Thiruvananthapuram

Roti and Diabetes: രക്തത്തിലെ പഞ്ചസാര നിയന്ത്രിക്കാൻ പ്രമേഹരോഗികൾ ഏത് റൊട്ടി കഴിക്കണം?

Written by: Mekha P Panicker Updated by: Karthika V

Published: Oct 04, 2026, 03:23 PM | Updated: Oct 04, 2026, 03:23 PM

ശരിയായ മാവ് ഉപയോഗിച്ചുണ്ടാക്കുന്ന റൊട്ടി പ്രമേഹ രോഗികൾക്ക് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും.

പ്രമേഹരോഗികളെ സംബന്ധിച്ച് ഏറ്റവും വലിയ വെല്ലുവിളി ആരോഗ്യം നിലനിർത്താൻ എന്ത് കഴിക്കണമെന്നാണ്. നിങ്ങൾ റൊട്ടിയാണ് കഴിക്കാൻ താൽപ്പര്യപ്പെടുന്നതെങ്കിൽ ശരിയായ മാവ് തിരഞ്ഞെടുത്ത് റൊട്ടിയുണ്ടാക്കുക. ഇങ്ങനെയാണെങ്കിൽ രക്തത്തിലെ പഞ്ചസാരയുടെ അളവ് കൃത്യമായി നിയന്ത്രിക്കാൻ സാധിക്കും.

തവിടോട് കൂടിയ ഗോതമ്പുപൊടി ഉപയോഗിച്ച് ചപ്പാത്തി കഴിക്കുന്നതാണ് പ്രമേഹ രോഗികള്‍ക്ക് മികച്ചത്. മൈദ പോലെയുള്ള ശുദ്ധീകരിച്ച പൊടികൾക്ക് പകരം തവിട് നിലനിർത്തുമ്പോൾ ധാന്യത്തിലെ സ്വാഭാവിക നാരുകൾ നഷ്ടപ്പെടാതെ ലഭിക്കുന്നു.തവിടോട് കൂടിയ ഗോതമ്പുപൊടി ഉപയോഗിച്ച് ചപ്പാത്തി കഴിക്കുന്നതാണ് പ്രമേഹ രോഗികള്‍ക്ക് മികച്ചത്. മൈദ പോലെയുള്ള ശുദ്ധീകരിച്ച പൊടികൾക്ക് പകരം തവിട് നിലനിർത്തുമ്പോൾ ധാന്യത്തിലെ സ്വാഭാവിക നാരുകൾ നഷ്ടപ്പെടാതെ ലഭിക്കുന്നു.

ബാർലിയിൽ 'ബീറ്റാ-ഗ്ലൂക്കാൻ' (beta-glucan) എന്ന ലയിക്കുന്ന നാരുകൾ അടങ്ങിയിരിക്കുന്നു. നാരുകൾ ദഹനം മന്ദഗതിയിലാക്കാനും ഗ്ലൂക്കോസ് ശരീരത്തിലേക്ക് ആഗിരണം ചെയ്യപ്പെടുന്നതിന്റെ വേഗത കുറയ്ക്കാനും സഹായിക്കും. 31 നിയന്ത്രിത പഠനങ്ങൾ ഉൾപ്പെടുത്തി 2026-ൽ നടത്തിയ ഒരു അവലോകനപ്രകാരം ബാർലി കഴിക്കുന്നത് ഭക്ഷണത്തിനു ശേഷമുള്ള രക്തത്തിലെ പഞ്ചസാരയുടെ അളവും ഇൻസുലിൻ പ്രതികരണവും കുറയ്ക്കുന്നതായി കണ്ടെത്തിയിട്ടുണ്ട്.

ചെറുധാന്യങ്ങളായ ചോളം, ബാജ്റ (കമ്പ്), റാഗി എന്നിവ ഉപയോഗിച്ച് റൊട്ടിയുണ്ടാക്കാം. ശുദ്ധീകരിച്ച ഗോതമ്പിനെയും അരിയെയും അപേക്ഷിച്ച് ചെറുധാന്യങ്ങൾക്ക് പൊതുവെ ഗ്ലൈസെമിക് ഇൻഡക്സ് (GI) കുറവാണെന്ന് പഠനങ്ങൾ പറയുന്നു. ടൈപ്പ് 2 പ്രമേഹമുള്ളവരിൽ ചെറുധാന്യങ്ങൾ അടങ്ങിയ ആഹാരം രക്തത്തിലെ പഞ്ചസാരയുടെ അളവ് മെച്ചപ്പെടുത്താൻ സഹായിക്കുമെന്ന് പഠനങ്ങള്‍ വ്യക്തമാക്കുന്നു.

കടലമാവാണ് 'ബേസൻ'. ഇതില്‍ പ്രോട്ടീനും നാരുകളും ഒരുപോലെ അടങ്ങിയിരിക്കുന്നു. ചില കാർബോഹൈഡ്രേറ്റ് അടങ്ങിയ ഭക്ഷണങ്ങളുമായി താരതമ്യം ചെയ്യുമ്പോൾ കടലമാവ് കഴിച്ചതിനു ശേഷം രക്തത്തിലെ പഞ്ചസാരയുടെ അളവ് കുറവാണെന്ന് പഠനങ്ങൾ കണ്ടെത്തിയിട്ടുണ്ട്. എങ്കിലും കടലമാവ് കൊണ്ടുണ്ടാക്കുന്ന എല്ലാ വിഭവങ്ങളും കൃത്യമായി ഒരേ ഫലം തരുമെന്ന് പറയാൻ പറ്റില്ല.

#Health Tips #Health News

Mekha P Panicker