&imwidth=640&imheight=360)
തിരുവനന്തപുരം: പ്രായപൂർത്തിയാകും മുൻപ് കുറ്റകൃത്യങ്ങളിൽ ഏർപ്പെടുന്നവർക്ക് 18 വയസ്സ് തികയുമ്പോൾ ഡ്രൈവിങ് ലൈസൻസ് നൽകുന്നതിൽ കർശന വ്യവസ്ഥ നടപ്പാക്കണമെന്ന് മുൻ ഡിജിപി ബി. സന്ധ്യ ആവശ്യപ്പെട്ടു. ബാലനീതി നിയമത്തിലെ പ്രായപരിധി 15 വയസ്സായി കുറയ്ക്കണമോ എന്ന വിഷയത്തിൽ റീഫോം കേരളയുടെ ആഭിമുഖ്യത്തിൽ സംഘടിപ്പിച്ച 'ഭദ്രപക്ഷം' അഭിപ്രായ രൂപീകരണ സെമിനാറിൽ സംസാരിക്കുകയായിരുന്നു മുൻ ഡിജിപി. 18 വയസ്സിന് താഴെയുള്ള എല്ലാ കുട്ടികളെയും ഒരൊറ്റ നിയമത്തിന് കീഴിൽ കൊണ്ടുവരുന്നതോ മുതിർന്ന കുറ്റവാളികൾക്കൊപ്പം ജയിലിലടയ്ക്കുന്നതോ പ്രായോഗികം അല്ല. എന്നാൽ, 14 വയസ്സിന് മുകളിലുള്ളവരിൽ ലഹരി ഉപയോഗവും കുറ്റവാസനയും പ്രകടിപ്പിക്കുന്നവരെ കൈകാര്യം ചെയ്യാൻ പ്രത്യേക സംവിധാനം വേണം. പെട്ടെന്നുള്ള വൈകാരിക പ്രതികരണങ്ങളുടെ അടിസ്ഥാനത്തിൽ കൊണ്ടുവരുന്ന നിയമഭേദഗതികൾ കോടതികളിൽ നിലനിൽക്കില്ല. അന്താരാഷ്ട്ര ഉടമ്പടികൾ, ഭരണഘടനാ വ്യവസ്ഥകൾ, ജുഡീഷ്യൽ റിവ്യൂ എന്നിവ മറികടന്ന് നിയമം നിലനിൽക്കാൻ കൃത്യമായ ഡാറ്റയും ശാസ്ത്രീയ പിന്തുണയും അനിവാര്യമാണെന്നും അവർ ചൂണ്ടിക്കാട്ടി. ബാലനീതി നിയമ ഭേദഗതിക്ക് സമഗ്രമായ ഗവേഷണവും പുനർവിചിന്തനവും അനിവാര്യമാണെന്ന് കേരള ലോ അക്കാദമി ഡയറക്ടർ അഡ്വ. നാഗരാജ് നാരായണൻ പറഞ്ഞു. തങ്ങൾ ചെയ്യുന്ന പ്രവൃത്തിയുടെ അനന്തരഫലങ്ങളെക്കുറിച്ചും നിയമത്തിന്റെ പരിമിതികളെക്കുറിച്ചും വ്യക്തമായ ബോധ്യമുള്ളവരാണ് ഇന്നത്തെ കൗമാരക്കാർ. കുറ്റം ചെയ്താൽ ലഭിക്കാവുന്ന ശിക്ഷ എത്രത്തോളമാണെന്ന് കൃത്യമായി അറിഞ്ഞുകൊണ്ട് നിയമത്തിന്റെ പഴുതുകൾ ഉപയോഗപ്പെടുത്തുന്ന പ്രവണത ഗൗരവമായി കാണണം. കുറ്റകൃത്യങ്ങൾ തടയുക എന്നതാണ് ഏതൊരു നിയമത്തിന്റെയും അടിസ്ഥാന ലക്ഷ്യമെന്നും അദ്ദേഹം ഓർമിപ്പിച്ചു. തലച്ചോറിലെ പ്രീഫ്രോണ്ടൽ കോർട്ടെക്സിന്റെ വളർച്ച മാത്രം മാനദണ്ഡമാക്കി ഇന്നത്തെ കാലത്ത് ഒരു വ്യക്തിയുടെ മാനസിക പക്വതയും കുറ്റകൃത്യങ്ങളിലെ ഉത്തരവാദിത്തവും നിർണയിക്കാനാവില്ലെന്ന് സൈക്യാട്രിസ്റ്റ് ഡോ. അരുൺ ബി. നായർ അഭിപ്രായപ്പെട്ടു. മൊബൈൽ ഉപയോഗവും ഓൺലൈൻ സ്രോതസ്സുകളും നിർമിതബുദ്ധിയും അവരുടെ ചിന്തകളെയും വ്യക്തിത്വത്തെയും ആഴത്തിൽ സ്വാധീനിക്കുന്നുണ്ട്. പ്രായപരിധി കുറയ്ക്കുമ്പോൾ ഡ്രൈവിങ് ലൈസൻസ്, സമ്മതപ്രായം തുടങ്ങിയ ആനുകൂല്യങ്ങളും 16 വയസ്സാക്കുമോ എന്ന വിദ്യാർഥികളുടെ മറുചോദ്യം ചിന്തിപ്പിക്കുന്നതാണ്. മസ്തിഷ്കത്തിന്റെ നൈസർഗിക വളർച്ചയും ബാഹ്യസ്രോതസ്സുകളിൽ നിന്നുള്ള അറിവിന്റെ സ്വാധീനവും ഒരുപോലെ പരിഗണിച്ചുവേണം ഇക്കാര്യത്തിൽ അന്തിമ തീരുമാനത്തിലെത്താനെന്നും അദ്ദേഹം വ്യക്തമാക്കി. കുറ്റവാളികളെ തിരുത്തി നല്ല പൗരന്മാരായി പരിഷ്കരിക്കുകയാണ് ശിക്ഷയുടെ ലക്ഷ്യമെന്ന് മാധ്യമപ്രവർത്തകൻ അഭിലാഷ് മോഹൻ പറഞ്ഞു. കടുത്ത ശിക്ഷകൾ നടപ്പാക്കുന്നതുകൊണ്ടുമാത്രം കുറ്റകൃത്യങ്ങൾ പൂർണമായി അവസാനിപ്പിക്കാനാകില്ല. കുട്ടികൾ കുറ്റവാളികളാകാതെ അവരെ എങ്ങനെ വാർത്തെടുക്കാം എന്നതിലാണ് ശ്രദ്ധ കേന്ദ്രീകരിക്കേണ്ടതെന്നും അദ്ദേഹം ചൂണ്ടിക്കാട്ടി. ജുവനൈൽ പ്രായപരിധി കുറച്ചതുകൊണ്ട് മാത്രം കുറ്റകൃത്യങ്ങൾക്ക് ശാശ്വത പരിഹാരമാകില്ലെന്ന് ലൈഫ് കോച്ച് ദീപ രാഹുൽ ഈശ്വർ അഭിപ്രായപ്പെട്ടു. നിലവിലുള്ള നിയമങ്ങൾ കർശനമായി നടപ്പാക്കുകയും മാതാപിതാക്കളുടെയും സമൂഹത്തിന്റെയും ഉത്തരവാദിത്തം ഉറപ്പാക്കുകയും ചെയ്യേണ്ടത് അനിവാര്യമാണെന്നും അവർ പറഞ്ഞു. മോട്ടോർ വാഹന-ഇൻഷുറൻസ് നിയമങ്ങളിൽ പ്രായോഗിക മാറ്റങ്ങൾ കൊണ്ടുവന്നാൽ വാഹനാപകടങ്ങളും നിയമലംഘനങ്ങളും നിയന്ത്രിക്കാനാകുമെന്ന് മാധ്യമപ്രവർത്തകൻ ഷാജൻ സ്കറിയ പറഞ്ഞു. ഗുരുതര കുറ്റകൃത്യങ്ങളിൽ ഏർപ്പെടുന്ന പ്രായപൂർത്തിയാകാത്തവർക്ക് അർഹമായ ശിക്ഷ ഉറപ്പാക്കാൻ നിലവിലെ നിയമങ്ങളിൽ കാലോചിതമായ മാറ്റം അനിവാര്യമാണെന്ന് സംരംഭകയും ബാലാവകാശ പ്രവർത്തകയുമായ ശോഭ വിശ്വനാഥ് വ്യക്തമാക്കി. മക്കൾക്ക് കൃത്യമായ കരുതലും ദിശാബോധവും നൽകുകയാണ് മാതാപിതാക്കൾ ചെയ്യേണ്ടത്. കുട്ടികളുടെ സുഹൃദ്ബന്ധങ്ങൾ നിരീക്ഷിക്കാനും വേണ്ടിടത്ത് ശാസിക്കാനും രക്ഷിതാക്കൾ തയാറാകണം. സ്കൂൾ-കോളേജ് തലങ്ങളിൽത്തന്നെ നിയമബോധവൽക്കരണം നൽകണമെന്നും ഇരകളെ കുറ്റപ്പെടുത്തുന്നതിന് പകരം സഹാനുഭൂതിയോടെയുള്ള സമീപനമാണ് സമൂഹം സ്വീകരിക്കേണ്ടതെന്നും അവർ കൂട്ടിച്ചേർത്തു. ചർച്ചയിൽ ജെയിൻ യൂണിവേഴ്സിറ്റി ന്യൂ ഇനിഷ്യേറ്റീവ്സ് ഡയറക്ടർ ഡോ. ടോം ജോസഫ്, ഭദ്ര കീർത്തി എന്നിവർ മോഡറേറ്റർമാരായിരുന്നു. ക്രിമിനൽ ബാധ്യത നിർണയിക്കുന്നതിനുള്ള പ്രായപരിധി 15 വയസായി കുറയ്ക്കണമെന്ന ആവശ്യമുയർത്തി ഡോ. ടോം ജോസഫും പ്രായപൂർത്തികാത്തയാൾ ഓടിച്ച കാറിടിച്ച് മരിച്ച ജയപാലകൃഷ്ണൻ്റെ മകൾ ഭദ്ര കീർത്തിയും ചേർന്ന് തുടക്കം കുറിച്ച ക്യാമ്പയിനാണ് ഭദ്ര പക്ഷം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂർ വാഹനാപകട കേസിൽ കാറിന്റെ ആർസി സസ്പെൻഡ് ചെയ്യരുതെന്ന് കേസിലെ പ്രതിയും കാർ ഉടമയുമായ അഡീഷനൽ സെഷൻസ് ജഡ്ജി. ഇത് ചൂണ്ടിക്കാട്ടി ജഡ്ജി മോട്ടർ വാഹന വകുപ്പിന് വിശദീകരണം നൽകി. മകൻ തന്റെ അറിവോടെയല്ല കാർ കൊണ്ടുപോയതെന്നായിരുന്നു ജഡ്ജി അറിയിച്ചത്. പ്രായപൂർത്തിയാകാത്ത മകന് വാഹനം ഓടിക്കാൻ കൊടുത്തതിന് ആർസി സസ്പെൻഡ് ചെയ്യാതിരിക്കാൻ കാരണമുണ്ടെങ്കിൽ ബോധിപ്പിക്കാൻ ആർടിഒ ആവശ്യപ്പെട്ടിരുന്നു. ആർടിഒയുടെ നോട്ടീസിനുള്ള മറുപടിയിലാണ് ജഡ്ജി ഇക്കാര്യം ചൂണ്ടിക്കാട്ടിയത്. തന്റെ വാദത്തിന് നിയമപരമായ സാധുതയുണ്ടെന്ന് തെളിയിക്കുന്നതിനായി സമാന കേസുകളിലെ മുൻകാല നടപടിക്രമങ്ങളുടെ പകർപ്പുകളും ജഡ്ജി ഹാജരാക്കിയിട്ടുണ്ട്. ഈ വിശദീകരണവും അനുബന്ധ രേഖകളും നിയമോപദേശത്തിനായി കൈമാറിയെന്ന് മോട്ടോർ വാഹന വകുപ്പ് ഉദ്യോഗസ്ഥർ അറിയിച്ചു. കഴിഞ്ഞ മാസം 25-ന് പുലർച്ചെയാണ് അഡീഷണൽ ജഡ്ജിയുടെ 17-കാരനായ മകൻ ഓടിച്ച കാർ സ്കൂട്ടറിലിടിച്ച് നോർത്ത് പറവൂർ മാഞ്ഞാലി സ്വദേശിയും തട്ടുകട ഉടമയുമായ ജയബാലകൃഷ്ണൻ (55) മരിച്ചത്. കാർ അമിതവേഗതയിലായിരുന്നുവെന്നാണ് റിപ്പോർട്ട്. അപകടത്തിൽ മരിച്ച ജയകൃഷ്ണന്റെ കുടുംബം അഡീഷനൽ ജില്ലാ ജഡ്ജിയ്ക്കെതിരെ പരാതി നൽകിയിരുന്നു. അപകടത്തിനുശേഷം തെളിവുകൾ നശിപ്പിക്കാനും അന്വേഷണം അട്ടിമറിക്കാനും ശ്രമിച്ചെന്നായിരുന്നു കുടുംബത്തിന്റെ ആരോപണം. ആരോപണത്തിൽ പ്രത്യേക അന്വേഷണം വേണമെന്നാവശ്യപ്പെട്ട് ചേരാനല്ലൂർ പോലീസ് സ്റ്റേഷനിൽ ഇവർ പരാതി നൽകിയിരുന്നു. അപകടം നടന്ന ദിവസം മുതൽ കേസിലെ ജഡ്ജിയുടെ ഇടപെടലുകളിൽ സംശയമുണ്ടെന്ന് കുടുംബത്തിന്റെ പരാതിയിൽ പറയുന്നു. ഇതിൽ വിശദമായ അന്വേഷണം വേണമെന്നും ഇവർ ആവശ്യപ്പെട്ടു. ഭാരതീയ ന്യായ സംഹിതയിലെ 238-ാം വകുപ്പ് പ്രകാരം പ്രത്യേക എഫ്ഐആർ രജിസ്റ്റർ ചെയ്യണമെന്നും പരാതിയിൽ ആവശ്യപ്പെട്ടു. നിയമങ്ങളും ചട്ടങ്ങളും ലംഘിച്ച് അപകടദിവസം ജഡ്ജി പോലീസ് സ്റ്റേഷനിലെത്തിയെന്നും കുടുംബം ആരോപിച്ചു. സ്റ്റേഷനിൽവെച്ച് മൊബൈലിൽ ചിത്രീകരിച്ച വീഡിയോ നിർബന്ധിച്ച് ഡിലീറ്റ് ചെയ്യിപ്പിച്ചതായും പരാതിയിൽ പറയുന്നു. പ്രായപൂർത്തിയാകാത്ത മകന് കാർ ഓടിക്കാൻ നൽകിയതിന്റെ പേരിൽ മോട്ടോർ വാഹന നിയമത്തിലെ 199എ വകുപ്പ് പ്രകാരമാണ് ജഡ്ജിയെ കേസിൽ ഉൾപ്പെടുത്തിയത്. നിയമനടപടികളിൽനിന്ന് മകനെ രക്ഷിക്കാനായി തെളിവുകൾ നശിപ്പിച്ചിട്ടുണ്ടെങ്കിൽ അതിലും പ്രത്യേക അന്വേഷണം വേണമെന്ന് കുടുംബം ആവശ്യപ്പെട്ടു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
പാലക്കാട്: വടക്കഞ്ചേരി തങ്കം ജംഗ്ഷന് സമീപം ദേശീയപാതയിലെ സർവീസ് റോഡിൽ സ്വകാര്യ ബസും ലോറിയും കൂട്ടിയിടിച്ച് അപകടം. ബസ് യാത്രക്കാരും ലോറി ഡ്രൈവറുമടക്കം മുപ്പതോളം പേർക്ക് പരിക്കേറ്റു. ഒരു യാത്രക്കാരന്റെ നില ഗുരുതരമാണ്. പരിക്കേറ്റവരെ ഇരട്ടക്കുളം സ്വകാര്യ ആശുപത്രിയിൽ പ്രവേശിപ്പിച്ചു. രാവിലെ പത്ത് മണിയോടെയാണ് അപകടം സംഭവിച്ചത്. കണ്ണമ്പ്ര ഭാഗത്ത് നിന്ന് ടൗണിലേക്ക് പ്രവേശിക്കുകയായിരുന്ന ബസിൽ എതിരെ വന്ന ലോറി ഇടിക്കുകയായിരുന്നു. നിയന്ത്രണം വിട്ട ലോറി റോഡരികിൽ നിർത്തിയിട്ടിരുന്ന കാറിലും ബൈക്കിലും ഇടിച്ചാണ് നിന്നത്. അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. സംഭവത്തിൽ പൊലീസ് അന്വേഷണം ആരംഭിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ടൊറന്റോ: കാനഡയിലെ ബ്രിട്ടീഷ് കൊളംബിയയിലെ ലാംഗ്ലി പ്രദേശത്ത് കത്തുന്ന കാറിനുള്ളിൽ മരിച്ച നിലയിൽ കണ്ടെത്തിയ 25-കാരനായ ഇന്ത്യക്കാരന്റേത് കൊലപാതകമെന്ന് സംശയം. സറേ നിവാസിയായ തുഷാർ ശർമ്മയുടെ മൃതദേഹമാണ് പൊലീസ് കണ്ടെത്തിയത്. ഒക്ടോബർ 29-ന് രാത്രി 10.30-നാണ് ലാംഗ്ലിയിൽ ഒരു വാഹനത്തിന് തീപിടിച്ചതായി റോയൽ കനേഡിയൻ മൗണ്ടഡ് പൊലീസിന് (RCMP) വിവരം ലഭിച്ചത്. തീയണയ്ക്കാനെത്തിയ അഗ്നിശമന സേനാംഗങ്ങളാണ് കാറിനുള്ളിൽ കത്തിക്കരിഞ്ഞ മൃതദേഹം ആദ്യം കണ്ടെത്തിയത്. പ്രാഥമിക തെളിവുകൾ പ്രകാരം കരുതിക്കൂട്ടി നടത്തിയ ആക്രമണമാണ് നടന്നതെന്ന് അന്വേഷണ ഉദ്യോഗസ്ഥർ സംശയിക്കുന്നു. എന്നാൽ കൊലപാതകത്തിന് പിന്നിലെ കാരണം വ്യക്തമല്ല. കേസിന്റെ ഗൗരവം കണക്കിലെടുത്ത് കാനഡയിലെ ഇന്റഗ്രേറ്റഡ് ഹോമിസൈഡ് ഇൻവെസ്റ്റിഗേഷൻ ടീം (IHIT) അന്വേഷണം ഏറ്റെടുത്തു. റോയൽ കനേഡിയൻ മൗണ്ടഡ് പൊലീസ്, ഫോറൻസിക് വിഭാഗം, ബി. സി. കൊറോണേഴ്സ് സർവീസ് എന്നിവരും അന്വേഷണത്തിൽ സഹകരിക്കുന്നുണ്ട്. മരണത്തിലേക്ക് നയിച്ച സാഹചര്യങ്ങളും സംഭവങ്ങളുടെ ക്രമവും കണ്ടെത്താനാണ് അന്വേഷണ സംഘം ശ്രമിക്കുന്നത്. മരണത്തിന് തൊട്ടുമുമ്പ് തുഷാർ എവിടെയായിരുന്നുവെന്നും ആരൊക്കെയായിട്ടാണ് ബന്ധപ്പെട്ടിരുന്നതെന്നും പൊലീസ് പരിശോധിച്ചുവരികയാണ്. തുഷാർ ശർമ്മയ്ക്ക് ക്രിമിനൽ പശ്ചാത്തലമൊന്നുമില്ലെന്നും കാനഡയിൽ അദ്ദേഹത്തിന് വളരെ കുറച്ച് പരിചയക്കാർ മാത്രമേ ഉണ്ടായിരുന്നുള്ളൂവെന്നും പൊലീസ് വ്യക്തമാക്കി. ജോലി ആവശ്യത്തിനായി കാനഡയിലെത്തിയ അദ്ദേഹത്തിന്റെ കുടുംബം ഇന്ത്യയിലാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ഉത്തരാഖണ്ഡ്: ബസ് കൊക്കയിലേക്ക് മറിഞ്ഞ് ആറുപേർക്ക് ദാരുണാന്ത്യം. സമഭാവം നടന്നത് ഉത്തരാഖണ്ഡിലെ തെഹ്രി ജില്ലയിലുള്ള ഗുലാർ ബസാറിന് സമീപമാണ്. ഏകദേശം 35 ഓളം യാത്രക്കാരുമായി പോയ ബസാണ് 100 മീറ്റർ താഴ്ചയുള്ള കൊക്കയിലേക്ക് മറിഞ്ഞത്. എന്നാണ് റിപ്പോർട്ട്.
&imwidth=640&imheight=360)
ദുബൈ: ഫുജൈറയിൽ 23 വാഹനങ്ങൾ കൂട്ടിയിടിച്ചുണ്ടായ വൻ തീപിടുത്തത്തിൽ 14 പേർ കൊല്ലപ്പെടുകയും 30 പേർക്ക് പരിക്കേൽക്കുകയും ചെയ്തു. അപകടത്തിൽ മലയാളികളായ മൂന്ന് പേരും കൊല്ലപ്പെട്ടു. മലപ്പുറം കുണ്ടിൽപ്പാറ സ്വദേശികളായ ഇരട്ട സഹോദരങ്ങൾ മുഹമ്മദ് അസ്മിൽ (21), മിസ്ന ജുബിൻ (21), മിസ്നയുടെ മകൻ മുഹമ്മദ് ഫായിസ് (3) എന്നിവരാണ് മരണപ്പെട്ടത്.
&imwidth=640&imheight=360)
തിരുവനന്തപുരം: വെമ്പായത്തിന് സമീപമുണ്ടായ അപകടത്തിൽ രണ്ടുപേർക്ക് ദാരുണാന്ത്യം. കാറും ബൈക്കും കൂട്ടിയിടിച്ചായിരുന്നു അപകടം. അപകടത്തിൽ യുവാവും ബന്ധുവുമാണ് മരിച്ചത്. മരിച്ചത് ശോഭന ഇവരുടെ ബന്ധു ഹരികുമാർ എന്നിവരാണ്. അപകടം ഉണ്ടായത് ഇന്നലെ വൈകുന്നേരം മൂന്നുമണിയോടെ ആയിരുന്നു. കൂട്ടിയിടിച്ചത് വെമ്പായം ഭാഗത്തേക്ക് പോവുകയായിരുന്ന ബൈക്കും പോത്തൻകോട് ജംഗ്ഷനിലേക്ക് വരികയായിരുന്ന കാറും തമ്മിലായിരുന്നു. മറ്റൊരു വാഹനത്തെ ഓവർടേക്ക് ചെയ്യുന്നതിനിടെ നിയന്ത്രണം വിട്ട ബൈക്ക് കാറിലേക്ക് ഇടിച്ചു കയറുകയായിരുന്നു എന്നാണ് റിപ്പോർട്ട്. അപകടത്തിൽ പരിക്കേറ്റ ശോഭനയെയും ഹരികുമാറിനെയും ഉടൻ തന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. തിരുവനന്തപുരം മെഡിക്കൽ കോളേജ് ആശുപത്രിയിൽ സൂക്ഷിച്ചിരിക്കുന്ന മൃതദേഹം ഇന്ന് ബന്ധുക്കൾക്ക് വിട്ടു നൽകും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
പാലക്കാട്: മനിശ്ശേരിയിൽ കാർ മരത്തിലിടിച്ച് അപകടം. അപകടത്തിൽ രണ്ടുപേർക്ക് ദാരുണാന്ത്യം. കാറിലുണ്ടായിരുന്ന രണ്ടുപേരാണ് മരിച്ചത്. മൂന്നുപേരുടെ നില ഗുരുതരമാണെന്നാണ് റിപ്പോർട്ട്. കാറിൽ അഞ്ചു പേരാണ് ഉണ്ടായിരുന്നത്. അപകടം നടന്നത് അർധരാത്രി 12:30 ഓടെയാണ്. ഷൊർണൂരിൽ നിന്നും ഒറ്റപ്പാലം ഭാഗത്തേക്ക് വരികയായിരുന്ന കാർ ആണ് മനിശ്ശേരിയിൽ വച്ച് നിയന്ത്രണം വിട്ട് മരത്തിലിടിച്ചത്. അപകടത്തിൽ മരിച്ചത് പനമണ്ണ സ്വദേശി വൈശാഖും മറ്റൊരാളുമാണ്. അപകടസമയത്ത് പരിസരത്തുണ്ടായിരുന്ന ഒറ്റപ്പാലം പോലീസിന്റെ പട്രോളിംഗ് സംഘമാണ് സ്ഥലത്തെത്തി അപകടത്തിൽ പെട്ടവരെ ആശുപത്രിയിൽ എത്തിച്ചത്. 5 പേരിൽ രണ്ടുപേർ മരിച്ചു, രണ്ടുപേർ കാറിൽ കുടുങ്ങിക്കിടക്കുകയാണ്, അഞ്ചാമത്തെയാൾ അപകടത്തിന്റെ ആഘാതത്തിൽ കാറിൽ നിന്ന് പുറത്തേക്ക് തെറിച്ചു പോകുകയായിരുന്നു. ഇയാൾക്ക് വലിയ പരിക്കൊന്നുമില്ല എന്നാണ് റിപ്പോർട്ട്. ഷൊർണൂർ പോലീസ് അറിയിച്ചതിനെ തുടർന്ന് അഗ്നിരക്ഷാസേനയെത്തിയാണ് അരമണിക്കൂറത്തെ പരിശ്രമത്തെ തുടർന്ന് രണ്ടുപേരെ പുറത്തെടുത്തത്. പരിക്കേറ്റവരെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കോഴിക്കോട്: ബൈക്ക് നിയന്ത്രണം വിട്ട് ഇലക്ട്രിക് പോസ്റ്റിലിടിച്ചുണ്ടായ അപകടത്തിൽ രണ്ടു യുവാക്കൾക്ക് ദാരുണാന്ത്യം. മരിച്ചത് അജയ്, ശ്രീരാഗ് എന്നിവരാണ്. ഇവർക്കൊപ്പമുണ്ടായിരുന്ന ആനന്ദ് എന്ന സുഹൃത്തിന്റെ നില ഗുരുതമാണ് എന്നാണ് റിപ്പോർട്ട്. ആനന്ദ് കോഴിക്കോട് മെഡിക്കൽ കോളേജിൽ ചികിത്സയിലാണ്. അപകടം ഉണ്ടായത് ഞായറാഴ്ച രാത്രി 9 മണിയോടെ ആയിരുന്നു അപകടം. കക്കയം റോഡിൽ നിന്നും ഏകരൂൽ ഭാഗത്തേക്ക് പോകുകയായിരുന്ന ബൈക്കായിരുന്നു അപകടത്തിപെട്ടത്. മൂന്നുപേരും ഒരു ബൈക്കിലായിരുന്നു സഞ്ചരിച്ചിരുന്നത്. ബൈക്ക് നിയന്ത്രണം വിട്ട് റോഡരികിലെ ഇലക്ട്രിക് പോസ്റ്റിൽ ഇടിക്കുകയായിരുന്നു എന്നാണ് റിപ്പോർട്ട്. ഇടിയുടെ ആഘാതത്തിൽ മൂവരും റോഡിലേക്ക് തെറിച്ചു വീഴുകയായിരുന്നു. അപകടത്തിന്റെ ശബദം കേട്ട് ഓടിയെത്തിയ പ്രദേശവാസികളും നാട്ടുകാരും ചേർന്നാണ് മൂവരെയും പുനരൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. തുടർന്ന് അവിടെ നിന്നും കോഴിക്കോട് മെഡിക്കൽ കോളേജിലേക്ക് ഇവരെ മാറ്റുകയായിരുന്നു. എങ്കിലും അതിൽ 2 പേരെ രക്ഷിക്കാനായില്ല. മൂവരും കൂരാച്ചുണ്ടിൽ സുഹൃത്തിന്റെ ബന്ധുവീട്ടിൽ പോയി വരികയായിരുന്നു. അപകടത്തിൽ മരിച്ച ര രണ്ടുപേരും ഏകരൂരിലെ അമ്പിളി ലൈറ്റ്സ് ആൻഡ് സൗണ്ട്സിലെ ജീവനക്കാരാണ്. ഉച്ചക്കടയിൽ നിർത്തിയിട്ട കാറിന് തീപിടിച്ചു; യുവാക്കൾ രക്ഷപ്പെട്ടത് തലനാരിഴയ്ക്ക്! നിർത്തിയിട്ടിരുന്ന കാറിന് തീപിടിച്ചു. ഉച്ചക്കട ജംക്ഷന് സമീപം നിർത്തിയിട്ടിരുന്ന കാറിനാണ് തീപിടിച്ചത്. സംഭവം നടന്നത് വിഴിഞ്ഞം ബാലരാമപുരം ടൂട്ടിൽ ഇന്നലെ രാത്രി 09:15 ഓടെയായിരുന്നു. കാറിലുണ്ടായിരുന്ന യുവാക്കൾ പെട്ടെന്ന് ഇറങ്ങിയോടിയതിനാൽ ഒഴിവായത് വൻ ദുരന്തമായിരുന്നു. അപകടത്തിൽപെട്ടത് പനയറകുന്ന് സ്വദേശി മഹേഷ് ഓടിച്ചിരുന്ന കാറാണ്. യാത്രക്കിടെ കാറിൽ പെട്രോൾ തീർന്നതിനാൽ ഉച്ചക്കട ജംഗ്ഷനു സമീപം വാഹനം നിർത്തിയിടുകയായിരുന്നു. ശേഷം കാറിലുണ്ടായിരുന്ന ഒരാൾ സമീപത്തെ പമ്പിൽ നിന്നും പെട്രോൾ വാങ്ങാൻ പോയിരുന്നു. ആ സമയത്താണ് കാറിന്റെ മുൻഭാഗത്ത് നിന്നും തീയും പുകയും ഉയർന്നതും നിമിഷങ്ങൾക്കുള്ളിൽ തീ ആളിപ്പടർന്നതും. തീപിടുത്തത്തിൽ കാർ പൂർണമായും കത്തി നശിച്ചിരുന്നു. സംഭവമറിഞ്ഞ് എത്തിയ അഗ്നിരക്ഷാസേനയും വിഴിഞ്ഞം പോലീസും ചേർന്നാണ് തീയണച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂര് വാഹനാപകടത്തിലെ പ്രതിയായ 17 കാരന്റെ ജാമ്യം റദ്ദാക്കണമെന്ന ഹർജിയിൽ വിധി ഇന്ന്. ഹർജി പരിഗണിക്കുന്നത് എണാകുളം അഡീഷണല് സെഷന്കോടതിയാണ്. പ്രതിയായ പതിനേഴുകാരന്റെ പിതാവായ ജഡ്ജി നൽകിയ മുൻകൂർ ജാമ്യാപേക്ഷ ഹൈക്കോടതി വീണ്ടും ഇന്ന് പരിഗണിക്കും. ഇതിനിടയിൽ കേസിൽ ജഡ്ജി തെളിവു നശിപ്പിച്ചുവെന്ന ആരോപണത്തിൽ മരിച്ച ജയബാലകൃഷ്ണൻറെ മകൾ ഭദ്രകീർത്തി ക്രൈംബ്രാഞ്ചിന് മൊഴി നൽകി. ക്രൈംബ്രാഞ്ചിന് സിസിടിവി ദൃശ്യങ്ങളുൾപ്പെടെ കൈമാറിയെന്നും അന്വേഷണത്തിൽ പ്രതീക്ഷയുണ്ടെന്നും ഭദ്രകീർത്തി മാധ്യമങ്ങളോട് പറഞ്ഞു. അപകടശേഷം പ്രതിയുടെ പിതാവായ ജഡ്ജി സ്ഥലത്തെത്തുകയും അവിടെ ഏറെ നേരം ചെലവഴിച്ചെന്നും ആരോപണം ഉണ്ടായിരുന്നു തുടർന്നാണ് ജയപാലകൃഷ്ണന്റെ കുടുംബം തെളുവു നശിപ്പാക്കാൻ ശ്രമം നടത്തിയെന്ന് പരാതി ഉയർത്തിയത്. ഇതിന്റെ അടിസ്ഥാനത്തിൽ കേസില് ബിഎന്എസ് 238ാം വകുപ്പ് അന്വേഷണ സംഘം ചേര്ത്തു. ഇതിനിടയിൽ പ്രതിയായ 17 കാരന്റെ ചിത്രങ്ങൾ സോഷ്യൽ മീഡിയവഴി പ്രചരിപ്പിച്ചുവെന്ന സംഭവത്തിൽ 28 കേസുകൾ പോലീസ് രജിസ്റ്റർ ചെയ്തിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂരിൽ സ്കൂട്ടർ യാത്രാക്കാരൻ ആഡംബരക്കാർ ഇടിച്ചു മരിച്ച സംഭവത്തിൽ കാറോടിച്ച 17 കാരന്റെ ചിത്രങ്ങൾ പ്രചരിപ്പിച്ചവർക്കെതിരെ കേസെടുത്ത് പോലീസ്. കേസ് പരിഗണിക്കവെ കഴിഞ്ഞ ദിവസം ഇതുമായി ബന്ധപ്പെട്ട എന്ത് നടപടിയാണ് സ്വീകരിച്ചതെന്ന് കോടതി ആരാഞ്ഞിരുന്നു അതിനെ തുടർന്നാണ് കൊച്ചി സിറ്റി സൈബർ പോലീസ് 18 പേർക്കെതിരെ കേസ് എടുത്തത്. ജയബാലകൃഷ്ണന്റെ കുടുംബം പുതിയതായി നൽകിയ പരാതിയിൽ ക്രൈംബ്രാഞ്ച് ഇന്ന് മൊഴിയെടുക്കുമെന്നാണ് റിപ്പോർട്ട്. പ്രതിയായ പതിനേഴുകാരന്റെ അച്ഛനായ ജഡ്ജിക്കെതിരെ ഗുരുതര ആരോപണങ്ങളാണ് കുടുംബം പോലീസിന് നൽകിയ പരാതിയിൽ പറഞ്ഞിട്ടുള്ളത്. അപകടം നടന്ന സമയം മുതൽ 3 മണിക്കൂർ സംഭവസ്ഥലത്ത് തങ്ങിയ ജഡ്ജി തെളിവുകൾ നശിപ്പിച്ചെന്നും അന്വേഷണം വഴിതിരിച്ചുവിടാനുള്ള ഇടപെടൽ നടത്തിയെന്നുമാണ് കുടുംബം നൽകിയ അപ്രതിയിൽ ആരോപിക്കുന്നത്. മാത്രമല്ല സംഭവത്തിൽ വിശദമായ അന്വേഷണം നടത്തണമെന്നും സ്പെഷ്യൽ എഫ്ഐആർ രജിസ്റ്റർ ചെയ്യണമെന്നുമാണ് കുടുംബം ആവശ്യപ്പെടുന്നത്. ഈ പരാതി കേസ് അന്വേഷിക്കുന്ന ക്രൈംബ്രാഞ്ചിന് കൈമാറിയതായി കൊച്ചി സിറ്റി പോലീസ് കമ്മീഷണർ ആർ നിശാന്തിനി പറഞ്ഞു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കോഴിക്കോട്: ഓടിക്കൊണ്ടിരുന്ന സ്വകാര്യ ബസിന്റെ ടയർ പൊട്ടിത്തെറിച്ചു. നാദാപുരം-തലശ്ശേരി സംസ്ഥാനപാതയിലെ കായ്പനച്ചിയിൽ ഇന്നലെയാണ് ഓടിക്കൊണ്ടിരുന്ന ബസ്സിന്റെ ടയർ പൊട്ടിത്തെറിച്ച് തീയും പുകയും ഉയർന്നത്. യാത്രക്കാരെ സുരക്ഷിതമായി പുറത്തിറക്കി ബസ് ജീവനക്കാരും നാട്ടുകാരും ചേർന്ന് തീ അണയ്ക്കാൻ ശ്രമങ്ങൾ നടത്തി. പിന്നീട് നാദാപുരം, പാനൂർ എന്നിവിടങ്ങളിൽ നിന്നുള്ള അഗ്നിരക്ഷാസേന സ്ഥലത്തെത്തിയാണ് തീ പൂർണ്ണമായും നിയന്ത്രണവിധേയമാക്കിയത്. നാദപുരത്ത് നിന്ന് തലശ്ശേരിയിലേക്ക് പോവുകയായിരുന്ന ബസിൽ വിദ്യാർത്ഥികൾ ഉൾപ്പെടെ നിരവധി യാത്രക്കാരുണ്ടായിരുന്നു. പൊതുവെ ഇത്തരം വലിയ വാഹനങ്ങളുടെ ടയറുകൾക്ക് ബലക്ഷയം സംഭവിക്കുന്നതോ, തേയ്മാനം ഉണ്ടാകുന്നതോ, അമിത ഭാരവും ചൂടും കാരണം പെട്ടെന്ന് മർദ്ദം വർദ്ധിക്കുന്നതോ ആണ് ടയർ പൊട്ടിത്തെറിക്കുന്നതിന് പ്രധാന കാരണം. ടയർ പൊട്ടിത്തെറിച്ചപ്പോൾ ഉണ്ടായ ശക്തമായ ഘർഷണവും (Friction) ചൂടും കാരണം സമീപത്തേക്ക് തീയും പുകയും ഉണ്ടാകും. എല്ലാ ദിവസം യാത്രപുറപ്പെടുന്നതിന് മുൻപ് ടയറുകളിൽ കാറ്റുണ്ടെന്ന് ഉറപ്പാക്കുക. കാറ്റ് കുറഞ്ഞാലോ കൂടിയാലോ ടയറിലെ മർദ്ദം കൂടി ടയർ പൊട്ടാനും സാധ്യതയുണ്ട്. ടയറിന്റെ ഉപരിഭാഗത്തെ വരകൾ തേഞ്ഞുപോകുന്നത് ശ്രദ്ധിക്കുക. തേയ്മാനം കൂടിയ ടയറുകൾ പെട്ടെന്ന് ചൂടാവുകയും പൊട്ടിത്തെറിക്കുകയും ചെയ്യാം. സാധാരണയായി 4-5 വർഷം കഴിഞ്ഞാൽ ടയറിലെ റബ്ബറിന്റെ ബലം കുറയും അതിനാൽ പഴകിയ ടയറുകൾ മാറ്റിസ്ഥാപിക്കുക. കൊടുംവെയിലും ചൂടുള്ള റോഡിലൂടെയും തുടർച്ചയായി വണ്ടിയോടിക്കുമ്പോൾ ഇടയ്ക്ക് വാഹനം നിർത്തിയ ശേഷം ടയറുകൾക്ക് ചൂടാറാൻ സമയം നൽകുക. ബസുകളിലും ചരക്കുവാഹനങ്ങളിലും അനുവദനീയമായതിൽ കൂടുതൽ ഭാരം കയറ്റുന്നത് ടയറുകളിൽ വലിയ രീതിയിൽ സമ്മർദ്ദം ചെലുത്തും ഇത് ടയർ പൊട്ടാൻ എളുപ്പമാകും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂർ വാഹനാപകടക്കേസിൽ അന്വേഷണ സംഘത്തിന് മുന്നിൽ ചോദ്യം ചെയ്യലിന് ഹാജരായി അഡീഷണൽ സെഷസ് ജഡ്ജി. കൊച്ചി പോലീസ് ക്ലബ്ബിൽ വച്ച് നടത്തിയ ചോദ്യം ചെയ്യൽ പൂർത്തിയായി. ചേരാനല്ലൂർ വാഹനാപകടക്കേസിലെ പ്രതിയായ 17കാരൻറെ പിതാവായ അഡീഷണൽ സെഷൻസ് ജഡ്ജിയുടെ അറസ്റ്റ് ഹൈക്കോടതി തടഞ്ഞിരുന്നു. അന്വേഷണ സംഘത്തോട് സഹകരിക്കുകയും ചോദ്യം ചെയ്യലിനായി നേരിട്ട് ഹാജരാകുകയും ചെയ്ത സാഹചര്യത്തിൽ ഹർജിക്കാരനെ അറസ്റ്റ് ചെയ്യുന്നത് എന്തിനാണെന്ന് ഹൈക്കോടതി ആരാഞ്ഞു. അന്വേഷണ സംഘത്തോട് നേരിട്ടായിരുന്നു ഹൈക്കോടതിയുടെ ചോദ്യം. ഹർജിക്കാരൻ ഒരു ജുഡീഷ്യൽ ഓഫീസറാണെന്ന് ചൂണ്ടിക്കാണിച്ച ഹൈക്കോടതി കേസുകളിൽ വിധി കൽപ്പിക്കുമ്പോൾ പൊതുബോധത്തിന് കീഴടങ്ങാൻ ആകില്ലെന്നും നിയമവശങ്ങൾ കൃത്യമായി നോക്കണമെന്നും വ്യക്തമാക്കി. ജാമ്യാപേക്ഷയിൽ പിന്നീട് വിശദമായ വാദം നടക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂര് അപകടത്തിലെ അന്വേഷണത്തില് വീഴ്ച വരുത്തിയവര്ക്കെതിരെ നടപടിയെടുത്തു. സിഐ അടക്കമുള്ള നാല് പൊലീസുകാരെ സസ്പെന്ഡ് ചെയ്തു. സിഐ ശ്യാംകുമാര് കെ. എസ്, എസ്ഐ വിശ്വജിത്ത്, ഗ്രേഡ് എസ്ഐ മനോജ് കെ. ടി, സിപിഒ അരുണ് ജോഷി എന്നിവര്ക്കാണ് സസ്പെന്ഷന് ലഭിച്ചത്. എഫ്ഐആറില് വീഴ്ച വരുത്തിയതിനാണ് നടപടി. എഡിജിപി പി. വിജയൻ നല്കിയ റിപ്പോര്ട്ടിന്റെ അടിസ്ഥാനത്തിലാണ് നടപടി. പൊലീസിന്റെ ഭാഗത്തുനിന്നുണ്ടായ വീഴ്ചകൾ ചേരാനല്ലൂരില് നേരിട്ടെത്തി എഡിജിപി പരിശോധിച്ചിരുന്നു. ചേരാനല്ലൂർ കണ്ടെയ്നർ റോഡിൽ ഞായറാഴ്ച പുലർച്ചെ രണ്ടരയോടെയാണ് അപകടം നടന്നത്. 17-കാരൻ അമിതവേഗതയിൽ ഓടിച്ച ബെൻസ് കാർ മാഞ്ഞാലി സ്വദേശിയായ ജയബാലകൃഷ്ണന്റെ സ്കൂട്ടറിൽ ഇടിക്കുകയായിരുന്നു. ദുർബല വകുപ്പുകൾ ചുമത്തി പതിനേഴുകാരനെ പൊലീസ് സ്റ്റേഷൻ ജാമ്യത്തിൽ വിട്ടതും വാഹന ഉടമയായ ജഡ്ജിക്കെതിരെ കേസെടുക്കാത്തതും വലിയ പ്രതിഷേധത്തിന് കാരണമായിരുന്നു. അതേസമയം ചേരാനെല്ലൂര് അപകടത്തിലെ പ്രതിയുടെ ജാമ്യം റദ്ദാക്കാന് കോടതിയെ സമീപിക്കുമെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. പ്രതിയുടെ പിതാവായ ജഡ്ജിക്കെതിരെ നടപടി ആവശ്യപ്പെട്ട് ഹൈക്കോടതി രജിസ്ട്രാര്ക്ക് കത്ത് നല്കി. നിയമപരമായ എല്ലാ സാധ്യതകളും പരിശോധിക്കുമെന്ന് രമേശ് ചെന്നിത്തല അറിയിച്ചു. 17-കാരന് 25 വയസ്സ് വരെ ലൈസൻസ് നൽകുന്നത് വിലക്കാനും അപകടത്തിൽപ്പെട്ട ബെൻസ് കാറിന്റെ ആർസി സസ്പെൻഡ് ചെയ്യാനും എംവിഡി നടപടികൾ ആരംഭിച്ചു. ഔദ്യോഗിക അനുമതിയില്ലാതെ കുട്ടിയുടെ പിതാവായ ജഡ്ജി പൊലീസ് സ്റ്റേഷനിൽ പോയത് ഗുരുതര വീഴ്ചയാണെന്ന് കണ്ടെത്തിയിരുന്നു. ഇത് ജുഡീഷ്യറിക്ക് അവമതിപ്പുണ്ടാക്കിയെന്ന് ചൂണ്ടിക്കാട്ടി ജില്ലാ ചുമതലയുള്ള ജഡ്ജി ഹൈക്കോടതിക്ക് റിപ്പോർട്ട് കൈമാറി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂർ വാഹനാപകടക്കേസിൽ ജഡ്ജിയായാലും പൊലീസായാലും വീഴ്ച വരുത്തിയാൽ ശക്തമായ നടപടിയുണ്ടാകുമെന്ന് എഡിജിപി പി. വിജയൻ. സംഭവത്തിൽ പൊലീസിന്റെ ഭാഗത്തുനിന്നുണ്ടായ വീഴ്ചകൾ നേരിട്ട് പരിശോധിക്കാനാണ് എഡിജിപി പി. വിജയൻ ചേരാനല്ലൂരിലെത്തിയത്. അപകടത്തിൽ മരിച്ച ജയബാലകൃഷ്ണന്റെ കുടുംബാംഗങ്ങളെയും കേസുമായി ബന്ധപ്പെട്ട മറ്റുള്ളവരെയും നേരിൽ കാണുമെന്നും അദ്ദേഹം വ്യക്തമാക്കി. ഔദ്യോഗിക അനുമതിയില്ലാതെ കുട്ടിയുടെ പിതാവായ ജഡ്ജി പൊലീസ് സ്റ്റേഷനിൽ പോയത് ഗുരുതര വീഴ്ചയാണെന്ന് കണ്ടെത്തിയിരുന്നു. ഇത് ജുഡീഷ്യറിക്ക് അവമതിപ്പുണ്ടാക്കിയെന്ന് ചൂണ്ടിക്കാട്ടി ജില്ലാ ചുമതലയുള്ള ജഡ്ജി ഹൈക്കോടതിക്ക് റിപ്പോർട്ട് കൈമാറി. പൊലീസിന്റെ ഭാഗത്തുനിന്ന് വീഴ്ചയുണ്ടായിട്ടുണ്ടോയെന്ന് പരിശോധിക്കാൻ കേസ് ക്രൈംബ്രാഞ്ചിന് കൈമാറി. ഇതിന്റെ അടിസ്ഥാനത്തിൽ 17-കാരന്റെയും അമ്മയുടെയും മൊഴിയെടുത്തു. കേസിൽ ജഡ്ജിയെ ചോദ്യം ചെയ്യുന്നതിനായി ഹൈക്കോടതി ചീഫ് ജസ്റ്റിസിന്റെ അനുമതി തേടിയിട്ടുണ്ട്. അനുമതി ലഭിച്ചാലുടൻ നടപടികളിലേക്ക് കടക്കും. പ്രതിയായ 17 കാരന്റെ ജാമ്യം റദ്ദാക്കാനുള്ള നിയമനടപടികളും സ്വീകരിച്ചിട്ടുണ്ട്. 17-കാരന് 25 വയസ്സ് വരെ ലൈസൻസ് നൽകുന്നത് വിലക്കാനും അപകടത്തിൽപ്പെട്ട ബെൻസ് കാറിന്റെ ആർസി സസ്പെൻഡ് ചെയ്യാനും എംവിഡി നടപടികൾ ആരംഭിച്ചു. ഞായറാഴ്ച പുലർച്ചെ രണ്ടരയോടെയാണ് ചേരാനല്ലൂർ കണ്ടെയ്നർ റോഡിൽ അപകടം നടന്നത്. 17-കാരൻ അമിതവേഗതയിൽ ഓടിച്ച ബെൻസ് കാർ മാഞ്ഞാലി സ്വദേശിയായ ജയബാലകൃഷ്ണന്റെ സ്കൂട്ടറിൽ ഇടിക്കുകയായിരുന്നു. ദുർബല വകുപ്പുകൾ ചുമത്തി പതിനേഴുകാരനെ പൊലീസ് സ്റ്റേഷൻ ജാമ്യത്തിൽ വിട്ടതും വാഹന ഉടമയായ ജഡ്ജിക്കെതിരെ കേസെടുക്കാത്തതും വലിയ പ്രതിഷേധത്തിന് കാരണമായിരുന്നു. ജയബാലകൃഷ്ണന്റെ മക്കളും നാട്ടുകാരും സ്റ്റേഷനിൽ പ്രതിഷേധിച്ചത് ആഭ്യന്തരമന്ത്രി രമേശ് ചെന്നിത്തല സംസാരിച്ചതിനെ തുടർന്നാണ് താൽക്കാലികമായി നിർത്തിവെച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കോഴിക്കോട്: കൂടരഞ്ഞിയിൽ ജീപ്പ് താഴ്ചയിലേക്ക് മറിഞ്ഞ് അപകടം. കക്കാടംപൊക്കിളിൽ സന്ദർശനത്തിനെത്തിയവരുടെ ജീപ്പാണ് മടങ്ങിവരുന്നതിനിടെ താഴ്ചയിലേക്ക് മറിഞ്ഞത്. അപകടത്തിൽ ഒരാൾ മരിച്ചതായിട്ടാണ് റിപ്പോർട്ട്. 7 പേർക്ക് പരിക്കേറ്റിട്ടുണ്ട്. അതിൽ 6 പേരുടെ നില ഗുരുതരമാണെന്നാണ് റിപ്പോർട്ട്. അപകടം ഉണ്ടായത് ഇന്നലെ രാത്രി 7 മണിയോടെയാണ്. ഈ പ്രദേശം വളവും ഇറക്കവുമുള്ള ഒന്നാണ്. ഓപ്പൺ ജീപ്പിന്റെ നിയന്ത്രണം നഷ്ട്ടപ്പെട്ടതാണ് അപകടത്തിന് കാരണം. ശബ്ദം കേട്ടെത്തിയ നാട്ടുകാരാണ് അപകടത്തിൽപെട്ടവരെ പുറത്തെത്തിച്ചത്. പരിക്കേറ്റവരെ സമീപത്തുള്ള ആശുപത്രിയിലാണ് പ്രവേശിപ്പിച്ചത്. ഇന്നലെ ചേരാനല്ലൂരിൽ ബെൻസ് കാറിടിച്ച് സ്കൂട്ടർ യാത്രികൻ മരിച്ച സംഭവത്തിൽ കസ്റ്റഡിയിലെടുത്ത 17കാരനെ സ്റ്റേഷൻ ജാമ്യത്തിൽ വിട്ടയച്ചു. അഡീഷണൽ ജഡ്ജിയുടെ മകനാണ് കാർ ഓടിച്ച് സ്കൂട്ടർ യാത്രികനെ ഇടിച്ച് തെറിപ്പിച്ചത്. പ്രതിക്കെതിരെ മനഃപൂർവമല്ലാത്ത നരഹത്യയാണ് ചുമത്തിയിരുന്നത്. അപകടം നടന്നത് ചേരാനല്ലൂരിൽ ഞായറാഴ്ച പുലർച്ചെ രണ്ടേകാലിനും രണ്ടരയ്ക്കുമിടയിലാണ്. അപകടത്തിൽ മരിച്ചത് തട്ടുകടയിലെ ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു ജയപാലകൃഷ്ണനായിരുന്നു. അമിതവേഗത്തിലെത്തിയ കാർ ഇയാളുടെ സ്കൂട്ടറിന് പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടർ പൂർണമായും തകർന്നിരുന്നു. ജയപാലകൃഷ്ണൻ റോഡിലേക്ക് തെറിച്ചു വീഴുകയും ഇയാളുടെ സ്കൂട്ടറിലുണ്ടായിരുന്ന അരി ഉൾപ്പെടെയുള്ള സാധനങ്ങൾ റോഡിൽ ചിതറിത്തെറിക്കുകയും ചെയ്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കൊച്ചി: ചേരാനല്ലൂരിൽ കാറിടിച്ച് സ്കൂട്ടർ യാത്രികന് ദാരുണാന്ത്യം. മാഞ്ഞാലി സ്വദേശി ജയബാലകൃഷ്ണനാണ് മരിച്ചത്. 17കാരൻ ഓടിച്ച കാറാണ് അപകടമുണ്ടാക്കിയത്. ഇയാൾ സഞ്ചരിച്ച സ്കൂട്ടറിന് പിന്നിലായി കാറിടിക്കുകയായിരുന്നു. 17കാരനെ പോലീസ് കസ്റ്റഡിയിലെടുത്തു. കാറും പോലീസ് കസ്റ്റഡിയിലെടുത്തു. ഇന്ന് പുലർച്ചെയാണ് അപകടമുണ്ടായത്. ഇടിയുടെ ആഘാതത്തിൽ സ്കൂട്ടർ പൂർണ്ണമായും തകരുകയും ജയപാലകൃഷ്ണൻ റോഡിലേക്ക് തെറിച്ചു വീഴുകയുമായിരുന്നുവെന്നാണ് വിവരം. അഡീഷണൽ ജഡ്ജിയുടെ മകനാണ് കാറോടിച്ചിരുന്നതെന്നാണ് വിവരം. ജഡ്ജിയുടെ പേരിലുള്ള കാറാണ് അപകടത്തിൽപ്പെട്ടതെന്നും സംഭവത്തിൽ കേസെടുത്തുവെന്നും തുടർ നടപടികൾ സ്വീകരിക്കുമെന്നും പോലീസ് അറിയിച്ചു. അതേസമയം ഒരുതരത്തിലുള്ള വിട്ടുവീഴ്ചയ്ക്കും തയ്യാറല്ലെന്നാണ് മരിച്ചയാളുടെ ബന്ധുക്കൾ പറയുന്നത്. ഡ്രൈവിങ് ലൈസൻസ് പോലുമില്ലാത്ത മകന് വാഹനം നൽകിയതിനെ ചോദ്യം ചെയ്തപ്പോൾ ധാർഷ്ട്യത്തോടെയാണ് അഡീഷണൽ ഡിസ്ട്രിക്ട് ജഡ്ജി പെരുമാറിയെതെന്നും ആരോപണമുണ്ട്. ബെൻസാണ് ഇടിച്ചതെന്നും ഇടിച്ചിട്ടും വണ്ടി നിർത്താതെ പോയെന്നും മരിച്ചയാളുടെ ബന്ധുക്കൾ ആരോപിച്ചു. തട്ടുകടയുടമയായ ജയപാലകൃഷ്ണൻ കച്ചവടം കഴിഞ്ഞ് മടങ്ങും വഴിയാണ് അപകടമുണ്ടായത്. ഇയാളുടെ കയ്യിലുണ്ടായിരുന്ന അരി റോഡിൽ മുഴുവനും വീണുകിടക്കുന്നുണ്ടായിരുന്നു. റോഡിൽ വീണുപോയ ഇയാളുടെ പേഴ്സും പണവുമെല്ലാം ആരോ എടുത്തുകൊണ്ടുപോയെന്നും ബന്ധുക്കൾ പറയുന്നു. ഇരിങ്ങാലക്കുട അഡീഷണൽ ഡിസ്ട്രിക്ട് ജഡ്ജിയുടെ മകനാണ് അപകടമുണ്ടാക്കിയക്. ആദ്യമായാണ് മകൻ വണ്ടിയെടുത്ത് പോകുന്നത് എന്നായിരുന്നു അദ്ദേഹം പറഞ്ഞത്. വൈകാരികമായി സംസാരിക്കേണ്ടെന്നാണ് പോലീസ് പറഞ്ഞതെന്നും ഒരു ഒത്തുതീർപ്പിനും ഞങ്ങൾ തയ്യാറല്ലെന്നും ബന്ധുക്കൾ പറഞ്ഞു. ജഡ്ജിയുടെ മകനാണ് പ്രതിയെന്ന് അറിഞ്ഞപ്പോൾ പോലീസിന്റെ സമീപനം മാറിയെന്നും ജയപാലകൃഷ്ണന്റെ സഹോദരൻ ആരോപിച്ചു. 17കാരന്റെ ചിത്രമെടുത്തപ്പോൾ പോലീസ് എത്തി ഫോണിൽ നിന്ന് അത് ഡിലീറ്റ് ചെയ്യിപ്പിച്ചുവെന്നും സഹോദരൻ ആരോപിച്ചു. അതേസമയം 2 ദിവസം മുൻപ് കോഴിക്കോട് ആംബുലൻസിൽ ബൈക്കിടിച്ച് യുവാവ് മരിച്ചു. മരിച്ചത് പുതുപ്പാടി സ്വദേശി സുബൈർ ആണ്. അപകടത്തിൽ ആംബുലൻസ് ഡ്രൈവർക്കും പരിക്കേറ്റിരുന്നു. ഒപ്പം നഴ്സിനും രോഗിക്കും പരിക്കേറ്റു. അപകടത്തെ തുടർന്ന് ആംബുലൻസിന്റെ നിയന്ത്രണം വിടുകയും സമീപത്തുള്ള പോസ്റ്റിലേക്ക് ഇടിച്ചു കയറുകയുമായിരുന്നു. മരിച്ച സുബൈർ സഞ്ചരിച്ചിരുന്ന ബൈക്ക് പൂർണമായും തകർന്നിരുന്നു. തിരുവമ്പാടി ലിസി ആശുപത്രീയിൽ ഹൃദയാഘാതത്തെ തുടർന്ന് ചികിത്സയ്ക്കെത്തിയ രോഗിയെ നഗരത്തിലെ ആശുപത്രിയിലേക്ക് മാറ്റുന്നതിനുള്ള ഓട്ടത്തിനിടയിലാണ് ആംബുലൻസ് അപകടത്തില്പെടുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
കോഴിക്കോട്: ആംബുലൻസിൽ ബൈക്കിടിച്ച് യുവാവിന് ദാരുണാന്ത്യം. മരിച്ചത് പുതുപ്പാടി സ്വദേശി സുബൈർ ആണ്. അപകടം ഉണ്ടായത് ഇന്ന് പുലർച്ചയോടെ ആയിരുന്നു. അപകടത്തിൽ ആംബുലൻസ് ഡ്രൈവർക്കും പരിക്കേറ്റിട്ടുണ്ട്. ഒപ്പം നഴ്സിനും രോഗിക്കും പരിക്കേറ്റിട്ടുണ്ട്. അപകടത്തെ തുടർന്ന് ആംബുലൻസിന്റെ നിയന്ത്രണം വിടുകയൂം സമീപത്തുള്ള പോസ്റ്റിലേക്ക് ഇടിച്ചു കയറുകയുമുണ്ടായി. മരിച്ച സുബൈർ സഞ്ചരിച്ചിരുന്ന ബൈക്ക് പൂർണമായും തകർന്നിരുന്നു. തിരുവമ്പാടി ലിസി ആശുപത്രീയിൽ ഹൃദയാഘാതത്തെ തുടർന്ന് ചികിത്സയ്ക്കെത്തിയ രോഗിയെ നഗരത്തിലെ ആശുപത്രിയിലേക്ക് മാറ്റുന്നതിനുള്ള ഓട്ടത്തിനിടയിലാണ് ആംബുലൻസ് അപകടത്തില്പെടുന്നത്. രണ്ടു ദിവസം മുൻപ് കോഴിക്കോട് നടുവണ്ണൂരിൽ പിക്കപ്പ് വാൻ മറിഞ്ഞുണ്ടായ അപകടത്തിൽ പിക്കപ്പ് വാൻ ഡ്രൈവർ മുഹമ്മദ് ഷഹീന് ഗുരുതരമായി പരിക്കേറ്റിരുന്നു. കോഴിക്കോട് നടുവണ്ണൂർ ജവാൻ ഷൈജു സ്മാരക ബസ് കാത്തിരിപ്പ് കേന്ദ്രത്തിന് അടുത്ത് വച്ചായിരുന്നു അപകടമുണ്ടായത്. മലപ്പുറത്ത് നിന്ന് നടുവണ്ണൂർ വെള്ളോട്ടങ്ങാടിയിലേക്ക് പച്ചക്കറിയുമായ പോയ പിക്കപ്പ് വാനായിരുന്നു അപകടത്തിൽപ്പെട്ടത്. സംസ്ഥാനപാതയിലെ കൈവരിയിൽ ഇടിച്ച് വാഹനം തൊട്ടടുത്തുള്ള പറമ്പിലേക്ക് മറിയുകയായിരുന്നു എന്നാണ് റിപ്പോർട്ട്. അപകട കാരണം ഡ്രൈവർ ഉറങ്ങിപ്പോയതാണ് എന്നാണ് റിപ്പോർട്ട്. അപകടത്തെ തുടർന്ന് മുഹമ്മദ് ഷഹീൻ വാഹനത്തിനുള്ളിൽ കുടുങ്ങിപ്പോയിരുന്നു തുടർന്ന് വാഹനം വെട്ടിപ്പൊളിച്ചാണ് പുറത്തെടുത്തത്. പരിക്കേറ്റ ഷഹീനെ ആദ്യം സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമായതിനാൽ പിന്നീട് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.