Thiruvananthapuram

Edits For macOS: മാക് ഒഎസിനായി 'എഡിറ്റ്സ്' ഡെസ്ക്ടോപ്പ് ആപ്പ് പുറത്തിറക്കി ഇന്‍സ്റ്റാഗ്രാം

Written & Updated by: Mekha P Panicker

Published: Nov 08, 2026, 03:33 PM | Updated: Nov 08, 2026, 03:33 PM

ഇൻസ്റ്റാഗ്രാമിന്റെ വീഡിയോ നിർമ്മാണ ആപ്പായ 'എഡിറ്റ്സ്' (Edits) മാക്ക് ഒഎസിനായി (macOS) ഡെസ്ക്ടോപ്പിൽ ലഭ്യമാക്കി.

സ്മാർട്ട്ഫോണുകളിൽ റീൽസുകളും വീഡിയോകളും എ‍ഡിറ്റ് ചെയ്യുന്നതിലെ പരിമിതികൾ ഒഴിവാക്കി വലിയ സ്ക്രീനിലും കമ്പ്യൂട്ടറിന്റെ സഹായത്തോടെയും കൃത്യതയോടെ വീഡിയോകൾ എഡിറ്റ് ചെയ്യാൻ ഇത് സഹായിക്കും. മൾട്ടി-ട്രാക്ക് ടൈംലൈൻ, കീഫ്രെയിം കൺട്രോളുകൾ, കളർ ഗ്രേഡിംഗ് ടൂളുകൾ, കസ്റ്റം ഫോണ്ടുകൾ, ഓഡിയോ സപ്പോർട്ട് എന്നിവ ഇതിൽ ഉൾപ്പെടുന്നു.

ഇൻസ്റ്റാഗ്രാമിന്റെ ലൈസൻസുള്ളതും റോയൽറ്റി ഫ്രീ ആയതുമായ ഓഡിയോ ലൈബ്രറികൾ ഡെസ്ക്ടോപ്പ് ആപ്പിലും ലഭ്യമാണ്. പരിമിതികളില്ലാതെ വിവിധ ഭാഷകളിൽ ഓട്ടോമേറ്റഡ് ക്യാപ്ഷനുകൾ ജനറേറ്റ് ചെയ്യാനുള്ള സൗകര്യമുണ്ട്.

മോഡൽ കോൺടെക്സ്റ്റ് പ്രോട്ടോക്കോൾ (MCP) വഴി AI ഏജന്റുകളെ ബന്ധിപ്പിക്കാൻ സാധിക്കും. വാട്ടർമാർക്കുകളില്ലാതെ 4K റെസല്യൂഷനിൽ വീഡിയോകൾ എക്സ്പോർട്ട് ചെയ്യാം.

മൊബൈൽ ആപ്പിൽ മുൻപ് സേവ് ചെയ്തിട്ടുള്ള അസറ്റുകളും ടെക്സ്റ്റ് സ്റ്റൈലുകളും ഡെസ്ക്ടോപ്പ് വർക്ക്സ്പേസുമായി ഓട്ടോമാറ്റിക്കായി സിങ്ക് ചെയ്യപ്പെടും. പ്രശസ്തമായ മറ്റ് വീഡിയോ എഡിറ്റിംഗ് ആപ്പുകളിലെ കീബോർഡ് കുറുക്കുവഴികൾ ഇതിലേക്കും ഇംപോർട്ട് ചെയ്ത് ഉപയോഗിക്കാം.

അക്കൗണ്ട് ടാഗുകൾ, ലൊക്കേഷൻ ടാഗുകൾ എന്നിവ ചേർത്ത് വീഡിയോകൾ നേരിട്ട ഇൻസ്റ്റാഗ്രാമിൽ പോസ്റ്റ് ചെയ്യാനും സാധിക്കും. കൂടാതെ 'ട്രയൽ റീൽസ്' പബ്ലിഷ് ചെയ്യാനും പിന്തുണയുണ്ട്.

Mekha P Panicker

Mekha P Panicker