Thiruvananthapuram

ChatGPT Uses: ചാറ്റ് ജിപിടി വെറുതെയല്ല! അറിയേണ്ട പ്രധാന ഫീച്ചറുകള്‍...

Written & Updated by: Mekha P Panicker

Published: Oct 24, 2026, 05:28 PM | Updated: Oct 24, 2026, 05:28 PM

ചാറ്റ് ജിപിടി (ChatGPT) ഇന്ന് പലരുടെയും ജോലിയുടെയും നിത്യജീവിതത്തിന്റെയും ഭാഗമായി മാറിയിരിക്കുകയാണ്. വെറും ഒരു എഴുത്തുപകരണം എന്നതിലുപരിയാണ് ചാറ്റ് ജിപിടിയുടെ പ്രവര്‍ത്തനം.

ഒന്നിലധികം ഉറവിടങ്ങളില്‍ നിന്ന് വിവരങ്ങള്‍ ആവശ്യമുള്ളപ്പോള്‍ അതിവേഗം ഉത്തരം ലഭിക്കാന്‍ ചാറ്റ് ജിപിടി സഹായിക്കും. ചാറ്റ് ജിപിടി ഡീപ് റിസര്‍ച്ച് നടത്തി നിങ്ങള്‍ക്ക് വേണ്ടുന്ന ഉത്തരം കണ്‍മുന്നിലെത്തിക്കും.

ചാറ്റ് ജിപിടിക്ക് വളരെ മികച്ച ഓര്‍മശക്തിയുണ്ട്. നിങ്ങളുടെ ഇഷ്ടങ്ങള്‍, എഴുത്ത് ശൈലി, സ്ഥിരമായി ചെയ്യുന്ന കാര്യങ്ങള്‍ എന്നിവ ചാറ്റ് ജിപിടി സേവ് ചെയ്തുവയ്ക്കും. അതിനാല്‍ പുതിയ ചാറ്റ് തുടങ്ങുമ്പോള്‍ പഴയ വിവരങ്ങളോ നിര്‍ദേശങ്ങളോ വീണ്ടും ആവര്‍ത്തിക്കേണ്ടതില്ല.

ചാറ്റ് ജിപിടിയില്‍ ടാസ്കുകള്‍ ഷെഡ്യൂള്‍ ചെയ്തു വെയ്ക്കാന്‍ സാധിക്കും. നിങ്ങളള്‍ക്ക് ആവശ്യമായ കാര്യങ്ങള്‍ പ്രത്യേകമായി ഓര്‍മപ്പെടുത്താന്‍ ഇത് സഹായിക്കും. ഒരു അലാറാം പ്രവര്‍ത്തിക്കുന്നതുപോലെ ചാറ്റ് ജിപിടി നിങ്ങള്‍ക്കായി പ്രവര്‍ത്തിക്കും.

സാധാരണ ചാറ്റില്‍ ഓരോ തിരുത്തലുകള്‍ വരുത്തുന്നതിന് പകരം നീളമേറിയ കുറിപ്പുകളോ ലേഖനങ്ങളോ കൈകാര്യം ചെയ്യാന്‍ കാന്‍വാസ് നിങ്ങള്‍ക്ക് പ്രത്യേക ഇടം നല്‍കും. ബാക്കി ഭാഗങ്ങള്‍ക്ക് മാറ്റം വരുത്താതെ തന്നെ ഉള്ളടക്കത്തിന്റെ പ്രത്യേക ഭാഗങ്ങള്‍ തിരുത്തിയെഴുതാനോ ചെറുതാക്കാനോ വലുതാക്കാനോ മാറ്റങ്ങള്‍ വരുത്താനോ നിങ്ങള്‍ക്ക് ചാറ്റ് ജിപിടിയോട് ആവശ്യപ്പെടാം.

ഒരു സംഭാഷണം നിങ്ങളുടെ സ്ഥിരം ചാറ്റ് ഹിസ്റ്ററിയില്‍ ഉള്‍പ്പെടാതിരിക്കാനോ ഭാവിയിലെ ചാറ്റുകള്‍ വ്യക്തിഗതമാക്കാന്‍ ഉപയോഗിക്കാതിരിക്കാനോ ടെമ്പററി ചാറ്റ് ഉപയോഗിക്കാം. ഇതില്‍ നിങ്ങളുടെ ചാറ്റ് ഹിസ്റ്ററി സേവ് ചെയ്യപ്പെടില്ല.

Mekha P Panicker