Karthika V

ജേർണലിസം മേഖലയിൽ 7 വർഷത്തിലേറെ അനുഭവപരിചയം. ഡിജിറ്റൽ മീഡിയയിൽ സജീവം. ഇടിവി ഭാരതിൽ കരിയർ ആരംഭിച്ചു. നിലവിൽ സീ മലയാളം ന്യൂസ് വെബ്സൈറ്റിൽ സബ് എഡിറ്റർ ആണ്. കേരളം, ദേശീയ-അന്തർദേശീയ വാർത്തകൾ, ആരോഗ്യ വാർത്തകൾ, എന്റർടെയ്ൻമെൻ്റ് വാർത്തകൾ, സ്പോർട്സ് തുടങ്ങിയവ കൈകാര്യം ചെയ്യുന്നു.

Smartphone Charging: ദിവസേന ഫോൺ‌ ചാർജ് ചെയ്യുന്ന ശീലമുണ്ടോ? ബാറ്ററിയുടെ ആയുസ്സ് നിലനിർത്താൻ ഇക്കാര്യങ്ങൾ ശ്രദ്ധിക്കണം

ഇന്ന് എല്ലാവരുടെയും കയ്യിൽ ഒഴിച്ചുകൂടനാവാത്ത ഒന്നാണ് സ്മാർട്ട് ഫോൺ. ഏറ്റവും കൂടുതൽ എല്ലാവരും ഉപയോഗിക്കുന്ന ഒരു സാധനവും ഇത് തന്നെയാകും. അതുകൊണ്ട് തന്നെ ഫോൺ ദിവസേന ചാർജ് ചെയ്യേണ്ടതായും വരും. ഫോൺ ചാർജ് ചെയ്യുമ്പോൾ പാലിക്കേണ്ട പ്രധാന സുരക്ഷാ മുൻകരുതലുകൾ ബാറ്ററിയുടെ ആരോഗ്യം സംരക്ഷിക്കുന്നതിന് പ്രധാനമാണ്. സ്മാർട്ട്ഫോൺ ചാർജിങ് കൂടുതൽ സുരക്ഷിതമാക്കാനും ബാറ്ററിയുടെ ആയുസ്സ് വർദ്ധിപ്പിക്കാനും സഹായിക്കുന്ന ചില പ്രധാന വഴികൾ പരിചയപ്പെടാം. ചാർജ് പൂർണ്ണമായും തീർന്നതിന് ശേഷം മാത്രം ചാർജ് ചെയ്യുന്നതാണ് നല്ലതെന്ന ധാരണയാണ് പലർക്കുമുള്ളത്. എന്നാൽ, ഇന്ന് സ്മാർട്ട്ഫോണുകളിൽ ഉപയോഗിക്കുന്ന ലിഥിയം-അയൺ (Lithium-ion) ബാറ്ററികൾക്ക് ഇത്തരം ചാർജിങ് രീതി യോജിച്ചതല്ല. ബാറ്ററി ലെവൽ മുഴുവനും തീരുന്നത് വരെ കാത്തിരിക്കാതെ, ചാർജ് ഏകദേശം 20 ശതമാനത്തിൽ എത്തുമ്പോൾ തന്നെ ഫോൺ പ്ലഗ്-ഇൻ ചെയ്യുന്നതാണ് ബാറ്ററിയുടെ ആരോഗ്യത്തിന് ഏറ്റവും അനുയോജ്യം. ഫോണ്‍ 100 ശതമാനം ചാര്‍ജ് ചെയ്യുന്നത് അപകടകരമാണോ? ആ ധാരണ ഒരിക്കലും ശരിയല്ലയെന്നാണ് പറയുന്നത്. പൂര്‍ണമായി ചാര്‍ജ് ചെയ്യുന്നത് കൊണ്ട് പ്രശ്നങ്ങളൊന്നുമുണ്ടാകില്ല. എന്നാൽ ബാറ്ററിയുടെ ആയുസ്സ് പരമാവധി നിലനിർത്താനാണ് നിങ്ങൾ ആഗ്രഹിക്കുന്നതെങ്കിൽ, ചാർജ് 20% മുതൽ 80% വരെയുള്ള പരിധിക്കുള്ളിൽ വയ്ക്കുന്നതാണ് അനുയോജ്യം. ഇതിനായി പ്രത്യേക ചാർജിങ് ലിമിറ്റ് ഫീച്ചറുകൾ ഇന്ന് മിക്ക ആധുനിക സ്മാർട്ട്ഫോണുകളിലും ലഭ്യമാണ്. ബാറ്ററിയെ ബാധിക്കുന്ന പ്രധാന ഘടകങ്ങളിലൊന്നാണ് അമിതമായി ചൂടാകുന്നത്. ചാര്‍ജ് ചെയ്യുന്നതിനിടെ ഗെയിം കളിക്കുക, ദീര്‍ഘനേരം വീഡിയോ കാണുക തുടങ്ങിയവ ചെയ്യുമ്പോൾ ഫോൺ അമിതമായി ചൂടാകും. അതിനാൽ ചാർജ് ചെയ്യുന്നതിനിടെ ഈ കാര്യങ്ങൾ ഒഴിവാക്കുക. ബാറ്ററി ഫുൾ ആയാൽ ഇന്ന് പല ഫോണുകളിലും ചാര്‍ജിങ് നിയന്ത്രിക്കുന്ന സംവിധാനങ്ങളുണ്ട്. അതുകൊണ്ട് തന്നെ രാത്രി മുഴുവന്‍ ചാര്‍ജിങ്ങിലിട്ടാല്‍ ബാറ്ററി ഉടന്‍ കേടാകാനുള്ള സാധ്യത കുറവാണ്. എങ്കിലും ദീര്‍ഘനേരം ഉയര്‍ന്ന ചാര്‍ജ് നിലയില്‍ തുടരുന്നതും ചൂട് കൂടുന്നതും ബാറ്ററിയുടെ ശേഷിയെ ബാധിച്ചേക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Ranji Trophy: രഞ്ജി ട്രോഫി: ഗുജറാത്തിന് കൂറ്റൻ ലീഡ്, ആദ്യ ഇന്നിങ്സ് തകർച്ചയ്ക്ക് പിന്നാലെ കേരളത്തിന് ഫോളോ ഓൺ

അഹമ്മദാബാദ്: രഞ്ജി ട്രോഫി ക്രിക്കറ്റ് മത്സരത്തിൽ ഗുജറാത്തിനെതിരെ കേരളത്തിന് ഫോളോ ഓൺ. ഗുജറാത്തിന്റെ കൂറ്റൻ സ്കോറായ 534 റൺസിന് മറുപടിയായി ഒന്നാം ഇന്നിങ്സ് ബാറ്റിങ്ങിനിറങ്ങിയ കേരളത്തിന്റെ പോരാട്ടം 279 റൺസിൽ അവസാനിച്ചു. ഇതോടെ 255 റൺസിന്റെ ഭീമമായ ലീഡ് വഴങ്ങി രണ്ടാമതും ബാറ്റിങ്ങിനിറങ്ങിയ കേരളം മൂന്നാം ദിവസം കളി നിർത്തുമ്പോൾ ഒരു വിക്കറ്റ് നഷ്ടത്തിൽ 41 റൺസ് എന്ന നിലയിലാണ്. മുൻനിര തകർന്നടിഞ്ഞ് വലിയ നാണക്കേടിന്റെ വക്കിലെത്തിയ കേരളത്തെ മധ്യനിര ബാറ്റർമാരാണ് കരകയറ്റിയത്. മൂന്ന് വിക്കറ്റിന് 74 റൺസ് എന്ന സ്കോറിൽ മൂന്നാം ദിനം ബാറ്റിങ് പുനരാരംഭിച്ച കേരളത്തിനായി സച്ചിൻ ബേബിയും വിഷ്ണു വിനോദും ചേർന്ന് 46 റൺസിന്റെ കൂട്ടുകെട്ടുണ്ടാക്കി. ക്രീസിൽ നിലയുറപ്പിച്ച സച്ചിൻ ബേബി 42 റൺസെടുത്ത് നിൽക്കെ സിദ്ധാർത്ഥ് ദേശായിയുടെ പന്തിൽ പുറത്തായി. വിഷ്ണു വിനോദ് വെറും 57 പന്തിൽ നിന്ന് അർദ്ധ സെഞ്ചുറി പൂർത്തിയാക്കി. സിദ്ധാർത്ഥ് ദേശായിയെ സിക്സറിന് പറത്തിയാണ് വിഷ്ണു അർദ്ധ സെഞ്ചുറി തികച്ചത്. ആ ഓവറിൽ തന്നെ ഒരു ഫോറും സിക്സും കൂടി താരം നേടി. ഒടുവിൽ 66 റൺസെടുത്ത വിഷ്ണു വിനോദ് അമിത് ദേശായിക്ക് വിക്കറ്റിന് മുന്നിൽ കുടുങ്ങി മടങ്ങുകയായിരുന്നു. ആറാം വിക്കറ്റിൽ മൊഹമ്മദ് അസറുദ്ദീനും ആദിത്യ സർവാതെയും ചേർന്ന് കേരളത്തിന് വീണ്ടും കരുത്തേകി. ഇരുവരും ചേർന്ന് 95 റൺസ് കൂട്ടിച്ചേർത്തു. എന്നാൽ 58 റൺസ് നേടിയ സർവാതെ സിദ്ധാർത്ഥ് ദേശായിയുടെ പന്തിൽ പുറത്തായതോടെ കേരളം വീണ്ടും പ്രതിസന്ധിയിലായി. സ്കോറിലേക്ക് 30 റൺസ് കൂടി ചേർക്കുന്നതിനിടെ ശേഷിക്കുന്ന നാല് വിക്കറ്റുകൾ കൂടി നഷ്ടമായി. മുഹമ്മദ് അസറുദ്ദീൻ 57 റൺസ് നേടി. ഗുജറാത്തിന് വേണ്ടി അർസാൻ നഗ്വാസ്വെല്ല നാല് വിക്കറ്റും ചിന്തൻ ഗജ മൂന്ന് വിക്കറ്റും സിദ്ധാർത്ഥ് ദേശായി രണ്ട് വിക്കറ്റും വീഴ്ത്തി. ഫോളോ ഓൺ ചെയ്ത് രണ്ടാം ഇന്നിങ്സ് ബാറ്റിങ് ആരംഭിച്ച കേരളത്തിന് തുടക്കത്തിൽ തന്നെ തിരിച്ചടിയേറ്റ് ഓപ്പണർ റോഹൻ കുന്നുമ്മലിന്റെ വിക്കറ്റ് നഷ്ടമായി. വെറും 7 റൺസ് എടുത്ത റോഹൻ, അർസാൻ നഗ്വാസ്വെല്ലയുടെ പന്തിൽ ക്ലീൻ ബൗൾഡ് ആവുകയായിരുന്നു. തുടർന്ന് ക്രീസൊന്നിച്ച സച്ചിൻ ബേബിയും അഭിഷേക് പി. നായരും കൂടുതൽ നഷ്ടങ്ങളില്ലാതെ പിടിച്ചുനിന്നതോടെ മൂന്നാം ദിവസത്തെ കളി അവസാനിപ്പിച്ചു. ജാഗ്രതയോടെ ബാറ്റേന്തിയ അഭിഷേക് 29 റൺസുമായി പുറത്താകാതെ നിൽക്കുമ്പോൾ, റൺസൊന്നും നേടാതെ സച്ചിൻ ബേബിയാണ് അദ്ദേഹത്തിനൊപ്പം ക്രീസിലുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

വില്ലൻ വേഷത്തിൽ ചാക്കോച്ചൻ, സ്റ്റൈലിഷായി നസ്‌ലനും സൗബിനും ശ്രീനാഥ് ഭാസിയും: 'ബാച്ച്‌ലർ പാർട്ടി Deux' ട്രെയിലറെത്തി

അമൽ നീരദിന്റെ ഏറ്റവും പുതിയ ചിത്രം 'ബാച്ച്‌ലർ പാർട്ടി Deux'ന്റെ ട്രെയിലർ പുറത്തുവന്നു. അതിഗംഭീരമായ ആക്ഷൻ രംഗങ്ങളും സ്റ്റൈലിഷ് അവതരണവും ചിത്രത്തിലുണ്ടാകുമെന്ന സൂചനയാണ് ട്രെയിലർ നൽകുന്നത്. വലിയ പ്രതീക്ഷകളോടെ കാത്തിരിക്കുന്ന ചിത്രം നവംബർ 19-ന് ആഗോളതലത്തിൽ തിയേറ്ററുകളിലെത്തും. നടൻമാരായ ടൊവിനോ തോമസ്, നസ്ലിൻ, സൗബിൻ, ഷറഫുദ്ദിൻ, ശ്രീനാഥ് ഭാസി, ചന്തു, ഷൈൻ ടോം, നടിമാരായ നാദിയ, രജിഷ, ജ്യോതിർമയി, ഹൻസിക, പാരിസ് ലക്ഷ്മി എന്നിവരുടെ ക്യാരക്ടർ പോസ്റ്ററുകൾ പുറത്തിറങ്ങിയിരുന്നു. 14 വർഷങ്ങൾക്ക് ശേഷം ജെൻ - സി വൈബിലാണ് ചിത്രം ഒരുക്കിയിരിക്കുന്നത്. 2012-ൽ പുറത്തിറങ്ങി തരംഗമായി മാറിയ ആക്ഷൻ ചിത്രം 'ബാച്ച്‌ലർ പാർട്ടി'യുടെ രണ്ടാം ഭാഗമാണിത്. ചിത്രത്തിന്റെ ഫസ്റ്റ് ലുക്ക് തരംഗമായിരുന്നു. റെഡ്-ഗോൾഡൻ റെട്രോ പശ്ചാത്തലത്തിലായിരുന്നു ഫസ്റ്റ് ലുക്ക് പുറത്തിറക്കിയത്. ബാച്ചിലർ പാർട്ടിയുടെ രണ്ടാം ഭാഗം എന്നതിനാൽ തന്നെ ഏറെ പ്രതീക്ഷയാണ് പ്രേക്ഷകർക്കുള്ളത്. ഫ്രഞ്ച് ഭാഷയിലുള്ള വാക്കാണ് ഡുഎക്സ് (D'EUX). ഫ്രഞ്ചിൽ D'EUX എന്നാൽ രണ്ട് എന്നും ‘അവരുടെ’ അല്ലെങ്കിൽ 'അവരെ കുറിച്ച്' എന്നുമാണ് അർത്ഥം വരുന്നത്. പുതുതലമുറയിലെ താരങ്ങളെയും മലയാളത്തിലെ മുൻനിര അഭിനേതാക്കളെയും അണിനിരത്തിക്കൊണ്ടാണ് അമൽ നീരദ് ചിത്രം ഒരുക്കിയിട്ടുള്ളത്. നസ്‌ലൻ, കുഞ്ചാക്കോ ബോബൻ, സൗബിൻ ഷാഹിർ, ഷറഫുദ്ദീൻ, ശ്രീനാഥ് ഭാസി, ചന്തു സലീംകുമാർ, ടൊവിനോ തോമസ്, ഷൈൻ ടോം ചാക്കോ, പാരിസ് ലക്ഷ്മി, നാദിയ മൊയ്തു, രജീഷ വിജയൻ, ജ്യോതിർമയി, ഹൻസിക കൃഷ്ണകുമാർ തുടങ്ങി വലിയ താരനിര ചിത്രത്തിലുണ്ട്. അമൽ നീരദ് പ്രൊഡക്ഷൻസ്, അൻവർ റഷീദ് എൻറർടെയ്ൻമെൻറ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ ചേർന്നാണ് ചിത്രത്തിന്റെ നിർമ്മാണം. ഛായാഗ്രഹണം: അപ്പു പ്രഭാകർ, എ‍ഡിറ്റർ: വിവേക് ഹർഷൻ, സംഗീതം: ക്രിസ്റ്റോ സേവ്യർ, സംഭാഷണം: ഉണ്ണി ആർ, സൗണ്ട് ഡിസൈൻ: തപസ് നായക്, പ്രൊഡക്ഷൻ ഡിസൈൻ: ജോസഫ് നെല്ലിക്കൽ, ഗാനരചന: റഫീഖ് അഹമ്മദ്, വിനായക് ശശികുമാർ, കോസ്റ്റ്യൂം: മഷർ ഹംസ, മേക്കപ്പ്: റോണക്സ് സേവ്യർ. പിആർഒ: ആതിര ദിൽജിത്ത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Crime News: കരിപ്പൂരിൽ യുവതിയെ തട്ടിക്കൊണ്ടുപോയി; പിന്നിൽ സ്വർണം പൊട്ടിക്കൽ സംഘം, സാഹസികമായി പിടികൂടി പോലീസ്

മലപ്പുറം: കരിപ്പൂരിൽ സ്വർണം കൊണ്ടുവന്ന യുവതിയെ തട്ടിക്കൊണ്ടുപോയി. കസ്റ്റംസിനെ വെട്ടിച്ച് വിമാനത്താവളത്തിന് പുറത്ത് എത്തിച്ച സ്വർണം കവരാൻ നടത്തിയ ശ്രമത്തിന്റെ ഭാഗമായാണ് ദുബായിൽ നിന്നെത്തിയ റിയ എന്ന യുവതിയെ തട്ടിക്കൊണ്ടുപോയത്. ഇന്ന് രാവിലെയാണ് യുവതി കരിപ്പൂർ വിമാനത്താവളത്തിൽ വന്നിറങ്ങിയത്. വാഹനത്തിലെത്തിയ ഒരു സംഘം ഇവരെ തട്ടിക്കൊണ്ടുപോകുകയായിരുന്നു. തുടർന്ന് മലപ്പുറം പുളിക്കലിൽ വെച്ച്‌ പോലീസ് ഇവരെ സാഹസികമായി പിടികൂടുകയായിരുന്നു. സംഭവത്തിൽ ആറ് പേരെ കസ്റ്റഡിയിലെടുത്തിട്ടുണ്ട്. കണ്ണൂരിൽ നിന്ന് ഉള്ളവരാണ് സ്വർണം പൊട്ടിക്കാനായി എത്തിയതെന്നാണ് പോലീസ് പറയുന്നത്. മാല, വള, കൈ ചെയിൻ ആഭരണങ്ങളായാണ് സ്വർമം കടത്തിയതെന്നും പോലീസ് കൂട്ടിച്ചേര്‍ത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

US Midterm Election Result: യുഎസ് ഇടക്കാല തിരഞ്ഞെടുപ്പിൽ ട്രംപിന് തിരിച്ചടി; ഇറാന് മുന്നറിയിപ്പുമായി മുജ്തബ ഖമേനി

വാഷിങ്ടൺ: യുഎസിലെ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത പരാജയം. ചരിത്രവിജയം സ്വന്തമാക്കിയിരിക്കുകയാണ് ഡെമോക്രാറ്റിക് പാർട്ടി. പരാജയത്തിന് പിന്നാലെ ഇറാനിലെ ജനങ്ങൾക്ക് രാജ്യത്തിന്റെ പരമോന്നത നേതാവ് മുജ്തബ ഖമനേയി ശക്തമായ മുന്നറിയിപ്പ് നൽകി. തിരഞ്ഞെടുപ്പ് ഫലം ഏതെങ്കിലും തരത്തിൽ യുഎസിന് ഇറാനോടുള്ള നിലപാടിൽ മാറ്റം വരുത്തുമെന്ന് വിശ്വസിക്കരുതെന്നായിരുന്നു മുജ്തബ ഖമനേയിയുടെ മുന്നറിയിപ്പ്. എക്സിലൂടെയാണ് ഇക്കാര്യം അറിയിച്ചത്. അമേരിക്കയുടെ ഭാഗത്തുനിന്ന് വീണ്ടും സൈനിക നടപടികളോ ആക്രമണങ്ങളോ ഉണ്ടായാൽ, പശ്ചിമേഷ്യൻ മേഖലയിലെ നിലവിലെ പോരാട്ടം കൂടുതൽ വിപുലീകരിക്കുമെന്ന കടുത്ത മുന്നറിയിപ്പുമായി അയത്തൊള്ള ഖമേനി. അതേസമയം, അമേരിക്കൻ വോട്ടർമാർക്കിടയിൽ ശക്തിപ്പെട്ട യുദ്ധവിരുദ്ധ വികാരത്തെ ഇറാൻ സ്വാഗതം ചെയ്തു. പ്രസ്തുത വർഷത്തെ തിരഞ്ഞെടുപ്പ് പ്രചാരണങ്ങളിൽ യുഎസ്-ഇറാൻ യുദ്ധവും അതിന്റെ പ്രത്യാഘാതങ്ങളും പ്രധാന ചർച്ചാവിഷയമായി ഉയർന്നുവന്നിരുന്നു. ഒറ്റരാത്രികൊണ്ടാണ് വാഷിംഗ്ടണിലെ രാഷ്ട്രീയ അധികാര സന്തുലനം പൂർണ്ണമായി മാറിമറിഞ്ഞത്. യുഎസ് പ്രതിനിധി സഭയുടെയും സെനറ്റിന്റെയും നിയന്ത്രണം ഡെമോക്രാറ്റുകൾ വീണ്ടെടുത്തു. ട്രംപ് ഭരണകൂടം നടപ്പിലാക്കിയ നയങ്ങൾക്കെതിരെയുള്ള ജനങ്ങളുടെ ശക്തമായ ജനവിധിയായാണ് ഈ തിരഞ്ഞെടുപ്പ് ഫലം പൊതുവേ വിലയിരുത്തപ്പെടുന്നത്. എന്നാൽ ഈ രാഷ്ട്രീയ മാറ്റം അമേരിക്കയുടെ ഇറാൻ വിരുദ്ധ നയങ്ങളിൽ പെട്ടെന്ന് അയവുണ്ടാക്കുമെന്ന സൂചനയായി കണക്കാക്കരുതെന്ന് അയത്തൊള്ള ഖമേനി സ്വന്തം ജനങ്ങളോട് അഭ്യർത്ഥിച്ചു. യുഎസ് കോൺഗ്രസിന്റെ ഇരു സഭകളായ ജനപ്രതിനിധി സഭയിലും സെനറ്റിലും റിപ്പബ്ലിക്കന്മാർക്ക് കേവലഭൂരിപക്ഷം നഷ്ടമാകുകയായിരുന്നു. കഴിഞ്ഞ മൂന്ന് പതിറ്റാണ്ടിലെ ഏറ്റവും മികച്ച മുന്നേറ്റമാണ് ഡെമോക്രാറ്റുകൾക്ക് നേടാനായത്. ഡോണൾഡ് ട്രംപിന്റെ വിശ്വസ്തനും പ്രമുഖ ഇന്ത്യൻ വംശജനുമായ വിവേക് രാമസ്വാമി ഉൾപ്പെടെ റിപ്പബ്ലിക്കൻ നിരയിലെ പ്രമുഖ നേതാക്കൾ പോലും പരാജയത്തിന്റെ കയ്പ് അറിഞ്ഞു. ട്രംപ് ഭരണകൂടത്തിന്റെ വിദേശ-ആഭ്യന്തര നയങ്ങൾക്കെതിരെ ഉയർന്ന ശക്തമായ ജനവികാരം വോട്ടെടുപ്പിൽ പ്രതിഫലിച്ചതായാണ് രാഷ്ട്രീയ നിരീക്ഷകർ വിലയിരുത്തുന്നത്. ടെക്സസ്, കാൻസസ്, സൗത്ത് കരോലിന, ഒഹായോ, നോർത്ത് കരോലിന, ഐയോവ തുടങ്ങിയ റിപ്പബ്ലിക്കൻ പാർട്ടിയുടെ പരമ്പരാഗത കോട്ടകളിൽ പോലും ഡെമോക്രാറ്റിക് സ്ഥാനാർത്ഥികൾ വലിയ വിജയമാണ് നേടിയത്. ഭൂരിപക്ഷത്തിന് 218 സീറ്റുകൾ വേണ്ട പ്രതിനിധി സഭയിലും ഡെമോക്രാറ്റുകൾ വ്യക്തമായ ആധിപത്യം ഉറപ്പിച്ചു. കൂടാതെ 36 സംസ്ഥാനങ്ങളിൽ നടന്ന ഗവർണർ തിരഞ്ഞെടുപ്പിലും ഡെമോക്രാറ്റിക് സ്ഥാനാർത്ഥികൾ മുന്നേറി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Forest Department: വനം വകുപ്പിന് ഇനി 'സ്റ്റാർ പവർ'; പുതിയ ബ്രാൻഡ് അംബാസഡർമാരായി കുഞ്ചാക്കോ ബോബനും പൃഥ്വിരാജും

തിരുവനന്തപുരം: സംസ്ഥാന വനം വകുപ്പിന്റെ പുതിയ ബ്രാൻഡ് അംബാസഡർമാരായി കുഞ്ചാക്കോ ബോബനും പൃഥ്വിരാജ് സുകുമാരനും. വന-വന്യജീവി സംരക്ഷണ ബോധവൽക്കരണം, വനം വകുപ്പ് നടപ്പിലാക്കുന്ന വിവിധ പദ്ധതികളുടെ പ്രചാരണം എന്നിവ ഉൾപ്പെടെ ഏഴ് പ്രധാന മേഖലകളിലാണ് നടന്മാർക്ക് ചുമതല നൽകിയിരിക്കുന്നത്. ഇക്കാര്യം മന്ത്രി ഷിബു ബേബി ജോൺ നേരത്തെ വെളിപ്പെടുത്തിയിരുന്നതാണ്. ബ്രാൻഡ് അംബാസഡർമാരുടെ പ്രവർത്തനമേഖലകൾ 1. വനം - വന്യജീവി സംരക്ഷണ ബോധവൽക്കരണം പൊതുപരിപാടികൾ, റെക്കോർഡ് ചെയ്ത സന്ദേശങ്ങൾ, ഡിജിറ്റൽ ആശയവിനിമയ മാർഗങ്ങൾ എന്നിവയിലൂടെ വനങ്ങൾ, വന്യജീവികൾ, ജൈവവൈവിധ്യം, ആവാസവ്യവസ്ഥയുടെ സംരക്ഷണം, പാരിസ്ഥിതിക സന്തുലിതാവസ്ഥ എന്നിവയെക്കുറിച്ച് ബോധവൽക്കരണം നടത്തണം. 2. വനം വകുപ്പിന്റെ പദ്ധതികളുടെ പ്രചാരണം വനം വകുപ്പിന്റെ തിരഞ്ഞെടുത്ത പദ്ധതികൾ, പൊതുസേവനങ്ങൾ, സംരക്ഷണ കാംപെയ്നുകൾ, പൊതുജന പങ്കാളിത്ത പരിപാടികൾ എന്നിവയുടെ പ്രചാരണത്തിന് പിന്തുണ നൽകണം. 3. കുട്ടികളുമായും യുവജനങ്ങളുമായും ഇടപെടൽ വിദ്യാഭ്യാസ പരിപാടികൾ, സംവേദനാത്മക സംവാദങ്ങൾ, പ്രകൃതിപഠന ക്യാമ്പുകൾ, യുവജനങ്ങൾക്കായുള്ള ഡിജിറ്റൽ ഉള്ളടക്കങ്ങൾ തുടങ്ങിയവയിലൂടെ വിദ്യാർത്ഥികളിലും കുട്ടികളിലും യുവാക്കളിലുമൊക്കെ പ്രകൃതിയോടുള്ള താൽപര്യം വളർത്തുകയെന്നതാണ് ലക്ഷ്യം. 4. സാമൂഹ്യ മാധ്യമങ്ങളും പൊതുജന ആശയവിനിമയവും വനം വകുപ്പിന്റെ ഔദ്യോഗിക സോഷ്യൽ മീഡിയ പേജുകളിലൂടെ ബോധവൽക്കരണ വീഡിയോകളും പരിസ്ഥിതി സംരക്ഷണ സന്ദേശങ്ങളും വകുപ്പിന്റെ പുതിയ വിവരങ്ങളും കൃത്യമായി ജനങ്ങളിലേക്ക് എത്തിക്കുക എന്നതാണ് ഇതിലൂടെ ലക്ഷ്യമിടുന്നത്. 5. സർഗാത്മകവും സാംസ്കാരികവുമായ പ്രചാരണം സിനിമ എന്ന മാധ്യമത്തിലൂടെ വനം - വന്യജീവി സംരക്ഷണ സന്ദേശങ്ങൾ ജനങ്ങളിലേക്ക് കൂടുതൽ എളുപ്പത്തിൽ എത്തിക്കുന്ന നൂതന ആശയവിനിമയ രീതികൾ വികസിപ്പിച്ചെടുക്കുക. 6. സമൂഹ പങ്കാളിത്തവും മനുഷ്യ - വന്യജീവി സഹവർത്തിത്വവും വന്യജീവികളോട് ഉത്തരവാദിത്തപരമായ പെരുമാറ്റം പ്രോത്സാഹിപ്പിക്കുക. വനാശ്രിത സമൂഹങ്ങളെയും അവരുടെ ജീവിതരീതികളെയും ബഹുമാനിക്കുക. മനുഷ്യ-വന്യജീവി സംഘർഷങ്ങൾ ഉണ്ടാകുമ്പോൾ സ്വയം രക്ഷിക്കാനുള്ള മുൻകരുതലുകൾ വിശദീകരിക്കുക. വന്യജീവി സംരക്ഷണത്തിൽ സാധാരണക്കാരുടെ സജീവ പങ്കാളിത്തം ഉറപ്പുവരുത്തുക. 7. പ്രകൃതിപഠനവും പരിസ്ഥിതി സാക്ഷരതയും പ്രകൃതിയിലെ ആവാസവ്യവസ്ഥകളുടെയും ജൈവവൈവിധ്യത്തിന്റെയും സംരക്ഷണം. മനുഷ്യനും പ്രകൃതിയും തമ്മിലുള്ള പരസ്പരബന്ധം ശക്തിപ്പെടുത്തുക. പ്രകൃതിയോട് ഇണങ്ങി ജീവിക്കുന്ന സുസ്ഥിരമായ സഹവർത്തിത്വത്തിന്റെ പ്രാധാന്യം ജനങ്ങളിലേക്ക് എത്തുക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Multibagger Stocks: മൾട്ടിബാഗർ ഓഹരികൾ എങ്ങനെ തിരഞ്ഞെടുക്കാം? 7 പ്രധാന റൂളുകളുമായി ക്വാല ഇന്റൽ

മൾട്ടിബാഗർ ഓഹരികൾ കണ്ടെത്താൻ ഓരോ നിക്ഷേപകനും ആഗ്രഹിക്കാറുണ്ട്. നിക്ഷേപം നടത്തുന്ന തുകയെ പലമടങ്ങാക്കി മാറ്റി വൻ സാമ്പത്തിക വളർച്ച നൽകുന്നു എന്നത് തന്നെയാണ് മൾട്ടിബാഗർ ഓഹരികളുടെ പ്രത്യേകത. എന്നാൽ ഇത്തരം മികച്ച് ഓഹരികളെ കണ്ടെത്തുക എന്നത് വലിയ വെല്ലുവിളി നിറഞ്ഞ ഒന്നാണ്. പലപ്പോഴും സോഷ്യൽ മീഡിയ ട്രെൻഡുകളും തെറ്റായ പ്രചാരണങ്ങളും വിശ്വസിച്ച് കൃത്യമായ പഠനം നടത്താതെ പലരും നിക്ഷേപം നടത്താറുണ്ട്. എന്നാൽ കൃത്യമായ ഒരു സിസ്റ്റമാറ്റിക് പ്രക്രിയയിലൂടെ വിപണിയിലെ വിജയസാധ്യതയുള്ള ഓഹരികളെ കണ്ടെത്താൻ സാധിക്കുമോ? കൃത്യമായ ഡാറ്റാ റിസർച്ചിലൂടെയും ഫണ്ടമെന്റൽ അനാലിസിസിലൂടെയും അത്തരം ഓഹരികളെ മുൻകൂട്ടി തിരിച്ചറിയാൻ എഐ ടൂളായ ക്വാല ഇന്റൽ സഹായിക്കും. 'മൾട്ടിബാഗർ' ഓഹരിയെ മുൻകൂട്ടി കണ്ടെത്തുന്നത് എളുപ്പമാണോ എന്ന ചോദ്യത്തിന് ക്വാല ഇന്റൽ ഉത്തരം നൽകുന്നു... വലിയ നേട്ടം കൈവരിച്ച ശേഷം ഒരു ഓഹരിയെ മൾട്ടിബാഗർ ആയി തിരിച്ചറിയുക എന്നത് എളുപ്പമാണെന്ന് ക്വാല ഇന്റൽ പറയുന്നു. എന്നാൽ വളർച്ചയുടെ തുടക്ക ഘട്ടത്തിൽ തന്നെ അതിനെ കണ്ടെത്തുക എന്നത് വലിയ വെല്ലുവിളിയാണെന്നും എഐ ചൂണ്ടിക്കാട്ടുന്നു. മൾട്ടിബാഗർ ഓഹരികളെക്കുറിച്ച് പഠിക്കുമ്പോൾ മുൻപ് 'സർവൈവർഷിപ്പ് ബയസ്' എന്ന ചിന്താഗതിയുടെ ചതിക്കുഴിയിൽ നിക്ഷേപകർ വീണ് പോകാറുണ്ടായിരുന്നു. പരാജയപ്പെടുകയോ പ്രകടനം മങ്ങുകയോ പൂർണ്ണമായി അപ്രത്യക്ഷമാവുകയോ ചെയ്ത കമ്പനികളെ അവഗണിച്ച് വിജയിച്ച കമ്പനികൾക്ക് പുറകെ മാത്രം പോകാനായിരുന്നു നിക്ഷേപകർ താൽപര്യപ്പെട്ടിരുന്നതെന്ന് എഐ വ്യക്തമാക്കുന്നു. അടിസ്ഥാനപരമായ ഫണ്ടമെന്റൽ ഫിൽട്ടറുകൾ ഉപയോഗിച്ച് ഓഹരികളെ തിരഞ്ഞെടുപ്പ് ചുരുക്കാൻ കഴിയുമെങ്കിലും ഭാവിയിൽ അത് പ്രയോജനപ്പെടില്ലെന്ന് Kwala Intel ഓർമ്മിപ്പിക്കുന്നു. കാരണം മുൻകാലങ്ങളിൽ മികച്ച നേട്ടം നൽകി എന്നതുകൊണ്ട് മാത്രം ഒരു കമ്പനി ഭാവിയിലും മൾട്ടിബാഗർ ആകണമെന്നില്ലെന്ന് വ്യക്തം. കൂടാതെ സമീപകാല വിപണി തരംഗങ്ങളും വിലക്കയറ്റവും മാത്രം നോക്കി ഓഹരികൾ വാങ്ങുന്നത് തെറ്റായ പ്രവണതയാണെന്ന് ക്വാല ഇന്റൽ ചൂണ്ടിക്കാണിക്കുന്നു. നിഫ്റ്റി സ്മോൾക്യാപ് 100 പോലുള്ള മേഖലകളിൽ നിക്ഷേപിക്കുന്നവർ വിപണിയിലുണ്ടാകുന്ന ചാഞ്ചാട്ടങ്ങളും, അതിലെ കയറ്റവും ഇറക്കവും വ്യക്തമാക്കുന്ന അഡ്വാൻസ്-ഡിക്ലൈൻ അനുപാതവും കൃത്യമായി പഠിക്കണം. അതിന് ശേഷമേ നിക്ഷേപ തീരുമാനം എടുക്കാവുള്ളൂ. മൾട്ടിബാഗർ ഓഹരികൾ എങ്ങനെ തിരഞ്ഞെടുക്കാം? അറിഞ്ഞിരിക്കണം ഈ കാര്യങ്ങൾ ബിസിനസ് നിലവാരം മൾട്ടിബാഗർ ഓഹരികൾ തിരഞ്ഞെടുക്കുമ്പോൾ നിക്ഷേപകർ ആദ്യം അറിയേണ്ടത് കമ്പനി എന്ത് ഉൽപ്പന്നമാണ് നൽകുന്നതെന്നും ഉപഭോക്താക്കൾ അത് എന്തുകൊണ്ട് വാങ്ങുന്നു എന്നുമാണ്. മറ്റ് കമ്പനികളെ അപേക്ഷിച്ച് അവയ്ക്ക് വിപണിയിൽ നിലനിൽക്കാനും, സമ്മർദ്ദങ്ങൾക്കിടെ ലാഭം നിലനിർത്താനും സാധിക്കുന്നുണ്ടെന്ന് ഉറപ്പുവരുത്തണം. വളർച്ചയുടെ സ്ഥിരത നിക്ഷേപത്തിന് എപ്പോഴും വിൽപനയിലും ലാഭത്തിലും തുടർച്ചയായ വളർച്ച നേടുന്ന കമ്പനികളാണ് നല്ലത്. വിപണിയിൽ തിരിച്ചടികൾ നേരിടുമ്പോഴും ബിസിനസ് നിലനിർത്താൻ കമ്പനിക്ക് സാധിക്കുന്നുണ്ടോ എന്ന് നിക്ഷേപകർ ഉറപ്പുവരുത്തണം. റിട്ടേൺ ഓൺ ക്യാപിറ്റൽ എംപ്ലോയ്ഡ് ബിസിനസ്സ് ആവശ്യങ്ങൾക്കായി ഉപയോഗിക്കുന്ന ഓരോ രൂപ മൂലധനത്തിൽ നിന്നും എത്രത്തോളം ലാഭം നേടാൻ കമ്പനിക്ക് സാധിക്കുന്നു എന്നറിയാൻ ROCE സഹായിക്കുന്നു. മൾട്ടിബാഗർ ഓഹരികൾ തിരഞ്ഞെടുക്കുന്ന നിക്ഷേപകർ മുൻഗണന നൽകേണ്ടത് ഉയർന്നതും സ്ഥിരതയുള്ളതുമായ ROCE ഉള്ള കമ്പനികൾക്കാണ്. ക്യാഷ് കൺവേർഷൻ റിപ്പോർട്ട് ചെയ്യുന്ന ലാഭം മാത്രം നോക്കി നിക്ഷേപം നടത്താതെ 'ക്യാഷ് ഫ്ലോ' പരിശോധിച്ച് കമ്പനിയുടെ പേപ്പർ ലാഭം യഥാർത്ഥ പണമായി കമ്പനിയിലേക്ക് എത്തുന്നുണ്ടോ എന്നറിയണം. ലാഭം കൂടുതലും ക്യാഷ് ഫ്ലോ കുറവുമാണെങ്കിൽ അത് കമ്പനിയുടെ കടബാധ്യതകളെയോ കൃത്രിമത്വം നടന്നിരുന്നതായോ എന്നതിനെയാണ് സൂചിപ്പിക്കുന്നത്. ബാലൻസ് ഷീറ്റ് ഭാവിയിൽ ഉണ്ടായേക്കാവുന്ന കടബാധ്യതകൾ തീർക്കാൻ കമ്പനിക്ക് കഴിയുമോ എന്ന് അറിയാൻ ബാലൻസ് ഷീറ്റ് വ്യക്തമായി പഠിക്കണം. അതിന് ശേഷമെ നിക്ഷേപ കാര്യത്തിൽ തീരുമാനം എടുത്താവുള്ളൂ. Kwala Intel-ന്റെ റിപ്പോർട്ടുകൾ ഈ സങ്കീർണമായ സാമ്പത്തിക വിവരങ്ങൾ പഠിക്കാൻ സഹായിക്കുന്നു. മാനേജ്‌മെന്റിന്റെ കാര്യക്ഷമത ദീർഘകാലത്തേക്ക് പണം നിക്ഷേപിക്കാനാണ് നിങ്ങൾ പദ്ധതിയിടുന്നതെങ്കിൽ എത്രത്തോളം വിശ്വസ്തരാണ് കമ്പനി നടത്തുന്ന പ്രൊമോട്ടർമാരെന്ന് അറിഞ്ഞിരിക്കണം. അവരുടെ കോർപ്പറേറ്റ് ഭരണനിർവ്വഹണം സുതാര്യമാണോ കമ്പനിയുടെ ഫണ്ട് എങ്ങനെയൊക്കെ വിനിയോഗിക്കുന്നു എന്ന കാര്യങ്ങളൊക്കെ നിക്ഷേപകർ പരിശോധിക്കണം. വാല്യുവേഷനും വിപണിയിലെ അപകടസാധ്യതകളും കമ്പനി മികച്ചതായത് കൊണ്ട് മാത്രം ഓഹരികൾ ഏത് വിലയിലും വാങ്ങാൻ നിൽക്കരുത്. വാങ്ങിക്കുന്ന ഓഹരിയുടെ വില അതിന്റെ യഥാർത്ഥ മൂല്യത്തേക്കാൾ കൂടുതലാണ് എന്നുണ്ടെങ്കിൽ ഭാവിയിൽ വിപണിയിൽ ചെറിയ തിരിച്ചടിയുണ്ടായാൽ പോലും വലിയ നഷ്ടം വരുത്തിവയ്ക്കും. അതുകൊണ്ട് തന്നെ ന്യായമായ വാല്യുവേഷനിൽ ലഭിക്കുന്ന ഓഹരികൾ തിരഞ്ഞെടുക്കാൻ ശ്രദ്ധിക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Food Poison Death: വറ്റ മത്സ്യം കഴിച്ച് ഭക്ഷ്യവിഷബാധ; വർക്കലയിൽ ചികിത്സയിലായിരുന്നയാൾ മരിച്ചു

തിരുവനന്തപുരം: വർക്കലയിൽ വറ്റ മത്സ്യം കഴിച്ചതിനെത്തുടർന്ന് ദേഹാസ്വാസ്ഥ്യം അനുഭവപ്പെട്ട് ചികിത്സയിലായിരുന്ന പ്രവാസി മരിച്ചു. തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്ന ചിലക്കൂർ ഗ്രാലികുന്ന് തൈക്കാവിൽ വീട്ടിൽ സുധീർ (40) ആണ് മരിച്ചത്. ഭക്ഷ്യവിഷബാധയാണ് മരണകാരണമെന്നാണ് ആശുപത്രി അധികൃതരിൽ നിന്നും പോലീസിന് ലഭിച്ച പ്രാഥമിക വിവരം. സുധീറിന്റെ സ്വന്തം ബോട്ടിൽ നിന്ന് മത്സ്യം ലഭിക്കാതിരുന്നതിനെ തുടർന്ന് മറ്റൊരു ബോട്ടിൽ നിന്നും 25 കിലോയോളം തൂക്കം വരുന്ന 28 വറ്റ മത്സ്യങ്ങൾ വാങ്ങിയിരുന്നു. ഇതാണ് സുധീറും കുടുംബവും ഉപയോഗിച്ചിരുന്നത്. ഇക്കഴിഞ്ഞ ഒക്ടോബർ 28-നാണ് മത്സ്യം കഴിച്ചതിന് പിന്നാലെ സുധീറിന് കടുത്ത ദേഹാസ്വാസ്ഥ്യമുണ്ടായത്. തുടർന്ന് വർക്കല താലൂക്ക് ആശുപത്രിയിൽ പ്രവേശിപ്പിച്ചു. പിന്നീട് പാരിപ്പള്ളി മെഡിക്കൽ കോളേജിലും പ്രവേശിപ്പിക്കുകയായിരുന്നു. എന്നാൽ ആരോഗ്യസ്ഥിതി കൂടുതൽ വഷളായതോടെ തിരുവനന്തപുരം മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിക്കുകയായിരുന്നു. ചികിത്സയിൽ ഇരിക്കെ ഇന്ന് രാവിലെ 9.30 ഓടെയാണ് സുധീറിന്റെ മരണം സ്ഥിരീകരിച്ചത്. ഇയാളുടെ ബന്ധുക്കൾക്കും അലർജിയും ആരോഗ്യ പ്രശ്‌നങ്ങളുമുണ്ടായിരുന്നു. ബന്ധുവായ മുഹമ്മദ് ഹാഷിമിനെ ആ ദിവസം പാരിപ്പള്ളി ആശുപത്രിയിൽ പ്രവേശിപ്പിച്ചിരുന്നു. പിന്നീട് ആരോഗ്യനില മെച്ചപ്പെട്ടതോടെ ഇയാൾ ഹോസ്പിറ്റൽ വിട്ടു. ഒക്ടോബർ 26-ന് മുതലപ്പൊഴിയിലും പെരുമാതുറയിലും ലഭിച്ച വറ്റ മത്സ്യം വാങ്ങി ഉപയോഗിച്ചവർക്കാണ് ദേഹാസ്വാസ്ഥ്യമുണ്ടായത്. ഇതേ തുടർന്ന് വർക്കല നഗരസഭ ജാഗ്രതാ മുന്നറിയിപ്പ് നൽകിയിരുന്നു. കേടില്ലാത്തതും ഭക്ഷ്യയോഗ്യവുമായ മീനുകൾ മാത്രം വാങ്ങാൻ അധികൃതർ നിർദേശം നൽകി. സ്ഥിതിഗതികൾ കണക്കിലെടുത്ത് വെട്ടൂർ പഞ്ചായത്ത് പരിധിയിൽ ആരോഗ്യവകുപ്പും പോലീസും സംയുക്തമായി വറ്റ മത്സ്യത്തിന്റെ വിൽപ്പന തടഞ്ഞിരുന്നു. വറ്റ മീനിന്റെ മുട്ട ഉപയോഗിച്ചതാണ് ഭക്ഷ്യവിഷബാധയ്ക്ക് കാരണമെന്ന വിവരങ്ങൾ സമൂഹമാധ്യമങ്ങളിൽ വന്നിരുന്നെങ്കിലും, വൻതോതിൽ ശേഖരിച്ച മത്സ്യം കേടുവരാതിരിക്കാൻ രാസവസ്തുക്കൾ ചേർത്ത് വിൽപ്പന നടത്തിയതാണോ എന്ന സംശയവും ഉയരുന്നുണ്ട്. വിഷയത്തിൽ സമഗ്ര അന്വേഷണം വേണമെന്ന ആവശ്യം ശക്തമാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

KEAM 2027: കീം 2027 പരീക്ഷാ തീയതികൾ പ്രഖ്യാപിച്ചു; വിദ്യാർത്ഥികൾക്ക് ഇനി തയ്യാറെടുപ്പുകളുടെ ദിനങ്ങൾ

തിരുവനന്തപുരം: കേരള എന്‍ജിനിയറിങ്, ഫാര്‍മസി കോഴ്‌സുകളിലേക്കുള്ള പ്രവേശന പരീക്ഷയുടെ ( കീം-2027) തിയതി പ്രഖ്യാപിച്ചു. 2027 ഏപ്രിലില്‍ 21 മുതല്‍ 26 വരെ പരീക്ഷകൾ നടക്കുക. മുൻവർഷങ്ങളിലേത് പോലെ തന്നെ കമ്പ്യൂട്ടര്‍ അധിഷ്ഠിത പരീക്ഷയായിരിക്കും. ഉച്ചയ്ക്ക് 2 മണി മുതൽ 5 മണി വരെയാണ് സമയക്രമം. പരീക്ഷാ തീയതികൾ, രജിസ്ട്രേഷൻ നടപടികൾ, സിലബസ്, മറ്റ് പ്രധാന മാർഗ്ഗനിർദ്ദേശങ്ങൾ എന്നിവയെ കുറിച്ചുള്ള വിവരങ്ങൾ എല്ലാം കമ്മീഷണർ ഫോർ എൻട്രൻസ് എക്സാമിനേഷൻസിന്റെ (CEE) ഔദ്യോഗിക വെബ്‌സൈറ്റായ cee.kerala.gov.in അറിയാൻ സാധിക്കും. 'കേരള എഞ്ചിനീയറിങ്, ആർക്കിടെക്ചർ ആൻഡ് മെഡിക്കൽ എക്സാം' എന്നാണ് കീമിന്റെ മ്പൂർണ്ണ രൂപം. കേരളത്തിലെ സർക്കാർ, സ്വാശ്രയ കോളേജുകളിലെ ബി.ഇ, ബി.ടെക്, ബി.ആർക്ക്, ബി.ഫാം എന്നീ കോഴ്‌സുകളിലേക്കുള്ള പ്രവേശനത്തിന് വേണ്ടിയാണ് ഈ സംസ്ഥാനതല എൻട്രൻസ് പരീക്ഷ നടത്തുന്നത്. പരീക്ഷാ ഫീസ് വിവരം എൻജിനീയറിങ് വിഭാഗത്തിന് മാത്രം: ₹700 (General/OBC), SC - 300 ആർക്കിടെക്ചർ വിഭാഗത്തിന് മാത്രം: ₹500 (General/OBC), SC - 200 എൻജിനീയറിങ്, ആർക്കിടെക്ചർ (രണ്ടും കൂടി): ₹900 (General/OBC), SC - 400 യോഗ്യതാ മാനദണ്ഡങ്ങൾ എൻട്രൻസ് കമ്മീഷണറേറ്റ് പുറത്തിറക്കുന്ന പ്രോസ്പെക്ടസിൽ പ്രസിദ്ധീകരിക്കും. പരീക്ഷയ്ക്ക് അപേക്ഷിക്കുന്നതിന് മുൻപായി വിദ്യാർത്ഥികൾ ഇത് പരിശോധിക്കണം. പ്രായപരിധി, വിദ്യാഭ്യാസ യോഗ്യത, നാഷണാലിറ്റി തുടങ്ങിയ കാര്യങ്ങൾ ഇതിൽ ഉൾപ്പെടുന്നു. പ്രായപരിധി - കുറഞ്ഞ പ്രായം 17 വയസ്സ്. ഉയർന്ന പ്രായപരിധിയില്ല കേരള ഹയർ സെക്കൻഡറി അല്ലെഹ്കിൽ തതുല്യമായ പരീക്ഷയോ കുറഞ്ഞത് 45% മാർക്കോടെ വിജയിച്ചവർക്ക് അപേക്ഷിക്കാം. കേരളീയർ (Keralite), നോൺ-കേരളീയർ കാറ്റഗറി 1 (NK I), നോൺ-കേരളീയർ കാറ്റഗറി 2 (NK II) എന്നീ മൂന്ന് വിഭാഗങ്ങളിൽപ്പെടുന്ന വിദ്യാർത്ഥികൾക്കാണ് അപേക്ഷിക്കാനുള്ള അർഹതയുള്ളത്. അപേക്ഷിക്കാനുള്ള ഘട്ടങ്ങൾ CEE കേരളയുടെ ഔദ്യോഗിക വെബ്‌സൈറ്റിലെ ഹോം പേജിൽ കാണുന്ന cee.kerala.gov.in KEAM 2027 Registration എന്ന ലിങ്കിൽ ക്ലിക്ക് ചെയ്യുക. പോർട്ടലിലെ 'New Registration' എന്ന ടാബ് എടുക്കുക. പേര്, മൊബൈൽ നമ്പർ, വിലാസം, ഇമെയിൽ ഐഡി എന്നിവ കൃത്യമായി നൽകുക. ലഭ്യമായിട്ടുള്ള ലിസ്റ്റിൽ നിന്ന് നിങ്ങൾക്ക് സൗകര്യപ്രദമായിട്ടുള്ള പരീക്ഷാ കേന്ദ്രങ്ങൾ മുൻഗണനാക്രമത്തിൽ തിരഞ്ഞെടുക്കുക. ആപ്ലിക്കേഷൻ ഫോമിൽ അക്കാദമിക് വിവരങ്ങളും മാർക്കുകളും നൽകുക. പാസ്‌പോർട്ട് സൈസ് ഫോട്ടോ, ഒപ്പ് എന്നിവ സ്കാൻ ചെയ്ത് അപ്‌ലോഡ് ചെയ്യുക. നെറ്റ് ബാങ്കിംഗ്, ക്രെഡിറ്റ് കാർഡ്, അല്ലെങ്കിൽ ഡെബിറ്റ് കാർഡ് വഴി അപേക്ഷാ ഫീസ് അടയ്ക്കുക. നൽകിയ വിവരങ്ങളെല്ലാം ശരിയാണെന്ന് ഉറപ്പുവരുത്തിയ ശേഷം ഫോം സബ്മിറ്റ് ചെയ്യുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

US Election: യു.എസ് തെരഞ്ഞെടുപ്പിൽ തിളക്കമാർന്ന വിജയവുമായി മലയാളികൾ; നേട്ടവുമായി സുരേന്ദ്രൻ പട്ടേലും ജൂലി മാത്യുവും മാർട്ടിൻ ജോണും

ഹൂസ്റ്റൺ: അമേരിക്കൻ ഇടക്കാല തിരഞ്ഞെടുപ്പിൽ ടെക്സസിലെ ഫോർട്ട് ബെൻഡ് കൗണ്ടിയിൽ മികച്ച വിജയം നേടി മലയാളികളും. ഡെമോക്രാറ്റിക് പാർട്ടി സ്ഥാനാർഥികളായി മത്സരിച്ച സുരേന്ദ്രൻ കെ. പട്ടേൽ, ജൂലി എ. മാത്യു, കക്ഷിരഹിത സ്ഥാനത്തേക്ക് മത്സരിച്ച മാർട്ടിൻ ജോൺ എന്നിവർക്കാണ് തെരഞ്ഞെടുപ്പിൽ വിജയം നേടാനായത്. യു.എസ് പ്രാദേശിക ഭരണരംഗത്തും നീതിന്യായ മേഖലയിലും മലയാളികളുടെ സ്വാധീനം വ്യക്തമായി ഉറപ്പിക്കുന്നതാണ് ഈ ചരിത്ര നേട്ടം. സുരേന്ദ്രൻ കെ. പട്ടേൽ ടെക്സസിലെ 240-ാം ജുഡീഷ്യൽ ഡിസ്ട്രിക്റ്റ് ജഡ്ജി സ്ഥാനത്തേക്കാണ് സുരേന്ദ്രൻ കെ. പട്ടേൽ മത്സരിച്ചത്. റിപ്പബ്ലിക്കൻ സ്ഥാനാർഥി ആശാ റെഡ്ഡിയായിരുന്നു എതിരാളി. 37,396 വോട്ടുകളുടെ ഭൂരിപക്ഷത്തിലാണ് സുരേന്ദ്രന്റെ വിജയം. തെരഞ്ഞെടുപ്പിൽ ആകെ 1,82,760 വോട്ടുകൾ രേഖപ്പെടുത്തിയപ്പോൾ അതിൽ 1,10,078 വോട്ടുകൾ (60.23%) പട്ടേൽ സ്വന്തമാക്കി. ആശാ റെഡ്ഡിക്ക് 72,682 വോട്ടുകൾ (39.77%) ആണ് ലഭിച്ചത്. ജൂലി എ. മാത്യു ഫോർട്ട് ബെൻഡ് കൗണ്ടി കോർട്ട് അറ്റ് ലോ നമ്പർ 3 ജഡ്ജി സ്ഥാനത്തേക്കുള്ള മത്സരത്തിൽ റിപ്പബ്ലിക്കൻ സ്ഥാനാർഥി ജെസ്സിക്ക ജാരാമില്ലോയെ പരാജയപ്പെടുത്തിക്കൊണ്ടാണ് ഡെമോക്രാറ്റിക് സ്ഥാനാർഥി ജൂലി എ. മാത്യു മികച്ച വിജയം നേടിയത്. 38,966 വോട്ടുകളുടെ ഭൂരിപക്ഷത്തിനാണ് ജൂലിയുടെ വിജയം. ആകെ രേഖപ്പെടുത്തിയ 1,82,816 വോട്ടുകളിൽ ജൂലിക്ക് ലഭിച്ചത് 1,10,891 വോട്ടുകളാണ് (60.66%). ജെസ്സിക്ക ജാരാമില്ലോയ്ക്ക് 71,925 വോട്ടുകളും (39.34%) ലഭിച്ചു. മാർട്ടിൻ ജോൺ ഫോർട്ട് ബെൻഡ് സെൻട്രൽ അപ്രൈസൽ ഡിസ്ട്രിക്റ്റ് ബോർഡ് ഓഫ് ഡയറക്ടേഴ്‌സിലേക്ക് നടന്ന കക്ഷിരഹിത തെരഞ്ഞെടുപ്പിൽ മാർട്ടിൻ ജോൺ വൻ വിജയം നേടി. ആകെ രേഖപ്പെടുത്തിയ 1,38,907 വോട്ടുകളിൽ 79,376 വോട്ടുകൾ (57.14%) നേടിയാണ് അദ്ദേഹത്തിന്റെ വിജയം. മാർട്ടിന്റെ എതിരാളിയായ ഷൈസാദ് ‘സാം’ ചത്രിവാലയ്ക്ക് 59,531 വോട്ടുകളാണ് (42.86%) നേടാനായത്. 19,845 വോട്ടുകളുടെ വ്യക്തമായ ഭൂരിപക്ഷത്തിലാണ് മാർട്ടിന്റെ വിജയം. പാലാ സെന്റ് തോമസ് കോളേജ് യൂണിയൻ മുൻ ചെയർമാൻ കൂടിയാണ് മാർട്ടിൻ ജോൺ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Guru-Ketu Yuti: വ്യാഴം-കേതു സംയോജനം; ​ഗണേശയോ​ഗത്താൽ 5 രാശികൾക്ക് വലിയ സൗഭാ​ഗ്യം

Dry Skin Remedies: വരണ്ട ചർമ്മത്തിന് ഒരു 'നാച്ചുറൽ' പരിഹാരം! അടുക്കളയിലെ ഈ കൂട്ടുകൾ പരീക്ഷിക്കാം

വരണ്ട ചർമ്മപ്രശ്നങ്ങൾക്ക് പരിഹാരം തേടുകയാണോ? ഇത്തരം പ്രശ്നങ്ങൾ കാരണം ബുദ്ധിമുട്ടുന്നവർക്ക് വീട്ടിൽ തന്നെ ചെയ്യാവുന്ന ഒരുപാട് പരിഹാര മാർഗങ്ങളുണ്ട്. അതിലൊന്നാണ് ഓട്‌സ്, പാൽ, കറ്റാർവാഴ ജെൽ എന്നിവ ചേർത്തുള്ള നാച്ചുറൽ ഫെയ്‌സ് പാക്ക്. ചർമ്മത്തിലെ ഈർപ്പം നിലനിർത്താനും തിളക്കം വർദ്ധിപ്പിക്കാനും ഇത് സഹായിക്കും. ആവശ്യമായ ചേരുവകൾ ഓട്‌സ് (പൊടിച്ചത്): 2 ടേബിൾ സ്പൂൺ പാൽ: 1-2 ടേബിൾ സ്പൂൺ കറ്റാർവാഴ ജെൽ: 1 ടേബിൾ സ്പൂൺ തയാറാക്കുന്ന വിധം ഒരു ചെറിയ ബൗളിൽ പൊടിച്ച ഓട്‌സ്, പാൽ, കറ്റാർവാഴ ജെൽ എന്നിവ എടുത്ത് നന്നായി യോജിപ്പിച്ച് പേസ്റ്റ് രൂപത്തിലാക്കുക. ഉപയോഗിക്കുന്ന വിധം ആദ്യം ഫെയ്‌സ് വാഷ് ഉപയോഗിച്ച് മുഖം നന്നായി കഴുകി തുടയ്ക്കുക. തയ്യാറാക്കിയ പേസ്റ്റ് മുഖത്തും കഴുത്തിലും ഒരേപോലെ പുരട്ടി 15 മുതൽ 20 മിനിറ്റ് നേരം വയ്ക്കുക. കണ്ണുകളുടെ ചുറ്റും പുരട്ടുന്നത് ഒഴിവാക്കുക. ശേഷം അത് ഉണങ്ങിത്തുടങ്ങുമ്പോൾ ചെറുചൂടുവെള്ളത്തിലോ തണുത്ത വെള്ളത്തിലോ കഴുകി കളയുക. ഒരു ടവൽ ഉപയോഗിച്ച് ഒപ്പിയെടുക്കുക. ഗുണങ്ങൾ ഓട്‌സ്: ചർമ്മത്തിലെ മൃതകോശങ്ങളെ നീക്കം ചെയ്യും. ചൊറിച്ചിലും അസ്വസ്ഥതകളും അകറ്റാൻ സഹായിക്കും. പാൽ: പാലിലെ ലാക്റ്റിക് ആസിഡ് ചർമ്മത്തെ ഈർപ്പമുള്ളതാക്കുകയും സ്വാഭാവിക തിളക്കം നൽകുകയും ചെയ്യും. കറ്റാർവാഴ ജെൽ: ചർമ്മത്തിലെ നിർജ്ജലീകരണം തടയാൻ സഹായിക്കും. വരൾച്ച മൂലമുണ്ടാകുന്ന പാടുകൾ മാറ്റും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jesus De Miguel: മത്സരത്തിനിടെ ഗോൾകീപ്പറുമായി കൂട്ടിയിടിച്ചു; ഗുരുതര പരിക്കേറ്റ സ്പാനിഷ് താരം ജെസ്യൂസ് ഡി മിഗുവേൽ അന്തരിച്ചു

മാഡ്രിഡ്: സ്പാനിഷ് രണ്ടാം ഡിവിഷൻ മത്സരത്തിനിടെ എതിർടീമിന്റെ ഗോൾകീപ്പറുമായി കൂട്ടിയിടിച്ച് പരിക്കേറ്റ സ്പാനിഷ് താരത്തിന് ദാരുണാന്ത്യം. സിഡി ടെനറിഫെ ക്ലബ്ബിന്റെ മുന്നേറ്റതാരം ജെസ്യൂസ് ഡി മിഗ്വേലാണ് മരിച്ചത്. പ്രസ്താവനയിലൂടെയാണ് മിഗ്വേലിന്റെ മരണവിവരം ക്ലബ്ബ് അറിയിച്ചത്. ടെനറിഫെ - അൻഡോറ മത്സരത്തിനിടെയാണ് ദുരന്തമുണ്ടായത്. പന്തിനുവേണ്ടിയുള്ള ശ്രമത്തിനിടയിൽ അൻഡോറ ഗോൾകീപ്പർ ജെസ്യൂസ് ഒവോനോയുമായി മിഗ്വേൽ കൂട്ടിയിടിക്കുകയായിരുന്നു. ഗുരുതര പരിക്കേറ്റ് ഗ്രൗണ്ടിൽ വീണ താരത്തിന് കൂട്ടിയിടിക്ക് പിന്നാലെ ഹൃദയാഘാതം ഉണ്ടായതായാണ് സൂചന. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൂട്ടിയിടിക്ക് പിന്നാലെ അൻഡോറ ഗോൾകീപ്പർ ഒവോനോയ്ക്ക് റെഡ് കാർഡ് നൽകി റഫറി പുറത്താക്കിയിരുന്നു. എന്നാൽ ദാരുണ സംഭവത്തെ തുടർന്ന് മത്സരം പിന്നീട് ഉപേക്ഷിക്കുകയാണുണ്ടായത്. മിഗ്വേലിന്റെ അപ്രതീക്ഷിത വേർപാടിൽ ഇരു ക്ലബ്ബുകളും അതീവ ഞെട്ടൽ പ്രകടിപ്പിച്ചു. താരത്തിന്റെ മരണം ഫുട്ബോളിന് നികത്താനാകാത്ത നഷ്ടമാണെന്ന് ലാലിഗ പ്രസിഡന്റ് ഹാവിയർ ടെബസ് വ്യക്തമാക്കി. ഈ ദുരന്തത്തിന്റെ പശ്ചാത്തലത്തിൽ ചൊവ്വാഴ്ച നടക്കേണ്ടിയിരുന്ന ലീഗ് മത്സരങ്ങളെല്ലാം മാറ്റിവെക്കുകയും ചെയ്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Salim Ismail Arrest: 438 കോടിയുടെ മയക്കുമരുന്ന് കേസ്: അന്താരാഷ്ട്ര മയക്കുമരുന്ന് കടത്തുകാരൻ സലിം ഇസ്മായിൽ ഡോല പിടിയിൽ

ന്യൂഡൽഹി: അന്താരാഷ്ട്ര മയക്കുമരുന്ന് കടത്ത് സംഘത്തിലെ പ്രധാന കണ്ണിയായ സലിം ഇസ്മായിൽ ഡോല അറസ്റ്റിൽ. ഗുജറാത്ത് ഭീകരവിരുദ്ധ സേന (എ.ടി.എസ്) ആണ് അറസ്റ്റ് ചെയ്തത്. 2022-ൽ വഡോദരയിലെ ഒരു നിർമ്മാണ ശാലയിൽ നിന്ന് 438.64 കോടി രൂപയുടെ 'മെഫെഡ്രോൺ' പിടിച്ചെടുത്ത കേസിലാണ് അറസ്റ്റ്. ഈ വർഷം ആദ്യമാണ് ഇയാളെ തുർക്കിയിൽ നിന്ന് ഇന്ത്യയിലേക്ക് നാടുകടത്തിയത്. മയക്കുമരുന്ന് നിർമ്മിക്കുന്നതിനാവശ്യമായ രാസവസ്തുക്കൾ വിതരണം ചെയ്തതും, ലഹരിമരുന്ന് വിൽപ്പന നടത്തിയതും സലിം ഡോലയാണെന്ന് എ.ടി.എസ് ഉദ്യോഗസ്ഥർ വ്യക്തമാക്കി. നിയമപരമായി സർവീസ് നടത്തുന്ന ചരക്ക് കണ്ടെയ്നറുകളിൽ ഒളിപ്പിച്ചാണ് ഇയാളുടെ നേതൃത്വത്തിലുള്ള സംഘം വിദേശത്തേക്ക് മയക്കുമരുന്ന് കടത്തിയിരുന്നതെന്നും അന്വേഷണ സംഘം വെളിപ്പെടുത്തി. ലഹരിമരുന്ന് സ്വീകരിക്കുന്നതിനായി ഉൽപന്നങ്ങൾ എത്തുന്ന രാജ്യങ്ങളിൽ വ്യാജ കമ്പനികൾ ഉണ്ടാക്കിയിരുന്നതായും എ.ടി.എസ് കണ്ടെത്തി. അധോലോക നേതാവ് ദാവൂദ് ഇബ്രാഹിമിന്റെ അടുത്ത അനുയായികളിൽ ഒരാളായ ഡോലയ്‌ക്കെതിരെ ഇന്ത്യയിൽ ലഹരിക്കടത്തുമായി ബന്ധപ്പെട്ട് നിരവധി കേസുകൾ നിലനിൽക്കുന്നുണ്ട്. കൂടാതെ, വലിയൊരു അന്താരാഷ്ട്ര മയക്കുമരുന്ന് ശൃംഖലയുടെ തന്നെ നിയന്ത്രണം സലിമിന് ഉണ്ടായിരുന്നതായും വിവരമുണ്ട്. ഇന്ത്യയുടെ ആവശ്യപ്രകാരം 2024 മാർച്ചിൽ ഇന്റർപോൾ പുറപ്പെടുവിച്ച റെഡ് കോർണർ നോട്ടീസിനെ തുടർന്നാണ് സലിം ഡോല തുർക്കിയിൽ വച്ച് പിടിയിലാകുന്നത്. തുടർന്ന് ഈ വർഷം ഏപ്രിലിൽ നാർക്കോട്ടിക്സ് കൺട്രോൾ ബ്യൂറോ (NCB) ഇയാളെ തുർക്കിയിൽ നിന്ന് ഇന്ത്യയിലെത്തിക്കുകയായിരുന്നു. ഒക്ടോബർ 31-നാണ് കേസിൽ ഗുജറാത്ത് ആന്റി ടെററിസം സ്‌ക്വാഡ് (ATS) ഡോലയെ ഔദ്യോഗികമായി കസ്റ്റഡിയിൽ വാങ്ങിയത്. 2022 ഡിസംബർ 1നാണ് വഡോദരയിലെ സിന്ധ്രോട്ട് ഗ്രാമത്തിന് സമീപം പ്രവർത്തിച്ചിരുന്ന ലഹരി നിർമ്മാണ കേന്ദ്രത്തിൽ ഗുജറാത്ത് എ.ടി.എസ് മിന്നൽ റെയ്ഡ് നടത്തിയത്. പരിശോധനയിൽ അന്താരാഷ്ട്ര വിപണിയിൽ 438.64 കോടി രൂപ മൂല്യം വരുന്ന 87.728 കിലോഗ്രാം മെഫെഡ്രോൺ ആണ് പിടിച്ചെടുത്തത്. എൻ.ഡി.പി.എസ് (NDPS) നിയമപ്രകാരം രജിസ്റ്റർ ചെയ്ത കേസിൽ ഇതുവരെ 10 പ്രതികളാണ് പിടിയിലായിട്ടുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jio Voice Only Plan: ഡാറ്റ വേണ്ടാത്തവർക്ക് പുതിയ 'വോയ്‌സ് ഒൺലി' പ്ലാനുകളുമായി ജിയോ; നിരക്ക് 147 മുതൽ

പ്രീപെയ്ഡ് ഉപയോക്താക്കള്‍ക്കായി പുതിയ വോയ്‌സ് ഒണ്‍ലി റീചാര്‍ജ് പ്ലാനുകള്‍ അവതരിപ്പിച്ച് ജിയോ. ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ പുതിയ നിര്‍ദേശങ്ങള്‍ക്കനുസൃതമായാണ് പ്ലാനുകൾ അവതരിപ്പിച്ചത്. ഇന്റർനെറ്റ് ഡേറ്റ ആവശ്യമില്ലാത്ത ഉപയോക്താക്കാളെ ലക്ഷ്യമിട്ടുള്ളതാണ് വോയ്‌സ് ഒണ്‍ലി റീചാര്‍ജ് പ്ലാനുകള്‍. വോയ്‌സ് കോളുകള്‍ മാത്രം ചെയ്യുന്നവർക്ക് ഈ പ്ലാനുകൾ ഉപകാരപ്പെടും. 147 രൂപ മുതലാണ് ഈ പ്ലാനുകൾ തുടങ്ങുന്നത്. ആറ് വ്യത്യസ്ത പ്ലാനുകളാണ് ജിയോ അവതരിപ്പിച്ചിരിക്കുന്നത്. ആറെണ്ണത്തിൽ നാലെണ്ണം ചെറിയ കാലാവധിയുള്ള പ്ലാനുകളാണ്. മറ്റ് രണ്ടെണ്ണം ദീര്‍ഘകാല കാലാവധിയുള്ള പ്ലാനുകളുമാണ്. ദീര്‍ഘകാല പ്ലാനുകളില്‍ ജിയോ ടിവി, ജിയോ എഐ ക്ലൗഡ് എന്നീ സേവനങ്ങളും കിട്ടും. പ്ലാനുകൾ അനുസരിച്ച് അണ്‍ലിമിറ്റഡ് ലോക്കല്‍/ എസ്ടിഡി വോയ്‌സ് കോളുകളും 300 മുതല്‍ 3,600 എസ്എംഎസുകളും ലഭ്യമാണ്. ചെറിയ കാലാവധിയുള്ള പ്ലാനുകളും മറ്റ് വിവരങ്ങളും അറിയാം 147 രൂപ പ്ലാന്‍ കാലാവധി: 22 ദിവസം അണ്‍ലിമിറ്റഡ് കോളുകളും 300 എസ്എംഎസും. 177 രൂപ പ്ലാന്‍ കാലാവധി: 28 ദിവസം അണ്‍ലിമിറ്റഡ് കോളുകളും 300 എസ്എംഎസും 196 രൂപ പ്ലാന്‍ കാലാവധി: 30 ദിവസം അണ്‍ലിമിറ്റഡ് കോളുകളും 300 എസ്എംഎസും 197 രൂപ പ്ലാന്‍ കാലാവധി: ഒരു കലണ്ടര്‍ മാസം അണ്‍ലിമിറ്റഡ് കോളുകളും 300 എസ്എംഎസും ദീര്‍ഘകാല കാലാവധിയുള്ള പ്ലാനുകൾ 448 രൂപയുടെ പ്ലാൻ കാലാവധി - 84 ദിവസം അണ്‍ലിമിറ്റഡ് കോള്‍, 1000 എസ്എംഎസ് 1,748 രൂപയുടെ പ്ലാൻ കാലാവധി - 336 ദിവസം അണ്‍ലിമിറ്റഡ് കോള്‍, 3600 എസ്എംഎസ് ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala High Court: കാലടി സർവ്വകലാശായിൽ സസ്പെൻഷനിലായ വിദ്യാർത്ഥികൾക്ക് ഹൈക്കോടതിയിൽ തിരിച്ചടി; പരീക്ഷയെഴുതാൻ അനുമതിയില്ല

കൊച്ചി: കാലടി സംസ്കൃത സർവ്വകലാശാലയിൽ സസ്പെൻഷനിലായ വിദ്യാർത്ഥികൾക്ക് പരീക്ഷയെഴുതാൻ അനുമതി നൽകിയ സിംഗിൾ ബെഞ്ച് ഉത്തരവ് റദ്ദാക്കി ഹൈക്കോടതി ഡിവിഷൻ ബെഞ്ച്. സിംഗിൾ ബെഞ്ചിന്റെ ഉത്തരവ് ചട്ടവിരുദ്ധമാണെന്ന് ചൂണ്ടിക്കാട്ടിയാണ് ഡിവിഷൻ ബെഞ്ചിന്റെ നടപടി. നാളെ പരീക്ഷകൾ ആരംഭിക്കാനിരിക്കെയാണ് ഹൈക്കോടതി ഡിവിഷൻ ബെഞ്ചിന്റെ വിധി വന്നിരിക്കുന്നത്. സിംഗിൾ ബെഞ്ചിന്റെ വിധിക്കെതിരെ കാലടി സർവകലാശാല നൽകിയ അപ്പീൽ ഹർജിയിലാണ് ഉത്തരവ് വന്നിരിക്കുന്നത്. സസ്പെൻഷനിലായ 16 പേരിൽ 10 വിദ്യാർത്ഥികളാണ് പരീക്ഷയെഴുതാൻ ബാക്കിയുണ്ടായിരുന്നത്. വിദ്യാർത്ഥികളെ സസ്പെൻഡ് ചെയ്തിട്ട് ഇന്ന് 65 ദിവസം പൂർത്തിയാവുകയാണ്. കാലടി സർവ്വകലാശാലയിൽ സസ്പെൻഷനിലായ 16 വിദ്യാർത്ഥികളിൽ 12 പേർ മാപ്പെഴുതി നൽകിയാൽ സസ്പെൻഷൻ പിൻവലിക്കാമെന്ന് ഇന്നലെ ചേർന്ന സിൻഡിക്കേറ്റ് യോഗം തീരുമാനിച്ചിരുന്നു. എന്നാൽ മാപ്പെഴുതി നൽകി കീഴടങ്ങാൻ തയ്യാറല്ലെന്ന് എസ്.എഫ്.ഐ നേതൃത്വം വ്യക്തമാക്കി. ഓഗസ്റ്റ് 23-ന് ക്യാമ്പസിൽ നടന്ന പ്രതിഷേധ സമരം അക്രമത്തിലേക്ക് കടന്നെന്നും വി.സിയുടെ പ്രതീകാത്മക ശവഘോഷയാത്ര നടത്തിയെന്നും അന്വേഷണ സമിതി സിൻഡിക്കേറ്റിന് സമർപ്പിച്ച റിപ്പോർട്ടിൽ ചൂണ്ടിക്കാണിച്ചിരുന്നു. ഇതിന്റെ അടിസ്ഥാനത്തിലാണ് സിൻഡിക്കേറ്റ് നിലപാട് വ്യക്തമാക്കിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Diwali Astrology: ദീപാവലി നാളിൽ ശുക്രാദിത്യ-ബുദ്ധാദിത്യ യോഗം; ഈ 4 രാശിക്കാർക്ക് ജോലിയിലും ബിസിനസ്സിലും നേട്ടം

എല്ലാ വർഷവും കാർത്തിക മാസത്തിലെ കൃഷ്ണപക്ഷത്തിലെ അമാവാസി ദിനത്തിലാണ് രാജ്യമെങ്ങും ദീപാവലി ആഘോഷിക്കുന്നത്. ഈ വർഷം നവംബർ 8 ഞായറാഴ്ചയാണ് ദീപാവലി. ഈ അവസരത്തിൽ തുലാം രാശിയിൽ സൂര്യനും ശുക്രനും സംയോജിച്ച് ശുക്രദിത്യ യോഗ സൃഷ്ടിക്കും. ഒപ്പം, സൂര്യനും ബുധനും സംയോജിച്ച് ബുദ്ധാദിത്യ യോഗവും സൃഷ്ടിക്കും. ജ്യോതിഷ പ്രകാരം, ഈ പ്രത്യേക ഗ്രഹ സംയോജനം വർഷങ്ങൾക്ക് ശേഷമാണ് സംഭവിക്കുന്നത്. ചില രാശിക്കാർക്ക് ഇതിന്റെ ഫലങ്ങൾ ശുഭകരമായി ഭവിക്കും. കരിയർ വിജയം, പുതിയ ജോലി അവസരങ്ങൾ, സമ്പത്ത് എന്നിവ വന്നുചേരും. ഈ ദീപാവലി നാളിൽ ഏതൊക്കെ രാശിക്കാർക്കാണ് ഭാഗ്യം വന്നുചേരുകയെന്ന് നോക്കാം. മേടം - മേടം രാശിക്കാർക്ക് ‌ശുഭകരമായ സമയമായിരിക്കും അത്. ഈ സമയത്ത് നിങ്ങൾ ജോലിയിൽ ആഗ്രഹിക്കുന്ന വിജയം കൈവരിക്കാൻ സാധിക്കും. സ്വത്തുമായി ബന്ധപ്പെട്ട് ദീർഘകാലമായി നിലനിൽക്കുന്ന തടസ്സങ്ങൾ മാറിക്കിട്ടും. വിവാഹകാര്യങ്ങൾക്ക് സമയം അനുകൂലമാണ്. സാമ്പത്തിക സ്ഥിതി മെച്ചപ്പെടും. തുലാം - തുലാം രാശിക്കാർക്ക് ഈ സമയം ഭാഗ്യം അൽപം കൂടുതലായിരിക്കും. കാരണം തുലാം രാശിയിലാണ് അപൂർവ സംയോജനം നടക്കുന്നത്. മുടങ്ങിക്കിടന്ന ജോലികൾ പൂർത്തീകരിക്കാൻ കഴിയും. പുതിയ അവസരങ്ങൾ വന്നുചേരും. കുടുംബത്തിൽ സന്തോഷകരമായ അന്തരീക്ഷം നിലനിൽക്കും. ഏറെ നാളായുള്ള സ്വപ്നം സാക്ഷാത്കരിക്കപ്പെടും. മാതാപിതാക്കളിൽ നിന്ന് പിന്തുണ ലഭിക്കും. ഉത്തരവാദിത്തങ്ങൾ ഫലപ്രദമായി നിറവേറ്റുന്നതിൽ വിജയിക്കും. ധനു - ധനു രാശിക്കാർക്ക് വിജയവും ഉറപ്പാണ്. നിങ്ങളുടെ ജോലി വിലമതിക്കപ്പെടും. ബിസിനസുകാർക്ക് ലാഭം നേടാനാകും. സ്വദേശത്തും വിദേശത്തും നിങ്ങൾക്കുള്ള ബഹുമാനം വർദ്ധിക്കും. ഒരു വീട് വാങ്ങാനുള്ള നിങ്ങളുടെ സ്വപ്നം യാഥാർത്ഥ്യമാകും. കരിയറിൽ നല്ല മാറ്റങ്ങൾ വരും. മീനം - മീനം രാശിക്കാർക്ക് ദീപാവലി ഭാഗ്യകരമാണ്. കുടുംബത്തിൽ സന്തോഷം നിലനിൽക്കും. ജീവിതത്തിൽ നല്ല മാറ്റങ്ങൾ വരും. ദാമ്പത്യ ജീവിതത്തിൽ സന്തോഷവും സമാധാനവും‍ നിറയും. സ്വപ്നങ്ങൾ സാക്ഷാത്കരിക്കപ്പെടും. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്. സീ മലയാളം ന്യൂസ് ഇത് സ്ഥിരീകരിക്കുന്നില്ല.) ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Navy Children School Kochi Recruitment: കൊച്ചി നേവി ചിൽഡ്രൻസ് സ്കൂളിൽ അധ്യാപക ഒഴിവുകൾ; ഉടൻ അപേക്ഷിക്കൂ, കൂടുതൽ വിവരങ്ങൾ ഇതാ

കൊച്ചിയിലെ നേവൽ ബേസിലുള്ള നേവി ചിൽഡ്രൻസ് സ്കൂളിൽ അധ്യാപക, അനധ്യാപക തസ്തികകളിൽ ഒഴിവുകൾ. 26 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. നിയമനം കരാർ അടിസ്ഥാനത്തിലായിരിക്കും. നവംബർ 10 വരെ ഓൺലൈനായി അപേക്ഷിക്കൻ അവസരമുണ്ട്. തസ്തികയും ഒഴിവുകളും 1. പോസ്റ്റ് ഗ്രാജുവേറ്റ് ടീച്ചർ മാത്തമാറ്റിക്സ്: 01 എക്കണോമിക്സ്: 01 2. ട്രെയിൻഡ് ഗ്രാജുവേറ്റ് ടീച്ചർ ഹിന്ദി: 02 സോഷ്യൽ സയൻസ്: 01 സംസ്‌കൃതം: 01 സയൻസ്: 01 മാത്തമാറ്റിക്സ്: 01 മ്യൂസിക്: 01 3. പ്രൈമറി ടീച്ചേർസ് സ്പെഷ്യൽ എഡ്യൂക്കേറ്റർ – 01 ഹിന്ദി – 01 ജനറൽ– 04 ആർട്ട് – 01 ഫിസിക്കൽ എജ്യുക്കേഷൻ – 01 ലൈബ്രേറിയൻ – 01 അസിസ്റ്റന്റ് ലൈബ്രേറിയൻ – 01 അക്കാദമിക് കൗൺസിലർ – 01 4. അഡ്മിനിസ്ട്രേഷൻ / സപ്പോർട്ട് സ്റ്റാഫ് ലോവർ ഡിവിഷൻ ക്ലർക്ക് – 01 ഗ്രൂപ്പ് ഡി (എം.ടി.എസ്. – പുരുഷൻ) – 02 ഗ്രൂപ്പ് ഡി (എം.ടി.എസ്. – വനിത) – 01 യോഗ്യത പോസ്റ്റ് ഗ്രാജുവേറ്റ് ടീച്ചർ (PGT) തസ്തികകളിലേക്ക് അപേക്ഷിക്കുന്നവർ ബന്ധപ്പെട്ട വിഷയത്തിൽ കുറഞ്ഞത് 55 ശതമാനം മാർക്കോടെ ബിരുദാനന്തര ബിരുദവും 50 ശതമാനം മാർക്കോടെ ബി.എഡ് ബിരുദവും നേടിയിരിക്കണം. കൂടാതെ, പ്ലസ് ടു, ബിരുദ തലങ്ങളിലും അപേക്ഷിക്കുന്ന വിഷയം പ്രധാന വിഷയമായി പഠിച്ചിട്ടുണ്ടായിരിക്കണം. ട്രെയിൻഡ് ഗ്രാജുവേറ്റ് ടീച്ചർ (TGT) തസ്തികകളിലേക്ക് അപേക്ഷിക്കാൻ ആഗ്രഹിക്കുന്ന ഉദ്യോഗാർത്ഥികൾ ബന്ധപ്പെട്ട വിഷയത്തിൽ കുറഞ്ഞത് 55 ശതമാനം മാർക്കോടെ ബിരുദവും, 50 ശതമാനം മാർക്കോടെ ബി.എഡ് ബിരുദവും നേടിയിരിക്കണം. കൂടാതെ, ഹയർ സെക്കൻഡറി (പ്ലസ് ടു) തലത്തിലും ഈ വിഷയം പഠിച്ചിട്ടുണ്ടായിരിക്കണം. പ്രൈമറി ടീച്ചർ (PRT) തസ്തികകളിലേക്ക് അപേക്ഷിക്കുന്ന ഉദ്യോഗാർത്ഥികൾ ബിരുദത്തിനൊപ്പം ബി.എഡ് അല്ലെങ്കിൽ ഡി.എൽ.എഡ് (D.El.Ed) യോഗ്യത നേടിയിരിക്കണം. അല്ലെങ്കിൽ പ്ലസ് ടു യോഗ്യതയ്ക്ക് ശേഷം എലമെന്ററി എജ്യുക്കേഷനിൽ നേടിയ രണ്ട് വർഷത്തെ ഡിപ്ലോമയോ നാല് വർഷത്തെ ബി.എൽ.എഡ് (B.El.Ed) ബിരുദമോ ഉള്ളവർക്കും ഈ തസ്തികയിലേക്ക് അപേക്ഷിക്കാം. ലൈബ്രേറിയൻ തസ്തികയിലേക്ക് അപേക്ഷിക്കുന്നതിനായി ഉദ്യോഗാർത്ഥികൾക്ക് ലൈബ്രറി സയൻസിൽ ബിരുദം അല്ലെങ്കിൽ ഏതെങ്കിലും വിഷയത്തിലുള്ള ബിരുദത്തോടൊപ്പം ലൈബ്രറി സയൻസിൽ ഒരു വർഷത്തെ ഡിപ്ലോമ ആവശ്യമാണ്. അസിസ്റ്റന്റ് ലൈബ്രേറിയൻ തസ്തികയിലേക്ക് പ്ലസ് ടുവും ലൈബ്രറി സയൻസിൽ ഒരു വർഷത്തെ ഡിപ്ലോമയും പൂർത്തിയാക്കിയവർക്ക് അപേക്ഷിക്കാം. ലോവർ ഡിവിഷൻ ക്ലർക്ക് തസ്തികയിലേക്ക് ബിരുദം പാസായവർക്ക് അപേക്ഷിക്കാം. മിനിറ്റിൽ 40 വാക്ക് ടൈപ്പിങ് വേഗത, മൂന്ന് വർഷത്തെ ഓഫീസ് പ്രവൃത്തിപരിചയം, കംപ്യുട്ടർ പരിജ്ഞാനം എന്നിവയും ഉദ്യോഗാർത്ഥിക്ക് ഉണ്ടായിരിക്കണം. ഗ്രൂപ്പ് ഡി (എം.ടി.എസ്.) തസ്തികയിലേക്കുള്ള അടിസ്ഥാന യോഗ്യത പത്താം ക്ലാസ് വിജയമാണ്. അപേക്ഷിക്കേണ്ട വിധം നേവി ചിൽഡ്രൻസ് സ്കൂളിന്റെ ഔദ്യോഗിക വെബ്സൈറ്റായ ncskochi.nesnavy.in വഴിയാണ് ഓൺലൈനായി അപേക്ഷിക്കേണ്ടത്. വെബ്സൈറ്റിലെ Miscellaneous – Career വിഭാഗത്തിൽ ലഭ്യമായിട്ടുള്ള അപേക്ഷാ ലിങ്ക് വഴി അപേക്ഷ സമർപ്പിക്കാം. കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Makeup Artist Pandian Passes Away: പ്രശസ്ത മേക്കപ്പ്മാൻ പാണ്ഡ്യൻ അന്തരിച്ചു; വിടവാങ്ങിയത് സൂപ്പർതാരങ്ങൾക്ക് മുഖമൊരുക്കിയ ആർട്ടിസ്റ്റ്

ചെന്നൈ: ദക്ഷിണേന്ത്യൻ ചലച്ചിത്ര ലോകത്തെ മുതിർന്ന മേക്കപ്പ് ആർട്ടിസ്റ്റ് പാണ്ഡ്യൻ (74) അന്തരിച്ചു. ചെന്നൈ വിരുഗമ്പാക്കത്തെ സ്വകാര്യ വസതിയിൽ വച്ചായിരുന്നു അന്ത്യം. മലയാളം, തമിഴ്, തെലുങ്ക്, കന്നഡ എന്നീ ഭാഷകളിലായി അഞ്ഞൂറിലധികം ചിത്രങ്ങളിൽ അദ്ദേഹം പ്രവർത്തിച്ചിട്ടുണ്ട്. പ്രേംനസീർ, എൻ.ടി. രാമറാവു, എസ്.വി. രംഗറാവു, കൃഷ്ണ, രജനീകാന്ത്, കമൽഹാസൻ, മമ്മൂട്ടി, മോഹൻലാൽ, ഫഹദ് ഫാസിൽ തുടങ്ങി വിവിധ തലമുറകളിലെ സൂപ്പർതാരങ്ങൾക്ക് കഥാപാത്രങ്ങളുടെ പൂർണ്ണതയ്ക്കായി മുഖമൊരുക്കിയ വ്യക്തിയാണ് പാണ്ഡ്യൻ. 2001-ൽ പുറത്തിറങ്ങിയ 'മധുരനൊമ്പരക്കാറ്റ്' എന്ന ചിത്രത്തിലെ മികച്ച പ്രവർത്തനത്തിന് അദ്ദേഹത്തിന് സംസ്ഥാന സർക്കാറിന്റെ മികച്ച മേക്കപ്പ് ആർട്ടിസ്റ്റിനുള്ള പുരസ്കാരം ലഭിച്ചിട്ടുണ്ട്. സത്യൻ അന്തിക്കാട് - മോഹൻലാൽ കൂട്ടുകെട്ടിലെത്തിയ ഹൃദയപൂർവമാണ് പാണ്ഡ്യൻ പ്രവർത്തിച്ച അവസാന ചിത്രം. സത്യൻ അന്തിക്കാടിന്റെ ആദ്യ ചിത്രമായ കുറുക്കന്റെ കല്യാണം മുതൽ മേക്കപ്പ്മാനായെത്തിയത് പാണ്ഡ്യനായിരുന്നു. ഹൃദയ ശസ്ത്രക്രിയയെ തുടർന്ന് പാണ്ഡ്യൻ കുറച്ചുകാലം വിശ്രമത്തിലായിരുന്നു. പാണ്ഡ്യൻ സുഖം പ്രാപിക്കുന്നത് വരെ മനസ്സിനക്കരെ എന്ന ചിത്രത്തിന്റെ ഷൂട്ടിംഗ് സത്യൻ അന്തിക്കാട് നീട്ടി വെച്ചത് അന്ന് വലിയ വാർത്തയായിരുന്നു. 16ാം വയസിലാണ് തമിഴ്‌നാട്‌ സ്വദേശിയായ പാണ്ഡ്യന്റെ സിനിമയിലേക്കുള്ള അരങ്ങേറ്റം. 1968ലായിരുന്നു ഇത്. അനശ്വര നടൻ സത്യന്റെ മേക്കപ്പ്മാനായിരുന്ന കൃഷ്ണരാജിന്റെ സഹായിയായിട്ടായിരുന്നു പാണ്ഡ്യൻ അരങ്ങേറ്റം കുറിച്ചത്. തുടർന്ന് കെ വി ഭാസ്കരൻ, എം ഒ ദേവസ്യ, ബാലകൃഷ്ണൻ തുടങ്ങിയ പ്രമുഖരുടെ അസിസ്റ്റന്റ് ആയി പ്രവർത്തിച്ചു. 1972 ൽ ജെ വില്യംസ് സംവിധാനം ചെയ്ത മദാലസയിലൂടെയാണ് പാണ്ഡ്യൻ സ്വതന്ത്ര മേക്കപ്പമാൻ ആകുന്നത്. ലക്ഷ്മിയാണ് ഭാര്യ. മക്കൾ അനിത, തന്നുയ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Crime News: ചാക്കിൽ കെട്ടി മരത്തിൽ തൂക്കിയ നിലയിൽ മൃതദേഹം, കാണാതായ അഭിറാമിന്റെ മൃതദേഹം കണ്ടെത്തി; 17-കാരൻ പിടിയിൽ

തിരുവനന്തപുരം: ശ്രീകാര്യത്ത് 17 കാരന്റെ മൃതദേഹം ചാക്കിൽ കെട്ടി ഉപേക്ഷിച്ച നിലയിൽ. പാങ്ങപ്പാറ സ്വദേശിയും പ്ലസ് ടു വിദ്യാർത്ഥിയുമായ അഭിറാം എം ഡി യുടെ മൃതദേഹമാണ് ചാക്കിൽ കെട്ടിയ നിലയിൽ‌ കണ്ടെത്തിയത്. അഭിറാമിനെ ഇന്നലെ മുതൽ കാണാതായിരുന്നു. കുട്ടിക്കായി അന്വേഷണം നടക്കുന്നതിനിടെയാണ് ചാക്കിൽ കെട്ടി നിലയിൽ മൃതദേഹം കണ്ടെത്തിയത്. കൊലപാതകം എന്ന് സംശയം. പ്രണയവുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് പ്രാഥമികവിവരം. പാങ്ങപ്പാറയിലെ ഒഴിഞ്ഞ പറമ്പിൽ നിന്നാണ് ചാക്കിലാക്കി ഉപേക്ഷിച്ച നിലയിലാണ് മൃതദേഹം കണ്ടെത്തുന്നത്. കേസുമായി ബന്ധപ്പെട്ട് പോലീസ് ഒരു 17കാരനെ കസ്റ്റഡിയിലെടുത്തിട്ടുണ്ട്. ശ്രീകാര്യം പോലീസ് സംഭവ സ്ഥലത്തെത്തി പരിശോധന നടത്തി. ഞായറാഴ്ച മൂന്ന് മണിയോടെയാണ് കൂട്ടുകാരന്‍ വിളിക്കുന്നു എന്ന് പറഞ്ഞ് അഭിരാം വീട്ടില്‍ നിന്ന് ഇറങ്ങിയതെന്ന് കുട്ടിയുടെ പിതാവ് പറഞ്ഞു. രാത്രിയിൽ ഫോൺ വിളിച്ചപ്പോൾ ഉടൻ എത്തുമെന്ന് പറഞ്ഞിരുന്നതായും പിന്നീട് ഫോണ്‍ സ്വിച്ച് ഓഫ് ആയതായും പിതാവ് പറഞ്ഞു. രാത്രി ഏറെ വൈകിയിട്ടും കാണാതായതോടെയാണ് ശ്രീകാര്യം പോലീസില്‍ പരാതി നല്‍കിയത്. ഇൻക്വസ്റ്റ് നടപടികൾ നടന്നു. നിലവിൽ ലഭിച്ച വിവരങ്ങളുടെ അടിസ്ഥാനത്തിൽ പോലീസ് പറയുന്നത് ഇന്നലെ വൈകുന്നേരം ഒരു പെൺകുട്ടിയുടെ ഇൻസ്റ്റഗ്രാം അക്കൗണ്ടിൽനിന്നും അഭിറാമിന് മെസേജ് വരികയും അതിന് ശേഷം അഭിറാം വീട്ടിൽനിന്നും ഇറങ്ങുകയായിരുന്നുവെന്നുമാണ്. പെൺകുട്ടിയെ ഉപയോഗിച്ച് പ്രതി അഭിറാമിനെ പാങ്ങപ്പാറയിലേക്ക് വിളിച്ചുവരുത്തുകയായിരുന്നുവെന്നാണ് നിഗമനം. ഇവിടെ വച്ച് പ്രതി 17കാരനെ കൊലപ്പെടുത്തുകയായിരുന്നു. പ്രതിയായ 17കാരനും ഒരു പെൺകുട്ടിയും തമ്മിൽ ഇഷ്ടത്തിലായിരുന്നും ഈ പെൺകുട്ടിയുമായി കൊല്ലപ്പെട്ട അഭിറാം സൗഹൃദം സ്ഥാപിക്കാൻ ആഗ്രഹിച്ചിരുന്നതായുമാണ് പോലീസ് പറയുന്നത്. ഇതേത്തുടർന്നുണ്ടായ‌ തർക്കമാണ് കൊലപാതകത്തിലേക്ക് നയിച്ചത് എന്നാണ് വിവരം. പ്രതി മുൻപും മോഷണമടക്കമുള്ള പല കേസുകളിലും പ്രതിയായിട്ടുള്ള ആളാണെന്ന വിവരവും പുറത്തുവരുന്നുണ്ട്. ഇയാൾ ഒറ്റയ്ക്കാണോ കൃത്യം നടത്തിയത് എന്നത് അന്വേഷിക്കുന്നുണ്ട്. അഭിറാമിന്റെ കൂട്ടുകാരെ പോലീസ് ഇന്നലെ ചോദ്യം ചെയ്തിരുന്നു. എന്നാൽ കാര്യമായ വിവരങ്ങളൊന്നും ലഭിച്ചിരുന്നില്ല. പിന്നീട് സിസിടിവി ദൃശ്യങ്ങളും മൊബൈൽ ടവറും കേന്ദ്രീകരിച്ച് നടത്തിയ അന്വേഷണത്തിനും ശേഷമാണ് മൃതദേഹം കണ്ടെത്തിയത്. കമ്മീഷണറുടെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി. പ്രതിയെ പോലീസ് ചോദ്യംചെയ്യുകയാണ്. അതേസമയം, അഭിറാമിനെ കണ്ടെത്തുന്നതിൽ പോലീസിന് വീഴ്ച സംഭവിച്ചതായി കുട്ടിയുടെ മാതാപിതാക്കൾ ആരോപണം ഉന്നയിക്കുന്നുണ്ട്. അഭിറാമിന്റെ മാതാപിതാക്കൾ രാവിലെ മുതൽ പോലീസ് സ്‌റ്റേഷനിലുണ്ടായിരുന്നു. മൃതദേഹം കണ്ടെത്തിയതിന് പിന്നാലെതന്നെ കൊലനടത്തിയ 17-കാരനെയും കസ്റ്റഡിയിലെടുക്കുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.