Photo
VideoT20I series: ഇന്ത്യക്കെതിരായ മൂന്നാം ടി20: ടീമില്‍ മാറ്റങ്ങള്‍ പ്രഖ്യാപിച്ച് ന്യൂസിലന്‍ഡ്
ഇന്ത്യക്കെതിരായ പരമ്പര കൈവിട്ടുപോകാതിരിക്കാന്‍ പുതിയ താരങ്ങളെ ഉള്‍പ്പെടുത്തിയും ജോലിഭാരം നിയന്ത്രിക്കും ടീമില്‍ മാറ്റങ്ങള്‍ വരുത്തി ന്യൂസിലന്‍ഡ്
)
ഇന്ത്യക്കെതിരായ മൂന്നാം ടി20 മത്സരത്തിന് മുന്നോടിയായി ടീമിലെ മാറ്റങ്ങള്‍ ന്യൂസിലന്‍ഡ് പ്രഖ്യാപിച്ചു. ഏകദിന പരമ്പര കൂടി വരാനുള്ളതുകൊണ്ട് കളിക്കാരുടെ ജോലിഭാരം കുറയ്ക്കാനാണ് നീക്കം.
ലോക്കി ഫെർഗൂസൻ ഓക്ക്‌ലന്‍ഡിലേക്ക് പോകുന്നതിനാല്‍ അദ്ദേഹത്തിന് മൂന്നാം ടി20 മത്സരം നഷ്ടമാകും. എന്നാല്‍ അവസാന രണ്ട് മത്സരങ്ങള്‍ക്കായി അദ്ദേഹം ടീമില്‍ തിരിച്ചെത്തും. മൂന്നാം ടി20 മത്സരത്തില്‍ മാത്രം ഫെര്‍ഗൂസന് പകരക്കാരനായി മാറ്റ് ഫിഷര്‍ വെല്ലിംഗ്ടണിലെ ടീമിനൊപ്പം ചേരും. അതിനുശേഷം അദ്ദേഹം ന്യൂസിലന്‍ഡ് എ ടീമിനിലേക്ക് മടങ്ങും.
മാറ്റ് ഹെൻട്രി നവംബര്‍ 2-ന് ഓക്ക്‌ലന്‍ഡില്‍ വെച്ച് ഏകദിന ടീമിനൊപ്പം ചേരുന്നതിനായി ക്രൈസ്റ്റ്ചര്‍ച്ചില്‍ തന്നെ തുടരും. ഒക്ടോബര്‍ 27 ചൊവ്വാഴ്ച നടക്കുന്ന മൂന്നാം ടി20യില്‍ കളിക്കുന്ന ജാമിസണ്‍ ഒക്ടോബര്‍ 31-ന് നടക്കുന്ന കാന്റര്‍ബറിയുടെ ഫോര്‍ഡ് ട്രോഫി മത്സരത്തിലും പങ്കെടുത്തശേഷമാകും ഏകദിന ടീമിലേക്ക് മടങ്ങുക.
അവസാന മൂന്ന് ടി20 മത്സരങ്ങള്‍ക്കായി ബ്ലെയര്‍ ടിക്ക്നറും അവസാന രണ്ട് മത്സരങ്ങള്‍ക്കായി ജോഷ് ക്ലാര്‍ക്ക്സണും ടീമിനൊപ്പം ചേരും. പേസര്‍മാരുടെ ജോലിഭാരം നിയന്ത്രിക്കാനും വരാനിരിക്കുന്ന മത്സരങ്ങളില്‍ മികച്ച പ്രകടനം പുറത്തെടുക്കാനും ക്രമീകരണങ്ങള്‍ സഹായിക്കുമെന്ന് ഹെഡ് കോച്ച് റോബ് വാള്‍ട്ടര്‍ വ്യക്തമാക്കി. നിലവില്‍ 0-2 ന് പിന്നില്‍ നില്‍ക്കുന്ന ന്യൂസിലന്‍ഡിന് ഒക്ടോബര്‍ 27-ന് നടക്കുന്ന മൂന്നാം ടി20 മത്സരം നിര്‍ണായകമാണ്.
ഒക്ടോബര്‍ 30-ന് ഓക്ക്‌ലന്‍ഡിലെ ഈഡന്‍ പാര്‍ക്കില്‍ നാലാം ടി20യും നവംബര്‍ 1-ന് ഹാമില്‍ട്ടണില്‍ അഞ്ചാം ടി20യും നടക്കും. നവംബര്‍ 2 മുതലാണ് ഏകദിന പരമ്പര ആരംഭിക്കുക.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
More from Zee Malayalam
)
)
)
)
)
)
)
)