Thiruvananthapuram

iPhone Duo Screen Crack: 'ഐഫോണ്‍ ഡ്യുവോ' സ്ക്രീന്‍ തകരാര്‍, ബാധിക്കപ്പെട്ട യൂണിറ്റുകള്‍ മാറ്റിനല്‍കുമെന്ന് ആപ്പിള്‍

Written & Updated by: Mekha P Panicker

Published: Oct 29, 2026, 05:12 PM | Updated: Oct 29, 2026, 05:12 PM

ആപ്പിളിന്റെ പുതിയ ഫോള്‍ഡബിള്‍ ഫോണായ 'ഐഫോണ്‍ ഡ്യൂവോ' പുറത്തിറങ്ങി ദിവസങ്ങള്‍ക്കകം പരാതികള്‍ ഉയരുന്നു.

ഫോണിന്റെ മധ്യഭാഗത്തുള്ള ക്രീസില്‍ വിള്ളലുകള്‍ രൂപപ്പെടുന്നതായി സോഷ്യല്‍ മീഡിയയില്‍ ഉപയോക്താക്കള്‍ പരാതിപ്പെട്ടിരുന്നു. ചില ഡ്യൂവോ ഫോണുകളില്‍ സ്ക്രീന്‍ പ്രശ്നങ്ങളുണ്ടെന്ന് ആപ്പിള്‍ സ്ഥിരീകരിക്കുകയും ബാധിക്കപ്പെട്ട ഫോണുകള്‍ മാറ്റിനല്‍കുമെന്ന് അറിയിക്കുകയും ചെയ്തു.

മടക്കാവുന്ന ഫോണിന്റെ ഹിഞ്ച് (Hinge) താരതമ്യേന സ്ഥിരതയോടെ ചലിക്കണം ഇത് പെട്ടെന്ന് മുറുകിയതുപോലെ തോന്നുകയോ തുറക്കാന്‍ ആയാസം ആവശ്യമായി വരികയോ ചെയ്താല്‍ ശ്രദ്ധിക്കണം. ഹിഞ്ചിന്റെ ഭാഗത്ത് പൊടിപടലങ്ങള്‍ കിടക്കുന്നുണ്ടോയെന്ന് പരിശോധിക്കുക.

ഫോണ്‍ തുറക്കുമ്പോള്‍ വിള്ളല്‍ വീഴുന്നതുപോലെയോ പൊട്ടുന്നപോലെയോ ശബ്ദങ്ങള്‍ കേള്‍ക്കുമ്പോള്‍ ശ്രദ്ധിക്കണം. ഫോണ്‍ അടയ്ക്കുന്നതിന് മുന്‍പ് ഇന്നര്‍ ഡിസ്പ്ലേയില്‍ എന്തെങ്കിലും വസ്തുക്കള്‍ കിടക്കുന്നുണ്ടോയെന്ന് പരിശോധിക്കുക.

മധ്യഭാഗത്ത് തെളിയുന്ന വരകള്‍, വെളുത്ത പാടുകള്‍, പ്രകാശം മിന്നുമ്പോള്‍ അല്ലെങ്കില്‍ സ്ക്രീന്‍ പ്രവര്‍ത്തിക്കാതെ വരുമ്പോള്‍ ഉടന്‍ ശ്രദ്ധിക്കുക.

ഫോണ്‍ പൂര്‍ണ്ണമായി തുറക്കാന്‍ കഴിയാതെ വരികയോ അടച്ചുപിടിക്കുമ്പോള്‍ ഇടയില്‍ വിടവുകള്‍ കാണപ്പെടുകയോ ചെയ്യുമ്പോള്‍ ശ്രദ്ധിക്കുക. സ്ക്രീനില്‍ അനാവശ്യമായി കൂടുതല്‍ സമ്മര്‍ദ്ദം നല്‍കരുത്.

Mekha P Panicker