US Midterm Elections 2026: ട്രംപിന് അടിപതറുന്നു; ആദ്യ ഫലസൂചനകളിൽ ഡെമോക്രാറ്റിക് പാര്‍ട്ടി മുന്നേറുന്നു

വാഷിങ്ടൺ ഡിസി: യുഎസ് ഇടക്കാല തിരഞ്ഞെടുപ്പില്‍ വോട്ടെണ്ണൽ പുരോഗമിക്കുമ്പോൾ ട്രംപിന് തിരിച്ചടി. ഡെമോക്രാറ്റുകള്‍ മുന്നിലെന്നാണ് ആദ്യ ഫല സൂചനകൽ പറയുന്നത്. റിപ്പബ്ലിക്കന്‍ പാര്‍ട്ടിയുടെ നിയന്ത്രണത്തിലുള്ള പല മണ്ഡലങ്ങളിലും ഡെമോക്രാറ്റുകള്‍ മുന്നിലെന്നാണ് പ്രാഥമിക ഫലങ്ങള്‍. ഇനി 2 വർഷം മാത്രമാണ് പ്രസിഡന്റ് ഡോണള്‍ഡ് ട്രംപിന്റെ വൈറ്റ് ഹൗസ് കാലാവധി തീരാന്‍ ശേഷിക്കുന്നത്. ഈ പശ്ചാത്തലത്തില്‍ യുഎസ് കോണ്‍ഗ്രസിലെ അധികാര സന്തുലിതാവസ്ഥ നിര്‍ണയിക്കുന്ന തിരഞ്ഞെടുപ്പ് ട്രംപിന് നിര്‍ണായകമാനിന്നതിൽ സംശയമില്ല. അതുകൊണ്ടുതന്നെ നിർണായക പ്രോട്ടമാണ് നടക്കുന്നതും. യുഎസ് പ്രസി ഡന്റ് ഭരണത്തിന്റെ പകുതിയില്‍ വച്ച് നടത്തുന്ന തിരഞ്ഞെടുപ്പായതുകൊണ്ടാണ് ഇതിനെ ഇടക്കാല തിരഞ്ഞെടുപ്പ് എന്നറിയപ്പെടുന്നത്. ഒഹായോ, ജോര്‍ജിയ, നോര്‍ത്ത് കരോലിന തുടങ്ങിയ സംസ്ഥാനങ്ങളിൽ വോട്ടെടുപ്പ് ഏതാണ്ട് കഴിയാറായി. പ്രതിനിധി സഭയിലെ നിയന്ത്രണം റിപ്പബ്ലിക്കന്‍മാര്‍ക്ക് നഷ്ടപ്പെട്ടാല്‍ ട്രംപിന്റെ നിയമനിര്‍മ്മാണ അജണ്ടകളെ തടസ്സപ്പെടുത്താന്‍ ഡെമോക്രാറ്റുകള്‍ക്ക് സാധിക്കുമെന്നാണ് റിപ്പോർട്ട്. അധികാരം പരിമിതപ്പെടുമെന്നതിനാല്‍ ട്രംപിന് ഈ തിരഞ്ഞെടുപ്പ് നിര്‍ണായകമാണ്. അതുപോലെ സെനറ്റിലും ട്രംപ് പരാജയപെട്ടാൽ സുപ്രീംകോടതി ജഡ്ജിമാരെയും ഉന്നത ഉദ്യോഗസ്ഥരെയും നിയമിക്കാനുള്ള ട്രംപിന്റെ കഴിവിനെയും ഇത് ബാധിക്കും. ചെലവ് കുതിച്ചുയരുന്നതും ഇറാനെതിരായ യുദ്ധ സാഹചര്യവും കാരണം റിപ്പബ്ലിക്കന്‍ പാര്‍ട്ടിക്കെതിരെ ജനവികാരം ശക്തമാകുന്ന ഈ ഘട്ടത്തില്‍ ട്രംപിന്റെ ഭരണത്തോടുള്ള രാജ്യവ്യാപകമായ വിലയിരുത്തലായിരിക്കും ഈ തിരഞ്ഞെടുപ്പ് ഫലത്തിൽ കാണാൻ കഴിയുക എന്നതാണ് വിലയിരുത്തൽ. അമേരിക്കൻ പ്രതിനിധി സഭയിലെ 435 സീറ്റുകളിലേക്കും സെനറ്റിലെ 100 ല്‍ 35 സീറ്റുകളിലേക്കും 36 സംസ്ഥാനങ്ങളിലെ ഗവര്‍ണര്‍ സ്ഥാനങ്ങളുമാണ് ഈ തിരഞ്ഞെടുപ്പില്‍ നിര്‍ണായകമാകുന്നത്. അധികാരം പിടിച്ചെടുക്കാന്‍ ഡെമോക്രാറ്റുകള്‍ക്ക് പ്രതിനിധി സഭയില്‍ മൂന്ന് സീറ്റുകളും സെനറ്റില്‍ നാല് സീറ്റുകളും അധികമായി നേടിയാല്‍ മതി. ഏകദേശം 21 കോടി ആളുകളാണ് വോട്ട് ചെയ്തത്. അഭിപ്രായ സർവേകളിൽ ജനപ്രതിനിധിസഭയുടെ നിയന്ത്രണം ഡെമോക്രാറ്റുകള്‍ക്ക് ലഭിക്കാനാണ് സാധ്യതയെന്ന് സൂചിപ്പിച്ചിരുന്നു. എന്നാല്‍ എത്രത്തോളം സീറ്റുകൾ റിപ്പബ്ലിക്കന്‍ പാര്‍ട്ടിയുടെ ശക്തികേന്ദ്രങ്ങളില്‍ ഡെമോക്രാറ്റുകള്‍ക്ക് നേടാനാകുമെന്നത്തിൽ വ്യക്തതയില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

North Korea Denuclearization: ഉത്തരകൊറിയന്‍ ആണവ നിരായുധീകരണം, നി‍ര്‍ണായക നീക്കവുമായി യുഎസും സഖ്യകക്ഷികളും

ഉത്തരകൊറിയയുടെ സമ്പൂർണ ആണവ നിരായുധീകരണം ആവശ്യപ്പെട്ട് യുഎസും ദക്ഷിണ കൊറിയയും ജപ്പാനും സംയുക്ത പ്രസ്താവന പുറത്തിറക്കി. അറ്റ്ലാന്റയിൽ നടന്ന ജി20 വിദേശകാര്യ മന്ത്രിമാരുടെ യോഗത്തോട് അനുബന്ധിച്ചാണ് മൂന്ന് രാജ്യങ്ങളുടെയും വിദേശകാര്യ മന്ത്രിമാർ കൂടിക്കാഴ്ച നടത്തി. ഉത്തരകൊറിയ ആണവായുധങ്ങൾ ഉപേക്ഷിക്കണമെന്നും മിസൈൽ പദ്ധതികൾക്കുള്ള വരുമാനം തടയുന്നതുൾപ്പെടെയുള്ള യുഎൻ സുരക്ഷാ കൗൺസിൽ പ്രമേയങ്ങൾ പൂർണമായി നടപ്പാക്കുമെന്നും അവർ വ്യക്തമാക്കി. യുഎസ് പ്രസിഡന്റ് ഡോണൾഡ് ട്രംപും ഉത്തരകൊറിയൻ ഭരണാധികാരി കിം ജോങ് ഉന്നും തമ്മിൽ അടുത്ത മാസം ചൈനയിൽ നടക്കുന്ന എപെക് (APEC) ഉച്ചകോടിക്കിടെ കൂടിക്കാഴ്ച നടത്തിയേക്കുമെന്ന അഭ്യൂഹങ്ങൾ ശക്തമാണ്. ഉത്തരകൊറിയയുമായുള്ള ചർച്ചകൾക്ക് ഉപാധികൾ വെക്കില്ലെന്നും ആണവ പദ്ധതി മരവിപ്പിക്കുന്നതിന് പകരമായി ഉപരോധനങ്ങളിൽ ഇളവ് നൽകുന്നത് പരിഗണിക്കാമെന്നും ദക്ഷിണ കൊറിയൻ പ്രസിഡന്റ് ലീ ജേ മ്യുങ് നിർദേശിച്ചിരുന്നു. റഷ്യയുടെയും ചൈനയുടെയും പിന്തുണയോടെ ആണവായുധ രാഷ്ട്രമെന്ന പദവി ഉറപ്പിച്ചിട്ടുള്ള ഉത്തരകൊറിയ, തങ്ങളുടെ ആണവശേഖരം ശാശ്വതമാണെന്നും ഉപരോധങ്ങൾക്ക് നിലപാട് മാറ്റാനാകില്ലെന്നും വ്യക്തമാക്കി. ഐക്യരാഷ്ട്രസഭയും പാശ്ചാത്യ രാജ്യങ്ങളും കടുത്ത ഉപരോധങ്ങള്‍ ഏര്‍പ്പെടുത്തി ഒറ്റപ്പെടുത്താന്‍ ശ്രമിക്കുമ്പോഴും യുഎന്‍ രക്ഷാസമിതിയില്‍ റഷ്യയും ചൈനയും ഉത്തരകൊറിയക്ക് ശക്തമായ നയപരമായ സംരക്ഷണം നല്‍കുന്നുണ്ട്. അമേരിക്കയുടെ നേതൃത്വത്തിലുള്ള ഉപരോധ നീക്കങ്ങളെ വീറ്റോ ചെയ്യാനും പ്രതിരോധിക്കാനും ഈ വന്‍കിട രാജ്യങ്ങളുടെ പിന്തുണയുള്ളത് ഉത്തരകൊറിയക്ക് വലിയ ആത്മവിശ്വാസം നല്‍കുന്നുണ്ട്. അമേരിക്കയുടെയും സഖ്യകക്ഷികളുടെയും സമ്മര്‍ദ്ദങ്ങള്‍ക്ക് വഴങ്ങി ആണവ നിരായുധീകരണത്തിന് തയ്യാറല്ലെന്നും സ്വന്തം താല്‍പര്യം സംരക്ഷിച്ചുകൊണ്ട് ഒരു ആണവ രാഷ്ട്രമായി മുന്നോട്ട് പോകുമെന്നുള്ള കടുത്ത പ്രഖ്യാപനമാണ് ഉത്തരകൊറിയ നടത്തുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Florida Jet Crash: ഫ്ളോറിഡയിൽ ബിസിനസ് ജെറ്റ് തകർന്നുവീണ് 9 പേർക്ക് ദാരുണാന്ത്യം

വാഷിംഗ്‌ടൺ: ഫ്ലോറിഡയിലെ പാംബീച്ച് കൗണ്ടിയിൽ ബിസിനസ് ജെറ്റ് തകർന്നുവീണ് 9 പേർക്ക് ദാരുണാന്ത്യം. അപകടത്തിൽ പെട്ടത് ഓസ്റ്റിനിൽ നിന്നും ബഹാമാസിലേക്ക് പോയ വിമാനമായിരുന്നു. അപകടത്തിന് കാരണം മോശം കാലാവസ്ഥയാണെന്നാണ് റിപ്പോർട്ട്. ഇത് അമേരിക്കയിൽ അടുത്തിടെയുണ്ടാകുന്ന രണ്ടാമത്തെ വിമാന അപകടമാണ്. അപകടത്തിന്റെ വീഡിയോ പുറത്തുവന്നിട്ടുണ്ട്. അകടത്തിന് മുൻപ് ലഭിച്ച പൈലറ്റിന്റെ അവസാന സന്ദേശം 'ഞങ്ങൾ തകർന്നു വീഴാൻ പോകുന്നു' എന്നതായിരുന്നു. അപകടത്തിൽ വിമാനത്തിലുണ്ടായിരുന്ന 9 പേരും മരിച്ചതായി അധികൃതർ സ്ഥിരീകരിച്ചു. വിമാനത്തിൽ ഐസ് രൂപപ്പെട്ടതായി പൈലറ്റ് ഇടയ്ക്ക് ട്രാഫിക് കൺട്രോളിനെ അറിയിച്ചതായും റിപ്പോർട്ടുണ്ട്. 35000 അടി ഉയരത്തിൽ പറക്കുമ്പോഴായിരുന്നു ഇത്. തുടർന്ന് പൈലറ്റ് കൂടുതൽ ഉയരത്തിലേക്ക് പറക്കാൻ അനുമതി ചോദിച്ചെങ്കിലും വിമാനത്തിന്റെ നിയന്ത്രണം നഷ്ടപ്പെട്ട് കുത്തനെ താഴോട്ട് പതിക്കുകയായിരുന്നു എന്നാണ് റിപ്പോർട്ട്. റിപ്പോർട്ടുകളുടെ അടിസ്ഥാനത്തിൽ വിമാനം ഒരു മിനിറ്റിനുള്ളിൽ നിലംപതിച്ചു എന്നാണ്.

Donald Trump Rally: 'മിണ്ടാതിരിക്കൂ, തോല്‍വി!' തിരഞ്ഞെടുപ്പ് റാലിക്കിടെ പൊട്ടിത്തെറിച്ച് ട്രംപ്

യുഎസിലെ വരാനിരിക്കുന്ന ഇടക്കാല തിരഞ്ഞെടുപ്പിന്റെ പ്രചാരണത്തിലാണ് ഡോണാള്‍ഡ് ട്രംപ്. ഫ്ലോറിഡയില്‍ ട്രംപ് നടത്തിയ റാലിയില്‍ പ്രതിഷേധക്കാര്‍ അദ്ദേഹത്തിന്റെ പ്രസംഗം തടസ്സപ്പെടുത്തി. ട്രംപിന്റെ പ്രസംഗത്തിനിടയില്‍ കുറഞ്ഞത് നാല് തവണയെങ്കിലും പ്രതിഷേധക്കാരുടെ ഭാഗത്തുനിന്ന് തടസ്സപ്പെടുത്തലുകള്‍ ഉണ്ടാവുകയും അത് അദ്ദേഹത്തെ ചൊടിപ്പിക്കുകയും ചെയ്തു. നിയന്ത്രണം വിട്ട ട്രംപ് പ്രസംഗം പാതിവഴിയില്‍ നിര്‍ത്തിവെച്ച് രൂക്ഷമായ ഭാഷയില്‍ തിരിച്ചടിച്ചു. 'മിണ്ടാതിരിക്കൂ മണ്ടാ! ഇയാല്‍ എന്ത് തോല്‍വിയാണ്? ഇയാളെ പുറത്താക്കൂ.' എന്ന് ട്രംപ് ആക്രോശിച്ചു. തുടര്‍ച്ചയായുള്ള ഇത്തരം തടസ്സപ്പെടുത്തലുകള്‍ തന്റെ പ്രസംഗത്തിന്റെ ഒഴുക്കിനെയും അവതരണങ്ങളെയും ബാധിക്കുമെന്ന് ട്രംപ് പിന്നീട് വ്യക്തമാക്കി.

Trump Body Shamed Journalist: ആരോഗ്യത്തെക്കുറിച്ച് ചോദിച്ചു, മാധ്യമപ്രവര്‍ത്തകനെ വ്യക്തിഹത്യ ചെയ്ത് ട്രംപ്

തിരഞ്ഞെടുപ്പ് പ്രചാരണ റാലികൾ റദ്ദാക്കിയതിനെക്കുറിച്ച് ചോദിച്ച മാധ്യമപ്രവർത്തകനെതിരെ യുഎസ് പ്രസിഡന്റ് ഡൊണാൾഡ് ട്രംപ് അധിക്ഷേപിച്ചു. അന്താരാഷ്ട്ര വാർത്താ ഏജൻസിയായ റോയിട്ടേഴ്സിന്റെ വൈറ്റ് ഹൗസ് ലേഖകനായ ജേക്കബ് ബോഗേജിനെയാണ് ട്രംപ് അപമാനിച്ചത്. അയോവയിലും കാൻസാസിലും തിരഞ്ഞെടുപ്പ് പ്രചാരണ റാലികൾ റദ്ദാക്കിയതിന്റെ കാരണം ട്രംപിന്റെ ആരോഗ്യ പ്രശ്നങ്ങളാണോയെന്നാണ് മാധ്യമപ്രവർത്തകൻ ചോദിച്ചത്. എന്നാൽ ഈ ചോദ്യത്തോട് ട്രംപ് പൊട്ടിത്തെറിക്കുകയാണ് ചെയ്തത്. മാധ്യമപ്രവർത്തകന്റെ ശരീരപ്രകൃതിയെയും രൂപത്തെയും പരിഹസിച്ചുകൊണ്ടാണ് ട്രംപ് മോശം പരാമർശങ്ങൾ നടത്തിയത്.

H-1B Visa in US: 'വിസ നിയന്ത്രണങ്ങൾ ഇന്ത്യയെ ലക്ഷ്യമിട്ടുള്ളതല്ല': മാര്‍ക്കോ റൂബിയോ

അമേരിക്കയിലെ എച്ച്-1ബി (H-1B) വിസ നിയന്ത്രണങ്ങൾ ഇന്ത്യയെ ലക്ഷ്യമിട്ടുള്ളതല്ലെന്ന് യുഎസ് സ്റ്റേറ്റ് സെക്രട്ടറി മാർക്കോ റൂബിയോ. വിസ നിയമങ്ങളെക്കുറിച്ചും ഇന്ത്യൻ പ്രൊഫണലുകളിലുണ്ടാക്കുന്ന ആഘാതത്തെക്കുറിച്ചുമുള്ള ആശങ്ക നിലനിൽക്കെയാണ് യുഎസ് സ്റ്റേറ്റ് സെക്രട്ടറി വിശദീകരണവുമായി രംഗത്ത് എത്തിയത്. അമേരിക്കയിലെ കുടിയേറ്റ വ്യവസ്ഥ പരിഷ്കരിക്കുന്നതിനും അമേരിക്കയിലെ തൊഴിലാളികളെ സംരക്ഷിക്കുന്നതിനുമുള്ള ശ്രമങ്ങളുടെ ഭാഗമാണ് ഈ മാറ്റങ്ങളെന്ന് അദ്ദേഹം വ്യക്തമാക്കി. അതേസമയം എച്ച്-1ബി വിസ നിയന്ത്രണങ്ങൾ തീർച്ചയായും അമേരിക്കയിലെ ഇന്ത്യക്കാരെ ബാധിക്കുമെന്ന കാര്യം അദ്ദേഹം സമ്മതിച്ചു. ലോകമെമ്പാടുമുള്ള രാജ്യങ്ങൾക്ക് നിയമം ബാധകമാണെന്നും എന്നാൽ ഇന്ത്യയെ പ്രത്യേകം ലക്ഷ്യമിട്ടുള്ളതല്ലെന്നും മാർക്കോ റൂബിയോ വ്യക്തമാക്കി. ഉയർന്ന വൈദഗ്ധ്യമുള്ള ഇന്ത്യൻ പ്രൊഫഷണലുകളെ യുഎസ് സ്വാഗതം ചെയ്യുമോയെന്ന ചോദ്യത്തിന് രാജ്യത്തെ കുടിയേറ്റ വ്യവസ്ഥയിലെ പ്രശ്നങ്ങൾ പരിഹരിക്കാൻ ഭരണകൂടം ശ്രമിക്കുകയാണെന്ന് മാർക്കോ റൂബിയോ പറഞ്ഞു. ബിസിനസുകൾക്കായി ഉദ്ദേശിച്ചിട്ടുള്ള ചില കുടിയേറ്റ പരിപാടികൾ ദുരുപയോഗം ചെയ്യപ്പെട്ടിട്ടുണ്ടെന്നും തട്ടിപ്പുകളും മറ്റ് ക്രമക്കേടുകളും വലിയ ആശങ്കകളായി മാറിയിട്ടുണ്ടെന്നും അദ്ദേഹം വ്യക്തമാക്കി. ഇത്തരം പരിപാടികൾ കാരണം അമേരിക്കൻ തൊഴിലാളികൾക്ക് തൊഴിലവസരങ്ങൾ നഷ്ടപ്പെടുന്നില്ലെന്ന് ഉറപ്പാക്കാൻ സർക്കാർ ആഗ്രഹിക്കുന്നുവെന്നും അദ്ദേഹം പറഞ്ഞു. കുറഞ്ഞ ശമ്പളം വാങ്ങുന്ന വിദേശ ജീവനക്കാരെ ഉപയോഗിച്ച് അമേരിക്കൻ തൊഴിലാളികളെ മാറ്റിസ്ഥാപിക്കാൻ വിസ സംവിധാനം ഉപയോഗിക്കാൻ പാടില്ലെന്ന് വാദിച്ചുകൊണ്ട് ട്രംപ് ഭരണകൂടം തങ്ങളുടെ സമീപനത്തെ ന്യായീകരിച്ചിട്ടുണ്ട്. ചില പുതിയ എച്ച്-1ബി അപേക്ഷകൾക്ക് 1,00,000 ഡോളർ ഫീസ് ഏർപ്പെടുത്തിയിട്ടുണ്ട്. ഈ നയം 2027 സെപ്റ്റംബർ വരെ നീട്ടിയിട്ടുണ്ടെങ്കിലും നിലവിൽ ഒരു ഫെഡറൽ കോടതി ഇതിന്റെ നടപ്പാക്കൽ തടഞ്ഞിരിക്കുകയാണ്. പ്രസിഡന്റ് ട്രംപിന്റെ കീഴിലുള്ള അമേരിക്ക തങ്ങളുടെ ജനങ്ങൾക്കും തൊഴിലാളികൾക്കും രാജ്യത്തിനും എപ്പോഴും ആദ്യ പരിഗണന നൽകുമെന്ന് ഭരണകൂടം വ്യക്തമാക്കുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Us Tariff on Russian Oil Buyers: റഷ്യയില്‍ നിന്ന് എണ്ണ വാങ്ങുന്ന രാജ്യങ്ങള്‍ക്ക് താത്കാലിക ആശ്വാസം

റഷ്യയുമായി ബന്ധപ്പെട്ട് വ്യാപാരം നടത്തുന്ന രാജ്യങ്ങൾക്ക് മുകളിൽ ചുമത്തിയിരുന്ന ഉപരോധങ്ങൾക്കും നിയന്ത്രണങ്ങൾക്കും യുഎസ് പ്രസിഡന്റ് ഡൊണാൾഡ് ട്രംപ് താൽക്കാലിക ഇളവ് നൽകി. റഷ്യയിൽ നിന്ന് എണ്ണയും വാതകവും വാങ്ങുന്ന ഇന്ത്യ, ചൈന തുടങ്ങിയ രാജ്യങ്ങൾക്ക് വലിയ ആശ്വാസം നൽകുന്നതാണ് ട്രംപിന്റെ തീരുമാനം. പ്രധാന താരിഫ് നടപടികൾ നിലവിൽ വരുന്നതിന് തൊട്ടുമുമ്പാണ് ട്രംപ് ഇതുസംബന്ധിച്ച എക്സിക്യൂട്ടീവ് ഉത്തരവിൽ ഒപ്പുവെച്ചത്. അമേരിക്കയുടെ ദേശീയ താൽപ്പര്യങ്ങൾ മുൻനിർത്തിയാണ് പുതിയ തീരുമാനമെന്ന് അദ്ദേഹം വ്യക്തമാക്കി. 'ലിൻഡ്സി ഒ. ഗ്രഹാം സാൻക്ഷണിങ് റഷ്യ ആൻഡ് ഇറാൻ ആക്ട് ഓഫ് 2026' (Lindsey O. Graham Sanctioning Russia and Iran Act of 2026) എന്ന നിയമത്തിൽ ട്രംപ് ഒപ്പുവെച്ച് ഒരു മാസം തികയുന്നതിന് മുമ്പാണ് നടപടി. റഷ്യയുടെ എണ്ണയും വാതകവും വാങ്ങുന്ന രാജ്യങ്ങളുടെ ഉൽപ്പന്നങ്ങൾക്ക് 100 ശതമാനം വരെ താരിഫ് ചുമത്താനുള്ള അധികാരം ഈ നിയമം യുഎസ് പ്രസിഡന്റിന് നൽകിയിരുന്നു. പുതിയ ഉത്തരവിലൂടെ നിയമത്തിലെ ചില കടുത്ത വ്യവസ്ഥകൾ മാത്രമാണ് താൽക്കാലികമായി നിർത്തിവെച്ചിരിക്കുന്നത്. എന്നാൽ റഷ്യക്കെതിരെയുള്ള എല്ലാ ഉപരോധങ്ങളും പൂർണ്ണമായി എടുത്തുകളഞ്ഞിട്ടില്ല. റഷ്യയിൽ നിന്ന് വാതകം വാങ്ങുന്ന രാജ്യങ്ങളെ അമേരിക്ക കർശനമായി നിരീക്ഷിച്ചുകൊണ്ടിരിക്കുകയാണ്. റഷ്യ- ഉക്രെയ്ൻ യുദ്ധത്തോടുള്ള ട്രംപിന്റെ സമീപനത്തില്‍ മാറ്റം വന്നുകൊണ്ടിരിക്കുന്ന സാഹചര്യത്തിലാണ് പുതിയ തീരുമാനം വന്നിരിക്കുന്നത്. റഷ്യൻ പ്രസിഡന്റ് വ്ലാഡിമി‌ർ പുടിനുമായി ട്രംപ് ചർച്ചകൾ നടത്തിവരികയാണ്. മാത്രമല്ല ഉക്രെനിയൻ പ്രസിഡന്റ് വ്ലാഡിമർ സെലെൻസ്കിയെ ട്രംപ് പരസ്യമായി വിമർശിക്കുകയും അദ്ദേഹത്തിന്റ നേതൃത്വത്തെ ചോദ്യം ചെയ്യുകയും ചെയ്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Katie Zacharia: ഒരാഴ്ച പോലും തികച്ചില്ല; കാറ്റി സക്കറിയയെ വൈറ്റ് ഹൗസ് പ്രസ് സെക്രട്ടറി സ്ഥാനത്ത് നിന്ന് പുറത്താക്കി ട്രംപ്

വാഷിങ്ടൺ: കാറ്റി സക്കറിയയെ വൈറ്റ് ഹൌസ് പ്രസ് സെക്രട്ടറി സ്ഥാനത്ത് നിന്ന് പുറത്താക്കി. ചുമതലയേറ്റ് ദിവസങ്ങൾക്കുള്ളിലാണ് ഇവരെ പുറത്താക്കിയിരിക്കുന്നത്. പുതിയ വൈറ്റ് ഹൌസ് പ്രസ് സെക്രട്ടറിയായി കഴിഞ്ഞയാഴ്ചയാണ് കാറ്റി സക്കറിയയെ നിയമിച്ചത്. എന്നാൽ, ഇവർക്കെതിരെ ഉയർന്നുവന്ന വിവാദങ്ങൾക്ക് പിന്നാലെയാണ് പുറത്താക്കൽ നടപടി ഉണ്ടായിരിക്കുന്നത്. കാറ്റി സക്കറിയയുടെ നിയമപരമായ യോഗ്യതയെ സംബന്ധിച്ചും ബാർ പരീക്ഷ പാസാകുന്നതുമായി ബന്ധപ്പെട്ട് ഉയർന്നുവന്ന വിവാദങ്ങളുമാണ് പുറത്താക്കലിലേക്ക് നയിച്ചത്. മാധ്യമങ്ങളിൽ നിന്ന് കനത്ത വിമർശനങ്ങൾ തുടർന്നതോടെ പ്രസിഡൻറ് ഡോണൾഡ് ട്രംപ് തന്നെ അവരോട് പിന്മാറാൻ നിർദേശിക്കുകയായിരുന്നു. കാറ്റി വൈറ്റ് ഹൌസ് പ്രസ് സെക്രട്ടറി സ്ഥാനത്ത് ഏതാനും ദിവസങ്ങൾ മാത്രമാണിരുന്നത്. ചരിത്രത്തിലെ തന്നെ ഒരു വൈറ്റ് ഹൌസ് പ്രസ് സെക്രട്ടറിയുടെ ഏറ്റവും കുറഞ്ഞ കാലാവധിയാണ് ഇതെന്നാണ് കണക്കാക്കപ്പെടുന്നത്. കാറ്റിയുടെ അഭിഭാഷക യോഗ്യതയിലെ വൈരുധ്യങ്ങൾ പുറത്തുവന്നതോടെ മാധ്യമങ്ങളിൽ നിന്ന് ഇവർക്ക് വലിയ വിമർശനങ്ങൾ നേരിടേണ്ടി വന്നിരുന്നു. താൻ അഭിഭാഷകയായി പ്രവർത്തിച്ചിട്ടുണ്ടെന്ന് ഇവർ അവകാശപ്പെട്ടിരുന്നെങ്കിലും അമേരിക്കയിലെ ഒരു സംസ്ഥാനത്തും അഭിഭാഷകയായി അവർ രജിസ്റ്റർ ചെയ്തിട്ടില്ലെന്നും ബാർ പരീക്ഷ പാസായിട്ടില്ലെന്നും പിന്നീട് വ്യക്തമായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Russia-Ukraine: 'സെലെന്‍സ്കിയേക്കാള്‍ സമാധാന കരാറിന് താല്‍പ്പര്യം പുടിന്'- ഡൊണാൾഡ് ട്രംപ്

സമാധാന കരാറിനായി ഏറെ ആഗ്രഹിക്കുന്നത് യുക്രെയ്ൻ പ്രസിഡന്റ് വൊളോഡിമിർ സെലെൻസ്കിയേക്കാൾ റഷ്യൻ പ്രസിഡന്റ് വ്ളാഡിമിർ പുടിനാണെന്ന് യുഎസ് പ്രസിഡന്റ് ഡൊണാൾഡ് ട്രംപ്. ഊർജമേഖലയിലെ വെടിനിർത്തൽ ധാരണ റഷ്യ ലംഘിക്കുന്നുവെന്ന യുക്രെയ്ന്റെ ആരോപണങ്ങൾക്കിടയിലാണ് വൈറ്റ് ഹൗസിൽ വെച്ച് മാധ്യമങ്ങളോട് ട്രംപ് ഇക്കാര്യം വ്യക്തമാക്കിയത്. റഷ്യ യുക്രെയ്നുമേൽ നടത്തുന്ന തുടർച്ചയായ ആക്രമണങ്ങളെക്കുറിച്ചും ഊർജ അടിസ്ഥാന സൗകര്യങ്ങൾക്ക് മേലുള്ള ആക്രമണങ്ങളെക്കുറിച്ചും മാധ്യമപ്രവർത്തകർ ചോദിച്ചപ്പോഴാണ് ട്രംപ് ഇപ്രകാരം പ്രതികരിച്ചത്. 'രണ്ട് രാജ്യങ്ങളും സമാധാനത്തെ പിന്തുണയ്ക്കുന്നുണ്ട്. അവർക്ക് ഒരു ധാരണയിലെത്താൻ താൽപ്പര്യവുമുണ്ട് പക്ഷേ എങ്ങനെ ചെയ്യണമെന്ന് അവർക്കറിയില്ല.' ഇരു രാജ്യങ്ങളെയും ഇതിനായി തങ്ങൾ തയ്യാറാക്കുമെന്ന് ട്രംപ് വ്യക്തമാക്കി. ഇരുരാജ്യങ്ങളും പരസ്യമായി അംഗീകരിച്ച വെടിനിർത്തൽ ഇതുവരെയും ഉണ്ടായിട്ടില്ലെങ്കിലും മോസ്കോയും കീവും തമ്മിൽ ഒരു ധാരണയിലെത്തിക്കാൻ കഴിയുമെന്ന ആത്മവിശ്വാസം ട്രംപ് പ്രകടിപ്പിച്ചു. കഴിഞ്ഞ ദിവസം റഷ്യ വെടിനിർത്തൽ ലംഘിച്ചുവെന്ന റിപ്പോർട്ടുകളെക്കുറിച്ചുള്ള മാധ്യമപ്രവർത്തകരുടെ ചോദ്യത്തിന് സാഹചര്യം എന്താണെന്ന് താൻ പരിശോധിക്കേണ്ടതുണ്ടെന്നായിരുന്നു അദ്ദേഹത്തിന്റെ മറുപടി. അതേസമയം വെടിനിർത്തൽ ലംഘനങ്ങളുടെ ഉത്തരവാദിത്തം മോസ്കോയുടെ മേൽ മാത്രം ചുമത്താനാവില്ലെന്ന സൂചനയും അദ്ദേഹം നൽകി. സംഘർഷത്തിൽ ആളപായം വർദ്ധിച്ചുവരുന്നതായി ചൂണ്ടിക്കാണിച്ച ട്രംപ്, ജീവനുകൾ നഷ്ടപ്പെടുന്നത് തുടരുന്നത് സമാധാന ചർച്ചകൾ അടിയന്തിരമാക്കുന്നുവെന്നും വാദിച്ചു. കൊല്ലപ്പെട്ടവരിൽ അധികവും യുവ സൈനികരാണെന്നും അദ്ദേഹം കൂട്ടിച്ചേർത്തു. 2022 ഫെബ്രുവരിയിലാണ് റഷ്യ യുക്രെയ്നുമേൽ പൂർണ്ണ തോതിലുള്ള അധിനിവേശം ആരംഭിച്ചത്. ഇത് വർഷങ്ങളോളം നീണ്ട പോരാട്ടത്തിലേക്കും വൻ നാശനഷ്ടങ്ങളിലേക്കുമാണ് നയിച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

US Tariff on Russian Oil Buyers: റഷ്യൻ ഉപരോധ ബില്ലിൽ ട്രംപ് ഒപ്പുവെച്ചു, ആശങ്കയിൽ ഇന്ത്യയും ചൈനയും

റഷ്യയിൽ നിന്ന് എണ്ണ വാങ്ങുന്ന രാജ്യങ്ങൾക്ക് 100 ശതമാനം വരെ ഇറക്കുമതി തീരുവ (tariffs) ചുമത്താൻ നിർദേശം നൽകുന്ന ബില്ലിൽ ഒപ്പുവെച്ച് അമേരിക്കൻ പ്രസിഡന്റ് ഡോണൾഡ് ട്രംപ്. ഈ നിയമം ഇന്ത്യയ്ക്കും ചൈനയ്ക്കും വലിയ ഭീഷണിയാണ് ഉയർത്തുന്നത്. യുഎസ് കോൺഗ്രസിന്റെ പ്രതിനിധി സഭയായ ഹൗസ് ഓഫ് റെപ്രസെന്റേറ്റീവ്സ് 262-159 വോട്ടുകൾക്കാണ് ബില്ല് പാസാക്കിയത്. തുടർന്ന് രണ്ട് ദിവസങ്ങൾക്ക് ശേഷമാണ് ട്രംപ് ബില്ലിൽ ഒപ്പുവെച്ചത്. വാഷിംഗ്ടണിലെ ഉക്രെയ്ന്റെ ശക്തരായ വക്താക്കളിൽ ഒരാളായിരുന്ന സെറ്റർ ലിൻഡ്‌സെ ഗ്രഹാമിന്റെ സ്മരണക്കായി ലിൻഡ്‌സി ഒ. ഗ്രഹാം സാങ്ഷനിംഗ് റഷ്യ ആന്റ് ഇറാൻ ആക്റ്റ് ഓഫ് 2026 (Lindsey O. Graham Sanctioning Russia and Iran Act of 2026) എന്ന് നിയമത്തിന് പേരിട്ടിരിക്കുന്നത്. യുക്രെയ്ൻ യുദ്ധത്തിന്റെ പേരിൽ റഷ്യയുടെ മുകളിൽ കൂടുതൽ സാമ്പത്തിക സമ്മർദ്ദം ചെലുത്തുക എന്നതാണ് പുതിയ നിയമത്തിന്റെ ലക്ഷ്യം. ലോകമെമ്പാടുമുള്ള രാജ്യങ്ങൾക്ക് വലിയ അളവിലാണ് റഷ്യ എണ്ണയും പ്രകൃതിവാതകവും വിൽക്കുന്നത്. കൂടുതൽ നികുതി ചുമത്തുമെന്ന് ഭയപ്പെടുത്തി റഷ്യയിൽ നിന്നുള്ള എണ്ണ വാങ്ങുന്നത് മറ്റ് രാജ്യങ്ങൾ കുറയ്ക്കുന്നത് വഴി യുക്രെയ്ൻ യുദ്ധം അവസാനിപ്പിക്കാൻ റഷ്യയെ നിർബന്ധിതരാക്കാനുമാണ് പുതിയ നിയമം. അതെസമയം പുതിയ നിയമം ഇന്ത്യയ്ക്കോ ചൈനയ്ക്കോ അല്ലെങ്കിൽ മറ്റ് രാജ്യങ്ങളുടെ മേലോ ഉടൻതന്നെ 100 ശതമാനം ഇറക്കുമതി തീരുവ ചുമത്തുന്നില്ല. പകരം അത്തരം തീരുവകൾ ചുമത്തണോ വേണ്ടയോ എന്ന് തീരുമാനിക്കാനുള്ള നിയമപരമായ അധികാരം അമേരിക്കൻ പ്രസിഡന്റിനാണ്. ഇന്ത്യ, ചൈന, യു.എ.ഇ, തുർക്കി, സിംഗപ്പൂർ, അസർബൈജാൻ, കസാഖിസ്ഥാൻ, ഹംഗറി, കിർഗിസ്ഥാൻ, സ്ലൊവാക്യ എന്നീ രാജ്യങ്ങൾ സെക്കൻഡറി ടാരിഫ് വ്യവസ്ഥകൾക്ക് കീഴിൽ 100 ശതമാനം വരെ തീരുവ ഈടാക്കാൻ അർഹതയുള്ള രാജ്യങ്ങളായി നാമനിർദ്ദേശം ചെയ്തിട്ടുണ്ട്. ബില്ലിൽ ഒപ്പുവെച്ചതുകൊണ്ട് മാത്രം ഇന്ത്യയിലേക്ക് കയറ്റി അയക്കുന്ന ഉൽപ്പന്നങ്ങൾക്ക് മേൽ സ്വയം 100% തീരുവ നിലവിൽ വരുന്നില്ല. റഷ്യൻ എണ്ണയും പ്രകൃതിവാതകവും വാങ്ങുന്നത് ഇന്ത്യ തുടരുകയാണെങ്കിൽ യുഎസ് പ്രസിഡന്റ് തന്റെ അധികാരം ഉപയോഗിച്ച് ആവശ്യമെങ്കിൽ തീരുവ ചുമത്താൻ ഈ നിയമം അധികാരം നൽകുന്നു. റഷ്യൻ എണ്ണ വാങ്ങുന്നതിന്റെ പേരിൽ ട്രംപ് 100% തീരുവ നടപ്പിലാക്കിയാൽ നിലവിലുള്ള മറ്റ് തീരുവകൾക്ക് പുറമെയായിരിക്കും ഈ അധിക ബാധ്യത വരിക. എന്നാൽ നിയമം യുഎസ് എങ്ങനെ നടപ്പിലാക്കുന്നു എന്നതിനെ ആശ്രയിച്ചായിരിക്കും ഇന്ത്യയുടെ സാമ്പത്തിക മേഖലയിൽ അടക്കം തിരിച്ചടി ഉണ്ടാകുക. അതെസമയം ഇന്ത്യയുടെ വ്യാപാര താൽപര്യങ്ങൾ സംരക്ഷിക്കാൻ ഇന്ത്യ പ്രതിജ്ഞാബദ്ധമാണെന്ന് വിദേശകാര്യ മന്ത്രാലയം വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

US Tariff on Russian Oil Buyers: റഷ്യയിൽ നിന്ന് എണ്ണ വാങ്ങിയാൽ 100% തീരുവ, ഇന്ത്യയെയും ബാധിക്കുന്ന പുതിയ യുഎസ് നിയമം

റഷ്യയിൽ നിന്ന് എണ്ണ വാങ്ങുന്ന രാജ്യങ്ങൾക്ക് 100 ശതമാനം വരെ ഇറക്കുമതി തീരുവ (tariffs) ചുമത്താൻ യുഎസ് കോൺഗ്രസിന്റെ പ്രതിനിധി സഭയായ ഹൗസ് ഓഫ് റെപ്രസെന്റേറ്റീവ്സ് തീരുമാനിച്ചു. ലിൻഡ്‌സി ഒ. ഗ്രഹാം സാങ്ഷനിംഗ് റഷ്യ ആന്റ് ഇറാൻ ആക്റ്റ് ഓഫ് 2026 (Lindsey O. Graham Sanctioning Russia and Iran Act of 2026) എന്ന് വിളിക്കപ്പെടുന്ന ബിൽ 262-159 വോട്ടുകൾക്കാണ് പ്രതിനിധി സഭ അംഗീകരിച്ചത്. കഴിഞ്ഞ മാസം സെനറ്റിൽ 86-11 വോട്ടുകൾക്ക് പാസാക്കപ്പെട്ട ഈ ബിൽ ഇനി ഒപ്പിനായി യുഎസ് പ്രസിഡന്റ് ഡൊണാൾഡ് ട്രംപിന്റെ അടുത്തേക്ക് പോകും. യുക്രെയ്ൻ യുദ്ധത്തിന്റെ പേരിൽ റഷ്യയുടെ മുകളിൽ കൂടുതൽ സാമ്പത്തിക സമ്മർദ്ദം ചെലുത്തുക എന്നതാണ് പുതിയ നിയമനിർമ്മാണത്തിന്റെ ലക്ഷ്യം. സമ്മർദ്ദം ഇന്ത്യയ്ക്കും റഷ്യയിൽ നിന്ന് എണ്ണ വാങ്ങുന്ന ഇന്ത്യയടക്കമുള്ള രാജ്യങ്ങളെ വലിയ രീതിയിലാകും ഈ നീക്കം ബാധിക്കുക. ഇന്ത്യയ്ക്ക് പുറമെ ചൈനയും റഷ്യയുടെ എണ്ണ വാങ്ങുന്ന പ്രധാന രാജ്യങ്ങളിൽ ഒന്നാണ്. ഹൗസ് നടപടികൾക്കിടയിൽ ഈ രാജ്യങ്ങളെ പ്രത്യേകമായി പരാമർശിച്ചിട്ടുണ്ടെന്നും റിപ്പോർട്ടുകൾ വ്യക്തമാക്കുന്നു. എന്നിരുന്നാലും പുതിയ ബിൽ ഇന്ത്യൻ ഉൽപ്പന്നങ്ങൾക്ക് മേൽ യാന്ത്രികമായി 100 ശതമാനം തീരുവ ചുമത്തുന്നില്ല. പകരം, അത്തരം തീരുവകൾ ചുമത്തണോ വേണ്ടയോ എന്ന് തീരുമാനിക്കാനുള്ള നിയമപരമായ അധികാരം അമേരിക്കൻ പ്രസിഡന്റിനാണ് ഇത് നൽകുന്നത്. അതിനാൽ തന്നെ ട്രംപ് ഈ അധികാരം എങ്ങനെ ഉപയോഗിക്കുന്നു എന്നതിനെ ആശ്രയിച്ചായിരിക്കും ഭാവി. വ്യാപാരം സമ്മർദ്ദത്തിൽ 2022-ൽ യുക്രെയ്ൻ യുദ്ധം ആഗോള ഊർജ്ജ വിപണിയെ തടസ്സപ്പെടുത്തിയതിനെ തുടർന്ന് റഷ്യയിൽ നിന്ന് ക്രൂഡ് ഓയിൽ വാങ്ങുന്ന പ്രധാന രാജ്യങ്ങളിലൊന്നായി ഇന്ത്യ മാറി. ഇന്ത്യയ്ക്ക് നിലവിൽ രാജ്യത്തിന്റെ മൊത്തം എണ്ണ ഇറക്കുമതിയുടെ മൂന്നിലൊന്ന് റഷ്യയിൽ നിന്നാണ് ലഭിക്കുന്നത്. 2026 സാമ്പത്തിക വർഷത്തിൽ ഇത് ഏകദേശം 40.8 ബില്യൺ ഡോളറോളം വരും. ട്രംപ് തീരുവ ചുമത്തിയാൽ അമേരിക്കയിലേക്ക് സാധനങ്ങൾ കയറ്റി അയക്കുന്ന ഇന്ത്യൻ കമ്പനികൾക്ക് വലിയ നഷ്ടവും ചെലവ് വർദ്ധനവും ഉണ്ടാകാം. ഇത് ഇന്ത്യയുടെ വ്യാപാരത്തെയും ഊർജ്ജ നയങ്ങളെയും ബാധിക്കും. റഷ്യയെ പൂട്ടാൻ ഊർജ്ജ കയറ്റുമതിയിലൂടെ റഷ്യ നേടുന്ന വരുമാനം കുറയ്ക്കുക എന്നതാണ് ഈ നിയമത്തിന്റെ പ്രധാന ലക്ഷ്യം. ലോകമെമ്പാടുമുള്ള രാജ്യങ്ങൾക്ക് വലിയ അളവിലാണ് റഷ്യ എണ്ണയും വാതകവും വിൽക്കുന്നത്. കൂടുതൽ നികുതി ചുമത്തുമെന്ന് ഭയപ്പെടുത്തി റഷ്യയിൽ നിന്നുള്ള എണ്ണ വാങ്ങുന്നത് മറ്റ് രാജ്യങ്ങൾ കുറയ്ക്കുന്നത് വഴി യുക്രെയ്ൻ യുദ്ധം അവസാനിപ്പിക്കാൻ റഷ്യയെ നിർബന്ധിതരാക്കാനും ഈ നിയമം സഹായിക്കുമെന്നാണ് ബില്ലിനെ അനുകൂലിക്കുന്നവർ പറയുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Indian-Origin Couple Donation: അമേരിക്കന്‍ സര്‍വകലാശാലയ്ക്ക് പുതിയ എഐ കോളേജ്, ഇന്ത്യന്‍ വംശജരായ ദമ്പതികള്‍ നല്‍കിയ സംഭാവന 190 കോടി!

ടെക്സസ്: നോർത്ത് ടെക്സസ് സർവകലാശാലയ്ക്ക് ആർട്ടിഫിഷ്യൽ ഇന്റലിജൻസ് ആൻഡ് അഡ്വാൻസ്ഡ് കോളേജ് സ്ഥാപിക്കുന്നതിനായി 20 മില്യൺ ഡോളർ (190.25 കോടി) സംഭാവന നൽകി ഇന്ത്യൻ വംശജരായ ദമ്പതികൾ. അനുരാധ- വികാസ് സിൻഹ എന്നിവരാണ് ആർട്ടിഫിഷ്യൽ ഇന്റലിജൻസ് മേഖലയിലെ വിദ്യാഭ്യാസവും ഗവേഷണവും ശക്തിപ്പെടുത്തുന്നതിനായി സംഭാവന നൽകിയത്. പുതിയ കോളേജിന് അനുരാധ-വികാസ് സിൻഹ കോളേജ് ഓഫ് ആർട്ടിഫിഷ്യൽ ഇന്റലിജൻസ് ആൻഡ് അഡ്വാൻസ്ഡ് അനലിറ്റിക്സ് എന്ന് പേരിടുമെന്ന് സർവകലാശാല പ്രഖ്യാപിച്ചു. ആർട്ടിഫിഷ്യൽ ഇന്റലിജൻസ്, ഡാറ്റ അനലിറ്റിക്സ്, സൈബർ സുരക്ഷ, ഹെൽത്ത് ഇൻഫർമാറ്റിക്സ്, ഇൻഫർമേഷൻ സയൻസ്, ലേണിംഗ് ടെക്നോളജീസ് തുടങ്ങിയ ആധുനിക വിഷയങ്ങളിലെ പഠനത്തിനും ഗവേഷണത്തിനുമുള്ള പ്രധാന കേന്ദ്രമായി കോളേജ് പ്രവർത്തിക്കുമെന്ന് യൂണിവേഴ്സിറ്റി ഓഫ് നോർത്ത് ടെക്സസ് അറിയിച്ചു. മാത്രമല്ല സംഭാവന തുക ഉപയോഗിച്ച് ആറ് സ്ഥിര ഫണ്ടുകളും യൂണിവേഴ്സിറ്റി രൂപീകരിക്കും. ഇവ സ്കോളർഷിപ്പുകൾ, പ്രൊഫസർഷിപ്പുകൾ, കോളേജ് നേതൃത്വം, സംരംഭകത്വവും ഇൻകുബേഷനും, നൂതന ഗവേഷണങ്ങൾ, ഉയർന്നുവരുന്ന സാങ്കേതികവിദ്യകൾ എന്നിവയെ പിന്തുണയ്ക്കും. ഇന്ത്യയിലെ ശ്രീ വെങ്കിടേശ്വര സർവകലാശാലയിൽ നിന്ന് സിവിൽ എൻജിനീയറിംഗിൽ ബിരുദം നേടിയ ശേഷമാണ് വികാസ് സിൻഹ അമേരിക്കയിലേക്ക് കുടിയേറിയത്. പിന്നീട് ഫ്ലോറിഡ അറ്റ്ലാന്റിക് യൂണിവേഴ്സിറ്റിയിൽ ഉപരിപഠനം നടത്തി. വികാസ് നോർത്ത് വെസ്റ്റേൺ യൂണിവേഴ്സിറ്റിയിലും പഠനം പൂര്‍ത്തിയാക്കിയിട്ടുണ്ട്. തുടർന്ന് 2023-ൽ യുഎൻടിയിൽ നിന്നാണ് വികാസ് സിൻഹ ഇൻഫർമേഷൻ സയൻസിൽ ഡോക്ടറേറ്റ് നേടിയത്. ബ്രോഡ്കോമിന്റെ (Broadcom) മെയിൻഫ്രെയിം സോഫ്റ്റ്‍വെയർ ഡിവിഷന്റെ വൈസ് പ്രസിഡന്റായ അദ്ദേഹം യുഎൻടിയി കോളേജ് ഓഫ് ഇൻഫർമേഷൻ ലീഡർഷിപ്പ് ബോർഡിൽ അംഗമായി സേവനമനുഷ്ടിക്കുന്നുണ്ട്. യുഎസ് കുടിയേറ്റക്കാരും വിദ്യാർത്ഥികളും എന്ന നിലയിലുള്ള സ്വന്തം അനുഭവങ്ങളാണ് ഈ സംഭാവന നൽകാൻ തങ്ങളെ പ്രേരിപ്പിച്ചതെന്ന് വികാസ് പറയുന്നു. 'ഞങ്ങളെ സംബന്ധിച്ചിടത്തോളം ഈ സംഭാവന അവസരങ്ങളെ മറ്റുള്ളവരിലേക്കും എത്തിക്കുക എന്നതാണ്. കുടിയേറ്റക്കാർ അമേരിക്കൻ സ്വപ്നത്തിന്റെ ഭാഗമാകുക മാത്രമല്ല ചെയ്യുന്നത് സ്വപ്നങ്ങള്‍ നിർമ്മിക്കാൻ സഹായിക്കുകയാണെന്ന് തിരിച്ചറിയുകയാണ്.' നമ്മുടെ തലമുറയിലെ ഏറ്റവും നിർണായകമായ സാങ്കേതിക വിദ്യകളിൽ ഒന്നായിരിക്കും ആർട്ടിഫിഷ്യൽ ഇന്റലിജൻസെന്ന് പറഞ്ഞ വികാസ് എഐയുടെ ഭാവിയെ രൂപപ്പെടുത്തുന്നവരെ വാർത്തെടുക്കുന്നതിൽ സർവകലാശാലകൾക്ക് നിർണായക പങ്കുണ്ടെന്ന് വ്യക്തമാക്കി. എല്ലാ പിന്തുണയുമായി അനുരാധ-വികാസ് സിൻഹ ദമ്പതികളുടെ മകൻ സൂരജ് ഒപ്പമുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്

US Submarine: അമേരിക്കയുടെ അത്യാധുനിക ആളില്ലാ മുങ്ങിക്കപ്പൽ പിടിച്ചെടുത്തതായി ഇറാൻ; ഉപരോധം കടുപ്പിച്ച് യുഎസ്

ടെഹ്റാൻ: ഹോർമുസ് കടലിടുക്കിൽ അമേരിക്കയുടെ ആളില്ലാ മുങ്ങിക്കപ്പൽ (ഡ്രോൺ സബ്മറൈൻ പിടിച്ചെടുത്തതായി ഇറാൻറെ ഇസ്ലാമിക് റെല്യൂഷണറി ഗാർഡ് കോർപ്സ് (ഐആർജിസി) അവകാശപ്പെട്ടു. അതീവ സങ്കീർണമായ ഓപ്പറേഷനിലൂടെയാണ് ഈ അണ്ടർവാട്ടർ വെഹിക്കിൾ പിടിച്ചെടുത്തതെന്ന് ഐആർജിസി വ്യക്തമാക്കി. അമേരിക്കയുടെ ഏറ്റവും ആധുനികവും സാങ്കേതികപരമായി മികച്ചതുമായ ആളില്ലാ സബ്മറൈൻ ആണ് ഇതെന്ന് ഇറാൻ സ്റ്റേറ്റ് ടെലിവിഷൻ റിപ്പോർട്ട് ചെയ്തു. എന്നാൽ, ഇറാൻറെ അവകാശവാദത്തോട് യുഎസ് പ്രതികരിച്ചിട്ടില്ല. സംഭവത്തിൽ കൂടുതൽ വ്യക്തമായ വിവരങ്ങൾ പുറത്തുവന്നിട്ടില്ല. പിടിച്ചെടുത്ത യുഎസ് സബ്മറൈൻറെ ചിത്രങ്ങളും ദൃശ്യങ്ങളും ഉടൻ പുറത്തുവിടുമെന്ന് ഐആർജിസി അറിയിച്ചു. ജലത്തിനടിയിലെ രഹസ്യാന്വേഷണ നിരീക്ഷണം, സമുദ്ര തട്ടിൻറെ മാപ്പിങ്, സമുദ്രബന്ധിത മൈനുകൾ കണ്ടെത്തുക, കേബിളുകളും പൈപ്പ് ലൈനുകളും പരിശോധിക്കുക എന്നിവയാണ് ഇത് പ്രധാനമായും ചെയ്യുന്നത്. ഹോർമുസ് കടലിടുക്കിനെ ചൊല്ലി ഇറാനും യുഎസും തമ്മിൽ നിലനിൽക്കുന്ന സംഘർഷങ്ങൾ രൂക്ഷമായിരിക്കുന്ന പശ്ചാത്തലത്തിലാണ് പുതിയ സംഭവം. ഇറാനും ഒമാനും ഇടയിൽ സ്ഥിതി ചെയ്യുന്ന ഹോർമുസ് കടലിടുക്ക് ലോകത്തിലെ തന്നെ ഏറ്റവും പ്രധാനപ്പെട്ട കപ്പൽ ഗതാഗത പാതകളിലൊന്നാണ്. ആഗോളതലത്തിൽ എണ്ണയുടെയും ദ്രവീകൃത പ്രകൃതിവാതകത്തിൻറെയും വലിയൊരു പങ്ക് ഇതുവഴി കടന്നുപോകുന്നതിനാൽ ഇവിടെയുണ്ടാകുന്ന ഏതൊരു തടസവും ഊർജ്ജ വിപണിയെയും അന്താരാഷ്ട്ര ചരക്ക് നീക്കത്തെയും സാരമായി ബാധിക്കും.

US Green card for Indians: യു.എസ് ഗ്രീൻ കാർഡിനായി ഇന്ത്യക്കാരുടെ കാത്തിരിപ്പ് നീളുന്നു...

അമേരിക്കയിൽ ജോലിചെയ്യുന്ന ഇന്ത്യക്കാർക്ക് ഗ്രീൻ കാർഡ് കിട്ടാൻ വൈകുമെന്ന മുന്നറിയിപ്പുമായി യുഎസ് അധികൃതര്‍. ആവശ്യക്കാർ കൂടുതലായതിനാൽ ഇന്ത്യൻ പൗരന്മാർക്കുള്ള ഈ വർഷത്തെ 'ഇ.ബി-1' (EB-1) വിഭാഗത്തിലെ ഗ്രീൻ കാർഡുകൾ പൂർണ്ണമായി തീർന്നേക്കുമെന്നാണ് സ്റ്റേറ്റ് ഡിപ്പാർട്ട്മെന്റിന്റെ മുന്നറിയിപ്പ്. ഇതിനകം തന്നെ 'ഇ.ബി-2' വിഭാഗം ലഭ്യമല്ല. 'ഇ.ബി-3' വിഭാഗത്തിൽ ഗ്രീൻ കാർഡിനായി 12 വർഷത്തിലേറെ കാത്തിരിക്കേണ്ട അവസ്ഥയാണ്. അമേരിക്കയിൽ സ്ഥിരമായി താമസിക്കാനും ജോലി ചെയ്യാനും വിദേശ പൗരന്മാർക്ക് യു.എസ് സർക്കാർ നൽകുന്ന ഔദ്യോഗിക രേഖയാണ് ഗ്രീൻ കാർഡ്. ഗ്രീൻ കാർഡ് ലഭ്യമല്ലാത്തത് അമേരിക്കയിൽ ജോലിചെയ്യുന്ന ഒട്ടനവധി ഇന്ത്യക്കാരെ പ്രതിസന്ധിയിലാക്കി. ഇന്ത്യക്കാർക്ക് മുന്നറിയിപ്പ് ഇന്ത്യൻ അപേക്ഷകർക്കുള്ള ഇ.ബി-1 വിസകൾ വൈകാതെ തീർന്നുപോയേക്കുമെന്നാണ് യു.എസ് സ്റ്റേറ്റ് ഡിപ്പാർട്ട്മെന്റ് പറയുന്നത്. 2026 സെപ്റ്റംബർ 30-നാണ് യുഎസ് സാമ്പത്തിക വർഷം അവസാനിക്കുന്നത്. അപേക്ഷകരുടെ തിരക്ക് കാരണം ഇന്ത്യയ്ക്ക് അനുവദിച്ചിട്ടുള്ള വിസ പരിധി ഈ കാലയളവിന് മുൻപ് തന്നെ പൂർണ്ണമായി കഴിഞ്ഞേക്കാമെന്ന് അധികൃതർ പറയുന്നു. സാഹചര്യം തുടർച്ചയായി നിരീക്ഷിച്ചുവരികയാണെന്നും ആവശ്യമായ മാറ്റങ്ങൾ വരുത്തുമെന്നും അധികൃതർ വ്യക്തമാക്കി. ഇ.ബി-1 എന്താണ്? ഇ.ബി-1 എന്നാൽ തൊഴിൽ അടിസ്ഥാനമാക്കി ഉദ്യോഗസ്ഥർക്ക് നൽകുന്ന ആദ്യ മുൻഗണനയുള്ള ഗ്രീൻ കാർഡ് വിഭാഗമാണ്. ഇതിൽ മികച്ച കഴിവുള്ള കമ്പനി പ്രൊഫസർമാർ, ഗവേഷകർ, എക്സ്ക്യൂട്ടീവുകൾ, മാനേജർമാ‌ർ എന്നിവർ ഉൾപ്പെടുന്നുണ്ട്. 2026 സെപ്റ്റംബറിലെ കണക്കുപ്രകാരം ഇന്ത്യക്കാരുടെ ഇ.ബി-1 വിസയ്ക്കുള്ള അന്തിമ തീയതി 2022 ഒക്ടോബർ 15 ആണ്. അതായത് ഈ തീയതിക്ക് മുൻപ് അപേക്ഷിച്ചവർക്ക് മാത്രമേ ഇപ്പോൾ ഗ്രീൻ കാർഡ് നടപടികൾ പൂർത്തിയാക്കാൻ കഴിയൂ. ഇ.ബി-2 ലഭ്യമല്ല ഇ.ബി-1 മാത്രമല്ല മറ്റ് ഗ്രീൻ കാർഡ് വിഭാഗങ്ങളും പ്രതിസന്ധിയിലൂടെയാണ് കടന്നുപോകുന്നത്. സെപ്റ്റംബറിലെ വിസ ബുള്ളറ്റിനിൽ ഇന്ത്യയുടെ EB-2 വിഭാഗം 'U' (Unavailable - ലഭ്യമല്ല) എന്നാണ് രേഖപ്പെടുത്തിയിരിക്കുന്നത്. യുഎസ് സാമ്പത്തിക വർഷം അവസാനിക്കുന്നത് വരെ ഇന്ത്യക്ക് അനുവദിച്ചിട്ടുള്ള EB-2 വിസകളുടെ എണ്ണം ഇതിനകം തന്നെ പൂർണ്ണമായി തീർന്നുവെന്നാണ് സ്റ്റേറ്റ് ഡിപ്പാർട്ട്മെന്റ് 'U' എന്നതുകൊണ്ട് അർത്ഥമാക്കുന്നത്. ഉന്നത ബിരുദങ്ങളും അസാധാരണമായ കഴിവുകളുമുള്ള പ്രൊഫഷണലുകൾക്കായുള്ളതാണ് EB-2 വിഭാഗം. യുഎസിലെ പുതിയ സാമ്പത്തിക വർഷം ആരംഭിക്കുന്ന ഒക്ടോബർ 1-ന് മാത്രമേ ഈ സ്ഥിതിയിൽ മാറ്റങ്ങൾ വരാൻ സാധ്യതയുള്ളൂ. ഇ.ബി-3 വേണ്ടി കാത്തിരിപ്പ് ഇന്ത്യയിലെ ഇ.ബി.-3 (EB-3) വിഭാഗത്തിലും ഗ്രീൻ കാർഡ് ലഭിക്കാൻ വലിയ കാത്തിരിപ്പാണ്. വിദഗ്ധ തൊഴിലാളികൾക്കായുള്ള ഈ വിഭാഗത്തിൽ 2014 ജനുവരി 1-ന് അപേക്ഷിച്ചവരുടെ കാര്യങ്ങൾ മാത്രമാണ് ഇപ്പോൾ നടക്കുന്നത്. ഇന്ത്യക്കാർക്ക് 12 വർഷത്തിലേറെ കാത്തിരിക്കുമ്പോൾ മറ്റ് പല രാജ്യങ്ങളിലെയും അപേക്ഷകർക്ക് ഒന്നോ രണ്ടോ വർഷത്തിനുള്ളിൽ ഗ്രീൻ കാർഡ് ലഭിക്കുന്നുണ്ട്. ഇ.ബി-5 ലഭിക്കുമോ? നിക്ഷേപകരുടെ ഗ്രീൻ കാർഡാണ് ഇ.ബി.-5 (EB-5). ഇ.ബി.-5 വിഭാഗത്തിൽ ഇന്ത്യക്കാർക്ക് ഇപ്പോൾ തടസ്സങ്ങൾ ഉണ്ടെങ്കിലും ഗ്രാമീണ മേഖലകളിലോ തൊഴിലില്ലായ്മ കൂടിയ സ്ഥലങ്ങളിലോ നിക്ഷേപം നടത്തുന്നവര്‍ക്ക് പ്രത്യേക ഇ.ബി-5 പദ്ധതികൾ വഴി വിസ ലഭ്യമാണ്. ഇന്ത്യക്കാർക്ക് ഗ്രീൻ കാർഡ് കിട്ടാൻ താമസമുണ്ടോ? ലോകത്ത് എവിടെയുള്ളവരായാലും ഓരോ രാജ്യത്തിനും ആകെ വിസകളുടെ 7 ശതമാനം മാത്രമേ നൽകാവൂ എന്നാണ് നിയമം. 2026 സാമ്പത്തിക വർഷത്തിൽ ലോകമെമ്പാടുമുള്ള തൊഴിൽ-അധിഷ്ഠിത മുൻഗണനാ വിസകളുടെ പരിധി 1,86,317 ആണ്. ഇന്ത്യയിൽ നിന്ന് ലക്ഷക്കണക്കിന് ആളുകൾ അപേക്ഷിക്കുമ്പോഴും ചെറിയ രാജ്യങ്ങൾക്ക് കിട്ടുന്ന അതേ വിഹിതം മാത്രമാണ് ഇന്ത്യയ്ക്കും ലഭിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.