
ജേർണലിസം മേഖലയിൽ 7 വർഷത്തിലേറെ അനുഭവപരിചയം. ഡിജിറ്റൽ മീഡിയയിൽ സജീവം. ഇടിവി ഭാരതിൽ കരിയർ ആരംഭിച്ചു. നിലവിൽ സീ മലയാളം ന്യൂസ് വെബ്സൈറ്റിൽ സബ് എഡിറ്റർ ആണ്. കേരളം, ദേശീയ-അന്തർദേശീയ വാർത്തകൾ, ആരോഗ്യ വാർത്തകൾ, എന്റർടെയ്ൻമെൻ്റ് വാർത്തകൾ, സ്പോർട്സ് തുടങ്ങിയവ കൈകാര്യം ചെയ്യുന്നു.
&imwidth=640&imheight=360)
ഉത്തർപ്രദേശിലെ അമരോഹ ജില്ലയിലെ ഗജ്റൗളയിലുള്ള പ്രമുഖ രാസവസ്തു നിർമ്മാണ സ്ഥാപനമാണ് 'ജുബിലന്റ് ഇങ്റേവിയയുടെ'. ഈ സ്ഥാപനത്തിനെതിരെ ഗുരുതര ആരോപണങ്ങളുയരുന്നതായി സീ മീഡിയയുടെ പ്രത്യേക അന്വേഷണ സംഘം റിപ്പോർട്ട്. ഓപ്പറേഷൻ കാലാ പാനി എന്ന പേരിലാണ് സീ മീഡിയ അന്വേഷണം നടത്തിയത്. ഫാക്ടറിയിൽ നിന്നുള്ള മലിനീകരണവും വിഷപ്പുകയും കാരണം സമീപ പ്രദേശങ്ങളിലെ ജനജീവിതം വളരെ ബുദ്ധിമുട്ടിലാണെന്നും ക്യാൻസർ പോലുള്ള മാരക രോഗങ്ങളാണ് ഇവിടെ പടർന്നുപിടിക്കുന്നതെന്നുമാണ് നാട്ടുകാരുടെ ആരോപണം. പ്രദേശത്തെ വായുവും ഭൂഗർഭ ജലവും പൂർണ്ണമായി മലിനമാക്കപ്പെട്ടുവെന്നാണ് പ്രധാന കണ്ടെത്തൽ. നൈപൂര, സവാജ്പൂർ ഡോർ, സാദേലാപൂർ, ബസേലി, തിഗരിയ തുടങ്ങിയ 20ഓളം ഗ്രാമങ്ങളെയാണ് ഇത് രൂക്ഷമായി ബാധിച്ചിരിക്കുന്നത്. 7 വർഷത്തിനിടെ 7 മരണങ്ങൾ ഫാക്ടറി നിന്നുള്ള മലിനീകരണം മൂലം 7 വർഷത്തിനിടെ 7 മരണങ്ങളാണ് ഉണ്ടായതെന്നാണ് ഗജ്റൗളയിലെ ഒരു കുടുംബം ആരോപിക്കുന്നത്. ഫാക്ടറിയിൽ നിന്ന് ഏകദേശം 100 മീറ്റർ മാത്രം അകലെയുള്ള വീട്ടിലാണ് ദുരന്തമുണ്ടായത്. ഫാക്ടറിയാണ് ഈ ഓരോ മരണത്തിനും കാരണമെന്ന് ഇവർ ആരോപിക്കുന്നു. പ്രദേശത്തെ വെള്ളം പൂർണ്ണമായും നശിപ്പിച്ചുവെന്ന് പ്രദേശവാസികൾ പറഞ്ഞു. ഈ ജലമലിനീകരണം മൂലമാണ് കാൻസറും ക്ഷയരോഗവും ഉൾപ്പെടെയുള്ള മാരക രോഗങ്ങളും മരണങ്ങളും സംഭവിച്ചിരിക്കുന്നതെന്നും ഇവർ ആരോപിക്കുന്നു. മലിനജലം കുടിച്ചത് കൊണ്ടാണ് കുടുംബാംഗങ്ങൾക്ക് കാൻസർ ബാധിച്ചത്. വീട്ടിലെ എല്ലാവരും ഇപ്പോൾ രോഗബാധിതരാണെന്നും മറ്റൊരു പ്രദേശവാസിയും ആരോപിച്ചു. അയൽപക്കത്തെ മറ്റ് നിരവധി കുടുംബങ്ങളും സമാന പരാതികൾ ഉന്നയിച്ചു. ഇവർക്കും തങ്ങളുടെ പ്രിയപ്പെട്ടവരെ നഷ്ടമായിരുന്നു. അതീവ ഗൗരവകരമായ ഈ ആരോപണങ്ങളിൽ ശാസ്ത്രീയമായ അന്വേഷണം അനിവാര്യമാണ്. ഭൂഗർഭ ജലം കുടിക്കാൻ യോഗ്യമല്ല 20ൽ അധികം ഗ്രാമങ്ങളാണ് ഈ ഫാക്ടറിക്ക് ചുറ്റുമായുള്ളത്. ഇതിൽ മലിനീകരണം ഏറ്റവും രൂക്ഷമായി ബാധിച്ചിരിക്കുന്നത് നൈപൂര, സവാജ്പൂർ ഡോർ, സാദേലാപൂർ, ബസേലി, തിഗരിയ എന്നീ ഗ്രാമങ്ങളെയാണെന്ന് പ്രദേശവാസികൾ പറയുന്നു. ഈ പ്രദേശങ്ങളിലെ ഭൂഗർഭ ജലം കുടിക്കാൻ യോഗ്യമല്ലെന്ന് ഗ്രാമവാസികൾ പരാതിപ്പെടുന്നു. ഹാൻഡ് പമ്പുകളിൽ നിന്ന് വരുന്നത് കറുത്ത നിറത്തിലുള്ള മലിനജലമാണ്. ഇത് കുടിച്ചവർ രോഗബാധിതരായെന്നും ഇവർ ആരോപിക്കുന്നു. കടുത്ത മഞ്ഞ നിറമാണ് വെള്ളത്തിനെന്നും കുടിക്കുമ്പോൾ വലിയ ശാരീരിക അസ്വസ്ഥതകൾ ഉണ്ടാകാറുണ്ടെന്നുമാണ് ഒരു വയോധിക പറഞ്ഞത്. മറ്റു മാർഗ്ഗങ്ങളില്ലാത്തതിനാൽ ഇത് കുടിക്കാൻ തങ്ങൾ നിർബന്ധിതരാകുകയാണെന്ന് അവർ പറയുന്നു. ഫാക്ടറിയിലെ രാസവസ്തുക്കളാണ് വെള്ളത്തെ ഇത്രയും മലിനമാക്കുന്നതെന്നും അവർ ആരോപിച്ചു. ഈ വെള്ളം കുടിക്കുന്നവർക്ക് കാൻസർ, കിഡ്നി സ്റ്റോൺ, കടുത്ത വയറുവേദന എന്നിവ പിടിപെടുന്നതായും ചിലർക്ക് കാഴ്ചശക്തി നഷ്ടപ്പെടുന്നതായും ആരോപണമുണ്ട്. തങ്ങളുടെ കുടിവെള്ള സ്രോതസ്സുകളിൽ ഈ ഫാക്ടറിയിൽ നിന്നുള്ള മലിനജലം കലരുന്നുണ്ടെന്നാണ് ഗ്രാമവാസികൾ വിശ്വസിക്കുന്നത്. ഉത്തർപ്രദേശിലെ ഗജ്റൗളയിൽ 'ജുബിലന്റ് ഇങ്റേവിയ'യുടെ വലിയൊരു ഇന്റഗ്രേറ്റഡ് മാനുഫാക്ചറിങ് കോംപ്ലക്സ് പ്രവർത്തിക്കുന്നുണ്ട്. സ്പെഷ്യാലിറ്റി കെമിക്കലുകളും കെമിക്കൽ ഇന്റർമീഡിയറ്റുകളുടെയും ഉത്പാദനമാണ് ഇവിടെ പ്രധാനമായി നടക്കുന്നത്. വ്യാവസായിക രാസവസ്തുക്കളാണ് ഇവിടെ നിർമ്മിക്കുന്നത്. അതുകൊണ്ട് തന്നെ കർശനമായ സുരക്ഷാ മാനദണ്ഡങ്ങൾ പാലിച്ചുകൊണ്ട് മാത്രമെ അവയുടെ കൈകാര്യവും മാലിന്യ സംസ്കരണവും ചെയ്യാൻ പാടൂ. അതേസമയം വെള്ളം മലിനമാണോ എന്ന് പരിശോധിക്കുന്നതിനായി സീ മീഡിയയുടെ റിപ്പോർട്ടർ ഈ ഗ്രാമങ്ങളിൽ നിന്ന് കുപ്പികളിൽ വെള്ളം ശേഖരിച്ചിട്ടുണ്ട്. ഗ്രാമത്തിൽ നിന്നുള്ള വിവിധ സാമ്പിളുകൾ വിദഗ്ധ പരിശോധനയ്ക്കായി ഐ.ടി.എസ്. ലബോറട്ടറിയിലേക്ക് അയച്ചിട്ടുണ്ട്. ഫലം വന്നിട്ടില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ഓഹരി ഉടമകൾക്കുള്ള നേട്ടം കൂട്ടുന്നതിന്റെ ഭാഗമായി 600 കോടി രൂപയുടെ ഓഹരികൾ തിരികെ വാങ്ങാൻ (Buy-back) സീ എന്റർടൈൻമെന്റ് എന്റർപ്രൈസസ്. ഡയറക്ടർ ബോർഡ് ചേർന്നാണ് തീരുമാനമെടുത്തത്. കമ്പനിയുടെ 6,59,34,065 ഓഹരികൾ തിരികെ വാങ്ങാനാണ് തീരുമാനമായിരിക്കുന്നത്. 1 രൂപ മുഖവിലയുള്ള ഓഹരികൾ ഒന്നിന് 91 രൂപ നിരക്കിലാകും തിരികെ വാങ്ങുക. ടെൻഡർ ഓഫർ വഴിയാണ് ഈ നടപടി പൂർത്തിയാക്കുക. ഇതിനായി ആകെ 600 കോടി രൂപയാണ് കമ്പനി ചെലവഴിക്കുക. കമ്പനിയുടെ സാമ്പത്തിക കരുത്ത്, പണമൊഴുക്ക്, ഭാവി ബിസിനസ് സാധ്യതകൾ തുടങ്ങിയവയെല്ലാം പരിഗണിച്ചുകൊണ്ടാണ് ഡയറക്ടർ ബോർഡിന്റെ തീരുമാനം. ഇതിലൂടെ ഓഹരി ഉടമകൾക്കെല്ലാം മികച്ച മൂല്യവർദ്ധനവ് ഉറപ്പാക്കുകയെന്നതാണ് ലക്ഷ്യം വയ്ക്കുന്നത്. ഇത് സംബന്ധിച്ച് നിക്ഷേപകരിൽ നിന്നും ഓഹരി ഉടമകളിൽ കമ്പനി അഭിപ്രായങ്ങൾ തേടിയിരുന്നു. കമ്പനിയുടെ ആകെ ഓഹരി മൂലധനത്തിന്റെ 6.86 ശതമാനമാണ് ഈ ബൈബാക്കിലൂടെ തിരികെ വാങ്ങുന്നത്. ഇതിൽ പ്രൊമോട്ടർമാർ പങ്കെടുക്കില്ലെന്ന് ബോർഡ് വ്യക്തമാക്കി. നിലവിലെ വിപണി മൂല്യത്തിൽ കമ്പനിയുടെ യഥാർത്ഥ മൂല്യം പ്രതിഫലിക്കുന്നില്ലെന്നാണ് ബോർഡിന്റെ വിലയിരുത്തൽ. കമ്പനിയുടെ ഭാവി വളർച്ചയിലുള്ള ആത്മവിശ്വാസമാണ് ബൈബാക്ക് എന്ന തീരുമാനത്തിന് പിന്നിലെന്നും ചെയർമാൻ ആർ. ഗോപാലൻ വ്യക്തമാക്കി. വരുമാനവും ലാഭവും കൂട്ടാനുള്ള ദീർഘകാല പദ്ധതികൾ ബോർഡിന് മുന്നിൽ മാനേജ്മെന്റ് അവതരിപ്പിച്ചിട്ടുണ്ട്. കണ്ടന്റ്, ഡിജിറ്റൽ മേഖല, പുതിയ വളർച്ചാ അവസരങ്ങൾ എന്നിവയിൽ കൂടുതൽ ശ്രദ്ധ കേന്ദ്രീകരിച്ചുകൊണ്ട് കമ്പനിയുടെ വളർച്ചയ്ക്കായി നിർണ്ണായക ചുവടുവയ്പ്പുകൾ നടത്തിക്കൊണ്ടിരിക്കുകയാണ് സീ എന്റർടൈൻമെന്റ് എന്ന് സി.ഇ.ഒ പുനീത് ഗോയങ്ക പറഞ്ഞു. മുന്നിലുള്ള അവസരങ്ങളെ പ്രയോജനപ്പെടുത്താനുള്ള കമ്പനിയുടെ സാധ്യതയകളെയും കരുത്തിനെയുമാണ് ഈ തീരുമാനം കൊണ്ട് സൂചിപ്പിക്കുന്നത്. സുസ്ഥിര വളർച്ചയിലൂടെ ഓഹരി ഉടമകൾക്ക് ദീർഘകാല നേട്ടമുണ്ടാക്കാൻ എപ്പോഴും കമ്പനി പ്രതിജ്ഞാബദ്ധമാണെന്നും പുനീത് ഗോയങ്ക വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
41 ദിവസം നീണ്ടുനിൽക്കുന്ന മണ്ഡലകാല തീർത്ഥാടനത്തിനായി ശബരിമല നട നവംബർ 16-ന് തുറക്കും. അന്നേദിവസം വൈകിട്ട് 5 മണിക്ക് തന്ത്രി കണ്ഠരര് ബ്രഹ്മദത്തന്റെ സാന്നിധ്യത്തിൽ നിലവിലെ മേൽശാന്തി ഇ.ഡി. പ്രസാദ് നമ്പൂതിരി നടതുറന്ന് ശ്രീലകത്ത് ദീപം തെളിക്കും. തുടർന്ന് പതിനെട്ടാംപടി ഇറങ്ങുന്ന മേൽശാന്തി ആഴിയിൽ അഗ്നി പകരും. ശേഷം, ഇരുമുടിക്കെട്ടുമായി എത്തുന്ന നിയുക്ത ശബരിമല മേൽശാന്തി സുബ്രഹ്മണ്യൻ ശങ്കരൻ നമ്പൂതിരിയെയും മാളികപ്പുറം മേൽശാന്തി എ. ദാമോദരൻ നമ്പൂതിരിയെയും പതിനെട്ടാംപടി കയറ്റി സോപാനത്തേക്ക് ആനയിക്കും. കലശാഭിഷേകം നടത്തിയ ശേഷം സുബ്രഹ്മണ്യൻ ശങ്കരൻ നമ്പൂതിരിയെ തന്ത്രി ശ്രീകോവിലിനുള്ളിലേക്ക് കൊണ്ടുപോകും. ശേഷം അയ്യപ്പവിഗ്രഹത്തിന് അടുത്തിരുത്തി കാതിൽ മൂലമന്ത്രം ചൊല്ലിക്കൊടുക്കും. ഇതേ രീതിയിൽ തന്നെ ദാമോദരൻ നമ്പൂതിരിയെയും മാളികപ്പുറം ക്ഷേത്രത്തിൽ മേൽശാന്തിയായി അവരോധിക്കും. നവംബർ 17ന് പുലർച്ചെ 3 മണിക്ക് സന്നിധാനം, മാളികപ്പുറം നടകൾ തുറക്കും. പുതിയ മേൽശാന്തിമാരാണ് നടകൾ തുറക്കുക. ഡിസംബർ 27ന് തങ്ക അങ്കി ചാർത്തിയുള്ള മണ്ഡലപൂജയ്ക്ക് ശേഷം നട അടയ്ക്കും. ഡിസംബർ 30ന് വൈകിട്ട് 5ന് മകരവിളക്ക് ഉത്സവത്തിനായി വീണ്ടും നട തുറക്കും. 2027 ജനുവരി 14നാണ് മകരവിളക്ക്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
തിരുവനന്തപുരം: ലയണൽ മെസിയെ കേരളത്തിലെത്തിക്കുമെന്ന് വിശ്വസിപ്പിച്ചുള്ള സാമ്പത്തിക തട്ടിപ്പ് വിവാദത്തിൽ മുൻ മന്ത്രി വി. അബ്ദുറഹ്മാനെ പ്രതി ചേർക്കാൻ പ്രോസിക്യൂഷന് അനുമതി നൽകി ഗവർണർ. കേസിൽ അഴിമതി നിരോധന നിയമപ്രകാരം കേസെടുക്കാൻ അനുമതി നൽകിക്കൊണ്ടുള്ള ഫയൽ ഗവർണർ അംഗീകരിക്കുകയായിരുന്നു. മെസ്സിയെയും അർജന്റീന ടീമിനെയും കേരളത്തിലെത്തിക്കുന്നതുമായി ബന്ധപ്പെട്ട സ്പോൺസർഷിപ്പ് കരാറിൽ വൻ ക്രമക്കേടും ഗൂഢാലോചനയും നടന്നതായി പ്രത്യേക അന്വേഷണ സംഘം (SIT) കണ്ടെത്തിയിരുന്നു. കൃത്യമായ ടെൻഡർ നടപടികൾ പാലിക്കാതെ റിപ്പോർട്ടർ ബ്രോഡ്കാസ്റ്റിംഗ് കമ്പനിക്ക് അന്യായമായ സാമ്പത്തിക ലാഭമുണ്ടാക്കി നൽകാൻ, മുൻ മന്ത്രി അബ്ദുറഹ്മാൻ തന്റെ ഔദ്യോഗിക പദവി ദുരുപയോഗം ചെയ്തു എന്നാണ് അന്വേഷണ സംഘത്തിന്റെ പ്രധാന കണ്ടെത്തൽ. ആന്റോ അഗസ്റ്റിൻ, റിപ്പോർട്ടർ കമ്പനി, അബ്ദുറഹ്മാന്റെ മുൻ പ്രൈവറ്റ് സെക്രട്ടറി സി. സത്യപാലൻ, മുൻ സ്പോർട്സ് കൗൺസിൽ പ്രസിഡന്റ് യു. ഷറഫലി എന്നിവരാണ് കേസിൽ പ്രതി ചേർക്കപ്പെട്ടിട്ടുള്ള മറ്റുള്ളവർ. തട്ടിപ്പ് നടക്കുമ്പോൾ അബ്ദുറഹ്മാൻ മന്ത്രിയായിരുന്നതിനാൽ അഴിമതി നിരോധന നിയമം 17 എ പ്രകാരം കേസെടുക്കുന്നതിനായി പ്രോസിക്യൂഷന് മുൻകൂർ അനുമതി വേണമായിരുന്നു. അതേസമയം, മന്ത്രി ആവശ്യപ്പെട്ട പ്രകാരമാണ് സ്പോൺസർഷിപ്പ് റിപ്പോർട്ടർ കമ്പനിക്ക് നൽകിയതെന്ന് മുൻ പ്രൈവറ്റ് സെക്രട്ടറി സി. സത്യപാലൻ പ്രത്യേക അന്വേഷണ സംഘത്തിന് (SIT) മൊഴി നൽകിയിരുന്നു. രണ്ടാം പിണറായി സർക്കാരിലെ ഒരു മുൻ മന്ത്രി അഴിമതി കേസിൽ പ്രതിയാകുന്നതോടെ എൽ.ഡി.എഫും സി.പി.എമ്മും കടുത്ത പ്രതിരോധത്തിലായിരിക്കുകയാണ്. എന്നാൽ, അബ്ദുറഹ്മാനെതിരായ അഴിമതി ആരോപണം സി.പി.എം നേരത്തെ തന്നെ തള്ളിക്കളയുകയും, കേസ് പൂർണ്ണമായും രാഷ്ട്രീയ പ്രേരിതമാണെന്ന നിലപാടെടുക്കുകയും ചെയ്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
തിരുവനന്തപുരം: സംസ്ഥാനത്തെ 2027-ലെ എസ്.എസ്.എൽ.സി (SSLC), ഹയർ സെക്കൻഡറി, വി.എച്ച്.എസ്.ഇ (VHSE) പൊതുപരീക്ഷാ തീയതികൾ പ്രഖ്യാപിച്ചു. 2027 മാർച്ച് ഒന്നിന് എസ്.എസ്.എൽ.സി പരീക്ഷകൾ തുടങ്ങും. ഇതിന് മുന്നോടിയായുള്ള മോഡൽ പരീക്ഷകൾ ഫെബ്രുവരി 16 മുതൽ 20 വരെ നടക്കും. ഇത്തവണ ഏകദേശം 4,25,000 വിദ്യാർത്ഥികളാണ് എസ്.എസ്.എൽ.സി പരീക്ഷ എഴുതുന്നത്. ഏപ്രിൽ 5 മുതൽ മൂല്യനിർണ്ണയ ക്യാമ്പുകൾ ആരംഭിക്കും. മെയ് മാസം ആദ്യവാരത്തോടെ ഫലം പ്രസിദ്ധീകരിക്കുകയും ചെയ്യും. അതേസമയം ഈ അധ്യയന വർഷത്തെ സ്കൂൾ ക്രിസ്മസ് പരീക്ഷകൾ ഡിസംബർ 8ന് തുടങ്ങും. ഡിസംബർ 17 വരെയാണ് പരീക്ഷ നടക്കുക. എൽ.പി ക്ലാസുകൾക്ക് ഡിസംബർ 11 മുതൽ 17 വരെയായിരിക്കും പരീക്ഷ. ഡിസംബർ 18-നാണ് സ്കൂളുകളിൽ ക്രിസ്മസ് ആഘോഷങ്ങൾ സംഘടിപ്പിച്ചിരിക്കുന്നത്. അതിന് ശേഷം 10 ദിവസത്തെ അവധിക്കായി അടയ്ക്കും. ശേഷം ഡിസംബർ 28-ന് സ്കൂളുകൾ വീണ്ടും തുറക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
തിരുവനന്തപുരം: ബംഗാൾ ഉൾക്കടലിൽ ന്യൂനമർദ്ദ സാധ്യതയെന്ന് കാലാവസ്ഥ വകുപ്പ്. ഇത് തീവ്രന്യൂനമർദ്ദമായി മാറാനുള്ള സാധ്യതയും പ്രവചിച്ചിട്ടുണ്ട്. തെക്കൻ ആൻഡമാൻ കടലിലും സമീപപ്രദേശങ്ങൾക്കും മുകളിലായി ചക്രവാതചുഴി നിലനിൽക്കുന്നുണ്ട്. ഇതിന്റെ സ്വാധീനഫലമായി നവംബർ 13-ഓടെ തെക്കുകിഴക്കൻ ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യതയുണ്ടെന്നാണ് കാലാവസ്ഥ വകുപ്പിന്റെ മുന്നറിയിപ്പ്. ഇത് വടക്കുപടിഞ്ഞാറൻ ദിശയിലേക്ക് നീങ്ങുകയും, നവംബർ 14-ഓടെ ശക്തി കൂടിയ ന്യൂനമർദ്ദമായും, നവംബർ 15-ഓടെ അതേ മേഖലയിൽ തീവ്രന്യൂനമർദ്ദമായും (Depression) ശക്തി പ്രാപിക്കാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു കൂടാതെ തെക്കുകിഴക്കൻ അറബിക്കടലിലും സമീപ ലക്ഷദ്വീപ് മേഖലയിലും, മന്നാർ കടലിടുക്കിനും സമീപപ്രദേശങ്ങളിലുമായും ചക്രവാതചുഴികൾ നിലനിൽക്കുന്നു. ഇന്ന് മുതൽ നവംബർ 16 വരെ ഒറ്റപ്പെട്ട സ്ഥലങ്ങളിൽ നേരിയ/ഇടത്തരം/ ശക്തമായ മഴയ്ക്ക് സാധ്യതയുണ്ട്. ഇന്ന് ഒറ്റപ്പെട്ട സ്ഥലങ്ങളിൽ ഇടിമിന്നലിനും സാധ്യത. അതേസമയം ഒരു ജില്ലകളിലും മഴ മുന്നറിയിപ്പ് നൽകിയിട്ടില്ല. കേരളത്തിൽ ഒറ്റപ്പെട്ടയിടങ്ങളിൽ ഇന്ന് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ജാഗ്രതാ നിർദേശങ്ങൾ ഇടിമിന്നൽ അപകടകാരികളാണ്. അവ മനുഷ്യൻറെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതിൽ നിന്നും വിട്ടുനിൽക്കരുത്. – ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും. – ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക. – ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക. – ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല. – അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക. – ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്. – ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നത് വരെ സുരക്ഷിതമായ ഒരു കെട്ടിടത്തിൽ അഭയം തേടുകയും വേണം. – മഴക്കാറ് കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്. – കാറ്റിൽ മറിഞ്ഞു വീഴാൻ സാധ്യതയുള്ള വസ്തുക്കൾ കെട്ടി വെക്കുക. – ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം. – ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല. കാർമേഘങ്ങൾ കണ്ട് തുടങ്ങുമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്ക്കണം. – പട്ടം പറത്തുന്നത് ഒഴിവാക്കുക. – ഇടിമിന്നലുള്ള സമയത്ത് ടെറസിലോ മറ്റ് ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത് അപകടകരമാണ്. – വളർത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുന്ന സമയത്ത് പോകരുത്. ഇത് നിങ്ങൾക്ക് ഇടിമിന്നലേൽക്കാൻ കാരണമായേക്കാം. – അടുത്തുള്ള കെട്ടിടത്തിലേക്ക് മാറാൻ സാധിക്കാത്ത വിധത്തിൽ തുറസായ സ്ഥലത്താണങ്കിൽ പാദങ്ങൾ ചേർത്തുവച്ച് തല, കാൽ മുട്ടുകൾക്ക് ഇടയിൽ ഒതുക്കി പന്തുപോലെ ഉരുണ്ട് ഇരിക്കുക. – ഇടിമിന്നലിൽനിന്ന് സുരക്ഷിതമാക്കാൻ കെട്ടിടങ്ങൾക്കു മുകളിൽ മിന്നൽ രക്ഷാ ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സർജ് പ്രൊട്ടക്ടർ ഘടിപ്പിക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
%26im%3DFitAndFill%3D(700%2C400)&imwidth=640&imheight=360)
&imwidth=640&imheight=360)
കൊച്ചി: ഓൺലൈൻ ഓഹരി കച്ചവടത്തിന്റെ പേരിൽ തട്ടിപ്പ്. തട്ടിപ്പിനെ തുടർന്ന് ദുബായ് മലയാളിക്ക് നഷ്ടപ്പെട്ടത് 2.11 കോടി രൂപയാണ്. ദുബായിൽ ജോലി ചെയ്യുന്ന എറണാകുളം കുന്നത്തുനാട് സ്വദേശി ആണ് തട്ടിപ്പിനിരയായത്. സംഭവത്തിൽ എറണാകുളം റൂറൽ സൈബർ ക്രൈം പോലീസ് കേസെടുത്ത് അന്വേഷണം തുടങ്ങി. തട്ടിപ്പിനിരയായ ആളുടെ സുഹൃത്തായ മാവേലിക്കര സ്വദേശി നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തിരിക്കുന്നത്. ഇന്റർനെറ്റിൽ കണ്ട ഒരു അംഗീകൃത ഓഹരി ട്രേഡിങ് കമ്പനിയുടെ വെബ്സൈറ്റ് ലിങ്കിലൂടെയാണ് തട്ടിപ്പിനിരയാകുന്നത്. ലിങ്ക് ക്ലിക്ക് ചെയ്ത പ്രവാസിയെ ഒരു ടെലിഗ്രാം ഗ്രൂപ്പിൽ ചേർക്കുകയായിരുന്നു. തുടർന്ന് ട്രേഡിങ് കമ്പനിയുടെ മാതൃകമ്പനിയാണെന്ന് പറഞ്ഞ് അതേ പേരിലുള്ള വ്യാജ വെബ്സൈറ്റിന്റെ ലിങ്ക് നൽകുകയായിരുന്നു. പിന്നീട് കമ്പനിയുടെ ആപ്പിൽ ലോഗിൻ ചെയ്യിപ്പിച്ചു. ഉയർന്ന ലാഭം വാഗ്ദാനം ചെയ്തായിരുന്നു നീക്കം. പണമിടപാടുകൾ നടത്തുന്നതിനായി തട്ടിപ്പുകാർ തന്നെ പ്രവാസിക്ക് ഒരു ഫോൺ നമ്പറും ടെലിഗ്രാം ചാനലും നൽകി. ഇവർ പറഞ്ഞ വിവിധ ബാങ്ക് അക്കൗണ്ടുകളിലേക്ക് പ്രവാസി പണം അയയ്ക്കുകയായിരുന്നു. 2025 ഒക്ടോബർ 9 മുതൽ നവംബർ 26 വരെയുള്ള കാലയളവിലാണ് പണം കൈമാറിയിട്ടുള്ളത്. 2.11 കോടിയിലധികം രൂപയാണ് ഇത്തരത്തിൽ കൈമാറിയത്. എന്നാൽ, വാഗ്ദാനം ചെയ്തിരുന്ന ലാഭമോ മുതലോ തിരികെ നൽകിയില്ല. അംഗീകൃത ട്രേഡിങ് കമ്പനികളുടെ മാതൃകയിൽ വ്യാജ വെബ്സൈറ്റും മൊബൈൽ ആപ്പും നിർമ്മിച്ചാണ് സംഘം പണം തട്ടിയതെന്നാണ് റൂറൽ സൈബർ പോലീസിന്റെ പ്രാഥമിക നിഗമനം. മുൻപും സമാന രീതിയിലുള്ള ഓൺലൈൻ തട്ടിപ്പുകളിലൂടെ മലയാളികൾക്ക് കോടിക്കണക്കിന് രൂപ നഷ്ടമായിട്ടുണ്ട്. കഴിഞ്ഞ വർഷം കൊച്ചി സ്വദേശിയായ വ്യവസായിക്ക് 24.7 കോടി രൂപയാണ് ഇത്തരത്തിൽ നഷ്ടമായത്; ആ കേസിൽ ഹൈദരാബാദ് സ്വദേശിയടക്കം നിരവധി പേർ അറസ്റ്റിലായിരുന്നു. കുന്നത്തുനാട് സ്വദേശിക്ക് പണം നഷ്ടമായ പുതിയ കേസിൽ ഭാരതീയ ന്യായ സംഹിത (BNS) 318 (4), ഐടി നിയമത്തിലെ 66 (ഡി) എന്നീ വകുപ്പുകൾ ചുമത്തിയാണ് പൊലീസ് അന്വേഷണം മുന്നോട്ട് കൊണ്ടുപോകുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
സ്റ്റേറ്റ് ബാങ്ക് ഓഫ് ഇന്ത്യയിൽ സ്പെഷ്യലിസ്റ്റ് കേഡർ ഓഫീസർ തസ്തികകളിലേക്ക് അപേക്ഷ ക്ഷണിച്ചു. മാനേജർ (സെക്യൂരിറ്റി), ഡെപ്യൂട്ടി മാനേജർ (സെക്യൂരിറ്റി) എന്നീ തസ്തികകളിലേക്കാണ് നിയമനം. ആകെ 60 ഒഴിവുകളാണുള്ളത്. യോഗ്യരായ ഉദ്യോഗാർഥികൾക്ക് നവംബർ 25 വരെ ഓൺലൈനായി അപേക്ഷിക്കാവുന്നതാണ്. ശമ്പളത്തിന് പുറമെ ബാങ്ക് ചട്ടപ്രകാരമുള്ള അലവൻസുകളും മറ്റ് ആനുകൂല്യങ്ങളും ലഭിക്കും. യോഗ്യത, പ്രവൃത്തിപരിചയം, ശമ്പളം മാനേജർ (സെക്യൂരിറ്റി) അടിസ്ഥാന ശമ്പളം 85,920 രൂപ മുതൽ 1,05,820 രൂപ വരെ അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ ബിരുദം. സൈന്യത്തിൽ മേജർ അല്ലെങ്കിൽ തത്തുല്യ റാങ്കിൽ കുറഞ്ഞത് 10 വർഷത്തെ കമ്മീഷൻഡ് സർവീസ് ഉണ്ടായിരിക്കണം. അർധസൈനിക വിഭാഗങ്ങളിൽ ഡെപ്യൂട്ടി കമാൻഡന്റ് അല്ലെങ്കിൽ അതിന് മുകളിലുള്ള റാങ്കും 10 വർഷത്തെ ഓഫീസർ സർവീസും ഡെപ്യൂട്ടി മാനേജർ (സെക്യൂരിറ്റി) അടിസ്ഥാന ശമ്പളം - 64,820 രൂപ മുതൽ 93,960 രൂപ വരെ അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ ബിരുദം. സൈന്യത്തിൽ ക്യാപ്റ്റൻ അല്ലെങ്കിൽ തത്തുല്യ റാങ്കിൽ കുറഞ്ഞത് 5 വർഷത്തെ കമ്മീഷൻഡ് സർവീസ്. അർധസൈനിക വിഭാഗങ്ങളിൽ അസിസ്റ്റന്റ് കമാൻഡന്റോ അതിന് മുകളിലുള്ള റാങ്കും അഞ്ച് വർഷത്തെ ഓഫീസർ സർവീസും വേണം. പ്രായപരിധി 2026 ഒക്ടോബർ 31 അടിസ്ഥാനമാക്കി 25 മുതൽ 40 വയസ് വരെയുള്ളവർക്കാണ് അപേക്ഷിക്കാൻ അവസരം. സംവരണ വിഭാഗത്തിൽപ്പെട്ട അർഹരായ ഉദ്യോഗാർഥികൾക്ക് നിലവിലുള്ള സർക്കാർ മാനദണ്ഡങ്ങൾ പ്രകാരം ഉയർന്ന പ്രായപരിധിയിൽ ഇളവ് ലഭിക്കുന്നതാണ്. കൂടാതെ, അപേക്ഷകർക്ക് SHAPE-1 അല്ലെങ്കിൽ അതിന് തത്തുല്യമായ മെഡിക്കൽ ഫിറ്റ്നസ് നിർബന്ധമായും ഉണ്ടായിരിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
"5 ലക്ഷം രൂപ അഞ്ച് വർഷത്തേക്ക് എങ്ങനെ നിക്ഷേപിക്കാം?" എന്ന ചോദ്യവുമായി ക്വാല ഇന്റലിനെ സമീപിച്ച സിഎ മുകേഷ് ജെയിന് ലഭിച്ച മറുപടി അറിയണോ? മാർക്കറ്റ് റിസർച്ചിൽ എഐ അധിഷ്ഠിത സാങ്കേതികവിദ്യയുടെ സാധ്യതകളെക്കുറിച്ചുള്ള അദ്ദേഹത്തിന്റെ മുൻധാരണകളെ എല്ലാം പൂർണമായി മാറ്റിയെഴുതുന്ന തരത്തിലുള്ളതായിരുന്നു ആ ഉത്തരം. ചോദിച്ച ചോദ്യത്തിന് ക്വാല ഇന്റൽ നൽകിയ വിശദമായ വിവരങ്ങൾ തന്നെയാണ് അതിന്റെ ഏറ്റവും വലിയ പ്രത്യേകത എന്നാണ് മുകേഷ് ജെയിന്റെ അഭിപ്രായം. കേവലം പൊതുവായ വിപണി വിലയിരുത്തലുകൾ മാത്രമല്ല എഐ നൽകിയത്. പകരം സമാന മേഖലയിലെ കമ്പനികളുടെ താരതമ്യ പഠനങ്ങളും സാമ്പത്തിക വിവരങ്ങളും മൂല്യനിർണ്ണയത്തിന് പിന്നിലെ കൃത്യമായ കാരണങ്ങൾ ഒക്കെ ഈ എഐ ടൂൾ നൽകി. ഒന്നും നോക്കാതെ കണ്ണും അടച്ച് നിക്ഷേപം നടത്താൻ ആവശ്യപ്പെടാതെ നിക്ഷേപകർക്ക് മുൻപിലേക്ക് ചാർട്ടുകളും കണക്കുകളും കൃത്യമായ പശ്ചാത്തലവും എല്ലാം ഇവ നൽകുന്നു. അതുവഴി നിക്ഷേപകർക്ക് സ്വന്തം തീരുമാനങ്ങൾ വിലയിരുത്താനുള്ള അവസരമാണ് ഈ ടൂൾ നൽകുന്നതെന്ന് മുകേഷ് ജെയിന് ചൂണ്ടിക്കാട്ടുന്നു. 5 ലക്ഷം രൂപ അഞ്ച് വർഷത്തേക്ക് എങ്ങനെ കാര്യക്ഷമമായി പങ്കുവെച്ച് നിക്ഷേപിക്കാം?" എന്ന സങ്കീർണ്ണമായ ചോദ്യത്തിന് വളരെ കൃത്യവും സമഗ്രവുമായ ഉത്തരമാണ് ക്വാല നൽകിയത്. 50% തുക ഇൻഡക്സ് ഫണ്ടുകളിൽ നിക്ഷേപിക്കാൻ ക്വാല ഇന്റൽ നിർദ്ദേശിച്ചു. ബാക്കി തുക തെരഞ്ഞെടുത്ത മികച്ച വളർച്ചാ സാധ്യതയുള്ള ഓഹരികളിൽ മാറ്റാനാണ് ഈ എഐ ടൂൾ നിർദ്ദേശിക്കുന്നത്. 5,000 രൂപ പണമായി തന്നെ കൈവശം വയ്ക്കാനും നിർദ്ദേശം. പെട്ടെന്നുണ്ടാകുന്ന നല്ല അവസരങ്ങൾ പ്രയോജനപ്പെടുത്തുന്നതിനോ അടിയന്തിര ആവശ്യങ്ങൾക്കോ ആയിട്ടാണ് ഇങ്ങനെ ചെയ്യാൻ ക്വാല ഇന്റൽ നിർദ്ദേശിക്കുന്നത്. സാങ്കേതികവിദ്യ നന്നായി കൈകാര്യം ചെയ്യുന്ന ആളാണ് സിഎ മുകേഷ് ജെയിൻ. വേറെയും നിരവധി എഐ ടൂളുകൾ അദ്ദേഹം ഉപയോഗിച്ചിട്ടുണ്ട്. വിപണി സംബന്ധമായ ചോദ്യങ്ങൾക്ക് മറുപടി നൽകുന്ന മറ്റ് സാധാരണ എഐ ടൂളുകളെപ്പോലെ ഒന്ന് മാത്രമായിരിക്കും ക്വാല ഇന്റലും എന്ന അദ്ദേഹത്തിന്റെ വിചാരങ്ങൾ പാടേ മാറ്റുന്നതായിരുന്നു അത് ഉപയോഗിച്ച് കഴിഞ്ഞപ്പോഴുള്ള അനുഭവം. ക്വാല ഇന്റൽ എന്തുകൊണ്ട് വ്യത്യസ്തമാകുന്നു? വെറും വാക്കുകൾക്ക് പകരം കമ്പനിയുടെ സാമ്പത്തിക കണക്കുകളും താരതമ്യ പഠനങ്ങളും ഇത് നൽകുന്നു. ഡാറ്റാധിഷ്ഠിത വിശകലനമാണ് ക്വാല ഇന്റൽ നടത്തുന്നത്. നിക്ഷേപകർക്ക് സ്വയം തീരുമാനമെടുക്കാനുള്ള സ്വാതന്ത്ര്യം നൽകുന്നതാണ് ക്വാല ഇന്റലിന്റെ ഉത്തരങ്ങൾ. ചാർട്ടുകളും വസ്തുതകളും നൽകി കൊണ്ടാണ് ക്വാല ഇന്റൽ ഇതിന് നിക്ഷേപകനെ സഹായിക്കുന്നത്. സാമ്പത്തിക ആവശ്യങ്ങൾക്കായി മാത്രം രൂപകൽപ്പന ചെയ്തയാണ് ക്വാല ഇന്റൽ. ഓഹരി വിപണി വിശകലനത്തിന് മാത്രമായുള്ള ഈ എഐ ടൂൾ പൊതുവായ എഐ ടൂളുകൾക്കും ഏറെ മുന്നിലാണ്. സിഎമാർ മുതൽ തുടക്കക്കാരായ നിക്ഷേപകർക്ക് വരെ അനുയോജ്യമായതാണ് ക്വാല ഇന്റൽ എഐ. സാധാരണക്കാർക്ക് പോലും വളരെ ലളിതമായ ഭാഷയിൽ ഈ പ്ലാറ്റ്ഫോമിൽ നിന്ന് അവർക്കുള്ള ഉത്തരങ്ങൾ ലഭിക്കുന്നു. ക്വാല ഇന്റൽ പ്ലാനുകളും വിവരങ്ങളും പ്രതിമാസ പ്ലാൻ: മാസം 1,000 രൂപ വാർഷിക പ്ലാൻ: വർഷം 10,000 രൂപ ഉപയോക്താക്കൾക്ക് തങ്ങൾക്ക് ഇഷ്ടമുള്ള ഭാഷയിൽ ടെക്സ്റ്റ് സന്ദേശത്തിലൂടെയോ വോയ്സ് സന്ദേശത്തിലൂടെയോ സംശയങ്ങൾ ചോദിക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കോഴിക്കോട്: നാദാപുരം വളയത്ത് എട്ടാം ക്ലാസ് വിദ്യാർഥിനിയെ തൂങ്ങി മരിച്ച നിലയിൽ കണ്ടെത്തി. വീടിന്റെ ടെറസിലാണ് മരിച്ച നിലയിൽ കണ്ടെത്തിയത്. വളയം ഗവൺമെന്റ് ഹയർ സെക്കൻഡറി സ്കൂളിലെ വിദ്യാർഥിനിയും ഷാജി–രജിഷ ദമ്പതികളുടെ മകളുമായ ജുവൽ ലക്ഷ്മിയാണ് മരിച്ചത്. ഇന്നലെ രാത്രിയായിരുന്നു സംഭവം നടന്നത്. വീടിന്റെ ടെറസിലെ കമ്പിയിൽ ഷാൾ ഉപയോഗിച്ച് തൂങ്ങിയ നിലയിലായിരുന്നു മൃതദേഹം. കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടം നടപടികൾക്കായി വടകര താലൂക്ക് ആശുപത്രി മോർച്ചറിയിലേക്ക് മാറ്റിയിരുന്നു. സംഭവത്തിൽ പോലീസ് കേസെടുത്ത് അന്വേഷണം തുടങ്ങി. ജീവനൊടുക്കുന്നതിലേക്ക് കുട്ടിയെ നയിച്ച സാഹചര്യം എന്താണെന്ന് വ്യക്തമല്ല. അതിനിടെ പാലക്കാട് മനിശ്ശേരിയിൽ കാർ മരത്തിലിടിച്ചുണ്ടായ അപകടത്തിൽ രണ്ടുപേർ മരിച്ചു. കാറിലുണ്ടായിരുന്നവരാണ് മരിച്ചത്. മൂന്ന് പേർക്ക് ഗുരുതരമായി പരിക്കേൽക്കുകയും ചെയ്തിരുന്നു. 5 പേരാണ് കാറിലുണ്ടായിരുന്നത്. അപകടം നടന്നത് അർധരാത്രി 12:30 ഓടെയാണ്. ഷൊർണൂരിൽ നിന്നും ഒറ്റപ്പാലം ഭാഗത്തേക്ക് വരികയായിരുന്ന കാർ ആണ് മനിശ്ശേരിയിൽ വച്ച് നിയന്ത്രണം വിട്ട് മരത്തിലിടിച്ചത്. പനമണ്ണ സ്വദേശി വൈശാഖും മറ്റൊരാളുമാണ് അപകടത്തിൽ മരിച്ചത്. അപകടസമയത്ത് പ്രദേശത്തുണ്ടായിരുന്ന ഒറ്റപ്പാലം പോലീസിന്റെ പട്രോളിംഗ് സംഘമാണ് സ്ഥലത്തെത്തി അപകടത്തിൽ പെട്ടവരെ ആശുപത്രിയിൽ എത്തിച്ചത്. ഷൊർണൂർ പോലീസ് അറിയിച്ചതിനെ തുടർന്ന് അഗ്നിരക്ഷാസേനയെത്തിയാണ് അരമണിക്കൂറത്തെ പരിശ്രമത്തിനൊടുവിൽ കുടുങ്ങിക്കിടന്നവരെ പുറത്തെടുത്തത്. പരിക്കേറ്റവരെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
തിരുവനന്തപുരം: തിരുവനന്തപുരം മെഡിക്കൽ കോളേജ് ആശുപത്രിയിലെ ഓടയിൽ ഭ്രൂണം കണ്ടെത്തി. ഓട വൃത്തിയാക്കാനിറങ്ങിയ ശുചീകരണ തൊഴിലാളികളാണ് ഇത് കണ്ടത്. ആശുപത്രി അധികൃതർ പോലീസിനെ വിവരമറിയിച്ചു. തുടർന്ന് പോലീസ് സ്ഥലത്തെത്തി പരിശോധന നടത്തി. ഭ്രൂണം എങ്ങനെ ഓടയിൽ വന്നു എന്നതിനെക്കുറിച്ച് പോലീസ് അന്വേഷണം തുടങ്ങിയിട്ടുണ്ട്. മെഡിക്കൽ കോളേജിലെ രണ്ടാം വാർഡിന് സമീപമുള്ള മാൻഹോളിലാണ് ഭ്രൂണം കണ്ടെത്തിയത്. ശുചീകരണ പ്രവർത്തനങ്ങൾക്കിടെ ഭ്രൂണം ശ്രദ്ധയിൽപ്പെട്ട തൊഴിലാളികൾ ഉടൻ തന്നെ വിവരം ആശുപത്രി അധികൃതരെ അറിയിക്കുകയായിരുന്നു. തുടർന്ന് മെഡിക്കൽ കോളേജ് പോലീസ് സ്ഥലത്തെത്തി പ്രാഥമിക പരിശോധനകൾ പൂർത്തിയാക്കി. ഭ്രൂണം മാൻഹോളിൽ എങ്ങനെ എത്തിയെന്നും ആരാണ് ഉപേക്ഷിച്ചതെന്നും കണ്ടെത്താൻ സിസിടിവി ദൃശ്യങ്ങളടക്കം കേന്ദ്രീകരിച്ച് പോലീസ് അന്വേഷണം ആരംഭിച്ചു. ബീമാപള്ളി ഉറൂസ്: യാത്രാ സൗകര്യത്തിനായി KSRTC സ്പെഷ്യൽ സർവീസുകൾ ബീമാപള്ളി ഉറൂസ് വെട്ടുകാട് പള്ളി പെരുനാൾ എന്നിവ കണക്കിലെടുത്ത് വിശ്വാസികൾ അസൗകര്യം ഉണ്ടാകാതിരിക്കാൻ സ്പെഷ്യൽ സർവീസുകളുമായി കെഎസ്ആർടിസി രംഗത്ത്. ഈ സമയത്തുള്ള യാത്രാക്കാരുടെ തിരക്ക് പരിഗണിച്ചു കൊണ്ട് 45 ബസുകളുടെ സർവീസാണ് കെഎസ്ആർടിസി ഒരുക്കിയിരിക്കുന്നത്. ഈ സർവീസുകളെ നിയന്ത്രിക്കുന്നതിനായി തിരുവനന്തപുരം സിറ്റി യൂണിറ്റ് ഓഫീസർക്ക് നോഡല്ക് ഓഫീസറുടെ ചുമതലയും നൽകിയിട്ടുണ്ട്. 20 ബസുകളാണ് ഇത്തവണ ബീമാപള്ളി ഉറൂസുമായി ബന്ധപ്പെട്ട് കെഎസ്ആർടിസി ഒരുക്കിയിരിക്കുന്നത്. കഴിഞ്ഞവർഷം 14 ബസ് സർവീസുകളായിരുന്നു ഉണ്ടായിരുന്നത്. ബീമാപള്ളിയിലേക്കുള്ള സർവീസുകൾ കിഴക്കേക്കോട്ടയില് നിന്നും ഇഞ്ചക്കല്, വള്ളക്കടവ് വഴിയും കിഴക്കേക്കോട്ടയില് നിന്ന് ഇഞ്ചക്കല്, കല്ലുമൂട് വഴിയുമാണ് ക്രമീകരിച്ചിരിക്കുന്നത്. യാത്രക്കാരുടെ ആവശ്യാനുസരണമാകും ബസുകള് സര്വീസ് നടത്തുകയെന്നും ഇതിനായി ബീമാപള്ളിയില് ഒരു സ്റ്റേഷന് മാസ്റ്റര് ഓഫിസും പ്രവര്ത്തിക്കുന്നുണ്ടെന്നും അധികൃതർ അറിയിച്ചിട്ടുണ്ട്. അതുപോലെ വെട്ടുകാട് പള്ളി പെരുനാളിനായി നിലവിലുള്ള 7 സർവീസുകൾക്ക് പുറമെ 18 ലധികം സർവീസുകൾ കൂടി ഉൾപ്പെടുത്തി 25 ബസുകൾ നിരത്തിലിറക്കിയിട്ടുണ്ട്. കഴിഞ്ഞ വർഷം 18 ബ്വാസുകളാണ് സർവീസ് നടത്തിയിരുന്നത്. വെട്ടുകാട് സർവീസ് കിഴക്കേക്കോട്ടയില് നിന്ന് വലിയതുറ വഴിയും പാളയം വഴിയുമാണ് നടത്തുന്നത്. ബസുകള് കൃത്യമായി സര്വീസ് നടത്തുന്നുണ്ടെന്ന് ഉറപ്പാക്കുന്നതിനായി ഒരു താത്കാലിക സ്റ്റേഷന് മാസ്റ്റര് ഓഫിസും വെട്ടുകാട് തുറന്നിട്ടുണ്ടെന്നാണ് റിപ്പോർട്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
തിരുവനന്തപുരം: സംസ്ഥാനത്ത് ഇനി മുതൽ ഓട്ടോ, ടാക്സി നിരക്ക് കൂടും. ഗതാഗത മന്ത്രിയുമായി തൊഴിലാളി സംഘടനകള് നടത്തിയ ചര്ച്ചയിലാണ് നിരക്ക് വര്ധിപ്പിക്കാന് തീരുമാനമായത്. ഇതോടെ നാളെ നടത്താനിരുന്ന 24 മണിക്കൂര് പണിമുടക്ക് പിന്വലിച്ചു. ജനുവരി 1 മുതല് പുതിയ നിരക്ക് നടപ്പാക്കുമെന്നാണ് മന്ത്രി ഉറപ്പ് നല്കിയിരിക്കുന്നതെന്ന് യൂണിയനുകള് അറിയിച്ചു. 2022 ഏപ്രിലിലാണ് മുന്പ് നിരക്ക് പരിഷ്കരിച്ചത്. നിരക്ക് പുതുക്കണമെന്ന് യൂണിയനുകളുടെ ആവശ്യം സര്ക്കാര് തത്വത്തില് അംഗീകരിച്ചുവെന്ന് ചര്ച്ചയ്ക്കു ശേഷം ഗതാഗതമന്ത്രി സി.പി.ജോണ് പറഞ്ഞു. ഇതേക്കുറിച്ചു പഠിക്കാന് കമ്മിഷനെ നിയോഗിക്കുമെന്നും അദ്ദേഹം കൂട്ടിച്ചേർത്തു. കമ്മീഷൻ വിഷയത്തിൽ അന്വേഷണം നടത്തുമ്പോൾ ഓരോ യൂണിയനുകൾക്കും നിരക്ക് വർധനയുമായി ബന്ധപ്പെട്ട തങ്ങളുടെ അഭിപ്രായങ്ങളും നിർദ്ദേശങ്ങളും ഔദ്യോഗികമായി അറിയിക്കാം. ഓട്ടോ ഡ്രൈവർമാർക്ക് ഇഎസ്ഐ ആനുകൂല്യങ്ങൾ ലഭ്യമാക്കണമെന്ന ദീർഘകാല ആവശ്യം അനുഭാവപൂർവ്വം പരിഗണിക്കുമെന്ന് ഉറപ്പുനൽകിയതായും ഭാരവാഹികൾ കൂട്ടിച്ചേർത്തു. ഡ്രൈവർമാർക്ക് വിശ്രമമുറി സൗകര്യം ഒരുക്കുന്ന കാര്യത്തിൽ ടൂറിസം വകുപ്പുമായും ഹോട്ടൽ ഉടമകളുമായും ചർച്ചകൾ നടത്തിയതായി മന്ത്രി അറിയിച്ചു. ഇത് നടപ്പിലാക്കണമെന്ന ആവശ്യം സർക്കാർ അനുഭാവപൂർവ്വം പരിഗണിക്കും. ടൂവീലർ ടാക്സുകൾക്ക് അനുമതിയുണ്ടെങ്കിലും, മഞ്ഞ ബോർഡിന് പകരം വെള്ള ബോർഡ് വെച്ച് അനധികൃതമായി സർവീസ് നടത്തുന്ന വാഹനങ്ങൾക്കെതിരെ കർശന നടപടി സ്വീകരിക്കാൻ തീരുമാനിച്ചിട്ടുണ്ട്. അതേസമയം, വിഷയം പഠിക്കാനുള്ള കമ്മീഷൻ അംഗങ്ങളെ നിലവിൽ തീരുമാനിച്ചിട്ടില്ലെന്നും മന്ത്രി വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ശ്രീനഗർ: ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെ ഭീകരാക്രമണം. ആക്രമണത്തിൽ മൂന്ന് ജവാന്മാർക്ക് പരിക്കേറ്റു. മിർ ബസാറിന് സമീപം അഖ്റാനിലെ സിആർപിഎഫ് ക്യാംപിനുനേരെയായിരുന്നു ഭീകരാക്രമണം നടന്നത്. ബൈക്കിലാണ് അക്രമികൾ എത്തിയതെന്നാണ് വിവരം. ഉച്ചയ്ക്ക് 2.15ഓടെ ബൈക്കിൽ എത്തിയവർ സൈനികർക്ക് നേരെ വെടിയുതിർക്കുകയായിരുന്നു. പരിക്കേറ്റവരെ ആശുപത്രിയിലേക്ക് മാറ്റി. പ്രദേശത്ത് ഭീകരർക്കായി തിരച്ചിൽ തുടങ്ങി. ഭീകരാക്രമണത്തിൽ പരിക്കേറ്റ മൂന്ന് സുരക്ഷാ ഉദ്യോഗസ്ഥരെ തിരിച്ചറിഞ്ഞു. സിആർപിഎഫ് ജവാന്മാരായ രാകേഷ് ദാസ്, സന്തോഷ് ചന്ദ്രു, സോംവീർ സിങ് എന്നിവർക്കാണ് പരിക്കേറ്റത്. രാകേഷ് ദാസിന്റെ ഇടതുകാലിനാണ് പരിക്കേറ്റത്. സന്തോഷ് ചന്ദ്രുവിന് വയറ്റിലും നട്ടെല്ലിലും മുറിവേറ്റു. സോംവീർ സിങ്ങിന് ഇടതുകൈയ്ക്കാണ് പരിക്കുള്ളത്. ആശുപത്രിയിൽ ചികിത്സയിലുള്ള മൂന്ന് പേരും നിലവിൽ അപകടനില തരണം ചെയ്തതായി അധികൃതർ അറിയിച്ചു. ആക്രമണം നടന്ന സമയത്ത് ജമ്മു കശ്മീർ ലെഫ്റ്റനന്റ് ഗവർണർ മനോജ് സിൻഹ കുൽഗാം ജില്ലയിലുണ്ടായിരുന്നു. കുൽഗാം ഗവൺമെന്റ് ഡിഗ്രി കോളേജിൽ സംഘടിപ്പിച്ച മൂന്ന് ദിവസം നീണ്ടുനിൽക്കുന്ന 'വൈഷോ ഫെസ്റ്റിവലിൽ' മുഖ്യാതിഥിയായി പങ്കെടുക്കാനെത്തിയതായിരുന്നു അദ്ദേഹം. ആക്രമണത്തിന് തൊട്ടുപിന്നാലെ പ്രദേശത്ത് കൂടുതൽ ബാരിക്കേഡുകൾ വച്ചു. കൂടുതൽ സുരക്ഷാ സേനയെ വിന്യസിക്കുകയും ചെയ്തു. പ്രദേശവാസികളോട് വീടുകളിൽ തന്നെ തുടരാൻ നിർദ്ദേശം നൽകിയിട്ടുണ്ട്. ഭീകരർക്കായി പ്രദേശം പൂർണ്ണമായി വളഞ്ഞ് കനത്ത തെരച്ചിൽ പുരോഗമിക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
പാലക്കാട്: ട്രെയിനിൽ വെച്ച് വയോധികയുടെ സ്വർണം കവർന്ന കേസിൽ ഇൻസ്റ്റഗ്രാം ഇൻഫ്ലുവൻസർ പിടിയിലായി. ദിണ്ടിഗൽ സ്വദേശിയായ ഇൻസ്റ്റഗ്രാം ഇൻഫ്ലുവൻസർ ബാലമുരുകൻ ആണ് പിടിയിലായത്. ചെന്നൈയിൽ നിന്ന് ചെങ്ങന്നൂരിലേക്ക് ട്രെയിനിൽ യാത്ര ചെയ്യുന്നതിനിടെയാണ് കുമാരി എന്ന സ്ത്രീയിൽ നിന്ന് 50 പവൻ സ്വർണാഭരണങ്ങൾ കവർന്നത്. പോലീസും ആർ.പി.എഫും ചേർന്നാണ് അറസ്റ്റ് ചെയ്തത്. ചെന്നൈയിലെ മകന്റെ വീട്ടിൽ നിന്ന് വിവാഹാവശ്യത്തിനായി കൊണ്ടു പോയ സ്വർണമാണ് കവർന്നത്. സേലത്തുനിാണ് പ്രതി ട്രെയിനിൽ കയറിയത്. തുടർന്ന് പാലക്കാടിനും തൃശൂരിനും ഇടയിൽവെച്ച് മോഷണം നടത്തുകയായിരുന്നു. ഇയാളുടെ ഇൻസ്റ്റഗ്രാം റീലുകളും 600-ലധികം സി.സി.ടി.വി ദൃശ്യങ്ങളും കേന്ദ്രീകരിച്ചായിരുന്നു പോലീസ് അന്വേഷണം നടത്തിയത്. ഒടുവിൽ കോയമ്പത്തൂരിൽ നിന്ന് പോലീസ് അറസ്റ്റ് ചെയ്യുകയായിരുന്നു. സ്വർണം വിൽക്കാൻ ശ്രമിക്കുന്നതിനിടയിലാണ് പിടിയിലായത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
മുംബൈ: ദീർഘനാളായ ഉയരുന്ന അഭ്യൂഹമാണ് ഐപിഎല്ലിലെ ഹാർദ്ദിക് പാണ്ഡ്യയുടെ ടീം മാറ്റം. ചെന്നൈ സൂപ്പർ കിംഗ്സിലേക്ക് താരം പോകുമെന്ന തരത്തിൽ കഴിഞ്ഞ സീസൺ തൊട്ടേ വാർത്തകൾ പ്രചരിച്ചിരുന്നു. എന്നാൽ ഇപ്പോൾ ആരാധകർ കാത്തിരുന്ന ആ ഔദ്യോഗിക പ്രഖ്യാപനം വന്നിരിക്കുകയാണ്. ഐപിഎൽ ക്രിക്കറ്റ് ചരിത്രത്തിലെ ഏറ്റവും വലിയ താരക്കൈമാറ്റമാണ് ഇപ്പോൾ ഔദ്യോഗികമായി പ്രഖ്യാപിച്ചിരിക്കുന്നത്. മുംബൈ ഇന്ത്യൻസിന്റെ നിലവിലെ ക്യാപ്റ്റൻ ഹാർദിക് പാണ്ഡ്യയെ പഞ്ചാബ് കിങ്സ് സ്വന്തമാക്കിയിരിക്കുകയാണ്. പകരം ഇടംകൈ പേസർ അർഷ്ദീപ് സിങ് പഞ്ചാബിൽ നിന്ന് മുംബൈ ടീമിലേക്കും ഇടംനേടി. ഒദ്യോഗിക പേജിലൂടെയാണ് കൈമാറ്റ വിവരം ഐപിഎൽ സ്ഥിരീകരിച്ചിരിക്കുന്നത്. ഇതോടെ ഹാർദിക് ഏത് ടീമിലേക്ക് പോകുമെന്ന് ഏറെക്കാലമായി നിലനിന്നിരുന്ന അഭ്യൂഹങ്ങൾക്കാണ് വിരാമമായിരിക്കുന്നത്. 18 കോടി രൂപയ്ക്കാണ് പഞ്ചാബ് ഹാർദിക്കിനെ നേടിയത്. നേരത്തെ 16.35 കോടി രൂപയായിരുന്നു താരത്തിന്റെ പ്രതിഫലം. മലയാളി താരം വിഷ്ണു വിനോദും മുംബൈ ടീമിലേക്ക് പോകുമെന്ന തരത്തിൽ അഭ്യൂഹമുണ്ടായിരുന്നെങ്കിലും അത് സംഭവിച്ചില്ല. മുംബൈ ഇന്ത്യൻസിലേക്കുള്ള ഹാർദിക് പാണ്ഡ്യയുടെ രണ്ടാം വരവ് മൂന്ന് സീസണുകൾ നീണ്ടുനിന്നെങ്കിലും പ്രതീക്ഷിച്ച പ്രകടനം പുറത്തെടുക്കാനായിരുന്നില്ല. മൂന്ന് സീസണുകളിലായി 39 മത്സരങ്ങളിൽ കളത്തിലിറങ്ങിയിട്ടുണ്ട്. 35 ഇന്നിങ്സുകളിൽ നിന്ന് 21.53 ശരാശരിയിലും 147.82 സ്ട്രൈക്ക് റേറ്റിലും 647 റൺസ് മാത്രമാണ് നേടിയത്. പുറത്താകാതെ നേടിയ 48 റൺസാണ് ഈ കാലയളവിലെ ഉയർന്ന സ്കോർ. 39 മത്സരങ്ങളിൽ നിന്ന് 34-ലധികം ശരാശരിയിൽ 29 വിക്കറ്റുകൾ വീഴ്ത്തിയത്. ഒരു ഇന്നിങ്സിൽ അഞ്ച് വിക്കറ്റ് നേട്ടം സ്വന്തമാക്കാൻ സാധിച്ചുവെന്നത് മാത്രമാണ് ബോളിങ്ങിൽ ഹാർദ്ദിക് നേടിയ വലിയ നേട്ടം. അതേസമയം, 2025 സീസണിൽ ടീം പ്ലേഓഫിലെത്തിയെങ്കിലും ഹാർദിക്കിന്റെ ക്യാപ്റ്റൻസിയിൽ 2024, 2026 സീസണുകളിൽ തികച്ചും നിരാശാജനകമായ പ്രകടനത്തോടെ ഒൻപതാം സ്ഥാനത്താണ് മുംബൈ ഇന്ത്യൻസ് ടൂർണമെന്റ് അവസാനിപ്പിച്ചത്. 8 സീസണുകളിൽ പഞ്ചാബ് കിങ്സിനായി പന്തെറിഞ്ഞ ശേഷമാണ് അർഷ്ദീപ് സിങ് മുംബൈ ഇന്ത്യൻസിലേക്കെത്തുന്നത്. 2019-ൽ ഐപിഎൽ അരങ്ങേറ്റം കുറിച്ച അർഷ്ദീപ് പഞ്ചാബിലൂടെയാണ് ഇന്ത്യൻ ക്രിക്കറ്റിലെ ഏറ്റവും ശ്രദ്ധേയനായ ഇടംകൈയൻ പേസറായി മാറുന്നത്. പരിമിത ഓവർ ക്രിക്കറ്റിൽ ജസ്പ്രീത് ബുമ്ര കഴിഞ്ഞാൽ ഇന്ത്യയുടെ ഏറ്റവും പ്രധാന പേസർ ആണ് അർഷ്ദീപ്. താരം ഇനി ഐപിഎല്ലിൽ ബുമ്രയ്ക്കൊപ്പം തന്നെ മുംബൈ നിരയിൽ അണിനിരക്കും. പഞ്ചാബ് കിങ്സിനായി 96 ഐപിഎൽ മത്സരങ്ങളിൽ നിന്ന് 111 വിക്കറ്റുകൾ നേടിയ അർഷ്ദീപ്, ടീമിന്റെ ചരിത്രത്തിൽ ഏറ്റവും കൂടുതൽ വിക്കറ്റുകൾ വീഴ്ത്തിയ ബോളർ എന്ന റെക്കോർഡോടെയാണ് മുംബൈയിലേക്ക് മാറുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
സൂര്യ നായകനായ ‘സീൻ’ സിനിമ തിയേറ്ററുകളിൽ മികച്ച പ്രതികരണം നേടി മുന്നേറിക്കൊണ്ടിരിക്കുകയാണ്. ബോക്സ് ഓഫീസിലും ചിത്രം അതിന്റെ കുതിപ്പ് തുടരുകയാണ്. പ്രേക്ഷകരെ കൂടാതെ നിരവധി സെലിബ്രേറ്റികളും ചിത്രത്തിനെ പ്രശംസിച്ച് രംഗത്തെത്തിയിട്ടുണ്ട്. അത്തരത്തിൽ സിനിമയെയും അതിലെ താരങ്ങളെയും പ്രശംസിച്ചിരിക്കുകയാണ് സംവിധായന് അറ്റ്ലി. വളരെക്കാലത്തിന് ശേഷം പുതുമയുള്ള ആഖ്യാനവുമായി എത്തിയ ഒരു പക്കാ കൊമേഴ്ഷ്യൽ ചിത്രമാണ് സീൻ എന്നാണ് അറ്റ്ലി വിശേഷിപ്പിച്ചത്. ചിത്രത്തിലെ ഈശ്വരൻ എന്ന വില്ലൻ കഥാപാത്രത്തെ അവതരിപ്പിച്ച നസ്ലിനെ അറ്റ്ലി പ്രത്യേകം പ്രശംസിച്ചു. ഭാവിയിലെ സൂപ്പർതാരമായി മാറാൻ സാധ്യതയുള്ള താരമാണ് നസ്ലൻ എന്ന് അറ്റ്ലി പറഞ്ഞു. താരത്തിന്റെ അഭിനയമികവും സ്ക്രീൻ പ്രസൻസും തന്നെ അത്ഭുതപ്പെടുത്തിയെന്നും അറ്റ്ലി കൂട്ടിച്ചേർത്തു. അറ്റ്ലിയുടെ വാക്കുകൾ... ‘’എന്തൊരു സിനിമയാണ് സീൻ. ഏറെ നാളുകൾക്ക് ശേഷമാണ് ഇത്രയും ഫ്രഷും തുടക്കം മുതൽ അവസാനം വരെ പ്രേക്ഷകരെ പിടിച്ചിരുത്തുന്നതുമായ കഥപറച്ചിലുള്ള ഗംഭീര കമേഴ്സ്യൽ എന്റർടെയ്നർ കാണുന്നത്! ജിത്തുവിന്റെ കഥപറച്ചിലിന്റെ ആരാധകനാണ് ഞാൻ. ഈ ചിത്രം ശരിക്കും സവിശേഷമാണ്. സൂര്യ സാർ, എന്തൊരു ഗംഭീര പ്രകടനമായിരുന്നു. സുഹൃത്തുക്കൾക്കും കുടുംബത്തിനുമൊപ്പം ആസ്വദിക്കാനാകുന്ന ചിത്രം. നസ്ലൻ, എന്തൊരു അഭിനേതാവാണ്! അതിശയിപ്പിക്കുന്ന വ്യക്തിപ്രഭാവവും സ്ക്രീൻ പ്രസൻസുമുണ്ട് നസ്ലന്. ഒരു സൂപ്പർതാരം കൂടി പിറക്കുകയാണിവിടെ! തീർച്ചയായും നസ്ലൻ സിനിമാലോകം ഭരിക്കും. പിന്നെ എന്റെ പ്രിയപ്പെട്ട കൂട്ടുകാരി നസ്രിയ. തമിഴിലേക്കുള്ള മനോഹരമായ തിരിച്ചുവരവാണിത്! ഒരു ആയാസവുമില്ലാതെയുള്ള ഹ്യൂമറും, ചാമും, ആ കുഞ്ഞു കുഞ്ഞു ഭാവങ്ങളുമൊക്കെ വേറെ ലെവൽ ആയിരുന്നു! ഇനിയും നസ്രിയയെ സ്ക്രീനിൽ ഒരുപാട് കാണണം! ആനന്ദരാജ് സാർ ഗംഭീര പ്രകടനം ആയിരുന്നു! സുഷിൻ ശ്യാമിന്റെ സംഗീതം, സിനിമയ്ക്ക് മുന്നിലും പിന്നിലും പ്രവർത്തിച്ച എല്ലാവരുടെയും മികച്ച പ്രകടനവും എടുത്തുപറയേണ്ടതാണ്! നിർമാതാക്കൾക്കും 'ഴഗരം സ്റ്റുഡിയോസി'ലെ മുഴുവൻ ടീമിനും അഭിനന്ദനങ്ങൾ. സൂര്യ സാറിനും ജ്യോതിക മാഡത്തിനും സ്നേഹവും ആശംസകളും. ശരിക്കും ഫുൾ ഓൺ ഫൺ റൈഡ്.’’ തമിഴ് ക്രൈം-കോമഡി ചിത്രമായ 'സീൻ' തിയേറ്ററുകളിൽ വൻ വിജയം നേടി മുന്നേറുകയാണ്. ജിത്തു മാധവൻ സംവിധാനം ചെയ്ത ചിത്രം റിലീസ് ചെയ്ത് അഞ്ച് ദിവസത്തിനുള്ളിൽ ലോകമെമ്പാടുമുള്ള ബോക്സോഫീസിൽ നിന്ന് 174.40 കോടിയിലധികം രൂപ കളക്ഷൻ നേടിയതായാണ് റിപ്പോർട്ട്. ഇന്ത്യയിൽ നിന്നുള്ള നെറ്റ് കളക്ഷൻ 90.08 കോടി രൂപയാണ് (ഗ്രോസ് കളക്ഷൻ 104.73 കോടി രൂപ). ഇതിൽ തമിഴ് പതിപ്പാണ് കളക്ഷനിൽ മുന്നിൽ നിൽക്കുന്നതെന്നാണ് റിപ്പോർട്ട്. ഒപ്പം തെലുങ്ക് ഡബ്ബ് പതിപ്പിനും മികച്ച കളക്ഷൻ ലഭിക്കുന്നുണ്ട്. കൂടാതെ ഓവർസീസ് വിപണിയിൽ നിന്ന് മാത്രം 61.25 കോടി രൂപയാണ് ചിത്രം വാരിക്കൂട്ടിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
“Buy 1 Get 1 Free” റീച്ചാര്ജ് പ്ലാന് വീണ്ടും അവതരിപ്പിച്ച് പ്രമുഖ ടെലികോം കമ്പനിയായ റിലയന്സ് ജിയോ. 299 രൂപയുടെയോ, 349 രൂപയുടെയോ പ്രീപെയ്ഡ് പ്ലാനുകള് ഉപയോഗിച്ച് റീച്ചാര്ജ് ചെയ്യുന്ന അര്ഹരായ ഉപയോക്താക്കള്ക്കാണ് ഈ ഓഫർ ലഭ്യമാകുന്നത്. ഇത്തരത്തിൽ റീച്ചാർജ് ചെയ്യുമ്പോൾ അവർക്ക് അതേ പ്ലാനിലുള്ള മറ്റൊരു റീച്ചാർജ് സൗജന്യമായി ലഭിക്കും. അതിലൂടെ പണം കൂടുതൽ ചെലവാക്കാതെ തന്നെ പ്ലാനിന്റെ കാലാവധി ഉപയോക്താക്കൾക്ക് ഇരട്ടിയാക്കാൻ സാധിക്കും. പ്രതിമാസ പ്രീപെയ്ഡ് പ്ലാനുകള് തെരഞ്ഞെടുക്കുന്നവർക്കാണ് ഈ ഓഫർ ലഭിക്കുന്നത്. 28 ദിവസമാണ് പ്ലാനിന്റെ കാലാവധി. സൗജന്യ വൗച്ചർ കൂടി റീച്ചാർജ് ചെയ്യുമ്പോൾ 56 ദിവസത്തെ കാലാവധി കിട്ടും. 349 രൂപ പ്ലാനിൽ ദിവസവും രണ്ട് ജിബി ഡാറ്റ, ട്രൂ ഫൈവ് ജി അണ്ലിമിറ്റഡ് എന്നിവ ലഭിക്കും. പ്രതിദിനം 1.5 ജിബി ഡേറ്റയാണ് 299 പ്ലാനില് ലഭിക്കുന്നത്. രണ്ട് പ്ലാനുകളിലും അൺലിമിറ്റഡ് വോയിസ് കോളിങ് സേവനം ലഭ്യമാണ്. ഇത് കൂടാതെ പ്രതിദിനം 100 എസ്എംഎസ് വരെ സൗജന്യമായും ലഭിക്കും. അതേസമയം തെരഞ്ഞെടുത്ത മൊബൈല് നമ്പറുകള്ക്ക് മാത്രമെ നിലവില് ഈ ഓഫര് ലഭിക്കുകയുള്ളൂ. നിങ്ങൾക്ക് ഔദ്യോഗികമായി പ്രോമോഷണല് എസ്എംഎസ് ലഭിച്ചിട്ടില്ല എങ്കിൽ, മൈജിയോ ആപ്പ് വഴി ഓഫറിന് അര്ഹതയുണ്ടോ എന്ന് പരിശോധിക്കാം. 7 ദിവസത്തിനുള്ളിൽ തന്നെ സൗജന്യ വൗച്ചര് നിങ്ങൾക്ക് ലഭിക്കും. ആദ്യം റീച്ചാര്ജ് ചെയ്തതിന് ഏഴ് ദിവസത്തിനകമായിരിക്കും സൗജന്യ റീച്ചാര്ജ് വൗച്ചര് മൈജിയോ ആപ്പിലെ വൗച്ചേഴ്സ് എന്ന വിഭാഗത്തില് നേരിട്ട് ക്രെഡിറ്റ് ചെയ്യുക. ഓഫർ എങ്ങനെ പരിശോധിക്കാം, ക്ലെയിം ചെയ്യാം? മൈജിയോ (MyJio) ആപ്പ് ലോഗിൻ ചെയ്യുക. ഹോം പേജിലെ ബാനറിലോ അല്ലെങ്കിൽ “Recommended plans for you” എന്ന വിഭാഗത്തിലെ ₹299, ₹349 പ്ലാനുകളിലോ "Buy 1 Get 1 Free" ബാഡ്ജ് ഉണ്ടോ എന്ന് പരിശോധിക്കുക. അതിന് ശേഷം നിങ്ങൾക്ക് അനുയോജ്യമായ പ്ലാൻ തിരഞ്ഞെടുത്ത് റീച്ചാർജ് ചെയ്യുക. 7 ദിവസത്തിനകം മൈജിയോ ആപ്പിൽ കയറി (MyJio > Menu > Vouchers) സൗജന്യ ഓഫർ റെഡീം ചെയ്യുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ഹാലോവീൻ പാർട്ടിക്കിടെ പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം ഉണ്ടായ സംഭവത്തിൽ ഒരാൾ പിടിയിൽ. കടവന്ത്രയിൽ താമസിക്കുന്ന കോട്ടയം പെരുന്ന സ്വദേശി അലക്സ് (20) ആണ് പിടിയിലായത്. ആലുവ പോലീസ് ആണ് ഇയാളെ പിടികൂടിയത്. പ്രായപൂർത്തിയാകാത്തവർ പങ്കെടുത്ത പാർട്ടിയിൽ മദ്യം വിളമ്പിയതിലും പോലീസ് അന്വേഷണം ഊർജ്ജിതമാക്കിയിട്ടുണ്ട്. മദ്യത്തിന് പുറമെ പാർട്ടിയിൽ മറ്റെന്തെങ്കിലും തരത്തിലുള്ള ലഹരിവസ്തുക്കൾ ഉപയോഗിച്ചിരുന്നോ എന്നും പോലീസ് വിശദമായി പരിശോധിച്ചുവരികയാണ്. ഇക്കഴിഞ്ഞ ഒക്ടോബർ 31-നായിരുന്നു ആലുവയിലെ ഒരു റിസോർട്ടിൽ ഹാലോവീൻ പാർട്ടി നടന്നത്. എറണാകുളത്തെ പ്രമുഖ വിദ്യാലയങ്ങളിൽ പഠിക്കുന്ന ആൺകുട്ടികളും പെൺകുട്ടികളും അടക്കം 15 പേർ പാർട്ടിയിൽ പങ്കെടുത്തിരുന്നു. ഇതിൽ പ്രായപൂർത്തിയാകാത്ത രണ്ട് പെൺകുട്ടികളുമുണ്ടായിരുന്നു. പെൺകുട്ടികൾ മാത്രമാണ് പോകുന്നതെന്നായിരുന്നു കുട്ടികൾ വീടുകളിൽ അറിയിച്ചിരുന്നത്. എന്നാൽ സംശയം തോന്നി ഒരു കുട്ടിയുടെ പിതാവ് റിസോർട്ടിൽ നേരിട്ടെത്തിയപ്പോഴാണ് പ്രായപൂർത്തിയാകാത്തവർ അടക്കമുള്ളവർക്ക് അവിടെ മദ്യം നൽകിയ വിവരമറിയുന്നത്. തുടർന്ന് ഇദ്ദേഹം മറ്റ് മാതാപിതാക്കളെയും വിവരമറിയിച്ച് സ്ഥലത്തേക്ക് വിളിച്ചുവരുത്തുകയായിരുന്നു. പാർട്ടിക്കിടെ മകൾക്ക് നേരെ ലൈംഗികാതിക്രമം ഉണ്ടായെന്ന് മാതാപിതാക്കൾ നൽകിയ പരാതിയുടെ അടിസ്ഥാനത്തിൽ പോലീസ് കേസെടുക്കുകയായിരുന്നു. പ്രായപൂർത്തിയാകാത്ത കുട്ടികൾ പങ്കെടുത്ത പാർട്ടിയിൽ മദ്യം വിളമ്പിയ സംഭവത്തിൽ റിസോർട്ട് ഉടമകളിൽ നിന്നും ജീവനക്കാരിൽ നിന്നും മൊഴിയെടുക്കും. റിസോർട്ട് മാനേജ്മെന്റിന്റെ അറിവോടെയാണോ മദ്യം വിളമ്പിയതെന്നാണ് പോലീസ് അന്വേഷിക്കുന്നത്. ഇത്തരം പാർട്ടികളുടെ മറവിൽ പ്രായപൂർത്തിയാകാത്ത കുട്ടികളെ ഉൾപ്പെടുത്തി ലഹരി ഉപയോഗം നടക്കുന്നുണ്ടോ എന്നതും അന്വേഷണ പരിധിയിലുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ഇന്ത്യൻ ഒളിംപിക് അസോസിയേഷൻ (ഐഒഎ) വനിതാ പ്രതിനിധികളുടെ തെരഞ്ഞെടുപ്പിൽ നിലവിലെ പ്രസിഡന്റ് പി.ടി.ഉഷയ്ക്ക് തിരിച്ചടി. സ്പോർട്സ്മാൻ ഓഫ് ഔട്ട്സ്റ്റാൻഡിങ് മെറിറ്റ് (എസ്ഒഎം) വിഭാഗത്തിലെ നാല് വനിതാ സീറ്റുകളിലേക്ക് നടന്ന വോട്ടെടുപ്പിൽ പി.ടി.ഉഷ പരാജയപ്പെട്ടു. അതേസമയം, അഞ്ജു ബോബി ജോർജും മുൻ ബാഡ്മിന്റൻ താരം സൈന നെഹ്വാളും ഉൾപ്പെട്ട എതിർ പാനലിലെ മുഴുവൻ സ്ഥാനാർത്ഥികളും വിജയം സ്വന്തമാക്കി. ആറുപേരാണ് മത്സരരംഗത്തുണ്ടായിരുന്നത്. തെരഞ്ഞെടുപ്പിലെ തോൽവി പി.ടി ഉഷയ്ക്ക് വലിയ തിരിച്ചടിയായി മാറിയിരിക്കുകയാണ്. വരുന്ന ഡിസംബർ 5-ന് നടക്കുന്ന പ്രധാന ഐഒഎ തെരഞ്ഞെടുപ്പിൽ മത്സരിക്കണമെങ്കിൽ ഇനി പി.ടി.ഉഷയ്ക്ക് ഏതെങ്കിലും ദേശീയ കായിക ഫെഡറേഷന്റെ നാമനിർദേശം ആവശ്യമാണ്. എന്നാൽ ഇതിനുള്ള സാധ്യത കുറവാണെന്നാണ് വിലയിരുത്തൽ. മുൻനിര താരങ്ങളായ അഞ്ജു ബോബി ജോർജ്, സൈന നെഹ്വാൾ, റാണി രാംപാൽ, ഡോള ബാനർജി എന്നിവർ വിജയിച്ചതോടെ പി.ടി. ഉഷ അഞ്ചാം സ്ഥാനത്തേക്ക് പിന്തള്ളപ്പെടുകയായിരുന്നു. ഇതോടെ പ്രസിഡന്റ് തിരഞ്ഞെടുപ്പിനുള്ള പാനലിന് പുറത്തായ ഉഷയ്ക്ക് എസ്.ഒ.എം പ്രതിനിധിയായി തിരിച്ചെത്താൻ കഴിയാതെയായിരിക്കുകയാണ്. ബിജെപി നേതൃത്വം ശക്തമായ നിലപാടെടുത്ത് പിന്തുണച്ചില്ലെങ്കിൽ പി.ടി. ഉഷയ്ക്കുള്ള സാധ്യത പൂർണ്ണമായും അടയും. അങ്ങനെ സംഭവിച്ചാൽ മുൻ ബാഡ്മിന്റൻ താരം സൈന നെഹ്വാളോ ഷൂട്ടർ ഗഗൻ നരംഗോ ഐഒഎയുടെ പുതിയ പ്രസിഡന്റായി തിരഞ്ഞെക്കപ്പെടാനാണ് കൂടുതൽ സാധ്യത. പുരുഷന്മാരുടെ എസ്ഒഎം (SOM) വിഭാഗത്തിൽ മുൻനിര താരങ്ങളായ ഗഗൻ നരംഗ് (ഷൂട്ടിങ്), കമലേഷ് നവിൻചന്ദ്ര മേത്ത (ടേബിൾ ടെന്നീസ്), യോഗേശ്വർ ദത്ത് (ഗുസ്തി), വിജേന്ദർ സിങ് (ബോക്സിങ്) എന്നിവർ നേരത്തെ എതിരില്ലാതെ തിരഞ്ഞെടുക്കപ്പെട്ടു. ആകെയുള്ള 80 അംഗ 'എസ്ഒഎം' പാനലിലെ വോട്ടർമാരാണ് 8 പ്രതിനിധികളെ (4 പുരുഷന്മാരും 4 വനിതകളും) ഐഒഎ ജനറൽ അസംബ്ലിയിലേക്ക് വോട്ടെടുപ്പിലൂടെ തിരഞ്ഞെടുക്കുന്നത്. ഇവിടെ എസ്ഒഎം പ്രതിനിധികളായി എത്തുന്ന കായികതാരങ്ങൾക്ക് ഡിസംബർ 5-ന് നടക്കുന്ന ഐഒഎയുടെ പ്രധാന ഭരണസമിതി തിരഞ്ഞെടുപ്പിൽ നിർണായക വോട്ടവകാശവും എക്സിക്യൂട്ടീവ് കൗൺസിലിലേക്ക് മത്സരിക്കാനുള്ള യോഗ്യതയും ലഭിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.