High Court of Kerala: അതിജീവിതയ്ക്ക് ഗർഭച്ഛിദ്രത്തിന് അനുമതി നൽകി ഹൈക്കോടതി; ഉത്തരവ് മാനസികാഘാതം കണക്കിലെടുത്ത്

കൊച്ചി: ലൈംഗിക അതിക്രമത്തിന് ഇരയായ അതിജീവിതയുടെ ഗർഭം അലസിപ്പിക്കാൻ അനുമതി നൽകി ഹൈക്കോടതി. 16 കാരിയുടെ 27 ആഴ്ചയായ ഗർഭം അലസിപ്പിക്കാൻ ജസ്റ്റിസ് ഹരിശങ്കർ വി. മേനോന്‍ ഉത്തരവിട്ടു. പെൺകുട്ടിയുടെ അമ്മയാണ് അതിജീവിതയുടെ മാനസികാഘാതം ചൂണ്ടിക്കാടി കോടതിയിൽ ഹർജി നൽകിയത്. കോടതി നിർദേശപ്രകാരം രൂപീകരിച്ച മെഡിക്കൽ ബോർ‍ഡ് ഒക്ടോബർ 14-ന് സമർപ്പിച്ച റിപ്പോർട്ടിൽ അതിജീവിതയുടെ ഗർഭം അലസിപ്പിക്കാമെന്ന് ശുപാർശ ചെയ്തിരുന്നു. ഗർഭം തുടരാൻ താൽപ്പര്യമില്ലെന്ന പെൺകുട്ടിയുടെയും അമ്മയുടെയും നിലപാട് അംഗീകരിച്ച കോടതി ഇരുവരുടെയും രേഖാമൂലമുള്ള സമ്മതപത്രം വാങ്ങാൻ നിർദേശിച്ചു. ആവശ്യമായ നടപടികൾ യാതൊരു കാലതാമസമില്ലാതെ സ്വീകരിക്കാൻ സംസ്ഥാന സർക്കാരിന് കോടതി നിർദേശം നൽകി. അതേസമയം ഗർഭം അലസിപ്പിക്കൽ നടപടിക്കിടെ കുഞ്ഞ് ജീവനോടെ പുറത്തുവരുന്ന സാഹചര്യമുണ്ടായാൽ ആവശ്യമായ പരിചരണവും ചികിത്സയും ഉറപ്പാക്കണമെന്നും കോടതി വ്യക്തമാക്കി. 24 ആഴ്ച കഴിഞ്ഞുള്ള ഗർഭം അലസിപ്പിക്കാൻ സാധാരണയായി നിയമപരമായി നേരിട്ട് ചെയ്യാൻ കഴിയില്ല. എന്നാൽ ഭ്രൂണത്തിന് ഗുരുതരമായ തകരാറുകൾ ഉള്ളപ്പോഴോ, ഗർഭാവസ്ഥ തുടരുന്നത് അമ്മയുടെ ജീവന് ഭീഷണിയാകുമ്പോഴോ അല്ലെങ്കിൽ ഇതുപോലുള്ള അതിക്രമങ്ങളെ അതിജീവിച്ചവർക്ക് കടുത്ത മാനസികാഘാതം ഉണ്ടാക്കുന്ന സാഹചര്യത്തിലാണ് മെഡിക്കൽ ബോർഡിന്റെ പരിശോധനയും ശുപാർശയും തേടാറുള്ളത്. 24 ആഴ്ച കഴിഞ്ഞ കേസുകളിൽ അന്തിമ അനുമതിക്കായി ഹൈക്കോടതിയെ (ആർട്ടിക്കിൾ 226 പ്രകാരം) അല്ലെങ്കിൽ സുപ്രീം കോടതിയെ (ആർട്ടിക്കിൾ 32 പ്രകാരം) സമീപിക്കേണ്ടതുണ്ട്. മെഡിക്കൽ ബോർഡ് നൽകുന്ന റിപ്പോർട്ടും അതിജീവിതയുടെ മാനസികവും ശാരീരികവുമായ അവസ്ഥയും വിലയിരുത്തിയാണ് കോടതികൾ ഇത്തരം കേസുകളിൽ അന്തിമ ഉത്തരവ് പുറപ്പെടുവിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Updates: കേരളത്തിൽ തീവ്രമഴ തുടരും; ഇന്ന് 10 ജില്ലകളിൽ ഓറഞ്ച് അലർട്ട്, ജാ​ഗ്രത നിർദ്ദേശം

തിരുവനന്തപുരം: സംസ്ഥാനത്ത് തീവ്രമഴ തുടരുമെന്ന് കാലാവസ്ഥ വകുപ്പിന്റെ മുന്നറിയിപ്പ്. 10 ജില്ലകളിൽ ഓറഞ്ച് അലർട്ടാണ് പ്രഖ്യാപിച്ചിരിക്കുന്നത്. കാസർകോട്, കണ്ണൂർ, കോഴിക്കോട്, വയനാട്, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലകളിലാണ് തീവ്ര മഴ മുന്നറിയിപ്പുള്ളത്. മറ്റ് നാല് ജില്ലകളിൽ യെല്ലോ അലർട്ടാണ് പ്രഖ്യാപിച്ചിരിക്കുന്നത്. മധ്യ, തെക്കൻ കേരളത്തിലെ പത്ത് ജില്ലകളിൽ നാളെയും മറ്റന്നാളും ഓറഞ്ച് അലർട്ടായിരിക്കും. ചൊവ്വാഴ്ചയോടെ മഴയുടെ ശക്തി കുറയാൻ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു. ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടതാണ് മഴ ശക്തമാകാൻ കാരണമായിരിക്കുന്നത്. കേരള - കർണാടക - ലക്ഷദ്വീപ് തീരങ്ങളിൽ ഇന്ന് മുതൽ ഒക്ടോബർ 26 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. കൂടാതെ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പുണ്ട്. കള്ളക്കടൽ ജാഗ്രത നിർദേശം കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം (കാപ്പിൽ മുതൽ പൊഴിയൂർ വരെ) ജില്ലയിലെ തീരങ്ങളിൽ നാളെ രാത്രി 11.30 വരെ 0.8 മുതൽ 1.4 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു. കള്ളക്കടൽ പ്രതിഭാസത്തിന്റെ ഭാഗമായി കന്യാകുമാരി തീരത്ത് നാളെ വൈകുന്നേരം 05.30 വരെ 0.9 മുതൽ 1.4 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കുക. 1. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം. 2. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കേണ്ടതാണ്. 3. കള്ളക്കടൽ പ്രതിഭാസത്തിനും ഉയർന്ന തിരമാലക്കും സാധ്യതയുള്ള ഘട്ടത്തിൽ കടലിലേക്ക് മത്സ്യബന്ധന യാനങ്ങൾ ഇറക്കുന്നത് പോലെ തന്നെ അപകടകരമാണ് കരക്കടുപ്പിക്കുന്നതും. ആയതിനാൽ തിരമാല ശക്തിപ്പെടുന്ന ഘട്ടത്തിൽ കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കേണ്ടതാണ്. 4. INCOIS മുന്നറിയിപ്പ് പിൻവലിക്കുന്നത് വരെ ബീച്ചുകൾ കേന്ദ്രീകരിച്ചുള്ള വിനോദസഞ്ചാരമുൾപ്പെടെയുള്ള എല്ലാ പ്രവർത്തനങ്ങളും പൂർണ്ണമായി ഒഴിവാക്കേണ്ടതാണ് 5. മൽസ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. 6. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക. 7. തീരശോഷണത്തിനു സാധ്യതയുള്ളതിനാൽ പ്രത്യേകം ജാഗ്രത പുലർത്തുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kochi Synagogue Arson Case: എബിനെതിരെ യുപിഎ ചുമത്തി; അനേഷണം NIA ഏറ്റെടുക്കും!

കൊച്ചി: സിനഗോഗിന് മുന്നിൽ തീയിട്ട കേസിൽ അറസ്റ്റിലായ പ്രതി എബിൻ പോളിനെതിരെ യുപിഎ ചുമത്തി അന്വേഷണ സംഘം. കേസ് എൻഐഎ ഏറ്റെടുക്കുമെന്നാണ് കൊച്ചി സിറ്റി പോലീസ് കമ്മീഷണർ പറയുന്നത്. സംഭവത്തിൽ ഗൂഡാലോചനയുണ്ടെന്നും അതിൽ വിശദമായ അന്വേഷണം നടത്തേണ്ടതുണെന്നും സംഭവത്തിന് പിന്നിൽ കൂടുതൽപേർ ഉണ്ടോയെന്ന് സംശയമുണ്ടെന്നും കൊച്ചി സിറ്റി പോലീസ് മാക്കീശനാർ കാളിരാജ് മഹേഷ് കുമാർ പറഞ്ഞു. എബിനെതിരെ യുഎപിഎയിലെ 16.18 വകുപ്പുകൾ ചുമത്തിയിട്ടുണ്ട്. ഇയാൾക്കെതിരെ ഇന്ത്യയുടെ ഐക്യം തകർക്കാൻ ലക്ഷ്യമിട്ടുള്ള അക്രമം, ഭീകര പ്രവർത്തനങ്ങൾക്ക് വേണ്ടിയുള്ള ആസൂത്രണങ്ങളും ഗൂഢാലോചനയും തടുങ്ങി നിരവധി കുറ്റങ്ങളാണ് ചുമത്തുന്നത്. എബിനെ കുറിച്ചു കൂടുതൽ അറിയാനായി കഴിഞ്ഞ ദിവസം അന്വേഷണ സംഘം ഇയാൾ പഠിചിരുന്ന പൂനെയിലെ വിദ്യാഭാസ സ്ഥാപനങ്ങൾ സന്ദർശിച്ചിരുന്നു. സംഭവത്തിന് ഗൗരവം ഏറിയത് സിനഗോഗിന് മുന്നിലെ തീവെപ്പ് വിഷയത്തിന് മുന്നേ മൂവാറ്റുപുഴയിലെ ഒരു യൂസ്ഡ് കാർ ഷോറൂമിനും ഒഴിഞ്ഞുകിടന്ന വീടിന് തീവെച്ചതിന് പിന്നിലും എബിനാണ് എന്നത് അന്വേഷണ സംഘം കണ്ടെത്തിയതിനെ തടുർന്നാണ്. ഇതിനു ശേഷമാണ് കേസിൽ കർശന വകുപ്പുകൾ ചുമത്താൻ അന്വേഷണ സംഘം തീരുമാനിച്ചത്. സംഭവത്തിൽ അറസ്റ്റു ചെയ്ത എബിനെ ചോദ്യം ചെയ്തതിൽ നിന്നും ബോസ് എന്ന് വിളിക്കുന്ന വ്യക്തയുടെ നിർദ്ദേശപ്രകാരമാണ് താൻ കൃത്യങ്ങളെല്ലാം നിർവഹിച്ചതെന്ന് എബിൻ പോലിസിനോട് മൊഴി നൽകിയിരുന്നു. പക്ഷെ ഈ ബോസ് ആരാണെന്ന് ഇതുവരെ വ്യക്തമായിട്ടില്ല. തനിക്ക് നിർദ്ദേശം നൽകിയത് വിക്രം എന്ന ആളാണെന്നാണ് എബിൻ മൊഴി നൽകിയത് ഇയാൾ വിദേശത്തുനിന്നുള്ള ആരെങ്കിലും ആണോയെന്നും പോലീസ് പരിശോധിക്കുന്നുണ്ട്. അറസ്റ്റിലായ എബിൻ പോൾ നിലവിൽ ജുഡീഷ്യൽ കസ്റ്റഡിയിലാണ്. കൂടുതൽ ചോദ്യം ചെയ്യലിനായി വീണ്ടും കസ്റ്റഡിയിൽ അന്വേഷണ സംഘം വാങ്ങിയേക്കുമെന്നും റിപ്പോർട്ടുണ്ട്. പോലീസ് നിലവിൽ അന്വേഷണം നടത്തുന്നത് പ്രതിയുടെ മൊബൈൽ ഫോൺ കേന്ദ്രീകരിച്ചാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Gold Rate Today: ഈ മാസത്തെ ഏറ്റവും കുറഞ്ഞ വിലയിൽ സ്വർണ്ണം; ഇന്ന് ഇടിഞ്ഞത് 1400 രൂപ

Kozhikode Accident: ആംബുലൻസിൽ ബൈക്കിടിച്ച് യുവാവിന് ദാരുണാന്ത്യം; സംഭവം കോഴിക്കോട്

കോഴിക്കോട്: ആംബുലൻസിൽ ബൈക്കിടിച്ച് യുവാവിന് ദാരുണാന്ത്യം. മരിച്ചത് പുതുപ്പാടി സ്വദേശി സുബൈർ ആണ്. അപകടം ഉണ്ടായത് ഇന്ന് പുലർച്ചയോടെ ആയിരുന്നു. അപകടത്തിൽ ആംബുലൻസ് ഡ്രൈവർക്കും പരിക്കേറ്റിട്ടുണ്ട്. ഒപ്പം നഴ്സിനും രോഗിക്കും പരിക്കേറ്റിട്ടുണ്ട്. അപകടത്തെ തുടർന്ന് ആംബുലൻസിന്റെ നിയന്ത്രണം വിടുകയൂം സമീപത്തുള്ള പോസ്റ്റിലേക്ക് ഇടിച്ചു കയറുകയുമുണ്ടായി. മരിച്ച സുബൈർ സഞ്ചരിച്ചിരുന്ന ബൈക്ക് പൂർണമായും തകർന്നിരുന്നു. തിരുവമ്പാടി ലിസി ആശുപത്രീയിൽ ഹൃദയാഘാതത്തെ തുടർന്ന് ചികിത്സയ്‌ക്കെത്തിയ രോഗിയെ നഗരത്തിലെ ആശുപത്രിയിലേക്ക് മാറ്റുന്നതിനുള്ള ഓട്ടത്തിനിടയിലാണ് ആംബുലൻസ് അപകടത്തില്പെടുന്നത്. രണ്ടു ദിവസം മുൻപ് കോഴിക്കോട് നടുവണ്ണൂരിൽ പിക്കപ്പ് വാൻ മറിഞ്ഞുണ്ടായ അപകടത്തിൽ പിക്കപ്പ് വാൻ ഡ്രൈവർ മുഹമ്മദ് ഷഹീന് ഗുരുതരമായി പരിക്കേറ്റിരുന്നു. കോഴിക്കോട് നടുവണ്ണൂർ ജവാൻ ഷൈജു സ്മാരക ബസ് കാത്തിരിപ്പ് കേന്ദ്രത്തിന് അടുത്ത് വച്ചായിരുന്നു അപകടമുണ്ടായത്. മലപ്പുറത്ത് നിന്ന് നടുവണ്ണൂർ വെള്ളോട്ടങ്ങാടിയിലേക്ക് പച്ചക്കറിയുമായ പോയ പിക്കപ്പ് വാനായിരുന്നു അപകടത്തിൽപ്പെട്ടത്. സംസ്ഥാനപാതയിലെ കൈവരിയിൽ ഇടിച്ച് വാഹനം തൊട്ടടുത്തുള്ള പറമ്പിലേക്ക് മറിയുകയായിരുന്നു എന്നാണ് റിപ്പോർട്ട്. അപകട കാരണം ഡ്രൈവർ ഉറങ്ങിപ്പോയതാണ് എന്നാണ് റിപ്പോർട്ട്. അപകടത്തെ തുടർന്ന് മുഹമ്മദ് ഷഹീൻ വാഹനത്തിനുള്ളിൽ കുടുങ്ങിപ്പോയിരുന്നു തുടർന്ന് വാഹനം വെട്ടിപ്പൊളിച്ചാണ് പുറത്തെടുത്തത്. പരിക്കേറ്റ ഷഹീനെ ആദ്യം സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമായതിനാൽ പിന്നീട് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Weather Updates: സംസ്ഥാനത്ത് അതിശക്തമായ മഴ; 9 ഇടത്ത് ഓറഞ്ച് അലർട്ട്, 7 ജില്ലകളിൽ യെല്ലോ അലർട്ടും!

തിരുവനന്തപുരം: സംസ്ഥാനത്ത് ഇന്നും അതിശക്തമായ മഴയെന്ന റിപ്പോർട്ട്. ഇതിന്റെ അടിസ്ഥാനത്തിൽ ഇന്ന് ഓറഞ്ച് യെല്ലോ അലർട്ട് പറഞ്ഞിട്ടുണ്ട്. ഇന്ന് 9 ജില്ലകളിലാണ് ഓറഞ്ച് അലർട്ട് പറഞ്ഞിരിക്കുന്നത്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലാണ് ഇന്ന് ഓറഞ്ച് അലർട്ട് പറഞ്ഞിരിക്കുന്നത്. ബിക്കി എല്ലായിടത്തും യെല്ലോ അലർട്ട് ആണ്. വരുന്ന 3 ദിവസത്തേക്ക് മഴ ഇനിയും ശക്തമാകുമെന്നാണ് റിപ്പോർട്ട്. ഇതിന്റെ അടിസ്ഥാനത്തിൽ 10 ജില്ലകളിലും ഞായറാഴ്ച 11 ജില്ലകളിലും ഓറഞ്ച് അലർട്ട് പറഞ്ഞിട്ടുണ്ട്. മറ്റന്നാൾ പരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിൽ ഓറഞ്ച് അലർട്ട് പറഞ്ഞിട്ടുണ്ട്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്ക് സാധ്യതയെന്നാണ് റിപ്പോർട്ട്. ഇടിമിന്നലോടുകൂടിയ മഴയാണ് പറഞ്ഞിരിക്കുന്നത്. മറ്റന്നാൾ വരെ മത്സ്യബന്ധനത്തിനു വിലക്കേർപ്പെടുത്തിയിട്ടുണ്ട്. കള്ളക്കടൽ ജാഗ്രതാ നിർദ്ദേശവും നൽകിയിട്ടുണ്ട്. ഇതിനോടൊപ്പം ഇടിമിന്നൽ ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറണമെന്നും. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കുമെന്നും. ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടണമെന്നും. വാതിലിനും ജനലിനും അടുത്ത് നിൽക്കരുതെന്നും. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യണമെന്നും നിർദ്ദേശമുണ്ട്. അതുപോലെ ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക, ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കുക. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല, അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ കളിക്കുന്നത് ഒഴിവാക്കുക, ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യരുത് തുടങ്ങി നിരവധി നിർദ്ദേശങ്ങളാണ് അധികൃതർ നൽകിയിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Gold Rate: മാസത്തെ ഏറ്റവും താഴ്ന്ന നിരക്കിൽ! ഇന്നത്തെ സ്വർണനിരക്ക് അറിയാം...

Rain Alert: തുലാവർഷം ശക്തം; നാല് ജില്ലകളിൽ ഓറഞ്ച് അലർട്ട്, ഇടിമിന്നലിനും കാറ്റിനും സാധ്യത

തിരുവനന്തപുരം: സംസ്ഥാനത്ത് മഴ ശക്തമാകുമെന്ന് മുന്നറിയിപ്പ്. ശക്തമായ മഴ തുടരുമെന്ന മുന്നറിയിപ്പിൻറെ പശ്ചാത്തലത്തിൽ 14 ജില്ലകളിലും വിവിധ അലർട്ടുകൾ പുറപ്പെടുവിച്ചു. നാല് ജില്ലകളിൽ ഓറഞ്ച് അലർട്ടും 10 ജില്ലകളിൽ യെല്ലോ അലർട്ടുമാണ് പുറപ്പെടുവിച്ചിരിക്കുന്നത്. എറണാകുളം, തൃശൂർ, കോഴിക്കോട്, മലപ്പുറം എന്നീ ജില്ലകളിലാണ് ഓറഞ്ച് അലർട്ട് പുറപ്പെടുവിച്ചിരിക്കുന്നത്. ബാക്കി 10 ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. ഞായറാഴ്ച വരെ കനത്ത മഴ തുടരുമെന്നാണ് കേന്ദ്ര കാലാവസ്ഥാ വകുപ്പ് പ്രവചിച്ചിരിക്കുന്നത്. മഴ ശക്തമാകാൻ സാധ്യതയുള്ളതിനാൽ മലയോര തീര മേഖലകളിൽ ഉള്ളവർ ജാഗ്രത പുലർത്തണമെന്ന് ദുരന്ത നിവാരണ അതോറിറ്റി നിർദേശിച്ചിട്ടുണ്ട്. 24ന് കോഴിക്കോട്, കാസർകോട്, കണ്ണൂർ എന്നീ ജില്ലകളിൽ ഓറഞ്ച് അലർട്ട് പുറപ്പെടുവിച്ചിട്ടുണ്ട്. 25ന് എറണാകുളം, ഇടുക്കി, തൃശൂർ, മലപ്പുറം, പാലക്കാട് എന്നീ ജില്ലകളിൽ ഓറഞ്ച് അലർട്ടുണ്ട്. 22ന് തിരുവനന്തപുരം, പത്തനംതിട്ട, കൊല്ലം, കോട്ടയം, ആലപ്പുഴ, പാലക്കാട്, ഇടുക്കി, കണ്ണൂർ, വയനാട്, കാസർകോട് എന്നീ ജില്ലകളിൽ യെല്ലോ അലർട്ട് പുറപ്പെടുവിച്ചിട്ടുണ്ട്. 23ന് തിരുവനന്തപുരം, പത്തനംതിട്ട, കൊല്ലം, കോട്ടയം, ആലപ്പുഴ, എറണാകുളം, ഇടുക്കി, പാലക്കാട്, തൃശൂർ, കോഴക്കോട്, മലപ്പുറം, കണ്ണൂർ, വയനാട്, കാസർകോട് എന്നീ ജില്ലകളിലാണ് യെല്ലോ അലർട്ട്. 24ന് തിരുവനന്തപുരം, പത്തനംതിട്ട, കൊല്ലം, കോട്ടയം, ആലപ്പുഴ, എറണാകുളം, ഇടുക്കി, പാലക്കാട്, തൃശൂർ, വയനാട്, മലപ്പുറം എന്നീ ജില്ലകളിലാണ് യെല്ലോ അലർട്ട്. 25ന് തിരുവനന്തപുരം, പത്തനംതിട്ട, കൊല്ലം, ആലപ്പുഴ, കോട്ടയം, കാസർകോട്, കണ്ണൂർ എന്നീ ജില്ലകളിലാണ് യെല്ലോ അലർട്ട് പുറപ്പെടുവിച്ചിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Idukki Twin Murder Case: ഇടുക്കിയിൽ ഇരട്ടക്കൊലപാതകം; ഭാര്യയെയും ഭാര്യാമാതാവിനെയും വെട്ടിക്കൊലപ്പെടുത്തി, പ്രതി പിടിയിൽ

ഇടുക്കി: ഇടുക്കി പീരുമേട്ടിൽ ഇരട്ടക്കൊലപാതകം. പ്രതിയെ പോലീസ് പിടികൂടി. പീരുമേട് സ്വദേശി പ്രിൻസിനെ പോലീസ് കസ്റ്റഡിയിൽ എടുത്തു. ഇയാളുടെ ഭാര്യ പ്രിയങ്ക, പ്രിയങ്കയുടെ മാതാവ് വസന്ത എന്നിവരെയാണ് കൊലപ്പെടുത്തിയത്. ആക്രമണത്തിനിടെ പ്രിയങ്കയുടെ പിതാവിനും വെട്ടേറ്റു. ഇദ്ദേഹത്തിൻറെ പരിക്ക് ഗുരുതരമാണ്. കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. പ്രിയങ്കയുടെ വീട്ടിൽ വച്ചാണ് ആക്രമണം നടന്നത്. ഏറെനാളായി പ്രിൻസും പ്രിയങ്കയും തമ്മിൽ പ്രശ്നങ്ങൾ നിലനിന്നിരുന്നു. ഇവർ തമ്മിൽ ഇടയ്ക്കിടെ വഴക്കുണ്ടാകുന്നതും പതിവായിരുന്നു. മദ്യപിച്ചെത്തിയ പ്രിൻസ് ആദ്യം വസന്തയുമായി വഴക്കിട്ടു. തുടർന്ന് ഇവരെ വെട്ടിപ്പരിക്കേൽപ്പിച്ചു. ഇതിന് പിന്നാലെ വീടിന് പുറത്തിറങ്ങിയപ്പോഴാണ് പ്രിയങ്ക ജോലി കഴിഞ്ഞ് വീട്ടിലേക്ക് മടങ്ങിവരുന്നത് കണ്ടത്. ഇതിന് പിന്നാലെ വഴിയിലിട്ട് പ്രിയങ്കയെയും വെട്ടിപ്പരിക്കേൽപ്പിച്ചു. ഗുരുതരമായി പരിക്കേറ്റ പ്രിയങ്കയും വസന്തയും സംഭവസ്ഥലത്ത് വച്ചുതന്നെ മരിച്ചു. ആക്രമണത്തിനിടെ പ്രിയങ്കയുടെ പിതാവിനും വെട്ടേറ്റിരുന്നു. ഇദ്ദേഹത്തെ ആദ്യം പീരുമേട് താലൂക്ക് ആശുപത്രിയിൽ പ്രവേശിപ്പിച്ചുവെങ്കിലും പരിക്ക് ഗുരുതരമായതിനാൽ പിന്നീട് കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പ്രതിയെ പോലീസ് കസ്റ്റഡിയിലെടുത്ത് ചോദ്യം ചെയ്യുന്നത് തുടരുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Amazon Now at Kochi:' ആമസോണ്‍ നൗ' കൊച്ചിയിലും, മിനിറ്റുകള്‍ക്കുള്ളില്‍ അവശ്യവസ്തുക്കള്‍ വീട്ടിലെത്തും

കൊച്ചി: ആമസോണിന്റെ അതിവേഗ ഡെലിവറി സേവനമായ 'ആമസോൺ നൗ' കൊച്ചിയിൽ ഔദ്യോഗികമായി പ്രവർത്തനമാരംഭിച്ചു. ഗ്രോസറി, പേഴ്സണൽ കെയർ, ഫാഷൻ, ബ്യൂട്ടി ഉൽപ്പന്നങ്ങൾ, ചെറിയ ഗൃഹോപകരണങ്ങൾ തുടങ്ങിയ പതിനായിരക്കണക്കിന് അവശ്യവസ്തുക്കൾ മിനിറ്റുകൾക്കുള്ളിൽ വീട്ടിലെത്തും. കൊച്ചിയിലെ എളമക്കര, കടവന്ത്ര, തൃപ്പൂണിത്തുറ തുടങ്ങിയ പ്രധാന സ്ഥലങ്ങളിലെല്ലാം ആമസോണ്‍ നൗ സേവനം ലഭ്യമാണ്. ചങ്ങനാശ്ശേരി പോലുള്ള മറ്റ് ചില പ്രദേശങ്ങളിലേക്കും സേവനം വ്യാപിപ്പിച്ചു വരുന്നുണ്ട്. ഇന്ത്യയിലെ ഏറ്റവും വലിയ 'മിനിറ്റുകൾക്കുള്ളിൽ ഡെലിവറി' നെറ്റ്‌വർക്ക് നിർമ്മിക്കുന്നതിന്റെ ഭാഗമായി ആമസോൺ നൗ സേവനം രാജ്യത്തുടനീളമുള്ള 120-ലധികം നഗരങ്ങളിലാണ് വ്യാപിപ്പിച്ചത്. മാത്രമല്ല ഇന്ത്യയുടെ ചരിത്രത്തിലെ തന്നെ ഏറ്റവും വേഗത്തിൽ വളരുന്ന ഇ-കൊമേഴ്സ് ബിസിനസ് യൂണിറ്റായി 'ആമസോൺ നൗ' മാറി. ലഭിച്ചുകൊണ്ടിരിക്കുന്ന ഓർഡറുകളിൽ വലിയ വളർച്ചയാണ് ഉണ്ടായിരിക്കുന്നത്. വാർഷിക ഗ്രോസ് സെയിൽസ് 1 ബില്യൺ ഡോളർ കടന്നു. ഉത്സവകാല ഓഫറുകൾ അടക്കം ആമസോൺ നൗ-ൽ ലഭ്യമാണ്. 80% വരെ കിഴിവ് ഇവയ്ക്ക് ലഭിക്കുന്നുണ്ട്. ആമസോൺ ഷോപ്പിങ് ആപ്പ് തുറന്ന് മുകളിലുള്ള 'നൗ' ബാനർ ക്ലിക്ക് ചെയ്യുക. അവിടെ നിങ്ങളുടെ പ്രദേശത്തെ പിന്‍കോഡ് നല്‍കി സേവനം ലഭ്യമാണോയെന്ന് നേരിട്ട് മനസ്സിലാക്കാം. ഇന്ത്യയിലെ 300-ലധികം നഗരങ്ങളിലേക്ക് സേവനം വ്യാപിപ്പിക്കാന്‍ ആമസോണ്‍ ലക്ഷ്യമിടുന്നു. കമ്പനി കൂടുതൽ നഗരങ്ങളിലേക്ക് സേവനം വ്യാപിപ്പിക്കുകയാണെന്നും ഫുൾഫിൽമെന്റ് നെറ്റ്‌വർക്ക് തുടർന്നും വികസിപ്പിക്കുമെന്നും ആമസോൺ ഇന്ത്യ എവരി ഡേ എസ്സന്‍ഷ്യല്‍സ് വൈസ് പ്രസിഡന്റ് ഹർഷ് ഗോയൽ വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Rain Alert Kerala: സംസ്ഥാനത്ത് മഴ ശക്തമാകുന്നു; 10 ജില്ലകളിൽ അലർട്ട്

തിരുവനന്തപുരം: കേരളത്തിൽ അടുത്ത അഞ്ച് ദിവസം മഴ തുടരുമെന്ന് മുന്നറിയിപ്പ്. അതിശക്തമായ മഴയ്ക്കുള്ള സാധ്യതയാണ് കേന്ദ്ര കാലാവസ്ഥാ വകുപ്പ് പ്രവചിച്ചിരിക്കുന്നത്. മഴ ശക്തമാകുമെന്ന മുന്നറിയിപ്പിൻറെ പശ്ചാത്തലത്തിൽ ഇന്ന് 10 ജില്ലകളിലാണ് മഴ മുന്നറിയിപ്പുള്ളത്. തിരുവനന്തപുരം, പത്തനംതിട്ട, കൊല്ലം, ആലപ്പുഴ, കോട്ടയം എന്നീ ജില്ലകളിൽ ഓറഞ്ച് അലർട്ട് ആണ് പുറപ്പെടുവിച്ചിരിക്കുന്നത്. എറണാകുളം, ഇടുക്കി, പാലക്കാട്, തൃശൂർ, മലപ്പുറം എന്നീ ജില്ലകളിൽ യെല്ലോ അലർട്ടാണ് പുറപ്പെടുവിച്ചിരിക്കുന്നത്. വ്യാഴാഴ്ച മുതൽ ഞായറാഴ്ച വരെ എല്ലാ ജില്ലകളിലും മഴ മുന്നറിയിപ്പ് നൽകിയിട്ടുണ്ട്. തിരുവനന്തപുരത്ത് ഇന്നും ശക്തമായ മഴ തുടരുമെന്നാണ് മുന്നറിയിപ്പ് നൽകിയിരിക്കുന്നത്. ശക്തമായ ഇടിമിന്നലിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. ഇന്ന് മുതൽ 25 വരെ കേരള ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന് നിർദേശമുണ്ട്. അടുത്ത അഞ്ച് ദിവസത്തെ മഴ മുന്നറിയിപ്പ് 21ന് തിരുവനന്തപുരം, പത്തനംതിട്ട, കൊല്ലം, കോട്ടയം, ആലപ്പുഴ, എറണാകുളം, ഇടുക്കി, പാലക്കാട്, തൃശൂർ, മലപ്പുറം എന്നീ ജില്ലകളിൽ യെല്ലോ അലർട്ട് പുറപ്പെടുവിച്ചിട്ടുണ്ട്. 22ന് എറണാകുളം, ഇടുക്കി, പാലക്കാട്, തൃശൂർ, കോഴിക്കോട്, മലപ്പുറം, വയനാട്, കണ്ണൂർ എന്നീ ജില്ലകളിലാണ് യെല്ലോ അലർട്ട്. 23ന് തിരുവനന്തപുരം, പത്തനംതിട്ട, കൊല്ലം, ആലപ്പുഴ, ഇടുക്കി, കോട്ടയം, തൃശൂർ, എറണാകുളം എന്നീ ജില്ലകളിലാണ് യെല്ലോ അലർട്ട് പുറപ്പെടുവിച്ചിരിക്കുന്നത്. 24ന് തിരുവനന്തപുരം, പത്തനംതിട്ട, കൊല്ലം, ആലപ്പുഴ, ഇടുക്കി, കോട്ടയം, എറണാകുളം, തൃശൂർ, മലപ്പുറം, പാലക്കാട്, വയനാട്, കോഴിക്കോട്, കാസർകോട്, കണ്ണൂർ എന്നീ ജില്ലകളിലാണ് യെല്ലോ അലർട്ടുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kovalam Spa Sex Racket Case: സ്പാകൾ കേന്ദ്രീകരിച്ച് വ്യാപക പരിശോധന; കടുത്ത നടപടിയുണ്ടാകുമെന്ന് DGP

തിരുവനന്തപുരം: കോവളത്ത് സ്പായുടെ മറവിൽ പ്രായപൂർത്തിയാകാത്ത പെൺകുട്ടിയെ ലൈംഗിക ചൂഷണത്തിന് ഇരയാക്കിയ കേസിൽ കടുത്ത നടപടി ഉണ്ടാകുമെന്ന് ഡിജിപി. സംസ്ഥാനത്തെ സ്പാകൾ കേന്ദ്രീകരിച്ചു കർശന പരിശോധനകൾ നടത്തുമെന്ന് പറഞ്ഞ ഡിജിപി സംഭവത്തിൽ ഉൾപ്പെട്ട മനുഷ്യക്കടത്തിനെ ഗൗരവത്തോടെയാണ് കാണുന്നതെന്നും പറഞ്ഞു. പോലീസിന്റെ അന്വേഷണത്തിൽ കോവളം സ്പാ കേന്ദ്രീകരിച്ചു നടന്ന പെൺവാണിഭ സംഘത്തിലെ പ്രധാന കണ്ണി ഹെൽത്ത് ഇൻസ്‌പെക്‌ടറായ അനുരൂപാണ് എന്നാണ്. ഇയാളുടെ 4 ബാങ്ക് അക്കൗണ്ടുകളിൽ നിന്നായി ലക്ഷക്കണക്കിന് രൂപയുടെ അസ്വാഭാവികമായ പണമിടപാടുകളും അന്വേഷണ സംഘം കണ്ടെത്തിയിട്ടുണ്ട്. അനൂപ് തിരുവനന്തപുരം ഉള്ളൂർ സോണൽ ഓഫീസിലെ ജൂനിയർ ഹെൽത്ത് ഇൻസ്‌പെക്‌ടറായി ജോലിയിൽ പ്രവേശിച്ച ശേഷമായിരുന്നു സ്പാ ബിസിനസുകളിലേക്ക് കടന്നത്. ഇയാളുടെ ബിനാമി സ്ഥാപനമാണ് കോവളത്തെ ഈ സ്ഥാപനം എന്നാണ് റിപ്പോർട്ട്. വേറെയും രണ്ടു സ്പാകൾ ഇയാൾക്കുണ്ട് എന്നാണ് പോലീസിന്റെ പ്രാഥമിക നിഗമനം. പോലീസിന്റെ കണ്ടെത്തൽ അനുസരിച്ചു ആന്ധ്ര സ്വദേശിനിയായ 16 കാരിയെ കോവളത്ത് എത്തിച്ചതും ഇയാളുമായി സംസാരിച്ച ശേഷമാണ് എന്നാണ്. കേസിൽ അറസ്റ്റിലായതിനെ തുടർന്ന് തിരുവനന്തപുരം മേയർ അനൂപിനെ സർവീസിൽ നിന്നും സസ്‌പെൻഡ് ചെയ്തു. കേസിന്റെ ഗൗരവം കണക്കിലെടുത്ത് ഇയാളെ സർവീസിൽ നിന്നും സ്ഥിരമായി പിരിച്ചുവിട്ടേക്കുമെന്നാണ് റിപ്പോർട്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Pinarayi Vijayan: പിണറായി വിജയനെതിരായ വിജിലൻസ് അന്വേഷണം തടഞ്ഞ് സുപ്രീംകോടതി; ഹൈക്കോടതി ഉത്തരവും റദ്ദാക്കി

തിരുവനന്തപുരം: പിണറായി വിജയനെതിരായ വിജിലൻസ് അന്വേഷണം തടഞ്ഞ് സുപ്രീംകോടതി. സിഎംആർഎൽ-എക്സാലോജിക് ഇടപാടുമായി ബന്ധപ്പെട്ട വിജിലൻസ് അന്വേഷണമാണ് സുപ്രീംകോടതി തടഞ്ഞത്. മാസപ്പടി കേസിൽ എഫ്ഐആർ രജിസ്റ്റർ ചെയ്യണമെന്ന് ഹൈക്കോടതി സിംഗിൾ ബെഞ്ച് ഉത്തരവിട്ടിരുന്നു. ഈ ഉത്തരവും സുപ്രീംകോടതി റദ്ദാക്കി. പിണറായി വിജയന് ഡിവിഷൻ ബെഞ്ചിൽ അപ്പീൽ നൽകാൻ അനുമതിയും നൽകി. പിണറായി വിജയന് അപ്പീൽ നൽകാൻ ഒരാഴ്ചയാണ് സമയം നൽകിയിരിക്കുന്നത്. ഹൈക്കോടതിയുടെ ഭാഗത്ത് നിന്ന് പിഴവുണ്ടായതായും സിംഗിൾ ബെഞ്ച് ഉത്തരവിൽ പരസ്പര വിരുദ്ധമായ കാര്യങ്ങളാണ് ഉള്ളതെന്നും ജസ്റ്റിസ് ജോയ് മാല ബാഗ്ചി നിരീക്ഷിച്ചു. എൻഫോഴ്സ്മെൻറ് ഡയറക്ടറേറ്റ് അധികാരപരിധി കടക്കരുതെന്നും സുപ്രീംകോടതി മുന്നറിയിപ്പ് നൽകി. പിണറായി വിജയൻ, മകൾ വീണ വിജയൻ, മുൻമന്ത്രി മുഹമ്മദ് റിയാസ് ഉൾപ്പെടെയുള്ളവർ വിജിലൻസ് കേസ് എടുക്കാനുള്ള കേരള ഹൈക്കോടതി സിംഗിൾ ബെഞ്ച് ഉത്തരവിനെ ചോദ്യം ചെയ്താണ് സുപ്രീംകോടതിയെ സമീപിച്ചത്. ഇതേ തുടർന്ന് ജസ്റ്റിസ് ജോയ് മാല ബാഗ്ചി, ജസ്റ്റിസ് വി മോഹ്ന എന്നിവരടങ്ങിയ പ്രത്യേക ബെഞ്ച് രൂപീകരിച്ചാണ് സുപ്രീംകോടതി ഹർജികൾ പരിഗണിച്ചത്. വ്യാഴാഴ്ചയാണ് സിഎംആർഎൽ-എക്സാലോജിക് ഇടപാടുമായി ബന്ധപ്പെട്ട വിജിലൻസ് കേസിൽ കേരള ഹൈക്കോടതി വിധിയുണ്ടായത്. വെള്ളിയാഴ്ച പുലർച്ചെ 1.34ന് ആണ് ഇതിനെതിരെ സുപ്രീംകോടതിയിൽ പ്രതിപക്ഷ നേതാവ് പിണറായി വിജയൻ ഹർജി ഫയൽ ചെയ്തത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.