Rain Alert: സംസ്ഥാനത്ത് മഴ ശക്തം; എട്ട് ജില്ലകളിൽ ഓറഞ്ച് അലർട്ട്

തിരുവനന്തപുരം: സംസ്ഥാനത്ത് വീണ്ടും തുലാവർഷം സജീവമായി. എട്ട് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം മുതൽ എറണാകുളം വരെയുള്ള ഏഴ് ജില്ലകളിലും കണ്ണൂരുമാണ് ശക്തമായ മഴയുണ്ടാകുമെന്ന് മുന്നറിയിപ്പുള്ളത്. മഴയ്ക്കൊപ്പം ശക്തമായ ഇടിമിന്നലിന് സാധ്യതയുണ്ടെന്നും മുന്നറിയിപ്പുണ്ട്. സംസ്ഥാനത്ത് ഞായറാഴ്ച വരെ മഴ തുടരുമെന്നാണ് മുന്നറിയിപ്പ്. സംസ്ഥാനത്ത് കനത്ത മഴയിൽ വൻ നാശനഷ്ടങ്ങളാണ് റിപ്പോർട്ട് ചെയ്യുന്നത്. താഴ്ന്ന പ്രദേശങ്ങളിലും നദീതീരങ്ങളിലും വെള്ളപ്പൊക്കത്തിന് സാധ്യതയുണ്ടെന്നും മുന്നറിയിപ്പുണ്ട്. ഉരുൾപൊട്ടലിനും മണ്ണിടിച്ചിലിനും സാധ്യതയുള്ള മലയോര പ്രദേശങ്ങളിൽ നിന്ന് ജനങ്ങൾ സുരക്ഷിതമായ ഇടങ്ങളിലേക്ക് മാറണമെന്ന് അധികൃതർ നിർദേശിക്കുന്നു. ശക്തമായ മഴയുള്ള സമയങ്ങളിൽ മീൻ പിടിക്കാനോ കുളിക്കാനോ പുഴകളിൽ ഇറങ്ങുകയോ നദി മുറിച്ച് കടക്കാൻ ശ്രമിക്കുകയോ ചെയ്യാൻ പാടില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Abhiram Murder Case: അഭിരാം വധക്കേസ്: രണ്ടാം പ്രതിയുടെ പെൺസുഹൃത്ത് കസ്റ്റഡിയിൽ

തിരുവനന്തപുരം: പാങ്ങപ്പാറയിലെ അഭിരാമിനെ കൊലപ്പെടുത്തിയ കേസിൽ രണ്ടാം പ്രതി ഉമറിന്റെ പെൺസുഹൃത്തിനെ പോലീസ് കസ്റ്റഡിയിലെടുത്തതായി റിപ്പോർട്ട്. പോലീസിന്റെ നിഗമനം അനുസരിച്ചു അഭിരാമിന്റെ കൊലപാതത്തിൽ ഈ ഇരുപത്തിരണ്ടുകാരിയായ പെൺകുട്ടിക്കും പങ്കുണ്ടെന്നാണ്. ഇവരെ കൂടാതെ കേസിൽ വേറെയും ആൾക്കാർക്ക് പങ്കുണ്ടോയെന്നും പോലീസിന് സംശയമുണ്ട്. ഈ കേസിൽ 3 പേരെയാണ് നേരത്തെ അറസ്റ്റു ചെയ്‌തത്. 17 വയസുകാരനാണ് കേസിലെ ഒന്നാം പ്രതി. കൂടാതെ ക്രിമിനൽ കേസുകളിലെ പ്രതിയായ ഉമർ, 18 വയസുള്ള ഒരു പെൺകുട്ടി എന്നിവരാണ് അറസ്റ്റിലായവർ. കൊല്ലപ്പെട്ട അഭിരാമിനെ ആളൊഴിഞ്ഞ സ്ഥലത്തേക്ക് വിളിച്ചുവരുത്തിയത് അറസ്റ്റിലായ 18 കാരിയുടെ ഫോണിൽ നിന്നാണെന്ന് കണ്ടെത്തിയിട്ടുണ്ട്. ഈ മൂന്നുപേർക്ക് പുറമെയാണ് ഉമറിന്റെ പെൺസുഹൃത്തിനെ കൂടി കസ്റ്റഡിയിലെടുത്തിരിക്കുന്നത്. ഈ പെൺകുട്ടിക്ക് കൊലപാതകത്തിൽ നേരിട്ട് പങ്കുണ്ടെന്നോയെന്ന കാര്യത്തിൽ വ്യക്തതയില്ലെങ്കിലും ഇവർ കൊല നടത്തിയ വിവരങ്ങളും ഇവരുടെ നീക്കങ്ങളും 22 കാരിക്ക് അറിയാമായിരുന്നുവെന്നാണ് പോലീസ് വ്യക്തമാക്കിയത്. നിലവിൽ 22 കാരിയെ വിശദമായി ചോദ്യം ചെയ്യുകയാണ്. പെൺകുട്ടിക്കെതിരെ കൂടുതൽ തെളിവുകൾ ലഭിച്ചാൽ അറസ്റ്റ് ചെയ്തേക്കുമെന്നാണ് റിപ്പോർട്ട്. തിങ്കളാഴ്ചയായിരുന്നു ശ്രീകാര്യത്തെ അരുംകൊല പുറം ലോകമറിയുന്നത്. കാര്യവട്ടം പാങ്ങപ്പാറ സംഗീത നഗര്‍ സ്വദേശിയായ അഭിറാം കൊല്ലപ്പെട്ടത് അതിദാരുണമായാണ്. ശേഷം ചാക്കില്‍ കെട്ടി ഉപേക്ഷിച്ച നിലയിലുള്ള മൃതദേഹം പോലീസ് കണ്ടെത്തുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Gold Rate Today: കത്തി കയറി സ്വർണ്ണവില; ഒറ്റയടിക്ക് വർധിച്ചത് 2360 രൂപ

Kochi Accident Case: 17 കാരന്റെ ജാമ്യം റദ്ദാക്കണമെന്ന ഹർജിയിൽ വിധി ഇന്ന്

കൊച്ചി: ചേരാനല്ലൂര്‍ വാഹനാപകടത്തിലെ പ്രതിയായ 17 കാരന്റെ ജാമ്യം റദ്ദാക്കണമെന്ന ഹർജിയിൽ വിധി ഇന്ന്. ഹർജി പരിഗണിക്കുന്നത് എണാകുളം അഡീഷണല്‍ സെഷന്‍കോടതിയാണ്. പ്രതിയായ പതിനേഴുകാരന്റെ പിതാവായ ജഡ്ജി നൽകിയ മുൻ‌കൂർ ജാമ്യാപേക്ഷ ഹൈക്കോടതി വീണ്ടും ഇന്ന് പരിഗണിക്കും. ഇതിനിടയിൽ കേസിൽ ജഡ്ജി തെളിവു നശിപ്പിച്ചുവെന്ന ആരോപണത്തിൽ മരിച്ച ജയബാലകൃഷ്ണൻറെ മകൾ ഭദ്രകീർത്തി ക്രൈംബ്രാഞ്ചിന് മൊഴി നൽകി. ക്രൈംബ്രാഞ്ചിന് സിസിടിവി ദൃശ്യങ്ങളുൾപ്പെടെ കൈമാറിയെന്നും അന്വേഷണത്തിൽ പ്രതീക്ഷയുണ്ടെന്നും ഭദ്രകീർത്തി മാധ്യമങ്ങളോട് പറഞ്ഞു. അപകടശേഷം പ്രതിയുടെ പിതാവായ ജഡ്ജി സ്ഥലത്തെത്തുകയും അവിടെ ഏറെ നേരം ചെലവഴിച്ചെന്നും ആരോപണം ഉണ്ടായിരുന്നു തുടർന്നാണ് ജയപാലകൃഷ്ണന്റെ കുടുംബം തെളുവു നശിപ്പാക്കാൻ ശ്രമം നടത്തിയെന്ന് പരാതി ഉയർത്തിയത്. ഇതിന്റെ അടിസ്ഥാനത്തിൽ കേസില്‍ ബിഎന്‍എസ് 238ാം വകുപ്പ് അന്വേഷണ സംഘം ചേര്‍ത്തു. ഇതിനിടയിൽ പ്രതിയായ 17 കാരന്റെ ചിത്രങ്ങൾ സോഷ്യൽ മീഡിയവഴി പ്രചരിപ്പിച്ചുവെന്ന സംഭവത്തിൽ 28 കേസുകൾ പോലീസ് രജിസ്‌റ്റർ ചെയ്തിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Operation Toofan: ഓപ്പറേഷൻ തൂഫാൻ: ചെന്നിത്തലയെ അഭിനന്ദിച്ച് അമിത് ഷാ

ന്യൂഡൽഹി: ലഹരിമരുന്ന് വ്യാപനത്തിന് തടയിടാനായി സംസ്ഥാന സർക്കാർ ആരംഭിച്ച ഓപ്പറേഷൻ തൂഫാൻ പദ്ധതിയെ അഭിനന്ദിച്ച് കേന്ദ്ര ആഭ്യന്തര മന്ത്രി അമിത് ഷാ രംഗത്ത്. കേന്ദ്ര ആഭ്യന്തരമന്ത്രിയുമായി ഇന്നലെ കേരള ആഭ്യന്തരമന്ത്രി രമേഷ് ചെന്നിത്തല കൂടിക്കാഴ്‌ച നടത്തിയിരുന്നു. കൂടിക്കാഴ്ചയിൽ ഓപ്പറേഷൻ തൂഫാന്റെ പ്രവർത്തനങ്ങൾ അമിത് ഷാ ചോദിച്ചതായും പദ്ധതിക്ക് കേന്ദ്രത്തിൽ നിന്ന് കൂടുതൽ സഹായം വാഗ്ദാനം ചെയ്തതായും ചെന്നിത്തല പറഞ്ഞു. നാശമുക്ത് ഭാരത് എന്ന കേന്ദ്ര പദ്ധതിയുടെ ഭാഗമായിട്ടാണ് ഓപ്പറേഷൻ തൂഫാന്‌ കേന്ദ്ര സഹായം നൽകാമെന്ന് അമിത് ഷാ വാഗ്ദാനം നൽകിയത്. കേരള പോലീസിന്റെ ആധുനികവത്കരണത്തിനായുള്ള പദ്ധതികൾ സമർപ്പിക്കാനായി മുൻകൂട്ടി അനുമതി ലഭിച്ചതുപ്രകാരമായിരുന്നു ആഭ്യന്തര മന്ത്രി രമേശ് ചെന്നിത്തല കേന്ദ്ര ആഭ്യന്തര മന്ത്രി അമിത് ഷായുമായി കൂടിക്കാഴ്ച നടത്തിയത്. മുൻപ് തൂഫാൻ മാതൃക ഇതര സംസ്ഥാനങ്ങളിലേക്ക് വ്യാപിപ്പിക്കാനുള്ള ആഗ്രഹം പ്രകടിപ്പിച്ചുകൊണ്ടും സംസ്ഥാന ആഭ്യന്തര മന്ത്രിമാരുടെ സമ്മേളനം തിരുവനന്തപുരത്ത് സംഘടിപ്പിക്കാൻ കേരളം ആതിഥേയത്വം വഹിക്കാമെന്ന് വാഗ്ദാനം ചെയ്തുകൊണ്ടും ചെന്നിത്തല അമിത് ഷായ്ക്ക് കത്തയച്ചിരുന്നു. വനിതാ പോലീസുകാരുടെ എണ്ണം 30 ശതമാനമായി ഉയർത്താനുള്ള കേരളത്തിന്റെ നീക്കത്തെ അമിത് ഷാ അഭിനന്ദിച്ചു. സംസ്ഥാനത്തെ ജയിൽ സൗകര്യങ്ങൾ വിപുലീകരിക്കുന്നതിന്റെ ഭാഗമായി തിരുവനന്തപുരത്തെ നെട്ടുകാൽത്തേരിയിൽ പുതിയ സെൻട്രൽ ജയിൽ സ്ഥാപിക്കാനുള്ള നിർദേശവും കേന്ദ്രത്തിന് ചെന്നിത്തല കൈമാറിയിട്ടുണ്ട്. ഒപ്പം പൂജപ്പുരയുമായി ബന്ധപ്പെട്ട് പുതിയ ഓപ്പൺ ജയിൽ പദ്ധതി നടപ്പാക്കുന്നതിനുള്ള പ്രൊപ്പോസലും കേന്ദ്ര ആഭ്യന്തരമന്ത്രിക്ക് സമർപ്പിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Forest Department: വനം വകുപ്പിന് ഇനി 'സ്റ്റാർ പവർ'; പുതിയ ബ്രാൻഡ് അംബാസഡർമാരായി കുഞ്ചാക്കോ ബോബനും പൃഥ്വിരാജും

തിരുവനന്തപുരം: സംസ്ഥാന വനം വകുപ്പിന്റെ പുതിയ ബ്രാൻഡ് അംബാസഡർമാരായി കുഞ്ചാക്കോ ബോബനും പൃഥ്വിരാജ് സുകുമാരനും. വന-വന്യജീവി സംരക്ഷണ ബോധവൽക്കരണം, വനം വകുപ്പ് നടപ്പിലാക്കുന്ന വിവിധ പദ്ധതികളുടെ പ്രചാരണം എന്നിവ ഉൾപ്പെടെ ഏഴ് പ്രധാന മേഖലകളിലാണ് നടന്മാർക്ക് ചുമതല നൽകിയിരിക്കുന്നത്. ഇക്കാര്യം മന്ത്രി ഷിബു ബേബി ജോൺ നേരത്തെ വെളിപ്പെടുത്തിയിരുന്നതാണ്. ബ്രാൻഡ് അംബാസഡർമാരുടെ പ്രവർത്തനമേഖലകൾ 1. വനം - വന്യജീവി സംരക്ഷണ ബോധവൽക്കരണം പൊതുപരിപാടികൾ, റെക്കോർഡ് ചെയ്ത സന്ദേശങ്ങൾ, ഡിജിറ്റൽ ആശയവിനിമയ മാർഗങ്ങൾ എന്നിവയിലൂടെ വനങ്ങൾ, വന്യജീവികൾ, ജൈവവൈവിധ്യം, ആവാസവ്യവസ്ഥയുടെ സംരക്ഷണം, പാരിസ്ഥിതിക സന്തുലിതാവസ്ഥ എന്നിവയെക്കുറിച്ച് ബോധവൽക്കരണം നടത്തണം. 2. വനം വകുപ്പിന്റെ പദ്ധതികളുടെ പ്രചാരണം വനം വകുപ്പിന്റെ തിരഞ്ഞെടുത്ത പദ്ധതികൾ, പൊതുസേവനങ്ങൾ, സംരക്ഷണ കാംപെയ്നുകൾ, പൊതുജന പങ്കാളിത്ത പരിപാടികൾ എന്നിവയുടെ പ്രചാരണത്തിന് പിന്തുണ നൽകണം. 3. കുട്ടികളുമായും യുവജനങ്ങളുമായും ഇടപെടൽ വിദ്യാഭ്യാസ പരിപാടികൾ, സംവേദനാത്മക സംവാദങ്ങൾ, പ്രകൃതിപഠന ക്യാമ്പുകൾ, യുവജനങ്ങൾക്കായുള്ള ഡിജിറ്റൽ ഉള്ളടക്കങ്ങൾ തുടങ്ങിയവയിലൂടെ വിദ്യാർത്ഥികളിലും കുട്ടികളിലും യുവാക്കളിലുമൊക്കെ പ്രകൃതിയോടുള്ള താൽപര്യം വളർത്തുകയെന്നതാണ് ലക്ഷ്യം. 4. സാമൂഹ്യ മാധ്യമങ്ങളും പൊതുജന ആശയവിനിമയവും വനം വകുപ്പിന്റെ ഔദ്യോഗിക സോഷ്യൽ മീഡിയ പേജുകളിലൂടെ ബോധവൽക്കരണ വീഡിയോകളും പരിസ്ഥിതി സംരക്ഷണ സന്ദേശങ്ങളും വകുപ്പിന്റെ പുതിയ വിവരങ്ങളും കൃത്യമായി ജനങ്ങളിലേക്ക് എത്തിക്കുക എന്നതാണ് ഇതിലൂടെ ലക്ഷ്യമിടുന്നത്. 5. സർഗാത്മകവും സാംസ്കാരികവുമായ പ്രചാരണം സിനിമ എന്ന മാധ്യമത്തിലൂടെ വനം - വന്യജീവി സംരക്ഷണ സന്ദേശങ്ങൾ ജനങ്ങളിലേക്ക് കൂടുതൽ എളുപ്പത്തിൽ എത്തിക്കുന്ന നൂതന ആശയവിനിമയ രീതികൾ വികസിപ്പിച്ചെടുക്കുക. 6. സമൂഹ പങ്കാളിത്തവും മനുഷ്യ - വന്യജീവി സഹവർത്തിത്വവും വന്യജീവികളോട് ഉത്തരവാദിത്തപരമായ പെരുമാറ്റം പ്രോത്സാഹിപ്പിക്കുക. വനാശ്രിത സമൂഹങ്ങളെയും അവരുടെ ജീവിതരീതികളെയും ബഹുമാനിക്കുക. മനുഷ്യ-വന്യജീവി സംഘർഷങ്ങൾ ഉണ്ടാകുമ്പോൾ സ്വയം രക്ഷിക്കാനുള്ള മുൻകരുതലുകൾ വിശദീകരിക്കുക. വന്യജീവി സംരക്ഷണത്തിൽ സാധാരണക്കാരുടെ സജീവ പങ്കാളിത്തം ഉറപ്പുവരുത്തുക. 7. പ്രകൃതിപഠനവും പരിസ്ഥിതി സാക്ഷരതയും പ്രകൃതിയിലെ ആവാസവ്യവസ്ഥകളുടെയും ജൈവവൈവിധ്യത്തിന്റെയും സംരക്ഷണം. മനുഷ്യനും പ്രകൃതിയും തമ്മിലുള്ള പരസ്പരബന്ധം ശക്തിപ്പെടുത്തുക. പ്രകൃതിയോട് ഇണങ്ങി ജീവിക്കുന്ന സുസ്ഥിരമായ സഹവർത്തിത്വത്തിന്റെ പ്രാധാന്യം ജനങ്ങളിലേക്ക് എത്തുക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Abhiram Murder Case: അന്വേഷണത്തില്‍ വീഴ്ചപറ്റിയിട്ടില്ലെന്ന് പോലീസ്

തിരുവനന്തപുരം: പാങ്ങപ്പാറയിൽ പതിനേഴുകാരനായ അഭിറാമിന്റെ കൊലപാതകവുമായി ബന്ധപ്പെട്ട അന്വേഷണത്തിൽ പോലീസിന് വീഴ്ച പറ്റിയിട്ടില്ലെന്ന് സിറ്റി പോലീസ് കമ്മീഷണറുടെ റിപ്പോർട്ട്. റിപ്പോർട്ട് ക്രമസമാധാന ചുമതലയുള്ള ഡിജിപിക്ക് സമർപ്പിച്ചു. അഭിരാമിനെ കാണാനില്ലെന്ന പരാതി ലഭിച്ചത് രാത്രി 10:52 ഓടെയാണെന്നും അപ്പോഴേക്കും വിദ്യാർത്ഥി കൊല്ലപ്പെട്ടിരുന്നുവെന്നും റിപ്പോർട്ടിൽ വ്യക്തമാക്കുന്നുണ്ട്. പരാതി ലഭിച്ച ഉടനെ കേസ് രജിസ്റ്റർ ചെയ്ത്‌ ബന്ധുക്കളുടെ സഹായത്തോടെ അന്വേഷണം ആരംഭിക്കുകയും വിദ്യാർത്ഥിയുടെ സുഹൃത്തുക്കളിൽ നിന്നും ലഭിച്ച വിവരത്തിന്റെ അടിസ്ഥാനത്തിൽ ഒന്നാം പ്രതിയായ പ്രായപൂർത്തിയാകാത്ത കുട്ടിയെ കസ്റ്റഡിയിലെടുത്തതായും പ്രായപൂർത്തിയാകാത്തതിനാൽ കുട്ടിയെ പുലർച്ചയോടെ വിട്ടയച്ചുവെന്നും റിപ്പോർട്ടിൽ വ്യക്തമാക്കുന്നുണ്ട്. കൊല്ലപ്പെട്ട വിദ്യാർത്ഥിയുടെ ഫോൺ ഓഫ് ആയതിനാൽ അന്വേഷണം നടത്തിയെകിലും കൃത്യമായ ലൊക്കേഷൻ ലഭിച്ചില്ല. എങ്കിലും പോലീസ് നടത്തിയ ശാസ്ത്രീയ അന്വേഷണത്തിലൂടെ പ്രതികളിലേക്ക് എത്തിച്ചേരാൻ കഴിഞ്ഞെന്നും സംഭവത്തിൽ പോലിസിന് വീഴ്ച പറ്റിയിട്ടില്ലെന്നും റിപ്പോർട്ടിൽ വ്യക്തമാക്കുന്നുണ്ട്. കൂടാതെ കൊലപാതകത്തിൽ ദുരൂഹതയുണ്ടെന്നും മരിച്ച അഭിറാമിന്റെ ഇൻസ്റ്റാഗ്രാം അക്കൗണ്ടിൽ നിന്നുള്ള പല ചാറ്റുകളും അപ്രത്യക്ഷമാണെന്നും സൈബർസെൽ പരിശോധനയിൽ കണ്ടെത്തിയിട്ടുണ്ട്. അഭിരാമിന്റെ ഇൻസ്റ്റാഗ്രാം അക്കൗണ്ട് മറ്റൊരു പെൺസുഹൃത്തുമായും ഷെയർ ചെയ്യപ്പെട്ടിരുന്നുവെന്നും അന്വേഷണ സംഘം കണ്ടെത്തിയിട്ടുണ്ട്. അതുകൊണ്ടുതന്നെ ഈ മെസ്സേജുകൾ എങ്ങനെ മാഞ്ഞുപോയി എന്നും അന്വേഷണസംഘം പരിശോധിക്കുന്നുണ്ട്. പ്രാഥമിക നിഗമനത്തിൽ ഇതോരു ആസൂത്രിതമായ കൊലപാതമായിരുന്നുവെന്നും ഇതിൽ കൂടുതൽ പേർക്ക് പങ്കുണ്ടെന്നുമാണ് അന്വേഷണ സംഘത്തിന്റ സംശയം. പ്രതി കൊലപ്പെടുത്താൻ ഉദ്ദേശിച്ചത് അഭിരാമിനെയല്ലെന്നും അഭിറാം വഴി മറ്റൊരു വിദ്യാർത്ഥിയെ വിളിച്ചു വരുത്താനായിരുന്നു ഉദ്ദേശമെന്നും കസ്റ്റഡിയിലുള്ള പതിനേഴുകാരൻ തെളിവെടുപ്പിനിടെ വെളിപ്പെടുത്തിയിരുന്നു. എന്നാൽ ഇതിനിടയിൽ പ്രതിയും അഭിറാമും തമ്മിൽ വാക്കുതർക്കം ഉണ്ടാകുകയും അതിനുപിന്നാലെ കൊലപ്പെടുത്തുകയായിരുന്നു എന്നാണ് പ്രതി വെളിപ്പെടുത്തിയത്. തിങ്കളാഴ്ചയായിരുന്നു ശ്രീകാര്യത്തെ അരുംകൊല പുറം ലോകമറിയുന്നത്. കാര്യവട്ടം പാങ്ങപ്പാറ സംഗീത നഗര്‍ സ്വദേശിയായ അഭിറാം കൊല്ലപ്പെട്ടത് അതിദാരുണമായാണ്. ശേഷം ചാക്കില്‍ കെട്ടി ഉപേക്ഷിച്ച നിലയിലുള്ള മൃതദേഹം പോലീസ് കണ്ടെത്തുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Gold Rate Today: കേരളത്തിൽ സ്വർണവിലയിൽ നേരിയ വർധന; ഒരു പവന് ഇന്നത്തെ വില എത്ര?