Jailer 2 OTT Release: ജയിലർ 2 ഒടിടിയിലേക്ക്; നവംബർ 12 മുതൽ സ്ട്രീമിങ്, ഏത് പ്ലാറ്റ്ഫോമിൽ കാണാം?

ജയിലർ 2 ഒടിടിയിലേക്ക്. രജനീകാന്തിനെ നായകനാക്കി നെൽസൺ ദിലീപ് കുമാർ സംവിധാനം ചെയ്ത ജയിലർ 2 ആമസോൺ പ്രൈം വീഡിയോയിലൂടെയാണ് ഒടിടിയിലെത്തുന്നത്. ചിത്രം ഒക്ടോബർ 12ന് ആണ് തിയേറ്ററുകളിൽ പ്രദർശനത്തിനെത്തിയത്. നാല് ആഴ്ചയോളമായി ചിത്രം തിയേറ്ററുകളിൽ വിജയകരമായി പ്രദർശനം തുടരുകയാണ്. ഇതിന് ശേഷമാണ് ചിത്രം ഒടിടി സ്ട്രീമിങ്ങിന് എത്തുന്നത്. ആമസോൺ പ്രൈം വീഡിയോയുടെ ഔദ്യോഗിക സോഷ്യൽ മീഡിയ പേജിലൂടെ ജയിലർ 2 ഒടിടിയിൽ സ്ട്രീം ചെയ്യുന്നതിൻറെ തിയതി പുറത്തുവിട്ടു. ഇന്ത്യ ഉൾപ്പെടെ 240ൽ അധികം രാജ്യങ്ങളിലും പ്രദേശങ്ങളിലും ചിത്രം ഒടിടിയിൽ കാണാൻ സാധിക്കും. തമിഴ്, മലയാളം, തെലുങ്ക്, ഹിന്ദി, കന്നഡ എന്നീ അഞ്ച് ഭാഷകളിലായാണ് ചിത്രം സ്ട്രീം ചെയ്യുക. തിയേറ്ററുകളിൽ നിന്ന് റെക്കോർഡ് ബോക്സ്ഓഫീസ് കളക്ഷനാണ് ചിത്രം നേടിയത്. ചിത്രത്തിൽ രജനീകാന്തിനൊപ്പം മോഹൻലാൽ, വിജയ് സേതുപതി, ഹൃത്വിക് റോഷൻ, എസ്ജെ സൂര്യ, ശിവരാജ്കുമാർ, മിഥുൻ ചക്രവർത്തി, സുരാജ് വെഞ്ഞാറമൂട്, രമ്യ കൃഷ്ണൻ, വിദ്യാ ബാലൻ, യോഗി ബാബു, നമോ നാരായണ എന്നിവരും പ്രധാന വേഷങ്ങളിലെത്തുന്നു. സൺ പിക്ചേഴ്സിൻറെ ബാനറിൽ കലാനിധി മാരൻ ആണ് ചിത്രം നിർമിച്ചിരിക്കുന്നത്. അനിരുദ്ധ് രവിചന്ദർ ആണ് ചിത്രത്തിന് സംഗീതം നൽകിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

വില്ലൻ വേഷത്തിൽ ചാക്കോച്ചൻ, സ്റ്റൈലിഷായി നസ്‌ലനും സൗബിനും ശ്രീനാഥ് ഭാസിയും: 'ബാച്ച്‌ലർ പാർട്ടി Deux' ട്രെയിലറെത്തി

അമൽ നീരദിന്റെ ഏറ്റവും പുതിയ ചിത്രം 'ബാച്ച്‌ലർ പാർട്ടി Deux'ന്റെ ട്രെയിലർ പുറത്തുവന്നു. അതിഗംഭീരമായ ആക്ഷൻ രംഗങ്ങളും സ്റ്റൈലിഷ് അവതരണവും ചിത്രത്തിലുണ്ടാകുമെന്ന സൂചനയാണ് ട്രെയിലർ നൽകുന്നത്. വലിയ പ്രതീക്ഷകളോടെ കാത്തിരിക്കുന്ന ചിത്രം നവംബർ 19-ന് ആഗോളതലത്തിൽ തിയേറ്ററുകളിലെത്തും. നടൻമാരായ ടൊവിനോ തോമസ്, നസ്ലിൻ, സൗബിൻ, ഷറഫുദ്ദിൻ, ശ്രീനാഥ് ഭാസി, ചന്തു, ഷൈൻ ടോം, നടിമാരായ നാദിയ, രജിഷ, ജ്യോതിർമയി, ഹൻസിക, പാരിസ് ലക്ഷ്മി എന്നിവരുടെ ക്യാരക്ടർ പോസ്റ്ററുകൾ പുറത്തിറങ്ങിയിരുന്നു. 14 വർഷങ്ങൾക്ക് ശേഷം ജെൻ - സി വൈബിലാണ് ചിത്രം ഒരുക്കിയിരിക്കുന്നത്. 2012-ൽ പുറത്തിറങ്ങി തരംഗമായി മാറിയ ആക്ഷൻ ചിത്രം 'ബാച്ച്‌ലർ പാർട്ടി'യുടെ രണ്ടാം ഭാഗമാണിത്. ചിത്രത്തിന്റെ ഫസ്റ്റ് ലുക്ക് തരംഗമായിരുന്നു. റെഡ്-ഗോൾഡൻ റെട്രോ പശ്ചാത്തലത്തിലായിരുന്നു ഫസ്റ്റ് ലുക്ക് പുറത്തിറക്കിയത്. ബാച്ചിലർ പാർട്ടിയുടെ രണ്ടാം ഭാഗം എന്നതിനാൽ തന്നെ ഏറെ പ്രതീക്ഷയാണ് പ്രേക്ഷകർക്കുള്ളത്. ഫ്രഞ്ച് ഭാഷയിലുള്ള വാക്കാണ് ഡുഎക്സ് (D'EUX). ഫ്രഞ്ചിൽ D'EUX എന്നാൽ രണ്ട് എന്നും ‘അവരുടെ’ അല്ലെങ്കിൽ 'അവരെ കുറിച്ച്' എന്നുമാണ് അർത്ഥം വരുന്നത്. പുതുതലമുറയിലെ താരങ്ങളെയും മലയാളത്തിലെ മുൻനിര അഭിനേതാക്കളെയും അണിനിരത്തിക്കൊണ്ടാണ് അമൽ നീരദ് ചിത്രം ഒരുക്കിയിട്ടുള്ളത്. നസ്‌ലൻ, കുഞ്ചാക്കോ ബോബൻ, സൗബിൻ ഷാഹിർ, ഷറഫുദ്ദീൻ, ശ്രീനാഥ് ഭാസി, ചന്തു സലീംകുമാർ, ടൊവിനോ തോമസ്, ഷൈൻ ടോം ചാക്കോ, പാരിസ് ലക്ഷ്മി, നാദിയ മൊയ്തു, രജീഷ വിജയൻ, ജ്യോതിർമയി, ഹൻസിക കൃഷ്ണകുമാർ തുടങ്ങി വലിയ താരനിര ചിത്രത്തിലുണ്ട്. അമൽ നീരദ് പ്രൊഡക്ഷൻസ്, അൻവർ റഷീദ് എൻറർടെയ്ൻമെൻറ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ ചേർന്നാണ് ചിത്രത്തിന്റെ നിർമ്മാണം. ഛായാഗ്രഹണം: അപ്പു പ്രഭാകർ, എ‍ഡിറ്റർ: വിവേക് ഹർഷൻ, സംഗീതം: ക്രിസ്റ്റോ സേവ്യർ, സംഭാഷണം: ഉണ്ണി ആർ, സൗണ്ട് ഡിസൈൻ: തപസ് നായക്, പ്രൊഡക്ഷൻ ഡിസൈൻ: ജോസഫ് നെല്ലിക്കൽ, ഗാനരചന: റഫീഖ് അഹമ്മദ്, വിനായക് ശശികുമാർ, കോസ്റ്റ്യൂം: മഷർ ഹംസ, മേക്കപ്പ്: റോണക്സ് സേവ്യർ. പിആർഒ: ആതിര ദിൽജിത്ത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Forest Department: വനം വകുപ്പിന് ഇനി 'സ്റ്റാർ പവർ'; പുതിയ ബ്രാൻഡ് അംബാസഡർമാരായി കുഞ്ചാക്കോ ബോബനും പൃഥ്വിരാജും

തിരുവനന്തപുരം: സംസ്ഥാന വനം വകുപ്പിന്റെ പുതിയ ബ്രാൻഡ് അംബാസഡർമാരായി കുഞ്ചാക്കോ ബോബനും പൃഥ്വിരാജ് സുകുമാരനും. വന-വന്യജീവി സംരക്ഷണ ബോധവൽക്കരണം, വനം വകുപ്പ് നടപ്പിലാക്കുന്ന വിവിധ പദ്ധതികളുടെ പ്രചാരണം എന്നിവ ഉൾപ്പെടെ ഏഴ് പ്രധാന മേഖലകളിലാണ് നടന്മാർക്ക് ചുമതല നൽകിയിരിക്കുന്നത്. ഇക്കാര്യം മന്ത്രി ഷിബു ബേബി ജോൺ നേരത്തെ വെളിപ്പെടുത്തിയിരുന്നതാണ്. ബ്രാൻഡ് അംബാസഡർമാരുടെ പ്രവർത്തനമേഖലകൾ 1. വനം - വന്യജീവി സംരക്ഷണ ബോധവൽക്കരണം പൊതുപരിപാടികൾ, റെക്കോർഡ് ചെയ്ത സന്ദേശങ്ങൾ, ഡിജിറ്റൽ ആശയവിനിമയ മാർഗങ്ങൾ എന്നിവയിലൂടെ വനങ്ങൾ, വന്യജീവികൾ, ജൈവവൈവിധ്യം, ആവാസവ്യവസ്ഥയുടെ സംരക്ഷണം, പാരിസ്ഥിതിക സന്തുലിതാവസ്ഥ എന്നിവയെക്കുറിച്ച് ബോധവൽക്കരണം നടത്തണം. 2. വനം വകുപ്പിന്റെ പദ്ധതികളുടെ പ്രചാരണം വനം വകുപ്പിന്റെ തിരഞ്ഞെടുത്ത പദ്ധതികൾ, പൊതുസേവനങ്ങൾ, സംരക്ഷണ കാംപെയ്നുകൾ, പൊതുജന പങ്കാളിത്ത പരിപാടികൾ എന്നിവയുടെ പ്രചാരണത്തിന് പിന്തുണ നൽകണം. 3. കുട്ടികളുമായും യുവജനങ്ങളുമായും ഇടപെടൽ വിദ്യാഭ്യാസ പരിപാടികൾ, സംവേദനാത്മക സംവാദങ്ങൾ, പ്രകൃതിപഠന ക്യാമ്പുകൾ, യുവജനങ്ങൾക്കായുള്ള ഡിജിറ്റൽ ഉള്ളടക്കങ്ങൾ തുടങ്ങിയവയിലൂടെ വിദ്യാർത്ഥികളിലും കുട്ടികളിലും യുവാക്കളിലുമൊക്കെ പ്രകൃതിയോടുള്ള താൽപര്യം വളർത്തുകയെന്നതാണ് ലക്ഷ്യം. 4. സാമൂഹ്യ മാധ്യമങ്ങളും പൊതുജന ആശയവിനിമയവും വനം വകുപ്പിന്റെ ഔദ്യോഗിക സോഷ്യൽ മീഡിയ പേജുകളിലൂടെ ബോധവൽക്കരണ വീഡിയോകളും പരിസ്ഥിതി സംരക്ഷണ സന്ദേശങ്ങളും വകുപ്പിന്റെ പുതിയ വിവരങ്ങളും കൃത്യമായി ജനങ്ങളിലേക്ക് എത്തിക്കുക എന്നതാണ് ഇതിലൂടെ ലക്ഷ്യമിടുന്നത്. 5. സർഗാത്മകവും സാംസ്കാരികവുമായ പ്രചാരണം സിനിമ എന്ന മാധ്യമത്തിലൂടെ വനം - വന്യജീവി സംരക്ഷണ സന്ദേശങ്ങൾ ജനങ്ങളിലേക്ക് കൂടുതൽ എളുപ്പത്തിൽ എത്തിക്കുന്ന നൂതന ആശയവിനിമയ രീതികൾ വികസിപ്പിച്ചെടുക്കുക. 6. സമൂഹ പങ്കാളിത്തവും മനുഷ്യ - വന്യജീവി സഹവർത്തിത്വവും വന്യജീവികളോട് ഉത്തരവാദിത്തപരമായ പെരുമാറ്റം പ്രോത്സാഹിപ്പിക്കുക. വനാശ്രിത സമൂഹങ്ങളെയും അവരുടെ ജീവിതരീതികളെയും ബഹുമാനിക്കുക. മനുഷ്യ-വന്യജീവി സംഘർഷങ്ങൾ ഉണ്ടാകുമ്പോൾ സ്വയം രക്ഷിക്കാനുള്ള മുൻകരുതലുകൾ വിശദീകരിക്കുക. വന്യജീവി സംരക്ഷണത്തിൽ സാധാരണക്കാരുടെ സജീവ പങ്കാളിത്തം ഉറപ്പുവരുത്തുക. 7. പ്രകൃതിപഠനവും പരിസ്ഥിതി സാക്ഷരതയും പ്രകൃതിയിലെ ആവാസവ്യവസ്ഥകളുടെയും ജൈവവൈവിധ്യത്തിന്റെയും സംരക്ഷണം. മനുഷ്യനും പ്രകൃതിയും തമ്മിലുള്ള പരസ്പരബന്ധം ശക്തിപ്പെടുത്തുക. പ്രകൃതിയോട് ഇണങ്ങി ജീവിക്കുന്ന സുസ്ഥിരമായ സഹവർത്തിത്വത്തിന്റെ പ്രാധാന്യം ജനങ്ങളിലേക്ക് എത്തുക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Makeup Artist Pandian Passes Away: പ്രശസ്ത മേക്കപ്പ്മാൻ പാണ്ഡ്യൻ അന്തരിച്ചു; വിടവാങ്ങിയത് സൂപ്പർതാരങ്ങൾക്ക് മുഖമൊരുക്കിയ ആർട്ടിസ്റ്റ്

ചെന്നൈ: ദക്ഷിണേന്ത്യൻ ചലച്ചിത്ര ലോകത്തെ മുതിർന്ന മേക്കപ്പ് ആർട്ടിസ്റ്റ് പാണ്ഡ്യൻ (74) അന്തരിച്ചു. ചെന്നൈ വിരുഗമ്പാക്കത്തെ സ്വകാര്യ വസതിയിൽ വച്ചായിരുന്നു അന്ത്യം. മലയാളം, തമിഴ്, തെലുങ്ക്, കന്നഡ എന്നീ ഭാഷകളിലായി അഞ്ഞൂറിലധികം ചിത്രങ്ങളിൽ അദ്ദേഹം പ്രവർത്തിച്ചിട്ടുണ്ട്. പ്രേംനസീർ, എൻ.ടി. രാമറാവു, എസ്.വി. രംഗറാവു, കൃഷ്ണ, രജനീകാന്ത്, കമൽഹാസൻ, മമ്മൂട്ടി, മോഹൻലാൽ, ഫഹദ് ഫാസിൽ തുടങ്ങി വിവിധ തലമുറകളിലെ സൂപ്പർതാരങ്ങൾക്ക് കഥാപാത്രങ്ങളുടെ പൂർണ്ണതയ്ക്കായി മുഖമൊരുക്കിയ വ്യക്തിയാണ് പാണ്ഡ്യൻ. 2001-ൽ പുറത്തിറങ്ങിയ 'മധുരനൊമ്പരക്കാറ്റ്' എന്ന ചിത്രത്തിലെ മികച്ച പ്രവർത്തനത്തിന് അദ്ദേഹത്തിന് സംസ്ഥാന സർക്കാറിന്റെ മികച്ച മേക്കപ്പ് ആർട്ടിസ്റ്റിനുള്ള പുരസ്കാരം ലഭിച്ചിട്ടുണ്ട്. സത്യൻ അന്തിക്കാട് - മോഹൻലാൽ കൂട്ടുകെട്ടിലെത്തിയ ഹൃദയപൂർവമാണ് പാണ്ഡ്യൻ പ്രവർത്തിച്ച അവസാന ചിത്രം. സത്യൻ അന്തിക്കാടിന്റെ ആദ്യ ചിത്രമായ കുറുക്കന്റെ കല്യാണം മുതൽ മേക്കപ്പ്മാനായെത്തിയത് പാണ്ഡ്യനായിരുന്നു. ഹൃദയ ശസ്ത്രക്രിയയെ തുടർന്ന് പാണ്ഡ്യൻ കുറച്ചുകാലം വിശ്രമത്തിലായിരുന്നു. പാണ്ഡ്യൻ സുഖം പ്രാപിക്കുന്നത് വരെ മനസ്സിനക്കരെ എന്ന ചിത്രത്തിന്റെ ഷൂട്ടിംഗ് സത്യൻ അന്തിക്കാട് നീട്ടി വെച്ചത് അന്ന് വലിയ വാർത്തയായിരുന്നു. 16ാം വയസിലാണ് തമിഴ്‌നാട്‌ സ്വദേശിയായ പാണ്ഡ്യന്റെ സിനിമയിലേക്കുള്ള അരങ്ങേറ്റം. 1968ലായിരുന്നു ഇത്. അനശ്വര നടൻ സത്യന്റെ മേക്കപ്പ്മാനായിരുന്ന കൃഷ്ണരാജിന്റെ സഹായിയായിട്ടായിരുന്നു പാണ്ഡ്യൻ അരങ്ങേറ്റം കുറിച്ചത്. തുടർന്ന് കെ വി ഭാസ്കരൻ, എം ഒ ദേവസ്യ, ബാലകൃഷ്ണൻ തുടങ്ങിയ പ്രമുഖരുടെ അസിസ്റ്റന്റ് ആയി പ്രവർത്തിച്ചു. 1972 ൽ ജെ വില്യംസ് സംവിധാനം ചെയ്ത മദാലസയിലൂടെയാണ് പാണ്ഡ്യൻ സ്വതന്ത്ര മേക്കപ്പമാൻ ആകുന്നത്. ലക്ഷ്മിയാണ് ഭാര്യ. മക്കൾ അനിത, തന്നുയ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss Malayalam S8: മോഹന്‍ലാലിനെതിരെ വിമര്‍ശനവും, മാതാപിതാക്കളുടെ എതിര്‍പ്പും: ബിഗ് ബോസില്‍ നേഹ ഫാത്തിമ പ്രണയം വിവാദത്തില്‍

ബിഗ് ബോസ് മലയാളം സീസൺ 8-ൽ ചൂടുപിടിച്ച ചർച്ച വിഷയങ്ങളാണ് നടക്കുന്നത്. കഴിഞ്ഞ ദിവസമാണ് നേഹ ഫാത്തിമ എന്ന മത്സരാർത്ഥിയുടെ മാതാപിതാക്കൾ ബിഗ് ബോസ് വേദിയിലെത്തിയത്. പതിവ് 'ഫാമിലി വീക്കിന്' മുൻപായി വേദിയിലെത്തിയ ഇവർ ഷോ നിർത്തി പുറത്തിറങ്ങാൻ ആവശ്യപ്പെട്ടു. നേഹ ഗെയിമിൽ വൈകാരികമായി തളരുകയാണെന്നും മറ്റുള്ളവർ അവളെ സ്വന്തം ആവശ്യങ്ങൾക്കായി ഉപയോഗിക്കുകയാണെന്നും മാതാപിതാക്കൾ കണ്ണീരോടെ കുറ്റപ്പെടുത്തി.

Rimi Tomy Marriage: റിമിയുടെ വരന്‍ ജിം ട്രെയ്നര്‍, വിവാഹം മുംബൈയില്‍

കഴിഞ്ഞ ദിവസമാണ് താൻ വിവാഹിതയാകാൻ പോകുകയാണെന്ന് വിവരം പ്രമുഖ മലയാളി ഗായികയും അവതാരകയുമായ റിമി ടോമി തന്റെ ആരാധകരോട് പങ്കുവെച്ചത്. താൻ വിവാഹം കഴിക്കാൻ പോകുന്നത് പ്രശസ്തനായ ആളോ കോടീശ്വരനോ ഗായകനോ അല്ലെന്നും താരം വ്യക്തമാക്കി. എന്നാൽ താൻ ആരെയാണ് വിവാഹം കഴിക്കുന്നതെന്ന കാര്യം ഗായിക പറഞ്ഞിരുന്നില്ല എന്നാൽ ഇപ്പോൾ അക്കാര്യത്തിൽ വ്യക്തത വരുത്തിയിരിക്കുകയാണ് റിമി. ബോഡി ബിൽഡറും ട്രെയ്നറും മുംബൈ മലയാളിയുമായ ലിബിൻ മാത്യുവാണ് റിമിയുടെ വരൻ. വിവാഹത്തിന്റെക്ഷണക്കത്തും റിമി പങ്കുവെച്ചു.

Amitabh Bachchan Glass Box: പതിവ് തെറ്റിക്കാതെ അമിതാഭ് ബച്ചൻ, 'ചില്ലുംകൂട്ടിൽ' നിന്ന് കൈവീശി ബിഗ് ബി!

നടൻ ടൈഗർ ഷ്രോഫിന് നേരെ വധശ്രമം നടന്നതിന് പിന്നാലെ ബോളിവുഡ് താരങ്ങൾ സുരക്ഷയുടെ കാര്യത്തിൽ വിട്ടുവീഴ്ചയില്ലാതെയാണ് മുന്നോട്ട് പോകുന്നത്. അതിന് ഏറ്റവും പുതിയ ഉദാഹരണമാണ് ബിഗ് ബി. കഴിഞ്ഞ ദിവസം തന്റെ ആരാധകരെ കാണാൻ ഒരു 'ചില്ലുകൂട്ടിൽ' നിന്നാണ് അമിതാഭ് ബച്ചൻ എത്തിയത്!

Rimi Tomy Marriage: വിവാഹത്തിനൊരുങ്ങി ഗായിക റിമി ടോമി, വരനെയും വിവാഹത്തീയതിയും കണ്ടെത്തി സോഷ്യല്‍മീഡിയ!

പ്രമുഖ മലയാളി ഗായികയും അവതാരകയുമായ റിമി ടോമി താൻ രണ്ടാം വിവാഹത്തിനൊരുങ്ങുന്നതായി അറിയിച്ചു. സമൂഹമാധ്യമങ്ങളിലൂടെയാണ് ജീവിതത്തിലേക്ക് പുതിയൊരു പങ്കാളി വരാൻ പോകുന്ന വിവരം റിമി ടോമി ആരാധകരുമായി പങ്കുവെച്ചത്.

I'm Game Ott: കാത്തിരിപ്പിനൊടുവിൽ 'ഐ ആം ഗെയിം' ഒ.ടി.ടിയിലേക്ക്! എവിടെ, എപ്പോൾ കാണാം?

ദുൽഖർ സൽമാൻ ചിത്രം ‘ഐ ആം ഗെയിം’ ഒടിടി റിലീസിന് എത്തുന്നു. തിയറ്റർ റിലീസ് കഴിഞ്ഞ് ഒരു മാസത്തിലധികം ആയിട്ടും ചിത്രത്തിന്റെ ഒടിടി റിലീസ് വൈകുന്നതിൽ പ്രേക്ഷകരിൽ ഉയർന്ന ചോദ്യത്തിനാണ് ഇപ്പോൾ ഉത്തരമായിരിക്കുന്നത്. ചിത്രത്തിന്റെ ഒടിടി റിലീസ് സംബന്ധിച്ചുള്ള ഔദ്യോഗിക അറിയിപ്പ് വന്നിരിക്കുകയാണ്. സെപ്റ്റംബർ 3നാണ് ചിത്രം തിയേറ്ററുകളിലെത്തിയത്. സമ്മിശ്ര പ്രതികരണം നേടിയ ചിത്രം ബോക്സ് ഓഫീസിലും തരക്കേടില്ലാത്ത പ്രകടനം കാഴ്ചവെച്ചു. ജിയോ ഹോട്ട്സ്റ്റാറാണ് ഐ ആം ഗെയിമിന്റെ ഡിജിറ്റൽ അവകാശം സ്വന്തമാക്കിയിരിക്കുന്നത്. ചിത്രം നവംബർ 6ന് സ്ട്രീമിങ് തുടങ്ങും. ജിയോ ഹോട്ട്സ്റ്റാറിനെ പുറമെ രണ്ട് പ്ലാറ്റ്ഫോമുകളായിരുന്നു ചിത്രത്തിന്റെ ഒടിടി ഡിജിറ്റൽ അവകാശത്തിനായി മുൻപന്തിയിലുണ്ടായിരുന്നത്. സോണി ലിവ്, സീ5 എന്നീ പ്ലാറ്റ്ഫോമുകളും ചിത്രത്തിന്റെ ഒടിടി അവകാശങ്ങൾക്കായി രംഗത്തെത്തിയിരുന്നതായാണ് റിപ്പോർട്ടുകൾ. എന്നാൽ ഇപ്പോൾ ഒടുവിൽ ജിയോ ഹോട്ട്സ്റ്റാർ‌ തന്നെ സിനിമയുടെ ഒടിടി അവകാശം സ്വന്തമാക്കിയിരിക്കുകയാണ്. ആർഡിഎക്സ് എന്ന ചിത്രത്തിന് ശേഷം നിഹാസ് ഹിദായത്ത് സംവിധാനം ചെയ്ത ചിത്രമാണ് ഐ ആം ഗെയിം. ചൂത് കളിയും വാതുവെയ്പ്പുമാണ് പശ്ചാത്തലമാക്കിയാണ് സിനിമയുടെ കഥ പറഞ്ഞിരിക്കുന്നത്. ദുൽഖറിൻ്റെ വേഫാറെർ ഫിലിംസിൻ്റെ ബാനറിലാണ് ചിത്രം നിർമ്മിച്ചത്. കായദു ലോഹർ, മിസ്കിൻ, ആൻ്റണി വർഗീസ്, സംയുക്ത വിശ്വനാഥൻ, വിനയ് ഫോർട്ട്, കതിർ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ. സംവിധായകൻ നിഹാസ് ഹിദായത്തിൻ്റെ കഥയ്ക്ക് സജീർ ബാബയും ബിലാൽ മൊയ്തവും ഇസ്മൈൽ അബൂബക്കറും ചേർന്നാണ് തിരക്കഥ രചിച്ചത്. സംഭാഷണങ്ങൾ എഴുതിയിരിക്കുന്നത് ആദർശ് സുകുമാരൻ, ഷബാസ് റഷീദ്, സജീർ ബാബ എന്നിവർ ചേർന്നാണ്. ജിംഷി ഖാലിദാണ് സിനിമയുടെ ഛായാഗ്രഹകൻ. ജേക്സ് ബിജോയിയാണ് സംഗീത സംവിധാനം നിർവഹിച്ചിരിക്കുന്നത്. ചമൻ ചാക്കോയാണ് എഡിറ്റർ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.

Director Vinayan: 3D ഫാന്റസി ചിത്രവുമായി വിനയൻ; ടൈറ്റിൽ പ്രഖ്യാപനം ഉടൻ, നാല് ഷെഡ്യൂളുകളിലായി ചിത്രീകരണം

തന്റെ പുതിയ ഫാന്റസി ചിത്രത്തിന്റെ വിശേങ്ങൾ പങ്കുവെച്ച് സംവിധായകൻ വിനയൻ. 3ഡിയിൽ ആണ് വിനയന്റെ പുതിയ ചിത്രം ഒരുങ്ങുന്നത്. ചിത്രത്തിന്റെ ജോലികൾ പുരോഗമിക്കുകയാണെന്ന് അദ്ദേഹം ഫേസ്ബുക്ക് കുറിപ്പിൽ അറിയിച്ചു. ചിത്രത്തിന്റെ പോസ്റ്ററും പങ്കുവെച്ചിട്ടുണ്ട്. മലയാളത്തിന് പുറമെ, തമിഴ്, തെലുങ്ക്, ഹിന്ദി, കന്നഡ ഭാഷകളിലും ചിത്രം പുറത്തിറങ്ങുമെന്നാണ് പോസ്റ്ററിൽ നിന്ന് ലഭിക്കുന്ന സൂചന. ചിത്രത്തിന്റെ അണിയറ പ്രവർത്തകരുടെയടക്കമുള്ള വിവരങ്ങൾ വെളിപ്പെടുത്തിയിട്ടില്ല. ചിത്രത്തിന്റെ കാസ്റ്റിങ്, പ്രീ- പ്രൊഡക്ഷൻ എന്നിവയുമായി ബന്ധപ്പെട്ട കാര്യങ്ങൾ നേരത്തെ അറിയിച്ചിരുന്നു. വിനയന്റെ എഫ്ബി പോസ്റ്റ് പുതിയ ഫാന്റസി ചിത്രത്തിന്റെ ജോലികൾ പുരോഗമിക്കുന്നു… ദൃശ്യ ചാരുതയുടെ കാഴ്ച പരമാവധി പ്രേക്ഷകർക്ക് ലഭിക്കുവാൻ 3D യിലാണ് ചിത്രം ഒരുക്കുന്നത്… വ്യത്യസ്തമായ പ്രമേയവുമായെത്തുന്ന ഈ ഹൈബ്രിഡ് സിനിമ മൂന്നോ നാലോ ഷെഡ്യൂളുകൾ ആയിട്ടായിരിക്കും പൂർത്തിയാകുക.. ദുബായിൽ ബിസിനസ്സ് നടത്തുന്ന വ്യവസായ പ്രമുഖൻ ഹാരിസ്സ് കാച്ചൻചേരി ഈ വലിയ നിർമ്മാണ ഉദ്യമത്തിൽ കൂടെയുണ്ടന്നുള്ള സന്തോഷകരമായ വാർത്ത ഏവരേയും അറിയിക്കട്ടേ.. ചിത്രത്തിന്റെ ടൈറ്റിൽ ലോഞ്ച് നവംബറിൽ സെക്കന്റ് ഷെഡ്യൂൾ ആരംഭിക്കുന്നതോടെ നടക്കും.. സിനിമയുടെ മറ്റ് വിവരങ്ങൾ അന്നു മാത്രമേ നിങ്ങളിലേക്ക് പൂർണ്ണമായിട്ട് എത്തുകയുള്ളു.. എന്നും എന്റെ വ്യത്യസ്തങ്ങളായ സിനിമകളെ സ്വീകരിച്ചിട്ടുള്ള നിങ്ങൾ ഈ പുതിയ ഫാന്റസി ചിത്രത്തേയും അനുഗ്രഹിക്കും എന്ന പ്രതീക്ഷയോടെ... നന്ദി… കൂറ്റൻ ശിവലിംഗത്തിന്റെ മാതൃകയിലുള്ള സെറ്റിന് മുന്നിൽനിന്നുള്ള ഒരു ചിത്രം കഴിഞ്ഞ ദിവസം വിനയൻ പ്രേക്ഷകരുമായി പങ്കുവെച്ചിരുന്നു. ചിത്രം 2027ൽ തിയേറ്ററിൽ എത്തിക്കാൻ സാധിക്കുന്ന തരത്തിലാണ് ചിത്രം ഒരുക്കുന്നതെന്നാണ് സംവിധായകൻ വ്യക്തമാക്കിയിട്ടുള്ളത്. ഗിന്നസ് പക്രുവും സാഗർ സൂര്യയുമാണ് ചിത്രത്തിൽ പ്രധാന വേഷത്തിലെത്തുന്നത്. ചിത്രത്തിൽ 200-ലധികം പൊക്കം കുറഞ്ഞ കലാകാരന്മാരും അണിനിരക്കും. മലയാളത്തിലെ 20-ഓളം യുവനടീനടന്മാരും ചിത്രത്തിൽ അഭിനയിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.

Sanjay Gupta Passed Away: ബാത്റൂമില്‍ തലയിടിച്ച് വീണു, ബോളിവുഡ് സംവിധായകന്‍ സഞ്ജയ് ഗുപ്ത അന്തരിച്ചു

പ്രശസ്ത ബോളിവുഡ് സംവിധായകൻ സഞ്ജയ് ഗുപ്ത മുംബൈയിലെ വസതിയിൽ അന്തരിച്ചു. 57 വയസ്സായിരുന്നു. വീട്ടിലെ ബാത്റൂമിൽ വീണ് തലയ്ക്ക് പരിക്കേറ്റതാണ് മരണകാരണം. വെർസോവ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. പ്രശസ്തമായ Kaante (2002), Shootout at Lokhandwala (2007), Jazbaa (2015), Kaabil (2017), Mumbai Saga (2021) തുടങ്ങിയ ആക്ഷൻ, ക്രൈം ത്രില്ലർ ചിത്രങ്ങളുടെ സംവിധായകനാണ് സഞ്ജയ് ഗുപ്ത. 1994-ൽ പുറത്തിറങ്ങിയ Aatish: Feel the Fire എന്ന ചിത്രത്തിലൂടെ 22-ാം വയസ്സിലാണ് സഞ്ജയ് സിനിമയിൽ അരങ്ങേറ്റം കുറിച്ചത്. എന്നാൽ ചില അഭിപ്രായവ്യത്യാസങ്ങളെ തുടർന്ന് സിനിമാലോകത്തുനിന്ന് സഞ്ജയ് വലിയ തോതിൽ ബഹിഷ്കരണം നേരിട്ടിരുന്നു. തന്നെക്കൊണ്ട് സിനിമ ചെയ്യിക്കരുതെന്ന് പലരും മറ്റുള്ളവരോട് ആവശ്യപ്പെട്ടതായി അദ്ദേഹം വ്യക്തമാക്കിയിട്ടുണ്ട്. സിനിമ ഉപേക്ഷിച്ച് ഹോട്ടലിൽ ജോലി ചെയ്യാൻ വരെ സഞ്ജയ് തീരുമാനിച്ചിരുന്നു. എന്നാൽ മകന്റെ ജനനത്തിനുശേഷമാണ് അദ്ദേഹത്തിന്റെ കാഴ്ചപ്പാടിൽ മാറ്റമുണ്ടായത്. താനൊരു തോൽവിക്കാരനല്ലെന്നും സംവിധാനത്തിലേക്ക് മടങ്ങിവരാനും അദ്ദേഹം തീരുമാനിച്ചു. നിർമ്മാതാവ് എക്ത കപൂറുമായി ചേർന്ന് Shootout at Wadala എന്ന ചിത്രത്തിലൂടെ 2013-ൽ സഞ്ജയ് വലിയൊരു തിരിച്ചുവരവ് നടത്തി. ജോൺ എബ്രഹാം, അനിൽ കപൂർ തുടങ്ങിയവർ അദ്ദേഹത്തോടൊപ്പം ചിത്രത്തിൽ സഹകരിച്ചു. അനിൽ കപൂറിന്റെ പിന്തുണ തനിക്ക് വലിയ കരുത്തായെന്ന് സഞ്ജയ് വെളിപ്പെടുത്തിയിരുന്നു. Musafir (2004), Zinda (2006), Dus Kahaniyaan (2007), Acid Factory (2009) എന്നിവയെല്ലാം സഞ്ജയ് സംവിധാനം ചെയ്ത മറ്റ് ചിത്രങ്ങളാണ്. ഫാഷൻ ഡിസൈനർ അനു ഗുപ്തയാണ് സഞ്ജയ് ഗുപ്തയുടെ ഭാര്യ ഇരുവർക്കും ശിവ് എന്ന മകനും റായ എന്ന മകളുമുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jigris Movie: തെലങ്കാന സംസ്ഥാന ചലച്ചിത്ര പുരസ്കാരം നേടിയ കോമഡി ചിത്രം 'ജിഗ്രിസ് ' ഒടിടിയിൽ; ഇനി മലയാളത്തിൽ ആസ്വദിക്കാം

സൗഹൃദവും നർമവും അപ്രതീക്ഷിത സംഭവങ്ങളും കോർത്തിണക്കിയ തെലുങ്ക് കോമഡി ചിത്രം 'ജിഗ്രിസി'ന്റെ മലയാളം പതിപ്പ് ഒടിടിയിലെത്തി. ആമസോൺ പ്രൈം വീഡിയോയിലൂടെയാണ് ചിത്രം സ്ട്രീമിങ് ആരംഭിച്ചത്. തെലുങ്ക് പ്രേക്ഷകർക്കിടയിൽ ശ്രദ്ധ നേടിയ ചിത്രം മലയാളത്തിലും മികച്ച പ്രതികരണങ്ങൾ നേടും എന്നാണ് പ്രതീക്ഷിക്കുന്നത്. നാല് സുഹൃത്തുക്കളുടെ ഗോവൻ യാത്രയും അതിനെ തുടർന്നുണ്ടാകുന്ന അപ്രതീക്ഷിത സംഭവങ്ങളും രസകരമായ പ്രതിസന്ധികളുമാണ് ചിത്രത്തിന്റെ പ്രമേയം. സംവിധായകൻ ഹരീഷ് റെഡ്ഡി ഉപ്പല ഒരുക്കിയ ചിത്രത്തിൽ കാർത്തിക്, പ്രവീൺ, വിനയ്, പ്രശാന്ത് എന്നീ നാല് സുഹൃത്തുക്കളാണ് കേന്ദ്ര കഥാപാത്രങ്ങൾ. കുട്ടിക്കാലം മുതൽ സൗഹൃദത്തിലുള്ള ഇവർ യാതൊരു മുന്നൊരുക്കവുമില്ലാതെയാണ് ഗോവയിലേക്ക് യാത്ര തിരിക്കുന്നത്. ആവശ്യത്തിന് പണമില്ല, മൊബൈൽ ഫോണില്ല, വഴികാട്ടാൻ ജിപിഎസുമില്ല. ആകെയുള്ളത് ഒരു പഴയ മാരുതി 800 കാർ മാത്രം. ഈ യാത്രയിൽ തുടർന്നുണ്ടാകുന്ന സംഭവ മുഹൂർത്തങ്ങളാണ് ചിത്രത്തെ രസകരമായ യാത്രാനുഭവമാക്കി മാറ്റുന്നത്. ഹാസ്യരംഗങ്ങൾക്കൊപ്പം സൗഹൃദത്തിന്റെ ഊഷ്മളതയും വൈകാരിക മുഹൂർത്തങ്ങളും ചിത്രത്തിൽ ഇടംപിടിക്കുന്നു. പഴയകാല സൗഹൃദങ്ങളുടെയും ഒരുമിച്ചുള്ള യാത്രകളുടെയും ഓർമകൾ ഉണർത്തുന്ന രീതിയിലാണ് കഥയുടെ അവതരണം. ചിത്രത്തിലെ പ്രകടനത്തിന് നടൻ കൃഷ്ണ ബുരുഗുലയ്ക്ക് മികച്ച ഹാസ്യനടനുള്ള തെലങ്കാന ഗദ്ദർ സംസ്ഥാന ചലച്ചിത്ര പുരസ്കാരം ലഭിച്ചിരുന്നു. കാർത്തിക് എന്ന പ്രധാന കഥാപാത്രത്തെയാണ് അദ്ദേഹം അവതരിപ്പിച്ചത്. സ്വാഭാവികമായ ഹാസ്യവും വൈകാരികതയും ചേർന്ന അദ്ദേഹത്തിന്റെ പ്രകടനം ചിത്രത്തിലെ ശ്രദ്ധേയമായ ഘടകമാണ്. 'ജിഗ്രിസ്' സൗഹൃദവും യാത്രയും നർമവും ഇഷ്ടപ്പെടുന്ന ഒടിടി പ്രേക്ഷകർക്ക് ഒരു ഫാമിലി എന്റർടെയ്‌നറായി ആമസോൺ പ്രൈം വീഡിയോയിലൂടെ ആസ്വദിക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Rebecca Santhosh Blouse: 'എന്റെ അമ്മുവിന്റെ കല്ല്യാണം' റബേക്ക സന്തോഷിന്റെ കസ്റ്റമൈസ്ഡ് ബ്ലൗസ് വൈറല്‍

സോഷ്യൽമീഡിയ പല വിവാഹങ്ങളും ആഘോഷമാക്കാറുണ്ട്. കല്യാണ ദിവസം വധുവരൻമാരുടെ വസ്ത്രത്തിനൊപ്പം തന്നെയാണ് വിവാഹത്തിൽ പങ്കെടുക്കാൻ എത്തിയവരുടെ വസ്ത്രങ്ങളും ശ്രദ്ധപിടിച്ചുപറ്റുന്നത്. സെലിബ്രിറ്റി വിവാഹങ്ങൾ ആണെങ്കിൽ പിന്നെ പറയണ്ട. കഴിഞ്ഞ കുറച്ച് നാളുകളായി സോഷ്യൽ മീഡിയയിൽ കാണുന്ന ഒരു ട്രെൻഡായിരുന്നു വിവാഹിതരാകാൻ പോകുന്നവരുടെ പേരുകളോ എന്തെങ്കിലും വാചകങ്ങളോ കസ്റ്റമൈസ് ചെയ്ത് സ്വന്തം വസ്ത്രത്തിൽ തുന്നിപ്പിടിപ്പിക്കുന്നത്. മിനിസ്ക്രീൻ പ്രേക്ഷകർക്ക് ഏറെ പ്രിയങ്കരിയായ റബേക്ക സന്തോഷ് അമൃത നായരുടെ വിവാഹത്തിനായി ധരിച്ച 'എന്റെ അമ്മുവിന്റെ കല്ല്യാണം' എന്ന ബ്ലൗസാണ് ഈ ട്രെൻഡിന്റെ ഏറ്റവും പുതിയ ഉദാഹരണം. കഴിഞ്ഞ ദിവസമാണ് മിനിസ്ക്രീൻ താരം അമൃത നായർ ഗുരുവായൂർ ക്ഷേത്രത്തിൽ വെച്ച് വിവാഹിതയായത്. ബിസിനസ്സുകാരനായ അഖിലാണ് അമൃതയെ വിവാഹം കഴിച്ചത്. എന്നാൽ വധൂവരൻമാരുടെ വസ്ത്രത്തിനെക്കാളും ആളുകൾ ശ്രദ്ധിച്ചത് റബേക്ക സന്തോഷിന്റെ ബ്ലൗസാണെന്ന് തന്നെ പറയാം.

Puratchi Thalaivar MGR Movie: എംജിആർ ബയോപിക് 'പുരട്ചി തലൈവർ എംജിആർ' ഒരുങ്ങുന്നു, ജയലളിതയായി തൃഷ?

മുൻ തമിഴ്നാട് മുഖ്യമന്ത്രിയും ഇതിഹാസ താരവുമായ എം.ജി. രാമചന്ദ്രനെന്ന എംജിആറിന്റെ ജീവിതം ആസ്പദമാക്കി 'പുരട്ചി തലൈവർ എംജിആർ' (Puratchi Thalaivar MGR) എന്ന പേരിൽ ജീവചരിത്ര സിനിമയൊരുങ്ങുന്നു. നടൻ ജെ. എം. ബഷീറാണ് ചിത്രത്തിൽ എംജിആറായി വേഷമിടുന്നത്. ചിത്രത്തിൽ മുൻ മുഖ്യമന്ത്രിയും നടിയുമായ ജയലളിതയെ അവതരിപ്പിക്കാൻ നടി തൃഷയെ പരിഗണിക്കുന്നതായി റിപ്പോര്‍ട്ടുകള്‍. നിലവിൽ തൃഷയുടെ ഭാഗത്ത് നിന്ന് ഔദ്യോഗിക സ്ഥിരീകരണം വന്നിട്ടില്ല. ചർച്ചകൾ പുരോഗമിക്കുകയാണ്. എന്നാൽ മുൻപ് ഒരു അഭിമുഖത്തിൽ തനിക്ക് അവസരം ലഭിച്ചാൽ ജയലളിതയുടെ കഥാപാത്രം ചെയ്യാൻ താൽപ്പര്യമുണ്ടെന്ന് തൃഷ വ്യക്തമാക്കിയിരുന്നു. 'പുരട്ചി തലൈവർ എംജിആർ' എന്ന സിനിമയിൽ എം. ജി. ആറിനൊപ്പം സി. എൻ. അണ്ണാദുരൈ, എം. കരുണാനിധി തുടങ്ങിയ പ്രമുഖ രാഷ്ട്രീയ നേതാക്കളുടെ കഥാപാത്രങ്ങളും ചിത്രത്തിൽ ഉണ്ടായിരിക്കും. ചെന്നൈ രാമാപുരത്ത് സിനിമയുടെ ഷൂട്ടിങ് ഉടൻ ആരംഭിക്കും. സംവിധായകൻ, സംഗീതസംവിധായകൻ ഉൾപ്പെടെയുള്ള അണിയറപ്രവർത്തകരെക്കുറിച്ച് ഔദ്യോഗിക പ്രഖ്യാപനം വരും ദിവസങ്ങളിൽ ഉണ്ടാകും. എം. ജി. ആറിന്റെ സിനിമാജീവിതവും രാഷ്ട്രീയയാത്രയുമാണ് ചിത്രത്തിന്റെ പ്രധാന പ്രമേയം. എംജിആറും ജയലളിതയും തമ്മിലുള്ള ബന്ധവും അവരുടെ രാഷ്ട്രീയ ജീവിതവും പശ്ചാത്തലമാക്കി കങ്കണ റണാവത് നായികയായി എ. എൽ. വിജയി സംവിധാനം ചെയ്ത 'തലൈവി' എന്ന സിനിമ 2021-ൽ പുറത്തിറങ്ങിയിരുന്നു. ചിത്രത്തിൽ എംജിആറായി അഭിനയിച്ചത് നടൻ അരവിന്ദ് സ്വാമിയായിരുന്നു. 1997-ൽ പുറത്തിറങ്ങിയ തമിഴ് സിനിമയിലെ എക്കാലത്തെയും മികച്ച സിനിമകളില്‍ ഒന്നാണ് മണിരത്നം സംവിധാനം ചെയ്ത ക്ലാസിക് ചിത്രം 'ഇരുവർ'. ചിത്രം തമിഴ്നാട്ടിലെ രാഷ്ട്രീയത്തെയാണ് പശ്ചാത്തലമാക്കിയത്. ചിത്രത്തിൽ മോഹൻലാൽ അഭിനയിച്ച 'ആനന്ദൻ' കഥാപാത്രം എംജിഅറിനെയും പ്രകാശ് രാജ് അഭിനയിച്ച 'തമിഴ്ചെൽവൻ' എന്ന കഥാപാത്രം എം. കരുണാനിധിയുടെ ജീവിതവുമായി ബന്ധപ്പെടുത്തിയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Keerthy Suresh: 'മഹാനടിക്ക് ശേഷം ആറുമാസം വെറുതെയിരുന്നു, സാമ്പത്തികമായി തളര്‍ന്നു', ഒടിടി അരങ്ങേറ്റത്തിന് ഒരുങ്ങി കീര്‍ത്തി സുരേഷ്

മലയാളികൾക്ക് ഏറെ അഭിമാനിക്കാൻ കഴിയുന്ന താരമാണ് നടി കീർത്തി സുരേഷ്. മലയാള സിനിമയിൽ ബാലതാരമായെത്തിയ കീർത്തി തെന്നിന്ത്യൻ സിനിമകളിലൂടെ അഭിനയ മികവ് പുറത്തെടുത്ത് ദേശീയ അവാർഡ് വരെ കരസ്ഥമാക്കി. ഇപ്പോൾ ഒടിടിയിലും ശക്തമായ ചുവടുവെപ്പാണ് നടി നടത്താൻ പോകുന്നത്. 'അക്ക' എന്ന നെറ്റ്ഫ്ലിക്സ് വെബ് സീരീസിലൂടെയാണ് കീർത്തി ഒടിടിയിൽ ചുവടുവെക്കുന്നത്. ഒക്ടോബർ 30 മുതൽ സീരിസിന്റെ സംപ്രേക്ഷണം ആരംഭിക്കും.

Amritha Nair Marriage: സസ്പെൻസിന് വിരാമം, വീടും കാറും സ്വന്തമാക്കിയതിന് പിന്നാലെ വിവാഹിതയായി അമൃത നായർ

മിനിസ്ക്രീൻ താരം അമൃത നായർ വിവാഹിതയായി. ഗുരുവായൂർ ക്ഷേത്രത്തിൽ വെച്ച് ബിസിനസ്സുകാരനായ അഖിൽ രാജാണ് അമൃതയെ വിവാഹം കഴിച്ചത്.

Jithu Madhavan: ആ സിനിമയ്ക്ക് സംഭവിച്ചത് ഇതാണ്! മോഹൻലാൽ ചിത്രം ഉപേക്ഷിച്ചതിന്റെ കാരണം വെളിപ്പെടുത്തി ജിത്തു മാധവൻ

മോഹൻലാലിനെ കേന്ദ്ര കഥാപാത്രമാക്കി ചെയ്യാനിരുന്ന ചിത്രം നടക്കാതെ പോയതിന്റെ കാരണം വെളിപ്പെടുത്തി സംവിധായകൻ ജിത്തു മാധവൻ. മോഹൻലാലുമായുള്ള ആ പ്രോജക്ട് ഉപേക്ഷിച്ച അവസ്ഥയിലാണുള്ളതെന്ന് ജിത്തു പറഞ്ഞു. ലാൽ സാറിനെ മനസിൽ കണ്ടെഴുതിയതാണ് ആ കഥ. അതുകൊണ്ട് തന്നെ ആ കഥാപാത്രത്തിലേക്ക് മറ്റൊരാളെ കാണുക എന്നത് അത്ര എളുപ്പമുള്ള കാര്യമല്ലെന്നും അദ്ദേഹം വ്യക്തമാക്കി. ഗലാട്ട പ്ലസിനു നൽകിയ അഭിമുഖത്തിലാണ് ജിത്തു ഇക്കാര്യം പറ‍ഞ്ഞത്. മറ്റൊരാളെ നായകനാക്കി ആ സിനിമ ചെയ്യാന്‍ ആഗ്രഹമില്ലെന്നും ജിത്തു പറയുന്നു. സാധാ സാധാരണ മലയാള സിനിമകളെക്കാൾ കൂടുതൽ ദിവസങ്ങൾ ഷൂട്ടിങ്ങിനായി ആവശ്യമായിരുന്നു ഈ ചിത്രത്തിന്. ഒരു സാധാരണ സിനിമയ്ക്ക് വേണ്ടി വരുന്ന ദിവസങ്ങൾ പോലെ ഇതിന്റെ ഷെഡ്യൂളും കുറയ്ക്കാന്‍ നോക്കിയെങ്കിലും അത് ശരിയായില്ലെന്ന് സംവിധായകൻ പറ‍ഞ്ഞു. കാരണം ആ സിനിമയ്ക്ക് അത്രയും ദിവസങ്ങൾ തന്നെ വേണമായിരുന്നുവെന്നും ഒരുപാട് ആക്‌ഷൻ സീക്വൻസുകൾ അതിലുണ്ടായിരുന്നുവെന്നും ജിത്തു കൂട്ടിച്ചേർത്തു. മോഹൻലാൽ സർ ആ സമയം തുടർച്ചയായി സിനിമകൾ ചെയ്തിരുന്നു. അതിനാൽ അത്രയും ദിവസങ്ങൾ ഷൂട്ടിംഗിനായി മാറ്റിവയ്ക്കാൻ അദ്ദേഹത്തിന് സാധ്യമായിരുന്നില്ല. ഇതാണ് ആ സിനിമയ്ക്ക് സംഭവിച്ചതെന്നാണ് തനിക്ക് തോന്നുന്നതെന്നും ഒരു അഭിമുഖത്തിൽ ഇത് പറയുന്നത് ശരിയാണോ എന്നുപോലും തനിക്കറിയില്ലെന്നും ജിത്തു മാധവൻ പറഞ്ഞു. സൂര്യ, നസ്രിയ, നസ്ലെൻ എന്നിവർ കേന്ദ്ര കഥാപാത്രങ്ങളാകുന്ന ഏറ്റവും പുതിയ തമിഴ് ചിത്രമാണ് ’സീൻ’. ജീത്തു മാധവൻ സംവിധാനം ചെയ്യുന്ന ഈ ചിത്രം നവംബർ 6ന് തിയേറ്ററുകളിലേത്തും. സൂര്യ നായകനും നസ്രിയ നായികയുമാകുമ്പോൾ നസ്ലെൻ എത്തുന്നത് വില്ലൻ വേഷത്തിലാണ്. മലയാള സംഗീത സംവിധായകൻ സുഷിൻ ശ്യാം ആണ് ഈ ചിത്രത്തിനായി സംഗീതമൊരുക്കുന്നത്. സുഷിന്‍റെ ആദ്യ തമിഴ് ചിത്രവുമാണ് സീന്‍. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Vijay and Rashmika: 'മറ്റുള്ളവരുടെ സങ്കല്‍പ്പങ്ങള്‍ക്ക് അനുസരിച്ച് ജീവിക്കാനാവില്ല' വിജയും രശ്മികയും സൈബര്‍ സെല്ലില്‍ പരാതി നല്‍കി

'രണബാലി' ചിത്രത്തിന്റെ പ്രമോഷന്റെ ഭാഗമായാണ് വിജയ് ദേവരകൊണ്ടയും രശ്മിക മന്ദാനയും 'കോഫി വിത്ത് കരൺ' ഷോയിൽ അതിഥികളായി എത്തിയത്. എന്നാൽ അവർ പോലും പ്രതീക്ഷിക്കാത്ത രീതിയിലാണ് പ്രണയ ജീവിതത്തെക്കുറിച്ച് ഇരുവരും പറഞ്ഞ കാര്യങ്ങൾ വിമർശനങ്ങൾക്ക് കാരണമായത്. വ്യാജ പ്രചാരണങ്ങൾക്കും സൈബർ ആക്രമണങ്ങൾക്കുമെതിരെ ഹൈദരാബാദ് സൈബർ ക്രൈം പോലീസിന് പരാതി നൽകിയിട്ടുണ്ട്. 'കോഫി വിത്ത് കരൺ' ഷോയുടെ ഒമ്പതാം സീസണിലാണ് വിവാഹത്തെക്കുറിച്ച് ആദ്യം സംസാരിച്ചത് രശ്മികയാണെന്നും വിജയോട് വിവാഹത്തെക്കുറിച്ച് പറഞ്ഞപ്പോൾ 'നീ ഒരു നൂറു തവണ ചോദിക്കൂ' എന്ന് വിജയ് മറുപടി നൽകിയതായും രശ്മിക പറഞ്ഞത്. ഞാൻ ഒരു വർഷത്തോളം പുറകെ നടന്ന് ചോദിച്ച ശേഷമാണ് വിജയ് വിവാഹത്തിന് തയ്യാറായതെന്നും രശ്മിക വ്യക്തമാക്കി. രശ്മികയുടെ കാര്യത്തിൽ ആശങ്ക പ്രകടിപ്പിച്ചും ബന്ധത്തിൽ നിന്ന് പിന്മാറാൻ ആവശ്യപ്പെട്ടും ചിലർ സമൂഹമാധ്യമങ്ങളിൽ റീലുകളും ഉപദേശങ്ങളും പങ്കുവെച്ചു. താരങ്ങളുടെ വ്യക്തിജീവിതത്തിന് പുറമെ അവരുടെ കുടുംബത്തെക്കുറിച്ചും അനാവശ്യമായ രീതിയിൽ മോശം പരാമർശങ്ങളും വിമർശനങ്ങളും ഉണ്ടായി. സൈബർ ആക്രമണങ്ങൾക്കെതിരെ രശ്മിക ആദ്യം രംഗത്തുവരികയും പിന്നാലെ വിജയ് ദേവരകൊണ്ടയും രംഗത്തെത്തി.