Thiruvananthapuram

Airtel Buy 1 Get 1 Free: പുതിയ ഓഫറുമായി എയര്‍ടെല്‍, 'ബൈ 1 ഗെറ്റ് 1 ഫ്രീ' ഓഫര്‍ സ്വന്തമാക്കാം!

Written & Updated by: Mekha P Panicker

Published: Nov 09, 2026, 06:32 PM | Updated: Nov 09, 2026, 06:32 PM

പ്രീപെയ്ഡ് ഉപഭോക്താക്കൾക്കായി പുതിയ 'ബൈ 1 ഗെറ്റ് 1 ഫ്രീ' (Buy 1 Get 1 Free) ഓഫറുമായി എയർടെൽ.

എയർടെലിന്റെ തിരഞ്ഞെടുത്ത പ്ലാനുകൾ റീചാർജ് ചെയ്യുമ്പോൾ അതേ വിലയുള്ള മറ്റൊരു റീചാർജ് കൂടി അധിക നിരക്കില്ലാതെ എയർടെൽ ഉപഭോക്താക്കൾക്ക് ലഭിക്കുന്നു. നിലവിൽ 349 രൂപയുടെയും 399 രൂപയുടെയും പ്രീപെയ്ഡ് പ്ലാനുകളിലാണ് ഉപയോക്താക്കൾക്ക് ഈ ഓഫർ ലഭിക്കുന്നത്.

രണ്ട് പ്ലാനുകൾക്കും സാധാരണയായി 28 ദിവസത്തെ വാലിഡിറ്റിയാണുള്ളത്. എന്നാൽ ഓഫർ ലഭിക്കുന്നതിലൂടെ ഒറ്റ റീചാർജ് തുകയിൽ 56 ദിവസം വരെ സേവനം ആസ്വദിക്കാൻ സാധിക്കും.

ഈ പ്ലാനുകൾക്ക് ദിവസേന 2GB ഡാറ്റയും, അൺലിമിറ്റഡ് 5G ഡാറ്റയും, അൺലിമിറ്റഡ് കോളുകളും, പ്രതിദിനം 100 SMS-ഉം ലഭിക്കുന്നു. കൂടാതെ 12 മാസത്തെ അഡോബി എക്സ്പ്രസ് പ്രീമിയം സബ്സ്ക്രിപ്ഷൻ, ഹെലോട്യൂൺസ്, സ്പാം കോൾ തടയുന്ന എയർടെൽ സേഫ് ആനുകൂല്യങ്ങളും ഇതിലുണ്ട്.

ഡൈലി ലിമിറ്റ് ഇല്ലാത്ത അൺലിമിറ്റഡ് 4G/5G ഡാറ്റയാണ് പ്ലാനിന്റെ പ്രധാന പ്രത്യേകത. ഒപ്പം അൺലിമിറ്റഡ് കോളുകൾ, 100 SMS, അഡോബി എക്സ്പ്രസ് പ്രീമിയം സബ്സ്ക്രിപ്ഷൻ, ഹെലോട്യൂൺസ്, എയർടെൽ സേഫ് ആനുകൂല്യങ്ങളും ഇതിൽ ഉൾപ്പെടുന്നു.

എയർടെൽ താങ്ക്സ് ആപ്പ് തുറന്ന് 349 രൂപ അല്ലെങ്കിൽ 399 രൂപ പ്ലാനുകളിൽ 1+1 Recharge Free എന്ന ടാഗ് ഉണ്ടോയെന്ന് പരിശോധിച്ചാൽ ഉപയോക്താക്കൾക്ക് തങ്ങളുടെ അക്കൗണ്ടിൽ ഓഫർ ലഭ്യമാണോയെന്ന് തിരിച്ചറിയാം.

Mekha P Panicker

Mekha P Panicker