Bigg Boss Malayalam S8: മോഹന്‍ലാലിനെതിരെ വിമര്‍ശനവും, മാതാപിതാക്കളുടെ എതിര്‍പ്പും: ബിഗ് ബോസില്‍ നേഹ ഫാത്തിമ പ്രണയം വിവാദത്തില്‍

ബിഗ് ബോസ് മലയാളം സീസൺ 8-ൽ ചൂടുപിടിച്ച ചർച്ച വിഷയങ്ങളാണ് നടക്കുന്നത്. കഴിഞ്ഞ ദിവസമാണ് നേഹ ഫാത്തിമ എന്ന മത്സരാർത്ഥിയുടെ മാതാപിതാക്കൾ ബിഗ് ബോസ് വേദിയിലെത്തിയത്. പതിവ് 'ഫാമിലി വീക്കിന്' മുൻപായി വേദിയിലെത്തിയ ഇവർ ഷോ നിർത്തി പുറത്തിറങ്ങാൻ ആവശ്യപ്പെട്ടു. നേഹ ഗെയിമിൽ വൈകാരികമായി തളരുകയാണെന്നും മറ്റുള്ളവർ അവളെ സ്വന്തം ആവശ്യങ്ങൾക്കായി ഉപയോഗിക്കുകയാണെന്നും മാതാപിതാക്കൾ കണ്ണീരോടെ കുറ്റപ്പെടുത്തി.

Bigg Boss Mass Eviction: ബി​ഗ് ബോസിലെ മാസ് എവിക്ഷനിലും ട്വിസ്റ്റ്; 6 പേർ പുറത്തേക്ക്, 2 പേർ സീക്രട്ട് റൂമിൽ!

ബിഗ് ബോസ് മലയാളം സീസൺ 8-ൽ ചരിത്രത്തിലില്ലാത്ത വമ്പൻ ട്വിസ്റ്റ് ആണ് നടക്കുന്നത്. ആദ്യ മൂന്നാഴ്ചത്തെ നാടകീയ സംഭവങ്ങൾക്ക് പിന്നാലെ വാരാന്ത്യ എപ്പിസോഡിൽ 'മാസ് എവിക്ഷൻ' അരങ്ങേറിയിരിക്കുകയാണ്. ഒറ്റ ദിവസം കൊണ്ട് ബിഗ് ബോസ് വീട്ടിൽ നിന്നും പടിയിറങ്ങിയത് ആറ് മത്സരാർത്ഥികളാണ്. ആകെ എട്ട് പേ‍ർ മാസ് എവിക്ഷനിൽ പുറത്തായതായാണ് വീട്ടിലുള്ളവ‍ കരുതിയിരിക്കുന്നത്. എന്നാൽ ഇതിൽ രണ്ട് പേരെ സീക്രട്ട് റൂമിലാക്കി. മൃദുല, അഞ്ജലി എന്നിവരെയാണ് സീക്രട്ട് റൂമിലേക്ക് മാറ്റിയിരിക്കുന്നത്. രാകേഷ്, ലോലിറ്റ, ഗായത്രി, സുമേഷ്, ജസീല, ശ്രീലക്ഷ്മി അറയ്ക്കൽ എന്നിവരാണ് നിലവിൽ ബിഗ് ബോസ് വീട്ടിൽ നിന്ന് പടിയിറങ്ങിയിരിക്കുന്നത്. മുൻ സീസണുകളിൽ ഡബിൾ എവിക്ഷനുകൾ ഉണ്ടായിരുന്നുവെങ്കിലും ഒരേസമയം ഇത്രയധികം മത്സരാർത്ഥികളെ പുറത്താക്കുന്നത് ബിഗ് ബോസിന്റെ ചരിത്രത്തിൽ തന്നെ ആദ്യമായാണ്. കഴിഞ്ഞ വാരാന്ത്യ എപ്പിസോഡിൽ അവതാരകൻ മോഹൻലാൽ സ്വീകരിച്ച കടുത്ത അച്ചടക്ക നടപടിയുടെ ഭാഗമാണ് ഇപ്പോൾ നടന്ന മാസ് എവിക്ഷൻ. മത്സരാർത്ഥികളുടെ തുടർച്ചയായ ചട്ടലംഘനം, ഗെയിമിലെ നിർജീവത, അലസത എന്നിവയിൽ കടുത്ത അമർഷം രേഖപ്പെടുത്തിയ മോഹൻലാൽ, ക്യാപ്റ്റൻ ഷിജിൻ ഒഴികെയുള്ള 18 പേരെയും നേരിട്ട് ഡയറക്ട് നോമിനേഷനിലാക്കുകയായിരുന്നു. വരും ദിവസങ്ങളിൽ ശക്തരായ വൈൽഡ് കാർഡ് മത്സരാർത്ഥികൾ ഒരേസമയം ഹൗസിലേക്ക് എത്തുമെന്നാണ് വിവരം. ഇതോടെ ബിഗ് ബോസ് സീസൺ 8ന്റെ കളിക്കളത്തിൽ വരും ദിവസങ്ങളിൽ തീപ്പാറുന്ന പുതിയൊരു പോരാട്ടത്തിനാകും പ്രേക്ഷകർ സാക്ഷ്യം വഹിക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss Malayalam S8: മാസ് എവിക്ഷന് തുടക്കം! ബിഗ് ബോസ് വീടിനോട് ആദ്യം ഗുഡ്‌ബൈ പറയുന്നത് ഈ മത്സരാർത്ഥി

ബിഗ് ബോസ് മലയാളം എട്ടാം സീസൺ തുടങ്ങിയിട്ട് ഒരു മാസം ആകുകയാണ്. ഈ വേളയിൽ ബിബിയിൽ ചരിത്രത്തില്‍ ആദ്യമായി ഒരു മാസ് എവിക്ഷന്‍ നടക്കാൻ പോകുകയാണ്. സാധാരണ വീക്കെൻഡ് എപ്പിസോഡിൽ ഒന്നോ രണ്ടോ പേരാണ് ബിഗ് ബോസ് വീട്ടിൽ നിന്നും പടിയിറങ്ങുന്നത്. എന്നാൽ ഈ വാരാന്ത്യത്തിൽ മലയാളം ബിഗ് ബോസിന്റെ ചരിത്രത്തിൽ തന്നെ ആദ്യമായി മാസ് എവിക്ഷൻ നടക്കും. പ്രേക്ഷകരെയും മത്സരാർത്ഥികളെയും ഒരുപോലെ ഞെട്ടിക്കുന്നതാണ് ഈ മാസ് എവിക്ഷൻ. മൂന്ന് മുതൽ ആറ് പേർ വരെ ഈ ആഴ്ച പുറത്തുപോകാനുള്ള സാധ്യതയാണുള്ളത്. മാസ് എവിക്ഷൻ എപ്പിസോഡ് ഇന്നായിരിക്കും സംപ്രേക്ഷണം ചെയ്യുകയെന്നാണ് വിവരം. ബിബി വീടിന്റെ ലീഡറായ ഷിജിന്‍ ഒഴികെ ഹൗസിലുള്ള മറ്റ് മത്സരാർത്ഥികളെല്ലാം ഇക്കുറി നോമിനേഷന്‍ ലിസ്റ്റില്‍ ഉണ്ട്.മത്സരാര്‍ഥികളെ സംബന്ധിച്ച് ഈ ആഴ്ചയിലെ പെർഫോമൻസ് വളരെ പ്രധാനമാണ്. ഈ മാസ് എവിക്ഷനിൽ ആരൊക്കെ പുറത്താകും എന്ന് അറിയാനുള്ള കാത്തിരിപ്പിലാണ് പ്രേക്ഷകര്‍. മാസ് എവിക്ഷനിൽ ആദ്യമായി ബിഗ് ബോസ് വീട്ടിൽ നിന്ന് പടിയിറങ്ങുന്നത് രാകേഷ് ആണ്. രാകേഷിന്റെ പെർഫോമൻസിന്റെ അടിസ്ഥാനത്തിൽ ലഭിച്ച് വോട്ടിംഗ് പ്രാകരമാണ് എവിക്ഷൻ നടന്നിരിക്കുന്നതെന്നാണ് വിവരം. രാകേഷിന്റെ എവിക്ഷൻ ഏഷ്യാനെറ്റ് തന്നെയാണ് സ്ഥിരീകരിച്ചിരിക്കുന്നത്. രണ്ടാമതായി ലോലിറ്റയും പുറത്തായി. പുറത്തുവരുന്ന അനൗദ്യോഗിക വോട്ടിംഗ് സൂചനകൾ പ്രകാരം ശ്രീലക്ഷ്മി അറയ്ക്കൽ, അഞ്ജലി, ലോലിറ്റ, ജസീല പർവീൺ എന്നിവരാണ് ഇനി പുറത്താകാൻ സാധ്യതയുള്ളവർ. നേരത്തെ ഈ ലിസ്റ്റിൽ രാകേഷിന്റെ പേരും ഉൾപ്പെട്ടിരുന്നു. വോട്ടിംഗ് കുറവും ഹൗസിലെ മോശം പ്രകടനവുമാണ് ഇവരെ റെഡ് സോണിൽ എത്തിച്ചിരിക്കുന്നത് എന്നാണ് റിപ്പോർട്ട്. ഇവർ ഒന്നിച്ച് പടിയിറങ്ങുമോ, അവസാന നിമിഷം അപ്രതീക്ഷിത ട്വിസ്റ്റുകൾ ഉണ്ടാകുമോ എന്നത് കണ്ടറിയാം... ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss Malayalam S8: 'ഹീറോയിസം കാണിക്കാൻ നിൽക്കരുത്' എൽദോസിനെതിരെ ആഞ്ഞടിച്ച് മോഹൻലാൽ

ബിഗ് ബോസ് മലയാളം സീസൺ 8ൽ മത്സരാർത്ഥിയെ പൊരിച്ച് അവതാരകൻ മോഹൻലാൽ. എൽദോസ് എന്ന മത്സരാർത്ഥിയെ ആണ് മോഹൻലാൽ കടുത്ത രീതിയിൽ ശാസിച്ചത്. നിയമവിരുദ്ധമായ പെരുമാറ്റങ്ങളോ ഭീഷണികളോ ഉണ്ടാകുമ്പോൾ മോഹൻലാൽ കർശനമായി താക്കീതാണ് ഹൗസിലെ മത്സരാർത്ഥികൾക്ക് നൽകുന്നത്. ബിഗ് ബോസ് ഹൗസിൽ വീടിന്റെ അധികാരത്തിനായി റൂം ആക്സസ് ടാസ്കിനിടെ എൽദോയും താഷിയും തമ്മിലുള്ള വാക്കേറ്റവും കയ്യാങ്കളിയുമാണ് പ്രശ്നങ്ങൾക്ക് കാരണം. വഴക്ക് തടയാൻ ശ്രമിച്ച ഗൗതം ശശിക്ക് പരിക്കേൽക്കുകയും ചെയ്തു. തുടർന്ന് ഗൗതം മെഡിക്കൽ റൂമിൽ ചികിത്സ തേടി. ഈ സംഭവത്തിന് ശേഷമാണ് താഷിയെ പുറത്തുനിന്ന് ആളുകളെ കൊണ്ടുവന്ന് അടിക്കുമെന്ന രീതിയിൽ എൽദോസ് ഭീഷണി മുഴക്കിയത്. ഹൗസിനുള്ളിലെ ഇത്തരം പെരുമാറ്റവും അക്രമണ ആഹ്വാനങ്ങളും ഭീഷണികളും കർശനമായി വിലക്കിയിട്ടുള്ളതാണ്. വീടിനുള്ളിൽ കൂടുതൽ വീരവാദം മുഴക്കരുതൊണ് എൽദോസിന് മോഹൻലാൽ മുന്നറിയിപ്പ് നൽകിയത്. 'നീ അവിടെ ഹീറോയിസം കാണിക്കാൻ നിൽക്കരുത്. അത് എങ്ങനെയെന്ന് എനിക്ക് നന്നായി അറിയാം. കൂടുതൽ ഓവർ-സ്മാർട്ടാകാൻ നോക്കേണ്ട'. എന്റെ പിള്ളേരെ തൊടുന്നോടാ എന്നത് എന്റെ സ്വന്തം ഡയലോഗാണ് മോനെയെന്നും അദ്ദേഹം പറയുന്നുണ്ട്. നിയമം കയ്യിലെടുക്കാൻ ശ്രമിച്ചാൽ അതിലും ശക്തമായി നേരിടാൻ അറിയാമെന്ന് മോഹൻലാൽ മുന്നറിയിപ്പ് നൽകി. ഇത് എന്റെ വീടാണെന്ന് പറഞ്ഞ മോഹൻലാൽ നിങ്ങളൊക്കെ ഇവിടെ വെറും അന്തേവാസികൾ മാത്രമാണെന്നും മത്സരാർത്ഥികളെ ഓർമപ്പെടുത്തി. പുറത്തുനിന്ന് ആളുകളെ കൊണ്ടുവന്ന് അടിക്കുമെന്ന് പറയുന്നത് തന്നെ വെല്ലുവിളിക്കുന്നതിന് തുല്യമാണെന്നും മോഹൻലാൽ കൂട്ടിച്ചേർത്തു. എന്നാൽ താൻ പെട്ടെന്നുള്ള ദേഷ്യത്തിലാണ് അങ്ങനെ പറഞ്ഞതെന്ന് എൽദോ സ്വയം ന്യായീകരിക്കാൻ ശ്രമിക്കുന്നുമുണ്ട്. ബിഗ് ബോസ് മലയാളം സീസൺ 8-ന്റെ എപ്പിസോഡുകൾ ശനി, ഞായർ ദിവസങ്ങളിൽ രാത്രി 9 മണിക്ക് ആണ് ഏഷ്യാനെറ്റിൽ ടെലികാസ്റ്റ് ചെയ്യുന്നത്. JioHotstar-ൽ ലൈവായും ഷോ കാണാൻ സാധിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss: ​'ഗൂഢാലോചനക്കാരിയെന്ന് പറ‍ഞ്ഞ രാഹുൽ ഈശ്വറിനെക്കൊണ്ട് തിരുത്തി പറയിപ്പിച്ചു, അതാണ് തന്റെ വിജയം'; റിനി ആൻ ജോർജ്

ബിഗ് ബോസ് സീസൺ 8ന്റെ വീക്കെൻഡ് എപ്പിസോഡ് ആയിരുന്നു കഴിഞ്ഞ ദിവസം. രണ്ട് പേരാണ് ആദ്യ വീക്കെൻഡ് എപ്പിസോഡുകളിൽ ഹൗസിൽ നിന്ന് പുറത്തായത്. ശനിയാഴ്ച കാളിധന്യയും ഞായറാഴ്ച പുറത്ത് പോയത് റിനി ആൻ ജോർജുമാണ്. ആദ്യമായാണ് ആദ്യത്തെ ആഴ്ചയിൽ തന്നെ ഡബിൾ എവിക്ഷൻ നടക്കുന്നത്. സോഷ്യൽ മീഡിയയിലൂടെയും വാർത്തകളിലൂടെയും മലയാളികൾ പരിചിതമായി മാറിയ ആലാണ് റിനി. ബിബി വീട്ടിൽ കയറിയ ശേഷം റിനിയും രാഹുൽ ഈശ്വറും തമ്മിൽ വലിയൊരു വഴക്കുണ്ടായിരുന്നു. എന്നാൽ രാുലിനെ മാത്രം ഫോക്കസ് ചെയ്ത് കൊണ്ടുള്ള മത്സരമാത്രമായി പോയി റിനിയുടേത്. അതുകൊണ്ട് തന്നെ ഒരാഴ്ച വീട്ടിൽ നിന്നിട്ടും പ്രേക്ഷകർക്കിടയിൽ ഒരു ഇംപാക്ട് ഉണ്ടാക്കാൻ റിനിക്ക് സാധിച്ചില്ല. പുറത്തെ കാര്യങ്ങളിലായിരുന്നു റിനി കൂടുതലും ശ്രദ്ധ കേന്ദ്രീകരിച്ചത്. അതിനാൽ സഹമത്സരാർത്ഥികളിലും ഇംപാക്ട് ഉണ്ടാക്കാൻ ഇവർക്ക് സാധിച്ചില്ല. ഏറ്റവും കൂടുതൽ വോട്ടുകളോടെ നോമിനേഷനിൽ വന്നതും റിനിയാണ്. പുറത്തായതിന് ശേഷം മോഹൻലാലിന് മുന്നിലെത്തിയ റിനി വികാരഭരിതയായിട്ടായിരുന്നു സംസാരിച്ചത്. റിനിയുടെ വാക്കുകൾ... "ഞാൻ ഒരു ഗൂഢാലോചനക്കാരിയാണെന്ന് ഈ സമൂഹത്തിന് മുന്നിൽ പരസ്യമായി വിളിച്ചുപറഞ്ഞത് രാഹുൽ ഈശ്വറാണ്. എന്നാൽ, ഞാൻ അങ്ങനെയൊരു ആളേയല്ല എന്ന് അതേ രാഹുൽ ഈശ്വറിനെക്കൊണ്ട് തന്നെ തിരുത്തി പറയിപ്പിക്കാൻ ഈ വെറും ഏഴ് ദിവസം കൊണ്ട് എനിക്ക് കഴിഞ്ഞു! അത് തന്നെയാണ് ബിഗ് ബോസ് ഹൗസിൽ നിന്ന് ഞാൻ നേടിയെടുത്ത ഏറ്റവും വലിയ വിജയം." ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss Malayalam S8: "ആ അനുഭവമാണ് എന്നെ മാറ്റിമറിച്ചത്"; ജയിൽവാസത്തെക്കുറിച്ച് ബിഗ് ബോസ് വീട്ടിൽ തുറന്നുപറഞ്ഞ് വിക്കി തഗ്

സോഷ്യൽ മീഡിയയിലൂടെ വൻ ജനപ്രീതി നേടിയ കണ്ടന്റ് ക്രിയേറ്റർ വിക്കി തഗ് ബിഗ് ബോസ് മലയാളം പുതിയ സീസണിലെ മത്സരാർത്ഥിയായെത്തി. ബിഗ് ബോസ് പ്രവചന പട്ടികകളിൽ തുടക്കം മുതൽ സജീവമായിരുന്ന പേരുകളിലൊന്നായിരുന്നു വിക്കിയുടേത്. ഷോയിലെത്തിയതിന് പിന്നാലെ, മുൻപ് ലഹരി കേസുമായി ബന്ധപ്പെട്ട് അറസ്റ്റിലായതും ജയിൽ ശിക്ഷ അനുഭവിച്ചതുമായ കാര്യങ്ങൾ സഹമത്സരാർത്ഥികളോട് വിക്കി പങ്കുവെച്ചു. ജീവിതത്തിൽ വലിയ മാറ്റങ്ങൾ വരുത്താൻ ആ അനുഭവം കാരണമായെന്നാണ് വിക്കി തുറന്നുപറഞ്ഞത്. അത്യാവശ്യം സാമ്പത്തിക ശേഷിയുള്ള കുടുംബ പശ്ചാത്തലത്തിൽ വളർന്ന തനിക്ക് ഒന്നിനും ഒരു കുറവും ഉണ്ടായിരുന്നില്ലെന്ന് വിക്കി പറയുന്നു. എന്നാൽ സോഷ്യൽ മീഡിയയിലൂടെ പ്രശസ്തിയും ആരാധകരും കൂടിയതോടെ മനസ്സിൽ വലിയ അഹങ്കാരം വളർന്നു. ആ രീതി മുന്നോട്ടുപോകുന്നതിനിടെയാണ് ലഹരി കേസിൽ അറസ്റ്റിലായി ജയിലിലാകുന്നത്. ജയിലിൽ എത്തിയപ്പോഴാണ് ജീവിതത്തിൽ ആദ്യമായി സ്വന്തം പാത്രം കഴുകുന്നതും വസ്ത്രങ്ങൾ അലക്കുന്നതും. ശനിയാഴ്ച മട്ടനും ചൊവ്വാഴ്ച മീനുമടക്കം നല്ല ഭക്ഷണമാണ് ജയിലിൽ നൽകുന്നതെന്നും ബിഗ് ബോസ് വീട്ടിൽ വിക്കി ഓർത്തെടുത്തു. ജയിൽവാസം തന്നിലെ കാഴ്ചപ്പാടുകളെയും ചിന്തകളെയും പൂർണ്ണമായി മാറ്റിമറിച്ചുവെന്ന് വിക്കി തഗ് പറയുന്നു. കുറ്റം ചെയ്യാതെ ജയിലിൽ കഴിയേണ്ടി വന്ന ഒരു തടവുകാരന്റെ ജീവിത കഥയാണ് തന്റെ ചിന്താഗതികളിൽ വലിയ മാറ്റമുണ്ടാക്കിയതെന്ന് വിക്കി പറഞ്ഞു. കുടുംബത്തിന്റെ ഏക ആശ്രയമായിരുന്ന ആ വ്യക്തി എന്നാണ് പുറത്തിറങ്ങാൻ കഴിയുക എന്നറിയാതെയാണ് അവിടെ കഴിഞ്ഞിരുന്നത്. ആ തടവുകാരന്റെ അവസ്ഥ കണ്ടതാണ് കാര്യങ്ങളെ കൂടുതൽ ഗൗരവത്തോടെ കാണാനും തന്നെ മാറി ചിന്തിപ്പിക്കാനും പ്രേരിപ്പിച്ചതെന്ന് വിക്കി പറഞ്ഞു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss Malayalam Season 8: മോഹൻലാൽ മുതൽ സൽമാൻ ഖാൻ വരെ, ബിഗ് ബോസ് അവതാരകര്‍ക്ക് കോടികളുടെ പ്രതിഫലം!

ബിഗ്ബോസ് മലയാളം എട്ടാം സീസൺ ട്വിസ്റ്റുകളുടെ ഒരു സീസണായി മാറിയിരിക്കുകയാണ്. ബിഗ്ബോസ് മലയാളത്തിന്റെ ചരിത്രത്തിൽ ആദ്യമായി മത്സരം ആരംഭിച്ച് രണ്ടാം ദിവസം ഒരു മത്സരാർത്ഥിയെ ഗെയിമിൽ നിന്ന് പുറത്താക്കി. ഗായത്രി സുരേഷ് ഹൗസിൽ നിന്ന് പോയതിന് പിന്നാലെ ഒരുപാട് നാടകീയ രംഗങ്ങളാണ് ബിഗ്ബോസ് ഹൗസിൽ അരങ്ങേറുന്നത്. മത്സരം ചൂട് പിടിക്കുമ്പോള്‍ ഷോയുടെ അവതാരകന്‍ മോഹന്‍ലാലിന്റെ പ്രതിഫലത്തെ കുറിച്ചും ചര്‍ച്ചകള്‍ നടക്കുന്നുണ്ട്. 2018-ല്‍ ബിഗ് ബോസിന്റെ ആദ്യ സീസണ്‍ മുതല്‍ പുതിയ 8-ാം സീസണ്‍ വരെ എത്തിനില്‍ക്കുമ്പോഴും നടന്‍ മോഹന്‍ലാല്‍ തന്നെയാണ് ഷോയുടെ അവതാരകന്‍. ബിഗ് ബോസ് മലയാളത്തിന്റെ മുഖം തന്നെ ഇന്ന് മോഹന്‍ലാലാണ്. ആദ്യ സീസണില്‍ താരത്തിന്റെ പ്രതിഫലം 12 കോടി രൂപയായിരുന്നു പിന്നീട് രണ്ടാം സീസണില്‍ എത്തിയപ്പോള്‍ തുക 18 കോടിയായി. ഷോയുടെ ജനപ്രീതി പ്രതിഫലത്തിലും മാറ്റങ്ങള്‍ വരുത്തി. ബിഗ് ബോസ് സീസണ്‍ 7 ല്‍ എത്തിയപ്പോള്‍ മോഹന്‍ലാലിന്റെ പ്രതിഫലം ഏകദേശം 24 കോടിയായി. ഇന്ന് 8-ാം സീസണില്‍ ഷോ എത്തിനില്‍ക്കുമ്പോള്‍ 30 കോടിയാണ് താരത്തിന്റെ പ്രതിഫലം. മലയാളത്തില്‍ മാത്രമല്ല മറ്റ് ഭാഷകളിലെ ബിഗ്ബോസ് അവതാരകര്‍ക്കും കോടികളാണ് പ്രതിഫലം. തമിഴിലെ പത്താം സീസണ്‍ അവതാരകനായ വിജയ് സേതുപതിയുടെ പ്രതിഫലം 70-80 കോടി രൂപയാണ്. വിജയ് സേതുമതി തമിഴ് ബിഗ് ബോസിന്റെ അവതാരകനാകുന്നതിന് മുന്‍പ് കമലഹാസനായിരുന്നു ബിഗ് ബോസ് തമിഴ് അവതരിപ്പിച്ചത്. കമൽഹാസൻ ബിഗ് ബോസ് തമിഴ് സീസൺ 7-നായി ഏകദേശം 130 കോടി രൂപ ആവശ്യപ്പെട്ടതായി റിപ്പോര്‍ട്ടുകളുണ്ടായിരുന്നു. തെലുങ്കിലേക്ക് വരുമ്പോള്‍ നാഗാര്‍ജുനയും കന്നഡ ബിഗ്ബോസില്‍ നിന്ന് കിച്ച സുദീപിനും കോടികളാണ് പ്രതിഫലം നേടുന്നത്. ഹിന്ദി ബിഗ് ബോസിന്റെ അവതാരകന്‍ സല്‍ബാന്‍ ഖാനാണ് ഇന്ത്യന്‍ ടെലിവിഷന്‍ ചരിത്രത്തിലെ ഏറ്റവും ഉയര്‍ന്ന പ്രതിഫലം വാങ്ങുന്നത്. റിപ്പോര്‍ട്ടുകള്‍ പ്രകാരം 120 കോടി രൂപയാണ് അദ്ദേഹത്തിന്റെ പ്രതിഫലം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും.ZEE MALAYALAM App ഡൗൺലോഡ്ചെയ്യൂ.Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻX(Twitter),Facebookലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ്ടെലഗ്രാം ചാനല്‍സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂപിൻന്യൂസ്.