Thiruvananthapuram

World’s Top 5 Airlines: സേവനത്തിലും വലുപ്പത്തിലും മുന്നിൽ; ലോകത്തിലെ മുൻനിര എയർലൈനുകൾ ഏതൊക്കെ?

Written by: Mekha P Panicker Updated by: Karthika V

Published: Oct 03, 2026, 06:30 PM | Updated: Oct 03, 2026, 06:30 PM

2026-ലെ സ്കൈട്രാക്സ് റാങ്കിങ് പ്രകാരം ലോകത്തിലെ ഏറ്റവും മികച്ച അഞ്ച് എയർലൈനുകള്‍ പരിചയപ്പെടാം.

ആകാശത്തിലൂടെയുള്ള യാത്രകൾ സുരക്ഷിതമാക്കുന്നതിൽ എയർലൈനുകളുടെ പങ്ക് വളരെ വലുതാണ്. മികച്ച സേവനങ്ങൾ കൊണ്ടും ആധുനിക സംവിധാനങ്ങൾ കൊണ്ടും മുൻപന്തിയിൽ നിൽക്കുന്ന കമ്പനികൾ നിരവധിയാണ്. യാത്രാ സൗകര്യങ്ങളുടെയും സേവന നിലവാരത്തിന്റെയും അടിസ്ഥാനത്തിൽ ലോകത്തിലെ ഏറ്റവും മികച്ച അഞ്ച് എയർലൈനുകൾ ഏതൊക്കെയാണെന്ന് പരിശോധിക്കാം.

ലോകത്തിലെ ഏറ്റവും മികച്ച അഞ്ച് എയര്‍ലൈനുകളില്‍ ഒന്നാം സ്ഥാനത്താണ് സിംഗപ്പൂര്‍ എയര്‍ലൈന്‍സ്. സ്കൈട്രാക്സ് വേള്‍ഡ് എയര്‍ലൈന്‍ അവാര്‍ഡാണ് സിംഗപ്പൂര്‍ എയര്‍ലൈന്‍സ് സ്വന്തമാക്കിയത്. മികച്ച യാത്രാ സേവനങ്ങൾ, ആധുനിക വിമാനശേഖരം, ലോകത്തിലെ ഏറ്റവും ദൈർഘ്യമേറിയ നോൺ-സ്റ്റോപ്പ് സർവീസുകൾ എന്നിവയ്ക്ക് സിംഗപ്പൂർ എയർലൈൻസ് ഏറെ പ്രശസ്തമാണ്.

2026-ലെ ലോകത്തിലെ മികച്ച എയർലൈനുകളുടെ പട്ടികയിൽ ഖത്തർ എയർവേയ്‌സ് രണ്ടാം സ്ഥാനത്താണ്. സ്കൈട്രാക്സ് റാങ്കിംഗില്‍ ലോകത്തിലെ ഏറ്റവും മികച്ച എയർലൈനുള്ള പദവി ഒൻപത് തവണ സ്വന്തമാക്കിയിട്ടുള്ള എയർലൈനാണ് ഖത്തർ എയർവേയ്‌സ്. കൂടാതെ 13 തവണ ലോകത്തിലെ ഏറ്റവും മികച്ച ബിസിനസ്സ് ക്ലാസ് പുരസ്കാരവും. മികച്ച ഓൺബോർഡ് വൈ-ഫൈ പുരസ്കാരവും ഖത്തർ എയർവേയ്‌സ് സ്വന്തമാക്കി.

ഹോങ്കോങ് ആസ്ഥാനമായുള്ള പ്രമുഖ വ്യോമയാന കമ്പനിയായ കാഥെ പസിഫിക് എയർവേസ്. 2026-ലെ സ്കൈട്രാക്സ് വേൾഡ് എയർലൈൻ റാങ്കിങ് പ്രകാരം ലോകത്തിലെ ഏറ്റവും മികച്ച എയർലൈനുകളിൽ മൂന്നാം സ്ഥാനത്താണ് കാഥെ പസിഫിക്. ലോകത്തിലെ ഏറ്റവും മികച്ച കാബിൻ ക്ര്യൂവിനുള്ള പുരസ്കാരം ഈ വർഷം കാഥെ പസിഫിക് സ്വന്തമാക്കി. കമ്പനിയുടെ എയർപോർട്ട് ലോഞ്ചായ 'ദി വിങ്' ലോകത്തിലെ ഏറ്റവും മികച്ച ഫസ്റ്റ് ക്ലാസ് എയർപോർട്ട് ലോഞ്ചിനുള്ള അംഗീകാരവും നേടി.

2026-ലെ സ്കൈട്രാക്സ് വേൾഡ് എയർലൈൻ റാങ്കിങ് പ്രകാരം ലോകത്തിലെ ഏറ്റവും മികച്ച എയർലൈനുകളിൽ നാലാം സ്ഥാനത്താണ് ഓൾ നിപ്പോൺ എയർവേയ്‌സ്. ഉപഭോക്തൃ സേവനത്തിലും ഗ്രൗണ്ട് ഹാൻഡ്ലിങ്ങിലും ഉയർന്ന നിലവാരം പുലർത്തുന്ന എയർലൈൻ എന്ന നിലയിൽ ആഗോളതലത്തിൽ ഏറെ പ്രശസ്തമാണ്. സ്കൈട്രാക്സിന്റെ ഔദ്യോഗിക '5-സ്റ്റാർ എയർലൈൻ' പദവി തുടർച്ചയായി നിലനിർത്തുന്ന പ്രമുഖ ജപ്പാനീസ് ഫ്ലാഗ് കാരിയറാണിത്.

2026-ലെ സ്കൈട്രാക്സ് വേൾഡ് എയർലൈൻ റാങ്കിങ് പ്രകാരം ലോകത്തിലെ ഏറ്റവും മികച്ച എയർലൈനുകളിൽ അഞ്ചാം സ്ഥാനത്താണ് ടർക്കിഷ് എയർലൈൻസ്.ലോകത്ത് ഏറ്റവും കൂടുതൽ രാജ്യങ്ങളിലേക്ക് സർവീസ് നടത്തുന്ന വ്യോമയാന കമ്പനിയെന്ന വലിയ റെക്കോർഡും ഇസ്താംബൂൾ ആസ്ഥാനമായുള്ള ഈ ഫ്ലാഗ് കാരിയറിനുണ്ട്.

Mekha P Panicker