൽ കെട്ടിയ നിലയിൽ‌ കണ്ടെത്തിയത്. അഭിറാമിനെ ഇന്നലെ മുതൽ കാണാതായിരുന്നു. കുട്ടിക്കായി അന്വേഷണം നടക്കുന്നതിനിടെയാണ് ചാക്കിൽ കെട്ടി നിലയിൽ മൃതദേഹം കണ്ടെത്തിയത്. കൊലപാതകം എന്ന് സംശയം. പ്രണയവുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് പ്രാഥമികവിവരം. പാങ്ങപ്പാറയിലെ ഒഴിഞ്ഞ പറമ്പിൽ നിന്നാണ് ചാക്കിലാക്കി ഉപേക്ഷിച്ച നിലയിലാണ് മൃതദേഹം കണ്ടെത്തുന്നത്. കേസുമായി ബന്ധപ്പെട്ട് പോലീസ് ഒരു 17കാരനെ കസ്റ്റഡിയിലെടുത്തിട്ടുണ്ട്. ശ്രീകാര്യം പോലീസ് സംഭവ സ്ഥലത്തെത്തി പരിശോധന നടത്തി. ഞായറാഴ്ച മൂന്ന് മണിയോടെയാണ് കൂട്ടുകാരന്‍ വിളിക്കുന്നു എന്ന് പറഞ്ഞ് അഭിരാം വീട്ടില്‍ നിന്ന് ഇറങ്ങിയതെന്ന് കുട്ടിയുടെ പിതാവ് പറഞ്ഞു. രാത്രിയിൽ ഫോൺ വിളിച്ചപ്പോൾ ഉടൻ എത്തുമെന്ന് പറഞ്ഞിരുന്നതായും പിന്നീട് ഫോണ്‍ സ്വിച്ച് ഓഫ് ആയതായും പിതാവ് പറഞ്ഞു. രാത്രി ഏറെ വൈകിയിട്ടും കാണാതായതോടെയാണ് ശ്രീകാര്യം പോലീസില്‍ പരാതി നല്‍കിയത്. ഇൻക്വസ്റ്റ് നടപടികൾ നടന്നു. നിലവിൽ ലഭിച്ച വിവരങ്ങളുടെ അടിസ്ഥാനത്തിൽ പോലീസ് പറയുന്നത് ഇന്നലെ വൈകുന്നേരം ഒരു പെൺകുട്ടിയുടെ ഇൻസ്റ്റഗ്രാം അക്കൗണ്ടിൽനിന്നും അഭിറാമിന് മെസേജ് വരികയും അതിന് ശേഷം അഭിറാം വീട്ടിൽനിന്നും ഇറങ്ങുകയായിരുന്നുവെന്നുമാണ്. പെൺകുട്ടിയെ ഉപയോഗിച്ച് പ്രതി അഭിറാമിനെ പാങ്ങപ്പാറയിലേക്ക് വിളിച്ചുവരുത്തുകയായിരുന്നുവെന്നാണ് നിഗമനം. ഇവിടെ വച്ച് പ്രതി 17കാരനെ കൊലപ്പെടുത്തുകയായിരുന്നു. പ്രതിയായ 17കാരനും ഒരു പെൺകുട്ടിയും തമ്മിൽ ഇഷ്ടത്തിലായിരുന്നും ഈ പെൺകുട്ടിയുമായി കൊല്ലപ്പെട്ട അഭിറാം സൗഹൃദം സ്ഥാപിക്കാൻ ആഗ്രഹിച്ചിരുന്നതായുമാണ് പോലീസ് പറയുന്നത്. ഇതേത്തുടർന്നുണ്ടായ‌ തർക്കമാണ് കൊലപാതകത്തിലേക്ക് നയിച്ചത് എന്നാണ് വിവരം. പ്രതി മുൻപും മോഷണമടക്കമുള്ള പല കേസുകളിലും പ്രതിയായിട്ടുള്ള ആളാണെന്ന വിവരവും പുറത്തുവരുന്നുണ്ട്. ഇയാൾ ഒറ്റയ്ക്കാണോ കൃത്യം നടത്തിയത് എന്നത് അന്വേഷിക്കുന്നുണ്ട്. അഭിറാമിന്റെ കൂട്ടുകാരെ പോലീസ് ഇന്നലെ ചോദ്യം ചെയ്തിരുന്നു. എന്നാൽ കാര്യമായ വിവരങ്ങളൊന്നും ലഭിച്ചിരുന്നില്ല. പിന്നീട് സിസിടിവി ദൃശ്യങ്ങളും മൊബൈൽ ടവറും കേന്ദ്രീകരിച്ച് നടത്തിയ അന്വേഷണത്തിനും ശേഷമാണ് മൃതദേഹം കണ്ടെത്തിയത്. കമ്മീഷണറുടെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി. പ്രതിയെ പോലീസ് ചോദ്യംചെയ്യുകയാണ്. അതേസമയം, അഭിറാമിനെ കണ്ടെത്തുന്നതിൽ പോലീസിന് വീഴ്ച സംഭവിച്ചതായി കുട്ടിയുടെ മാതാപിതാക്കൾ ആരോപണം ഉന്നയിക്കുന്നുണ്ട്. അഭിറാമിന്റെ മാതാപിതാക്കൾ രാവിലെ മുതൽ പോലീസ് സ്‌റ്റേഷനിലുണ്ടായിരുന്നു. മൃതദേഹം കണ്ടെത്തിയതിന് പിന്നാലെതന്നെ കൊലനടത്തിയ 17-കാരനെയും കസ്റ്റഡിയിലെടുക്കുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Varkala Crime News: കുടുംബവഴക്ക് കലാശിച്ചത് കൊലപാതകത്തിൽ; വർക്കലയിൽ ഭർത്താവ് ഭാര്യയെ വെട്ടിക്കൊന്നു

തിരുവനന്തപുരം: വർക്കലയിൽ ഭാര്യയെ വെട്ടി കൊലപ്പെടുത്തി ഭർത്താവ്. ചെമ്മരുതി പഞ്ചായത്തിലെ തറട്ട കീഴെതൊടി വീട്ടിൽ സുബിന (30) ആണ് കൊല്ലപ്പെട്ടത്. ഭർത്താവ് ഷാജനെ(35) അയിരൂർ പോലീസ് അറസ്റ്റ് ചെയ്തു. കുടുംബ വഴക്കിനെ തുടര്‌ന്നായിരുന്നു കൊലപാതകം. തിങ്കളാഴ്ച ഉച്ചയ്ക്ക് 2 മണിയോടെയായിരുന്നു സംഭവം. സുബിനയ്ക്ക് കഴുത്തിനാണ് വെട്ടേറ്റത്. കൊലയ്ക്ക് ശേഷം പ്രതി തന്നെയാണ് തന്റെ അടുത്ത സുഹൃത്തിനെയും സ്ഥലത്തെ വാർഡ് അംഗത്തെയും വിവരം അറിയിച്ചത്. തുടർന്ന് ഇവർ വീട്ടിലെത്തി സുബിനയെ ആശുപത്രിയിലേക്ക് മാറ്റിയെങ്കിലും മരിച്ചിരുന്നു. ആക്രമണം നടക്കുമ്പോൾ സുബിനയും ഷാജനും മാത്രമാണ് വീട്ടിലുണ്ടായിരുന്നത്. ഇരുവർക്കും 6 വയസ്സുള്ള ഒരു മകളുണ്ട്. സംഭവത്തിൽ കേസെടുത്ത അയിരൂർ പോലീസ് അന്വേഷണം തുടങ്ങി. കൊലപാതകത്തിലേക്ക് നയിച്ച സാഹചര്യം എന്താണെന്നതിൽ കൂടുതൽ പരിശോധന നടക്കുകയാണെന്ന് പോലീസ് വ്യക്തമാക്കി. സുബിനയുടെ മൃതദേഹം താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

മാരാർജി ഭവനു നേരെ ബിയർ കുപ്പിയെറിഞ്ഞ സംഭവം; 2 കോൺഗ്രസ് പ്രവർത്തകർ പിടിയിൽ

തിരുവനന്തപുരം: ബിജെപി ആസ്ഥാനത്തിനു നേരെ ബിയർ കുപ്പിയെറിഞ്ഞ കേസിൽ 2 കോൺഗ്രസ് പ്രവർത്തകർ പിടിയിൽ. തിരുവനന്തപുരം സിറ്റി പോലീസാണ് കോൺഗ്രസ് പ്രവർത്തകരായ അരുൺ, സുജിത് കുമാർ എന്നിവരെ അറസ്റ്റു ചെയ്‌തത്. സംഭവം നടന്നത് ഒരു മാസം മുൻപായിരുന്നു. ബിജെപി ആസ്ഥാനത്തിന് നേരെ ആക്രമണമുണ്ടായത് തലസ്ഥാനത്ത് ബിജെപി-കോൺഗ്രസ് അനുഭാവികൾ തമ്മിലുണ്ടായ തുടർച്ചയായ സംഘർഷങ്ങൾക്ക് പിന്നാലെയാണ്. നഗരത്തിൽ രാഷ്ട്രീയ സംഘർഷ പരമ്പരയ്ക്ക് തുടക്കം കുറിച്ചത് സെപ്റ്റംബർ അവസാന വാരം കേന്ദ്ര ആഭ്യന്തര മന്ത്രി അമിത് ഷായുടെ വാഹനവ്യൂഹത്തിന് നേരെ യൂത്ത് കോൺഗ്രസ് പ്രവർത്തകർ കരിങ്കൊടി കാട്ടി പ്രതിഷേധിച്ചതോടെയാണ്. ഇതിന് പിന്നാലെ കോൺഗ്രസ് ജില്ലാ കമ്മിറ്റി ഓഫീസിന് നേരെ ബിജെപി പ്രവർത്തകർ ആക്രമണം നടത്തിയിരുന്നു. ഇതിന്റെ തുടർച്ചയെന്നോളമാണ് രാത്രി ബിജെപി സംസ്ഥാന കാര്യാലയത്തിന് നേരെ ബിയർ കുപ്പികൾ എറിഞ്ഞത്. ഇതിനെ തുടർന്ന് സംഭവത്തിൽ ഉൾപ്പെട്ടവരെ ഉടൻ പിടികൂടണമെന്ന ആവശ്യത്തിൽ ബിജിപി തേതൃത്വം ശക്തമായ പ്രതിഷേധങ്ങൾ നടത്തി. പ്രതികൾ കുടുങ്ങിയത് സംഭവ സ്ഥലത്തെയും പരിസരങ്ങളിലെയും സിസിടിവി ദൃശ്യങ്ങളെ കേന്ദ്രീകരിച്ചു നടത്തിയ അന്വേഷണത്തിലാണ്. പ്രതികൾ കൃത്യം നടത്താൻ ഉപയോഗിച്ച വാഹനം കേന്ദ്രീകരിച്ചു നടത്തിയ അന്വേഷണമാണ് വഴിതുറന്നത്. ഇവരെ കോടതിയിൽ ഹാരാജാക്കി റിമാൻഡ് ചെയ്തു. കേസിൽ കൂടുതൽ പേർക്ക് പങ്കുണ്ടോയെന്ന് പരിശോധിക്കുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Thiruvananthapuram News: തിരുവനന്തപുരത്ത് ഡി.ജെ പാർട്ടി കേന്ദ്രങ്ങളിൽ റെയ്ഡ്; ഹോട്ടലുകളിൽ ഡാൻസാഫിന്റെ മിന്നൽ പരിശോധന

തിരുവനന്തപുരം: തിരുവനന്തപുരത്ത് ഡിജെ പാർട്ടികളിൽ മിന്നൽ പരിശോധന നടത്തി ഡാൻസാഫ് സംഘം. പ്രത്യേക വിവരം ലഭിച്ചതിന്റെ അടിസ്ഥാനത്തിലായിരുന്നു സംഘത്തിന്റെ പരിശോധന. 15 ഓളം വരുന്ന ഉദ്യോഗസ്ഥർ എത്തിയാണ് പരിശോധന നടത്തിയത്. ഒരേ സമയം ജില്ലയിലെ വിവിധയിടങ്ങളിലായി സംഘം പരിശോധന നടത്തുകയായിരുന്നു. കഴക്കൂട്ടം, ഈഞ്ചക്കൽ എന്നിവിടങ്ങളിലെ നൈറ്റ് ക്ലബുകളിലായിരുന്നു പരിശോധന. പാർട്ടികൾ നടക്കുന്നത് സുരക്ഷാ മാനദണ്ഡങ്ങൾ പാലിച്ചാണോ, ലൈസൻസുണ്ടോ തുടങ്ങിയ കാര്യങ്ങൾ സംഘം പരിശോധിച്ചു. കഴിഞ്ഞ ദിവസം കൊച്ചിയിലടക്കം ഡി ജെ പാർട്ടി നടക്കുന്ന ഹോട്ടലുകളിൽ പരിശോധന നടത്തിയിരുന്നു. കൊച്ചി പഞ്ചനക്ഷത്ര ഹോട്ടലില്‍ ചട്ടവിരുദ്ധമായി നടന്ന ഡിജെ പാര്‍ട്ടിക്കെതിരെയായിരുന്നു പോലീസ് നടപടി. ലൈസന്‍സ് ചട്ടങ്ങള്‍ക്ക് വിരുദ്ധമായി പ്രവര്‍ത്തനം നടത്തിയ കൊച്ചി കടവന്ത്രയിലെ ഹോട്ടലിനെതിരെയായിരുന്നു നീക്കം. ഡിജെ പാര്‍ട്ടിയില്‍ പങ്കെടുത്ത പ്രായപൂര്‍ത്തിയാകാത്ത കുട്ടികള്‍ക്ക് മദ്യം നൽകിയിരുന്നതായും പരിശോധനയില്‍ കണ്ടെത്തിയിരുന്നു. നിലവിൽ ഹോട്ടലുകളിലെ പബ്ബുകളുടെ പ്രവർത്തന സമയം രാത്രി 11 മണി വരെയാണ്. എന്നാൽ ഇത് ലംഘിച്ച് പുലർച്ചെ വരെ പാർട്ടി നീണ്ടുനിന്നതായാണ് പോലീസ് പറയുന്നത്. ഹോട്ടലുകളിലേക്ക് ആളുകളെ ആകര്‍ഷിക്കുന്നതിനായി മദ്യം നൽകുന്നതിനെക്കുറിച്ച് പരസ്യം നല്‍കിയതായും കണ്ടെത്തിയിട്ടുണ്ട്. നഗരത്തിൽ രഹസ്യമായി നടക്കുന്ന ഡി.ജെ പാർട്ടികൾ ലക്ഷ്യമിട്ടായിരുന്നു പോലീസിന്റെ മിന്നൽ റെയ്ഡ്. വേഷംമാറിയെത്തിയ പോലീസ് സംഘം നാർക്കോട്ടിക് എ.സി.പി അനന്തലാലിന്റെ നേരിട്ടുള്ള നേതൃത്വത്തിലാണ് പരിശോധന നടത്തിയത്. ലഹരിമരുന്ന് ഉപയോഗവും അനുബന്ധ കുറ്റകൃത്യങ്ങളും പെരുകിയതോടെയാണ് കൊച്ചിയിൽ മുൻപ് ഡി.ജെ പാർട്ടികൾക്ക് കർശന വിലക്കേർപ്പെടുത്തിയിരുന്നത്. എന്നാൽ നിയമങ്ങൾ കാറ്റിൽപ്പറത്തി പല കേന്ദ്രങ്ങളിലും പാർട്ടികൾ തുടരുന്നതായി ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പോലീസ് നീക്കം. പരിശോധനയിൽ മയക്കുമരുന്നുകളൊന്നും പിടിച്ചെടുത്തിട്ടില്ല. പുതിയ കൊച്ചി സിറ്റി പോലീസ് കമ്മീഷണറായി ആർ. നിശാന്തിനി ചുമതലയേറ്റതിന് തൊട്ടുപിന്നാലെയായിരുന്നു ഈ നിർണ്ണായക നടപടി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.

Income Tax Dep: ധനകാര്യ ഇടപാടുകളിൽ സുതാര്യത വേണം; ബോധവൽക്കരണ പരിപാടിയുമായി ആദായനികുതി വകുപ്പ്

തിരുവനന്തപുരം: തിരുവനന്തപുരം ആദായനികുതി വകുപ്പിന്റെ നേതൃത്വത്തിൽ പ്രത്യേക ബോധവൽക്കരണ പരിപാടി സംഘടിപ്പിച്ചു. വിജിലൻസ് അവബോധ വാരാചരണത്തിന്റെ ഭാഗമായാണ് "സമൃദ്ധിക്കായി സത്യനിഷ്ഠ" എന്ന വിഷയത്തെ ആസ്പദമാക്കി ചടങ്ങ് സംഘടിപ്പിച്ചത്. ചടങ്ങിൽ ആദായനികുതി വകുപ്പ് ഉദ്യോഗസ്ഥർ, സന്നദ്ധ-സേവന സംഘടനകളുടെ പ്രതിനിധികൾ, ചാർട്ടേഡ് അക്കൗണ്ടന്റുമാർ എന്നിവർ പങ്കെടുത്തു. ധനകാര്യ ഇടപാടുകളിലെ സുതാര്യത, ഉത്തരവാദിത്തമുള്ള ഭരണനിർവ്വഹണം, ധാർമ്മിക മൂല്യങ്ങളുടെ സംരക്ഷണം എന്നിവയുടെ പ്രാധാന്യത്തെ കുറിച്ചാണ് യോഗത്തിൽ പറഞ്ഞത്. പരിപാടിയിൽ വിജിലൻസ് ആൻഡ് ആന്റി കറപ്ഷൻ ബ്യൂറോ ഡെപ്യൂട്ടി ഇൻസ്‌പെക്ടർ ജനറൽ ഓഫ് പോലീസ് (DIGP) തോംസൺ ജോസ് ഐ.പി.എസ് മുഖ്യാതിഥിയായി പങ്കെടുത്തു. ആദായനികുതി വകുപ്പ് എക്‌സംപ്ഷൻസ് റേഞ്ച് ജോയിന്റ് കമ്മീഷണർ കൃഷ്ണപ്രസാദ് ഐ.ആർ.എസ്, എക്‌സംപ്ഷൻ സർക്കിൾ അസിസ്റ്റന്റ് കമ്മീഷണർ ഗണശേഖർ ഐ.ആർ.എസ് എന്നിവരും ചടങ്ങിൽ സന്നിഹിതരായി. ഇൻകം ടാക്സ് ഓഫീസർമാരായ രശ്മി, അർണോൾഡ് രഞ്ജിത്ത് എന്നിവർ വിവിധ വിഷയങ്ങളിൽ ക്ലാസുകൾക്ക് നേതൃത്വം നൽകി. ചാരിറ്റബിൾ ട്രസ്റ്റുകളുടെയും മറ്റ് സന്നദ്ധ സംഘടനകളുടെയും പ്രവർത്തനങ്ങളിൽ അത്യന്താപേക്ഷിതമായ സുതാര്യതയെക്കുറിച്ചും സത്യസന്ധതയെക്കുറിച്ചും ചർച്ചയായി. സാമ്പത്തിക ഇടപാടുകൾ പൂർണ്ണമായും നിയമാനുസൃതമായി നടത്തുക, കൃത്യമായ അക്കൗണ്ട് ബുക്കുകളും രേഖകളും സൂക്ഷിക്കുക, ഉത്തരവാദിത്തമുള്ള ഭരണനിർവ്വഹണം ഉറപ്പാക്കുക, പൊതുജനവിശ്വാസം സംരക്ഷിക്കുക എന്നീ നിർണ്ണായക കാര്യങ്ങളിൽ ‌മാർഗ്ഗനിർദ്ദേശങ്ങൾ നൽകി. അഴിമതിയില്ലാത്ത ഒരു നല്ല നാളെയുടെ നിർമ്മിതിക്കായി സർക്കാർ സംവിധാനങ്ങളും സന്നദ്ധസംഘടനകളും ഒരുമിച്ച് പ്രവർത്തിക്കേണ്ടതുണ്ട്. ഔദ്യോഗിക-സാമൂഹിക പ്രവർത്തനങ്ങളിൽ സത്യസന്ധതയും സുതാര്യതയും ഉത്തരവാദിത്തവും പൂർണ്ണമായും നിലനിർത്തിയാൽ മാത്രമേ സുസ്ഥിരമായ സാമൂഹിക-സാമ്പത്തിക വളർച്ച കൈവരിക്കാനാകൂ. സ്വന്തം പ്രവർത്തികളിലൂടെ സത്യസന്ധത തെളിയിക്കാനും സുതാര്യമായ ഭരണക്രമത്തിലൂടെ ജനങ്ങളുടെ വിശ്വാസ്യത ഊട്ടിയുറപ്പിക്കാനും ചടങ്ങിൽ പങ്കെടുത്തവർ പ്രതിജ്ഞയെടുക്കാനും പരിപാടി ആഹ്വാനം ചെയ്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം

Muthalappozhi Chakara: 'വറ്റ' ചാകര ആഘോഷമാക്കി, മീന്‍ കഴിച്ച 28 പേര്‍ ആശുപത്രിയില്‍

തിരുവനന്തപുരം: മുതലപ്പൊഴിയിലുണ്ടായ ചാകരയിൽ വറ്റ മത്സ്യം കഴിച്ച 28 പേർക്ക് ശാരീരിക ബുദ്ധിമുട്ടുകൾ അനുഭവപ്പെടുകയും ചികിത്സയ്ക്കായി വിവിധ ആശുപത്രികളിൽ പ്രവേശിപ്പിക്കുകയും ചെയ്തു. പുന്നമൂട് മാർക്കറ്റിൽ നിന്ന് മത്സ്യം വാങ്ങിയ ഭൂരിഭാഗം ആളുകൾക്കുമാണ് ദേഹാസ്വാസ്ഥ്യം അനുഭവപ്പെട്ടത്. മത്സ്യം പാകം ചെയ്ത് കഴിച്ചവർക്ക് 30 മിനിറ്റിനുള്ളിൽ മുഖം ചുവക്കുകയോ, ചൊറിച്ചിൽ, തലവേദന, വയറിളക്കം, ഛർദി തുടങ്ങിയ ലക്ഷണങ്ങൾ ഉണ്ടായാൽ ഉടൻ ചികിത്സ തേടണമെന്നാണ് മുന്നറിയിപ്പ്. മത്സ്യം കഴിച്ചാൽ മറ്റ് രോഗങ്ങളുള്ളവരെ ഇത് ഗുരുതരമായി ബാധിക്കാമെന്നും ഹെൽത്ത് ഇൻസ്പെക്ടർ വ്യക്തമാക്കി. മത്സ്യം വാങ്ങി സൂക്ഷിച്ചിട്ടുള്ളവർ ഉടൻ മത്സ്യം നശിപ്പിച്ചുകളയണമെന്നും വറ്റ വിൽപ്പന നടത്തുന്നവർക്കെതിരെ കർശന നടപടി സ്വീകരിക്കുമെന്നും വർക്കല മുനിസിപ്പാലിറ്റി ചെയർപേഴ്സൺ അറിയിച്ചു. പഴകിയ മീന്‍, ശരിയായ താപനിലയിൽ സൂക്ഷിക്കാത്തതിനാൽ ബാക്ടീരിയ വളർന്നതോ അല്ലെങ്കിൽ വറ്റ മീനിൽ പെട്ടെന്നുണ്ടാകുന്ന 'ഹിസ്റ്റാമിൻ' എന്ന വിഷാംശമോ ആകാം ആരോഗ്യ പ്രശ്നങ്ങൾക്ക് കാരണമെന്നാണ് നിഗമനം. ചിറയിൻകീഴ് അഞ്ചുതെങ്ങ്-പെരുമാതുറ കടലോരത്ത് അപ്രതീക്ഷിതമായിട്ടാണ് വറ്റ ചാകരയെത്തിയത്. ചാകരയെ തുടർന്ന് കിലോയ്ക്ക് 280 രൂപയുണ്ടായിരുന്ന വലിയ വറ്റ മീനിന് 105 രൂപയായി കുറഞ്ഞിരുന്നു. 10 മുതൽ 45 കിലോഗ്രാം വരെ തൂക്കമുള്ള മീനുകളാണ് ചാകരയിൽ ലഭിച്ചത്. മീൻ വാങ്ങാനെത്തിയവരുടെ തിരക്കും വലിയ രീതിയിലായിരുന്നു. കഴിഞ്ഞ മൂന്ന് ദിവസത്തിനുള്ളിൽ മാത്രം 12 കോടി രൂപയിലേറെ മത്സ്യക്കച്ചവടം നടന്നതായി റിപ്പോര്‍ട്ടുകളുണ്ടായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kovalam Spa Sexual Abuse Case: കോവളം സ്പാ പീഡന കേസ്: ഇടനിലക്കാരിയായ ജൂനിയർ ഹെൽത്ത് ഇൻസ്‌പെക്ടർ അറസ്റ്റിൽ

തിരുവനന്തപുരം: കോവളം സ്പാ പീഡനക്കേസിലെ ഇടനിലക്കാരിയായ യുവതി അറസ്റ്റിൽ. അറസ്റ്റിലായത് നഗരൂർ ആരോഗ്യകേന്ദ്രത്തിലെ താൽക്കാലിക ജൂനിയർ ഹെൽത്ത് ഇൻസ്‌പെക്‌ടർ മായ ആണ്. കേസിൽ നേരത്തെ അറസ്റ്റിലായ ഹെൽത്ത് ഇൻസ്‌പെക്ടർ അനുരൂപിന്റെ അടുത്ത സുഹ്‌റാത്താണ് അറസ്റ്റിലായ യുവതി. ഇവർ ഒരു വർഷമായി നല്ല സുഹൃത്തുക്കളാണ് എന്നാണ് റിപ്പോർട്ട്. അറസ്റ്റിലായ അനുരൂപിന്റെ ഫോണിൽ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് മായയെ അറസ്റ്റു ചെയ്തത്. കേസിൽ നിലവിൽ അറസ്റ്റിലായവരുടെ എണ്ണം ആറായിട്ടുണ്ട്. സ്പാ നടത്തിപ്പുകാരിൽ നിന്നും ലഭിക്കുന്ന വരുമാനത്തിന്റെ ഒരു പങ്ക് മായയുടെ അക്കൗണ്ടിലേക്കും എത്തിയിട്ടുണ്ട്. ഇതിനിടയിൽ പ്രായപൂർത്തിയാകാത്ത ആന്ധ്ര സ്വദേശിനിയെ സ്പായിലെത്തിച്ച ഇയളയമ്മ അവരുടെ ഒപ്പം താമസിച്ചിരുന്ന യുവാവ് എന്നിവരെ ആന്ധ്രയിൽ നിന്നും അറസ്റ്റു ചെയ്തു. ഇവരെ കൂടാതെ സ്പാ നടത്തിപ്പുകാരായ സജിത്ത് കുമാർ, നിഷാന്ത് എന്നിവരും അറസ്റ്റിലായി. സംഭവത്തിൽ പോലീസ് അന്വേഷണം ആരംഭിച്ചത് പെൺകുട്ടിയെ കാണാനില്ലെന്ന ഇളയമ്മയുടെ പരാതിയുടെ അടിസ്ഥാനത്തിലാണ്. തുടർന്ന് പരാതിക്കാരിയുടെ ഫോണിൽ കണ്ടെത്തിയ ആധാർ കാർഡുകളിൽ ഒന്നിൽ പെൺകുട്ടിയുടെ പ്രായം 20 എന്നും മറ്റൊന്നിൽ 16 എന്നും രേഖപ്പെടുത്തിയിരുന്നു. ഇതിലാണ് പോലീസിന് സംശയം ഉണ്ടായത്. ശേഷം നടത്തിയ അന്വേഷണത്തിലാണ് പെൺകുട്ടി സ്പായിൽ വച്ച് ലൈംഗിക ചൂഷണത്തിന് ഇരയായതായി അറിയുന്നത്. ഈ പെൺകുട്ടിയെ സ്പായിൽ എത്തിച്ചതിൽ മായയ്ക്ക് പങ്കുണ്ടോയെന്നും പോലീസ് അന്വേഷിക്കുന്നുണ്ട്. അറസ്റ്റിലായ പ്രതികളെല്ലാം റിമാൻഡിലാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

PSC Exam Fraud: പി.എസ്.സി പരീക്ഷാ തട്ടിപ്പിൽ ആദ്യ അറസ്റ്റ്; മുൻ ഡെപ്യൂട്ടി സെക്രട്ടറി പിടിയിൽ

തിരുവനന്തപുരം: പിഎസ്‌സി പരീക്ഷാ ക്രമക്കേട് കേസില്‍ മുന്‍ ഡപ്യൂട്ടി സെക്രട്ടറി സതീഷ് അറസ്റ്റിൽ. കേസിലെ ആദ്യ അറസ്റ്റാണിത്. ക്രൈംബ്രാഞ്ച് പ്രത്യേക സംഘമാണ് സതീഷിനെ അറസ്റ്റ് ചെയ്തത്. നേരത്തെ തന്നെ സതീഷിനെതിരെ പിഎസ്‌സി നടപടിയെടുത്തിരുന്നു. സതീഷ് വിരമിച്ചതിനാൽ ഇയാളുടെ വിരമിക്കൽ ആനുകൂല്യങ്ങൾ തടഞ്ഞുവയ്ക്കാനാണ് പി‌എസ്‌സിയുടെ തീരുമാനം. കേസിലെ മറ്റൊരു പ്രതിയായ പരീക്ഷാ വിഭാഗം അഡിഷനൽ സെക്രട്ടറിയായ ആർ. ഹരിയെ നേരത്തെ സസ്പെൻഡ് ചെയ്തിരുന്നു. ആസൂത്രണ ബോർഡ് ചീഫ് പരീക്ഷാ ക്രമക്കേടിൽ കഴിഞ്ഞ ദിവസവും പിഎസ്‌സി അംഗങ്ങളെ ക്രൈംബ്രാഞ്ച് സംഘം ചോദ്യം ചെയ്തിരുന്നു. എസ്.ശ്രീകുമാർ, സ്റ്റാനി തോമസ് എന്നിവരെയാണ് ഇന്നലെ ക്രൈംബ്രാഞ്ച് ആസ്ഥാനത്ത് അന്വേഷണ സംഘം ചോദ്യം ചെയ്തത്. പിഎസ്‌സി ചെയർമാൻ എം.ആർ.ബൈജുവിനെയും സംഘം ചോദ്യം ചെയ്യും. ഇന്ന് ഉച്ചയ്ക്ക് 2.30ന് ആണ് ചോദ്യം ചെയ്യൽ. ഇന്റർവ്യൂ ഉണ്ടായിരുന്നതിനാൽ പിഎസ്‌സി അംഗമായ സി.കെ.ഷാജിബ് ഇന്നലെ ചോദ്യം ചെയ്യലിന് ഹാജരായിരുന്നില്ല. തങ്ങൾ അഭിമുഖം നടത്തുന്ന പാനലുകളിൽ ഉള്ളവരാണെന്നും തങ്ങൾക്ക് പരീക്ഷാമൂല്യനിർണയത്തെക്കുറിച്ച് അറിവില്ലെന്നുമാണ് അംഗങ്ങൾ വ്യക്തമാക്കിയിരിക്കുന്നത്. ചെയർമാൻ, സെക്രട്ടറി, പരീക്ഷാ കൺട്രോളർ എന്നിവരാണ് പരീക്ഷകളിൽ നേരിട്ട് ഇടപെടാറുള്ളതെന്നും അംഗങ്ങൾ മൊഴി നൽകിയിട്ടുണ്ട്. ഇതിനിടെ, കമ്മിഷൻ അംഗങ്ങൾക്കിടയിൽ യോജിപ്പില്ലെന്ന് ഗവർണറോട് താൻ പറഞ്ഞതായുള്ള വാർത്ത നിഷേധിച്ച് പിഎസ്‌സി സെക്രട്ടറി സാജു ജോർജ് രംഗത്തെത്തിയിരുന്നു. ക്രമക്കേടിൽ ക്രൈംബ്രാഞ്ച് സംഘം രണ്ട് കേസുകൾ കൂടി രജിസ്റ്റർ ചെയ്തു. ഫിഷറീസ് വകുപ്പിലെ ഫിഷറീസ് എക്സ്റ്റൻഷൻ ഓഫിസർ, ഖാദി ബോർഡിലെ വില്ലേജ് ഓയിൽ ഇൻസ്പെക്ടർ എന്നീ നിയമനങ്ങളിലാണ് ഇപ്പോൾ കേസെടുത്തിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Trivandrum News: കുട്ടിയെ മടിയിലിരുത്തി ഡ്രൈവിംഗ്: ഡ്രൈവറുടെലൈസൻസ് റദ്ദാക്കും, നടപടിയുമായി ആർ.ടി.ഒ

തിരുവനന്തപുരം: മൂന്ന് വയസ്സുള്ള കുട്ടിയെ മടിയിലിരുത്തി വാഹനമോടിച്ച സംഭവത്തിൽ കർശന നടപടിയുമായി കഴക്കൂട്ടം ആർ.ടി.ഒ. ഡ്രൈവറായ സൈനുലാബ്ദീനെ ഓഫീസിലേക്ക് വിളിച്ചുവരുത്തി മോട്ടോർ വാഹന വകുപ്പ് അധികൃതർ. ഇയാളുടെ ഡ്രൈവിംഗ് ലൈസൻസ് സസ്‌പെൻഡ് ചെയ്യും. അശ്രദ്ധമായും അപകടകരമായും വാഹനമോടിച്ചതിന് ഇയാൾക്കെതിരെ കേസെടുത്തിട്ടുണ്ട്. എന്നാൽ, കുട്ടി കരഞ്ഞതിനെത്തുടർന്നാണ് മടിയിലിരുത്തി ഡ്രൈവ് ചെയ്തതെന്നാണ് ഡ്രൈവർ നൽകിയ മൊഴി. കുട്ടികളിലെ അക്രമവാസന കൂടുന്നതായി പരാതി: കൊറിയൻ സിനിമകൾക്കും ഗെയിമുകൾക്കുമെതിരെ നടപടിക്കൊരുങ്ങി സർക്കാർ കൊറിയൻ സിനിമകൾ ഉൾപ്പെടെയുള്ള ക്രൈം ചിത്രങ്ങളും ഓൺലൈൻ ഗെയിമുകളും കുട്ടികളിൽ ക്രൂരമായ അക്രമവാസന വളർത്തുന്നുവെന്ന പരാതികൾ കൂടിവരുന്നതായി ആഭ്യന്തര മന്ത്രി രമേശ് ചെന്നിത്തല. വളരെ ഗൈരവത്തോടെയാണ് വിഷയത്തെ കാണുന്നതെന്നും ഇതിനെതിരെ കർശന നടപടികൾ സ്വീകരിക്കുമെന്നും അദ്ദേഹം നിയമസഭയിൽ അറിയിച്ചു. ക്രൈം സിനിമകളും കൊറിയൻ സിനിമകളും കാണുന്നതുവഴി കുട്ടികളിൽ അക്രമവാസന വർധിക്കുന്നതായി പരാതികൾ ഉയരുന്നുണ്ട്. ഒപ്പം ഓൺലൈൻ ഗെയിമിങ്ങിലൂടെയും ഇത്തരം അക്രമ വാസനകൾ കുട്ടികളുയരുന്നുണ്ട്. ഇതുവഴി ആത്മഹത്യ ഉൾപ്പെടെയുള്ള ദുരന്തങ്ങൾ സംഭവിക്കുകയും ചെയ്യുന്നുണ്ട്. സ്വന്തം മുത്തച്ഛനെ 13 വയസ്സുള്ള കുട്ടി കൊലപ്പെടുത്തുകയും അതിൽ യാതൊരു പശ്ചാത്താപവും പ്രകടിപ്പിക്കാതിരിക്കുകയും ചെയ്ത സംഭവം ഇതിന് ഉദാഹരണമാണെന്നും അദ്ദേഹം പറഞ്ഞു. സൈബർ അറ്റാക്കുകളും കുട്ടികളിലെ അക്രമവാസനയും തടയുന്നതിനായി 'സൈബർ സേഫ് കേരള' എന്ന സമഗ്രമായ പദ്ധതി നടപ്പിലാക്കാൻ സർക്കാർ ഒരുങ്ങുന്നതായി മന്ത്രി വ്യക്തമാക്കി. ഇതിന്റെ ഭാഗമായി ക്രമസമാധാന പാലനത്തിനുള്ള പോലീസ് സംവിധാനം കൂടുതൽ ആധുനികവൽക്കരിക്കും. കൂടാതെ, പോലീസ് സ്റ്റേഷനിൽ നേരിട്ടെത്താതെ ഡിജിറ്റൽ സംവിധാനം വഴി എഫ്.ഐ.ആർ ലഭ്യമാക്കുന്ന 'മൈ പോലീസ് സ്റ്റേഷൻ' പദ്ധതി ഉൾപ്പെടെ നടപ്പിലാക്കി പോലീസ് സേവനങ്ങൾ പൂർണ്ണമായും ഡിജിറ്റൽ സൗഹൃദമാക്കുമെന്നും അദ്ദേഹം കൂട്ടിച്ചേർത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Minister Ramesh Chennithala: കുട്ടികളിലെ അക്രമവാസന കൂടുന്നതായി പരാതി: കൊറിയൻ സിനിമകൾക്കും ഗെയിമുകൾക്കുമെതിരെ നടപടിക്കൊരുങ്ങി സർക്കാർ

തിരുവനന്തപുരം: കൊറിയൻ സിനിമകൾ ഉൾപ്പെടെയുള്ള ക്രൈം ചിത്രങ്ങളും ഓൺലൈൻ ഗെയിമുകളും കുട്ടികളിൽ ക്രൂരമായ അക്രമവാസന വളർത്തുന്നുവെന്ന പരാതികൾ കൂടിവരുന്നതായി ആഭ്യന്തര മന്ത്രി രമേശ് ചെന്നിത്തല. വളരെ ഗൈരവത്തോടെയാണ് വിഷയത്തെ കാണുന്നതെന്നും ഇതിനെതിരെ കർശന നടപടികൾ സ്വീകരിക്കുമെന്നും അദ്ദേഹം നിയമസഭയിൽ അറിയിച്ചു. ക്രൈം സിനിമകളും കൊറിയൻ സിനിമകളും കാണുന്നതുവഴി കുട്ടികളിൽ അക്രമവാസന വർധിക്കുന്നതായി പരാതികൾ ഉയരുന്നുണ്ട്. ഒപ്പം ഓൺലൈൻ ഗെയിമിങ്ങിലൂടെയും ഇത്തരം അക്രമ വാസനകൾ കുട്ടികളുയരുന്നുണ്ട്. ഇതുവഴി ആത്മഹത്യ ഉൾപ്പെടെയുള്ള ദുരന്തങ്ങൾ സംഭവിക്കുകയും ചെയ്യുന്നുണ്ട്. സ്വന്തം മുത്തച്ഛനെ 13 വയസ്സുള്ള കുട്ടി കൊലപ്പെടുത്തുകയും അതിൽ യാതൊരു പശ്ചാത്താപവും പ്രകടിപ്പിക്കാതിരിക്കുകയും ചെയ്ത സംഭവം ഇതിന് ഉദാഹരണമാണെന്നും അദ്ദേഹം പറഞ്ഞു. സൈബർ അറ്റാക്കുകളും കുട്ടികളിലെ അക്രമവാസനയും തടയുന്നതിനായി 'സൈബർ സേഫ് കേരള' എന്ന സമഗ്രമായ പദ്ധതി നടപ്പിലാക്കാൻ സർക്കാർ ഒരുങ്ങുന്നതായി മന്ത്രി വ്യക്തമാക്കി. ഇതിന്റെ ഭാഗമായി ക്രമസമാധാന പാലനത്തിനുള്ള പോലീസ് സംവിധാനം കൂടുതൽ ആധുനികവൽക്കരിക്കും. കൂടാതെ, പോലീസ് സ്റ്റേഷനിൽ നേരിട്ടെത്താതെ ഡിജിറ്റൽ സംവിധാനം വഴി എഫ്.ഐ.ആർ ലഭ്യമാക്കുന്ന 'മൈ പോലീസ് സ്റ്റേഷൻ' പദ്ധതി ഉൾപ്പെടെ നടപ്പിലാക്കി പോലീസ് സേവനങ്ങൾ പൂർണ്ണമായും ഡിജിറ്റൽ സൗഹൃദമാക്കുമെന്നും അദ്ദേഹം കൂട്ടിച്ചേർത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Chirayinkeezhu: ചിറയിൻകീഴിൽ മരണവീട്ടിൽ സംഘർഷം; നിരവധി പേർക്ക് പരിക്കേറ്റു

തിരുവനന്തപുരം: ചിറയിൻകീഴിൽ മരണവീട്ടിലുണ്ടായ അതിക്രമത്തിൽ നിരവധി പേർക്ക് പരിക്കേറ്റു. മരിച്ചയാളുടെ ഭാര്യയുടെ ബന്ധുക്കളാണ് അക്രമം നടത്തിയതെന്നാണ് പരാതി. ചിറയിൻകീഴ് സ്വദേശി വിനോദ് കഴിഞ്ഞ 23ാം തിയതി വിഷം ഉള്ളിൽ ചെന്ന് മരണപ്പെട്ടിരുന്നു. വിനോദിന്റെ മരണത്തിന് തൊട്ടുപിന്നാലെ, ഭാര്യയുടെ ബന്ധുവും നഗരൂർ സ്വദേശിയുമായ കുട്ടൻ എന്നയാൾ ഇവരുടെ വീട്ടിലെ മുറിയിൽ സൂക്ഷിച്ചിരുന്ന പണവും മൊബൈൽ ഫോണും ഒരു കത്തും എടുത്തുകൊണ്ടുപോയതായാണ് പോലീസിന് ലഭിച്ചിരിക്കുന്ന പരാതിയിൽ പറയുന്നത്. വിനോദിന്റെ വീട്ടുകാർ കുട്ടൻ എടുത്ത് കൊണ്ടുപോയ സാധനങ്ങൾ തിരികെ ആവശ്യപ്പെട്ടിരുന്നു. എന്നാൽ കുട്ടൻ ഇതൊന്നും കൊടുക്കാൻ തയാറായില്ല. ഇതിന് പിന്നാലെ കഴിഞ്ഞ ദിവസം വൈകിട്ടോടെ കുട്ടനോടൊപ്പം കൂടുതൽ ബന്ധുക്കൾ വിനോദിന്റെ വീട്ടിലെത്തി. തുടർന്ന് വാക്കേറ്റവും തർക്കവും ഉണ്ടാകുകയും അതൊടുവിൽ അക്രമത്തിൽ കലാശിക്കുകയുമായിരുന്നു. ആക്രമണത്തിൽ വിനോദിന്റെ മകനുൾപ്പെടെ ബന്ധുക്കളായ സ്ത്രീകൾക്കും പുരുഷന്മാർക്കും പരിക്കേറ്റിരുന്നു. പരിക്കേറ്റവരെ ചിറയിൻകീഴ് താലൂക്ക് ആശുപത്രിയിലും തിരുവനന്തപുരം മെഡിക്കൽ കോളേജിലുമായി പ്രവേശിപ്പിച്ചിരിക്കുകയാണ്. സംഭവത്തിൽ വിനോദിന്റെ സഹോദരൻ സന്തോഷും മറ്റ് ബന്ധുക്കളും ചേർന്നാണ് ചിറയിൻകീഴ് പോലീസിൽ പരാതി നൽകിയിരിക്കുന്നത്. അതേസമയം പരാതി സ്വീകരിച്ച ചിറയിൻകീഴ് പോലീസ് വിഷയത്തിൽ ഒരു നടപടിയും സ്വീകരിച്ചില്ലെന്നും പരാതിക്കാരായ മോശമായി സംസാരിച്ചതായും ആരോപണമുയർന്നിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

PSC Exam Fraud: പരീക്ഷാ ക്രമക്കേട്: പിഎസ്‍സി ചെയര്‍മാന്‍ ഡോ. എം. ആര്‍. ബൈജുവിന് ക്രൈംബ്രാഞ്ച് നോട്ടീസ്

തിരുവനന്തപുരം: പരീക്ഷാക്രമക്കേടിൽ പിഎസ്‍സി ചെയർമാൻ ഡോ. എം. ആർ. ബൈജുവിന് ക്രൈംബ്രാഞ്ച് നോട്ടീസ്. ബുധനാഴ്ച ചോദ്യംചെയ്യലിന് ഹാജരാകാൻ ആവശ്യപ്പെട്ടാണ് ക്രൈംബ്രാഞ്ച് നോട്ടീസ് നൽകിയത്. അതേസമയം പിഎസ്‍സി ചെയർമാൻ ബുധനാഴ്ച ഹാജരാകുമോയെന്ന കാര്യത്തിൽ വ്യക്തതയില്ല. ഇന്ന് പിഎസ്‍സി ബോർഡിലെ രണ്ട് അംഗങ്ങളെ വിജിലൻസ് ചോദ്യം ചെയ്യുകയാണ്. അതേസമയം പിഎസ്‍സി ചെയർമാനെയും 15 അംഗങ്ങളെയും പുറത്താക്കണമെന്ന് ആവശ്യപ്പെട്ട് രാഷ്ട്രപതിക്ക് മുൻ ഗവർണർ രാജേന്ദ്ര ആർലേക്കർ ശുപാർശ നൽകിയത് പിഎസ്‌സി യോഗത്തിൽ ചർച്ചയായി. ഗവർണറുടെ ശുപാർശയിൽ ഉടനടി നടപടി വേണ്ടെന്നും 'കാത്തിരുന്ന് കാണാം' എന്നാണ് ഇക്കാര്യത്തിൽ പിഎസ്‌സിയുടെ നിലപാട്. പിഎസ്‍സി പരീക്ഷകളിലെ ക്രമക്കേടുകൾ, നിയമനങ്ങളിലെ ചട്ടലംഘനം, ശരിയായ അന്വേഷണങ്ങൾ നടക്കാത്തത് എന്നിവയാണ് പ്രധാന കാരണങ്ങളായി ഗവർണർ ചൂണ്ടിക്കാട്ടിയത്. ആസൂത്രണ ബോർഡ് പരീക്ഷാ ക്രമക്കേട് അന്വേഷണത്തിൽ സർക്കാരിനും ക്രൈംബ്രാഞ്ചിനും പിഎസ്‍‍സിക്കുമെതിരെ ഹൈക്കോടതി രൂക്ഷവിമർശനമാണ് ഉന്നയിച്ചത്. കേസിലെ പ്രധാന പ്രതിയെ ചോദ്യം ചെയ്യാത്തത് എന്താണെന്ന് കോടതി സർക്കാരിനോട് ചോദിച്ചിരുന്നു. എന്നാൽ അന്വേഷണ സംഘം ആവശ്യപ്പെടുന്ന രേഖകൾ പിഎസ്‍‍സി കൈമാറുന്നില്ലെന്നാണ് സർക്കാർ അഭിഭാഷകൻ കോടതിയെ അറിയിച്ചത്. ചട്ടങ്ങളും നടപടിക്രമങ്ങളും പാലിക്കാതെയാണ് ക്രൈംബ്രാഞ്ച് മുന്നോട്ടുപോകുന്നതെന്ന് പിഎസ്‍സിയും വാദിച്ചു. ആഭ്യന്തര അന്വേഷണ സംവിധാനമുള്ളപ്പോൾ ഇത്തരം ഇടപെടലുകൾ അംഗീകരിക്കാനാവില്ലെന്നും പിഎസ്‍‍സി കോടതിയെ അറിയിച്ചു. മാത്രമല്ല അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ ഫിഷറീസ് എക്സ്റ്റൻഷൻ ഓഫീസർ, ഖാദി ബോർഡ് വില്ലേജ് ഓയിൽ ഇൻസ്പെക്ടർ എന്നീ പുതിയ കേസുകളും ഇതിനുപുറമെ സംശയനിഴലിലുള്ള മറ്റ് ഏഴ് നിയമനങ്ങളും പിഎസ്‍സിക്കെതിരെ നിലനിൽക്കുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.