Abhijeet Dipke: ഒരു വർഷത്തേക്ക് സമാധാനം ലംഘിക്കരുത്! അഭിജീത് ദിപ്കെയ്ക്ക് ഉപാധികളോടെ ജാമ്യം

ന്യൂഡൽഹി: ഡൽഹി പോലീസ് കരുതൽ തടങ്കലിലാക്കിയ സിജെപി സ്ഥാപകൻ അഭിജിത് ദീപ്കെയ്ക്ക് ജാമ്യം അനുവദിച്ചു. ഉപാധികളോടെയാണ് സ്പെഷ്യൽ എക്സിക്യൂട്ടീവ് മജിസ്ട്രേറ്റ് ജാമ്യം അനുവദിച്ചിരിക്കുന്നത്. മന്ദിർ മാർഗ് പോലീസ് സ്റ്റേഷനിലെ എസ്.ഇ.എമ്മിൽ അഭിജിത്തിനെ ഹാജരാക്കിയതിന് പിന്നാലെയാണ് ജാമ്യം നൽകിയത്. സി.ജെ.പി ആഹ്വാനം ചെയ്ത 'ലഹരാ ദോ തിരംഗ' പ്രതിഷേധ പരിപാടിയിൽ പങ്കെടുക്കാൻ കനോട്ട് പ്ലേസിലെ സെൻട്രൽ പാർക്കിലേക്ക് പോകുന്നതിനിടെയായിരുന്നു അഭിജിത് ദീപ്കെയെ പോലീസ് കസ്റ്റഡിയിലെടുത്തത്. ഉത്തരവിന്റെ വിശദാംശങ്ങൾ പുറത്തുവന്നതിന് ശേഷമേ ജാമ്യവ്യവസ്ഥ സംബന്ധിച്ച് കൂടുതൽ വ്യക്തത വരൂ എന്നാണ് അധികൃതർ അറിയിച്ചത്. നിലവിൽ കസ്റ്റഡിയിലുള്ള അഭിജിത്തിനെ ഉടൻ മോചിപ്പിക്കും. ജാമ്യവ്യവസ്ഥ പ്രകാരം പീസ് ബോണ്ട് (സമാധാന പാലനത്തിനുള്ള ബോണ്ട്) പാലിക്കാണം. അടുത്ത ഒരു വർഷത്തേക്ക് പ്രദേശത്ത് ക്രമസമാധാനം നിലനിർത്തണമെന്നതാണ് ജാമ്യവ്യവസ്ഥയിലെ പ്രധാന നിബന്ധന. ഭാരതീയ നാഗരിക് സുരക്ഷാ സംഹിതയുടെ 126, 170 വകുപ്പുകൾ പ്രകാരമാണ് അഭിജീത് ദീപ്കെയ്ക്കെതിരെ പോലീസ് നടപടിയെടുത്തത്. ദീപ്കെയ്ക്കൊപ്പം കസ്റ്റഡിയിലായ നേഹ ബോറയെ ഔദ്യോഗിക നടപടിക്രമങ്ങൾക്ക് ശേഷം നേരത്തെ വിട്ടയച്ചിരുന്നു. പൊതുസമാധാന ലംഘനമോ അക്രമ സംഭവങ്ങളോ നടത്താൻ സാധ്യതയുള്ളവർക്കെതിരെ കരുതൽ നടപടിയെടുക്കാൻ എക്സിക്യൂട്ടീവ് മജിസ്ട്രേറ്റിന് അധികാരം നൽകുന്നതാണ് ബി.എൻ.എസ്.എസ് (2023) വകുപ്പ് 126. ഝാന്ദേവാലനിലെ വസതിയിൽ നിന്നാണ് അഭിജീത് ദിപ്കെയെ ഡൽഹി പോലീസ് കസ്റ്റഡിയിലെടുത്തത്. കോഗ്നിസബിൾ കുറ്റകൃത്യങ്ങൾ നടക്കുന്നത് തടയാൻ മജിസ്ട്രേറ്റിന്റെ ഉത്തരവും വാറന്റും ഒന്നുമില്ലാതെ വ്യക്തികളെ കരുതൽ തടങ്കലിലാക്കാൻ പോലീസിന് അധികാരം നൽകുന്നതാണ് ഭാരതീയ നാഗരിക് സുരക്ഷാ സംഹിതയിലെ (BNSS) വകുപ്പ് 170. 20ൽ അധികം പോലീസുകാർ എത്തിയാണ് വെള്ളിയാഴ്ച അഭിജീത് ദിപ്കെയെ വീട്ടിൽ നിന്നും കസ്റ്റഡിയിലെടുത്തത്. സാധാരണക്കാർ, വ്യാപാരികൾ, യാത്രക്കാ‍ർ, രോഗികൾ എന്നിവരുടെ അവകാശങ്ങൾക്ക് ഭംഗം വരുത്തുന്ന പ്രവർത്തികൾ ചെയ്യാൻ പാടില്ലെന്ന് നിർദ്ദേശിച്ച് കൊണ്ട് ദീപ്കെയ്ക്ക് നോട്ടീസ് നൽകുകയും ചെയ്തു. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ പ്രതിഷേധിക്കാനായി ഡൽഹിയിലെത്തിയ സി.ജെ.പി നേതാക്കളായ അഭിജീത് ദിപ്കെ, സൗരവ് ദാസ്, അശുതോഷ് റാങ്ക എന്നിവരെ മുൻപും ഡൽഹി പോലീസ് കസ്റ്റഡിയിലെടുത്തിരുന്നു. വിമാനത്തിൽ വച്ചായിരുന്നു ഇവരെ കസ്റ്റഡിയിലെടുത്തത്. പ്രദേശത്ത് ഒരു വർഷത്തേക്ക് ക്രമസമാധാനം പാലിക്കണമെന്ന പീസ് ബോണ്ട് വ്യവസ്ഥയോടെയായിരുന്നു അന്ന് ഇവരെ വിട്ടയച്ചത്. സമാന സംഭവത്തിൽ സൗരവ് ദാസിനെയും അശുതോഷ് റാങ്കയെയും ഡൽഹി പോലീസ് വീണ്ടും കസ്റ്റഡിയിലെടുത്തു. ഒക്ടോബർ 13-ന് ജന്തർ മന്തറിൽ പ്രവേശിച്ചു എന്നതായിരുന്നു ഇവർക്കെതിരായ ആരോപണം. ഇരുവരും പീസ് ബോണ്ട് ലംഘിച്ചുവെന്ന് ബോധ്യപ്പെട്ടതിനാൽ ഇവരെ സ്പെഷ്യൽ എക്സിക്യൂട്ടീവ് മജിസ്ട്രേറ്റ് അഞ്ച് ദിവസത്തെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Delhi Protest: നേഹയെ വിട്ടയച്ചു, അഭിജീത് ദിപ്കെ അജ്ഞാത കേന്ദ്രത്തിൽ

ന്യൂഡൽഹി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവയ്ക്കണമെന്ന് ആവശ്യപ്പെട്ട് പ്രതിഷേധത്തിനായി പുറപ്പെട്ട സിജെപി സ്ഥാപകൻ അഭിജീത് ദിപ്കെയെ കസ്റ്റഡിയിലെടുത്ത് പോലീസ്. അഭിജീത് ദിപ്കെ എവിടെയാണെന്നത് സംബന്ധിച്ച് പോലീസ് വ്യക്തത വരുത്തിയിട്ടില്ല. അതേസമയം, ഐസ പ്രസിഡൻറ് നേഹ ബോറയെ വിട്ടയച്ചതായി ഡൽഹി പോലീസ് വ്യക്തമാക്കി. ദിപ്കെ എവിടെയാണെന്നത് സംബന്ധിച്ച് നിലവിൽ ഒരു വിവരവും ഡൽഹി പോലീസ് കൈമാറിയിട്ടില്ല. ദിപ്കെയെ ഉടൻ തന്നെ വിട്ടയക്കണമെന്ന് ആവശ്യപ്പെട്ട് സിജെപി നേതാക്കൾ ഡൽഹി പോലീസ് കമ്മീഷണർക്ക് കത്ത് നൽകി. സിജെപി നേതാവ് അജിൻക്യ ഷിൻഡെയും അഭിഭാഷകരും പാർലമെൻറ് സ്ട്രീറ്റ് പോലീസ് സ്റ്റേഷനിൽ രാത്രിയിൽ എത്തി അന്വേഷിച്ചെങ്കിലും പോലീസ് വിവരം നൽകിയില്ല. ദിപ്കെയെ ഇന്ന് മജിസ്ട്രേറ്റിന് മുന്നിൽ ഹാജരാക്കിയേക്കും. അതേസമയം, മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിൻറെ രാജി ആവശ്യപ്പെട്ട് ഇന്നും ഡൽഹിയിൽ വിദ്യാർഥി യുവജന പ്രസ്ഥാനങ്ങളുടെ പ്രതിഷേധത്തിന് സാധ്യതയുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Protest: തലസ്ഥാനത്ത് പ്രതിഷേധം ശക്തം: സിജെപി, ഇടതുപക്ഷ മാര്‍ച്ചുകള്‍ക്കിടെ പ്രവര്‍ത്തകര്‍ കസ്റ്റഡിയില്‍

ഡൽഹി: രാജ്യതലസ്ഥാനം സംഘർഷഭരിതം. ജന്തർമന്തറിൽ ദേശീയ പതാക ഉയർത്തിയതുമായി ബന്ധപ്പെട്ട് അറസ്റ്റിലായ സിജെപി നേതാക്കളായ സൗരവ് ദാസ്, അശുതോഷ് റാങ്ക എന്നിവരുടെ മോചനം ആവശ്യപ്പെട്ടും അവർക്ക് ഐക്യദാർഢ്യം പ്രഖ്യാപിച്ചുമാണ് സിജെപി തിരംഗ മാർച്ച് നടത്തിയത്. സിജെപി സ്ഥാപകനായ അഭിജിത് ദീപ്കെയാണ് മാർച്ചിന് ആഹ്വാനം ചെയ്തത് എന്നാൽ പ്രതിഷേധത്തിന് തൊട്ടുമുമ്പ് അഭിജിത് ദീപ്കെ ഡൽഹി പോലീസ് കസ്റ്റഡിയിലെടുത്തു. നിലവിൽ പ്രതിഷേധിച്ച 150 പേരെ ഡൽഹി പോലീസ് കസ്റ്റഡിയിലെടുത്തിട്ടുണ്ട്.

Delhi Protest: ജന്തർ മന്തറിലേക്ക് മാർച്ച് നടത്തി ഇടതുസംഘടനകൾ, തടഞ്ഞ് പോലീസ്; എഎ റഹീം, നികേഷ് കുമാർ ഉൾപ്പെടെയുള്ളവർ കസ്റ്റഡിയിൽ

ന്യൂഡൽഹി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിൻറെ രാജി ആവശ്യം ഉന്നയിച്ച് ഡൽഹിയിൽ പ്രതിഷേധം തുടരുന്നു. ജന്തർ മന്തർ സമരത്തിനായി വിട്ടുനൽകണമെന്ന് ആവശ്യപ്പെട്ടും രാജ്യതലസ്ഥാനത്ത് പ്രതിഷേധം തുടരുകയാണ്. ഇടതുയുവജന സംഘടനകളായ എസ്എഫ്ഐ, ഡിവൈഎഫ്ഐ, എഐവൈഎഫ് എന്നീ സംഘടനകൾ ജന്തർ മന്തറിന് സമീപമുള്ള ഫിറോസ് ഷാ റോഡിൽ നടത്തിയ മാർച്ച് ഡൽഹി പോലീസും കേന്ദ്ര സേനയും തടഞ്ഞു. എഎ റഹീം എംപി, എംവി നികേഷ് കുമാർ, ജെയ്ക് സി തോമസ്, ശിവദാസൻ, പിഎം ആർഷോ തുടങ്ങിയവർ പ്രതിഷേധം തുടരുകയാണ്. ഫിറോസ് ഷാ റോഡിൻറെ അവസാന ഭാഗത്ത് നിന്ന് ജന്തർ മന്തറിലേക്ക് പ്രതിഷേധ മാർച്ച് നടത്താനാണ് ലക്ഷ്യമിട്ടിരുന്നത്. എന്നാൽ, ഡൽഹി പോലീസും കേന്ദ്രസേനയും മാർച്ച് വഴിയിൽ തടഞ്ഞ് പ്രതിഷേധക്കാരെ ബലംപ്രയോഗിച്ച് നീക്കി. ഡൽഹിയിൽ പ്രതിഷേധം തുടരുന്ന സാഹചര്യത്തിൽ പോലീസ്, സിആർപിഎഫ്, ആർഎഎഫ് സേനാവിഭാഗങ്ങൾ ഡൽഹിയിൽ തുടരുകയാണ്. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവയ്ക്കണമെന്ന് ആവശ്യപ്പെട്ട് പ്രതിപക്ഷ പാർട്ടികൾ പ്രതിഷേധം ശക്തമാക്കിയിരിക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Protest: സിജെപി നേതാക്കളായ സൌരവ് ദാസും അശുതോഷ് റാങ്കയും ജുഡീഷ്യൽ കസ്റ്റഡിയിൽ; അജിൻക്യ ഷിൻഡെയ്ക്ക് ഉപാധികളോടെ ജാമ്യം

ന്യൂഡൽഹി: ന്യൂഡൽഹിയിലെ ജന്തർ മന്തറിൽ അനുമതിയില്ലാതെ പ്രവേശിച്ചതിന് സിജെപി നേതാക്കളായ സൌരവ് ദാസ്, അശുതോഷ് റാങ്ക, അജിൻക്യ ഷിൻഡെ എന്നിവരെ പോലീസ് കസ്റ്റഡിയിലെടുത്തു. തുടർന്ന് കോടതിയിൽ ഹാജരാക്കിയ ഇവരെ അഞ്ച് ദിവസത്തെ ജുഡീഷ്യൽ കസ്റ്റഡിയിൽ വിട്ടു. വ്യാഴാഴ്ച രാവിലെ എട്ട് മണിക്ക് മജിസ്ട്രേറ്റിന് മുന്നിൽ ഹാജരാക്കിയ ഇവരിൽ അജിൻക്യ ഷിൻഡെയ്ക്ക് കോടതി ഉപാധികളോടെ ജാമ്യം അനുവദിച്ചു. പോലീസ് ബാരിക്കേഡുകൾ തകർത്ത് ജന്തർ മന്തറിൽ പ്രവേശിച്ചതിനും മുദ്രാവാക്യം വിളിച്ചതിനും പുറമേ അതിക്രമിച്ച് കടക്കൽ, നിരോധനാജ്ഞ ലംഘനം, സമാധാനാന്തരീക്ഷം തകർക്കൽ, ഔദ്യോഗിക കൃത്യനിർവഹണം തടസപ്പെടുത്തൽ തുടങ്ങിയ ഗുരുതര കുറ്റങ്ങളാണ് ഇവർക്കെതിരെ ചുമത്തിയിരിക്കുന്നത്. അതേസമയം, കസ്റ്റഡിയിലുള്ള ഇവരെ പാർലമെൻറ് സ്ട്രീറ്റ് പോലീസ് സ്റ്റേഷനിൽ നിയമവിരുദ്ധമായ തടഞ്ഞുവച്ചതായി സിജെപി നേതാവ് രത്ന സിങ് ആരോപിച്ചു. പുലർച്ചെ മൂന്ന് മണിയോടെ ഒരു സ്വകാര്യ വാനിലാണ് ഇവരെ സ്റ്റേഷനിൽ എത്തിച്ചതെന്നും രാത്രി വൈകുന്നത് വരെ അഭിഭാഷകരെ കാണാൻ പോലും പോലീസ് അനുവദിച്ചില്ലെന്നും രത്ന സിങ് എക്സിൽ പങ്കുവച്ച കുറിപ്പിൽ വ്യക്തമാക്കി. ഇവരെ പിന്നീട് തിഹാർ ജയിലിലേക്ക് മാറ്റാൻ സാധ്യതയുണ്ടെന്നും സ്റ്റേഷനിൽ നിന്നുള്ള ചിത്രങ്ങൾ പങ്കുവച്ച് രത്ന സിംഗ് വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jantar Mantar: ജന്തർ മന്തറിനെ സമരവേദിയിൽ നിന്ന് ഒഴിവാക്കിയ നടപടിക്കെതിരെ സിജെപി; രാജ്യം മുഴുവൻ ജന്തർ മന്തറായി മാറുമെന്ന് മുന്നറിയിപ്പ്

ന്യൂഡൽഹി: ജന്തർ മന്തറിനെ ഔദ്യോഗിക പ്രതിഷേധ വേദികളുടെ പട്ടികയിൽ നിന്ന് ഒഴിവാക്കിയ ഡൽഹി പൊലീസ് നടപടിക്കെതിരെ കോക്റോച്ച് ജനതാ പാർട്ടി (സി.ജെ.പി) രംഗത്ത്. ജനങ്ങളുടെ മൗലികാവകാശങ്ങൾക്ക് മേലുള്ള കടന്നുകയറ്റവും ഏകാധിപത്യ പ്രവണതയുമാണ് ഈ തീരുമാനമെന്ന് സി.ജെ.പി കൺവീനർ അഭിജീത് ദീപ്കെയും കോ-കൺവീനർ സൗരവ് ദാസും വ്യക്തമാക്കി. ആരോടും മുൻകൂർ കൂടിയാലോചന നടത്താതെ കേന്ദ്ര ആഭ്യന്തര മന്ത്രാലയമാണ് ഏകപക്ഷീയമായി ഈ തീരുമാനം കൈക്കൊണ്ടതെന്ന് നേതാക്കൾ ആരോപിച്ചു. സർക്കാരിന്റെ ഈ നീക്കത്തിനെതിരെ എക്സ് പ്ലാറ്റ്‌ഫോമിലൂടെയാണ് സി.ജെ.പി കടുത്ത പ്രതിഷേധം രേഖപ്പെടുത്തിയത്. ജന്തർ മന്ദിർ ഇന്ത്യയിലെ ജനങ്ങളുടെ സ്വത്താണെന്നും വരും ദിവസങ്ങളിൽ രാജ്യം മുഴുവൻ ജന്തർ മന്തറായി മാറുമെന്നും സി.ജെ.പി നേതൃത്വം മുന്നറിയിപ്പ് നൽകി. രാജ്യതലസ്ഥാനത്തെ ജനകീയ പ്രതിഷേധങ്ങളെ നിയന്ത്രിക്കുന്നതിന്റെ ഭാഗമായി പതിറ്റാണ്ടുകളായി ഡൽഹിയിലെ പ്രധാന സമരകേന്ദ്രമായിരുന്ന ജന്തർ മന്തറിനെ ഔദ്യോഗിക പ്രതിഷേധ വേദികളുടെ പട്ടികയിൽ നിന്ന് പോലീസ് പൂർണ്ണമായും ഒഴിവാക്കുകയാണ് ചെയ്തത്. ജന്തർ മന്തറിന് പകരം രാംലീല മൈതാൻ, ബുരാരി ഗ്രൗണ്ട്, ഈസ്റ്റ് ഡൽഹിയിലെ സി.ബി.ഡി (CBD) ഗ്രൗണ്ട് എന്നീ മൂന്ന് കേന്ദ്രങ്ങളാണ് പ്രതിഷേധങ്ങൾക്കായി പുതുതായി അനുവദിച്ചിട്ടുള്ളത്. സമരങ്ങൾ തടസ്സമില്ലാതെ നടത്താൻ ബദൽ വേദികൾ കണ്ടെത്തണമെന്ന സുപ്രീം കോടതി നിർദ്ദേശവും കേന്ദ്ര ആഭ്യന്തര മന്ത്രാലയ സമിതിയുടെ ശുപാർശയും പരിഗണിച്ചാണ് ഈ നടപടി. ഇതിനായി 2022 ഏപ്രിൽ 28-ലെ ഉത്തരവ് പോലീസ് ഭേദഗതി ചെയ്തു. പാർലമെന്റിനും പ്രധാന കേന്ദ്ര ഓഫീസുകൾക്കും സമീപമുള്ള സമരവേദി മാറ്റിയത് പ്രതിപക്ഷ ശബ്ദങ്ങളെ ഇല്ലാതാക്കാനാണെന്ന വിമർശനം ശക്തമാകുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Chalo Delhi March: 'ചലോ ഡൽഹി' മാർച്ച് തടഞ്ഞു, സംഘർഷം; ഗ്യാനേഷിനെതിരെ ഹർജി സമ‍ർപ്പിച്ച് രാഹുൽ ഗാന്ധി

ന്യൂഡൽഹി: 'വോട്ട് ചോരി' ആരോപണങ്ങളിൽ മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം സംഘടിപ്പിച്ച 'ഡൽഹി ചലോ' മാർച്ച് സുപ്രീം കോടതിക്ക് സമീപം സംഘർഷഭരിതമായി. സുപ്രീം കോടതിക്ക് 200 മീറ്റർ അകലെ ശക്തമായ ബാരിക്കേഡുകൾ നിരത്തി പോലീസ് പ്രതിഷേധക്കാരെ തടഞ്ഞതോടെയാണ് രാജ്യതലസ്ഥാനത്ത് വീണ്ടും സംഘർഷമുടലെടുത്തത്. ബാരിക്കേഡുകൾ മറികടക്കാൻ ശ്രമിച്ച പ്രവർത്തകരെ പോലീസ് ബലം പ്രയോഗിച്ച് തള്ളിമാറ്റിയതോടെ പലതവണ ഉന്തും തള്ളുമുണ്ടായി. ഫുട്പാത്തിൽ നിന്നവരെ വരെ പോലീസ് ഒഴിപ്പിക്കാനും പ്രവർത്തകരെ വലിച്ചിഴച്ച് നീക്കാനും ശ്രമിച്ചതോടെ സ്ഥിതിഗതികൾ വഷളായി. എന്നാൽ സംഘർഷത്തിലേക്ക് കടക്കരുതെന്നും ശാന്തരാകണമെന്നും മുതിർന്ന നേതാക്കൾ പ്രവർത്തകർക്ക് നിർദ്ദേശം നൽകി. ഇന്ത്യ സഖ്യത്തിന്റെ സുപ്രീം കോടതി മാർച്ചതിനിടയിൽ സി.ഇ.സി ഗ്യാനേഷ് കുമാറിനെതിരെ രാഹുൽ ഗാന്ധി ഹർജി സമർപ്പിച്ചു. രാഹുൽ ഗാന്ധിക്ക് വേണ്ടി അദ്ദേഹത്തിന്റെ അഭിഭാഷകരാണ് വൈകിട്ട് 4:45-ഓടെ സുപ്രീം കോടതിയിൽ ഹർജി ഫയൽ ചെയ്തത്. എസ്.ഐ.ആർ (SIR) ഉൾപ്പെടെയുള്ള തെരഞ്ഞെടുപ്പ് കമ്മീഷന്റെ പ്രധാന തീരുമാനങ്ങളെ ചോദ്യം ചെയ്തുകൊണ്ടാണ് ഹർജി സമർപ്പിച്ചിരിക്കുന്നത്. മുഖ്യ തെരഞ്ഞെടുപ്പ് കമ്മീഷണർ ഏകപക്ഷീയമായ തീരുമാനങ്ങൾ നടപ്പിലാക്കുന്നുവെന്ന ഗുരുതരമായ ആരോപണങ്ങളും ഹർജിയിൽ ഉന്നയിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Delhi Protest: ഡൽഹി വീണ്ടും സംഘർഷഭരിതം: വിദ്യാർത്ഥികളെ വലിച്ചിഴച്ചു, ജോൺ ബ്രിട്ടാസ് എം.പിയെ വാഹനത്തിലിട്ട് തല്ലി

ന്യൂഡൽഹി: ഗ്യാനേഷ് കുമാറിന്റെ രാജി ആവശ്യപ്പെട്ട് കൊണാട്ട് പ്ലേസിൽ സി.ജെ.പി, ഇടത് യുവജന സംഘടനകൾ നടത്തിയ പ്രതിഷേധ മാർച്ചിനിടെ വീണ്ടും വ്യാപക സംഘർഷം. സമരം ചെയ്ത സി.ജെ.പി, എസ്.എഫ്.ഐ, ഡിവൈ.എഫ്.ഐ, എ.ഐ.എസ്.എഫ് പ്രവർത്തകരെ പോലീസ് ബലംപ്രയോഗിച്ച് മാറ്റാൻ ശ്രമിച്ചതാണ് രംഗം വഷളാക്കിയത്. പ്രതിഷേധിച്ച ജോൺ ബ്രിട്ടാസ് എം.പിയെ പോലീസ് ബലമായി വാഹനത്തിൽ കയറ്റിക്കൊണ്ടുപോയി വഴിയിൽ ഇറക്കിവിട്ടു. പോലീസ് വാഹനത്തിൽ വെച്ച് തനിക്ക് മർദ്ദനമേറ്റതായി അദ്ദേഹം ആരോപിച്ചു. സംഘർഷത്തിൽ എസ്.എഫ്.ഐ ദേശീയ അധ്യക്ഷൻ ആദർശ് എം. സജിയുടെ നെറ്റി പൊട്ടി പരിക്കേറ്റു. ഡിവൈ.എഫ്.ഐ നേതാവ് ജെയ്ക് സി. തോമസ് അടക്കമുള്ളവരെയും പോലീസ് കസ്റ്റഡിയിലെടുത്തു. സമരം റിപ്പോർട്ട് ചെയ്യാനെത്തിയ മാധ്യമപ്രവർത്തകരെയും പോലീസ് തടയാൻ ശ്രമിച്ചു. അതേസമയം ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രക്ഷോഭങ്ങൾ നാളെ മുതൽ കൂടുതൽ ശക്തമാക്കാൻ ഒരുങ്ങുകയാണ് 'ഇന്ത്യാ' മുന്നണി. സുപ്രീം കോടതിയിലേക്ക് മാർച്ച് നടത്തി ചീഫ് ജസ്റ്റിസിന് നിവേദനം സമർപ്പിക്കാനാണ് പ്രതിപക്ഷത്തിന്റെ നീക്കം. സി.ജെ.പിയുടെ സമരങ്ങൾക്കിടയിൽ ഉണ്ടായ അനിശ്ചിതത്വങ്ങൾക്കും പോലീസ് നടപടികൾക്കും പിന്നാലെ, വരും ദിവസങ്ങളിൽ പ്രതിഷേധങ്ങളുടെ മുൻനിരയിൽ സജീവമാകാനാണ് 'ഇന്ത്യാ' സഖ്യം തയാറെടുക്കുന്നത്. സി.ജെ.പിക്കും 'ഇന്ത്യാ' മുന്നണിക്കുമൊപ്പം എല്ലാത്തരം പ്രതിഷേധ സമരങ്ങളിലും ശക്തമായി ഒപ്പമുണ്ടാകുമെന്ന് സി.പി.എം വ്യക്തമാക്കി. സി.ജെ.പിയുടെ സമരവുമായി സഹകരിക്കേണ്ടതില്ലെന്ന ധാരണ 'ഇന്ത്യാ' മുന്നണി യോഗത്തിലുണ്ടായെങ്കിലും പ്രക്ഷോഭത്തിന് പൂർണ്ണ പിന്തുണ പ്രഖ്യാപിച്ച് രംഗത്തെത്തുകയായിരുന്നു സി.പി.എമ്മും തൃണമൂൽ കോൺഗ്രസും. മുൻ മുഖ്യമന്ത്രിമാരടക്കമുള്ള മുതിർന്ന നേതാക്കളെ നേരിട്ട് തെരുവിലിറക്കിയാണ് ഇന്നലെ ഈ പാർട്ടികൾ സി.ജെ.പിയുടെ സമരത്തിൽ ഐക്യദാർഢ്യം പ്രഖ്യാപിച്ചത്. സി.ജെ.പിയുമായി അകലം പാലിക്കണമെന്ന കോൺഗ്രസിന്റെ നിലപാട് തള്ളി, സി.ജെ.പിക്കും ഇന്ത്യാ സഖ്യത്തിനുമൊപ്പം ഒരുപോലെ നിലയുറപ്പിക്കുന്ന തന്ത്രപരമായ രാഷ്ട്രീയ നീക്കമാണ് സി.പി.എം നടത്തുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Supreme Court: മെട്രോയും ഇന്റർനെറ്റും പൂട്ടിക്കൊണ്ടുള്ള നിയന്ത്രണങ്ങൾ വേണ്ട! ഡൽഹി പോലീസിനെതിരെ ആഞ്ഞടിച്ച് സുപ്രീം കോടതി

ന്യൂഡൽഹി: ഗ്യാനേഷ് കുമാറിന്റെ രാജി ആവശ്യപ്പെട്ട് കോക്റോച്ച് ജനത പാർട്ടി നടത്തിയ മാർച്ചുമായി ബന്ധപ്പെട്ട് ഡൽഹി പോലീസ് സ്വീകരിച്ച നടപടികളിൽ സുപ്രീം കോടതിയുടെ കടുത്ത വിമർശനം. ഡൽഹി മെട്രോ സ്റ്റേഷനുകൾ അടച്ചിട്ട നടപടിയെ ചോദ്യം ചെയ്ത കോടതി, സാഹചര്യം അനുസരിച്ച് നിയന്ത്രണങ്ങൾ ആകാമെങ്കിലും ഒരുകാരണവശാലും മെട്രോ, റെയിൽ സർവീസുകൾ പൂർണ്ണമായി നിരോധിക്കരുതെന്ന് വ്യക്തമാക്കി. നിയമവ്യവസ്ഥ തകരാറിലാകുന്നതുവരെ മെട്രോ സാധാരണ നിലയിൽ പ്രവർത്തിക്കണം. കൂടാതെ ഇന്റർനെറ്റ് നിരോധനം പാടില്ലെന്നും, സർക്കാരിനെ മറികടന്ന് ക്രമസമാധാനം നടപ്പാക്കാൻ പോലീസിന് അധികാരമില്ലെന്നും സുപ്രീം കോടതി ഓർമ്മിപ്പിച്ചു. ജീവരക്ഷയും വ്യക്തിസ്വാതന്ത്ര്യവും പൗരനായാലും പോലീസുകാരനായാലും ഒരുപോലെ പ്രധാനമാണെന്ന് സുപ്രീം കോടതി വ്യക്തമാക്കി. കഴിഞ്ഞ ദിവസം ഡൽഹിയിൽ പ്രതിഷേധത്തിൽ പങ്കെടുത്ത എല്ലാവരെയും പോലീസ് കസ്റ്റഡിയിലെടുത്ത നടപടിയെയും പൊതുജനങ്ങളുടെ സഞ്ചാരസ്വാതന്ത്ര്യം തടഞ്ഞതിനെയും കോടതി ചോദ്യം ചെയ്തു. നിയമവ്യവസ്ഥ പൂർണ്ണമായി തകരാറിലാകുന്നതുവരെ മെട്രോ ഗതാഗതം തടസ്സപ്പെടുത്തരുതെന്ന് വ്യക്തമാക്കിയ കോടതി, ജനങ്ങളെ കസ്റ്റഡിയിലെടുക്കാനിടയായ സാഹചര്യവും അതിനായി സ്വീകരിച്ച നടപടികളും വിശദീകരിക്കാൻ നിർദ്ദേശിച്ചു. സംഭവത്തിൽ കേന്ദ്ര ക്യാബിനറ്റ് സെക്രട്ടറി, ഡൽഹി പോലീസ്, ഡി.എം.ആർ.സി എന്നിവരോട് സുപ്രീം കോടതി വിശദമായ റിപ്പോർട്ട് തേടിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Protest: ഗ്യാനേഷ് കുമാറിൻറെ രാജി ആവശ്യപ്പെട്ട് ഇന്നും പ്രതിഷേധം തുടരും; ഡൽഹി കലുഷിതമാകും

ന്യൂഡൽഹി: ഡൽഹിയിൽ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിൻറെ രാജി ആവശ്യപ്പെട്ട് പ്രതിഷേധം തുടരുന്നു. കോക്രോച്ച് ജനതാ പാർട്ടിയും ഇടതുപക്ഷ യുവജന വിദ്യാർഥി പ്രസ്ഥാനങ്ങളും ജന്തർ മന്തറിലെ സമരം തുടരാൻ ആഹ്വാനം ചെയ്തതോടെ രാജ്യതലസ്ഥാനത്ത് ഇന്നും സംഘർഷാവസ്ഥ നിലനിൽക്കുകയാണ്. അതിനിടെ പോലീസ് കസ്റ്റഡിയിലെടുത്ത സിജെപി നേതാവ് അഭിജീത് ദിപ്കെ അടക്കമുള്ള മൂന്ന് പേരുടെ നിലവിലെ വിവരങ്ങൾ ഡൽഹി പോലീസ് ഇതുവരെ പുറത്തുവിട്ടിട്ടില്ല. ഇന്ത്യ മുന്നണിയിലെ ജനപ്രതിനിധികൾ നാളെയും പ്രതിഷേധ പരിപാടികളുമായി മുന്നോട്ടുപോകും. യൂത്ത് കോൺഗ്രസും ഇന്ന് പ്രതിഷേധവുമായെത്തും. കഴിഞ്ഞ ദിവസം ഏഴായിരത്തോളം പ്രതിഷേധക്കാരെ പോലീസ് കസ്റ്റഡിയിൽ എടുത്തിരുന്നു. സുരക്ഷ ശക്തമാക്കിയതിൻറെ ഭാഗമായി ജന്തർ മന്തറിൽ ഇൻറർനെറ്റ് സേവനങ്ങളും ഡൽഹിയിൽ മെട്രോ ഗതാഗതവും പുനസ്ഥാപിച്ചിട്ടില്ല. അതേസമയം, പ്രതിഷേധക്കാർക്ക് നേരെയുണ്ടായ പോലീസ് നടപടികളെ ചോദ്യം ചെയ്യുന്ന ഹർജികൾ സുപ്രീംകോടതിയുടെ പ്രത്യേക ബെഞ്ച് ഇന്ന് പരിഗണിക്കും. ജസ്റ്റിസ് ജോയ് മല്യ ബാഗ്ചി, ജസ്റ്റിസ് വി മോഹനൻ എന്നിവരടങ്ങുന്ന ബെഞ്ചാണ് കേസ് പരിഗണിക്കുന്നത്. കോടതി ഉത്തരവ് ലംഘിച്ചെന്ന് ചൂണ്ടിക്കാട്ടി കേന്ദ്ര ആഭ്യന്തര സെക്രട്ടറിക്ക് എതിരെ കോടതിയലക്ഷ്യ ഹർജിയും ഫയൽ ചെയ്തിട്ടുണ്ട്. വിഷയത്തിൻറെ പ്രാധാന്യം കണക്കിലെടുത്താണ് അവധി ദിനത്തിലും പ്രത്യേക സിറ്റിങ് നടത്താൻ സുപ്രീംകോടതി തീരുമാനിച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Pinarayi Vijayan: 8 മണിക്കൂർ കസ്റ്റഡിക്ക് ശേഷം വിട്ടയച്ചു! ഇതുകൊണ്ടൊന്നും പ്രതിഷേധം നിൽക്കില്ലെന്ന് പിണറായി വിജയൻ

ന്യൂഡൽഹി: ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ പ്രതിഷേധിക്കുന്നതിനിടെ പോലീസ് കസ്റ്റഡിയിലെടുത്ത പ്രതിപക്ഷ നേതാവ് പിണറായി വിജയനെ ഡൽഹി പോലീസ് വിട്ടയച്ചു. മന്ദിർ മാർഗ് പോലീസ് സ്റ്റേഷനിൽ നിന്നാണ് 8 മണിക്കൂറിന് ശേഷം അദ്ദേഹത്തെ മോചിപ്പിച്ചത്. രാവിലെ 10:30-ഓടെ കസ്റ്റഡിയിലെടുത്ത പിണറായിയെ മൂന്നര മണിക്കൂറോളം വാഹനത്തിൽ കറക്കിയ ശേഷമാണ് പോലീസ് സ്റ്റേഷനിലേക്ക് മാറ്റിയത്. അതേസമയം സ്റ്റേഷനിൽ നിന്ന് പുറത്തിറങ്ങിയ ഉടൻ പോലീസ് നടപടിക്കെതിരെ കടുത്ത ഭാഷയിൽ പിണറായി വിജയൻ പ്രതികരിച്ചു. "എന്തിനാണ് ഇങ്ങനെ ചെയ്തത്? തികച്ചും വിചിത്രമായ നടപടികളാണ് പോലീസിന്റെ ഭാഗത്തുനിന്നും ഉണ്ടായത്. ഇത്തരത്തിലുള്ള നീക്കങ്ങൾ കൊണ്ട് സമരം തണുപ്പിക്കാമെന്ന് ആരും കരുതേണ്ട‌. ഗ്യാനേഷ് കുമാർ രാജി വെക്കുന്നതുവരെ ശക്തമായ പ്രതിഷേധങ്ങളുമായി മുന്നോട്ട് പോകുമെന്ന് പിണറായി വിജയൻ വ്യക്തമാക്കി. കസ്റ്റഡിയിലെടുത്ത മുൻ മുഖ്യമന്ത്രി പിണറായി വിജയനടക്കമുള്ള നേതാക്കളെ മൂന്നര മണിക്കൂറിന് ശേഷമാണ് ഡൽഹി പോലീസ് മന്ദിർ മാർഗ് സ്റ്റേഷനിലെത്തിച്ചത്. വാഹനത്തിലുണ്ടായിരുന്ന മന്ത്രി കെ. എൻ. ബാലഗോപാലും ജോൺ ബ്രിട്ടാസ് എം.പിയും ശക്തമായി പ്രതിഷേധിച്ചെങ്കിലും ഡൽഹി പോലീസ് അവഗണന തുടരുകയായിരുന്നു. പിണറായി വിജയന്റെ മരുന്നും ഭക്ഷണവും മുടങ്ങിയെന്ന് ഒപ്പമുണ്ടായിരുന്ന നേതാക്കൾ സോഷ്യൽ മീഡിയ ലൈവിലൂടെ പുറത്തുവിട്ടിരുന്നു. പ്രായമായ മുതിർന്ന നേതാവിനോട് പോലീസ് അങ്ങേയറ്റം മോശമായാണ് പെരുമാറിയതെന്നും നേതാക്കൾ കുറ്റപ്പെടുത്തുകയുണ്ടായി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BRICS Summit 2026: ബ്രിക്സ് ഉച്ചകോടി: ഡൽഹിയിൽ കനത്ത സുരക്ഷയും ഗതാഗത നിയന്ത്രണങ്ങളും

ബ്രിക്സ് ഉച്ചകോടിയുടെ (BRICS Summit) ഭാഗമായി ഡൽഹി കനത്ത സുരക്ഷയിലാണ്. നഗരത്തിലുടനീളം ഗതാഗത നിയന്ത്രണങ്ങളും വിപുലമായ സുരക്ഷാ ക്രമീകരണങ്ങളും ഭാരത് മണ്ഡപത്തിൽ നടക്കുന്ന 18-ാം ബ്രിക്സ് ഉച്ചകോടിയുടെ ഭാഗമായി ഏർപ്പെടുത്തിയിരിക്കുന്നത്. രാഷ്ട്രത്തലവന്മാരുടെയും മറ്റ് പ്രമുഖ പ്രതിനിധികളുടെയും യാത്രകളെ തുടർന്ന് സെപ്റ്റംബർ 11-ന് ഉച്ചകഴിഞ്ഞ് 2 മണി മുതൽ രാത്രി 8:30 വരെ പ്രധാന റോഡുകളിൽ ഡൽഹി ട്രാഫിക് പോലീസ് ഗതാഗത നിയന്ത്രണങ്ങൾ ഏർപ്പെടുത്തി. അതതുസമയത്തെ സുരക്ഷാ സാഹചര്യങ്ങൾ വിലയിരുത്തി വിഐപി വാഹനങ്ങളുടെ യാത്രയ്ക്ക് വേണ്ടി പ്രധാന പാതകളിൽ ഗതാഗതം താൽക്കാലികമായി തടയുകയോ വഴിതിരിച്ചുവിടുകയോ മാത്രമേ ചെയ്യൂവെന്ന് അധികൃതർ വ്യക്തമാക്കി. അതിനാൽ യാത്രക്കാർ നേരത്തെ യാത്ര തിരിക്കാനും മെട്രോ പോലുള്ള പൊതുഗതാഗത സംവിധാനങ്ങൾ ഉപയോപ്പെടുത്താനും അധികൃതർ നിർദ്ദേശിച്ചു. 35 റോഡുകളില്‍ നിയന്ത്രണം ബ്രിക്സ് ഉച്ചകോടിയുടെ ഭാഗമായി ഏകദേശം 35 റോഡുകളിലെ ഗതാഗതത്തെ ബാധിക്കാൻ സാധ്യതയുണ്ട്. ഇതുമായി ബന്ധപ്പെട്ട നിർദ്ദേശങ്ങൾ ഡൽഹി പോലീസ് സോഷ്യൽ മീഡിയയിൽ പങ്കുവെച്ചിട്ടുണ്ട്.

Delhi Murder: അപ്പാർട്മെൻറിന് മുന്നിലിരുന്ന് മദ്യപിക്കുന്നതും ബഹളം വയ്ക്കുന്നതും ചോദ്യം ചെയ്തു; ഡൽഹിയിൽ മണിപ്പൂരി സംഗീതജ്ഞനെ തല്ലിക്കൊന്നു

ഡൽഹി: അപാർട്മെൻറിന് മുന്നിലിരുന്ന് മദ്യപിക്കുകയും ബഹളമുണ്ടാക്കുകയും ചെയ്തത് ചോദ്യം ചെയ്ത മണിപ്പൂരി സംഗീതജ്ഞനെ മർദ്ദിച്ചുകൊലപ്പെടുത്തി. മണിപ്പൂരിലെ മെയ്തേയ് സമുദായക്കാരനായ സി വിക്രം സിങ് (54) ആണ് കൊല്ലപ്പെട്ടത്. തെക്കുകിഴക്കൻ ഡൽഹിയിലെ കിലോകരി ഗ്രാമത്തിൽ തിങ്കളാഴ്ച പുലർച്ചെയാണ് സംഭവം. സംഭവവുമായി ബന്ധപ്പെട്ട് ഏഴ് പേരെ ഡൽഹി പോലീസ് അറസ്റ്റ് ചെയ്യുകയും ഒരു പ്രായപൂർത്തിയാകാത്ത ആളെ കസ്റ്റഡിയിലെടുക്കുകയും ചെയ്തു. ഡെലിവറി ഏജൻറുമാരും സമീപത്തെ ധാബയിലെ ജീവനക്കാരുമാണ് ആക്രമണത്തിന് പിന്നിലെന്ന് പോലീസ് വ്യക്തമാക്കി. അക്രമം ചോദ്യം ചെയ്തതിന് പിന്നാലെ ക്രൂരമർദ്ദനം വർഷങ്ങളായി കിലോകരി മേഖലയിൽ കുടുംബത്തോടൊപ്പം താമസിച്ചുവരികയായിരുന്നു വിക്രം സിങ്. പുലർച്ചെ വീടിന് പുറത്ത് സംഘടിച്ചെത്തിയ പ്രതികൾ മദ്യപിക്കുകയും വലിയ രീതിയിൽ ബഹളമുണ്ടാക്കുകയും ചെയ്തു. ഇത് ചോദ്യം ചെയ്തതിനെ തുടർന്ന് പ്രകോപിതരായ പ്രതികൾ വിക്രം സിങ്ങിനെ അതിക്രൂരമായി മർദ്ദിക്കുകയായിരുന്നു. വിവരമറിഞ്ഞ് പോലീസ് സ്ഥലത്തെത്തുമ്പോഴേക്കും ഗുരുതരമായി പരിക്കേറ്റ വിക്രം സിങ്ങിനെ മകൻ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചിരുന്നുവെങ്കിലും ജീവൻ രക്ഷിക്കാനായില്ല. അക്രമത്തിന് ശേഷം പ്രതികൾ പടിയിറങ്ങി ഓടിപ്പോകുന്നതിൻറെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. സംഭവത്തിൽ വിശദമായ അന്വേഷണം നടന്നു വരികയാണെന്ന് പോലീസ് അറിയിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Independence Day 2026: പട്ടവും ഡ്രോണുകളും പറത്തുന്നതിന് വിലക്ക്, നിയന്ത്രണങ്ങൾ കടുപ്പിച്ച് ഡൽഹി പോലീസ്

രാജ്യം 80-ാം സ്വാതന്ത്ര്യദിനം ആഘോഷിക്കുന്ന ഈ വേളയിൽ ചില നിര്‍ദേശങ്ങള്‍ നല്‍കി ഡല്‍ഹി പോലീസ്. പട്ടവും ഡ്രോണും പറത്തുന്നതിലടക്കം വിലക്കേർപ്പെടുത്തിയിട്ടുണ്ട്. സ്വാതന്ത്ര്യ ദിനാഘോഷം നടക്കുന്ന വേദിക്ക് സമീപമോ ആള്‍ക്കൂട്ടങ്ങള്‍ക്ക് നടുവിലോ ആകാശത്ത് നീങ്ങുന്നതോ പറക്കുന്നതോ ആയ വസ്തുക്കള്‍ ഉപയോഗിക്കാന്‍ പാടില്ല. ഓഗസ്റ്റ് 15 ന് നടക്കുന്ന പരിപാടികളുടെ ഭാഗമായിട്ടുള്ള സുരക്ഷാക്രമീകരണങ്ങളുടെ ഭാഗമാണ് ഈ നടപടി. വിലക്കുകള്‍ ഓഗസ്റ്റ് 16 വരെ സെന്‍ട്രല്‍ ഡല്‍ഹിയിലും ചെങ്കോട്ടയുടെ പരിസരങ്ങളിലും ഉണ്ടാകും. പട്ടവും വേണ്ട, ‍‍ഡ്രോണും വേണ്ട ഭാരതീയ നാഗരിക് സുരക്ഷാ സന്‍ഹിതയുടെ (BNSS) സെക്ഷന്‍ 163 പ്രകാരമാണ് സെന്‍ട്രല്‍ ഡിസ്ട്രിക്ട് ഡെപ്യൂട്ടി പോലീസ് കമ്മീഷണര്‍ രോഹിത് രാജ്ബീര്‍ സിങ് ഉത്തരവ് നല്‍കിയത്. പട്ടം, ഡ്രോണുകള്‍, പാരാഗ്ലൈഡുകള്‍, ഹോട്ട്-എയര്‍ ബല്യൂണുകള്‍, മൈക്രോ-ലൈറ്റ് വിമാനങ്ങള്‍ എന്നിവ അടങ്ങുന്ന ആകാശത്ത് നീങ്ങുന്നതോ പറക്കുന്നതോ ആയ വസ്തുക്കള്‍ക്കാണ് നിരോധനം ഏര്‍പ്പെടുത്തിയത്. സ്വാതന്ത്ര്യദിന പരിപാടികളില്‍ പങ്കെടുക്കുന്ന മുതിര്‍ന്ന സര്‍ക്കാര്‍ ഉദ്യോഗസ്ഥര്‍, വിശിഷ്ട വ്യക്തികള്‍, ജനക്കൂട്ടം എന്നിവരുടെ സുരക്ഷയ്ക്ക് വേണ്ടിയാണ് നിയന്ത്രണങ്ങള്‍. ഉത്തരവ് ലംഘിക്കുന്ന വ്യക്തികള്‍ക്കെതിരെ നിമനടപടികള്‍ സ്വീകരിക്കുമെന്ന് പോലീസ് വ്യക്തമാക്കി. ചെങ്കോട്ടയുടെ സുരക്ഷയ്ക്ക് സ്വാതന്ത്ര്യ ദിനത്തില്‍ പട്ടം പറത്തുന്നത് ഓള്‍ഡ് ഡല്‍ഹിയുടെ (Shahjahanabad) വിവിധ ഭാഗങ്ങളില്‍ ജനപ്രിയമാണ്. പക്ഷെ ഇതില്‍ വലിയ രീതിയുള്ള സുരക്ഷാ ആശങ്കയാണ് പോലീസിനുള്ളത്. കെട്ടിടങ്ങളുടെ മുകളില്‍ നിന്ന് ഇത്തരത്തില്‍ പട്ടം പറത്തുന്നത് സുരക്ഷാ സജീകരണങ്ങളെ തടസ്സപ്പെടുത്തും മാത്രമല്ല പട്ടത്തിന്റെ ചരട് കാല്‍നടയാത്രക്കാര്‍ക്കും വാഹനങ്ങള്‍ക്കും അപകട സാധ്യത ഉയര്‍‌ത്തും. മാത്രമല്ല പ്രധാന വേദികള്‍ക്ക് ചുറ്റുമുള്ള നിയന്ത്രിത വ്യോമാതിര്‍ത്തിയിലേക്ക് അനുമതിയില്ലാത്ത ഡ്രോണുകളും മറ്റും എത്തുന്നത് തടയാനുമാണ് നിയന്ത്രണങ്ങളുടെ പ്രധാന ലക്ഷ്യം. സ്വാതന്ത്ര്യദിനാഘോഷങ്ങളുടെ ഒരുക്കങ്ങള്‍ പുരോഗമിക്കുന്നതിനാല്‍ ചെങ്കോട്ടയ്ക്കും സമീപ പ്രദേശങ്ങള്‍ക്കും ചുറ്റും സുരക്ഷാ ഏജന്‍സികള്‍ കര്‍ശന നിരീക്ഷണം തുടരുന്നുണ്ട്. വൈദ്യുതി കമ്പനികളുടെ മുന്നറിയപ്പ് ഡല്‍ഹിയിലെ വൈദ്യുതി വിതരണ കമ്പനികള്‍ പ്രത്യേക നിര്‍ദേശമാണ് പട്ടം പറത്തുന്നതിനെതിരെ നിവാസികള്‍ക്ക് നല്‍കിയത്. ഓവര്‍ഹെഡ് ഇലക്ട്രിക്കല്‍ കേബിളുകള്‍ക്ക് സമീപം പട്ടം പറത്തരുതെന്നും 'മാഞ്ച' (Manjha) എന്നറിയപ്പെടുന്ന ലോഹപ്പൊടിയോ ഗ്ലാസ് കോട്ടിംഗോ പുരട്ടിയ പട്ടനൂലുകള്‍ ഉപയോഗിക്കരുതെന്നും ബി.എസ്.ഇ.എസ് (BSES), ടാറ്റാ പവര്‍ ഡി.ഡി.എല്‍ (Tata Power-DDL) തുടങ്ങിയ ഡിസ്കോമുകള്‍ കര്‍ശന നിര്‍ദേശം നല്‍കി. ഇത്തരം നൂലുകള്‍ വൈദ്യുതി ലൈനുകളില്‍ സ്പര്‍ശിച്ചാല്‍ വൈദ്യുതി അതിലൂടെ കടത്തിവിടാന്‍ സാധ്യതയുണ്ട്. വൈദ്യുതി തടസ്സങ്ങള്‍ക്കും, ഷോക്കേറ്റ് ജീവന്‍ നഷ്ടപ്പെടാനും ഇത് കാരണമാണ്. വൈദ്യുതി ലൈനില്‍ കുടുങ്ങിയ പട്ടം എടുക്കാന്‍ പോകരുതെന്നും കമ്പനികള്‍ നിര്‍ദേശം നല്‍കി. വന്‍ സുരക്ഷാ ക്രമീകരണങ്ങള്‍ സുരക്ഷാ ഏജന്‍സികള്‍ വലിയ രീതിയിലുള്ള സുരക്ഷാ ക്രമീകരണങ്ങളാണ് സജ്ജമാക്കിയിരിക്കുന്നത്. സിസിടിവി നിരീക്ഷണം അടക്കം പ്രദേശത്ത് ശക്തമായ ആന്റി-ഡ്രോണ്‍ സംവിധാനങ്ങളും മുഖം തിരിച്ചറിയുന്ന സാങ്കേതിക വിദ്യകളും ഒരുക്കിയിട്ടുണ്ട്. സുരക്ഷാ ഉദ്യോഗസ്ഥര്‍ പ്രധാന വേദിക്ക് ചുറ്റുമുള്ള മേല്‍ക്കൂരകളിലും പ്രവേശന കവാടങ്ങളിലും കര്‍ന നിരീക്ഷണമാണ് ഒരുക്കുക. ഉദ്യാഗസ്ഥരുമായി സഹകരിക്കാന്‍ അധികൃതര്‍ താമസക്കാര്‍ക്കും സന്ദര്‍ശകര്‍ക്കും നിര്‍ദേശം നല്‍കിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.