Thiruvananthapuram

GPT-Live Voice: പഴയ വോയ്സ് മോഡുകള്‍ പിന്‍വലിച്ചു, ചാറ്റ്ജിപിടിയിലേക്ക് പുതിയ 'ജിപിടി-ലൈവ്' മോഡ് വരുന്നു

Written & Updated by: Mekha P Panicker

Published: Nov 12, 2026, 01:18 PM | Updated: Nov 12, 2026, 01:18 PM

പഴയ വോയ്സ് മോഡലുകൾ പിൻവലിക്കാൻ ഓപ്പൺ എഐ. പുതിയ 'ജിപിടി-ലൈവ്' (GPT-Live) മോഡലിലേക്ക് പൂർണമായും മാറും.

ചാറ്റ് ജിപിടിയിലെ വോയ്സ് അനുഭവം കൂടുതൽ മികച്ചതാക്കുന്നതിന്റെ ഭാഗമായി പഴയ മോഡലുകൾ കമ്പനി ഔദ്യോഗികമായി പിൻവലിക്കുമെന്ന് നവംബർ 10-നാണ് പ്രഖ്യാപിച്ചത്. ജിപിടി-ലൈവ് മോഡലിലേക്ക് ഡിസംബർ 11 മുതൽ മാറും.

ഫുൾ-ഡ്യൂപ്ലക്സ് സാങ്കേതികവിദ്യയുള്ള പുതിയ ലൈവ് മോഡ് വഴി ചാറ്റിജിപിടിയോടെ് സംസാരിച്ചുകൊണ്ടിരിക്കെ തടസ്സപ്പെടുത്താനും സംശയങ്ങൾ ചോദിക്കാനും കഴിയും. മാത്രമല്ല മനുഷ്യന്റേതുപോലുള്ള സംഭാഷണ ശൈലിയും ഇത് പിന്തുണയ്ക്കുന്നുണ്ട്.

ഉപയോക്താക്കൾ പ്രത്യേകിച്ച് ഒന്നും ചെയ്യേണ്ടതില്ല. ഡിസംബർ 11-ഓടെ ചാറ്റ്ജിപിടി സ്വയം പുതിയ ലൈവ് മോഡിലേക്ക് മാറും. പഴയ ചാറ്റ് ഹിസ്റ്ററികളോ സംഭാഷണങ്ങളോ നഷ്ടപ്പെടില്ല.

നിലവിൽ ജിപിടി-ലൈവ് മോഡ് വീഡിയോ അല്ലെങ്കിൽ സ്ക്രീൻ-ഷെയറിംഗ് ഫീച്ചറുകൾ പിന്തുണയ്ക്കുന്നില്ലാത്തതിനാൽ ഇത്തരം സവിശേഷതകൾക്കായി മാത്രം അഡ്വാൻസ്ഡ് വോയ്സ് മോഡ് താൽക്കാലികമായി നിലനിർത്തും.

കഴിഞ്ഞ ജൂലൈയിൽ ജിപിടി-ലൈവ് അവതരിപ്പിച്ചതുമുതൽ വോയ്സ് ഉപയോഗം ഇരട്ടിയോളമായി വർധിച്ചതിനെത്തുടർന്നാണ് മുഴുവൻ ഉപയോക്താക്കളെയും ഒറ്റ പ്ലാറ്റ്ഫോമിലേക്ക് കൊണ്ടുവരാൻ കമ്പനി തീരുമാനിച്ചത്.

Mekha P Panicker

Mekha P Panicker