Glenn Maxwell Retirement: അന്താരാഷ്ട്ര ക്രിക്കറ്റിൽ നിന്ന് വിരമിച്ച് ഗ്ലെൻ മാക്സ്‌വെൽ

അന്താരാഷ്ട്ര ക്രിക്കറ്റിൽ നിന്ന് വിരമിച്ച് ഗ്ലെൻ മാക്സ്‌വെൽ. കഴിഞ്ഞ വർഷം ഏകദിനത്തിൽ നിന്ന് വിടപറഞ്ഞ 38 കാരനായ ഓസ്ട്രേലിയൻ ബാറ്റ്സ്മാൻ ഇപ്പോൾ ട്വന്റി-20 മത്സരങ്ങൾക്കൊപ്പം ലിസ്റ്റ് എ, ഫസ്റ്റ് ക്ലാസ് ക്രിക്കറ്റിൽ നിന്നും പടിയിറങ്ങി. അതേസമയം 2027-28 സീസൺ അവസാനം വരെ കരാറുള്ള മെൽബോൺ സ്റ്റാർസിനായി അദ്ദേഹം ബിഗ് ബാഷ് ലീഗിൽ തുടർന്നും കളിക്കും. 130 ടി20 മത്സരങ്ങളിൽ നിന്നായി 2,897 റൺസാണ് മാക്സ്‍വെൽ സ്വന്തമാക്കിയത്. ഈ ഫോർമാറ്റിൽ ഓസ്ട്രേലിയക്കായി ഏറ്റവും കൂടുതൽ റൺസ് നേടുന്ന മൂന്നാമത്തെ താരമാണ് അദ്ദേഹം. ടി20 ക്രിക്കറ്റിൽ 5 സെഞ്ചുറികൾ നേടിയിട്ടുള്ള അദ്ദേഹം രോഹിത് ശർമ്മയ്ക്കൊപ്പം ലോക റെക്കോർഡ് പങ്കിട്ടത്. അതേസമയം ടീം മാനേജ്മെന്റിന്റെ ഭാഗച്ചുനിന്ന് യാതൊരു സമ്മർദ്ദവുമില്ലാതെ പരസ്പര ചർച്ചകൾക്ക് ശേഷമാണ് ഈ തീരുമാനമെടുത്തതെന്ന് മാക്സ്‌വെൽ വ്യക്തമാക്കി. മാത്രമല്ല മെൽബൺ ക്രിക്കറ്റ് ഗ്രൗണ്ടിൽ ഇംഗ്ലണ്ടിനെതിരെയുള്ള ടി20 മത്സരത്തിലൂടെ സ്വന്തം നാട്ടിൽ വെച്ച് ഒരു വിടവാങ്ങൽ മത്സരം കളിക്കാൻ ചെറിയൊരു ആഗ്രഹം തോന്നിയിരുന്നുവെന്ന് മാക്സവെൽ വ്യക്തമാക്കി. എന്നാൽ 2028-ലെ ഒളിമ്പിക്സ് ലക്ഷ്യമിട്ട് ഓസ്ട്രേലിയൻ ടീമിൽ വരാനിരിക്കുന്ന മാറ്റങ്ങളെയും യുവതാരങ്ങൾക്ക് അവസരം നൽകേണ്ടതിന്റെ ആവശ്യകതയെയും അദ്ദേഹം മാനിക്കുന്നതായി വ്യക്തമാക്കി. നിലവിൽ ബിഗ് ബാഷ് ലീഗിന് സജ്ജനാകാനുള്ള തയ്യാറൊടുപ്പിലാണ് മാക്സ്‌വെൽ. കരിയറിലെ ബാക്കി ടൂർണമെന്റുകൾ വിജയകരമായി പൂർത്തിയാക്കാൻ തന്റെ ശരീരത്തെ കൂടുതൽ ശ്രദ്ധിക്കേണ്ടതുണ്ടെന്ന് മാക്സ്‌വെൽ വ്യക്തമാക്കി. കഴിഞ്ഞ ഫെബ്രുവരിയിൽ ഒമാനെതിരെ ഓസ്ട്രേലിയക്കായി കളിച്ച മത്സരമാണ് മാക്സ്‌വെല്ലിന്റെ കരിയറിലെ അവസാനത്തെ അന്താരാഷ്ട്ര മത്സരം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Vaibhav Sooryavanshi: വൈഭവ് സൂര്യവംശിക്ക് അവസരം നല്‍കിയില്ല, ടീം മാനേജ്മെന്റിനെതിരെ മൊഹമ്മദ് കൈഫ്

വൈഭവ് സൂര്യവംശിയെ ടീമിൽ കൈകാര്യം ചെയ്ത രീതിക്കെതിരെ മുൻ ഇന്ത്യൻ താരം മൊഹമ്മദ് കൈഫ് രംഗത്ത്. പരമ്പര ഇതിനകം സ്വന്തമാക്കിയ സാഹചര്യത്തിൽ നാലാം ടി20 മത്സരത്തിലും വൈഭവ് സൂര്യവംശിക്ക് അവസരം നൽകണമായിരുന്നു എന്നാൽ നൽകിയില്ല. തുടർച്ചയായി അവസരം ലഭിക്കാത്തത് യുവതാരത്തിന്റെ ആത്മവിശ്വാസത്തെ തകർക്കുമെന്ന് മൊഹമ്മദ് കൈഫ് ചൂണ്ടിക്കാട്ടി. സൂര്യവംശി ഒരു ഭാവി സൂപ്പർസ്റ്റാറാണെന്നും മൂന്നാം ടി20യിൽ അഭിഷേക് ശർമ്മയ്ക്കൊപ്പം ചേർന്ന് വെറും ആറ് ഓവറിൽ 100 റൺസ് അടിച്ചുകൂട്ടിയത് അദ്ദേഹത്തിന്റെ കഴിവ് തെളിയിക്കുന്നതാണെന്നും മൊഹമ്മദ് കൈഫ് അഭിപ്രായപ്പെട്ടു. മായങ്ക് യാദവ്, പ്രിൻസ് യാദവ് എന്നീ യുവതാരങ്ങളെ വളർത്തിയെടുക്കുന്നതുപോലെ പുതിയ താരമായ സൂര്യവംശിക്കും അവസരം നൽകണമെന്ന് മൊഹമ്മദ് കൈഫ് വ്യക്തമാക്കി. പരമ്പര ഇതിനകം 3-0-ത്തിന് സ്വന്തമാക്കിയ സ്ഥിതിക്ക് പരിക്കിൽ നിന്ന് തിരിച്ചെത്തിയ ഇഷാൻ കിഷന് വിശ്രമം അനുവദിക്കാമായിരുന്നുവെന്നും അല്ലാത്തപക്ഷം ഫിറ്റ്നസ് പ്രശ്നങ്ങളുള്ള താരത്തെ കളിപ്പിക്കേണ്ടിയിരുന്നില്ലെന്നും മൊഹമ്മദ് കൈഫ് കൂട്ടിച്ചേർത്തു. അതേസമയം അഭിഷേക് ശർമ്മ, സഞ്ജു സാംസൺ തുടങ്ങിയ സീനിയർ താരങ്ങളുടെ സംഭാവനകൾ ഒരുപോലെ പ്രധാനപ്പെട്ടതാണെന്ന് ക്യാപ്റ്റൻ ശ്രേയസ് അയ്യരും അസിസ്റ്റൻഡ് കോച്ച് സീതാൻഷു കൊട്ടക്കും വ്യക്തമാക്കി. വൈഭവ് സൂര്യവംശിയെ മികച്ച രീതിയിൽ വളർത്തിയെടുക്കാനും ദേശീയ ടീമിൽ പരമാവധി അവസരങ്ങളും അനുഭവസമ്പത്തും നൽകാനാണ് ടീം മാനേജ്മെന്റ് ലക്ഷ്യമിടുന്നതെന്ന് അദ്ദേഹം കൂട്ടിച്ചേർത്തു. അതിശയിപ്പിക്കുന്ന ബാറ്റിംഗ് മികവിലൂടെ ശ്രദ്ധിക്കപ്പെട്ട താരമാണ് 15-കാരനായ വൈഭവ് സൂര്യവംശി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.

WPL 2027 Auction: സോഫി മോളിനൂക്സിനെ 1.10 കോടി രൂപയ്ക്ക് സ്വന്തമാക്കി യുപി വാരിയേഴ്സ്, പല താരങ്ങളും വിറ്റുപോയില്ല

കൊച്ചി: വനിതാ പ്രീമിയർ ലീഗ് (WPL) 2027 സീസണിനായുള്ള മിനി ലേലം ബുധനാഴ്ച കൊച്ചിയിൽ നടന്നു. ലേലത്തിൽ 25 താരങ്ങൾ മാത്രമാണ് വിറ്റഴിഞ്ഞത്. ഓസ്ട്രേലിയൻ ക്യാപ്റ്റൻ സോഫി മോളിനൂക്സാണ് ലേലത്തിലെ ഏറ്റവും ഉയർന്ന വില നേടിയ താരം. 1.10 കോടി രൂപയ്ക്കാണ് യുപി വാരിയേഴ്സ് താരത്തെ സ്വന്തമാക്കിയത്. സോഫി മോളിനൂക്സിനെ തിരിച്ചെടുക്കാൻ മുൻ ടീമായ റോയൽ ചലഞ്ചേഴ്സ് ബെംഗളൂരു ശക്തമായി ശ്രമിച്ചെങ്കിലും 1.05 കോടിയിൽ അവർ ലേലം അവസാനിപ്പിച്ചു. യുപി വാരിയേഴ്സ് വാങ്ങിയത് 8 താരങ്ങളെ ലേലത്തിൽ ഏറ്റവും കൂടുതൽ താരങ്ങളെ സ്വന്തമാക്കിയത് യുപി വാരിയേഴ്സാണ്. 8 താരങ്ങളെയാണ് ടീമിലെത്തിച്ചത്. സോഫിക്ക് പുറമെ ഓസ്ട്രേലിയൻ ഓൾറൗണ്ടർ ഗ്രേസ് ഹാരിസിനെ 30 ലക്ഷം രൂപയ്ക്ക് യുപി വാരിയേഴ്സ് സ്വന്തമാക്കി. 2023-ൽ യുപിയിലൂടെയാണ് ഗ്രേസ് വനിതാ പ്രീമിയർ ലീഗ് കരിയർ ആരംഭിച്ചത് 2026-ൽ ആർസിബിക്കൊപ്പമാണ് കിരീടം നേടിയത്. ഇന്ത്യൻ ഓഫ് സ്പിന്നർ സ്നേഹ് റാണയെയും, വിക്കറ്റ് കീപ്പർ സുഷ്മ വർമ്മയും 30 ലക്ഷം രൂപയ്ക്ക് യുപി സ്വന്തമാക്കി. ലെഗ് സ്പിന്നർ ആശ ശോഭനയെയും 30 ലക്ഷം രൂപയ്ക്കാണ് ഫ്രാഞ്ചൈസി സ്വന്തമാക്കിയത്. സ്കോട്ട്ലൻഡ് ഓൾറൗണ്ടർ കാതറിൻ ബ്രൈസ്, അൺക്യാപ്ഡ് ഇന്ത്യൻ ഓൾറൗണ്ടർമാരായ മനാലി ദക്ഷിണി, സഹാന പവാർ എന്നിവരെ 10 ലക്ഷം വീതം നൽകിയാണ് ടീം സ്വന്തമാക്കിയത്. പ്രമുഖ താരങ്ങൾക്ക് ആവശ്യക്കാരില്ല ലേലത്തിൽ പ്രശസ്തരായ പല താരങ്ങൾക്കും ആവശ്യക്കാരെ ലഭിച്ചില്ല. ശ്രീലങ്കൻ ക്യാപ്റ്റൻ ചമാരി അത്തപ്പത്തു, ഇംഗ്ലീഷ് ബാറ്റർ സോഫിയ ഡങ്ലി, ഇന്ത്യൻ വിക്കറ്റ് കീപ്പർമാരായ താനിയ ഭാട്ടിയ, ഉമ ചെത്രി, നുസ്ഹത് പർവീൻ, സ്പിന്നർമാരായ സയ്ക ഇഷാക്, പ്രിയ മിശ്ര, പേസർ ടൈറ്റസ് സാധു, ഓൾറൗണ്ടർ ദേവിക വൈദ്യ എന്നിവരടക്കമുള്ള പ്രമുഖർ ലേലത്തിൽ വിറ്റുപോയില്ല. വനിതാ പ്രീമിയർ ലീഗ് 2027 സീസൺ ജനുവരി 14 മുതൽ ഫെബ്രുവരി 7 വരെ നടക്കും. അതേസമയം മത്സരവേദികൾ ഇതുവരെ പ്രഖ്യാപിച്ചിട്ടില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Ind vs NZ: അഭിഷേക് ശർമ്മയ്ക്ക് റെക്കോർഡ് സെഞ്ചുറി; ന്യൂസിലൻഡിനെ പരാജയപ്പെടുത്തി പരമ്പര സ്വന്തമാക്കി ഇന്ത്യ

വെല്ലിംഗ്ടൺ: ന്യൂസിലൻഡിനെതിരായ മൂന്നാം ടി20യിൽ 8 വിക്കറ്റിന്റെ തകർപ്പൻ വിജയത്തോടെ പരമ്പര സ്വന്തമാക്കി ഇന്ത്യ. അബിഷേക് ശർമ്മയുടെ സെഞ്ചുറിയാണ് ഇന്ത്യയുടെ വിജയത്തിന് കരുത്തായത്. ഒപ്പം വൈഭവ് സൂര്യവംശിയുടെ വെടിക്കെട്ട് ബാറ്റിംഗും. 6.4 ഓവർ ബാക്കി നിൽക്കെയാണ് ന്യൂസിലൻഡ് ഉയർത്തിയ 199 റൺസ് വിജയലക്ഷ്യം നാല് വിക്കറ്റ് നഷ്ടത്തിൽ ഇന്ത്യ മറികടന്നത്. വെറും 15 പന്തിലാണ് അഭിഷേക് ശർമ്മ അർദ്ധസെഞ്ചുറി തികച്ചത്. 35ാം പന്തിൽ സെഞ്ചുറിയും അടിച്ചെടുത്തു. 11 സിക്സറുകളും 9 ഫോറുകളും അടങ്ങുന്നതായിരുന്നു അഭിഷേകിന്റെ ഇന്നിംഗ്സ്. അഭിഷേകിനൊപ്പം പവര്‍ പ്ലേയില്‍ ഫോമിലായിരുന്നു വൈഭവും. 19 പന്തില്‍ നാല് സിക്സും നാല് ഫോറും അടക്കം 45 റണ്‍സാണ് താരം നേടിയത്. സഞ്ജു സാംസൺ (13 പന്തില്‍ 18), ക്യാപ്റ്റൻ ശ്രേയസ് അയ്യർ (10 പന്തില്‍ 5), നമൻ ധിർ(4*), തിലക് വര്‍മ(1*) എന്നിങ്ങനെയാണ് ബാക്കിയുള്ളവരുടെ സ്കോറുകൾ. ജയത്തോടെ അഞ്ച് മത്സരമുള്ള ടി20 പരമ്പര 3-0ന് ഇന്ത്യ സ്വന്തമാക്കി. പരമ്പരയിലെ നാലാം മത്സരം വെള്ളിയാഴ്ചയാണ് നടക്കുന്നത്. ഓക്‌ലന്‍ഡില്‍ വച്ചാണ് മത്സരം. അഭിഷേക് ശർമ്മയുടെ താണ്ഡവത്തിൽ വെറും 2.2 ഓവറിൽ ഇന്ത്യ 50 റൺസ് തികച്ചു. ടി20 അന്താരാഷ്ട്ര ക്രിക്കറ്റിലെ ഏറ്റവും വേഗമേറിയ ടീം ഫിഫ്റ്റിയെന്ന ലോകറെക്കോർഡാണ് ഇന്ത്യ സ്വന്തമാക്കിയത്. തുടർന്ന്, ടി20 ക്രിക്കറ്റ് ചരിത്രത്തിലെ ഏറ്റവും വേഗമേറിയ ടീം സെഞ്ചുറി എന്ന പുതിയ ലോകറെക്കോർഡും ഇന്ത്യ സ്വന്തം പേരിൽ കുറിച്ചു. ഏറ്റവും വേഗമേറിയ ടീം അർദ്ധസെഞ്ചുറിയെന്ന റെക്കോർഡ് നേരത്തെ 2.4 ഓവറിലായിരുന്നു ഉണ്ടായിരുന്നത്. സ്കോട്ട്‌ലൻഡിനും ഇംഗ്ലണ്ടിനുമെതിരെ ന്യൂസിലൻഡും, വെസ്റ്റ് ഇൻഡീസിനെതിരെ ദക്ഷിണാഫ്രിക്കയുമാണ് ഈ നേട്ടം സ്വന്തമാക്കിയിരുന്നത്. ടോസ് നഷ്ടപ്പെട്ട് ആദ്യം ബാറ്റ് ചെയ്യാൻ ഇറങ്ങിയ ന്യൂസിലൻഡ്, ഡാരിൽ മിസ്സലിന്റെ തകർപ്പൻ ബാറ്റിംഗിന്റെ കരുത്തിൽ നിശ്ചിത 20 ഓവറിൽ 200 റൺസ് വിജയലക്ഷ്യം ഉയർത്തി. 52 പന്തിൽ 89 റൺസെടുത്ത ഡാരിൽ മിസ്സലാണ് കീവിനിരയിലെ ടോപ് സ്കോറർ. അദ്ദേഹത്തിന് പുറമെ ഫിൻ അലൻ (25 പന്തിൽ 40), ബെവോൺ ജേക്കബ്സ് (23 പന്തിൽ 39) എന്നിവരും ഭേദപ്പെട്ട പ്രകടനം കാഴ്ചവച്ചു. ഇന്ത്യക്കുവേണ്ടി അർഷ്ദീപ് സിങ്ങും നിതീഷ് കുമാർ റെഡ്ഡിയും ഓരോ വിക്കറ്റ് വീതം വീഴ്ത്തി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

T20I series: ഇന്ത്യക്കെതിരായ മൂന്നാം ടി20: ടീമില്‍ മാറ്റങ്ങള്‍ പ്രഖ്യാപിച്ച് ന്യൂസിലന്‍ഡ്

ഇന്ത്യക്കെതിരായ മൂന്നാം ടി20 മത്സരത്തിന് മുന്നോടിയായി ടീമിലെ മാറ്റങ്ങള്‍ ന്യൂസിലന്‍ഡ് പ്രഖ്യാപിച്ചു. ഏകദിന പരമ്പര കൂടി വരാനുള്ളതുകൊണ്ട് കളിക്കാരുടെ ജോലിഭാരം കുറയ്ക്കാനാണ് നീക്കം. ലോക്കി ഫെർഗൂസൻ ഓക്ക്‌ലന്‍ഡിലേക്ക് പോകുന്നതിനാല്‍ അദ്ദേഹത്തിന് മൂന്നാം ടി20 മത്സരം നഷ്ടമാകും. എന്നാല്‍ അവസാന രണ്ട് മത്സരങ്ങള്‍ക്കായി അദ്ദേഹം ടീമില്‍ തിരിച്ചെത്തും. മൂന്നാം ടി20 മത്സരത്തില്‍ മാത്രം ഫെര്‍ഗൂസന് പകരക്കാരനായി മാറ്റ് ഫിഷര്‍ വെല്ലിംഗ്ടണിലെ ടീമിനൊപ്പം ചേരും. അതിനുശേഷം അദ്ദേഹം ന്യൂസിലന്‍ഡ് എ ടീമിനിലേക്ക് മടങ്ങും.

MS Dhoni Return: ധോണി ഐപിഎല്‍ കളിക്കുമോ? തീരുമാനം താരത്തിന് വിട്ട് മാനേജ്മെന്റ്

മുൻ ഇന്ത്യൻ ക്യാപ്റ്റൻ എം. എസ്. ധോണിയെ വീണ്ടും കളിക്കളത്തിൽ കാണാൻ സാധിക്കുമോ? വളരെ നാളുകളായി ആരാധകർ ആകാംക്ഷയോടെ കാത്തിരിക്കുന്ന ഈ ചോദ്യത്തിന് മറുപടി നൽകിയിരിക്കുകയാണ് ധോണി. തന്റെ ഇന്ത്യൻ പ്രീമിയർ ലീഗ് (IPL) ഭാവിയെക്കുറിച്ച് ധോണി അടുത്തിടെ പ്രതികരണം നടത്തി. ഡിസംബറിന് മുൻപ് ഇക്കാര്യത്തിൽ ഒരു തീരുമാനം എടുക്കുമെന്ന് അദ്ദേഹം വ്യക്തമാക്കി. കാലിലെ മാംസപേശിയിലെ ഫിറ്റ്നസ് പ്രശ്നങ്ങൾ കാരണം 2026 ഐപിഎൽ മത്സരം ധോണിക്ക് നഷ്ടമായിരുന്നു. ബെംഗളൂരുവിലെ ഒരു പരിപാടിയിൽ പങ്കെടുക്കവെയാണ് ധോണിയുടെ പ്രതികരണം. 'അടുത്ത ഐപിഎൽ സീസൺ എനിക്ക് കളിക്കാൻ കഴിയുമോയെന്ന് തീരുമാനിക്കേണ്ടത് ഡോക്ടർമാരാണ്. ഈ പഴയ വിന്റേജ് വണ്ടി റോഡിൽ നല്ല രീതിയിൽ ഓടുന്നുണ്ടെന്ന് ഉറപ്പാക്കാൻ വേണ്ടതെല്ലാം ചെയ്യേണ്ടതും അവരാണ്. അതിനാൽ തന്നെ എല്ലാ സമ്മർദ്ദവും ഡോക്ടർമാരുടെ പക്കലാണ്.'

Mumbai Indians: 'മുംബൈ ഇന്ത്യന്‍സ് പരിശീലകനാകാന്‍ ചന്ദ്രകാന്ത് പണ്ഡിറ്റ് അനുയോജ്യന്‍' പിന്തുണച്ച് കൃഷ്ണമാചാരി ശ്രീകാന്ത്

ഐപിഎൽ 2027 സീസണിന് മുന്നോടിയായി മുംബൈ ഇന്ത്യൻസിന്റെ അടുത്ത മുഖ്യ പരിശീലകനായി ചന്ദ്രകാന്ത് പണ്ഡിറ്റിനെ നിയമിക്കണമെന്ന് മുൻ ഇന്ത്യൻ ക്രിക്കറ്റ് താരം കൃഷ്ണമാചാരി ശ്രീകാന്ത്. അഞ്ച് തവണ ചാമ്പ്യന്മാരായ മുംബൈ ഇത്തവണ വളരെ മോശം പ്രകടനമാണ് കാഴ്ചവെച്ചത്. മഹേല ജയവർധന പദവി ഒഴിഞ്ഞതിനെത്തുടർന്ന് മുംബൈ ഇന്ത്യൻസ് പുതിയ പരിശീലകനായുള്ള അന്വേഷണത്തിലാണ്. 2025ലെ സീസണിൽ നാലാം സ്ഥാനത്തെത്തിയ മുംബൈ ഫ്രാഞ്ചൈസി ഐപിഎൽ 2026 സ്റ്റാൻഡിങ്സിൽ ഒമ്പതാം സ്ഥാനത്താണ് ഫിനിഷ് ചെയ്തത്. അടുത്ത ടൂർണമെന്റിനായി തയ്യാറെടുക്കുന്ന ടീമിനെ നയിക്കാൻ അനുയോജ്യനായ പരിശീലകനെ കണ്ടെത്താനുള്ള ശ്രമത്തിലാണ് മാനേജ്മെന്റ്. 'ഞാനാണ് മുംബൈ ഇന്ത്യൻസ് എങ്കിൽ ചന്ദ്രകാന്ത് പണ്ഡിറ്റിനെ പരിശീലകനായി കൊണ്ടുവരുമായിരുന്നു. അദ്ദേഹം ഒരു പ്രാദേശിക താരമാണ്. മുംബൈയ്ക്കായി ധാരാളം കളിച്ചിട്ടുണ്ട്. അതിനാൽ തന്നെ ചന്ദ്രകാന്ത് ടീമിന് വലിയൊരു മുതൽക്കൂട്ടായിരിക്കും. ഇത്തരം ഒരു ടീമിന് ചന്ദ്രകാന്ത് പണ്ഡിറ്റിനെ ആവശ്യമുണ്ട്.' കളിയെ സമീപിക്കുന്ന ചന്ദ്രകാന്തിന്റെ രീതിയെയും കൃഷ്ണമാചാരി ശ്രീകാന്ത് പ്രശംസിച്ചു. മുൻ കൊൽക്കത്ത നൈറ്റ് റൈഡേഴ്സ് പരിശീലകനായ പണ്ഡിറ്റിന് മുംബൈ ഇന്ത്യൻസ് നിരയ്ക്ക് മികച്ച സംഭാവനകൾ നൽകാൻ കഴിയുമെന്നും അദ്ദേഹം കൂട്ടിച്ചേർത്തു. അധികാരം കാണിച്ച് മറ്റുള്ളവരുടെ മേൽ ആധിപത്യം സ്ഥാപിക്കാൻ ചന്ദ്രകാന്ത് നിൽക്കാറില്ല. സ്വന്തം ജോലി നിശബ്ദമായി ചെയ്ത് മടങ്ങുമെന്നും ശ്രീകാന്ത് കൂട്ടിച്ചേർത്തു. ആഭ്യന്തര ക്രിക്കറ്റിൽ മികച്ച റെക്കോർഡുള്ള പരിശീലകനാണ് ചന്ദ്രകാന്ത് പണ്ഡിറ്റ്. ആഭ്യന്തര ക്രിക്കറ്റില്‍ ഏറ്റവും കൂടുതല്‍ കിരീടങ്ങള്‍ നേടിയ പരിശീലകരിലൊരാളാണ് ചന്ദ്രകാന്ത്. മുംബൈ, വിദര്‍ഭ, മധ്യപ്രദേശ് എന്നീ ടീമുകളെ രഞ്ജി ട്രോഫി ചാമ്പ്യന്മാരാക്കാന്‍ അദ്ദേഹത്തിന് കഴിഞ്ഞിട്ടുണ്ട്. ചരിത്രത്തിലാദ്യമായി മധ്യപ്രദേശിനെ 2022-ല്‍ രഞ്ജി ട്രോഫി കിരീടത്തിലേക്ക് നയിച്ചത് അദ്ദേഹത്തിന്റെ വലിയൊരു നേട്ടമാണ്.

Sri lanka ODI: വിദേശ മണ്ണില്‍ വിസ്മയമായി ശ്രീലങ്ക, 430 റണ്‍സ് ലക്ഷ്യം മറികടന്ന് ഇംഗ്ലണ്ടിനെ വീഴ്ത്തി

ക്രിക്കറ്റ് ചരിത്രത്തിൽ റെക്കോർഡ് കുറിച്ച് ശ്രീലങ്ക. റാവൽപിണ്ടി ക്രിക്കറ്റ് സ്റ്റേഡിയത്തിൽ നടക്കുന്ന ത്രിരാഷ്ട്ര പരമ്പരയിലെ മൂന്നാം മത്സരത്തിൽ 430 റൺസിന്റെ കൂറ്റൻ ലക്ഷ്യം ഒരു പന്ത് ബാക്കിനിൽക്കെയാണ് ശ്രീലങ്ക വിജയകരമായി മറികടന്നത്. ഇതോടെ ഇംഗ്ലണ്ടിനെ പരാജയപ്പെടുത്തി ടൂർണമെന്റിലെ ആദ്യവിജയം ശ്രീലങ്ക സ്വന്തമാക്കി. ഏകദിന ക്രിക്കറ്റിലെ എക്കാലത്തെയും രണ്ടാമത്തെ ഉയർന്ന റൺചേസ് എന്ന ഇന്ത്യയുടെ നേട്ടം വെറും 22 ദിവസത്തിനുള്ളിലാണ് ശ്രീലങ്ക തിരുത്തിയെഴുതിയത്. 2019 ലെ ലോക ചാമ്പ്യന്മാരായ ഇംഗ്ലണ്ടിനെ 429 റൺസിലെത്തിക്കാൻ ക്യാപ്റ്റൻ ഹാരി ബ്രൂക്ക് ഇരട്ട സെഞ്ചുറി നേടിയിരുന്നു (202 റൺസ്). എന്നാൽ പവൻ രത്നായകെ (130 റൺസ്), അവിഷ്ക ഫെർണാഡോ (97 റൺസ്), ദസുൻ ഷാനക (97 റൺസ്), ജനിത് ലിയാനഗെ (61 റൺസ്) എന്നീ താരങ്ങളുടെ തകർപ്പൻ പ്രകടനത്തിലൂടെ ശ്രീലങ്ക തങ്ങളുടെ ലക്ഷ്യം മറികടന്നു. ഏകദിന ചരിത്രത്തിൽ 400 ലധികം റൺസ് വിജയകരമായി ചേസ് ചെയ്ത മറ്റൊരു റെക്കോർഡ് ദക്ഷിണാഫ്രിക്കയുടെ പേരിലാണ്. 2006 ൽ ഓസ്ട്രേലിയക്കെതിരെ 435 റൺസാണ് അന്ന് ദക്ഷിണാഫ്രിക്ക സ്വന്തമാക്കിയത്. എന്നാൽ കഴിഞ്ഞ 23 ദിവസത്തിനുള്ളിൽ ഈ റെക്കോർഡ് രണ്ടുതവണയാണ് ഇന്ത്യയും ശ്രീലങ്കയും തിരുത്തിയത്. സ്വന്തം രാജ്യത്തിന് പുറത്ത് ഏകദിനത്തിൽ 400 ൽ അധികം റൺസ് വിജയകരമായി മറികടക്കുന്ന ആദ്യ ടീമാണ് ശ്രീലങ്ക. കൂടാതെ ഏകദിന ക്രിക്കറ്റ് ചരിത്രത്തിലെ രണ്ടാം ഇന്നിങ്സിൽ രണ്ടുതവണ 400 ൽ അധികം റൺസ് നേടുന്ന ആദ്യ ടീമെന്ന നേട്ടവും ശ്രീലങ്കയുടെ പേരിലായി. 2009 ൽ രാജ്കോട്ടിൽ ഇന്ത്യക്കെതിരെ 411 റൺസ് നേടിയിട്ടും 3 റൺസിന് പരാജയപ്പെട്ടതായിരുന്നു ആദ്യ സംഭവം. 400 ൽ അധികം റൺസ് നേടിയിട്ടും ഒരു ടീം പരാജയപ്പെട്ട ഒരേയൊരു സംഭവവും അതാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Ind vs NZ 1st T20i: സഞ്ജുവിന്റെ അർദ്ധ സെഞ്ചറിയും നമൻ ധീറിന്റെ സിക്സറും! ന്യൂസിലൻഡിനെതിരെ ഇന്ത്യയ്ക്ക് 4 വിക്കറ്റ് വിജയം

ക്രൈസ്റ്റ്ചർച്ച്: സഞ്ജു സാംസണിന്റെ അ‍ർധസെഞ്ചുറിയിലൂടെ ന്യൂസീലൻഡിനെതിരായ ട്വന്റി20 പരമ്പരയിൽ ആദ്യംജയം നേടി ഇന്ത്യ. നാല് വിക്കറ്റിന്റെ വിജയമാണ് ഇന്ത്യ സ്വന്തമാക്കിയത്. ആദ്യം ബാറ്റ് ചെയ്ത ന്യൂസിൻഡ് നാല് വിക്കറ്റ് നഷ്ടത്തിൽ 225 റൺസാണ് നേടിയത്. മറുപടി ബാറ്റിങ്ങിനിറങ്ങിയ ഇന്ത്യ സഞ്ജുവിന്റെ ബാറ്റിംഗ് കരുത്തിൽ 19.4 ഓവറിൽ ആറ് വിക്കറ്റ് നഷ്ടത്തിൽ 230 റൺസ് നേടി ആദ്യ ജയം സ്വന്തമാക്കി. 33 പന്തിൽ നിന്ന് 67 റൺസാണ് ഓപ്പണറായ സഞ്ജു നേടിയത്. നാല് സിക്സുകളും എട്ട് ഫോറുകളുമാണ് സഞ്ജുവിന്റെ ഇന്നിംഗ്സ്. നമൻ ധീറിന്റെ പ്രകടനവും ഇന്ത്യയുടെ വിജയത്തില്‍ നിർണായകമായി. 15 പന്തിൽ 42 റൺസ് നേടി താരം പുറത്താകാതെനിന്നു. ശ്രേയസ് അയ്യർ‍ (28 പന്തിൽ 42), അഭിഷേക് ശർമ (12 പന്തിൽ 29) എന്നിവരുടെ പ്രകടനവും ഇന്ത്യയെ വിജയത്തിലേക്ക് നയിച്ചു. ഇന്നിങ്സിലെ മൂന്നാം പന്തിൽ മാറ്റ് ഹെൻറിയുടെ പന്തിനെ ബൗണ്ടറി കടത്തി കൊണ്ടായിരുന്നു സഞ്ജു ആക്രമണം തുടങ്ങിയത്. ഇതേ ഓവറിൽ തന്നെ അഭിഷേക് സിക്സടിച്ചിരുന്നു. മൂന്നാം ഓവറിൽ ലോക്കി ഫെർഗൂസനെ നേരിട്ട സഞ്ജു തുടർച്ചയായി മൂന്ന് ബൗണ്ടറികൾ നേടി. 23 പന്തുകളിൽ നിന്നാണ് സഞ്ജു അർധ സെഞ്ചറി തികച്ചത്. അഭിഷേക് പുറത്തായെങ്കിലും സഞ്ജുവുമായുള്ള കൂട്ടുകെട്ടിൽ പവർപ്ലേയിൽ 94 റൺസ് ഇന്ത്യക്ക് നേടാനായി. ഇന്ത്യയുടെ സ്കോർ 115 ൽ എത്തി നിൽക്കെ മിച്ചൽ സാന്റ്നറുടെ പന്തിൽ ബോൾഡായാണ് സഞ്ജു ക്രീസ് വിടുന്നത്. തുടർന്ന് തിലക് വർമയും (ആറ്), ഇഷാൻ കിഷനും (ഒന്ന്) പുറത്തായത് ഇന്ത്യക്ക് തിരിച്ചടിയായെങ്കിലും ക്യാപ്റ്റൻ ശ്രേയസ് അയ്യറിന്റെ തകർപ്പൻ പ്രകടനത്തിൽ 17.2 ഓവറിൽ ഇന്ത്യ 200 കടന്നു. ആദം മിൽനെയുടെ പന്തിൽ മിച്ചൽ സാന്റ്നർ ക്യാച്ചെടുത്ത് ശ്രേയസിനെ പുറത്താക്കിയതോടെ ഇന്ത്യ വീണ്ടും പ്രഹരത്തിലായി. അവസാന ഓവറിൽ ഇന്ത്യക്ക് ജയിക്കാൻ വേണ്ടിയിരുന്നത് എട്ട് റൺസായിരുന്നു. ലാസ്റ്റ് ഓവറിലെ മാറ്റ് ഹെൻറിയുടെ ആദ്യ പന്ത് നിതീഷ് കുമാർ റെഡ്ഡി ബൗണ്ടറി കടത്തിയതോടെ വിജയലക്ഷ്യം അഞ്ചായി ചുരുങ്ങി. ഇതേ ഓവറിലെ നാലാം പന്തിൽ സിക്സർ തൂക്കികൊണ്ടാണ് നമൻ ധീർ ഇന്ത്യയ്ക്കായി വിജയം നേടിയത്. ന്യൂസീലൻഡിനായി മിച്ചൽ ബ്രേസ്‍വെൽ, മിച്ചൽ സാന്റ്നർ എന്നിവർ രണ്ട് വിക്കറ്റുകൾ വീതവും ആദം മിൽനെയും ലോക്കി ഫെർഗൂസനും ഓരോ വിക്കറ്റുകളും നേടി. പരമ്പരയിലെ രണ്ടാം മത്സരം ശനിയാഴ്ച ക്രൈസ്റ്റ് ചർച്ചിൽ വച്ച് നടക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Harbhajan Singh: ധോണി ക്യാപ്റ്റനായപ്പോള്‍ ടീമില്‍ എതിര്‍പ്പുണ്ടായിരുന്നോ? തുറന്നുപറഞ്ഞ് ഹർഭജൻ സിംഗ്

എം. എസ്. ധോണി ഇന്ത്യൻ ടീം ക്യാപ്റ്റനായത് 26-ാം വയസ്സിലാണ്. യുവരാജ് സിംഗ്, വീരേന്ദർ സെവാഗ്, ഹർഭജൻ സിംഗ് എന്നീ മുതിർന്ന താരങ്ങളെ മറികടന്നാണ് ധോണിക്ക് ചുമതല ലഭിച്ചത്. ധോണി ഇന്ത്യൻ ടീം ക്യാപ്റ്റനായത് ടീമിലെ കളിക്കാർക്കിടയിൽ വലിയ അഭിപ്രായ വ്യത്യാസങ്ങൾക്ക് കാരണമായതായി നിരവധി റിപ്പോർട്ടുകളും അഭ്യൂഹങ്ങളും നിലനിന്നിരുന്നു. എന്നാൽ ഇക്കാര്യത്തിൽ വ്യക്തത വരുത്തിയിരിക്കുകയാണ് ഇതിഹാസ ഇന്ത്യൻ സ്പിന്നർ ഹർഭജൻ സിംഗ്. ധോണി ക്യാപ്റ്റനായതിൽ ടീമിൽ അതൃപ്തിയോ സംഘർഷമോ ഉണ്ടായിരുന്നില്ലെന്ന് ഹർഭജൻ സിംഗ് വെളിപ്പെടുത്തി. സൗരവ് ഗാംഗുലിയാണ് തങ്ങളെപ്പോലുള്ള കളിക്കാരെ ടീമിലെത്തിച്ച് മികച്ച ടീമിനെ വാർത്തെടുത്തത്. ഏഴ് അല്ലെങ്കിൽ എട്ട് വർഷത്തോളം ഒരുമിച്ച് കളിച്ച് പരിചയസമ്പന്നരായ ഒരു കൂട്ടം കളിക്കാരുടെ പിന്തുണ ധോണിക്കുണ്ടായിരുന്നതായി ഹർഭജൻ വ്യക്തമാക്കി. ധോണി ഒരു നല്ല ക്യാപ്റ്റനായി അറിയപ്പെടണമെങ്കിൽ 11 കളിക്കാരും മികച്ച രീതിയിൽ പ്രകടനം പുറത്തെടുക്കണം. ധോണിക്ക് എല്ലാവരിൽ നിന്നും അവരുടെ മികച്ച പ്രകടനം പുറത്തെടുക്കാൻ അറിയാമായിരുന്നു എന്ന് ഹർഭജൻ സിംഗ് കൂട്ടിച്ചേർത്തു. ധോണി ഒരിക്കലും സ്വന്തം നിലപാടുകൾ താരങ്ങളിൽ അടിച്ചേൽപ്പിക്കാറില്ല ഇതാണ് ധോണിയുടെ ഏറ്റവും വലിയ ഗുണമെന്നും ഹർഭജൻ ചൂണ്ടിക്കാട്ടി. ഞങ്ങളിൽ പലരും വർഷങ്ങളായി കളിക്കുന്നവരാണെന്നും വ്യത്യസ്ത സാഹചര്യങ്ങളിൽ എന്താണ് ചെയ്യേണ്ടതെന്ന് കൃത്യമായ ബോധ്യമുള്ളവരാണെന്നും ധോണിക്ക് കൃത്യമായി അറിയാമായിരുന്നു. കളിക്കാരിൽ നിന്ന് ഏറ്റവും മികച്ച പ്രകടനം എങ്ങനെ പുറത്തെടുക്കാം എന്നതിൽ മാത്രമാണ് ധോണി ശ്രദ്ധ കേന്ദ്രീകരിച്ചതെന്നും അതിൽ അദ്ദേഹം മിടുക്കനുമായിരുന്നു എന്ന് ഹർഭജൻ വ്യക്തമാക്കി. 103 ടെസ്റ്റുകളും 236 ഏകദിനങ്ങളും 28 ട്വന്റി20 മത്സരങ്ങളും കളിച്ച താരമാണ് ഹർഭജൻ സിംഗ്. 2007 സെപ്റ്റംബറിലാണ് ധോണി ഇന്ത്യൻ ക്യാപ്റ്റനായത്. തുടർന്ന് 2007-ലെ കന്നി ട്വന്റി 20 വോൾഡ് കപ്പ്, 2011-ൽ സ്വന്തം നാട്ടിൽ വെച്ച് നടന്ന ഏകദിന വേൾഡ് കപ്പ്, 2013-ലെ ചാമ്പ്യൻസ് ട്രോഫി എന്നീ മൂന്ന് ഐസിസി ട്രോഫികളിലേക്ക് ഇന്ത്യൻ ടീമിനെ നയിക്കാൻ ധോണിക്കായി. 2017-ലാണ് അദ്ദേഹം ക്യാപ്റ്റൻ സ്ഥാനം ഒഴിഞ്ഞത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BCCI-Cricket Australia: ഇന്ത്യന്‍ അമ്പയര്‍ ഓസ്ട്രേലിയയിലേക്ക്, ഓസ്ട്രേലിയന്‍ അമ്പയര്‍ രഞ്ജി ട്രോഫിയിലേക്ക്

ഓസ്ട്രേലിയൻ അമ്പയർ ബെൻ ട്രെലോർ ഇന്ത്യയിൽ നടക്കുന്ന രണ്ട് രഞ്ജി ട്രോഫി മത്സരങ്ങൾ നിയന്ത്രിക്കും. ബോർഡ് ഓഫ് കൺട്രോൾ ഫോർ ക്രിക്കറ്റ് ഇൻ ഇന്ത്യയും (BCCI) ക്രിക്കറ്റ് ഓസ്ട്രേലിയയും തമ്മിലുള്ള ക്രിക്കറ്റ് ഒഫീഷ്യൽസ് എക്സ്ചേഞ്ച് പ്രോഗ്രാമിന്റെ ഭാഗമായിട്ടാണ് ഓസ്ട്രേലിയൻ അമ്പയർ രണ്ട് മത്സരങ്ങൾ നിയന്ത്രിക്കുന്നത്. അതേസമയം ഇന്ത്യൻ അമ്പയർ പരാശർ ജോഷി ഓസ്ട്രേലിയയിലേക്ക് യാത്ര ചെയ്ത് ഷെഫീൽഡ് ഷീൽഡ് മത്സരങ്ങളിലും ഒരു വൺ ഡേ കപ്പ് മത്സരത്തിലും അമ്പയറിങ് നടത്തും. ഒക്ടോബർ 18 മുതൽ 21 വരെ ഡൽഹിയും ഗുജറാത്തും തമ്മിൽ നടക്കുന്ന രഞ്ജി ട്രോഫി മത്സരത്തോടെയാണ് ബെൻ ട്രെലോർ ഇന്ത്യയിലെ തന്റെ ദൗത്യം ആരംഭിക്കുന്നത്. തുടർന്ന് ഒക്ടോബർ 26 മുതൽ 29 വരെ മുംബൈയും ഹരിയാനയും തമ്മിലുള്ള മത്സരത്തിലും അദ്ദേഹം അമ്പയർ ചെയ്യും. ഓസ്ട്രേലിയൻ അമ്പയർ ബെൻ ട്രെലോറിന് മികച്ച ആഭ്യന്തര ക്രിക്കറ്റ് പരിചയസമ്പത്തുണ്ട്. 30 ഫസ്റ്റ് ക്ലാസ് മത്സരങ്ങൾ, 20 ലിസ്റ്റ് എ മത്സരങ്ങൾ, 39 ബിഗ് ബാഷ് ലീഗ് മത്സരങ്ങൾ എന്നിവയെല്ലാം അദ്ദേഹം അമ്പയർ ചെയ്തിട്ടുണ്ട്. കൂടാതെ അദ്ദേഹം രണ്ട് വനിതാ ഏകദിനങ്ങളിലും നാല് വനിതാ ടി20 അന്താരാഷ്ട്ര മത്സരങ്ങളിലും അമ്പയറിങ് നടത്തിയിട്ടുണ്ട്. കളിക്കളത്തിലെ ചുമതലകൾക്ക് പുറമെ പുതിയ അമ്പയർമാരെ പരിശീലിപ്പിക്കുന്ന ക്രിക്കറ്റ് ന്യൂ സൗത്ത് വെയിൽസിന്റെ 'അമ്പയർ എഡ്യൂക്കേഷൻ ഓഫീസർ' കൂടിയാണ് ബെൻ ട്രെലോർ. ജോർജ്ജ് ബോർവിക് മെമ്മോറിയൽ പുരസ്കാരവും അദ്ദേഹം നേടിയിട്ടുണ്ട്. ഇന്ത്യൻ അമ്പയർ പരാശർ ജോഷി നവംബർ 11 മുതൽ 14 വരെ ഗാബയിൽ ക്വീൻസ്‍ലാൻഡും ടാസ്മാനിയയും തമ്മിൽ നടക്കുന്ന ഷെഫീൽഡ് ഷീൽസ് മത്സരത്തോടെയാണ് തന്റെ ഓസ്ട്രോലിയൻ പര്യടനം ആരംഭിക്കുന്നത്. തുടർന്ന് 16-ന് ഇതേവേദിയിൽ നടക്കുന്ന ഇരു ടീമുകളുടെയും വൺ ഡേ കപ്പ് മത്സരത്തിലും അദ്ദേഹം അമ്പയർ ചെയ്യും. പിന്നീട് നവംബർ 22 മുതൽ 25 വരെ സിഡ്നി ക്രിക്കറ്റ് ഗ്രൗണ്ടിൽ നടക്കുന്ന ന്യൂ സൗത്ത് വെയിൽസ്-ക്വീൻസ്‍ലാൻഡ് ഷെഫീൽഡ് ഷീൽഡ് മത്സരത്തിലും ജോഷി നിയന്ത്രിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

T20 Series 2026: അഞ്ചാം ടി20 മത്സരം മഴമൂലം ഉപേക്ഷിച്ചു, ഇന്ത്യ-വെസ്റ്റ് ഇന്‍ഡീസ് പരമ്പര സമനിലയില്‍

ഇന്ത്യയിൽ വെച്ച് ഒരു പരമ്പര വിജയത്തിനായുള്ള വെസ്റ്റ് ഇൻഡീസിന്റെ കാത്തിരിപ്പ് ഇനിയും തുടരും. ഇന്ത്യ-വെസ്റ്റ് ഇൻഡീസ് അ‍ഞ്ചാം ടി20 മത്സരം ശക്തമായ മഴയെത്തുടർന്ന് ഉപേക്ഷിച്ചു. ഇതോടെ അഞ്ച് മത്സരങ്ങളടങ്ങിയ പരമ്പര 2-2 എന്ന സമനിലയിൽ അവസാനിച്ചു. ഇരു ടീമുകളും പരമ്പരയുടെ ട്രോഫി ഇതോടെ പങ്കിട്ടു. ശക്തമായ മഴയെത്തുടര്‍ന്ന് വൈകിയാണ് മത്സരം ആരംഭിച്ചത്. 7 മണിക്ക് ആരംഭിക്കേണ്ട മത്സരം രാത്രി 9 മണിക്കാണ് ആരംഭിച്ചത്. മഴമൂലം 9 ഓവറാക്കി ചുരുക്കിയാണ് മത്സരം നടന്നത്. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ഇന്ത്യ 7.4 ഓവറില്‍ 5 വിക്കറ്റിന് 118 റണ്‍സെടുത്തിരിക്കെയാണ് വീണ്ടും മഴയെത്തിയത്. തുടര്‍ന്ന് കളി ഉപേക്ഷിക്കുകയായിരുന്നു. കീമോ പോളാണ് ആദ്യ ഓവര്‍ എറിഞ്ഞത്. അഭിഷേക് ശര്‍മ പെട്ടെന്ന് പുറത്തായെങ്കിലും ഇഷാന്‍ കിഷന്‍ വെടിക്കെട്ട് ബാറ്റിംഗിലൂടെ 10 പന്തില്‍ മൂന്ന് സിക്സും മൂന്ന് ഫോറും ഉള്‍പ്പെടെ 30 റണ്‍സ് നേടി കളം നിറഞ്ഞു. സഞ്ജു സാംസണ്‍ 7 പന്തില്‍ രണ്ട് ഫോറും ഒരു സിക്സും ഉള്‍പ്പെടെ 16 റണ്‍സും, ക്യാപ്റ്റന്‍ ശ്രേയസ് അയ്യര്‍ 14 പന്തില്‍ 22 റണ്‍സും നേടി ഭേദപ്പെട്ട പ്രകടനം കാഴ്ചവെച്ചു. അവസാന ഓവറുകളില്‍ തകര്‍ത്തടിച്ച നമാന്‍ ധിര്‍ 6 പന്തില്‍ മൂന്ന് സിക്സുകള്‍ ഉള്‍പ്പെടെ 24 റണ്‍സുമായി പുറത്താവാതെ നിന്നു. വിന്‍ഡീസ് നിരയില്‍ കീമോ പോളും (2/34) ഷമാര്‍ സ്പ്രിംഗറും (2/17) രണ്ട് വിക്കറ്റുകള്‍ വീതം വീഴ്ത്തി മികച്ച ബൗളിംഗ് പ്രകടനം പുറത്തെടുത്തു. പരമ്പരയിലുടനീളം തകര്‍പ്പന്‍ ബാറ്റിംഗ് കാഴ്ചവെച്ച വെസ്റ്റ് ഇന്‍ഡീസ് ക്യാപ്റ്റന്‍ ഷായ് ഹോപ്പ് 4 ഇന്നിങ്സുകളില്‍ നിന്ന് 261 റണ്‍സ് നേടി പ്ലെയര്‍ ഓഫ് ദി സീരിസായി തിരഞ്ഞെടുക്കപ്പെട്ടു. വെസ്റ്റ് ഇന്‍ഡീസിന്റെ കീമോ പോള്‍ മൂന്ന് മത്സരങ്ങളില്‍ നിന്ന് 8 വിക്കറ്റുകള്‍ വീഴ്ത്തി മികച്ച ബൗളറായി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

T20 Cricket: ഫൈനല്‍ പോരാട്ടത്തിനൊരുങ്ങി ഇന്ത്യയും വെസ്റ്റ് ഇന്‍ഡീസും, പരമ്പര ആര് സ്വന്തമാക്കും?

വെസ്റ്റ് ഇൻഡീസിനെതിരായ നാളത്തെ അഞ്ചാം ടി20 മത്സരം ഇന്ത്യയെ സംബന്ധിച്ച് നിർണ്ണായകമാണ്. നാലാം മത്സരത്തിൽ 24 റൺസിനാണ് ടീം ഇന്ത്യ പരാജയപ്പെട്ടത്. പരമ്പര നിലവില്‍ 2-2 എന്ന നിലയിലാണ്. അവസാന മത്സരം ഒക്ടോബര്‍ 17 ന് ബെംഗളൂരുവിലെ ചിന്നസ്വാമി സ്റ്റേഡിയത്തില്‍ നടക്കും. മികച്ച പ്രകടനം പുറത്തെടുക്കാനുള്ള വെല്ലുവിളിയാണ് രണ്ട് ടീമുകള്‍ക്കുമുള്ളത്. 248 റണ്‍സ് വിജയലക്ഷ്യം പിന്തുടര്‍ന്ന ഇന്ത്യക്ക് മികച്ച തുടക്കമായിരുന്നു കഴിഞ്ഞ മത്സരത്തില്‍ ലഭിച്ചത്. സഞ്ജു സാംസണ്‍ 20 പന്തില്‍ അര്‍ദ്ധസെഞ്ച്വറി തികച്ചെങ്കിലും കീമോ പോള്‍ 56 റണ്‍സിന് സഞ്ജുവിനെ പുറത്താക്കി. ശ്രേയസ് അയ്യര്‍ 11 പന്തില്‍ 16 റണ്‍സ് നേടിയപ്പോള്‍ അഭിഷേക് ശര്‍മ്മ 29 റണ്‍സ് നേടി ഗുഡേഷ് മോതിയുടെ പന്തില്‍ പുറത്തായി. നിതീഷ് കുമാര്‍ റെഡ്ഡിയും തിലക് വര്‍മ്മയും ചേര്‍ന്ന് ഇന്ത്യയെ വിജയത്തിലേക്ക് നയിച്ചെങ്കിലും ലക്ഷ്യത്തിലെത്താന്‍ കഴിഞ്ഞില്ല. സെഞ്ച്വറി നേടിയ രോഹിത് ശര്‍മ്മ ബെംഗളൂരുവില്‍ ഇന്ത്യ അവസാനമായി കളിച്ച ടി20 അന്താരാഷ്ട്ര മത്സരം 2024 ജനുവരിയില്‍ അഫ്ഗാനിസ്ഥാനെതിരെയായിരുന്നു. അന്ന് രോഹിത് ശര്‍മ്മ 69 പന്തുകളില്‍ പുറത്താകാതെ 121 റണ്‍സ് നേടി. മത്സരം സമനിലയില്‍ അവസാനിച്ചതോടെ രണ്ട് സൂപ്പര്‍ ഓവറുകള്‍ കളിക്കുകയും രണ്ടാം സൂപ്പര്‍ ഓവറില്‍ ഇന്ത്യ വിജയിക്കുകയും ചെയ്തു. സമ്മര്‍ദ്ദത്തിലും മികച്ച തിരിച്ചുവരവ് നടത്താന്‍ കഴിയുമെന്ന് ഇന്ത്യ അന്ന് വീണ്ടും തെളിയിച്ചു. ഇന്ത്യ കരുത്ത് തെളിയിക്കണം നാലാം ടി20യില്‍ 247 റണ്‍സ് നേടിയ വെസ്റ്റ് ഇന്‍ഡീസ് ഇന്ത്യയെ 24 റണ്‍സിന് പരാജയപ്പെടുത്തിയിരുന്നു. കഴിഞ്ഞ മത്സരത്തിലെ തെറ്റുകളില്‍ നിന്ന് പാഠം ഉള്‍ക്കൊണ്ട് അവസാന മത്സരത്തില്‍ വിജയം നേടാനാകും ഇന്ത്യന്‍ ടീമിന്റെ ശ്രമം. അതേസമയം പരമ്പര സ്വന്തമാക്കാന്‍ തന്നെയാണ് വെസ്റ്റ് ഇന്‍ഡീസും ശ്രമിക്കുക. അതിനാല്‍ ബെംഗളൂരുവില്‍ ഇരു ടീമുകളും തമ്മില്‍ ശക്തമായ പോരാട്ടമായിരിക്കും നടക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Sunil Gavaskar: ഇന്ത്യ തോറ്റെങ്കിലും സഞ്ജു തിളങ്ങി! സഞ്ജു സാംസണിന്റെ ബാറ്റിങ് ശൈലിയെ പ്രശംസിച്ച് സുനിൽ ഗവാസ്കർ

ഹൈദരാബാദ്: വെസ്റ്റ് ഇൻഡീസിനെതിരായ നാലാം ട്വന്റി20യിൽ ഇന്ത്യ പരാജയം വഴങ്ങിയെങ്കിലും, മലയാളി താരം സഞ്ജു സാംസണിന്റെ പ്രകടനത്തെ വാനോളം പുകഴ്ത്തി മുൻ ഇന്ത്യൻ നായകൻ സുനിൽ ഗവാസ്കർ. പിച്ചിന്റെ സ്വഭാവം കൃത്യമായി മനസ്സിലാക്കി അതിനനുസരിച്ച് ബാറ്റിങ്ങിൽ മാറ്റങ്ങൾ വരുത്താൻ സഞ്ജുവിന് സാധിച്ചതായി ഗവാസ്കർ ചൂണ്ടിക്കാട്ടി. ഹൈദരാബാദ് ഉപ്പൽ സ്റ്റേഡിയത്തിൽ വിൻഡീസ് ഉയർത്തിയ 248 റൺസിന്റെ കൂറ്റൻ വിജയലക്ഷ്യം പിന്തുടർന്ന ഇന്ത്യയ്ക്കായി സഞ്ജു 23 പന്തിൽ 56 റൺസ് അടിച്ചുകൂട്ടിയിരുന്നു. മത്സരത്തിൽ ഇന്ത്യ 223 റൺസിന് പുറത്താവുകയും 24 റൺസിന്റെ തോൽവി വഴങ്ങുകയും ചെയ്തു. മത്സരശേഷം സ്റ്റാർ സ്‌പോർട്സിൽ സംസാരിക്കവെയാണ് ഗവാസ്കർ സഞ്ജുവിന്റെ ഇന്നിങ്സിനെ പ്രശംസിച്ചത്. പിച്ചിന്റെ സ്വഭാവം മനസ്സിലാക്കി പന്തുകൾ പ്രതിരോധിച്ച് തുടങ്ങിയ ശേഷമാണ് സഞ്ജു തന്റെ ആക്രമണ ശൈലിയിലേക്ക് തിരിഞ്ഞതെന്ന് സുനിൽ ഗവാസ്കർ പറ‍ഞ്ഞു. തുടക്കത്തിൽ സഞ്ജു സ്ട്രൈറ്റ് ബാറ്റിൽ കളിച്ചതിനാൽ വിൻഡീസ് ബൗളർമാർക്ക് ലെങ്ത് കുറയ്ക്കേണ്ടതായി വന്നു. ഇത് ഗ്രൗണ്ടിന്റെ വിവിധ ഭാഗങ്ങളിലേക്ക് ഷോട്ട് കളിക്കാൻ സഞ്ജുവിന് അവസരമൊരുക്കി കൊടുക്കുകയായിരുന്നു. വളരെ മനോഹരമായിട്ടാണ് സഞ്ജു ഇന്നിങ്സ് കെട്ടിപ്പടുത്തതെന്നും അദ്ദേഹം പ്രശംസിച്ചു. കീമോ പോളിന്റെ പന്തിലാണ് സഞ്ജു സാംസൺ പുറത്തായത്. ഇതിനെ കുറിച്ചും സുനിൽ ഗവാസ്കർ രസകരമായി പ്രതികരിച്ചു. അവസാന ഘട്ടത്തിൽ കീമോ പോൾ എറിഞ്ഞ പന്ത് സഞ്ജുവിന് ബാറ്റ് വീശാൻ ആവശ്യത്തിന് സ്പേസ് നൽകിയിരുന്നില്ല. അതിനാലാണ് അവൻ പുറത്തായതെന്ന് അദ്ദേഹം ചൂണ്ടിക്കാട്ടി. ബാറ്റ് പൂർണ്ണമായി സ്വിങ് ചെയ്യാൻ സാധിച്ചിരുന്നെങ്കിൽ ആ പന്ത് ചെന്ന് വീഴുക സെക്കന്തരാബാദിൽ ആയേനെയെന്നും ഗവാസ്കർ തമാശരൂപേണ കൂട്ടിച്ചേർത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Rohit Sharma: രോഹിത് ശർമ വീണ്ടും ക്യാപ്റ്റനാകുമോ? അഭ്യൂഹങ്ങൾ തള്ളി മുംബൈ ഇന്ത്യൻസ്

ഐപിഎൽ 2027ൽ മുംബൈ ഇന്ത്യൻസിന്റെ ക്യാപ്റ്റനായി ഇതിഹാസ താരം രോഹിത് ശർമ വീണ്ടും എത്തിയേക്കുമെന്ന ചർച്ചകളാണ് ക്രിക്കറ്റ് ലോകത്ത് നിലവിൽ നടക്കുന്നത്. നിലവിലെ ക്യാപ്റ്റനായ ഹാർദ്ദിക് പാണ്ഡ്യ ടീം മാറുന്നുവെന്ന റിപ്പോർട്ടുകൾക്കിടെയാണ് രോഹിത് ശർമ്മയുടെ ക്യാപ്റ്റൻസിയുമായി ബന്ധപ്പെട്ട ചർച്ചകളും വരുന്നത്. എന്നാൽ ഹാർദ്ദിക്കിന്റെ കാര്യത്തിൽ ഔദ്യോഗികമായി ഒരുതരത്തിലുള്ള തീരുമാനങ്ങളും ടീം പുറത്തുവിട്ടിട്ടില്ല. എന്നാൽ, രോഹിത് ശർമ വീണ്ടും ക്യാപ്റ്റനാകുമെന്ന റിപ്പോർട്ടുകളിൽ മുംബൈ ഇന്ത്യൻസ് മാനേജ്‌മെന്റ് നിലപാട് വ്യക്തമാക്കി രംഗത്തെത്തിയിട്ടുണ്ട്. രോഹിത് ശർമയുടെ ക്യാപ്റ്റൻസിയുമായി ബന്ധപ്പെട്ട് നിലവിൽ ചർച്ചകളൊന്നും ടീം മാനേജ്‌മെന്റ് നടത്തിയിട്ടില്ലെന്നാണ് റിപ്പോർട്ടുകൾ സൂചിപ്പിക്കുന്നത്. എന്നാൽ, ഹാർദിക് പാണ്ഡ്യ ടീം വിട്ടാൽ മുംബൈയെ നയിക്കാൻ ഒന്നിലധികം പേർ ടീമിൽ തന്നെയുണ്ട്. സൂര്യകുമാർ യാദവ്, തിലക് വർമ എന്നിവർക്കാണ് അടുത്ത സീസണിൽ നായകസ്ഥാനത്തേക്ക് കൂടുതൽ സാധ്യതയെന്നാണ് വിവരം. 2026 ടി20 ലോകകപ്പിൽ ഇന്ത്യയെ വിജയത്തിലേക്ക് നയിച്ച ക്യാപ്റ്റനാണ് സൂര്യകുമാർ യാദവ്. ഇന്ത്യൻ ടി20 ടീമിന്റെ വൈസ് ക്യാപ്റ്റനും മുംബൈ പ്ലേയിങ് ഇലവനിലെ സ്ഥിരാംഗവുമാണ് തിലക് വർമ. തിലകും വരും സീസണിൽ മുംബൈ ഇന്ത്യൻസിന്റെ ക്യാപ്റ്റൻ സ്ഥാനത്തേക്ക് പരിഗണിക്കപ്പെടുന്നവരിൽ ഒരാളായിരിക്കും. അഞ്ച് തവണ മുംബൈയെ ഐപിഎൽ കിരീടത്തിലേക്ക് നയിച്ച താരമാണ് രോഹിത് ശർമ. 2024-ൽ ഹാർദിക് പാണ്ഡ്യയ്ക്കായാണ് രോഹിത് ക്യാപ്റ്റൻസി ഒഴിഞ്ഞത്. എന്നാൽ ആ മാറ്റം ടീമിന് ഗുണം ചെയ്തിരുന്നില്ല. ഹാർദികിന് കീഴിൽ 2024-ൽ അവസാന സ്ഥാനക്കാരായിട്ടായിരുന്നു മുംബൈ ടീം ഫിനിഷ് ചെയ്തത്. തുടർന്ന് 2025-ൽ ക്വാളിഫയർ കളിച്ചെങ്കിലും, 2026ൽ ടീം വീണ്ടും ഒൻപതാം സ്ഥാനത്തേക്ക് തള്ളപ്പെട്ടിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Sandeep Patil: 'സച്ചിനെയും യുവരാജിനെയും ഒഴിവാക്കിയത് എന്തിനാണെന്ന് അവര്‍ക്കറിയാം' വെളിപ്പെടുത്തലുമായി സന്ദീപ് പാട്ടീൽ

ഇന്ത്യൻ ക്രിക്കറ്റ് ടീമിലെ ഇതിഹാസ താരങ്ങളായ സച്ചിൻ തെണ്ടുൽക്കർ, യുവരാജ് സിംഗ്, ഗൗതം ഗംഭീർ, സഹീർ ഖാൻ എന്നിവരെ ടീമിൽ നിന്ന് ഒഴിവാക്കാനുള്ള കാരണങ്ങൾ അവർക്ക് നന്നായി അറിയാമെന്ന് മുൻ ഇന്ത്യൻ ക്രിക്കറ്റ് താരവും ചീഫ് സെലക്ടറുമായിരുന്ന സന്ദീപ് പാട്ടീൽ. വ്യക്തി ബന്ധങ്ങളേക്കാൾ ഇന്ത്യന്‍ ക്രിക്കറ്റിന്റെ ഭാവിക്കാണ് സെലക്ഷൻ കമ്മിറ്റി മുൻഗണന നൽകിയതെന്നും അദ്ദേഹം കൂട്ടിച്ചേർത്തു. പാനലിന്റെ ചെയർമാൻ മാത്രമായിരുന്നു താനെന്നും അദ്ദേഹം വ്യക്തമാക്കി. 'ഇന്ത്യൻ ക്രിക്കറ്റിന്റെ ഭാവി മുൻനിർത്തി മാത്രമാണ് തീരുമാനങ്ങളെടുക്കുന്നത് ഇന്ന് ഇതേക്കുറിച്ച് സംസാരിക്കുന്നത് വളരെ വിഷമകരമാണ്. സച്ചിൻ തെണ്ടുൽക്കർ, യുവരാജ് സിംഗ്, ഗൗതം ഗംഭീർ, സഹീർ ഖാൻ തുടങ്ങിയ ഇതിഹാസ താരങ്ങൾക്ക് ടീം വിടുകയോ വിരമിക്കുകയോ ചെയ്യേണ്ടി വന്നു പക്ഷെ അതിനുള്ള കാരണങ്ങൾ അവർക്ക് നന്നായി അറിയാം'. 'ദി ഗ്രേറ്റ് ഇന്ത്യൻ ക്രിക്കറ്റ് ഷോ'യിൽ സംസാരിക്കവെയാണ് മുംബൈ സീനിയർ ഏജ് ഗ്രൂപ്പ് പുരുഷ ടീമുകളുടെ മെന്ററായ സന്ദീപ് പാട്ടീൽ ഇക്കാര്യം വ്യക്തമാക്കിയത്. നാഷണൽ ക്രിക്കറ്റ് അക്കാദമിയുടെ (NCA) മുൻ തലവനും, നിലവിലെ ബിസിസിഐ സെന്റർ ഓഫ് എക്സലൻസിന്റെ (CoE) അംഗവുമായ സന്ദീപ് പാട്ടീൽ കളിക്കാരുമായി സെലക്ടർമാർ പാലിക്കേണ്ട തൊഴിൽപരമായ അതിരുകളെക്കുറും സംസാരിച്ചു. ദീ‌ർഘകാല സൗഹൃദങ്ങളെ വരെ ബാധിക്കുന്ന തരത്തിലുണ്ടായ തീരുമാനങ്ങൾ തങ്ങൾക്ക് എടുക്കേണ്ടി വന്നിട്ടുണ്ടെന്ന് അദ്ദേഹം വ്യക്തമാക്കി. 'കളിക്കാരുമായി സെലക്ടർമാർ സൗഹൃദത്തിലാകാം പക്ഷെ അവിടെ അതിർവരമ്പുകളുണ്ടായിരിക്കണം. അവൻ എന്റെ സുഹൃത്തായതുകൊണ്ട് ടീമിലേക്ക് അവനെ തിരഞ്ഞെടുക്കാമെന്ന് ആര്‍ക്കും പറയാൻ കഴിയില്ല. ലഭിക്കുന്ന ഉത്തരവാദിത്തം ഗൗരവത്തോടെ കാണണം.' നിങ്ങൾ ചിന്തിക്കേണ്ടത് ഇന്ത്യയുടെ ക്രിക്കറ്റിനെയും അതിന്റെ ഭാവിയെയുമാണെന്ന് സന്ദീപ് പാട്ടീൽ പറയുന്നു. നിങ്ങൾക്ക് തൃപ്തികരമല്ലാത്ത തീരുമാനങ്ങൾ പോലും എടുക്കേണ്ടി വന്നേക്കാം പക്ഷെ ഇന്ത്യൻ ടീമിന്റെ നന്മയ്ക്കായി നിങ്ങൾക്ക് ചെയ്യേണ്ടിവരുമെന്ന് സന്ദീപ് പാട്ടീൽ വ്യക്തമാക്കുന്നു. 1983-ലെ ഏകദിന ലോകകപ്പ് നേടിയ ഇന്ത്യൻ ടീമിൽ അംഗമായിരുന്നു സന്ദീപ് പാട്ടീൽ. 2012 മുതൽ 2016 വരെയുള്ള ഇന്ത്യൻ ടീമിന്റെ നിർണായക മാറ്റങ്ങളുടെ ഘട്ടത്തിലാണ് അഞ്ചംഗ സീനിയർ പുരുഷ സെലക്ഷൻ കമ്മിറ്റിയുടെ തലവനായി അദ്ദേഹം പ്രവർത്തിച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

ODI December: ഇന്ത്യ-ശ്രീലങ്ക ഒന്നാം ഏകദിനം ഡൽഹിയിൽ നിന്ന് അഹമ്മദാബാദിലേക്ക്

ഇന്ത്യയും ശ്രീലങ്കയും തമ്മിലുള്ള ആദ്യ ഏകദിനം ഡൽഹിയിൽ നിന്ന് അഹമ്മദാബാദിലേക്ക് മാറ്റിയതായി റിപ്പോർട്ടുകൾ. 2026 ഡിസംബർ 13-ന് അരുൺ ജെയ്റ്റ്ലി സ്റ്റേഡിയത്തിലാണ് മത്സരം ആദ്യം നിശ്ചയിച്ചിരുന്നത്. എന്നാൽ ഇപ്പോൾ മത്സരം നരേന്ദ്രമോദി സ്റ്റേഡിയത്തിലേക്ക് മാറ്റി. നിലവിൽ അരുൺ ജെയ്റ്റ്ലി സ്റ്റേഡിയത്തിൽ നവീകരണ ജോലികൾ പുരോഗമിക്കുകയാണ്. സ്റ്റേഡിയത്തിലെ ഡ്രെയിനേജ് സംവിധാനം മെച്ചപ്പെടുത്താൻ ഡൽഹി ആൻഡ് ഡിസ്ട്രിക്റ്റ് അസോസിയേഷൻ തീരുമാനിച്ചിരിക്കുകയാണ്. ഇതിന്റെ ഭാഗമായി വലിയ ഒരു കാലയളവിലേക്ക് സ്റ്റേഡിയം മത്സരങ്ങൾക്ക് ലഭ്യമാകില്ല. മാർച്ചിൽ, 2026-27 സീസണിലെ ഇന്ത്യയുടെ ഹോം ഷെഡ്യൂൾ പുറത്തിറക്കിയപ്പോൾ ഇന്ത്യൻ ക്രിക്കറ്റ് കൺട്രോൾ ബോർഡ് ഉദ്ഘാടന ഏകദിനത്തിനുള്ള വേദിയായി ഡൽഹിയെ പ്രഖ്യാപിക്കുകയായിരുന്നു. എന്നാൽ പുതിയ മാറ്റങ്ങൾ അനുസരിച്ച് മൂന്ന് മത്സരങ്ങളുള്ള ഏകദിന പരമ്പരയിൽ അഹമ്മദാബാദ് രണ്ട് മത്സരങ്ങൾക്ക് ആതിഥേയത്വം വഹിക്കും. ഡിസംബർ 16-ന് ബെംഗളൂരുവിലാണ് രണ്ടാം ഏകദിനം നടക്കുന്നത്. മൂന്നാമത്തെയും അവസാനത്തെയും മത്സരം ഡിസംബർ 19-ന് അഹമ്മദാബാദിൽ നടത്താനാണ് നിശ്ചയിച്ചിരിക്കുന്നത്. ഉദ്ഘാടന മത്സരത്തിന്റെ വേദി മാറ്റിയത് അഹമ്മദാബാദിലെ ക്രിക്കറ്റ് ആരാധകരർക്ക് ഇന്ത്യൻ ടീമിന്റെ മത്സരം നേരിൽ കാണാൻ മറ്റൊരു അവസരം കൂടി നൽകും. ശ്രീലങ്കയ്ക്കെതിരെയുള്ള ഇന്ത്യയുടെ ഹോം പരമ്പരയിൽ മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് ഉള്ളത്. ഏകദിന പരമ്പര ഡിസംബർ 13-ന് ആരംഭിക്കും ടി20 പരമ്പര ഡിസംബർ 22-നും നടക്കും. ഡിസംബർ 22, 24, 27 തീയതികളിൽ യഥാക്രമം രാജ്കോട്ട്, കട്ടക്ക്, പൂനെ എന്നിവിടങ്ങളിലാണ് ടി20 മത്സരങ്ങൾ നടക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

ICC Cricket World Cup 2027: അടുത്തവര്‍ഷത്തെ ഇന്ത്യ-പാക് ലോകകപ്പ് മത്സരത്തിന് ലഭിച്ചത് 10 ലക്ഷത്തിലധികം ടിക്കറ്റ് അപേക്ഷകൾ!

ഇന്ത്യ-പാകിസ്ഥാൻ ക്രിക്കറ്റ് മത്സരം ഏതൊരു ക്രിക്കറ്റ് ആരാധകനും ആവേശത്തോടെ കാത്തിരിക്കുന്ന ഒന്നാണ്. അടുത്ത വർഷം നടക്കുന്ന ലോകകപ്പിലെ ഇന്ത്യ-പാകിസ്ഥാൻ മത്സരത്തിന്റെ ബാലറ്റ് രജിസ്ട്രേഷൻ ആരംഭിച്ച ആദ്യ 48 മണിക്കൂറിനുള്ളിൽ തന്നെ പത്ത് ലക്ഷത്തിലധികം ടിക്കറ്റ് അപേക്ഷകളാണ് ലഭിച്ചത്. ദക്ഷിണാഫ്രിക്ക, സിംബാബ്‌വെ, നമീബിയ എന്നിവിടങ്ങളിൽ നടക്കുന്ന ഐസിസി ക്രിക്കറ്റ് ലോകകപ്പിൽ ടിക്കറ്റ് ഉറപ്പാക്കാൻ ആരാധകരുടെ വൻ തിരക്കാണ്. മറ്റൊരു ടീമുകളുടെയും ക്രിക്കറ്റ് മത്സരത്തിന് ഇതുവരെ ഇത്രയധികം ടിക്കറ്റ് അഭ്യര്‍ത്ഥനകള്‍ ലഭിച്ചിട്ടില്ല. ക്രിക്കറ്റ് മൈതാനത്ത് ചിരവൈരികളുടെ പോരാട്ടം നടക്കുമ്പോഴെല്ലാം റെക്കോർഡ് ടിക്കറ്റ് വിൽപ്പനയും വ്യൂവർഷിപ്പുമാണ് ഉണ്ടാകാറുള്ളത്. അടുത്ത വർഷത്തെ ഐസിസി ക്രിക്കറ്റ് ലോകകപ്പിലെ ഇന്ത്യ-ദക്ഷിണാഫ്രിക്ക മത്സരത്തിന് 92,000-ത്തിലധികം പേരും, 2023 ഫൈനലിന്റെ ആവർത്തനമായ ഇന്ത്യ-ഓസ്ട്രേലിയ മത്സരത്തിന് 86,000-ത്തിലധികം പേരും അപേക്ഷിച്ചു. ടിക്കറ്റ് ബാലറ്റ് തുടങ്ങി വെറും 48 മണിക്കൂറിനുള്ളിലാണ് 10 ലക്ഷം അപേക്ഷകൾ ഇന്ത്യ-പാകിസ്ഥാൻ മത്സരത്തിന് ലഭിച്ചതെന്ന് ഐസിസി സിഇഒ സഞ്ജോഗ് ഗുപ്ത സ്ഥിരീകരിച്ചു. എന്താണ് ബാലറ്റ് രജിസ്ട്രേഷൻ? ആദ്യം ബുക്ക് ചെയ്യുന്നവര്‍ക്ക് ടിക്കറ്റ് ലഭിക്കുന്ന രീതിയല്ല ബാലറ്റ് രജിസ്ട്രേഷൻ. നിശ്ചിത സമയത്തിനുള്ളില്‍ ആര്‍ക്കും ടിക്കറ്റിനായി അപേക്ഷിക്കാം. ടിക്കറ്റ് ആവശ്യപ്പെടുന്നവരുടെ എണ്ണം വളരെ കൂടുതലാണെങ്കില്‍ സംഘാടകര്‍ നറുക്കെടുപ്പ് നടത്തും. ഈ നറുക്കെടുപ്പില്‍ വിജയിക്കുന്നവര്‍ക്ക് മാത്രമേ ടിക്കറ്റ് വാങ്ങാന്‍ കഴിയൂ. ഇന്ത്യ-പാകിസ്ഥാന്‍ മത്സരം 2027 ഒക്ടോബര്‍ 10-ന് ആണ് പാകിസ്ഥാനെതിരെ ജൊഹാനസ്ബര്‍ഗിലെ വാണ്ടറേഴ്സ് സ്റ്റേഡിയത്തില്‍ ഇന്ത്യ ഏറ്റുമുട്ടുന്നത്. ഇന്ത്യന്‍ സമയം ഉച്ചയ്ക്ക് 1.30 മുതല്‍ മത്സരങ്ങള്‍ ആരംഭിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Harmanpreet Kaur: ഇന്ത്യൻ വനിതാ ടീമിന്റെ നായകസ്ഥാനമൊഴിഞ്ഞ് ഹർമൻപ്രീത് കൗർ; വൈകാരിക കുറിപ്പുമായി താരം

ഇന്ത്യൻ വനിതാ ക്രിക്കറ്റ് ടീമിന്റെ എക്കാലത്തെയും മികച്ച ക്യാപ്റ്റന്മാരിലൊരാളായ ഹർമൻപ്രീത് കൗർ സ്ഥാനമൊഴിഞ്ഞു. എല്ലാ ഫോർമാറ്റുകളിലെയും ക്യാപ്റ്റൻ സ്ഥാനം താരം ഒഴിഞ്ഞിരിക്കുകയാണ്. ഇൻസ്റ്റാഗ്രാമിലൂടെയാണ് താരം തന്റെ അപ്രതീക്ഷിത തീരുമാനം അറിയിച്ചത്. 2026 ഏഷ്യൻ ഗെയിംസിൽ ഇന്ത്യയെ ചരിത്രപരമായ സ്വർണമെഡലിലേക്ക് നയിച്ചതിന് തൊട്ടുപിന്നാലെയാണ് ഈ പ്രഖ്യാപനം. ക്യാപ്റ്റൻ പദവി ഒഴിയുമെങ്കിലും ഒരു കളിക്കാരിയായി ടീമിൽ തുടർന്നും സേവനം അനുഷ്ഠിക്കുമെന്ന് ഹർമൻ വ്യക്തമാക്കിയിട്ടുണ്ട്. ക്യാപ്റ്റൻസി കാലയളവിലെ ഓർമ്മകളും വികാരങ്ങളും പങ്കുവെച്ചുകൊണ്ടാണ് ഹർമൻപ്രീത് കൗർ വിടവാങ്ങൽ കുറിപ്പ് ഇൻസ്റ്റാഗ്രാമിൽ പങ്കുവെച്ചത്. "ഇന്ത്യൻ വനിതാ ക്രിക്കറ്റിനും ടീമിനുമായി എൻ്റെ സർവ്വവും ഞാൻ നൽകിയിട്ടുണ്ട്; എൻ്റെ വിയർപ്പും സമയവും പലപ്പോഴും വ്യക്തിപരമായ നേട്ടങ്ങളും അതിൽപ്പെടും. ടീമിൻ്റെ താല്പര്യങ്ങൾ മുൻനിർത്തി എൻ്റെ സ്വന്തം ആഗ്രഹങ്ങൾ പലപ്പോഴും മാറ്റിവെക്കേണ്ടി വന്നിട്ടുണ്ട്," എന്ന് താരം കുറിച്ചു. കരിയറിലെ പ്രതിസന്ധികളെയും വിമർശനങ്ങളെയും അതിജീവിച്ച് രാജ്യത്തെ വിജയങ്ങളിലേക്ക് നയിക്കാനായതിന്റെ അഭിമാനം പങ്കുവെച്ചാണ് ഹർമൻപ്രീത് കൗർ വിടവാങ്ങുന്നത്. ഇന്ത്യൻ ടീം നിലവിൽ മികച്ച നിലയിലാണെന്നും, പുതിയ യുവതാരങ്ങൾക്ക് അവസരങ്ങൾ തുറന്നുകൊടുക്കാൻ അനുയോജ്യമായ സമയമാണിതെന്നും താരം ചൂണ്ടിക്കാട്ടി. പരിപൂർണ്ണ സമാധാനത്തോടെയാണ് നായകസ്ഥാനമൊഴിയുന്നതെന്ന് വ്യക്തമാക്കിയ ഹർമൻപ്രീത്, ബിസിസിഐ, സഹതാരങ്ങൾ, പരിശീലകർ, ആരാധകർ എന്നിവർക്ക് ഹൃദയംനിറഞ്ഞ നന്ദിയും അറിയിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Asian Games Cricket: അഭിഷേകും തിലകും തകർത്തടിച്ചു, പാകിസ്ഥാനെ വീഴ്ത്തി; ഏഷ്യൻ ​ഗെയിംസ് ക്രിക്കറ്റിൽ ഇന്ത്യക്ക് സ്വർണം

നിഷിൻ: ഏഷ്യൻ ഗെയിംസ് ക്രിക്കറ്റിൽ പാകിസ്ഥാനെ തകർത്തുകൊണ്ട് ഇന്ത്യക്ക് സ്വർണം. 19 റൺസിനാണ് ഇന്ത്യ പാകിസ്ഥാനെ വീഴ്ത്തിയത്. ഇന്ത്യ ഉയർത്തിയ 212 റൺസ് വിജയലക്ഷ്യവുമായി മറുപടി ബാറ്റിങ്ങിനിറങ്ങിയ പാകിസ്ഥാന് 20 ഓവറിൽ ആറ് വിക്കറ്റ് നഷ്ടത്തിൽ 192 റൺസെടുക്കാൻ മാത്രമെ കഴിഞ്ഞുള്ളൂ. ഇന്ത്യക്കായി അഭിഷേക് ശർമയും തിലക് വർമയും അർധസെഞ്ച്വറി നേടി. മറുപടി ബാറ്റിങ്ങിനിറങ്ങിയ പാക് നിരയിൽ ഹസൻ നവാസ് അർധസെഞ്ചുറിയോടെ തിളങ്ങിയെങ്കിലും ടീമിനെ വിജയത്തിലെത്തിക്കാൻ സാധിച്ചില്ല. കഴിഞ്ഞ ഏഷ്യൻ ഗെയിംസിലും ഇന്ത്യക്കായിരുന്നു സ്വർണം. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റുചെയ്ത ഇന്ത്യ നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 211 റൺസെന്ന കൂറ്റൻ സ്കോർ പടുത്തുയർത്തി. ഓപ്പണർ അഭിഷേക് ശർമയുടെയും മധ്യനിരയിൽ തിലക് വർമയുടെയും വെടിക്കെട്ട് പ്രകടനമാണ് ഇന്ത്യൻ ഇന്നിങ്സിന് കരുത്തായത്. വെറും 20 പന്തിൽ നിന്ന് അർധസെഞ്ചുറി തികച്ച അഭിഷേക് ശർമ ഇന്ത്യയ്ക്ക് മികച്ച തുടക്കമാണ് സമ്മാനിച്ചത്. ഇന്നിങ്സിന്റെ അവസാന ഓവറുകളിൽ തിലക് വർമയും ശിവം ദുബെയും ചേർന്ന് ഇന്ത്യൻ സ്കോർ 200 കടത്തുകയായിരുന്നു. പാകിസ്താനെതിരേ തകർപ്പൻ തുടക്കമാണ് ഇന്ത്യക്ക് ലഭിച്ചത്. അഭിഷേക് ശർമയുടെ ബാറ്റിങ് വെടിക്കെട്ടിൽ പവർപ്ലേയിൽ തന്നെ ഇന്ത്യ കൂറ്റൻ സ്കോറിലേക്ക് കുതിച്ചു. എന്നാൽ 9 പന്തിൽ രണ്ട് സിക്സറുകളോടെ 15 റൺസെടുത്ത ഓപ്പണർ വൈഭവ് സൂര്യവംശിക്കും, 4 പന്തിൽ 2 റൺസ് മാത്രമെടുത്ത് സഞ്ജു സാംസണും വേഗത്തിൽ മടങ്ങേണ്ടിവന്നു. എങ്കിലും പാക് ബൗളിങ് നിരയെ നിഷ്പ്രഭമാക്കിയ അഭിഷേക് ശർമയുടെ ആറാട്ടിൽ പവർപ്ലേ അവസാനിക്കുമ്പോൾ ഇന്ത്യൻ സ്കോർ 80 കടന്നിരുന്നു. 20 പന്തിൽ അർധ സെഞ്ച്വറി തികച്ച അഭിഷേക് ശർമയുടെ മികവിൽ ഇന്ത്യ മുന്നേറിയെങ്കിലും, എട്ടാം ഓവറിൽ താരം പുറത്തായത് തിരിച്ചടിയായി. 3 ഫോറുകളും 7 സിക്സറുമടക്കം 28 പന്തിൽ 61 റൺസെടുത്താണ് അഭിഷേക് മടങ്ങിയത്. തുടർന്ന് ക്യാപ്റ്റൻ ശ്രേയസ് അയ്യരും ഇഷാൻ കിഷനും ചേർന്ന് പത്തോവറിൽ ടീം സ്കോർ 114-ൽ എത്തിച്ചു. എന്നാൽ അഭിഷേകിന്റെ മടക്കത്തിന് പിന്നാലെ റണ്ണൊഴുക്ക് കുറയുകയും ഇഷാൻ (20), ശ്രേയസ് (21) എന്നിവർ വേഗത്തിൽ മടങ്ങുകയും ചെയ്തതോടെ ഇന്ത്യ 14.1 ഓവറിൽ 133-5 എന്ന നിലയിലേക്ക് വീണു. തുടർന്ന് ക്രീസിലൊന്നിച്ച തിലക് വർമയും ശിവം ദുബെയും ചേർന്ന് 200 കടത്തുകയായിരുന്നു. അവസാന ഓവറുകളിൽ തകർത്തടിച്ച ഇരുവരും 18-ാം ഓവറിൽ 18 റൺസും 19-ാം ഓവറിൽ 23 റൺസും അടിച്ചുകൂട്ടി ഇന്ത്യയെ കൂറ്റൻ സ്കോറിലേക്ക് നയിച്ചു. ശിവം ദുബെ 15 പന്തിൽ 27 റൺസും, തിലക് വർമ 22 പന്തിൽ 51 റൺസുമായി പുറത്താകാതെ നിന്നു. മറുപടി ബാറ്റിങ്ങിനിറങ്ങിയ പാകിസ്ഥാൻ ശ്രദ്ധയോടെയാണ് തുടങ്ങിയതെങ്കിലും ഇന്ത്യൻ ബൗളർമാർ കൃത്യമായ ഇടവേളകളിൽ വിക്കറ്റ് വീഴ്ത്തി അവരെ പ്രതിരോധത്തിലാക്കി. നാലാം ഓവറിൽ സാഹിബ്‌സാദ ഫർഹാനും (10), അഞ്ചാം ഓവറിൽ ഉസ്മാൻ ഖാനും (3), പിന്നാലെ മാസ് സദാഖാത്തും (23) പുറത്തായതോടെ പാകിസ്താൻ പ്രതിരോധത്തിലായി. എന്നാൽ നാലാം വിക്കറ്റിൽ ഒന്നിച്ച സയിം അയൂബും (29) ഹസൻ നവാസും ചേർന്ന് പാകിസ്താനെ മത്സരത്തിലേക്ക് തിരികെയെത്തിച്ചു. ശിവം ദുബെ സയിം അയൂബിനെ പുറത്താക്കി ഇന്ത്യക്ക് ബ്രേക്ക് ത്രൂ നൽകിയെങ്കിലും, മറുവശത്ത് 96 റൺസുമായി തകർത്തടിച്ച ഹസൻ നവാസ് അവസാന നിമിഷം വരെ പാക് പ്രതീക്ഷകൾ നിലനിർത്തി. ഒടുവിൽ നിശ്ചിത ഓവറിൽ 192 റൺസെടുക്കാനേ പാകിസ്താന് സാധിച്ചുള്ളൂ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.