Roniya Baby

ജേർണലിസം മേഖലയിൽ 10 വർഷത്തിലേറെ പരിചയ സമ്പത്ത്. ദീപിക പത്രത്തിൽ കരിയർ ആരംഭിച്ചു. അമൃത ടിവി, ഇടിവി ഭാരത് തുടങ്ങിയ സ്ഥാപനങ്ങളിൽ പ്രവൃത്തി പരിചയം. നിലവിൽ സീ മലയാളം ന്യൂസിൽ പ്രവർത്തിക്കുന്നു. രാഷ്ട്രീയം, പ്രാദേശിക വാർത്തകൾ, ദേശീയ-അന്തർദേശീയ വാർത്തകൾ, ആരോഗ്യ വാർത്തകൾ തുടങ്ങിയവ കൈകാര്യം ചെയ്യുന്നു.

Trigrahi Yogam 2026: നവംബർ ആറിന് രൂപപ്പെടുന്നത് നിരവധി വിശേഷ യോ​ഗങ്ങൾ; നാല് രാശിക്കാ‍ർക്ക് ഇനി ഭാ​ഗ്യനാളുകൾ

വേദജ്യോതിഷപ്രകാരം, മൂന്ന് ഗ്രഹങ്ങൾ ഒരേ രാശിചിഹ്നത്തിൽ ഒത്തുചേരുമ്പോഴാണ് ത്രിഗ്രഹി യോഗം രൂപപ്പെടുന്നത്. ചന്ദ്രൻ നവംബർ മൂന്നിന് ചിങ്ങം രാശിയിലേക്ക് പ്രവേശിച്ചു. ഇതിനകം വ്യാഴവും കേതുവും ചിങ്ങം രാശിയിൽ സ്ഥിതിചെയ്യുന്നുണ്ട്. ഇതുവഴി ത്രിഗ്രഹി യോഗം രൂപപ്പെട്ടു. ഇത് നാല് രാശിക്കാർക്ക് ജീവിതത്തിൽ വലിയ നേട്ടങ്ങൾ കൊണ്ടുവരും. കരിയർ, സാമ്പത്തികം, ബിസിനസ് എന്നിവയിലെല്ലാം നാല് രാശിക്കാർക്ക് അനുകൂല ഫലങ്ങളുണ്ടാകും. മേടം മേടം രാശിക്കാർക്ക് നിക്ഷേപങ്ങളിൽ നിന്ന് നേട്ടമുണ്ടാകും. കുട്ടികളിൽ നിന്ന് നല്ല വാർത്തകളുണ്ടാകും. ഇത് കുടുംബത്തിൽ സന്തോഷമുണ്ടാക്കും. പ്രധാനപ്പെട്ട ജോലികൾ കൃത്യമായി പൂർത്തിയാക്കാനാകും. മതപരമായ യാത്രകൾ നടത്താനാകും. കുടുംബത്തോടൊപ്പം സന്തോഷകരമായ സമയം ചിലവഴിക്കും. ചിങ്ങം ചിങ്ങം രാശിക്കാർക്ക് കരിയറിൽ പുരോഗതിയുണ്ടാകും. ആത്മവിശ്വാസം വർധിക്കും. കഠിനാധ്വാനത്തിന് ഫലം ലഭിക്കും. ബിസിനസിൽ ലാഭം ഉണ്ടാകും. പൂർവിക സ്വത്ത് ലഭിക്കും. വിലയേറിയ സമ്മാനങ്ങൾ ലഭിക്കും. വൃശ്ചികം വൃശ്ചികം രാശിക്കാർക്ക് വരുമാനം വർധിക്കും. ബിസിനസിൽ വലിയ ലാഭം ഉണ്ടാകും. ബിസിനസിൽ പ്രധാനപ്പെട്ട ഇടപാടുകൾ വിജയകരമാകും. കുടുംബ ബന്ധങ്ങൾ മെച്ചപ്പെടും. ജീവിതത്തിൽ മികച്ച തീരുമാനങ്ങളെടുക്കും. ധനു ധനു രാശിക്കാർക്ക് ജീവിത സാഹചര്യം മെച്ചപ്പെടും. സാമ്പത്തിക സ്ഥിതി മെച്ചപ്പെടും. ജോലിയിൽ സ്ഥാനക്കയറ്റം ലഭിക്കും. സ്വർണം വാങ്ങാനാകും. ജോലി അന്വേഷിക്കുന്നവർക്ക് മികച്ച അവസരങ്ങൾ തേടിയെത്തും. Disclaimer: ഇവിടെ നൽകിയിരിക്കുന്ന വിവരങ്ങൾ വിശ്വാസങ്ങളെയും പൊതുവായ വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS ഇക്കാര്യങ്ങൾ സ്ഥിരീകരിക്കുന്നില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

IDBI Bank: ഫെയർഫാക്സ് ഐഡിബിഐ വാങ്ങുന്നത് ഐഡിബിഐയുടെ പണം ഉപയോഗിച്ചു തന്നെയോ?

ബാങ്ക് വാങ്ങാൻ എത്തുന്ന പുതിയ ഉടമ, തൻറെ സ്വന്തം ബിസിനസ് സംരംഭങ്ങൾ അതേ ബാങ്കിന് തന്നെ വിറ്റഴിക്കുകയും അതിൽ നിന്ന് ലഭിക്കുന്ന തുക ബാങ്ക് ഏറ്റെടുക്കലിനായി ഉപയോഗിക്കുകയും ചെയ്യുന്നു! ഇത്തരം ഒരു അപൂർവ ധനകാര്യ തന്ത്രത്തിന് ആണ് ഇൻവെസ്റ്റ്മെൻറ് ലോകം സാക്ഷ്യം വഹിക്കാൻ പോകുന്നത്. കേന്ദ്ര മന്ത്രിസഭ ഒക്ടോബർ 14ന് ഐഡിബിഐ ബാങ്ക് വിൽപ്പനയ്ക്ക് അംഗീകാരം നൽകിയതിന് പിന്നാലെ ഒക്ടോബർ 15ന് ഇൻവെസ്റ്റർമാരുമായി നടത്തിയ കോൺഫറൻസ് കോളിലാണ് ഫെയർഫാക്സിൻറെ ഉന്നത ഉദ്യോഗസ്ഥർ ഈ വിവരങ്ങൾ വ്യക്തമാക്കിയത്. ബിസിനസ് വേൾഡ് ആണ് ഇത് സംബന്ധിച്ച റിപ്പോർട്ട് പുറത്തുവിട്ടിരിക്കുന്നത്. ഫെയർഫാക്സിൻറെ ഡിജിറ്റൈസ്ഡ് ഡിജിറ്റ് ഇൻഷുറൻസ് കമ്പനി എങ്ങനെയാണ് ഐഡിബിഐ ബാങ്കിന് കീഴിലേക്ക് മാറ്റുകയെന്നാണ് വിപണി വിദഗ്ധർ ഉന്നയിച്ചിരിക്കുന്ന പ്രധാന ചോദ്യം. ബാങ്കിൻറെ കൈവശമുള്ള അധിക തുക ഉപയോഗിച്ചാണോ ഈ ഓഹരികൾ വിപണി വിലയിൽ വാങ്ങുന്നത് എന്നാണ് വിപണി വിദഗ്ധർ ഉന്നയിക്കുന്ന ചോദ്യം. ഫെയർഫാക്സ് സ്ഥാപകനും ചെയർമാനുമായ പ്രേം വത്സ നൽകിയ മറുപടി ‘’ഐഡിബിഐ ബാങ്കിൽ നിലവിൽ ആവശ്യത്തിൽ അധികം മൂലധനം (എക്സസ് ക്യാപിറ്റൽ) ഉണ്ട്. അതിനാൽ ഇടപാടുകൾക്ക് ആയി അവർ നേരിട്ട് പണം നൽകും. കരാർ ഉറപ്പിക്കുന്ന സമയം വിപണി വിലയിൽ തന്നെ ബാങ്ക് ഈ തുക പണമായി നൽകുമെന്നാണ് പ്രതീക്ഷിക്കുന്നത്.'' പ്രേം വത്സ ഫെയർഫാക്സ് എങ്ങനെയാണ് ഐഡിബിഐ ബാങ്ക് വാങ്ങാൻ പണം സമാഹരിക്കുകയെന്ന് മുൻപ് വിശദീകരിച്ചിരുന്നു. കയ്യിലുള്ള തുക, മറ്റ് ഇൻഷുറൻസ് കമ്പനികളിൽ നിന്നുള്ള ഡിവിഡൻറുകൾ, ആസ്തി വിൽപ്പന വഴി ലഭിക്കുന്ന തുക, വിപണി വിലയുടെ അടിസ്ഥാനത്തിൽ ഡിജിറ്റ്, ഐഐഎഫ്എൽ ക്യാപിറ്റൽ എന്നീ കമ്പനികളുടെ നിക്ഷേപം എന്നിവയിലൂടെയാണ് തുക കണ്ടെത്തുകയെന്ന് പ്രേം വത്സ പറഞ്ഞു. ഫെയർഫാക്സ് പ്രസിഡൻറ് പീറ്റർ ക്ലാർക്ക് ഈ ഏറ്റെടുക്കലിന് 5.6 ബില്യൺ ഡോളർ ആവശ്യമാണെന്ന് വ്യക്തമാക്കി. ഡിജിറ്റ് ഇൻഷുറൻസ് (ലൈഫ് ഇൻഷുറൻസ് ഉൾപ്പെടെ), ഐഐഎഫ്എൽ ക്യാപിറ്റൽ എന്നീ കമ്പനികളുടെ വിഹിതം മാത്രം ഏകദേശം മൂന്ന് ബില്യൺ ഡോളർ വരുമെന്ന് പീറ്റർ ക്ലാർക്ക് വ്യക്തമാക്കി. ക്ലാർക്ക് വ്യക്തമാക്കിയ ഈ മൂന്ന് ബില്യൺ ഡോളർ മൊത്തം തുകയായ 5.6 ബില്യൺ ഡോളറിൻറെ പകുതിയിൽ അധികമാണ്. ഇത്, ബാങ്ക് തന്നെയാണ് സ്വന്തം വിൽപ്പനയ്ക്ക് കാരണമാകുന്നത് അല്ലെങ്കിൽ സ്വയം വിൽക്കാൻ ഇടയാക്കുന്നത് എന്ന സ്ഥിതിയിലേക്ക് കാര്യങ്ങളെ എത്തിക്കുന്നുവെന്ന് വിരൽ ചൂണ്ടുന്നത്. ഇതോടെയാണ് ഫെയർഫാക്സ് സ്വന്തം തുക ഉപയോഗിച്ചാണോ ഐഡിബിഐ ബാങ്ക് വാങ്ങുന്നത്? അതോ ആവശ്യമായ തുകയുടെ ഭൂരിഭാഗവും ഐഡിബിഐ ബാങ്കിൽ നിന്ന് തന്നെയാണോ സമാഹരിക്കാനുള്ള നീക്കം നടത്തുന്നത് എന്നീ പ്രധാന ചോദ്യങ്ങളാണ് ഉയരുന്നത്. ഐഡിബിഐ ബാങ്കിൻറെ കൈവശമുള്ള അധിക മൂലധനം ആരുടേതാണ്? ഒരു പതിറ്റാണ്ട് മുൻപ് ഇന്ത്യയിലെ ഏറ്റവും പ്രതിസന്ധിയിലായ ബാങ്കുകളിൽ ഒന്നായിരുന്നു ഐഡിബിഐ. സർക്കാരും എൽഐസിയും ചേർന്നാണ് ഐഡിബിഐ ബാങ്കിനെ പുനരുജ്ജീവിപ്പിച്ചത്. 2019ൽ എൽഐസി ബാങ്കിൻറെ നിയന്ത്രണം ഏറ്റെടുത്തു. അതേ വർഷം 9,300 കോടി രൂപയുടെ അടിയന്തര സാമ്പത്തിക സഹായവും സർക്കാരും എൽഐസിയും ചേർന്ന് നൽകി. ഇക്കാര്യം പ്രേം വത്സയും സമ്മതിച്ചിട്ടുണ്ട്. 2016-2020 കാലഘട്ടത്തിൽ ബാങ്ക് കടുത്ത സാമ്പത്തിക പ്രതിസന്ധിയിൽ ആയിരുന്നുവെന്നും എൽഐസിയും ഇന്ത്യൻ സർക്കാരും ചേർന്ന് ഏകദേശം 6.4 ബില്യൺ ഡോളറോളം ധനസഹായം നൽകിയാണ് ബാങ്കിനെ കരകയറ്റിയതെന്നും പ്രേം വത്സ വ്യക്തമാക്കിയിട്ടുണ്ട്. ഈ ശ്രമങ്ങൾ വിജയിച്ചതിൻറെ ഫലമായി 2026 സെപ്തംബർ 30ലെ കണക്കുപ്രകാരം ഐഡിബിഐയുടെ ക്യാപിറ്റൽ അഡീക്വസി റേഷ്യോ 27.10 ശതമാനം ആണ്. റിസർവ് ബാങ്ക് അനുശാസിക്കുന്ന കുറഞ്ഞ പരിധിയായ 11.5 ശതമാനത്തിൻറെ ഇരട്ടിയിൽ അധികമാണിത്. പൊതുപണം ഉപയോഗിച്ച് കെട്ടിപ്പടുത്ത ഈ സാമ്പത്തിക ഭദ്രതതയാണ് ഫെയർഫാക്സിന് ഇപ്പോൾ ബാങ്ക് വാങ്ങാനുള്ള പ്രധാന ആകർഷണം. ബാങ്കിനുള്ള ഈ അധിക മൂലധനം ഉപയോഗിച്ച് ഫെയർഫാക്സിൻറെ കമ്പനികൾ ബാങ്ക് സ്വന്തമാക്കുമെന്നാണ് പ്രേം വത്സ പറയുന്നത്. റിസർവ് ബാങ്കിന് മുന്നിലുള്ള പ്രധാന ചോദ്യം ഒരു ബാങ്കിന് മറ്റ് കമ്പനികളിൽ നിക്ഷേപിക്കാവുന്ന തുകയ്ക്ക് റിസർവ് ബാങ്ക് വ്യക്തമായ പരിധി നിശ്ചയിച്ചിട്ടുണ്ട്. സാമ്പത്തിക സേവനങ്ങൾ നടത്തുന്ന വാണിജ്യ ബാങ്കുകൾക്കായുള്ള ആർബിഐയുടെ 2025ലെ മാർഗനിർദേശപ്രകാരം ഒരു ബാങ്കിൻറെ അടച്ചുപൂട്ടിയ ഓഹരി മൂലധനത്തിൻറെയും (പെയ്ഡ് അപ് ഷെയർ ക്യാപിറ്റൽ) റിസർവുകളുടെയും 10 ശതമാനത്തിൽ കൂടുതൽ തുക ഏതെങ്കിലും ഒരു സബ്സിഡിയറിയിലോ ധനകാര്യ സ്ഥാപനത്തിലോ നിക്ഷേപിക്കാൻ പാടില്ല. ഇത്തരത്തിലുള്ള എല്ലാ കമ്പനികളിലുമായുള്ള മൊത്തം നിക്ഷേപം 20 ശതമാനത്തിൽ കൂടരുത്. ഈ പരിധികൾ ബാങ്കിൻറെ മൊത്തം അറ്റാദായത്തിന്മേലല്ല മറിച്ച് അടച്ചുപൂട്ടിയ മൂലധനത്തിന്മേലാണ് കണക്കാക്കുന്നത്. കൂടാതെ ബാങ്കിൻറെ നിലവിലുള്ള മറ്റ് നിക്ഷേപങ്ങളും ഇതിലുൾപ്പെടും. ഫെയർഫാക്സ് ഈ മൂന്ന് കമ്പനികളുടെയും മൂല്യം മൂന്ന് ബില്യൺ ഡോളർ ആയിട്ടാണ് കണക്കാക്കിയിരിക്കുന്നത്. ആർബിഐ മാനദണ്ഡങ്ങൾ അനുസരിച്ച് ഇത്രയും വലിയൊരു നിക്ഷേപത്തിന് എങ്ങനെ അനുമതി ലഭിക്കുമെന്നതിനെ സംബന്ധിച്ച് വ്യക്തത വന്നിട്ടില്ല. ഇത്തരം വാങ്ങലുകൾക്ക് ആർബിഐയുടെ മുൻകൂർ അനുമതി നിർബന്ധം ആണ്. അതിനാൽ പ്രേം വത്സ വിശദീകരിച്ച ഈ ക്യാഷ് പർച്ചേസ് വലിയ രീതിയിൽ ഉള്ള റെഗുലേറ്ററി ചോദ്യങ്ങൾ ഉയർത്തുന്നു. ആർബിഐ, സെബി (SEBI) ഇൻഷുറൻസ് റെഗുലേറ്ററായ ഐആർഡിഎഐ (IRDAI) എന്നിവയുടെ അനുമതി ഇപാടിന് ആവശ്യമാണ്. സർക്കാരിന് അവകാശങ്ങൾ ഒന്നും ഇല്ലേ? വിൽപനയ്ക്ക് ശേഷം സർക്കാരിനും എൽഐസിക്കും കൂടി ഐഡിബിഐ ബാങ്കിൽ 34 ശതമാനം ഓഹരി പങ്കാളിത്തം ഉണ്ടായിരിക്കും. എന്നാൽ, ബാങ്കിൻറെ പ്രവർത്തനങ്ങളിൽ പ്രത്യേക അവകാശങ്ങളോ നിയന്ത്രണങ്ങളോ ഉണ്ടാകില്ലെന്ന് അവർ വ്യക്തമാക്കിയിട്ടുണ്ട്. ഓഗസ്റ്റ് 13ലെ ഡിഐപിഎഎം ആഭ്യന്തര കുറിപ്പിൽ ഇക്കാര്യം വ്യക്തമാക്കുന്നുണ്ട്. മാനേജ്മെൻറ് നിയന്ത്രണം പൂർണമായി കൈമാറുന്നതിനാലും വിൽപനയ്ക്ക് ശേഷം സർക്കാരിനോ എൽഐസിക്കോ യാതൊരുവിധ പ്രത്യേക അവകാശങ്ങളും കരാറിലൂടെ നൽകുന്നില്ല എന്നതിനാലുമാണ് ഇത്തരമൊരു ഷെയർ പർച്ചേസ് എഗ്രിമെൻറ് തിരഞ്ഞെടുത്തത്. ഇതിന് പുറമേ, സർക്കാരും എൽഐസിയും തങ്ങളുടെ പ്രതിനിധികളെ ഐഡിബിഐ ബോർഡിൽ നിന്ന് പിൻവലിക്കുമെന്നും റിപ്പോർട്ടിൽ പറയുന്നു. ഫെയർഫാക്സിൻറെ ബിഡ് നിർദേശിച്ച ഈ കുറിപ്പിൽ ഫെയർഫാക്സിൻറെ ഗോ ഡിജിറ്റ്, ഐഐഎഫ്എൽ ബാങ്കിലേക്ക് മാറ്റുന്ന പദ്ധതിയെക്കുറിച്ച് പരാമർശമൊന്നുമില്ല. ഇടപാടിന് കേന്ദ്ര മന്ത്രിസഭയുടെ അംഗീകാരം ലഭിച്ച തൊട്ടടുത്ത ദിവസം ആണ് ഫെയർഫാക്സ് ഈ പദ്ധതി പരസ്യമാക്കിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Ezhuthachan Award 2026: മേതിൽ രാധാകൃഷ്ണന് എഴുത്തച്ഛൻ പുരസ്കാരം

തിരുവനന്തപുരം: സംസ്ഥാന സർക്കാരിൻറെ പരമോന്നത സാഹിത്യ ബഹുമതിയായ എഴുത്തച്ഛൻ പുരസ്കാരം മേതിൽ രാധാകൃഷ്ണന്. മലയാള സാഹിത്യ രംഗത്തെ സമഗ്ര സംഭാവന പരിഗണിച്ചാണ് എഴുത്തുകാരൻ മേതിൽ രാധാകൃഷ്ണന് പുരസ്കാരം സമ്മാനിക്കുന്നത്. പ്രശസ്തി പത്രവും അഞ്ച് ലക്ഷം രൂപയും ഫലകവും അടങ്ങുന്നതാണ് പുരസ്കാരം. ആധുനിക ചെറുകഥാകൃത്തുക്കളിൽ പ്രമുഖനാണ് മേതിൽ രാധാകൃഷ്ണൻ. തത്വചിന്ത, മനശാസ്ത്രം, ശാസ്ത്രം എന്നിവയെ സർഗാത്മകമായി സമന്വയിപ്പിച്ച എഴുത്തുകാരനാണ് മേതിൽ രാധാകൃഷ്ണൻ. ആധുനിക മലയാള ചെറുകഥാ സാഹിത്യത്തിലും നോവൽ സാഹിത്യത്തിലും പ്രധാനിയാണ് അദ്ദേഹം. ചുവന്ന വിദൂഷകരുടെ അഞ്ചാം പത്തി, സൂര്യവംശം, ലൈംഗികതയെക്കുറിച്ച് ഒരുപന്യാസം, ബ്രാ, ഹിച്ച്കോക്കിൻറെ ഇടപെടൽ എന്നിവയാണ് അദ്ദേഹത്തിൻറെ പ്രധാന നോവലുകൾ. സംഗീതം ഒരു സമയകലയാണ്, ഡിലൻ തോമസിൻറെ പന്ത്, നായകന്മാർ ശവപേടകങ്ങളിൽ എന്നിവയാണ് അദ്ദേഹത്തിൻറെ കഥകൾ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Power Cut Kerala: സംസ്ഥാനത്ത് വീണ്ടും പവർകട്ട്? കടുത്ത വൈദ്യുതി പ്രതിസന്ധിയിൽ കേരളം

തിരുവനന്തപുരം: കേരളം വീണ്ടും പവർകട്ടിലേക്കെന്ന് സൂചന. ഹിമാചൽ കരാർ തീരുമാനത്തിലെത്തിയില്ലെങ്കിൽ നവംബർ ഒന്ന് മുതൽ വീണ്ടും വൈദ്യുതി നിയന്ത്രണം ഉണ്ടാകുമെന്നാണ് റിപ്പോർട്ട്. സംസ്ഥാനത്ത് ഗുരുതര വൈദ്യുതി പ്രതിസന്ധിയുണ്ടെന്ന് കെഎസ്ഇബി മുന്നറിയിപ്പ് നൽകിയിരുന്നു. വൈദ്യുതി പ്രതിസന്ധി രൂക്ഷമായതോടെ കടുത്ത നിയന്ത്രണമുണ്ടാകാനാണ് സാധ്യത. ഒക്ടോബറിൽ വൈദ്യുതി നൽകിയതിന് സമാനമായി യൂണിറ്റിന് 14.50 എന്ന ഉയർന്ന വിലയിൽ ആണെങ്കിലും അടുത്ത വർഷം മേയ് വരെ വൈദ്യുതി നൽകാമെന്ന് ഹിമാചൽ രേഖാമൂലം കെഎസ്ഇബിയെ അറിയിച്ചിട്ടുണ്ടായിരുന്നു. എന്നാൽ, കെഎസ്ഇബി ഈ വിവരം കഴിഞ്ഞ മാസം 28ന് സർക്കാരിനെ അറിയിച്ചുവെങ്കിലും മറുപടി ലഭിച്ചില്ല. കേരളത്തിൻറെ തീരുമാനം വൈകിയതിനാൽ ഹിമാചൽ വൈദ്യുതി രാജസ്ഥാന് ഒരു രൂപ അധികവിലയിൽ നൽകി. ഇതോടെ പ്രതിസന്ധി രൂക്ഷമായി. അലംഭാവം ഉണ്ടായിട്ടില്ലെന്നും കൂടിയ നിരക്കിൽ വൈദ്യുതി വാങ്ങുന്നത് പ്രയാസം ഉണ്ടാക്കുമെന്നുമാണ് മന്ത്രി സണ്ണി ജോസഫ് പറയുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Synagogue Attack: സിനഗോഗിന് നേരെയുണ്ടായ ആക്രമണം; ഭീകരവാദ വിരുദ്ധ സ്ക്വാഡ് അന്വേഷണം ഏറ്റെടുക്കണമെന്ന് പോലീസ്

കൊച്ചി: കൊച്ചിയിൽ സിനഗോഗിന് മുന്നിൽ തീയിട്ട കേസിൻറെ അന്വേഷണം ഭീകരവാദവിരുദ്ധ സ്ക്വാഡ് ഏറ്റെടുക്കണമെന്ന ആവശ്യം ഉന്നയിച്ച് പോലീസ്. കേസ് ഏറ്റെടുക്കണമെന്ന ആവശ്യമുന്നയിച്ച് എടിഎസിന് റിപ്പോർട്ട് നൽകി. പ്രതി എബിൻ പോളിന് എതിരെ യുഎപിഎ ഉൾപ്പെടെ ചുമത്തിയ സാഹചര്യത്തിലാണ് പോലീസിൻറെ നടപടി. എബിൻ പോളിനെതിരെ യുഎപിഎ വകുപ്പിലെ ഭീകരപ്രവർത്തനം, ഗൂഢാലോചന എന്നീ ഗുരുതരമായ കുറ്റകൃത്യങ്ങൾ പോലീസ് എറണാകുളം മജിസ്ട്രേറ്റ് കോടതിയിൽ റിപ്പോർട്ട് സമർപ്പിച്ചത്. സംഭവത്തിന് പിന്നിൽ വലിയ ഗൂഢാലോചനയുണ്ടെന്നാണ് പോലീസിൻറെ വിലയിരുത്തൽ. മൂവാറ്റുപുഴ യൂഡ്സ് കാർ ഷോറൂം ആക്രമണം, മൂവാറ്റുപുഴയിലെ ആൾവാസമില്ലാത്ത കെട്ടിടത്തിലെ ആക്രമണം എന്നിവയിലും എബിനെ പ്രതിചേർത്തിരുന്നു. ബോസുമായി എബിൻ നടത്തിയ ചാറ്റിൻറെ വിവരങ്ങൾ ടെലഗ്രാമിൽ നിന്ന് ലഭിച്ചിട്ടില്ല. ഇത് ലഭിക്കുന്നതോടെ വീണ്ടും കസ്റ്റഡിയിൽ വാങ്ങി ചോദ്യം ചെയ്യും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Gold Price Today: സ്വർണം വാങ്ങാൻ പ്ലാൻ ഉണ്ടോ? ഇന്നത്തെ സ്വർണവില അറിയാം

Car Accident: കൊച്ചിയിൽ കാർ അപകടത്തിൽ മൂന്ന് മരണം; ഡ്രൈവർ പിടിയിൽ

കൊച്ചി: എറണാകുളം നെടുമ്പാശേരിയിൽ വാഹനാപകടത്തിൽ മൂന്ന് മരണം. മിനി കൂപ്പർ ഇടിച്ച് സ്കൂട്ടർ യാത്രികരാണ് മരിച്ചത്. അപകടത്തിൽ രണ്ട് യുവതികളും ഒരു യുവാവുമാണ് മരിച്ചത്. വയനാട് സ്വദേശിനി ദേവിക (21), പാലക്കാട് സ്വദേശിനി ഗോപിക (22), കർണാടക സ്വദേശി ഇയാസ് (21) എന്നിവരാണ് മരിച്ചത്. പുലർച്ചെ രണ്ട് മണിയോടെയാണ് അപകടം നടന്നത്. അപകടത്തിന് പിന്നാലെ സംഭവസ്ഥലത്ത് നിന്ന് രക്ഷപ്പെടാൻ ശ്രമിച്ച കാർ ഡ്രൈവറെ നാട്ടുകാർ ചേർന്ന് പിടികൂടി. ഇയാൾ ലഹരി ഉപയോഗിച്ചിരുന്നോയെന്ന് സംശയിക്കുന്നു. രാജഗിരിയിൽ ബി.കോം വിദ്യാർഥിയാണ് ഇയാൾ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

MDMA Seized: എംഡിഎംയുമായി മൂന്ന് യൂത്ത് ലീഗ് പ്രവർത്തകരെ പിടികൂടി

ഇടുക്കി: ഇടുക്കിയിലെ വണ്ണപ്പുറത്ത് എംഡിഎംഎയുമായി മൂന്ന് മുസ്ലിംലീഗ് പ്രവർത്തകർ പോലീസിൻറെ പിടിയിലായി. വണ്ണപ്പുറം വാർഡ് പതിനാറിലെ ജനപ്രതിനിധിയുടെ ഭർത്താവ് റാഫി മുണ്ടുകുന്നേൽ, ഷമാസ്, കബീർ എന്നിവരെയാണ് കസ്റ്റഡിയിലെടുത്തത്. വണ്ണപ്പുറം പള്ളിക്കടുത്തുള്ള വാടകവീട്ടിൽ നടത്തിയ മിന്നൽ പരിശോധനയിൽ ഇവരിൽ നിന്ന് ലഹരിമരുന്ന് പിടികൂടി. രഹസ്യവിവരത്തെ തുടർന്ന് തൊടുപുഴ ഡിവൈഎസ്പി സ്ക്വാഡും കാളിയാർ പോലീസും ചേർന്നാണ് പരിശോധന നടത്തിയത്. പിടിയിലായ റാഫിയെ വണ്ണപുറത്തെ സ്വകാര്യ ആശുപത്രിയിൽ വൈദ്യപരിശോധനയ്ക്കായി എത്തിച്ച സമയം, പ്രതികൾക്കെതിരെ ശക്തമായ പ്രതിഷേധവുമായി സിപിഎം, ഡിവൈഎഫ്ഐ പ്രവർത്തകർ രംഗത്തെത്തി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Horoscope October 3: ഇന്നത്തെ രാശിഫലം; സാമ്പത്തിക കാര്യങ്ങളിൽ ഈ രാശിക്കാർക്ക് നേട്ടം, ബന്ധങ്ങളിൽ ജാഗ്രത വേണം

ഇന്ന് ഒക്ടോബർ മൂന്ന് ശനിയാഴ്ചയാണ്. ജ്യോതിഷ പ്രവചനങ്ങൾ പ്രകാരം ഇന്ന് മേടം മുതൽ മീനം വരെയുള്ള 12 രാശിക്കാർക്കും വ്യത്യസ്ത ഫലങ്ങളാണ് പ്രവചിക്കുന്നത്. ചിലർക്ക് സാമ്പത്തിക നേട്ടവും തൊഴിൽ പുരോഗതിയും ഉണ്ടാകും. മറ്റുചില രാശിക്കാർക്ക് ചിലവുകൾ വർധിക്കുകയും ജോലിയിൽ സമ്മർദ്ദം ഉണ്ടാകുകയും ചെയ്യും. മേടം മേടം രാശിക്കാർക്ക് ഇന്നത്തെ ദിവസം മാനസികമായി അൽപം സമ്മർദ്ദം ഉണ്ടായേക്കാം. അമിതമായ ദേഷ്യം, വികാരപ്രകടനം എന്നിവ മൂലം പങ്കാളിയുമായുള്ള ബന്ധത്തിൽ ചെറിയ അസ്വസ്ഥതകൾ ഉണ്ടാകാം. സാമ്പത്തിക കാര്യങ്ങളിൽ ജാഗ്രത പുലർത്തണം. ഇടവം ഇടവം രാശിക്കാർക്ക് കാര്യങ്ങൾ മുൻകൂട്ടി ആസൂത്രണം ചെയ്ത് പ്രവർത്തിക്കുന്നത് ഗുണം ചെയ്യും. പങ്കാളിയോടൊപ്പം സമയം ചിലവഴിക്കാനാകും. വരുമാനം വർധിക്കും. സമ്പാദ്യത്തിൽ വർധനവുണ്ടാകും. കൃത്യസമയത്ത് ജോലികൾ പൂർത്തിയാക്കാൻ ബുദ്ധിമുട്ടുണ്ടാകും. മിഥുനം മിഥുനം രാശിക്കാർക്ക് ഇന്നത്തെ ദിവസം അൽപം വെല്ലുവിളികൾ നിറഞ്ഞതായിരിക്കാൻ സാധ്യതയുണ്ട്. ഏറ്റെടുത്ത കാര്യങ്ങളെല്ലാം കൃത്യസമയത്ത് പൂർത്തിയാക്കാൻ സാധിച്ചേക്കില്ല. കുടുംബത്തിലെ ഉത്തരവാദിത്തങ്ങൾ വർധിക്കും. ചിലവ് വർധിക്കും. സംസാരത്തിൽ ജാഗ്രത പുലർത്തണം. കർക്കിടകം കർക്കിടകം രാശിക്കാർ ഇന്നത്തെ ദിവസം വളരെ ചിന്തിച്ച് മാത്രം സുപ്രധാന തീരുമാനങ്ങളെടുക്കുക. ചിലവുകൾ വർധിക്കാൻ സാധ്യതയുണ്ട്. ജോലിയിൽ സമ്മർദ്ദം ഉണ്ടായേക്കാം. ആരോഗ്യം ശ്രദ്ധിക്കുക. ചിലവുകൾ വർധിക്കുന്നതിനാൽ മറ്റുള്ളവരിൽ നിന്ന് സാമ്പത്തിക സഹായം തേടേണ്ടതായി വന്നേക്കാം. ചിങ്ങം ചിങ്ങം രാശിക്കാർക്ക് ഇന്നത്തെ ദിവസം പൊതുവേ അനുകൂലമാണ്. യാത്രകളിലൂടെ നേട്ടങ്ങളുണ്ടാകും. പങ്കാളിയുടെ പിന്തുണയുണ്ടാകും. സാമ്പത്തികമായി ഉയർച്ചയുണ്ടാകും. ആഭരണങ്ങളും വിലപിടിപ്പുള്ള വസ്തുക്കളും വാങ്ങാൻ സാധ്യത. ജോലിയിൽ തിരക്ക് വർധിക്കും. കന്നി കന്നി രാശിക്കാർ ഇന്നത്തെ ദിവസം തൊഴിലിലും സാമ്പത്തിക കാര്യങ്ങളിലും ജാഗ്രത പുലർത്തണം. സാമ്പത്തിക കാര്യങ്ങളിൽ പ്രത്യേക ജാഗ്രത വേണം. പുതിയ രേഖകളും കരാറുകളും ശ്രദ്ധാപൂർവം പരിശോധിച്ച ശേഷം മാത്രം തീരുമാനങ്ങളെടുക്കുക. തുലാം തുലാം രാശിക്കാർക്ക് ഇന്നത്തെ ദിവസം പുതിയ അവസരങ്ങളുണ്ടാകും. ആത്മവിശ്വാസം വർധിക്കും. സാമ്പത്തികമായി മെച്ചപ്പെട്ട ദിവസം ആയിരിക്കും. ആരോഗ്യം മികച്ചതായിരിക്കും. മികച്ച ആശയവിനിമയത്തിലൂടെ മറ്റുള്ളവരുടെ ശ്രദ്ധ നേടാനാകും. വൃശ്ചികം വൃശ്ചികം രാശിക്കാർക്ക് ഇന്നത്തെ ദിവസം വ്യക്തിപരമായ കാര്യങ്ങളിൽ കൂടുതൽ വ്യക്തത ആവശ്യമായി വന്നേക്കാം. വികാരാധീനമായി പ്രതികരിക്കരുത്. കാര്യങ്ങൾ സംസാരിച്ച് പരിഹാരം കാണാൻ ശ്രമിക്കുക. സാമ്പത്തിക കാര്യങ്ങളിൽ തിടുക്കപ്പെട്ട് തീരുമാനം എടുക്കരുത്. ധനു ധനു രാശിക്കാർക്ക് ഇന്നത്തെ ദിവസം ആത്മവിശ്വാസത്തോടെ മുന്നോട്ട് പോകാനാകും. മുടങ്ങിക്കിടന്ന ജോലികൾ പൂർത്തിയാക്കാനാകും. പുതിയ പദ്ധതികൾ ആരംഭിക്കാനാകും. സാമ്പത്തികമായി അനുകൂല സാഹചര്യം. അപ്രതീക്ഷിത വരുമാനം ലഭിക്കും. ജീവിതത്തിൽ പുരോഗതിയുണ്ടാകും. മകരം മകരം രാശിക്കാർക്ക് ഇന്നത്തെ ദിവസം ഉത്തരവാദിത്തങ്ങൾ വർധിക്കും. ജോലിയിൽ തിരക്ക് വർധിക്കും. എന്നാൽ, പ്രായോഗികമായും ശാന്തമായും കാര്യങ്ങൾ കൈകാര്യം ചെയ്യാൻ ശ്രമിക്കണം. സാമ്പത്തിക ഇടപാടുകളിൽ പ്രത്യേക ജാഗ്രത പുലർത്തണം. കുംഭം കുംഭം രാശിക്കാർക്ക് ഇന്നത്തെ ദിവസം സാമ്പത്തിക കാര്യങ്ങളിൽ പ്രത്യേക ശ്രദ്ധ വേണം. ഇടപാടുകളിലും ചർച്ചകളിലും പെട്ടെന്ന് തീരുമാനം എടുക്കരുത്. പരിചയസമ്പന്നരുടെ അഭിപ്രായം തേടുന്നത് ഗുണം ചെയ്തേക്കും. ക്ഷമയും ആത്മവിശ്വാസവും കൈവിടരുത്. മീനം മീനം രാശിക്കാർക്ക് ഇന്നത്തെ ദിവസം സാമ്പത്തിക കാര്യങ്ങളിലും വ്യക്തിപരമായ കാര്യങ്ങളിലും കൂടുതൽ ശ്രദ്ധ വേണം. ചിലവുകൾ നിയന്ത്രിക്കുക. പ്രധാനപ്പെട്ട തീരുമാനങ്ങൾ തിടുക്കത്തിൽ എടുക്കരുത്. ജ്യോതിഷ പ്രവചന പ്രകാരം മീനം രാശിക്കാർക്ക് ഇന്നത്തെ ദിവസം പഴയ കാര്യങ്ങൾ പുനപരിശോധിക്കുന്നതിനും ആത്മപരിശോധനയ്ക്കും ഈ ദിവസം അനുയോജ്യം. Disclaimer: ഇവിടെ നൽകിയിരിക്കുന്ന വിവരങ്ങൾ വിശ്വാസങ്ങളെയും പൊതുവായ വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS MALAYALAM ഇക്കാര്യങ്ങൾ സ്ഥിരീകരിക്കുന്നില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

DCC Office Attack: തിരുവനന്തപുരം ഡിസിസി ഓഫീസിന് നേരെയുണ്ടായ ആക്രമണത്തിന് പിന്നിൽ ബിജെപി ജില്ലാ സെക്രട്ടറി; നാല് പ്രതികൾ ഒളിവിലെന്ന് പോലീസ്

തിരുവനന്തപുരം: തിരുവനന്തപുരം ഡിസിസി ഓഫീസിന് നേരെ നടന്ന ആക്രമണത്തിന് പിന്നിൽ ബിജെപി തിരുവനന്തപുരം സൌത്ത് ജില്ലാ സെക്രട്ടറി സ്റ്റെഫിൻ സ്റ്റീഫൻറെ നേതൃത്വത്തിലുള്ള ആസൂത്രണമെന്ന് പോലീസ് കണ്ടെത്തൽ. സംഭവത്തിൽ ഉൾപ്പെട്ട അഞ്ചംഗ സംഘത്തിലെ ആറാലംമൂട് സ്വദേശി അഖിലിനെ പോലീസ് അറസ്റ്റ് ചെയ്തെങ്കിലും സ്റ്റെഫിൻ സ്റ്റീഫൻ, പ്രദീപ്, ശ്രീലാൽ എന്നിവർ ഉൾപ്പെടെ നാല് പേർ ഒളിവിലാണ്. മന്ത്രി ഒ.ജെ ജനീഷിനെ നെയ്യാറ്റിൻകരയിൽ തടഞ്ഞതിനെ തുടർന്ന് ഉണ്ടായ തർക്കങ്ങളുടെ തുടർച്ചയായാണ് ഈ ആക്രമണമെന്നാണ് പോലീസ് കരുതുന്നത്. അഞ്ചംഗ സംഘത്തിലെ പ്രദീപും ശ്രീലാലും ചേർന്ന് ഡിസിസി ഓഫീസിന് നേരെ കല്ലെറിയുകയായിരുന്നു. ഇവർ സ്കൂട്ടറിലെത്തിയാണ് ആക്രമണം നടത്തിയത്. ഇതിന് തൊട്ടുപിന്നാലെ ബിജെപി സംസ്ഥാന കമ്മിറ്റി ഓഫീസിന് നേരെയും ആക്രമണമുണ്ടായി. എസ്എഫ്ഐ-യൂത്ത് കോൺഗ്രസ് പ്രവർത്തകർ തമ്മിൽ നഗരത്തിൽ സംഘർഷം നടക്കുന്നതിനിടെ കാറിലും ബൈക്കിലും എത്തിയ സംഘം പോലീസുകാരുടെ സാന്നിധ്യത്തിൽ ബിജെപി ഓഫീസിന് നേരെ കുപ്പിയെറിയുകയായിരുന്നു. സംഭവത്തിൻറെ സിസിടിവി ദൃശ്യങ്ങൾ പുറത്ത് വന്നെങ്കിലും പ്രതികളെ ഇതുവരെ കണ്ടെത്താൻ പോലീസിന് സാധിച്ചിട്ടില്ല. അക്രമ സംഭവങ്ങളുടെ പശ്ചാത്തലത്തിൽ തലസ്ഥാനത്തെ പ്രധാന പാർട്ടി ഓഫീസുകൾക്ക് പോലീസ് കനത്ത സുരക്ഷയാണ് ഏർപ്പെടുത്തിയിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Murder Attempt: ജോലിക്ക് പോകുന്നതിലെ തർക്കത്തെ തുടർന്ന് യുവതിയെ തീകൊളുത്തി കൊല്ലാൻ ശ്രമിച്ച ആൺ സുഹൃത്ത് അറസ്റ്റിൽ

കൊല്ലം: ഇടമുളയ്ക്കൽ കൈപ്പള്ളിയിൽ യുവതിയെ തീകൊളുത്തി കൊലപ്പെടുത്താൻ ശ്രമിച്ച കേസിൽ ആൺ സുഹൃത്ത് അറസ്റ്റിൽ. കല്ലമ്പലം സ്വദേശി റെജിയെ ( 42 ) അഞ്ചൽ പോലീസ് അറസ്റ്റ് ചെയ്തു. സംഭവത്തിൽ ഗുരുതരമായി പരിക്കേറ്റ ലിസി എന്ന യുവതിയെ ആശുപത്രിയിൽ പ്രവേശിപ്പിച്ചു. കഴിഞ്ഞ ഏതാനും മാസങ്ങളായി യുവതിയും പ്രതിയും ഒരുമിച്ചാണ് താമസിച്ചിരുന്നത്. ലിസി ഹോം നഴ്സിങ് ജോലിക്ക് പോകുന്നത് സംബന്ധിച്ച് ഇരുവരും തമ്മിൽ നിരന്തരം തർക്കങ്ങൾ നിലനിന്നിരുന്നു. ജോലിക്ക് പോകുന്നതിൽ റെജി ശക്തമായ എതിർപ്പ് പ്രകടിപ്പിച്ചിരുന്നു. ജോലിക്ക് പോകുന്നതുമായി ബന്ധപ്പെട്ട തർക്കത്തിനിടെ പെയിൻറിങ് തൊഴിലാളിയായ റെജി ലിസിയുടെ ശരീരത്തിൽ തിന്നർ ഒഴിച്ച് തീകൊളുത്തുകയായിരുന്നുവെന്ന് പോലീസ് വ്യക്തമാക്കി. ഗുരുതരമായി പരിക്കേറ്റ യുവതി ചികിത്സയിൽ തുടരുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

NIC Recruitment 2026: നാഷണൽ ഇൻഫർമാറ്റിക്സ് സെൻററിൽ സയൻറഫിക് അസിസ്റ്റൻറ് തസ്തികയിൽ 376 ഒഴിവുകൾ; അപേക്ഷ സമർപ്പിക്കേണ്ടതെങ്ങനെയെന്ന് അറിയാം

കേന്ദ്ര സർക്കാരിൻറെ സാങ്കേതിക സ്ഥാപനമായ നാഷണൽ ഇൻഫർമാറ്റിക്സ് സെൻററിൽ (എൻഐസി) സയൻറിഫിക്/ടെക്നിക്കൽ അസിസ്റ്റൻറ് തസ്തികകളിലേക്ക് അപേക്ഷകൾ ക്ഷണിച്ചു. ആകെ 376 ഒഴിവുകളാണുള്ളത്. പ്രവൃത്തി പരിചയം ഇല്ലാത്ത ബി.ടെക്, എം.എസ്.സി ബിരുദധാരികൾക്ക് നേരിട്ട് അപേക്ഷ സമർപ്പിക്കാവുന്നതാണ്. ഡിജിറ്റൽ ഗവേണൻസ്, സൈബർ സുരക്ഷ, ക്ലൌഡ് കംപ്യൂട്ടിങ്, ഡാറ്റ മാനേജ്മെൻറ് തുടങ്ങിയ മേഖലകളിൽ കേന്ദ്ര സർക്കാർ സേവനങ്ങൾ കൂടുതൽ മെച്ചപ്പെടുത്തുന്നതിനുള്ള പദ്ധതികളുടെ ഭാഗമാകാൻ ഈ അവസരം പ്രയോജനപ്പെടുത്താം. ഒഴിവുകൾ കംപ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജി- 300 ഒഴിവുകൾ. ജനറൽ- 122, ഒബിസി- 81, എസ്.സി- 45, ഇ.ഡബ്ല്യു.എസ്- 30, എസ്.ടി- 22. ഡാറ്റ സയൻസ് ആൻഡ് ആർട്ടിഫിഷ്യൽ ഇൻറലിജൻസ്- 50 ഒഴിവുകൾ. ജനറൽ- 22, ഒ.ബി.സി- 13, എസ്.സി- 3, ഇ.ഡബ്ല്യു.എസ്- 2, എസ്.ടി- 1. ഇലക്ട്രോണിക്സ് ആൻഡ് കമ്മ്യൂണിക്കേഷൻ എഞ്ചിനീയറിങ്- 26 ഒഴിവുകൾ. ജനറൽ- 13, ഒ.ബി.സി- 7, എസ്.സി- 3, ഇ.ഡബ്ല്യു.എസ്- 2, എസ്.ടി- 1. വിദ്യാഭ്യാസ യോഗ്യത ഇന്ത്യൻ പൌരന്മാർക്ക് മാത്രമാണ് അവസരം. ഇലക്ട്രോണിക്സ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ, ടെലികമ്മ്യൂണിക്കേഷൻ, കംപ്യൂട്ടർ സയൻസ്, നെറ്റ് വർക്കിങ് സെക്യൂരിറ്റി, സോഫ്റ്റ്വെയർ സിസ്റ്റം, ഇൻഫർമേഷൻ ടെക്നോളജി, ഇൻഫർമാറ്റിക്സ് അല്ലെങ്കിൽ ഇവയുടെ സംയോജിത വിഷയങ്ങളിൽ ബി.ടെക്/എം.എസ്.സി/തത്തുല്യ ബിരുദമോ എം.സി.എയോ ഉള്ളവർക്ക് അപേക്ഷിക്കാം. കൂടാതെ, ബന്ധപ്പെട്ട വിഷയത്തിൽ 2024, 2025, 2026 വർഷങ്ങളിലെ സാധുവായ ഗേറ്റ് ( GATE ) സ്കോർ ഉണ്ടായിരിക്കണം. പ്രായപരിധി 30-09-2026 തീയതി അടിസ്ഥാനമാക്കി പരമാവധി പ്രായം 30 വയസാണ്. സംവരണ വിഭാഗക്കാർക്ക് പ്രായപരിധിയിൽ ഇളവുണ്ട്. ഒ.ബി.സി- 3 വർഷം, ഭിന്നശേഷിക്കാർ ( ജനറൽ )- 10 വർഷം, ഭിന്നശേഷിക്കാർ ( ജനറൽ )- 13 വർഷം, ഭിന്നശേഷിക്കാർ ( എസ്.സി/എസ്.ടി )- 15 വർഷം. വിമുക്ത ഭടന്മാർക്ക് നിയമാനുസൃത ഇളവ് ലഭിക്കും. തിരഞ്ഞെടുപ്പ് രീതി ഈ തസ്തികകളിലേക്ക് എഴുത്തുപരീക്ഷയോ അഭിമുഖമോ ഉണ്ടായിരിക്കില്ല. 2024, 2025, 2026 വർഷങ്ങളിലെ ഗേറ്റ് സ്കോറിന് തുല്യ പ്രാധാന്യം നൽകി തയ്യാറാക്കുന്ന റാങ്ക് ലിസ്റ്റ് അടിസ്ഥാനമാക്കിയാണ് സെലക്ഷൻ. ലിസ്റ്റിൽ ഉൾപ്പെടുന്നവരുടെ സർട്ടിഫിക്കറ്റ് പരിശോധനയ്ക്ക് ശേഷം നേരിട്ട് നിയമനം നൽകും. ശമ്പളവും ആനുകൂല്യങ്ങളും 35,400 - 1,12,000 ശമ്പള സ്കെയിലിലാണ് നിയമനം. ഡി.എ, എച്ച്.ആർ.എ, സി.സി.എ തുടങ്ങിയ കേന്ദ്ര സർക്കാർ അലവൻസുകളും മെഡിക്കൽ ആനുകൂല്യങ്ങളും ലഭിക്കും. തുടക്കത്തിൽ പ്രതിമാസം ഏകദേശം 65,000 രൂപ വരെ ശമ്പളം പ്രതീക്ഷിക്കാം. അപേക്ഷിക്കേണ്ട വിധം അപേക്ഷാ ഫീസ്- 800 രൂപ. ( വനിതകൾ, എസ്.സി/എസ്.ടി, ഭിന്നശേഷി വിഭാഗക്കാർ എന്നിവർക്ക് ഫീസ് ഇല്ല. ) വെബ്സൈറ്റ്: www.nic.gov.in തുടർ വിവരങ്ങൾക്ക്: www.recruitment.nic.in സഹായത്തിന് ( Help Desk ): helpdesk-nic@nic.in ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Murder Case: ലഹരിക്കച്ചവടത്തെക്കുറിച്ച് പൊലീസിന് വിവരം നല്‍കിയെന്ന് സംശയം; യുവാവിനെ സുഹൃത്തുക്കൾ കൊലപ്പെടുത്തി

ഹൈദരാബാദ്: ലഹരിവിൽപ്പെയക്കുറിച്ച് പോലീസിനെ അറിയിച്ചെന്ന സംശയത്തെ തുടർന്ന് ഹൈദരാബാദിൽ യുവാവിനെ ക്രൂരമായി കൊലപ്പെടുത്തി. ഉപ്പർപള്ളിയിൽ പിവി നരസിംഹറാവു എക്സ്പ്രസ് വേക്ക് സമീപം വ്യാഴാഴ്ച വൈകിട്ടോടെയാണ് 32 വയസുകാരനായ മുഹമ്മദ് വസീം കൊല്ലപ്പെട്ടത്. വസീമിൻറെ സുഹൃത്തുക്കളായ സൊഹൈൽ, ഇല്യാസ് എന്നിവരാണ് ആക്രമത്തിന് പിന്നിലെന്ന് തിരിച്ചറിഞ്ഞിട്ടുണ്ട്. ഒളിവിലുള്ള പ്രതികൾക്കായി പോലീസ് ഊർജിതമായ അന്വേഷണം ആരംഭിച്ചു. നേരത്തെ കഞ്ചാവ് വിൽപ്പന കേസുകളിൽ വസീമും പ്രതികളായ സൊഹൈലും ഇല്യാസും ഒന്നിച്ച് പിടിയിലായിട്ടുണ്ട്. എന്നാൽ തങ്ങളുടെ ലഹരി ഇടപാടുകളെക്കുറിച്ച് വസീം പോലീസിന് വിവരം ചോർത്തി നൽകുന്നുണ്ടെന്ന സംശയം ഇരുവർക്കും ഉണ്ടായിരുന്നു. ഇതേ തുടർന്ന് ആസൂത്രിതമായാണ് ഇരുവരും വസീമിനെ ഉപ്പർപ്പള്ളിയിലേക്ക് വിളിച്ചുവരുത്തിയതെന്ന് രാജേന്ദ്രനഗർ എസിപി ടി.ശ്രീനിവാസ് വ്യക്തമാക്കി. സംഭവസ്ഥലത്തുവച്ചുണ്ടായ രൂക്ഷമായ വാക്കുതർക്കത്തിനൊടുവിൽ പ്രതികൾ വസീമിനെ മർദ്ദിക്കുകയും കയ്യിലുണ്ടായിരുന്ന കത്തി ഉപയോഗിച്ച് ക്രൂരമായി കുത്തികൊലപ്പെടുത്തുകയുമായിരുന്നു. കൂടെയുണ്ടായിരുന്ന മറ്റ് രണ്ട് യുവാക്കൾ തടയാൻ ശ്രമിച്ചെങ്കിലും അക്രമികൾ പിന്മാറിയില്ല. ഗുരുതരമായി പരിക്കേറ്റ വസീമിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആക്രമണത്തിൻറെ ദൃശ്യങ്ങൾ പ്രദേശത്തെ സിസിടിവി ക്യാമറകളിൽ പതിഞ്ഞിട്ടുണ്ട്. സംഭവത്തിൽ കേസെടുത്ത പോലീസ് പ്രതികളെ പിടികൂടാനായി പ്രത്യേക സംഘങ്ങളെ നിയോഗിച്ചു. ഇലക്ട്രോണിക് സൈബർ തെളിവുകളോടൊപ്പം കൂടുതൽ സിസിടിവി ദൃശ്യങ്ങളും പോലീസ് ശേഖരിച്ചുവരികയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Prashant Bhushan: തന്ത്രപ്രധാന സ്ഥാനങ്ങളിൽ നിന്നും വിരമിച്ച ശേഷം റിലയൻസ്, അദാനി ​ഗ്രൂപ്പുകളിലേക്ക്; ചർച്ചയായി പ്രശാന്ത് ഭൂഷൺ ഉന്നയിച്ച ചോദ്യങ്ങൾ

വിരമിച്ച ഉടൻ തന്നെ രാജ്യത്തെ മുൻനിര കോർപ്പറേറ്റ് സ്ഥാപനങ്ങളുടെ ഭരണസമിതികളിൽ ഉന്നത ഉദ്യോഗസ്ഥരും ന്യായാധിപന്മാരും നിയമിതരാകുന്നതിനെച്ചൊല്ലി പ്രമുഖ അഭിഭാഷകൻ പ്രശാന്ത് ഭൂഷൺ ഉന്നയിച്ച ചോദ്യങ്ങൾ ച‍ർച്ചയാകുന്നു. മുൻകാലങ്ങളിൽ ഇത്തരം പ്രമുഖ വ്യവസായ ഗ്രൂപ്പുകളുടെ പ്രവർത്തനങ്ങൾ നിരീക്ഷിക്കുകയും വിലയിരുത്തുകയും ചെയ്തിരുന്ന തന്ത്രപ്രധാന സ്ഥാനങ്ങളിലിരുന്നവരാണ് വിരമിച്ച ശേഷം അതെ കമ്പനികളുടെ തന്നെ ബോർഡ് റൂമുകളിലേക്ക് ചേക്കേറുന്നത് എന്നതാണ് ശ്രദ്ധേയം. സിവിസി, സിഎജി, പ്രമുഖ ബാങ്കുകൾ, പൊതുമേഖലാ സ്ഥാപനങ്ങൾ എന്നിവയുടെ തലവന്മാരും സുപ്രീം കോടതി മുൻ ജഡ്ജിമാരും ഉൾപ്പെടെയുള്ളവർ വിരമിച്ചയുടൻ റിലയൻസ്, അദാനി തുടങ്ങിയ വൻകിട ഗ്രൂപ്പുകളിലേക്ക് ചേക്കേറിയത് താൽപ്പര്യ വൈരുദ്ധ്യം (Conflict of Interest) സൃഷ്ടിക്കുന്നുവെന്ന് പ്രശാന്ത് ഭൂഷൺ ചൂണ്ടിക്കാട്ടുന്നു. ഔദ്യോഗിക പദവിയിലിരിക്കുമ്പോൾ ഈ സ്ഥാപനങ്ങളുമായി ബന്ധപ്പെട്ട തീരുമാനങ്ങൾ എടുക്കേണ്ടിവന്നിരുന്ന ഇവർക്ക്, വിരമിച്ച ശേഷമുള്ള ഇത്തരം നിയമനങ്ങൾ നൽകുന്നത് തടയാൻ കർശന നിരോധനം വേണമെന്നും അദ്ദേഹം ആവശ്യപ്പെടുന്നു. പൊതുമേഖലയിൽ നിന്നും ഭരണനിർവ്വഹണ രംഗത്തുനിന്നും കോർപ്പറേറ്റുകളിലേക്ക് ചേക്കേറിയ പ്രമുഖരുടെ പട്ടികയും അദ്ദേഹം പങ്കുവെച്ചിട്ടുണ്ട്. എസ്ബിഐ മുൻ അധ്യക്ഷ അരുന്ധതി ഭട്ടാചാര്യ, എ.കെ. പുർവാർ, ഐസിഐസിഐ മുൻ മേധാവി കെ.വി. കാമത്ത്, ഇന്ത്യൻ ഓവർസീസ് ബാങ്ക് മുൻ സിഎംഡി നാരേന്ദ്ര മായർപാടി, പെട്രോളിയം മേഖലയിലെ മുൻ ഉന്നതരായ സാർത്ഥക് ബഹുരിയ, സഞ്ജീവ് സിംഗ്, പ്രഭാത് സിംഗ്, സെൻട്രൽ ഇൻഷുറൻസ് മുൻ അധ്യക്ഷൻ ഡി. സെൻഗുപ്ത, ഒഎൻജിസി മുൻ സിഎംഡി ശശി ശങ്കർ, സെയിൽ മുൻ അധ്യക്ഷൻ സുശീൽ കുമാർ റുങ്ത എന്നിവർ റിലയൻസ്, അദാനി ഗ്രൂപ്പുകളുടെ വിവിധ ബോർഡുകളിലും ഉപദേശക സമിതികളിലും ഇടംനേടി. സുപ്രീം കോടതി മുൻ ജഡ്ജി ജസ്റ്റിസ് കൃഷ്ണ മുരാരി, മുൻ വിജിലൻസ് കമ്മീഷണർ കെ.വി. ചൗധരി, മുൻ സിഎജി രാജീവ് മഹർഷി, സെബി മുൻ അധ്യക്ഷൻ യു.കെ. സിൻഹ, ആർബിഐ മുൻ ഡെപ്യൂട്ടി ഗവർണർ എം.കെ. ജെയിൻ തുടങ്ങിയ ഭരണഘടനാ-നിയന്ത്രണ ഏജൻസികളുടെ തലവന്മാരും റിലയൻസ്, അദാനി, എൻഡിടിവി തുടങ്ങിയ പ്രമുഖ സ്ഥാപനങ്ങളിൽ നിർണായക പദവികളിലെത്തി. കൂടാതെ, ആർ.എസ്.സിംഗ് ഗുജറാൾ, ജി.കെ. പിള്ള, മീരാ ശങ്കർ, വി. സുബ്രഹ്മണ്യം, വിജയലക്ഷ്മി ജോഷി, പി.കെ. പൂജാരി, രാജ്കുമാർ ബെനിവാൾ, കെ. ജയരാജ്, ചന്ദ്രാ അയ്യങ്കാർ, ഡോ. അമിയ ചന്ദ്ര, ദീപക് അമിതാഭ്, ഐ.സി.പി. കേശരി, ദിനേഷ് കുമാർ മിത്തൽ, സുനിൽ കുമാർ, അമൻ കുമാർ സിംഗ്, എം.വി. ഭാനുമതി, നീരജ് ബൻസാൽ തുടങ്ങിയ മുൻ മുതിർന്ന ഐഎഎസ്, ഐആർഎസ് ഉദ്യോഗസ്ഥരും നയരൂപീകരണ വിദഗ്ദ്ധരും കോർപ്പറേറ്റ് ബോർഡുകളിലേക്ക് മാറിയവരുടെ നിരയിലുണ്ട്. ഈ സാഹചര്യം ഉദ്യോഗസ്ഥവൃന്ദവും കോർപ്പറേറ്റുകളും തമ്മിലുള്ള അവിശുദ്ധ കൂട്ടുകെട്ടിലേക്ക് വിരൽ ചൂണ്ടുന്നുവെന്നാണ് വിമർശനം ഉയരുന്നത്. വിരമിച്ച ശേഷം വൻ തുകയും പ്രമുഖ പദവികളും ലഭിക്കുമെന്ന പ്രതീക്ഷ, പദവിയിലിരിക്കുമ്പോൾ നിഷ്പക്ഷമായി തീരുമാനങ്ങളെടുക്കാനുള്ള ഇവരുടെ സ്വാതന്ത്ര്യത്തെ ബാധിച്ചേക്കാം. സ്പെക്ട്രം അനുവദിക്കൽ, പരിസ്ഥിതി അനുമതികൾ, നികുതി ഇളവുകൾ, വായ്പ പുനഃക്രമീകരണം, നിയമ തർക്കങ്ങൾ എന്നിവയിലെല്ലാം അന്തിമ തീരുമാനമെടുത്തിരുന്ന ഉദ്യോഗസ്ഥർ വിരമിച്ചയുടൻ സ്വകാര്യ മേഖലയിലേക്ക് മാറുന്നത് ഭരണനിർവ്വഹണത്തിലെ സുതാര്യതയെയും പൊതുജനവിശ്വാസത്തെയും പ്രതികൂലമായി ബാധിക്കുന്നു. അതിനാൽ, ഈ സംഭവം വിരമിക്കലിന് ശേഷം സ്വകാര്യ കമ്പനികളിൽ ജോലിയിൽ പ്രവേശിക്കുന്നതിന് കർശനമായ 'കൂളിംഗ്-ഓഫ് പീരിയഡ്' അല്ലെങ്കിൽ പൂർണ്ണ നിരോധനം വേണമെന്ന ആവശ്യം വീണ്ടും ശക്തമാക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tomin J Thachankary: മുൻ ഡിജിപി ടോമിൻ ജെ. തച്ചങ്കരി ജയിലിലേക്ക്; നാല് വർഷം തടവുശിക്ഷ വിധിച്ചു

കോട്ടയം: അനധികൃത സ്വത്ത് സമ്പാദനക്കേസിൽ മുൻ ഡിജിപി ടോമിൻ ജെ തച്ചങ്കരിക്ക് നാല് വർഷം കഠിന തടവ് വിധിച്ച് കോടതി. കോട്ടയം വിജിലൻസ് കോടതിയാണ് ശിക്ഷ വിധിച്ചത്. നാല് വർഷം കഠിന തടവും 30.84 ലക്ഷം രൂപ പിഴയുമാണ് കോടതി ശിക്ഷ വിധിച്ചത്.

Bihar Teacher Recruitment: ബിഹാറിൽ അധ്യാപക തസ്തികയിൽ 32,388 ഒഴിവുകൾ; ഏത് സംസ്ഥാനത്തുള്ളവർക്കും അപേക്ഷിക്കാം

ബിഹാർ ലോക് സേവ ആയോഗ് (ബി പി എസ് സി) വിവിധ സ്കൂളുകളിൽ ഒന്ന് മുതൽ പന്ത്രണ്ട് വരെയുള്ള ക്ലാസുകളിലേക്ക് അധ്യാപകരെ നിയമിക്കുന്നു. ആകെ 32,388 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. കേരളം ഉൾപ്പെടെയുള്ള മറ്റ് സംസ്ഥാനങ്ങളിലെ ഉദ്യോഗാർഥികൾക്കും ഈ തസ്തികകളിലേക്ക് അപേക്ഷിക്കാനാകും. ഓൺലൈൻ രജിസ്ട്രേഷൻ നടപടികൾ സെപ്തംബർ 30ന് അവസാനിക്കും.

Kanpur Murder Case: 'പാർട്ടികൾക്ക് പോകുന്നതിന് വിലക്ക്, ചെറിയ ആവശ്യങ്ങൾക്ക് പോലും പണം ചോദിക്കണം'; ഭ‍‍ർതൃപിതാവിനെ കൊലപ്പെടുത്താൻ ക്വട്ടേഷൻ നൽകി മരുമകൾ

കാൺപൂ‍ർ: ഉത്തർപ്രദേശിലെ കാൺപൂരിൽ ഭ‍ർതൃപിതാവിനെ കൊല്ലാൻ ക്വട്ടേഷൻ നൽകി മരുമകൾ. വ്യാപാരിയായ 63കാരൻ വിനീത് മിനോച്ചയാണ് വീടിനുള്ളിൽ വച്ച് കുത്തേറ്റ് കൊല്ലപ്പെട്ടത്. സിസിടിവി ക്യാമറകൾ വഴിയുള്ള നിരന്തര നിരീക്ഷണം, പാ‍ർട്ടികളിൽ പങ്കെടുക്കുന്നതിന് വിലക്ക്, ചെറിയ ആവശ്യങ്ങൾക്കുള്ള പണം പോലും ചോദിക്കേണ്ടി വരുന്നത് എന്നിവയെ തുടർന്നുള്ള കടുത്ത ഭിന്നതയാണ് കൊലപാതകത്തിലേക്ക് നയിച്ചതെന്നാണ് പോലീസ് വ്യക്തമാക്കുന്നത്. മരുന്ന് വ്യാപാരിയായ വിനീത് മിനോച്ചയെ മുൻപ് വീട്ടിൽ ജോലി ചെയ്തിരുന്ന തൊഴിലാളികൾക്ക് ക്വട്ടേഷൻ നൽകിയാണ് മരുമകൾ കൊലപ്പെടുത്തിയത്. വിനീത് മിനോച്ചയുടെ ശരീരത്തിൽ 26 കുത്തുകളാണ് ഏറ്റിരുന്നത്. ശനിയാഴ്ച രാത്രിയാണ് കേസിന് ആസ്പദമായ സംഭവങ്ങൾ നടന്നത്. കാൺപൂരിലെ മരുന്ന് വ്യാപാരിയായ വിനീത് മിനോച്ചയെ വീടിനുള്ളിൽ കുത്തേറ്റ് കൊല്ലപ്പെട്ട നിലയിൽ കണ്ടെത്തുകയായിരുന്നു. പ്രദേശത്തെ സിസിടിവി ദൃശ്യങ്ങൾ പരിശോധിച്ച അന്വേഷണ സംഘം ഇവരുടെ വീട്ടിൽ മുൻപ് ജോലി ചെയ്തിരുന്ന വിശാൽ (30), ഇയാളുടെ സഹായി രാജ് കിഷോ‍ർ എന്നിവരെ പിടികൂടി. ഇവരെ ചോദ്യം ചെയ്തതിൽ നിന്നാണ് 36കാരിയായ ഷാലുവിലേക്ക് അന്വേഷണം എത്തിയത്. ഷാലു പണം നൽകിയാണ് തനിക്ക് കൊലപാതകത്തിന് ക്വട്ടേഷൻ നൽകിയതെന്ന് വിശാൽ മൊഴി നൽകി. ആദ്യം കുറ്റം നിഷേധിച്ച ഷാലു വിശദമായ ചോദ്യം ചെയ്യലിൽ കുറ്റം സമ്മതിച്ചു. ഭ‍ർതൃപിതാവ് വീട്ടിലെ ഓരോ കാര്യങ്ങളും സിസിടിവി വഴി സദാ നിരീക്ഷിച്ചിരുന്നതായും വൈകിട്ടുള്ള പാർട്ടികളിൽ പങ്കെടുക്കുന്നത് വിലക്കിയിരുന്നതായും ഷാലു പോലീസിനോട് പറഞ്ഞു. ധനിക കുടുംബമായിരുന്നിട്ടും വീട്ടുചിലവുകളിലോ സാമ്പത്തിക കാര്യങ്ങളിലോ തനിക്ക് യാതൊരു സ്വാതന്ത്ര്യവും ഇല്ലായിരുന്നുവെന്നും തനിക്കും ഭ‍ർത്താവിനും ആവശ്യമായ ചെറിയ കാര്യങ്ങൾക്ക് പോലും ഭ‍‍ർതൃപിതാവിനോട് പണം ചോദിക്കേണ്ട അവസ്ഥയായിരുന്നുവെന്നും ഷാലു പോലീസിന് നൽകിയ മൊഴിയിൽ പറയുന്നു. ജൂലൈ 28ന് രാത്രി വൈകി പാർട്ടി കഴിഞ്ഞെത്തിയ ഷാലുവും വിനീത് മിനോച്ചയും തമ്മിൽ വാക്കുത‍‍ർക്കമുണ്ടായി. ഇതാണ് കൊലപാതകം ആസൂത്രണം ചെയ്യുന്നതിലേക്ക് നയിച്ചതെന്നാണ് പോലീസ് നിഗമനം. ഭ‍ർതൃപിതാവിനെ വധിക്കാൻ ആറ് ലക്ഷം രൂപയ്ക്കാണ് ഷാലു ക്വട്ടേഷൻ നൽകിയത്. ഇതിൽ രണ്ട് ലക്ഷം രൂപ സെപ്തംബ‍ർ ആറിനും ബാക്കി നാല് ലക്ഷം രൂപ 15 ദിവസത്തിന് ശേഷവും നൽകാമെന്നായിരുന്നു ധാരണ. കൊല നടത്തുന്നതിനായി വീടിന്റെ വ്യാജ താക്കോലും നിർമിച്ച് വിശാലിന് കൈമാറിയിരുന്നു. സെപ്തംബ‍ർ നാലിന് ജന്മാഷ്ടമി ആഘോഷത്തിനിടെ ചില സാധനങ്ങൾ നൽകാനെന്ന വ്യാജേന വിശാലിനെ വീട്ടിലേക്ക് വരുത്തിയാണ് കൊലപാതകം നടത്താനുള്ള പദ്ധതിക്ക് അന്തിമരൂപം നൽകിയത്. ശനിയാഴ്ച രാത്രി ഷാലു ഭ‍ർത്താവ് സുബ്രതിനും കുട്ടിക്കും ഒപ്പം ഒരു പാർട്ടിയിൽ പങ്കെടുക്കാൻ പുറത്ത് പോയിരിക്കുകയായിരുന്നു. ഈ സമയത്താണ് കൊല നടത്തുന്നതിനായി വിശാലും രാജ് കിഷോറും വീട്ടിലെത്തിയത്. മിനോച്ചയെ തലയിണ ഉപയോഗിച്ച് ശ്വാസം മുട്ടിച്ച് കൊലപ്പെടുത്തി ഹൃദയാഘാതമാണെന്ന് വരുത്തിത്തീ‍ർക്കാനായിരുന്നു പദ്ധതി തയ്യാറാക്കിയത്. എന്നാൽ, മകന്റെ കിടപ്പുമുറിയിൽ ഒളിച്ചിരിക്കുകയായിരുന്ന അക്രമികളുടെ മുന്നിലേക്ക് മിനോച്ച അപ്രതീക്ഷിതമായി കടന്നുവന്നതോടെ ഇരുവരും കയ്യിൽ കരുതിയ കത്തികൾ ഉപയോഗിച്ച് കുത്തിക്കൊലപ്പെടുത്തുകയായിരുന്നു. പാ‍ർട്ടി കഴിഞ്ഞ് രാത്രി മൂന്ന് മണിയോടെ തിരിച്ചെത്തിയ ഷാലുവും ഭ‍ർത്താവുമാണ് കിടപ്പുമുറിയിൽ രക്തത്തിൽ കുളിച്ച് കിടക്കുന്ന മിനോച്ചയെ കണ്ട് പോലീസിൽ വിവരം അറിയിച്ചത്. വീട്ടിലെ സ്വ‍ർണമോ മറ്റ് വിലപിടിപ്പുള്ള വസ്തുക്കളോ നഷ്ടപ്പെട്ടിട്ടില്ലെന്ന് പരിശോധനയിൽ വ്യക്തമായതോടെ ഇത് മോഷണശ്രമമല്ലെന്നും വ്യക്തിവൈരാഗ്യമാണ് കൊലയ്ക്ക് പിന്നിലെന്നും പോലീസ് ഉറപ്പിച്ചിരുന്നു. ഷാലുവിന്റെ ഭർത്താവ് സുബ്രതിന് കൊലപാതകത്തിൽ ഏതെങ്കിലും തരത്തിലുള്ള പങ്കോ ഗൂഢാലോചനയെക്കുറിച്ച് അറിവോ ഉണ്ടായിരുന്നോയെന്ന് കണ്ടെത്താനായി ഇയാളുടെ ഫോൺ ഉൾപ്പെടെ പോലീസ് പരിശോധിച്ച് വരികയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Summer Health Tips: കടുത്ത ചൂടിനെ കൂളായി നേരിടാം! ഈ അഞ്ച് പാനീയങ്ങൾ മികച്ചത്

Job Vacancy: കർണാടക സ്കൂൾ അധ്യാപക നിയമനം; 15,000 ഒഴിവുകളിലേക്ക് അപേക്ഷ ക്ഷണിച്ചു

കർണാടകയിലെ സർക്കാർ പ്രൈമറി ഹൈസ്കൂളുകളിലേക്ക് വിവിധ തസ്തികകളിലായി 15,000 അധ്യാപക ഒഴിവുകളിലേക്ക് അപേക്ഷ ക്ഷണിച്ചു. പൊതു വിദ്യാഭ്യാസ വകുപ്പ് നടത്തുന്ന ഈ റിക്രൂട്ട്മെൻറിൽ ഗ്രാജ്വേറ്റ് പ്രൈമറി സ്കൂൾ ടീച്ചർ, അസിസ്റ്റൻറ് ടീച്ചർ, പ്രൈമറി സ്കൂൾ ടീച്ചർ, ഫിസിക്കൽ എഡ്യൂക്കേഷൻ ടീച്ചർ, കംപ്യൂട്ടർ സയൻസ് ടീച്ചർ എന്നീ തസ്തികകളിലേക്കാണ് അവസരം. താത്പര്യമുള്ള ഉദ്യോഗാർഥികൾക്ക് സെപ്തംബർ 15 വരെ ഓൺലൈനായി അപേക്ഷ സമർപ്പിക്കാം. ഒഴിവുകൾ ആകെ പ്രഖ്യാപിച്ചിട്ടുള്ള ഒഴിവുകളിൽ 8,500ഉം ഗ്രാജ്വേറ്റ് പ്രൈമറി സ്കൂൾ അധ്യാപക തസ്തികകളിലേക്കാണ്. തസ്തികകളെ കല്യാണ കർണാടക (ബിദാർ, കലബുറഗി, റായ്ച്ചൂർ, യാഡ്ഗിർ, ബെല്ലാരി, വിജയനഗരം, കൊപ്പൽ എന്നീ ഏഴ് ജില്ലകൾ). മറ്റ് എല്ലാ ജില്ലകളും കല്യാണേതര കർണാടക എന്നിങ്ങനെ രണ്ട് മേഖലകളായി തിരിച്ചാണ് വിജ്ഞാപനം പുറത്തിറക്കിയിരിക്കുന്നത്. ഗ്രാജ്വേറ്റ് പ്രൈമറി ടീച്ചർ- കല്യാണ കർണാടക- 3,228. കല്യാണേതര കർണാടക- 5,272. അസിസ്റ്റൻറ് ടീച്ചർ- കല്യാണ കർണാടക- 2,214. കല്യാണേതര കർണാടക- 2,286. പ്രൈമറി സ്കൂൾ ടീച്ചർ- കല്യാണ കർണാടക- 800. കല്യാണേതര കർണാടക- 100. ഫിസിക്കൽ എഡ്യൂക്കേഷൻ ടീച്ചർ- കല്യാണ കർണാടക- 425. കല്യാണേതര കർണാടക- 175. കമ്പ്യൂട്ടർ സയൻസ് ടീച്ചർ- കല്യാണ കർണാടക- 300. കല്യാണേതര കർണാടക- 200. ഇംഗ്ലീഷ്, കന്നഡ, മാത്തമാറ്റിക്സ് ആൻഡ് സയൻസ്, സോഷ്യൽ സ്റ്റഡീസ് ബയോളജിക്കൽ സയൻസ് തുടങ്ങിയ വിഷയങ്ങൾ അടിസ്ഥാനമാക്കിയാണ് അധ്യാപക നിയമനം. വിദ്യാഭ്യാസ യോഗ്യത പന്ത്രണ്ടാം ക്ലാസ്/പിയുസി/ഡിപ്ലോമ അല്ലെങ്കിൽ ബിരുദമാണ് അടിസ്ഥാന യോഗ്യത. തസ്തികകൾക്കും വിഷയങ്ങൾക്കും അനുസരിച്ച് ഡിഎൽഎഡ്, ബിഎഡ്, കർണാടക ടെറ്റ്, അല്ലെങ്കിൽ സി ടെറ്റ് എന്നീ അനുബന്ധ യോഗ്യതകളും ഉണ്ടായിരിക്കണം. തിരഞ്ഞെടുപ്പ് പ്രക്രിയ പരീക്ഷ തിയതി കർണാടക സ്കൂൾ വിദ്യാഭ്യാസ വകുപ്പ് ഇതുവരെ പുറത്തുവിട്ടിട്ടില്ല. എഴുത്തുപരീക്ഷയിലൂടെയോ അല്ലെങ്കിൽ യോഗ്യതാ പരീക്ഷയിലെ മാർക്ക് അടിസ്ഥാനമാക്കിയിട്ടുള്ള മെറിറ്റ് വഴിയോ ആകാം തിരഞ്ഞെടുപ്പ്. എഴുത്തുപരീക്ഷ നടക്കുകയാണെങ്കിൽ അതിൻറെ ഘടനയും തീയതിയും ഔദ്യോഗിക വെബ്സൈറ്റിലൂടെ പരീക്ഷാ ബോർഡ് അറിയിക്കും. ഉദ്യോഗാർഥികൾക്ക് വിശദ വിവരങ്ങൾ അറിയാൻ ഔദ്യോഗിക വെബ്സൈറ്റ് കൃത്യമായി സന്ദർശിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

VD Satheesan: 'പ്രതികരണം കുരുടൻ ആനയെ തൊട്ടതുപോലെ'; മുഖ്യന്ത്രി വിഡി സതീശനെ രൂക്ഷമായി വിമ‍‍ർശിച്ച് സമസ്ത മുഖപത്രം

തിരുവനന്തപുരം: മുഖ്യമന്ത്രി വിഡി സതീശൻ കാന്തപുരം എപി അബൂബക്കർ മുസ്ലിയാർക്കെതിരെ നടത്തിയ പരാമർശങ്ങളിൽ രൂക്ഷ വിമർശനവുമായി സമസ്തയുടെ മുഖപത്രം. മര്യാദയ്ക്ക് സംസാരിക്കണം എന്ന തലക്കെട്ടിൽ പുറത്തിറക്കിയ എഡിറ്റോറിയലിലൂടെയാണ് മുഖ്യമന്ത്രിയുടെ രാഷ്ട്രീയ നിലപാടുകളെ ശക്തമായി വിമർശിക്കുന്നത്. കാന്തപുരത്തിനെതിരായ പ്രസ്താവന കേവലം യാദൃശ്ചികമല്ലെന്നും ചില പ്രത്യേക വോട്ട് ബാങ്കുകളെ പ്രീതിപ്പെടുത്താനും സ്വന്തം പ്രതിച്ഛായ മെച്ചപ്പെടുത്താനുമുള്ള ബോധപൂർവ്വമായ ശ്രമത്തിൻറെ ഭാഗമാണെന്നും ലേഖനത്തിൽ ആരോപിക്കുന്നു. നേരത്തെ ശബരിമലയിലെ യുവതീപ്രവേശന വിഷയത്തിൽ എടുത്ത നിലപാടുകൾക്ക് വിപരീതമായി ഇപ്പോൾ സ്ത്രീ സ്വാതന്ത്ര്യത്തെക്കുറിച്ച് സംസാരിക്കുന്നത് തികഞ്ഞ രാഷ്ട്രീയ നാടകമാണെന്നാണ് പത്രത്തിലെ വിമർശനം. സതീശൻറെ രാഷ്ട്രീയ നിലപാടുകൾക്ക് കുരുടൻ ആനയെ കണ്ടതുപോലുള്ള അപക്വതയാണുള്ളതെന്ന് മുഖപത്രത്തിൽ വിമർശിക്കുന്നു. മുനമ്പം വഖഫ് വിഷയത്തിലും കേന്ദ്രത്തിൻറെ പിഎം ശ്രീ പദ്ധതി നടപ്പാക്കുന്നതിലും മുഖ്യമന്ത്രി സ്വീകരിച്ച നിലപാട് അദ്ദേഹത്തിൻറെ രാഷ്ട്രീയ അജണ്ട വെളിവാക്കുന്നു. വലിയ വായനാശീലത്തെക്കുറിച്ച് സംസാരിക്കാറുള്ള സതീശൻ ഇതുവരെ ഒരു നോവൽ പോലും എഴുതിയിട്ടില്ലെന്നും എന്നാൽ വലിയ അവകാശ വാദങ്ങളൊന്നും ഇല്ലാത്ത രമേശ് ചെന്നിത്തല പോലും സാഹിത്യരചനകൾ നടത്തിയിട്ടുണ്ടെന്നും എഡിറ്റോറിയൽ പരിഹസിക്കുന്നു. ഇത്തരം ഏകപക്ഷീയവും അപക്വവുമായ നിലപാടുകൾ വിഡി സതീശൻ തിരുത്തണമെന്നാണ് സമസ്ത മുഖപത്രം വ്യക്തമാക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.