Thiruvananthapuram

Indian 3: പ്രതീക്ഷയോടെ ഇന്ത്യൻ 3, പുതിയ പോസ്റ്ററുകൾ പങ്കുവെച്ച് ലൈക പ്രൊഡക്ഷൻസ്

Written by: Mekha P Panicker Updated by: Roniya Baby

Published: Oct 09, 2026, 07:39 PM | Updated: Oct 09, 2026, 07:39 PM

കമൽഹാസൻ - ശങ്കർ കൂട്ടുകെട്ടിൽ ഒരുങ്ങുന്ന ഇന്ത്യൻ 3-യുടെ പുതിയ പോസ്റ്ററുകൾ നിർമ്മാതാക്കളായ ലൈക പ്രൊഡക്ഷൻസ് പുറത്തിറക്കി.

ഇന്ത്യന്‍ 3 റിലീസിനെത്തുന്നു. കമല്‍ഹാസന്‍-ശങ്കര്‍ കൂട്ടുകെട്ടില്‍ ഒരുങ്ങുന്ന ചിത്രത്തിന്റെ പോസ്റ്ററുകള്‍ നിര്‍മ്മാതാക്കളായ ലൈക പ്രൊഡക്ഷന്‍സ് പുറത്തിറക്കി. 'സേനാപതി ഈസ് ബാക്ക് വിത് സീറോ ടോളറന്‍സ്. ദി റീസര്‍ജന്‍സ് ബിഗിന്‍സ്' (Senapathy is back with zero tolerance. The resurgence begins) എന്ന കുറിപ്പോടെയാണ് അണിയറപ്രവര്‍ത്തകര്‍ പോസ്റ്ററുകള്‍ പങ്കുവെച്ചിരിക്കുന്നത്.

2024 ജൂലൈയിൽ തിയേറ്ററുകളിലെത്തിയ ഇന്ത്യൻ 2 ബോക്സ് ഓഫീസിൽ പ്രതീക്ഷിച്ച വിജയം നേടിയിരുന്നില്ല. ചിത്രത്തിന്റെ മോശം പ്രകടനം ഇന്ത്യൻ 3-യുടെ ഭാവിയെ ആശങ്കയിലാക്കിയിരുന്നു. ഇതിന് പിന്നാലെയാണ് പുതിയ പോസ്റ്ററുകൾ പുറത്തുവന്നത്.

2024 ജൂലൈയിൽ തിയേറ്ററുകളിലെത്തിയ ചിത്രമാണ് ഇന്ത്യൻ 2. അഴിമതിക്കെതിരെ പോരാടുന്ന സേനാപതി എന്ന സ്വാതന്ത്ര്യസമര സേനാനിയുടെ കഥ പറയുന്ന ഈ ചിത്രത്തിൽ സിദ്ധാർത്ഥ്, എസ്.ജെ. സൂര്യ, രാകുൽ പ്രീത് സിംഗ്, ബോബി സിംഹ തുടങ്ങിയ വലിയൊരു താരനിര അണിനിരന്നിരുന്നു. വലിയ പ്രതീക്ഷയോടെ എത്തിയെങ്കിലും ബോക്സ് ഓഫീസിൽ പ്രതീക്ഷിച്ച വിജയം നേടാൻ ചിത്രത്തിന് സാധിച്ചിരുന്നില്ല.

ശങ്കറിന്റെ സംവിധാനത്തിൽ കമൽഹാസൻ നായകനായി 1996-ൽ പുറത്തിറങ്ങിയ എക്കാലത്തെയും മികച്ച ക്ലാസിക് ചിത്രമാണ് ഇന്ത്യൻ. ഇരട്ട വേഷത്തിലാണ് കമലഹാസന്‍ ചിത്രത്തിലെത്തുന്നത്. അഴിമതിക്കെതിരെ ഒറ്റയാൾ പോരാട്ടം നടത്തുന്ന സ്വാതന്ത്ര്യസമര സേനാനിയായ സേനാപതിയായും. ഇതിന് പുറമെ സേനാപതിയുടെ മകന്‍ ചന്ദ്രബോസായും കമലഹാസന്‍ ചിത്രത്തില്‍ വേഷമിട്ടിരുന്നു.

തിരക്കഥയിൽ പുതുമയില്ലെന്നായിരുന്നു ചിത്രത്തിനെതിരെ ഉയർന്ന പ്രധാന ആരോപണം. ആദ്യ ഭാഗത്തിന്റെ അതേ ശൈലി തന്നെയായിരുന്നു വർഷങ്ങൾക്ക് ശേഷമെത്തിയ രണ്ടാം ഭാഗത്തിലും ഉപയോഗിച്ചത്. മാത്രമല്ല ചിത്രത്തിന്റെ ദൈർഘ്യം 3 മണിക്കൂറും 4 മിനിറ്റുമായിരുന്നു, ഇതും ആളുകളെ മടുപ്പിച്ചു. ചിത്രത്തിലെ കമൽഹാസന്റെ മേക്കപ്പിന്റെയും വിഷ്വൽ എഫക്റ്റുകളുടെയും നിലവാരം കുറഞ്ഞുപോയെന്ന അഭിപ്രായങ്ങളുമുണ്ടായിരുന്നു.

Mekha P Panicker