Healthy Foods: പ്രഭാത ഭക്ഷണത്തിൽ ഈ അഞ്ച് തരം ഭക്ഷണങ്ങൾ പാടില്ല; പ്രത്യാഘാതം വലുത്!

പ്രഭാതഭക്ഷണം ഒരു ദിവസത്തെ ആകെയുള്ള ആരോഗ്യത്തെ ബാധിക്കുന്നുവെന്നാണ് പൊതുവേ വിലയിരുത്തപ്പെടുന്നത്. പ്രഭാത ഭക്ഷണം ഒഴിവാക്കരുതെന്നാണ് ആരോഗ്യ വിദഗ്ധർ പറയുന്നത്. അതുപോലെ തന്നെ പ്രധാനമാണ് പ്രഭാതഭക്ഷണമായി എന്ത് കഴിക്കുന്നുവെന്നതും. രാവിലെ എന്തെല്ലാം ഭക്ഷണങ്ങളാണ് ഒഴിവാക്കേണ്ടതെന്ന് അറിയാം. മധുരം മധുരം പരമാവധി ഒഴിവാക്കണം. മധുരം അമിതമായി അടങ്ങിയിരിക്കുന്ന പാക്കറ്റ് ഭക്ഷണ പദാർഥങ്ങൾ കഴിക്കരുത്. ഇത് വെറുംവയറ്റിൽ കഴിക്കുന്നത് നിരവധി ആരോഗ്യപ്രശ്നങ്ങളിലേക്ക് നയിക്കും. ഇതിന് പകരമായി ഓട്സ്, നട്സ് തുടങ്ങിയവ പ്രഭാതഭക്ഷണമായി കഴിക്കാം. എരിവ് ഒഴിഞ്ഞ വയറിൽ എരിവ് ചെല്ലുന്നത് ആരോഗ്യത്തിന് ദോഷമാണ്. അതിനാൽ പ്രഭാതഭക്ഷണത്തിൽ എരിവ് അടങ്ങിയ ഭക്ഷണസാധനങ്ങൾ കുറയ്ക്കണം. അച്ചാർ, മുളക് അടങ്ങിയ കറികൾ എന്നിവ ഒഴിവാക്കണം. എരിവ് നെഞ്ചെരിച്ചിലിനും വയറുവേദനയ്ക്കും കാരണമാകും. ബേക്കറി ഭക്ഷണങ്ങൾ ബേക്കറി പലഹാരങ്ങൾ പ്രഭാതഭക്ഷണമായി കഴിക്കരുത്. ക്രീം ബൺ, കേക്ക്, ഡോണട്ട്, പേസ്ട്രി എന്നിവ പലരും രാവിലെ കഴിക്കും. ഇത് ശരീരത്തിലെ പഞ്ചസാര വേഗത്തിൽ വർധിക്കുന്നതിന് കാരണമാകും. പഞ്ചസാര, മൈദ എന്നിവ അമിതമായി കഴിക്കുന്നത് നിരവധി ആരോഗ്യപ്രശ്നങ്ങളിലേക്ക് നയിക്കും. തൈര് തൈര് അടങ്ങിയ ഭക്ഷണങ്ങൾ രാവിലെ കഴിക്കുന്നത് നല്ലതല്ല. തൈര് പ്രോബയോട്ടിക് ആണ്. ഇത് ദഹനത്തിന് മികച്ചതാണ്. എന്നാൽ രാവിലെ തൈര് കഴിക്കുന്നത് മലബന്ധം, അസഡിറ്റി എന്നിവയ്ക്ക് കാരണമാകും. അതിനാൽ തൈര് അടങ്ങിയ ഭക്ഷണങ്ങൾ രാവിലെ കഴിക്കുന്നത് ഒഴിവാക്കണം. സിട്രസ് പഴങ്ങൾ പഴങ്ങൾ ആരോഗ്യത്തിന് ഗുണം ചെയ്യുന്നവയാണ്. എന്നാൽ, രാവിലെ വെറുംവയറ്റിൽ ചില പഴങ്ങൾ കഴിക്കുന്നത് ഗുണത്തിന് പകരം ദോഷമാണുണ്ടാക്കുക. സിട്രസ് പഴങ്ങൾ വെറുംവയറ്റിൽ കഴിക്കുമ്പോൾ ദഹന പ്രശ്നങ്ങൾ, വയറുവേദന, അസിഡിറ്റി, മലബന്ധം എന്നിവ ഉണ്ടാകും. Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Smartphone Charging: ദിവസേന ഫോൺ‌ ചാർജ് ചെയ്യുന്ന ശീലമുണ്ടോ? ബാറ്ററിയുടെ ആയുസ്സ് നിലനിർത്താൻ ഇക്കാര്യങ്ങൾ ശ്രദ്ധിക്കണം

ഇന്ന് എല്ലാവരുടെയും കയ്യിൽ ഒഴിച്ചുകൂടനാവാത്ത ഒന്നാണ് സ്മാർട്ട് ഫോൺ. ഏറ്റവും കൂടുതൽ എല്ലാവരും ഉപയോഗിക്കുന്ന ഒരു സാധനവും ഇത് തന്നെയാകും. അതുകൊണ്ട് തന്നെ ഫോൺ ദിവസേന ചാർജ് ചെയ്യേണ്ടതായും വരും. ഫോൺ ചാർജ് ചെയ്യുമ്പോൾ പാലിക്കേണ്ട പ്രധാന സുരക്ഷാ മുൻകരുതലുകൾ ബാറ്ററിയുടെ ആരോഗ്യം സംരക്ഷിക്കുന്നതിന് പ്രധാനമാണ്. സ്മാർട്ട്ഫോൺ ചാർജിങ് കൂടുതൽ സുരക്ഷിതമാക്കാനും ബാറ്ററിയുടെ ആയുസ്സ് വർദ്ധിപ്പിക്കാനും സഹായിക്കുന്ന ചില പ്രധാന വഴികൾ പരിചയപ്പെടാം. ചാർജ് പൂർണ്ണമായും തീർന്നതിന് ശേഷം മാത്രം ചാർജ് ചെയ്യുന്നതാണ് നല്ലതെന്ന ധാരണയാണ് പലർക്കുമുള്ളത്. എന്നാൽ, ഇന്ന് സ്മാർട്ട്ഫോണുകളിൽ ഉപയോഗിക്കുന്ന ലിഥിയം-അയൺ (Lithium-ion) ബാറ്ററികൾക്ക് ഇത്തരം ചാർജിങ് രീതി യോജിച്ചതല്ല. ബാറ്ററി ലെവൽ മുഴുവനും തീരുന്നത് വരെ കാത്തിരിക്കാതെ, ചാർജ് ഏകദേശം 20 ശതമാനത്തിൽ എത്തുമ്പോൾ തന്നെ ഫോൺ പ്ലഗ്-ഇൻ ചെയ്യുന്നതാണ് ബാറ്ററിയുടെ ആരോഗ്യത്തിന് ഏറ്റവും അനുയോജ്യം. ഫോണ്‍ 100 ശതമാനം ചാര്‍ജ് ചെയ്യുന്നത് അപകടകരമാണോ? ആ ധാരണ ഒരിക്കലും ശരിയല്ലയെന്നാണ് പറയുന്നത്. പൂര്‍ണമായി ചാര്‍ജ് ചെയ്യുന്നത് കൊണ്ട് പ്രശ്നങ്ങളൊന്നുമുണ്ടാകില്ല. എന്നാൽ ബാറ്ററിയുടെ ആയുസ്സ് പരമാവധി നിലനിർത്താനാണ് നിങ്ങൾ ആഗ്രഹിക്കുന്നതെങ്കിൽ, ചാർജ് 20% മുതൽ 80% വരെയുള്ള പരിധിക്കുള്ളിൽ വയ്ക്കുന്നതാണ് അനുയോജ്യം. ഇതിനായി പ്രത്യേക ചാർജിങ് ലിമിറ്റ് ഫീച്ചറുകൾ ഇന്ന് മിക്ക ആധുനിക സ്മാർട്ട്ഫോണുകളിലും ലഭ്യമാണ്. ബാറ്ററിയെ ബാധിക്കുന്ന പ്രധാന ഘടകങ്ങളിലൊന്നാണ് അമിതമായി ചൂടാകുന്നത്. ചാര്‍ജ് ചെയ്യുന്നതിനിടെ ഗെയിം കളിക്കുക, ദീര്‍ഘനേരം വീഡിയോ കാണുക തുടങ്ങിയവ ചെയ്യുമ്പോൾ ഫോൺ അമിതമായി ചൂടാകും. അതിനാൽ ചാർജ് ചെയ്യുന്നതിനിടെ ഈ കാര്യങ്ങൾ ഒഴിവാക്കുക. ബാറ്ററി ഫുൾ ആയാൽ ഇന്ന് പല ഫോണുകളിലും ചാര്‍ജിങ് നിയന്ത്രിക്കുന്ന സംവിധാനങ്ങളുണ്ട്. അതുകൊണ്ട് തന്നെ രാത്രി മുഴുവന്‍ ചാര്‍ജിങ്ങിലിട്ടാല്‍ ബാറ്ററി ഉടന്‍ കേടാകാനുള്ള സാധ്യത കുറവാണ്. എങ്കിലും ദീര്‍ഘനേരം ഉയര്‍ന്ന ചാര്‍ജ് നിലയില്‍ തുടരുന്നതും ചൂട് കൂടുന്നതും ബാറ്ററിയുടെ ശേഷിയെ ബാധിച്ചേക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Dry Skin Remedies: വരണ്ട ചർമ്മത്തിന് ഒരു 'നാച്ചുറൽ' പരിഹാരം! അടുക്കളയിലെ ഈ കൂട്ടുകൾ പരീക്ഷിക്കാം

വരണ്ട ചർമ്മപ്രശ്നങ്ങൾക്ക് പരിഹാരം തേടുകയാണോ? ഇത്തരം പ്രശ്നങ്ങൾ കാരണം ബുദ്ധിമുട്ടുന്നവർക്ക് വീട്ടിൽ തന്നെ ചെയ്യാവുന്ന ഒരുപാട് പരിഹാര മാർഗങ്ങളുണ്ട്. അതിലൊന്നാണ് ഓട്‌സ്, പാൽ, കറ്റാർവാഴ ജെൽ എന്നിവ ചേർത്തുള്ള നാച്ചുറൽ ഫെയ്‌സ് പാക്ക്. ചർമ്മത്തിലെ ഈർപ്പം നിലനിർത്താനും തിളക്കം വർദ്ധിപ്പിക്കാനും ഇത് സഹായിക്കും. ആവശ്യമായ ചേരുവകൾ ഓട്‌സ് (പൊടിച്ചത്): 2 ടേബിൾ സ്പൂൺ പാൽ: 1-2 ടേബിൾ സ്പൂൺ കറ്റാർവാഴ ജെൽ: 1 ടേബിൾ സ്പൂൺ തയാറാക്കുന്ന വിധം ഒരു ചെറിയ ബൗളിൽ പൊടിച്ച ഓട്‌സ്, പാൽ, കറ്റാർവാഴ ജെൽ എന്നിവ എടുത്ത് നന്നായി യോജിപ്പിച്ച് പേസ്റ്റ് രൂപത്തിലാക്കുക. ഉപയോഗിക്കുന്ന വിധം ആദ്യം ഫെയ്‌സ് വാഷ് ഉപയോഗിച്ച് മുഖം നന്നായി കഴുകി തുടയ്ക്കുക. തയ്യാറാക്കിയ പേസ്റ്റ് മുഖത്തും കഴുത്തിലും ഒരേപോലെ പുരട്ടി 15 മുതൽ 20 മിനിറ്റ് നേരം വയ്ക്കുക. കണ്ണുകളുടെ ചുറ്റും പുരട്ടുന്നത് ഒഴിവാക്കുക. ശേഷം അത് ഉണങ്ങിത്തുടങ്ങുമ്പോൾ ചെറുചൂടുവെള്ളത്തിലോ തണുത്ത വെള്ളത്തിലോ കഴുകി കളയുക. ഒരു ടവൽ ഉപയോഗിച്ച് ഒപ്പിയെടുക്കുക. ഗുണങ്ങൾ ഓട്‌സ്: ചർമ്മത്തിലെ മൃതകോശങ്ങളെ നീക്കം ചെയ്യും. ചൊറിച്ചിലും അസ്വസ്ഥതകളും അകറ്റാൻ സഹായിക്കും. പാൽ: പാലിലെ ലാക്റ്റിക് ആസിഡ് ചർമ്മത്തെ ഈർപ്പമുള്ളതാക്കുകയും സ്വാഭാവിക തിളക്കം നൽകുകയും ചെയ്യും. കറ്റാർവാഴ ജെൽ: ചർമ്മത്തിലെ നിർജ്ജലീകരണം തടയാൻ സഹായിക്കും. വരൾച്ച മൂലമുണ്ടാകുന്ന പാടുകൾ മാറ്റും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jio Voice Only Plan: ഡാറ്റ വേണ്ടാത്തവർക്ക് പുതിയ 'വോയ്‌സ് ഒൺലി' പ്ലാനുകളുമായി ജിയോ; നിരക്ക് 147 മുതൽ

പ്രീപെയ്ഡ് ഉപയോക്താക്കള്‍ക്കായി പുതിയ വോയ്‌സ് ഒണ്‍ലി റീചാര്‍ജ് പ്ലാനുകള്‍ അവതരിപ്പിച്ച് ജിയോ. ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ പുതിയ നിര്‍ദേശങ്ങള്‍ക്കനുസൃതമായാണ് പ്ലാനുകൾ അവതരിപ്പിച്ചത്. ഇന്റർനെറ്റ് ഡേറ്റ ആവശ്യമില്ലാത്ത ഉപയോക്താക്കാളെ ലക്ഷ്യമിട്ടുള്ളതാണ് വോയ്‌സ് ഒണ്‍ലി റീചാര്‍ജ് പ്ലാനുകള്‍. വോയ്‌സ് കോളുകള്‍ മാത്രം ചെയ്യുന്നവർക്ക് ഈ പ്ലാനുകൾ ഉപകാരപ്പെടും. 147 രൂപ മുതലാണ് ഈ പ്ലാനുകൾ തുടങ്ങുന്നത്. ആറ് വ്യത്യസ്ത പ്ലാനുകളാണ് ജിയോ അവതരിപ്പിച്ചിരിക്കുന്നത്. ആറെണ്ണത്തിൽ നാലെണ്ണം ചെറിയ കാലാവധിയുള്ള പ്ലാനുകളാണ്. മറ്റ് രണ്ടെണ്ണം ദീര്‍ഘകാല കാലാവധിയുള്ള പ്ലാനുകളുമാണ്. ദീര്‍ഘകാല പ്ലാനുകളില്‍ ജിയോ ടിവി, ജിയോ എഐ ക്ലൗഡ് എന്നീ സേവനങ്ങളും കിട്ടും. പ്ലാനുകൾ അനുസരിച്ച് അണ്‍ലിമിറ്റഡ് ലോക്കല്‍/ എസ്ടിഡി വോയ്‌സ് കോളുകളും 300 മുതല്‍ 3,600 എസ്എംഎസുകളും ലഭ്യമാണ്. ചെറിയ കാലാവധിയുള്ള പ്ലാനുകളും മറ്റ് വിവരങ്ങളും അറിയാം 147 രൂപ പ്ലാന്‍ കാലാവധി: 22 ദിവസം അണ്‍ലിമിറ്റഡ് കോളുകളും 300 എസ്എംഎസും. 177 രൂപ പ്ലാന്‍ കാലാവധി: 28 ദിവസം അണ്‍ലിമിറ്റഡ് കോളുകളും 300 എസ്എംഎസും 196 രൂപ പ്ലാന്‍ കാലാവധി: 30 ദിവസം അണ്‍ലിമിറ്റഡ് കോളുകളും 300 എസ്എംഎസും 197 രൂപ പ്ലാന്‍ കാലാവധി: ഒരു കലണ്ടര്‍ മാസം അണ്‍ലിമിറ്റഡ് കോളുകളും 300 എസ്എംഎസും ദീര്‍ഘകാല കാലാവധിയുള്ള പ്ലാനുകൾ 448 രൂപയുടെ പ്ലാൻ കാലാവധി - 84 ദിവസം അണ്‍ലിമിറ്റഡ് കോള്‍, 1000 എസ്എംഎസ് 1,748 രൂപയുടെ പ്ലാൻ കാലാവധി - 336 ദിവസം അണ്‍ലിമിറ്റഡ് കോള്‍, 3600 എസ്എംഎസ് ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Revoked 18 Superfast Train Status: 18 ട്രെയിനുകളുടെ സൂപ്പര്‍ഫാസ്റ്റ് പദവി എടുത്തുകളയുന്നു

18 ട്രെയിനുകളുടെ സൂപ്പർഫാസ്റ്റ് പദവി എടുത്തുകളയാൻ ഇന്ത്യൻ റെയിൽവേ. 2027 ജനുവരി 1 മുതലാണ് 18 ട്രെയിനുകളുടെ സൂപ്പർഫാസ്റ്റ് പദവിയാണ് നിർത്തലാക്കുന്നത്. സാധാരണ എക്സ്പ്രസ് ട്രെയിനുകളായി ഇനി ഇവ സർവീസ് നടത്തും. പൂർണഗിരി ജനശതാബ്ദി, സപ്തക്രാന്തി, ശ്രംജീവി എക്സ്പ്രസ് തുടങ്ങിയ ട്രെയിനുകൾ ഇതിൽ ഉൾപ്പെടുന്നുണ്ട്. സൂപ്പർഫാസ്റ്റ് പദവി എടുത്തുകളയുന്നതോടെ യാത്രക്കാർ ജനുവരി 1 മുതൽ ഇനി ഈ ട്രെയിനുകളിൽ അധിക ചാർജ് നൽകേണ്ടതില്ല. എന്തിനാണ് സൂപ്പർഫാസ്റ്റ് പദവി കളയുന്നത്? റെയിൽവേ ചട്ടങ്ങൾ പ്രകാരം ഒരു ട്രെയിനിന് സൂപ്പർഫാസ്റ്റ് പദവി ലഭിക്കണമെങ്കിൽ അതിന്റെ ശരാശരി വേഗത മണിക്കൂറിൽ കുറഞ്ഞത് 55 കിലോമീറ്റർ ആയിരിക്കണം. ട്രെയിൻ സഞ്ചരിക്കുന്ന മൊത്തം ദൂരത്തെ യാത്രയ്ക്കായി എടത്ത മൊത്തം സമയം കൊണ്ട് ഹരിച്ചാണ് ഈ വേഗത കണക്കാക്കുന്നത്. റെയിൽവേ നടത്തിയ പുനഃപരിശോധനയിൽ 18 ട്രെയിനുകളുടെ ശരാശരി വേഗത നിശ്ചിത മാനദണ്ഡത്തേക്കാൾ കുറവാണെന്ന് കണ്ടെത്തിയതിനെ തുടർന്നാണ് ഇവയുടെ സൂപ്പർഫാസ്റ്റ് പദവി എടുത്ത് കളയുന്നത്. സൂപ്പർഫാസ്റ്റ് പദവി നിർത്തലാക്കിയ ട്രെയിനുകൾ: ട്രെയിൻ / പഴയ നമ്പർ / പുതിയ നമ്പർ തനക്പൂർ - ദില്ലി ജംഗ്ഷൻ / 12035 / 15317 ദില്ലി ജംഗ്ഷൻ - തനക്പൂർ / 12036 / 15318 ഡെറാഡൂൺ - കാഠ്ഗോദാം / 12091 / 15315 കാഠ്ഗോദാം - ഡെറാഡൂൺ / 12092 / 15316 മൊറാദാബാദ് - രാംനഗർ / 25013 / 15313 രാംനഗർ - മൊറാദാബാദ് / 25014 / 15314 മൊറാദാബാദ് - രാംനഗർ / 25035 / 15335 രാംനഗർ - മൊറാദാബാദ് / 25036 / 15336 ഇസ്ലാംപൂർ - ന്യൂ ദില്ലി / 20801 / 18633 ന്യൂ ദില്ലി - ഇസ്ലാംപൂർ / 20802 / 18634 ദർബംഗ - ജലന്ധർ സിറ്റി / 22551 / 15541 ജലന്ധർ സിറ്റി - ദർബംഗ / 22552 / 15542 പാട്ലിപുത്ര - ചണ്ഡീഗഡ് / 22355 / 13255 ചണ്ഡീഗഡ് - പാട്ലിപുത്ര / 22356 / 13256 മുസാഫർപൂർ - ആനന്ദ് വിഹാർ ടെർമിനൽ / 12557 / 15577 ആനന്ദ് വിഹാർ ടെർമിനൽ - മുസാഫർപൂർ / 12558 / 15578 രാജ്ഗിർ - ന്യൂ ദില്ലി / 12391 / 13291 ന്യൂ ദില്ലി - രാജ്ഗിർ / 12392 / 13292 ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Airtel Diwali Offer Scam Alert: '2000 രൂപ സൗജന്യം! നിങ്ങളുടെ നമ്പറിലേക്ക് എയർടെൽ ദീപാവലി ഓഫർ വരുന്നുണ്ടോ? തട്ടിപ്പെന്ന് മുന്നറിയിപ്പ്

ദീപാവലി ആഘോഷങ്ങൾ തുടങ്ങിയികരിക്കുകയാണ് രാജ്യമെങ്ങും. ദീപാവലിക്ക് ഇനി ദിവസങ്ങൾ മാത്രമാണ് ബാക്കിയുള്ളത്. ഉത്സവ സീസൺ ആയത് കൊണ്ട് തന്നെ വിവിധ ബ്രാന്‍ഡുകളും ഓണ്‍ലൈന്‍ ഷോപ്പിങ് പ്ലാറ്റ്‌ഫോമുകളും അടക്കം ഫെസ്റ്റിവൽ സെയിൽ തുടങ്ങിയിരിക്കുകയാണ്. ധാരാളം ഓഫറുകളാണ് ഈ കാലയളവിൽ ഉപഭോക്താക്കൾക്ക് ലഭിക്കുന്നത്. ഫോൺ കമ്പനികളും പലപ്പോഴും ഇത്തരം അവസരങ്ങളിൽ ഓഫറുകൾ നൽകാറുണ്ട്. എന്നാൽ ഈ അവസരങ്ങളെ മുതലെടുക്കുന്നവരും നമുക്കിടയിലുണ്ട്. ഇത്തരം ഓഫറുകളുടെ പേരിൽ തട്ടിപ്പുകൾ ധാരാളം നടക്കാറുണ്ട്. വ്യാജ സമ്മാന വാഗ്ദാനം ചെയ്തും വ്യാജ ഓഫറുകൾ നൽകിയും ആളുകളെ കബളിപ്പിക്കാന്‍ സൈബര്‍ തട്ടിപ്പുകാർ ഒരുപാടുണ്ട്. വാട്സ്ആപ്പിലും സാധാ മെസേജുകളായുമൊക്കെ ഇത്തരത്തിൽ തട്ടിപ്പ് സംഭവിക്കാറുണ്ട്. ആളുകൾക്ക് അറിയാവുന്ന ബ്രാൻഡുകളുടെ പേരിലായിരിക്കും പലപ്പോഴും തട്ടിപ്പ് നടക്കുക. പണമോ കിഴിവുകളോ വാഗ്ദാനം ചെയ്ത് സന്ദേശങ്ങള്‍ അയച്ച് അതിനൊപ്പം ലിങ്കുകളും അയ്ച്ച് അവ ക്ലിക്ക് ചെയ്യാന്‍ ഉപയോക്താക്കളെ പ്രേരിപ്പിച്ചുമാണ് തട്ടിപ്പുകള്‍ നടക്കുന്നത്. അത്തരത്തിലൊരു തട്ടിപ്പ് ഇപ്പോൾ എയര്‍ടെലിന്റെ പേരിലും സംഭവിച്ചിരിക്കുകയാണ്. 2000 രൂപ നല്‍കാമെന്ന് അവകാശപ്പെട്ടുള്ള തട്ടിപ്പാണ് എയർടെല്ലിന്റെ പേരിൽ വ്യാപകമായി പ്രചരിക്കുന്നത്. അജ്ഞാത നമ്പറിൽ നിന്ന് വാട്സ്ആപ്പ് സന്ദേശമായാണ് തട്ടിപ്പുകാരെത്തുന്നത്. എയര്‍ടെല്‍- ദീപാവലി ആഘോഷം എന്ന് എഴുതിയിട്ടുള്ള ഈ സന്ദേശത്തിലെ ലിങ്കില്‍ ക്ലിക്ക് ചെയ്താല്‍ 2000 രൂപ ലഭിക്കുമെന്നാണ് പറയുന്നത്. എന്നാൽ വെറുമൊരു ലിങ്കിൽ ക്ലിക്ക് ചെയ്ത് ഫ്രീയായി 2000 രൂപ കിട്ടുമെന്ന് കരുതി, അത് വ്യാജമാണോ അല്ലയോ എന്ന് പോലും നോക്കാതെ പലരും ലിങ്കില്‍ ക്ലിക്ക് ചെയ്യാന്‍ സാധ്യത കൂടുതലാണ്. എത്ര തന്നെ തട്ടിപ്പിന്റെ വാർത്തകൾ കണ്ടാലും ഇത്തരത്തിലുള്ള ലിങ്കുകളിൽ പലരും പെട്ട് പോകാറുണ്ട്. അതുകൊണ്ട് തന്നെ എയർടെല്ലിന്റെ പേരിൽ വരുന്ന ഈ ലിങ്കില്‍ ക്ലിക്ക് ചെയ്താല്‍ ബാങ്ക് അക്കൗണ്ടില്‍ നിന്ന് പണം നഷ്ടപ്പെടാന്‍ സാധ്യതയുണ്ടെന്നാണ് മുന്നറിയിപ്പില്‍ പറയുന്നത്. ശ്രദ്ധിക്കേണ്ടത്... വാട്സ്ആപ്പുകളിലും നോർമൽ മെസേജ് ആയുമൊക്കെ അജ്ഞാതമായ നമ്പറുകളില്‍ നിന്ന് വരുന്ന ഇത്തരം ലിങ്കുകള്‍ തുറക്കാതിരിക്കുക. പ്രത്യേകിച്ച് സൗജന്യമായി പണം ലഭിക്കുമെന്നും സമ്മാനങ്ങള്‍ നല്‍കുമെന്നുമൊക്കെ വാഗ്ദാനം ചെയ്തുള്ള സന്ദേശങ്ങൾ ജാഗ്രതയോടെ വേണം കൈകാര്യം ചെയ്യാൻ. ഏതൊരു കമ്പനിയും ഓഫറുകൾ വാഗ്ദാനം ചെയ്തിട്ടുണ്ടോ എന്നറിയാൻ അവയുടെ ഔദ്യോഗിക വെബ്‌സൈറ്റിലോ ആപ്പിലോ കയറി അത് യാഥാര്‍ഥ്യമാണോ എന്ന് ഉറപ്പുവരുത്തുക. ബാങ്ക് അക്കൗണ്ട് വിവരങ്ങൾ, ബാങ്ക് കാർഡ് ഡീറ്റെയിൽസ്, യു.പി.ഐ പിൻ (UPI PIN), പാസ്‌വേഡുകൾ, ഒ.ടി.പി (OTP) എന്നിവ ഒരു കാരണവശാലും മറ്റുള്ളവരുമായി പങ്കുവെക്കരുത്. ഔദ്യോഗികമായി സ്ഥിരീകരിക്കാത്ത വ്യാജ ഓഫറുകളും സന്ദേശങ്ങളും സുഹൃത്തുക്കൾക്കോ ബന്ധുക്കൾക്കോ ഫോർവേഡ് ചെയ്യരുത്. സംശയകരമായ രീതിയിലുള്ള സന്ദേശങ്ങൾ ലഭിക്കുകയാണെങ്കിൽ, ആ നമ്പർ റിപ്പോർട്ട് ചെയ്യുകയും ബ്ലോക്ക് ചെയ്യുകയും വേണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

EPFO Whatsapp: ഇപിഎഫ്ഒ സേവനങ്ങള്‍ ഇനി വാട്സ്ആപ്പില്‍, ബാലന്‍സും പാസ്ബുക്കും നോക്കാന്‍ എളുപ്പം!

എംപ്ലോയീസ് പ്രോവിഡന്റ് ഫണ്ട് ഓർഗനൈസേഷൻ (EPFO) സേവനങ്ങൾ വാട്സ്ആപ്പ് വഴി ലഭ്യമാക്കി. ഇപിഎഫ്ഒ ഓഫീസ് സന്ദർശിക്കാതെ തന്നെ ഉപഭോക്താക്കൾക്ക് അവരുടെ പ്രൊവിഡന്റ് ഫണ്ട് (PF) ബാലൻസ് പരിശോധിക്കാൻ ഇതിലൂടെ സാധിക്കും. പാസ്ബുക്ക് വിശദാംശങ്ങൾ ലഭിക്കാനും ഏറ്റവും പുതിയ 5 ഇടപാടുകൾ വരെ കാണാന്‍ സാധിക്കും. ഇപിഎഫ്ഒയുടെ 74-ാം സ്ഥാപക ദിനാഘോഷ വേളയിൽ കേന്ദ്ര തൊഴിൽ മന്ത്രി മൻസുഖ് മാണ്ഡവ്യയാണ് സംരംഭത്തിന് തുടക്കം കുറിച്ചത്. പ്രധാൻ മന്ത്രി വിക്ഷിത് ഭാരത് റോസ്ഗർ യോജനയുമായി (PMVBRY) ബന്ധപ്പെട്ട ആവശ്യങ്ങൾക്ക് വ്യക്തിഗത മാർഗ്ഗനിർദ്ദേശങ്ങളും ഈ പ്ലാറ്റ്ഫോം വഴി ലഭിക്കും. വാട്സ്ആപ്പ് സൗകര്യത്തിനൊപ്പം യോഗ്യമായ പ്രവർത്തനരഹിതമായ ഇപിഎഫ് അക്കൗണ്ടുകളുടെ ഓട്ടോമാറ്റിക് സെറ്റിൽമെന്റും ആരംഭിച്ചതായി മന്ത്രി അറിയിച്ചു. ആധാർ പരിശോധിച്ചുറപ്പിച്ച പ്രവർത്തനരഹിതമായ ഇപിഎഫ് അക്കൗണ്ടുകളുള്ള 1000 രൂപവരെ ബാലൻസുള്ള വരിക്കാർക്ക് തുക പിൻവലിക്കാൻ വ്യക്തിഗത ക്ലെയിമുകൾ സമർപ്പിക്കേണ്ടതില്ല. തിരിച്ചറിയൽ രേഖയും ബാങ്ക് അക്കൗണ്ട് പരിശോധനയും പൂർത്തിയാക്കിയ ശേഷം ഇപിഎഫ്ഒ സ്വയമേവ സെറ്റിൽമെന്റ് പ്രക്രിയ ആരംഭിക്കും. തൊഴിൽ മന്ത്രാലയത്തിന്റെ കണക്കനുസരിച്ച് മൊത്തം 5 കോടി രൂപയുടെ ഒരു ലക്ഷം അക്കൗണ്ടുകൾക്ക് ഈ സംരംഭത്തിന്റെ പ്രയോജനം ലഭിക്കും. 74 വർഷത്തെ യാത്രയിൽ രാജ്യത്തെ തൊഴിലാളികൾക്ക് വിശ്വസനീയമായ ഒരു സ്ഥാപനമായി ഇപിഎഫ്ഒ ഉയർന്നുവന്നിട്ടുണ്ടെന്ന് പരിപാടിയെ അഭിസംബോധന ചെയ്തുകൊണ്ട് മൻസുഖ് മാണ്ഡവ്യ പറഞ്ഞു. 8 കോടിയിലധികം അംഗങ്ങളുടെ സംഭാവനകളിലൂടെ സംഘടന 32 ലക്ഷം കോടി രൂപയുടെ മൂലധനം സമാഹരിച്ചതായി അദ്ദേഹം എടുത്തുപറഞ്ഞു. നിലവിൽ 85 ലക്ഷത്തോളം പെൻഷൻകാരാണ് ഇപിഎഫ്ഒയുടെ കീഴിലുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

KSEB Bill: വൈദ്യുതി ബില്ലിൽ സംശയമോ? തുക എത്രയെന്ന് സ്വയം പരിശോധിക്കാൻ കെഎസ്ഇബിയുടെ ഒഫീഷ്യൽ കാൽക്കുലേറ്റർ

ഇത്രയും തുകയോ? വൈദ്യുദി ബിൽ കയ്യിൽ കിട്ടുമ്പോൾ ഇതാണോ നിങ്ങൾക്കുണ്ടാകുന്ന സംശയം? വൈദ്യുതി ബിൽ കൂടുതലാകുമ്പോൾ എങ്ങനെ ഇത്രയും കൂടി എന്ന ചിന്ത എല്ലാവർക്കും ഉണ്ടാകാറുണ്ട്. പല ഉപഭോക്താക്കൾക്കും വില എന്തുകൊണ്ട് ഇത്രയും കൂടി എന്ന് വ്യക്തമാകാതെ പോകാറുണ്ട്. എന്നാൽ ഇനി ആ സംശയം വേണ്ട. ഉപഭോക്താക്കളുടെ ഇത്തരം സംശയം പരിഹരിക്കാൻ കെഎസ്ഇബി ഒരു സംവിധാനം ഒരുക്കിയിട്ടുണ്ട്. വൈദ്യുതി ബിൽ തുക കൃത്യമായി സ്വയം പരിശോധിക്കാനുള്ള അവസരമാണ് ഇതിലൂടെ ലഭിക്കുന്നത്. കെ.എസ്.ഇ.ബിയുടെ ഔദ്യോഗിക വെബ്‌സൈറ്റായ www.kseb.in സന്ദർശിച്ച് 'customers/ online services' എന്ന വിഭാഗത്തിലെ 'Electricity Bill Calculator' ഉപയോഗിച്ച് തുക കണക്കാക്കാമെന്ന് കെ.എസ്.ഇ.ബി അറിയിക്കുന്നത്. കെഎസ്ഇബിയുടെ ഔദ്യോഗിക ഫേസ്‌ബുക്ക് പോസ്റ്റിലൂടെയാണ് ഇക്കാര്യം അറിയിച്ചിരിക്കുന്നത്. നിലവിലെ വൈദ്യുതി താരിഫും ഉപയോഗിച്ച ആകെ യൂണിറ്റുകളുടെ എണ്ണവും രേഖപ്പെടുത്തിയാൽ അനായാസം ബിൽ തുക കണക്കാക്കാമെന്നാണ് കെ.എസ്.ഇ.ബി വ്യക്തമാക്കുന്നത്. ഈ ഓൺലൈൻ സംവിധാനത്തിലൂടെ ബിൽ തുക നിർണ്ണയിച്ചത് എങ്ങനെയെന്നതിന്റെ കൃത്യമായ വിശദാംശങ്ങൾ ഉപഭോക്താക്കൾക്ക് മനസ്സിലാക്കാനാകും. കറന്റ് ബില്ലിലെ സംശയങ്ങൾ പരിഹരിക്കാൻ ഈ സൗകര്യം ഏറെ പ്രയോജനപ്പെടുമെന്ന് അധികൃതർ വ്യക്തമാക്കി. കെഎസ്ഇബിയുടെ എഫ്ബി പോസ്റ്റ് ഇങ്ങനെ വൈദ്യുതി ബിൽ സംബന്ധിച്ച് സംശയമുണ്ടോ? കെ എസ് ഇ ബിയുടെ വെബ്സൈറ്റായ www.kseb.in ലെ Electricity Bill Calculator എന്ന സൗകര്യം ഉപയോഗപ്പെടുത്തി വൈദ്യുതി ബിൽ തുക സ്വയം കണക്കാക്കി ബോധ്യപ്പെടാം. www.kseb.in/bill_calculator_v14/ ലൂടെ നേരിട്ടും ഇവിടേക്കെത്താം. വൈദ്യുതി താരിഫും, ആകെ ഉപഭോഗവും രേഖപ്പെടുത്തി തികച്ചും അനായാസമായി വൈദ്യുതി ബിൽ തുക കണക്കാക്കാം. വൈദ്യുതി ചാർജ് എങ്ങനെ കണക്കാക്കി എന്ന് വിശദമായി അറിയാനും കഴിയും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.

Milk Price Hike: പാല്‍ വില ലിറ്ററില്‍ 8 രൂപ വര്‍ദ്ധിപ്പിച്ചു, ഹോട്ടലില്‍ ഭക്ഷണവില ഉയര്‍ത്തുമെന്ന് അസോസിയേഷന്‍

ബെംഗളൂരിലെ ജീവിതച്ചെലവുകൾ ഉയർന്ന രീതിയിലാണെന്ന് ചൂണ്ടിക്കാട്ടി അടുത്തിടെ പല ബെംഗളൂരു നിവാസികള്‍ തങ്ങളുടെ സോഷ്യൽ മീഡിയകളിൽ റീലുകൾ പങ്കുവെച്ചിരുന്നു. എന്നാൽ ഇതിനെ വിമർശിച്ച് നിരവധി ആളുകളാണ് രംഗത്ത് എത്തിയത്. എന്നാൽ ഇപ്പോൾ പുറത്തുവരുന്ന റിപ്പോർട്ടുകൾ പ്രകാരം ബെംഗളൂരു നിവാസികളുടെ സാമ്പത്തിക ഭാരം നവംബർ 1 മുതൽ കൂടിയിരിക്കുകയാണ്. 'നന്ദിനി' പാലിന്റെ വില ലിറ്ററിന് 8 രൂപയാണ് കർണാടക സർക്കാർ വർദ്ധിപ്പിച്ചത്. ഇതിന്റെ ഭാഗമായി നഗരത്തിലെ ഹോട്ടലുകൾ മുതൽ ചെറിയ ചായക്കടകൾ വരെ ചായയുടെയും കാപ്പിയുടെയും മറ്റ് പാൽ ഉൽപ്പന്നങ്ങളുടെയും വില വർദ്ധിപ്പിക്കാൻ പോകുന്നു. സാധാരണ ഒരു ലിറ്റർ 'നന്ദിനി' പാലിന്റെ വില 46 രൂപയാണ് ഇതാണ് ഒറ്റയടിക്ക് 54 രൂപയായി ഉയർത്തിയത്. പുതിയ നിരക്കുകൾ നവംബർ 1 മുതൽ നിലവിൽ വന്നു. അതേസമയം ലിറ്ററിന് വർദ്ധിപ്പിച്ച 8 രൂപയിൽ 7 രൂപയും ക്ഷീരകർഷകർക്കാണ് ലഭിക്കുക. ബാക്കി 1 രൂപ പാൽ യൂണിയനുകൾക്കാണ് ലഭിക്കുക. കന്നുകാലികളുടെ തീറ്റ, മരുന്ന്, ഗതാഗതം, പാക്കേജിംഗ് എന്നിവയുടെ ചെലവ് വർദ്ധിച്ചുവരുന്നതായി ചൂണ്ടിക്കാട്ടിയാണ് പാൽ യൂണിയനുകൾ വില വർദ്ധിപ്പിക്കാൻ ആവശ്യപ്പെട്ടത്. പാലിന്റെ വില പെട്ടെന്ന് വർദ്ധിച്ചതിനെ തുടർന്ന് ഭക്ഷണശാലകളിലെ മെനു വിലകളിൽ വർദ്ധനവുണ്ടാകുമെന്ന് ബെംഗളൂരു ഹോട്ടൽസ് അസോസിയേഷൻ വാർത്താക്കുറിപ്പിലൂടെ അറിയിച്ചു. പാൽ വില ലിറ്ററിന് 2-3 രൂപ മാത്രം വർദ്ധിപ്പിച്ചിരുന്നെങ്കിൽ ഉപഭോക്താക്കളുടെമേൽ ഭാരം അടിച്ചേൽപ്പിക്കാതെ ഹോട്ടലുകൾ തന്നെ അധിക ചിലവ് താങ്ങുമായിരുന്നു. എന്നാൽ ലിറ്ററിന് 8 രൂപ വലിയ വർദ്ധനവാണ്. അത്യവശ്യ സാധനങ്ങളുടെ വിലയും പ്രവർത്തനച്ചെലവും വർദ്ധിക്കുന്നു. ബേക്കറികൾ, സൗത്ത് ഇന്ത്യൻ ടിഫിൻ സെന്ററുകൾ, ലോക്കൽ കഫേകൾ എന്നിവയിൽ പാൽ ഉൽപ്പന്നങ്ങൾക്ക് വില കൂടും. നവംബർ 1 മുതൽ പെട്ടെന്ന് വില വർദ്ധിപ്പിക്കില്ല. പ്രതിദിന ഉപഭോഗം, പ്രവർത്തനച്ചെലവ്, ലാഭവിഹിതം എന്നിവ വിലയിരുത്തിയ ശേഷം മാത്രമായിരിക്കും പുതുക്കിയ നിരക്കുകൾ നടപ്പിലാക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Hair Care Tips: ഇടതൂർന്ന തിളക്കമുള്ള മുടി വേണോ? അടുക്കളയിലെ ഈ രണ്ട ഐറ്റംസ് മതി! മാറ്റം കണ്ടറിയാം

നല്ല, ഇടതൂർന്ന, തിളക്കമുള്ള മുടി ആഗ്രഹിക്കാത്തവർ ആരാണുള്ളത്. അന്തരീക്ഷ മലിനീകരണം, ഹോർമോൺ വ്യതിയാനം, കെമിക്കൽ അടങ്ങിയ ഉൽപ്പന്നങ്ങളുടെ ഉപയോഗം തുടങ്ങിയവയൊക്കെ തലമുടിയുടെ ആരോഗ്യത്തെ സാരമായി ബാധിക്കാറുണ്ട്. മുടി കൊഴിച്ചിൽ, അകാലനര തുടങ്ങിയ പ്രശ്നങ്ങളൊക്കെയും ഇന്ന് പലരെയും അലട്ടുന്നുണ്ട്. മാനസിക സമ്മർദ്ദം പോലുള്ള ആരോഗ്യ പ്രശ്നങ്ങളും മുടിയുടെ ആരോഗ്യത്തെ ബാധിക്കാറുണ്ട്. മുടിയുടെ പ്രശ്നങ്ങൾക്ക് പരിഹാരമായി വീണ്ടും വിപണിയിൽ നിന്ന് കെമിക്കലുകൾ അടങ്ങിയ ഉൽപ്പന്നങ്ങൾ വാങ്ങി പ്രയോഗിക്കാതെ പ്രകൃതിദത്തമായ പരിഹാരങ്ങൾ കണ്ടെത്താം. ഇതിന് ഏറ്റവും സുരക്ഷിതവും ഫലപ്രദവുമായ മാർഗ്ഗമാണ് നമ്മുടെ അടുക്കളയിൽ തന്നെ ലഭ്യമാകുന്ന കറിവേപ്പിലയും വെളിച്ചെണ്ണയും. മുടിക്ക് മൃദുത്വം നൽകാനും മുടി നന്നായി വളരാനും ഈ കൂട്ട് സഹായിക്കുന്നു. ആവശ്യമായ ചേരുവകൾ ശുദ്ധമായ വെളിച്ചെണ്ണ – 1 കപ്പ് കറിവേപ്പില – 1 കൈപ്പിടി തയ്യാറാക്കുന്ന വിധം ഒരു പാനിൽ വെളിച്ചെണ്ണ ഒഴിച്ച് ചെറുതീയിൽ ചൂടാക്കുക. ഇതിലേക്ക് കറിവേപ്പില ഇട്ട് ചൂടാക്കുക. കറിവേപ്പില കറുപ്പ് അല്ലെങ്കില്‍ കരിഞ്ഞ പരുവമാകുന്നതുവരെ ഇത്തരത്തിൽ തിളപ്പിക്കണം. ഇതിന് ഏകദേശം 5 മുതൽ 10 മിനിറ്റ് എടുക്കും. തിളച്ച ശേഷം അടുപ്പ് ഓഫ് ചെയ്ത് കൂട്ട് തണുക്കാനായി മാറ്റി വയ്ക്കുക. തണുത്ത് കഴിഞ്ഞാൽ ഇത് അരിച്ചെടുത്ത് ഒരു കുപ്പിയിൽ സൂക്ഷിക്കാം. ഉപയോഗിക്കേണ്ടതെങ്ങനെ ആഴ്ചയിൽ 2-3 തവണ ഈ എണ്ണ ഉപയോഗിക്കാം. തലയോട്ടിയിലും മുടിയിലും നന്നായി തേച്ചുപിടിപ്പിച്ച ശേഷം മസ്സാജ് ചെയ്യണം. തുടർന്ന് 30 മിനിറ്റിന് ശേഷം വീര്യം കുറഞ്ഞ ഷാംപൂ അല്ലെങ്കിൽ താളി ഉപയോഗിച്ച് കഴുകിക്കളയുക. ഗുണങ്ങൾ എന്തൊക്കെ? കറിവേപ്പില: കറിവേപ്പിലയിൽ ധാരാളം ആന്റിഓക്‌സിഡന്റുകൾ, പ്രോട്ടീനുകൾ, ബീറ്റാ-കരോട്ടിൻ, അമിനോ ആസിഡുകൾ എന്നിവ അടങ്ങിയിട്ടുണ്ട്. തലയോട്ടിയിലെ കോശങ്ങൾക്ക് ഉത്തേജനം നൽകാൻ ഇത് സഹായിക്കും. മുടിയുടെ വേരുകളെ ബലപ്പെടുത്തും. കൂടാതെ, ഇതിലെ ആന്റിഫംഗൽ ഗുണങ്ങൾ താരൻ അകറ്റും. മുടിയുടെ സ്വാഭാവിക നിറം നിലനിർത്തുകയും അകാലനര തടയുകയും ചെയ്യുന്നു കറിവേപ്പില. വെളിച്ചെണ്ണ: വെളിച്ചെണ്ണയിൽ ലാറിക് ആസിഡ് അടങ്ങിയിട്ടുണ്ട്. ഇത് എളുപ്പത്തിൽ മുടിയുടെ വേരുകളിലേക്ക് ഇറങ്ങിച്ചെല്ലും. ഒപ്പം മുടിക്ക് ആവശ്യമായ ഈർപ്പവും പോഷണവും നൽകുകയും ചെയ്യും. മുടിയിലെ പ്രോട്ടീൻ നഷ്ടപ്പെടുന്നത് തടയാനും വെളിച്ചെണ്ണ ബെസ്റ്റാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.

PM Kisan: 9.34 കോടി കർഷകരുടെ അക്കൗണ്ടിലേക്ക് 2,000 രൂപ ഇന്നെത്തും; ഗഡു അക്കൗണ്ടിലെത്തിയോ? ഇങ്ങനെ നോക്കാം...

പിഎം കിസാൻ സമ്മാൻ നിധിയുടെ (PM-Kisan) 24-ാം ഗഡു കാത്തിരിക്കുന്ന കർഷകർക്കിതാ സന്തോഷ വാർത്ത. ഈ ഗഡു ഇന്ന് ഗുജറാത്തിലെ ബനസ്‌കന്ത ജില്ലയിൽ നിന്നും പ്രധാനമന്ത്രി നരേന്ദ്ര മോദി പുറത്തിറക്കും. ഇത് രാജ്യത്തുടനീളമുള്ള 93.4 ദശലക്ഷത്തിലധികം കഷകർക്ക് ആശ്വാസമാകും. ഏകദേശം 18680 കോടിയിലധികം രൂപയുടെ സാമ്പത്തിക സഹായമാണ് ഈ പദ്ധതിയിലൂടെ കേന്ദ്ര സർക്കാർ നൽകുന്നത്. ഇക്കാര്യം ഗുജറാത്ത് കൃഷിമന്ത്രിയാണ് അറിയിച്ചത്. പ്രധാനമന്ത്രി നരേന്ദ്ര മോദി ഒക്ടോബർ 30, 31 തീയതികളിലാണ് ഗുജറാത്ത് സന്ദർശിക്കുന്നത്. ഇതിൽ ഒക്ടോണർ 31 ന് നർമദ ജില്ലയിലെ ഏകതാ നഗറിൽ നടക്കുന്ന ദേശീയ ഏകതാ ദിനാഘോഷത്തിൽ അദ്ദേഹം പങ്കെടുക്കും. ഇന്ത്യയുടെ ആദ്യ ആഭ്യന്തരമന്ത്രി സർദാർ വല്ലഭായ് പട്ടേലിന്റെ 151 മത്തെ ജന്മവാർഷികത്തോട് അനുബന്ധിച്ചുള്ള പരിപാടിയാണിത്. പ്രധാനമന്ത്രി ബനസ്‌കാന്ത ജില്ലയിലെ ഭിൽഡിയിൽ നടക്കുന്ന പരിപാടിയിലൂടെയാണ് PM Kisan പദ്ധതിയുടെ 24 മത്തെ ഗഡു വിതരണം ചെയ്യുന്നത്. ഇതിലൂടെ അർഹരായ കുടുംബങ്ങളുടെ ബാങ്ക് അക്കൗണ്ടുകളിലേക്ക് നേരിട്ട് സഹായം ലഭിക്കും. ഗുജറാത്തിലെ 52.33 ലക്ഷത്തിലധികം കർഷക കുടുംബംങ്ങൾക്ക് ഈ ധന സഹായം ലഭിക്കുമെന്ന് ഗുജറാത്ത് കൃഷിമന്ത്രി പറഞ്ഞു. ഇത്തരമൊരു സാഹചര്യത്തിൽ പിഎം കിസാൻ പദ്ധതിയുടെ ഗഡു നിങ്ങളുടെ ബാങ്ക് അക്കൗണ്ടിലേക്ക് എത്തിയോ എന്നറിയണ്ടേ? അതിനായി ചില ലളിതമായ ഘട്ടങ്ങളുണ്ട്. അതിലൂടെ നിങ്ങൾക്ക് വീട്ടിൽ ഇരുന്നുകൊണ്ട് തന്നെ സ്റ്റാറ്റസ് പരിശോധിക്കാം... കർഷകരുടെ അക്കൗണ്ടിലേക്ക് ഇന്ന് 2000 രൂപ എത്തും പിഎം കിസാൻ പദ്ധതിയുടെ ഭാഗമായി അർഹരായ കുടുംബങ്ങൾക്ക് പ്രതിവർഷം 6000 രൂപ സാമ്പത്തിക സഹായമായി ലഭിക്കുമെന്ന കാര്യം നിങ്ങൾക്ക് അറിയാമല്ലോ. 2000 രൂപ വീതം മൂന്നു ഗഡുക്കളായാണ് അത് ലഭിക്കുന്നത്. ഈ തുക ബാങ്ക് അക്കൗണ്ടിലേക്കാണ് എത്തുന്നത്. കേന്ദ്ര സർക്കാരിന്റെ ഈ പദ്ധതി 2019 ഫെബ്രുവരിയിലാണ് തുടങ്ങിയത്. ഈ പദ്ധതിയിലൂടെ കർഷകർക്ക് കൃഷി ആവശ്യങ്ങൾക്കായുള്ള സാമ്പത്തിക സഹായം നൽകുക എന്നതാണ് ലക്‌ഷ്യം. ഇന്നത്തെ 24-ാം ഗഡുവിന്റെ ആനുകൂല്യം ആർക്കൊക്കെയാണ് ലഭിക്കുന്നത്? സ്വന്തം പേരിൽ കൃഷിയ്ക്ക് യോഗ്യമായ ഭൂമി ഉള്ള അർഹരായ കർഷക കുടുംബങ്ങൾക്കാണ് ഈ പദ്ധതിയുടെ ആനുകൂല്യം ലഭിക്കുന്നത്. എങ്കിലും ചില വിഭാഗങ്ങളെ സർക്കാർ ഈ പദ്ധതിയിൽ നിന്നും ഒഴിവാക്കിയിട്ടുമുണ്ട്. സമ്പൂർണ്ണ കർഷക ഇ-കെവൈസി നടപടികൾ പൂർത്തിയായിരിക്കണം, കൃത്യമായ ഭൂമി വിവരങ്ങൾ, ആവശ്യമായ ബാങ്ക് അക്കൗണ്ട് നടപടിക്രമങ്ങൾ എന്നിവയും പൂർത്തിയായിരിക്കണം. ഈ നടപടിക്രമങ്ങളിൽ ഏതെങ്കിലും തരത്തിൽ പോരായ്മകൾ ഉണ്ടായാൽ ഗഡു ലഭിക്കില്ല. അക്കൗണ്ടിൽ 2000 രൂപ വന്നോ? ഇങ്ങനെ പരിശോധിച്ചു നോക്കൂ... പ്രധാനമന്ത്രി കിസാൻ പദ്ധതിയുടെ 24 മത്തെ ഗഡുവായ 2000 രൂപ എങ്ങനെ നിങ്ങളുടെ ബാങ്ക് അക്കൗണ്ടിൽ എത്തിയോ എന്ന് വീട്ടിൽ ഇരുന്നുകൊണ്ടുതന്നെ നിങ്ങൾക്ക് എളുപ്പത്തിൽ പരിശോധിക്കാവുന്നതാണ്. അതിനായി ചെയ്യേണ്ടത്... PM Kisan ന്റെ ഔദ്യോഗിക വെബ്സൈറ്റ് ആയ pmkisan.gov.in സന്ദർശിക്കുക ഹോം പേജിൽ Farmers Corner എന്ന വിഭാഗത്തിൽ പോയ് Know Your Status എന്ന ഓപ്ഷൻ ക്ലിക്ക് ചെയ്യുക ശേഷം നിങ്ങളുടെ രജിസ്‌ട്രേഷൻ നമ്പർ, ക്യാപ്ച്ച കോഡ് എന്നിവ നൽകുക തുടർന്ന് ആവശ്യമുള്ള വിവരങ്ങൾ, OTP എന്നിവ നൽകി നിങ്ങളുടെ വിവരങ്ങൾ സ്ഥിരീകരിക്കുക ശേഷം ഗഡുവിന്റെ പേയ്മെന്റ് സ്റ്റാറ്റസ് പരിശോധിക്കൂ. പണം അനുവദിച്ചിട്ടുണ്ടോ അതോ നടപടികൾ ഇനിയും പൂർത്തിയായിട്ടില്ല എന്നത് ഇവിടെ അറിയാൻ കഴിയും. ഇനി ബാങ്ക് അക്കൗണ്ടിൽ പണം എത്തിയോ എന്നറിയാൻ ബാങ്കിൽ നിന്നുള്ള SMS, മൊബൈൽ ബാങ്കിങ് ആപ്, പാസ്‌ബുക് അപ്ഡേറ്റ് ചെയ്യൽ എന്നിവ പരിശോധിക്കാം. പോർട്ടലിൽ പേയ്മെന്റ് അനുവദിച്ചതായി കാണിച്ചു എന്നതുകൊണ്ട് അക്കൗണ്ടിൽ പണം എത്തി എന്ന് ഉറപ്പിക്കാൻ കഴിയില്ല അതിനായി ബാങ്ക് അക്കൗണ്ട് പരിശോധിക്കണം. ഗഡു എത്തിയില്ലെങ്കിൽ എന്ത് ചെയ്യണം? നിങ്ങളുടെ പേയ്മെന്റ് സ്റ്റാറ്റസ് ദൃശ്യമല്ലെങ്കിലോ അല്ലെങ്കിൽ ഗഡു ലഭിച്ചില്ലെങ്കിലോ നിങ്ങൾ ആദ്യ ചെയ്യേണ്ടത് ഇ-കെവൈസി, ഭൂമിയുമായി ബന്ധപ്പെട്ട വിവരങ്ങൾ എന്നിവ പരിശോധിക്കണം. കൂടുതൽ വിവരങ്ങൾക്കായി കർഷകർക്ക് 155261 അല്ലെങ്കിൽ 011-24300606 എന്ന ഹെൽപ്‌ലൈൻ നമ്പറുകളിൽ ബന്ധപ്പെടാം കൂടാതെ പോർട്ടലിലെ കിസാൻ ഇ-മിത്ര ചാറ്റ്ബോട്ട് വഴിയും വിവരങ്ങൾ അറിയാൻ കഴിയും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

DA Big Update: കരാർ തൊഴിലാളികൾക്കുള്ള വേരിയബിൾ ഡിഎ നിരക്കുകൾ പരിഷ്കരിച്ച് റെയിൽവേ മന്ത്രാലയം

ന്യൂഡൽഹി: കരാർ തൊഴിലാളികൾക്കായി വേരിയബിൾ ഡിയർനസ് അലവൻസ് (വിഡിഎ) നിരക്കുകളിൽ ഭേദഗതി വരുത്തി റെയിവൽവേ മന്ത്രാലയം. ഇത് സംബന്ധിച്ച പ്രഖ്യാപനവും റെയിൽവേ മന്ത്രാലയം നടത്തി. നിശ്ചയിക്കപ്പെട്ട മിനിമം വേതന നിരക്കുകൾ കൃത്യമായി പാലിക്കുന്നുണ്ടെന്ന് ഉറപ്പാക്കാൻ റെയിൽവേ അധികാരികൾക്ക് നിർദേശം നൽകുകയും ചെയ്തു. ഏതെല്ലാ കരാർ തൊഴിലാളികളാണ് പുതുക്കിയ വിഡിഎ നിരക്കുകളുടെ പരിധിയിൽ വരുന്നത്? ചരക്ക് കയറ്റിറക്ക് തൊഴിലാളികൾ: റെയിൽവേയുടെ ഗുഡ്സ് ഷെഡുകൾ, പാർസൽ ഓഫീസുകൾ, മറ്റ് ഗുഡ്സ് ഷെഡുകൾ, ഗോഡൌണുകൾ, വെയർഹൌസുകൾ, സമാനമായ മറ്റ് തൊഴിൽ മേഖലയിലുള്ളവർ. നിർമാണത്തൊഴിലാളികൾ: പാതകൾ, ട്രാക്കുകൾ, കെട്ടിടങ്ങൾ, ഭൂഗർഭ കേബിളുകൾ, വൈദ്യുതി ലൈനുകൾ, ജലവിതരണ ലൈനുകൾ, മലിനജല പൈപ്പ് ലൈനുകൾ എന്നിവയുടെ നിർമാണവും പരിപാലനവും നിർവഹിക്കുന്ന തൊഴിലാളികൾ. ക്ലീനിങ് തൊഴിലാളികൾ: ക്ലീനിങ്, ശുചീകരണ പ്രവർത്തനങ്ങൾ എന്നിവയിൽ ഏർപ്പെട്ടിരിക്കുന്ന തൊഴിലാളികൾ. സെക്യൂരിറ്റി ജീവനക്കാർ: ആയുധങ്ങളോടുകൂടിയതോ അല്ലാതെയോ ഉള്ള സുരക്ഷാ ചുമതലകളിൽ നിയോഗിക്കപ്പെട്ടിരിക്കുന്നവർ. കരാർ തൊഴിലാളികൾക്കായുള്ള പുതുക്കിയ വിഡിഎ നിരക്കുകൾ എന്തൊക്കെയാണ്? ജൂൺ മുപ്പതിലെ 424.80 എന്ന നിരക്കിൽ നിന്ന് 431.42 ആയി ഉയർന്ന ഇൻഡസ്ട്രിയൽ വർക്കേഴ്സിനായുള്ള ഉപഭോക്തൃ വില സൂചികയുടെ (സിപിഐ-ഐഡബ്ല്യു) അടിസ്ഥാനത്തിലാണ് ലേബർ ബ്യൂറോ ഈ അലവൻസ് പുതുക്കിയിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Railway Charging Point: യാത്രക്കാരുടെ ശ്രദ്ധയ്ക്ക്! 'രാത്രിയില്‍ ട്രെയിനില്‍ ഫോണ്‍ ചാര്‍ജ് ചെയ്യാന്‍ കഴിയില്ല'

യാത്രയ്ക്കിടെ ട്രെയിനിൽ ഫോൺ ചാർജ് ചെയ്യാനുള്ള സൗകര്യം ഒരു അനുഗ്രഹം തന്നെയാണ്. എല്ലാ യാത്രക്കാരും ഈ സേവനം കൃത്യമായി തന്നെ ഉപയോഗപ്പെടുത്താറുമുണ്ട്. എന്നാൽ രാത്രി 11 മണിക്കും പുലർച്ചെ 5 മണിക്കും ഇടയിൽ ട്രെയിൻ കോച്ചുകളിലെ മൊബൈൽ ഫോൺ, ലാപ്ടോപ്പ് ചാർജിംഗ് പോയിന്റുകൾ ഓഫ് ചെയ്യാൻ എല്ലാ റെയിൽവേ സോണുകളോടും റെയിൽവേ ബോർഡ് കർശനമായി നിർദേശിച്ചു. യാത്രക്കാരന്റെ പവർ ബാങ്ക് പൊട്ടിത്തെറിച്ച സംഭവത്തെ തുടർന്നാണ് നിയന്ത്രണം കർശനമാക്കുന്നത്. ചാർജിംഗ് പോയിന്റുകൾ ഓഫ് 2014-ലെ രാത്രികാല ചാർജിംഗ് നിയന്ത്രണ ഉത്തരവ് എല്ലാ റെയിൽവേ സോണുകളും കർശനമായി പാലിക്കാൻ റെയിൽവേ ബോർഡ് നിർദ്ദേശിച്ചു. ഉത്തരവ് കൃത്യമായി പാലിക്കുന്നുണ്ടെന്ന് ഉറപ്പാക്കാൻ ജീവനക്കാർക്ക് പരിശീലനം നൽകാനും മിന്നൽ പരിശോധനകൾ നടത്താനും റെയിൽവേ അധികാരികൾക്ക് നിർദേശം നൽകി. പഴയ ഉത്തരവ് 2013-ൽ സൗത്ത് വെസ്റ്റേൺ റെയിൽവേയുടെ ബെംഗളൂരു ഡിവിഷനിൽ 'ഹസൂർ സാഹിബ് നാന്ദേഡ്-കെഎസ്ആർ ബെംഗളൂരു എക്സ്പ്രസ്' ട്രെയിനിന്റെ എസി 3-ടയർ കോച്ചിലുണ്ടായ തീപിടുത്തത്തെ തുടർന്നാണ് ആദ്യമായി ഇത്തരം നിർദ്ദേശം വരുന്നത്. എസി കോച്ചുകളിലെ ചാർജിംഗ് പോയിന്റുകൾ രാത്രി 10 മണി മുതൽ രാവിലെ 6 മണി വരെ ഓഫ് ചെയ്യണമെന്ന് സതേൺ സർക്കിൾ കമ്മീഷണർ ഓഫ് റെയിൽവേ സേഫ്റ്റി ശുപാർശ ചെയ്തിരുന്നു. യാത്രക്കാരുടെ സൗകര്യവും മുൻനിർത്തി രാത്രി 11 മണി മുതൽ പുലർച്ചെ 5 മണിവരെയായി സമയം നിശ്ചയിച്ചു. യാത്രക്കാരെ വിവരം അറിയിക്കാൻ എല്ലാ എസി കോച്ചുകളിലും സ്റ്റിക്കറുകൾ പതിക്കാനും നിർദേശിച്ചു. എസി കോച്ചുകൾക്ക് പുറമെ നോൺ-എസി സ്ലീപ്പർ കോച്ചുകളിലും സമാനമായി രാത്രി സമയത്ത് ചാർജിംഗ് പോയിന്റുകൾ ഓഫ് ചെയ്യാൻ കമ്മീഷണർ ഓഫ് റെയിൽവേ സേഫ്റ്റി ശുപാർശ ചെയ്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Mouth Ulcer Reasons: ഇടയ്ക്കിടെ വായിൽ അൾസർ വരാറുണ്ടോ? കാരണങ്ങൾ എന്തൊക്കെ‌?

ചിലർ‌ക്ക് വായിൽ പലപ്പോഴും വ്രണങ്ങൾ വരാറുണ്ട്. ഇതിനെ മൗത്ത് അൾസർ എന്നാണ് വിളിക്കുന്നത്. വയിൽ അടിക്കടിയുണ്ടാകുന്ന ഈ അൾസർ പലരെയും വല്ലാതെ അലട്ടുന്ന പ്രധാന ആരോഗ്യപ്രശ്നങ്ങളിലൊന്നാണ്. ഇത് വരുമ്പോൾ ഭക്ഷണം പോലും കഴിക്കാൻ പറ്റാത്ത അവസ്ഥ പലർക്കും സംഭവിക്കാറുണ്ട്. നല്ലത് പോലെ വേദന ഉണ്ടാകും ഇതിന്. ഇവ ലളിതമായ കാരണങ്ങൾ കൊണ്ടോ ചിലപ്പോൾ ശരീരത്തിലെ മറ്റ് പോഷകാഹാരങ്ങളുടെ കുറവുകളുടെ സൂചനയോ ആയിരിക്കാം. Mouth Ulcer അടിക്കടിയുണ്ടാകാനുള്ള കാരണങ്ങൾ എന്തൊക്കെയാണെന്ന് നോക്കാം... വിറ്റാമിൻ B12, ഇരുമ്പ്, ഫോളേറ്റ് സിങ്ക് എന്നിവയുടെ കുറവ് മൂലം വായിൽ അൾസർ ഉണ്ടാകാനുള്ള സാധ്യതയുണ്ട്. നാഡി വ്യവസ്ഥയ്ക്കും രക്തകോശ നിർമ്മാണത്തിനും അത്യാവശ്യമാണ് വിറ്റാമിൻ ബി12. അയൺ, ഫോളേറ്റ് എന്നിവ കുറയുമ്പോൾ അത് വായയിലെ കോശങ്ങളുടെ ആരോഗ്യത്തെയാണ് ബാധിക്കുന്നത്. ശരീരത്തിലെ പ്രതിരോധശേഷി വർധിപ്പിക്കുന്നതിനും മുറിവുകൾ ഉണങ്ങുന്നതിനും സിങ്ക് വേണം. മാനസിക സമ്മർദ്ദമുള്ളവരിൽ മൗത്ത് അൾസർ വരാനുള്ള സാധ്യത കൂടുതലാണ്. സ്ട്രെസും ഉറക്കക്കുറവും അൾസർ വരാൻ കാരണമാകുമെന്നാണ് പറയുന്നത്. . ഹോർമോൺ മാറ്റങ്ങളുണ്ടാകുമ്പോൾ ചിലർക്ക് അൾസർ വരും. ചില സ്ത്രീകളിൽ ആർത്തവസമയത്ത് അൾസർ വരുന്നത് ഹോർമോണിൽ വ്യതിയാനമുണ്ടാകുന്നത് കൊണ്ടാണ്. പല്ല് തട്ടുകയോ കഠിനമായ ഭക്ഷണം കഴിക്കുകയോ ചെയ്യുമ്പോഴുണ്ടാകുന്ന മുറിവുകൾ മൗത്ത് അൾസറിന് കാരണമാകും. എരിവും പുളിയുമുള്ള ഭക്ഷണങ്ങൾ കഴിക്കുമ്പോൾ ചിലരിൽ അൾസർ ഉണ്ടാകാനുള്ള സാധ്യതയുണ്ട്. ദഹനസംബന്ധമായ രോഗങ്ങൾ, പ്രതിരോധശേഷിയുമായി ബന്ധപ്പെട്ട പ്രശ്നങ്ങൾ എന്നിവയും മൗത്ത് അൾസറിന് കാരണമാകാറുണ്ട്. അതേസമയം2 ആഴ്ചയ്ക്കുള്ളിൽ അൾസർ മാറുന്നില്ല എന്നുണ്ടെങ്കിലോ വലുതാകുകയാണെങ്കിലോ അല്ലെങ്കിൽ ഇടയ്ക്കിടെ ആവർത്തിക്കുകയോ ചെയ്യുന്നുണ്ടെങ്കിൽ ഡോക്ടറെ കാണേണ്ടതാണ്. അൾസറിനൊപ്പം അമിതമായ പനിയും ക്ഷീണവും അനുഭവപ്പെടുകയാണെങ്കിലും ഡോക്ടറെ സമീപിക്കുക. കൂടാതെ വ്രണങ്ങൾ തൊണ്ടയിലേക്ക് പടരുകയോ ഭക്ഷണം വിഴുങ്ങാൻ ബുദ്ധിമുട്ട് അനുഭവപ്പെടുകയോ ചെയ്താലും വൈദ്യസഹായം തേടണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.