Kerala Rain Alert: കേരളത്തിൽ മഴ അതിശക്തമാകും; മൂന്ന് ജില്ലകളിൽ റെഡ്, ഏഴിടത്ത് ഓറഞ്ച് അലർട്ടുകൾ

തിരുവനന്തപുരം: സംസ്ഥാനത്ത് അതിശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പിൻറെ മുന്നറിയിപ്പ്. ഇതിൻറെ പശ്ചാത്തലത്തിൽ വിവിധ ജില്ലകളിൽ ജാഗ്രതാനിർദേശം നൽകി. ഇന്നും നാളെയും വടക്കൻ കേരളത്തിൽ മഴ അതിശക്തമാകുമെന്നാണ് മുന്നറിയിപ്പ് നൽകിയിരിക്കുന്നത്. മൂന്ന് ജില്ലകളിൽ ഇന്ന് റെഡ് അലർട്ടും ഏഴ് ജില്ലകളിൽ ഓറഞ്ച് അലർട്ടുമാണ് പുറപ്പെടുവിച്ചിരിക്കുന്നത്. വയനാട്, മലപ്പുറം, കോഴിക്കോട് എന്നീ ജില്ലകളിലാണ് റെഡ് അലർട്ടുള്ളത്. കാസർകോട് മുതൽ തൃശൂർ വരെയുള്ള ജില്ലകളിലാണ് ഓറഞ്ച് അലർട്ട് നൽകിയിരിക്കുന്നത്. പാലക്കാട്, ഇടുക്കി എന്നീ ജില്ലകളിൽ നാളെ റെഡ് അലർട്ട് ആണ്. കനത്ത മഴ തുടരുന്ന സാഹചര്യത്തിൽ ഉരുൾപൊട്ടൽ, മണ്ണിടിച്ചിൽ, വെള്ളക്കെട്ട്, മലവെള്ളപ്പാച്ചിൽ, ശക്തമായ കാറ്റ് എന്നിവയുണ്ടാകാൻ സാധ്യതയുണ്ട്. അതിനാൽ അപകടങ്ങൾ ഒഴിവാക്കാൻ മുൻകരുതലുകൾ സ്വീകരിക്കണമെന്ന് മുന്നറിയിപ്പുണ്ട്. മലയോര മേഖലകളിൽ താമസിക്കുന്നവർ ദുരന്തസാധ്യത മുന്നിൽക്കണ്ട് പകൽ സമയത്തുതന്നെ സുരക്ഷിത സ്ഥലങ്ങളിലേക്ക് മാറിത്താമസിക്കണം. മഴ ശക്തമായിരിക്കുന്ന സമയത്ത് നദികൾ മുറിച്ചുകടക്കാനോ നദികളിൽ ഇറങ്ങാനോ ജലാശയങ്ങളിൽ കുളിക്കാനോ മീൻ പിടിക്കാനോ ശ്രമിക്കരുത്. മലയോര മേഖലകളിലേക്കുള്ള വിനോദയാത്രകളും രാത്രിയാത്രകളും മഴ മുന്നറിയിപ്പ് പിൻവലിക്കുന്നത് വരെ ഒഴിവാക്കണം. കടലാക്രമണ സാധ്യതയുള്ള തീരപ്രദേശങ്ങളിൽ താമസിക്കുന്ന ആളുകൾ ജാഗ്രത പുലർത്തുകയും അധികൃതരുടെ നിർദേശാനുസരണം സുരക്ഷിത സ്ഥാനങ്ങളിലേക്ക് മാറുകയും വേണം. മത്സ്യബന്ധന ഉപാധികൾ സുരക്ഷിതമായി സൂക്ഷിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

പാറശാല കെഎസ്ആർടിസി ഡിപ്പോയിലെ അഞ്ച് ജീവനക്കാർക്ക് മിന്നലേറ്റു!

തിരുവനന്തപുരം: പാറശാല കെഎസ്ആർടിസി ഡിപ്പോയിലെ അഞ്ച് ജീവനക്കാർക്ക് മിന്നലേറ്റതായി റിപ്പോർട്ട്. മിന്നലേറ്റത് മിനിസ്റ്റീരിയൽ സ്റ്റാഫുകളായ ശോഭ, രേഖ, സെലിന്‍ മേരി, ജയ, സ്‌റ്റേഷന്‍ മാസ്റ്റര്‍ സാബു എന്നിവര്‍ക്കാണ്. ജീവനക്കാരെ ഉടൻ ആശുപത്രിയിലേക്ക് മാറ്റി. ഇടിമിന്നലേറ്റ് ഓഫീസിന്റെ സ്വിച്ച് ബോർഡ് പൂർണമായും കത്തി നശിച്ചിരുന്നു. ഇതിൽ നിന്നുള്ള ആഘാതമാണ് ജീവനക്കാർക്ക് പരിക്കേൽക്കാൻ കാരണം എന്നാണ് റിപ്പോർട്ട്. പരിക്കേറ്റ നാല് വനിതാ ജീവനക്കാരെ പാറശ്ശാല സര്‍ക്കാര്‍ ആശുപത്രിയിലും സ്‌റ്റേഷന്‍ മാസ്റ്റര്‍ സാബുവിനെ സ്വകാര്യ ആശുപത്രിയിലേക്കും മാറ്റിയിട്ടുണ്ട്. ജീവനക്കാരുടെ പരിക്ക് ഗുരുതരമല്ലെന്നാണ് റിപ്പോർ്ട്ട്. പാറശ്ശാലയിലും സമീപപ്രദേശങ്ങളിലും കനത്ത മഴയും ഇടിമിന്നലും തുടരുന്നുണ്ട്. ഇരട്ട ന്യൂനമര്‍ദ്ദത്തിന്റെ സ്വാധീനമായി ചൊവ്വാഴ്ച വരെ ഒറ്റപ്പെട്ട സ്ഥലങ്ങളില്‍ അതിതീവ്രവും ശക്തവുമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Welfare Pension Distribution: സംസ്ഥാനത്ത് ക്ഷേമ പെൻഷൻ വിതരണം തിങ്കളാഴ്ച മുതൽ

തിരുവനന്തപുരം: സംസ്ഥാനത്തെ ക്ഷേമ പെൻഷൻ തിങ്കളാഴ്ച മുതൽ വിതരണം ചെയ്യും. ഇതിനായി സർക്കാർ 1081 കോടി രൂപ അനുവദിച്ചിട്ടുണ്ട്. ഇതിൽ ക്ഷേമ പെൻഷന് മാത്രം 961.64 കോടി രൂപയും ക്ഷേമനിധി ബോർഡ് പെൻഷന് 119.47 കോടി രൂപയുമാണ് അനുവദിച്ചത്. പെൻഷൻ വിതരണം 2026 ഒക്ടോബർ 26 മുതൽ ആരംഭിച്ച് നവംബർ 5 നകം പൂർത്തിയാക്കാൻ സർക്കാർ കർശന നിർദ്ദേശം നൽകിയിട്ടുണ്ട്. സംസ്ഥാനത്ത് ആകെയുള്ളത് 52,09,617 സാമൂഹ്യ സുരക്ഷാ പെൻഷൻ ഗുണഭോക്താക്കളാണ്. 29,67,142 ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് തുക നേരിട്ട് എത്തുന്ന സംവിധാനമാണ് നിലവിലുള്ളത്. വീടുകളിൽ എത്തിച്ചു നൽകുന്നത് 22,42,475 ഗുണഭോക്താക്കൾക്കാണ്. പ്രാഥമിക സഹകരണ സംഘങ്ങൾ വഴിയാണ് പെൻഷൻ വിതരണം. ക്ഷേമനിധി ബോർഡ് പെൻഷനും, ക്ഷേമ പെൻഷനും തദ്ദേശ സ്വയംഭരണ സ്ഥാപനങ്ങൾ വഴിയും കേരള സോഷ്യൽ സെക്യൂരിറ്റി പെൻഷൻ ലിമിറ്റഡ് വഴിയും നൽകിവരുന്ന ക്ഷേമ പെൻഷൻ പദ്ധകളാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

M R Ajith Kumar Suspension: എഡിജിപി എം. ആര്‍. അജിത് കുമാറിന്റെ സസ്പെന്‍ഷന്‍ 120 ദിവസത്തേക്ക് നീട്ടി

തിരുവനന്തപുരം: എഡിജിപി എം. ആർ. അജിത് കുമാറിന്റെ സസ്പെൻഷൻ നീട്ടി സർക്കാർ. 120 ദിവസത്തേക്ക് കൂടിയാണ് സസ്പെൻഷൻ കാലാവധി നീട്ടിയത്. അജിത് കുമാർ നിലവിൽ മൂന്ന് മാസമായി സസ്പെൻഷനിലാണ്. മൂന്ന് മാസത്തെ കാലാവധി പൂർത്തിയായതിനെത്തുടർന്നാണ് നടപടി. കഴിഞ്ഞ ജൂലായ് 23-നാണ് സംസ്ഥാന പോലീസ് മേധാവിയുടെ റിപ്പോർട്ട് പരിഗണിച്ച് എം. ആർ. അജിത് കുമാറിനെ സസ്പെൻഡ് ചെയ്തത്. മുഖ്യമന്ത്രി വി. ഡി. സതീശനും ആഭ്യന്തരമന്ത്രി രമേശ് ചെന്നിത്തലയും തമ്മിൽ നടത്തിയ ചർച്ചകൾക്ക് ശേഷമാണ് സസ്പെൻഷൻ നീട്ടുന്നത് സംബന്ധിച്ച് അന്തിമ തീരുമാനമെടുത്തത്. പിണറായി വിജയൻ മുഖ്യമന്ത്രിയായിരിക്കെ ആലപ്പുഴയിലെ നവകേരള യാത്രയ്ക്കിടെ കെഎസ്‌യു, യൂത്ത് കോൺഗ്രസ് പ്രവർത്തകർ മുഖ്യമന്ത്രിയെ കരിങ്കൊടി കാണിച്ചിരുന്നു. കരിങ്കൊടി കാണിച്ച പ്രവർത്തകരെ മുഖ്യമന്ത്രിയുടെ വാഹനവ്യൂഹത്തിലുണ്ടായിരുന്ന സുരക്ഷാ ഉദ്യോഗസ്ഥരും ഗൺമാൻമാരും പൈലറ്റ് വാഹനത്തിൽനിന്ന് ചാടിയിറങ്ങി മർദിക്കുകയായിരുന്നു. കേസ് അട്ടിമറിക്കാൻ അജിത് കുമാർ ഇടപെടൽ നടത്തിയെന്ന കണ്ടെത്തലിന്റെ അടിസ്ഥാനത്തിലാണ് അദ്ദേഹത്തെ സർവീസിൽ നിന്ന് സസ്പെൻഡ് ചെയ്തത്. 'വിവാദ രക്ഷാപ്രവർത്തനത്തിൽ' കേസ് അന്വേഷിച്ച ഉദ്യോഗസ്ഥരെ സ്വാധീനിക്കാനും കേസ് ഡയറി പരിശോധിച്ച് മൊഴികൾ മാറ്റാനും അജിത് കുമാർ സമ്മർദം ചെലുത്തിയതായി എസ്ഐടി കണ്ടെത്തിയിരുന്നു. ഔദ്യോഗിക പദവി ദുരുപയോഗം ചെയ്ത് നിയമവിരുദ്ധമായ ഇടപെടലുകളിലൂടെ പ്രതികൾക്ക് സംരക്ഷണം ഒരുക്കിയെന്ന് പ്രത്യേക അന്വേഷണ സംഘത്തിന്റെ റിപ്പോർട്ടിൽ വ്യക്തമാക്കുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Alert: സംസ്ഥാനത്ത് അതിതീവ്ര മഴയ്ക്ക് സാധ്യതയെന്ന് മുന്നറിയിപ്പ്; നാളെ മൂന്ന് ജില്ലകളിലും തിങ്കളാഴ്ച രണ്ട് ജില്ലകളിലും റെഡ് അലർട്ട്

തിരുവനന്തപുരം: സംസ്ഥാനത്ത് മഴ ശക്തമാകുമെന്ന മുന്നറിയിപ്പിൻറെ പശ്ചാത്തലത്തിൽ അലർട്ടുകളിൽ മാറ്റം. സംസ്ഥാനത്ത് വിവിധ ജില്ലകളിൽ അതിതീവ്ര മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. മുന്നറിയിപ്പിൻറെ പശ്ചാത്തലത്തിൽ വിവിധ ജില്ലകളിൽ റെഡ് അലർട്ട് പുറപ്പെടുവിച്ചു. മലപ്പുറം, വയനാട്, കോഴിക്കോട് എന്നീ ജില്ലകളിൽ നാളെയും പാലക്കാടും ഇടുക്കിയിലും തിങ്കളാഴ്ചയും റെഡ് അലർട്ട് പുറപ്പെടുവിച്ചിട്ടുണ്ട്.

Planning Board Exam Scam: 'ഭായ്-ഭായ്' കളിച്ച് സര്‍ക്കാരും പിഎസ്‍സിയും: ആസൂത്രണ ബോർഡ് പരീക്ഷാ ക്രമക്കേടിൽ ഹൈക്കോടതിയുടെ രൂക്ഷ വിമർശനം

കൊച്ചി: സംസ്ഥാന സർക്കാരിന്റെ ആസൂത്രണ ബോർഡ് പരീക്ഷാ ക്രമക്കേട് അന്വേഷണത്തിൽ സർക്കാരിനും ക്രൈംബ്രാഞ്ചിനും പിഎസ്‍‍സിക്കുമെതിരെ ഹൈക്കോടതിയുടെ രൂക്ഷ വിമർശനം. കേസിലെ പ്രധാന പ്രതിയെ എന്തുകൊണ്ട് ഇതുവരെ ചോദ്യം ചെയ്തില്ലെന്ന് കോടതി സർക്കാരിനോട് ആരാഞ്ഞു. പിഎസ്‍‍സി നൽകിയ ഹർജി പരിഗണിക്കവെയാണ് കോടതിയുടെ വിമര്‍ശനം. അന്വേഷണ സംഘം ആവശ്യപ്പെടുന്ന രേഖകൾ പിഎസ്‍‍സി കൈമാറുന്നില്ലെന്നാണ് സർക്കാർ അഭിഭാഷകൻ കോടതിയെ അറിയിച്ചത്. അതേസമയം നിയമപരമായ ചട്ടങ്ങളും നടപടിക്രമങ്ങളും പാലിക്കാതെയാണ് ക്രൈംബ്രാഞ്ച് മുന്നോട്ടുപോകുന്നതെന്ന് പിഎസ്‍സി വാദിച്ചു. ആഭ്യന്തര അന്വേഷണ സംവിധാനമുള്ളപ്പോൾ ഇത്തരം ഇടപെടലുകൾ അംഗീകരിക്കാനാവില്ലെന്നും പിഎസ്‍‍സി കോടതിയെ അറിയിച്ചു. എന്നാൽ പിഎസ്‍‍സിയും സർക്കാരും ഭായ്-ഭായ് കളിച്ചാൽ ജനങ്ങൾക്ക് സ്വാഭാവികമായും സംശയം തോന്നുമെന്നും കോടതി വിമർശിച്ചു. കേസ് ഈ മാസം 27 ന് വീണ്ടും പരിഗണിക്കും. സംസ്ഥാന ആസൂത്രണ ബോർഡ് നടത്തിയ പരീക്ഷയിലാണ് ചട്ടവിരുദ്ധ ക്രമക്കേടുകൾ നടന്നത്. ആസൂത്രണ ബോർഡ് ചീഫ് ഇൻഡസ്ട്രി ആൻഡ് ഇൻഫ്രാസ്ട്രക്ചർ വിഭാഗം നിയമനവുമായി ബന്ധപ്പെട്ടാണ് ക്രമക്കേട് ആരോപണവും വിവാദവും ഉണ്ടായത്. ഉദ്യോഗാർഥികൾക്ക് ലഭിച്ച ഉത്തരക്കടലാസിന്റെ പകർപ്പിൽ പരീക്ഷയിലെ പത്ത് ഉത്തരങ്ങൾക്ക് മാർക്ക് നൽകിയിരുന്നില്ല. ക്രൈംബ്രാഞ്ച് പ്രത്യേക അന്വേഷണ സംഘം പിഎസ്‍സി ആസ്ഥാനത്ത് നടത്തിയ പരിശോധനയിൽ ക്രമക്കേട് സ്ഥിരീകരിക്കുകയും രണ്ട് ഉദ്യോഗസ്ഥരെ പ്രതികളാക്കി റിപ്പോർട്ട് സമര്‍പ്പിക്കുകയും ചെയ്തു. റാങ്ക് ലിസ്റ്റ് അന്വേഷണത്തെത്തുടർന്ന് പരിഷ്കരിച്ച് പ്രസിദ്ധീകരിച്ചപ്പോൾ ഒന്നാം റാങ്കിൽ ജോലി കരസ്ഥമാക്കിയ ഇടത് സംഘടന പ്രവർത്തകൻ കൂടിയായ അരുൺ ജെ. പ്രതാപ് അഞ്ചാം റാങ്കിലേക്ക് പിന്തള്ളപ്പെട്ടു. പരാതിക്കാരനായ ഉദ്യോഗാർഥി ഒന്നാം റാങ്ക് സ്വന്തമാക്കുകയും ചെയ്തു. അന്നത്തെ സർക്കാരിനോട് ആഭിമുഖ്യമുള്ളവരെ റാങ്ക് ലിസ്റ്റിൽ തിരുകിക്കയറ്റാൻ പിഎസ്‍സി കൂട്ടുനിന്നുവെന്നായിരുന്നു വലിയ രീതിയിൽ വിമർശനമുണ്ടായത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Phone and lipstick Ban: സ്കൂളില്‍ ഫോണും ലിപ്സ്റ്റിക്കും വിലക്കി ബാലാവകാശ കമ്മീഷന്‍

തിരുവനന്തപുരം: സ്കൂളിൽ പോകുന്ന കുട്ടികൾക്ക് എന്തിനാണ് ഫോണും ലിപ്സ്റ്റിക്കും? കാലങ്ങളായി കേട്ട് വരുന്ന ചോദ്യം ബാലാവകാശ കമ്മീഷനും ഉയർത്തി. കേരളത്തിലെ സ്കൂളുകളിൽ വിദ്യാർത്ഥികളുടെ മൊബൈൽ ഫോൺ ഉപയോഗവും ലിപ്സ്റ്റിക് ഉൾപ്പെടെയുള്ള സൗന്ദര്യവർധക വസ്തുക്കളുടെ അമിത ഉപയോഗവും കർശനമായി തടയണമെന്ന് ബാലാവകാശ സംരക്ഷണ കമ്മീഷൻ ഉത്തരവിട്ടു. മുടി നീട്ടി വളർത്താനും, സ്കിൻ ഫിറ്റ് പാൻറ്സ് ധരിക്കാനും, കമ്മൽ-മോതിരം തുടങ്ങിയ ആഭരണങ്ങൾ ഉപയോഗിക്കാൻ അനുവദിക്കണമെന്നും അധ്യാപകർ നടത്തുന്ന ബാഗ് പരിശോധനയും 'ഫോൺ റെയിഡും' തടയണമെന്നും കാണിച്ച് ചില വിദ്യാർത്ഥികളാണ് ഹർജി സമ‌ർപ്പിച്ചത്. കുട്ടികളുടെ ഹർജി പരിഗണിച്ചാണ് ബാലാവകാശ സംരക്ഷണ കമ്മീഷൻ ഉത്തരവിട്ടത്. കുട്ടികളുടെ ബാഗിൽ ലഹരിവസ്തുക്കളോ മറ്റ് അനധികൃത വസ്തുക്കളോ ഇല്ലെന്ന് ഉറപ്പുവരുത്താൻ ബാഗ് പരിശോധിക്കാമെന്ന് കമ്മീഷൻ വ്യക്തമാക്കി. എന്നാൽ കുട്ടികളുടെ അന്തസ്സിനും അഭിമാനത്തിനും കോട്ടം വരാത്ത രീതിയിൽ വേണം അധ്യാപകർ കുട്ടികളുടെ ബാഗ് പരിശോധിക്കേണ്ടതെന്ന് കമ്മീഷൻ കൂട്ടിച്ചേർത്തു. മാത്രമല്ല അച്ചടക്ക നടപടിയുടെ പേരിൽ കുട്ടികളെ ക്ലാസിൽനിന്ന് പുറത്താക്കുകയോ, അപമാനിക്കുകയോ, മാനസികമായി പീഡിപ്പിക്കുകയോ, വിദ്യാഭ്യാസം നിഷേധിക്കുകയോ ചെയ്യരുതെന്ന് കമ്മീഷൻ മുന്നറിയിപ്പ് നൽകി. കുട്ടികൾ മുടിവെട്ടുന്നതും പരിപാലിക്കുന്നതും സ്കൂളിന്റെ അച്ചടക്കത്തിന്റെ ഭാഗമാകണമെന്നും കമ്മീഷൻ പറയുന്നു. ഇതുമായി ബന്ധപ്പെട്ട് സ്കൂളിന്റെ ഏകീകൃത മാനദണ്ഡങ്ങൾ പാലിക്കാനാണ് ബാലാവകാശ സംരക്ഷണ കമ്മീഷൻ നിർദേശം നൽകിയിരിക്കുന്നത്. രക്ഷിതാക്കളുടെ അറിവോടെ വളരെ അത്യാവശ്യ ഘട്ടങ്ങളിൽ സ്കൂളിൽ ഫോൺ കൊണ്ടുവന്നാൽ ഫോൺ സ്വിച്ച് ഓഫ് ചെയ്ത് സൂക്ഷിക്കാനുള്ള സ്വകര്യം സ്കൂളിൽ ഒരുക്കണമെന്നും കമ്മീഷൻ പറയുന്നു. അതേസമയം ബാലാവകാശ സംരക്ഷണ കമ്മീഷൻ നൽകിയ ശിപാർശകളിൽ മറുപടി നൽകാൻ സർക്കാരിന് നിർദേശം നൽകിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Alert: സംസ്ഥാനത്ത് തുലാവർഷം ശക്തം; 10 ജില്ലകളിൽ ഓറഞ്ച് അലർട്ട്

തിരുവനന്തപുരം: സംസ്ഥാനത്ത് കനത്ത മഴ തുടരുന്ന പശ്ചാത്തലത്തിൽ വിവിധ ജില്ലകളിൽ അലർട്ടുകൾ പ്രഖ്യാപിച്ചു. തുലാവർഷം ശക്തമായി തുടരുന്ന സാഹചര്യത്തിലാണ് അലർട്ടുകൾ പുറപ്പെടുവിച്ചിരിക്കുന്നത്. 10 ജില്ലകളിൽ ഓറഞ്ച് അലർട്ട് പുറപ്പെടുവിച്ചിട്ടുണ്ട്. തിരുവനന്തപുരം മുതൽ മലപ്പുറം വരെയുള്ള ജില്ലകളിലാണ് അലർട്ടുകൾ നൽകിയിരിക്കുന്നത്. കോഴിക്കോട്, കണ്ണൂർ, വയനാട്, കാസർകോട് എന്നീ ജില്ലകളിൽ യെല്ലോ അലർട്ടാണുള്ളത്. ഈ ജില്ലകളിൽ യെല്ലോ അലർട്ട് ആണെങ്കിലും ശക്തമായ മഴയ്ക്കുള്ള സാധ്യത തള്ളിക്കളയാൻ ആകില്ലെന്ന് അധികൃതർ അറിയിച്ചിട്ടുണ്ട്. കഴിഞ്ഞ ദിവസങ്ങളിൽ പല സ്ഥലങ്ങളിലും മഴയോടൊപ്പം ശക്തമായ കാറ്റും ഇടിമിന്നലും ഉണ്ടായിരുന്നു. തീരപ്രദേശങ്ങളിലും മലയോര മേഖലകളിലും അതീവ ജാഗ്രത നിർദേശം നൽകിയിട്ടുണ്ട്. കടൽക്ഷോഭത്തിനും ശക്തമായ കാറ്റിനും സാധ്യതയുള്ളതിനാൽ തീരപ്രദേശങ്ങളിൽ ജാഗ്രത പുലർത്തണമെന്നും മത്സ്യത്തൊഴിലാളികൾ കടലിൽ പോകരുതെന്നും നിർദേശമുണ്ട്. ബംഗാൾ ഉൾക്കടലിലെ ന്യൂനമർദ്ദം ചുഴലിക്കാറ്റായി മാറാൻ സാധ്യതയുണ്ട്. എന്നാൽ, ഇത് നേരിട്ട് കേരളത്തെ ബാധിക്കില്ലെന്നാണ് കാലാവസ്ഥാ വകുപ്പ് വ്യക്തമാക്കുന്നത്. എന്നാൽ, ഇതിൻറെ സ്വാധീന ഫലമായി അടുത്ത ദിവസങ്ങളിലും മഴ തുടരുമെന്നാണ് മുന്നറിയിപ്പ് നൽകിയിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

High Court of Kerala: അതിജീവിതയ്ക്ക് ഗർഭച്ഛിദ്രത്തിന് അനുമതി നൽകി ഹൈക്കോടതി; ഉത്തരവ് മാനസികാഘാതം കണക്കിലെടുത്ത്

കൊച്ചി: ലൈംഗിക അതിക്രമത്തിന് ഇരയായ അതിജീവിതയുടെ ഗർഭം അലസിപ്പിക്കാൻ അനുമതി നൽകി ഹൈക്കോടതി. 16 കാരിയുടെ 27 ആഴ്ചയായ ഗർഭം അലസിപ്പിക്കാൻ ജസ്റ്റിസ് ഹരിശങ്കർ വി. മേനോന്‍ ഉത്തരവിട്ടു. പെൺകുട്ടിയുടെ അമ്മയാണ് അതിജീവിതയുടെ മാനസികാഘാതം ചൂണ്ടിക്കാടി കോടതിയിൽ ഹർജി നൽകിയത്. കോടതി നിർദേശപ്രകാരം രൂപീകരിച്ച മെഡിക്കൽ ബോർ‍ഡ് ഒക്ടോബർ 14-ന് സമർപ്പിച്ച റിപ്പോർട്ടിൽ അതിജീവിതയുടെ ഗർഭം അലസിപ്പിക്കാമെന്ന് ശുപാർശ ചെയ്തിരുന്നു. ഗർഭം തുടരാൻ താൽപ്പര്യമില്ലെന്ന പെൺകുട്ടിയുടെയും അമ്മയുടെയും നിലപാട് അംഗീകരിച്ച കോടതി ഇരുവരുടെയും രേഖാമൂലമുള്ള സമ്മതപത്രം വാങ്ങാൻ നിർദേശിച്ചു. ആവശ്യമായ നടപടികൾ യാതൊരു കാലതാമസമില്ലാതെ സ്വീകരിക്കാൻ സംസ്ഥാന സർക്കാരിന് കോടതി നിർദേശം നൽകി. അതേസമയം ഗർഭം അലസിപ്പിക്കൽ നടപടിക്കിടെ കുഞ്ഞ് ജീവനോടെ പുറത്തുവരുന്ന സാഹചര്യമുണ്ടായാൽ ആവശ്യമായ പരിചരണവും ചികിത്സയും ഉറപ്പാക്കണമെന്നും കോടതി വ്യക്തമാക്കി. 24 ആഴ്ച കഴിഞ്ഞുള്ള ഗർഭം അലസിപ്പിക്കാൻ സാധാരണയായി നിയമപരമായി നേരിട്ട് ചെയ്യാൻ കഴിയില്ല. എന്നാൽ ഭ്രൂണത്തിന് ഗുരുതരമായ തകരാറുകൾ ഉള്ളപ്പോഴോ, ഗർഭാവസ്ഥ തുടരുന്നത് അമ്മയുടെ ജീവന് ഭീഷണിയാകുമ്പോഴോ അല്ലെങ്കിൽ ഇതുപോലുള്ള അതിക്രമങ്ങളെ അതിജീവിച്ചവർക്ക് കടുത്ത മാനസികാഘാതം ഉണ്ടാക്കുന്ന സാഹചര്യത്തിലാണ് മെഡിക്കൽ ബോർഡിന്റെ പരിശോധനയും ശുപാർശയും തേടാറുള്ളത്. 24 ആഴ്ച കഴിഞ്ഞ കേസുകളിൽ അന്തിമ അനുമതിക്കായി ഹൈക്കോടതിയെ (ആർട്ടിക്കിൾ 226 പ്രകാരം) അല്ലെങ്കിൽ സുപ്രീം കോടതിയെ (ആർട്ടിക്കിൾ 32 പ്രകാരം) സമീപിക്കേണ്ടതുണ്ട്. മെഡിക്കൽ ബോർഡ് നൽകുന്ന റിപ്പോർട്ടും അതിജീവിതയുടെ മാനസികവും ശാരീരികവുമായ അവസ്ഥയും വിലയിരുത്തിയാണ് കോടതികൾ ഇത്തരം കേസുകളിൽ അന്തിമ ഉത്തരവ് പുറപ്പെടുവിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Updates: കേരളത്തിൽ തീവ്രമഴ തുടരും; ഇന്ന് 10 ജില്ലകളിൽ ഓറഞ്ച് അലർട്ട്, ജാ​ഗ്രത നിർദ്ദേശം

തിരുവനന്തപുരം: സംസ്ഥാനത്ത് തീവ്രമഴ തുടരുമെന്ന് കാലാവസ്ഥ വകുപ്പിന്റെ മുന്നറിയിപ്പ്. 10 ജില്ലകളിൽ ഓറഞ്ച് അലർട്ടാണ് പ്രഖ്യാപിച്ചിരിക്കുന്നത്. കാസർകോട്, കണ്ണൂർ, കോഴിക്കോട്, വയനാട്, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലകളിലാണ് തീവ്ര മഴ മുന്നറിയിപ്പുള്ളത്. മറ്റ് നാല് ജില്ലകളിൽ യെല്ലോ അലർട്ടാണ് പ്രഖ്യാപിച്ചിരിക്കുന്നത്. മധ്യ, തെക്കൻ കേരളത്തിലെ പത്ത് ജില്ലകളിൽ നാളെയും മറ്റന്നാളും ഓറഞ്ച് അലർട്ടായിരിക്കും. ചൊവ്വാഴ്ചയോടെ മഴയുടെ ശക്തി കുറയാൻ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു. ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടതാണ് മഴ ശക്തമാകാൻ കാരണമായിരിക്കുന്നത്. കേരള - കർണാടക - ലക്ഷദ്വീപ് തീരങ്ങളിൽ ഇന്ന് മുതൽ ഒക്ടോബർ 26 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. കൂടാതെ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പുണ്ട്. കള്ളക്കടൽ ജാഗ്രത നിർദേശം കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം (കാപ്പിൽ മുതൽ പൊഴിയൂർ വരെ) ജില്ലയിലെ തീരങ്ങളിൽ നാളെ രാത്രി 11.30 വരെ 0.8 മുതൽ 1.4 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു. കള്ളക്കടൽ പ്രതിഭാസത്തിന്റെ ഭാഗമായി കന്യാകുമാരി തീരത്ത് നാളെ വൈകുന്നേരം 05.30 വരെ 0.9 മുതൽ 1.4 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കുക. 1. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം. 2. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കേണ്ടതാണ്. 3. കള്ളക്കടൽ പ്രതിഭാസത്തിനും ഉയർന്ന തിരമാലക്കും സാധ്യതയുള്ള ഘട്ടത്തിൽ കടലിലേക്ക് മത്സ്യബന്ധന യാനങ്ങൾ ഇറക്കുന്നത് പോലെ തന്നെ അപകടകരമാണ് കരക്കടുപ്പിക്കുന്നതും. ആയതിനാൽ തിരമാല ശക്തിപ്പെടുന്ന ഘട്ടത്തിൽ കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കേണ്ടതാണ്. 4. INCOIS മുന്നറിയിപ്പ് പിൻവലിക്കുന്നത് വരെ ബീച്ചുകൾ കേന്ദ്രീകരിച്ചുള്ള വിനോദസഞ്ചാരമുൾപ്പെടെയുള്ള എല്ലാ പ്രവർത്തനങ്ങളും പൂർണ്ണമായി ഒഴിവാക്കേണ്ടതാണ് 5. മൽസ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. 6. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക. 7. തീരശോഷണത്തിനു സാധ്യതയുള്ളതിനാൽ പ്രത്യേകം ജാഗ്രത പുലർത്തുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.