Videos
ANKUSH :ഏഷ്യൻ ഗെയിംസിൽ പുരുഷ ബോക്സിംഗിൽ ആദ്യ സ്വർണം നേടി അങ്കുഷ് പങ്കൽ
@ZeeMalayalam36d ago
Kerala
National
International
Entertainment
Short Videos
Kochi
Kozhikode
Thiruvananthapuram
Sports
Career
Utility
Religion
Photo
Video&imwidth=640&imheight=360)
Asian Games 2026: ഏഷ്യൻ ഗെയിംസ് ഗോൾഫ്: സ്വർണമെഡൽ ജേതാവ് പ്രണവി ഉർസിന് 1 കോടി രൂപ പാരിതോഷികം
ഏഷ്യൻ ഗെയിംസിൽ ഗോൾഫിൽ സ്വർണമെഡൽ നേടിയ ഇന്ത്യയുടെ ആദ്യ വനിതാ താരം പ്രണവി ഉർസിന് 1 കോടി രൂപയുടെ പാരിതോഷികം. മുൻ കേന്ദ്ര കായികമന്ത്രിയും പാർലമെന്റ് അംഗവുമായ അനുരാഗ് സിംഗ് താക്കൂർ ഡൽഹി ഗോൾഫ് ക്ലബ്ബിൽ നടന്ന ഇന്ത്യ ചാമ്പ്യൻഷിപ്പിൽ വെച്ച് 1 കോടി രൂപയുടെ ചെക്ക് നൽകി ആദരിച്ചു. ലോകത്തിലെ ഏറ്റവും മികച്ച താരങ്ങൾ പങ്കെടുക്കുന്ന ടൂർണമെന്റിൽ വെച്ച് സ്വന്തം നാട്ടിൽ നിന്ന് ആദരിക്കപ്പെട്ടതിൽ സന്തോഷമുണ്ടെന്ന് പ്രണവി വ്യക്തമാക്കി. ഈ മെഡൽ നേട്ടത്തോടെ ഇന്ത്യയിലെ കൂടുതൽ പെൺകുട്ടികളെ ഗോൾഫിലേക്ക് ആകർഷിക്കുമെന്ന് താൻ ആഗ്രഹിക്കുന്നതായി പ്രണവി കൂട്ടിച്ചേർത്തു. ജപ്പാനിലെ ഐചി-നഗോയയിൽ നടന്ന ഏഷ്യൻ ഗെയിംസിൽ ഒക്ടോബർ 3-ന് ആണ് വ്യക്തിഗത വിഭാഗത്തിൽ സ്വർണം നേടുന്ന ആദ്യ ഇന്ത്യൻ വനിതാ ഗോൾഫ് താരമായി പ്രണവി മാറിയത്. എൽപിജിഎയിലെ (LPGA) ആറ് തവണ ചാമ്പ്യനായ ചൈനയുടെ യിൻ റൂണിംഗിനെയും സിംഗപ്പൂരിന്റെ ഷാനൻ ടാനിനെയും ഒരു ഷോട്ടിന്റെ വ്യത്യാസത്തിൽ പിന്തള്ളിയാണ് പ്രണവി വിജയം സ്വന്തമാക്കിയത്. ഏഷ്യൻ ഗെയിംസ് ഗോൾഫിൽ വ്യക്തിഗത വിഭാഗത്തിൽ ഇന്ത്യയുടെ 24 വർഷത്തെ സ്വർണ്ണ മെഡൽ കാത്തിരിപ്പാണ് പ്രണവി അവസാനിപ്പിച്ചത്. അവസാനമായി 2002-ൽ ബുസാനിൽ നടന്ന ഗെയിംസിൽ പുരുഷ വിഭാഗത്തിൽ ശിവ് കപൂറാണ് ഇന്ത്യക്കായി സ്വർണം നേടിയത്. പ്രണവിയെ ആദരിച്ച ചടങ്ങിൽ ഡൽഹി ഗോൾഫ് ക്ലബ് പ്രസിഡന്റ് രാജ് ഖന്ന, ഐജിപിഎൽ (IGPL) സിഇഒ ഉത്തം സിംഗ് മുൻദി, ഭാരത് ഗോൾഫ് പ്രൈവറ്റ് ലിമിറ്റഡ് ഡയറക്ടർ മാനവ് ജൈനി, ടെന്നീസ് ഇതിഹാസം ലിയാൻഡർ പെയ്സ് തുടങ്ങി നിരവധി പ്രമുഖർ പങ്കെടുത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസിന് തിരശ്ശീല വീണു; 2030ൽ പോരാട്ടം ദോഹയിൽ, ഇന്ത്യയ്ക്ക് 85 മെഡലുകൾ
നഗോയ: രണ്ടാഴ്ച നീണ്ടുനിന്ന കായികമാമാങ്കത്തിന് അവസാനമായി. അയ്ച്ചി-നഗോയ ഏഷ്യൻ ഗെയിംസിന് വർണ്ണാഭമായ സമാപനം. ഞായറാഴ്ച നടന്ന സമാപനച്ചടങ്ങുകൾക്ക് പിന്നാലെ ഗെയിംസ് ഔദ്യോഗികമായി അവസാനിപ്പിച്ചതായി പ്രഖ്യാപിച്ചു. അടുത്ത ഏഷ്യൻ ഗെയിംസ് 2030-ൽ ദോഹയിലാണ് നടക്കുക. സമാപന ചടങ്ങിൽ ഒളിമ്പിക് കൗൺസിൽ ഓഫ് ഏഷ്യ (ഒസിഎ) പതാക കൈമാറ്റം നടന്നു. 1951-ൽ ന്യൂഡൽഹിയിൽ നടന്ന കന്നി ഏഷ്യൻ ഗെയിംസിലെ ദീപശിഖയും പതാകയും സ്റ്റേഡിയത്തിൽ പ്രദർശിപ്പിച്ച ശേഷമാണ് ഖത്തർ പ്രധാനമന്ത്രി മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽ താനിക്ക് കൈമാറിയത്. ഖത്തർ ദേശീയ പതാക ഉയർത്തിയ ചടങ്ങിൽ ഇന്ത്യൻ ഷൂട്ടിങ് താരം നീരു ദണ്ഡയാണ് ഇന്ത്യൻ സംഘത്തിന്റെ പതാകയേന്തിയത്. ഏഷ്യക്ക് കായികരംഗത്ത് എത്രത്തോളം ഉയരങ്ങളിലേക്ക് കുതിക്കാൻ കഴിയുമെന്ന് നമ്മൾ ഒരുമിച്ച് കണ്ടുവെന്ന് ഒളിമ്പിക് കൗൺസിൽ ഓഫ് ഏഷ്യ (ഒസിഎ) പ്രസിഡന്റ് ഷെയ്ഖ് ജോവാൻ ബിൻ ഹമദ് അൽ താനി പറഞ്ഞു. ഏഷ്യയിലെ വരുംതലമുറ കായികതാരങ്ങളെ വാർത്തെടുക്കുന്ന വലിയൊരു പോരാട്ടത്തിനാണ് ഇവിടെ തിരശീല വീണിരിക്കുന്നത്. ജപ്പാനിൽ മാത്രമല്ല, അതിനപ്പുറത്തും സ്വാധീനം ചെലുത്തുന്ന കായിക പാരമ്പര്യമാണ് കായികതാരങ്ങൾ ഇവിടെ സൃഷ്ടിച്ചത്. അമ്പതിലേറെ ലോക റെക്കോർഡുകൾ ഇത്തവണ തകർക്കപ്പെട്ടു. ഏഷ്യൻ ഗെയിംസിന്റെ ചരിത്രത്തിലെ തന്നെ പുതിയൊരു റെക്കോർഡാണിതെന്നും അദ്ദേഹം കൂട്ടിച്ചേർത്തു. ഇത്തവണ 21 സ്വർണവും 27 വെള്ളിയും 37 വെങ്കലവുമടക്കം ആകെ 85 മെഡലുകൾ സ്വന്തമാക്കിയാണ് ഇന്ത്യ നാലാം സ്ഥാനം ഉറപ്പിച്ചത്. ഉസ്‌ബെകിസ്താനും 21 സ്വർണ മെഡലുകളാണ് നേടിയത്. എന്നാൽ വെള്ളി മെഡലുകളുടെ എണ്ണത്തിലാണ് മുന്നിലെത്തിയത്. 169 സ്വർണവുമായി ചൈന പട്ടികയിൽ ഒന്നാം സ്ഥാനം നിലനിർത്തി. 83 സ്വർണം നേടിയ ജപ്പാൻ രണ്ടാം സ്ഥാനത്തും 39 സ്വർണത്തോടെ ദക്ഷിണ കൊറിയ മൂന്നാം സ്ഥാനത്തുമെത്തി. കഴിഞ്ഞ ഏഷ്യൻ ഗെയിംസിൽ 100 മെഡലുകൾ എന്ന ചരിത്ര നേട്ടം ഇന്ത്യ സ്വന്തമാക്കിയിരുന്നു. ഏഷ്യൻ ഗെയിംസ് ചരിത്രത്തിലാദ്യമായി സെഞ്ചുറി തികച്ച അന്ന് ആകെ 107 മെഡലുകളാണ് ഇന്ത്യൻ കായികതാരങ്ങൾ സ്വന്തമാക്കിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games Hockey: ചരിത്ര കുറിച്ച് ഇന്ത്യൻ ഹോക്കി; ഫൈനലിൽ മലേഷ്യയെ 5-1-ന് തകർത്തെറിഞ്ഞ് പുരുഷ ടീം, കിരീടം നിലനിർത്തി
നഗോയ: ഏഷ്യൻ ഗെയിംസ് ഹോക്കിയിൽ വീണ്ടും സ്വർണത്തിളക്കവുമായി ഇന്ത്യ! വനിതാ ടീമിന്റെ സ്വർണനേട്ടത്തിന് പിന്നാലെ പുരുഷ ടീമും ജയിച്ച് സ്വർണം നേടി. ആവേശകരമായ ഫൈനലിൽ മലേഷ്യയെ തകർത്തുകൊണ്ടാണ് (5-1) ഇന്ത്യൻ പുരുഷ സംഘം ഏഷ്യൻ ഗെയിംസ് ചാമ്പ്യന്മാരായത്. ഏഷ്യൻ ഗെയിംസ് ചരിത്രത്തിൽ ആദ്യമായാണ് ഇന്ത്യ സ്വർണം നിലനിർത്തുന്നത്. ഒപ്പം, ഒരു ഏഷ്യൻ ഗെയിംസിൽ തന്നെ ഇന്ത്യൻ പുരുഷ-വനിതാ ടീമുകൾ ഒരുമിച്ച് സ്വർണമണിയുന്നതും ഇതാദ്യമാണ്. ഈ ചരിത്രവിജയത്തോടെ ഇരു ടീമുകളും ലോസ് ആഞ്ചലസ് ഒളിമ്പിക്സിന് നേരിട്ട് യോഗ്യത ഉറപ്പിച്ചു. പുരുഷ ഹോക്കിയിൽ ഇന്ത്യയുടെ അഞ്ചാം സ്വർണം മെഡൽ നേട്ടം കൂടിയാണിത്. ഇന്ത്യക്കായി ക്യാപ്റ്റൻ ഹർമൻപ്രീത് സിങ് ഇരട്ട ഗോളുകളുമായി തിളങ്ങിയപ്പോൾ ജുഗ്‌രാജ് സിങ്, ഹാർദിക് സിങ്, ഷിലാനന്ദ് ലാക്ര എന്നിവർ ഓരോ ഗോൾ വീതം നേടി. മലേഷ്യക്കായി ഷെല്ലോ സിൽവേരിയസാണ് ആശ്വാസ ഗോൾ കണ്ടെത്തിയത്. 21-ാം സ്വർണം സ്വന്തമാക്കിയതോടെ ഏഷ്യൻ ഗെയിംസ് മെഡൽ പട്ടികയിൽ ഇന്ത്യ നാലാം സ്ഥാനത്തേക്ക് ഉയർന്നു. ഇന്ത്യക്കൊപ്പം തന്നെ ഉസ്ബക്കിസ്ഥാനും 21 സ്വർണ മെഡലുകൾ ഉണ്ടെങ്കിലും, രണ്ട് വെള്ളിയുടെ മുൻതൂക്കത്തിൽ ഇന്ത്യ നാലാം സ്ഥാനം സ്വന്തമാക്കി. നേരത്തേ വനിതാ ഹോക്കിയിലും ഇന്ത്യ ചരിത്ര സ്വർണം സ്വന്തമാക്കിയിരുന്നു. ആവേശകരമായ ഫൈനലിൽ നിലവിലെ ചാമ്പ്യന്മാരായ ചൈനയെ 1–0-ന് തോൽപ്പിച്ചാണ് ഇന്ത്യൻ വനിതകൾ പൊന്നിൻ നേട്ടം സ്വന്തമാക്കിയത്. 10-ാം മിനിറ്റിൽ ലാൽറംസിയാമി ഹമാർസോട്ടെ നേടിയ ഗോളാണ് ഇന്ത്യക്ക് വിജയമൊരുക്കിയത്. ചൈനയുടെ പെനൽറ്റി സ്ട്രോക്ക് തടുത്തിട്ട ഗോൾകീപ്പർ സവിത പുനിയയുടെ മിന്നുന്ന പ്രകടനവും വിജയത്തിൽ നിർണായകമായി. 1982-ന് ശേഷം ആദ്യമായാണ് ഇന്ത്യൻ വനിതാ ടീം ഏഷ്യൻ ഗെയിംസിൽ സ്വർണം നേടുന്നത്. ഈ ജയത്തോടെ 2028 ഒളിമ്പിക്സിനും ഇന്ത്യ യോഗ്യത ഉറപ്പിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games Cricket: അഭിഷേകും തിലകും തകർത്തടിച്ചു, പാകിസ്ഥാനെ വീഴ്ത്തി; ഏഷ്യൻ ഗെയിംസ് ക്രിക്കറ്റിൽ ഇന്ത്യക്ക് സ്വർണം
നിഷിൻ: ഏഷ്യൻ ഗെയിംസ് ക്രിക്കറ്റിൽ പാകിസ്ഥാനെ തകർത്തുകൊണ്ട് ഇന്ത്യക്ക് സ്വർണം. 19 റൺസിനാണ് ഇന്ത്യ പാകിസ്ഥാനെ വീഴ്ത്തിയത്. ഇന്ത്യ ഉയർത്തിയ 212 റൺസ് വിജയലക്ഷ്യവുമായി മറുപടി ബാറ്റിങ്ങിനിറങ്ങിയ പാകിസ്ഥാന് 20 ഓവറിൽ ആറ് വിക്കറ്റ് നഷ്ടത്തിൽ 192 റൺസെടുക്കാൻ മാത്രമെ കഴിഞ്ഞുള്ളൂ. ഇന്ത്യക്കായി അഭിഷേക് ശർമയും തിലക് വർമയും അർധസെഞ്ച്വറി നേടി. മറുപടി ബാറ്റിങ്ങിനിറങ്ങിയ പാക് നിരയിൽ ഹസൻ നവാസ് അർധസെഞ്ചുറിയോടെ തിളങ്ങിയെങ്കിലും ടീമിനെ വിജയത്തിലെത്തിക്കാൻ സാധിച്ചില്ല. കഴിഞ്ഞ ഏഷ്യൻ ഗെയിംസിലും ഇന്ത്യക്കായിരുന്നു സ്വർണം. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റുചെയ്ത ഇന്ത്യ നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 211 റൺസെന്ന കൂറ്റൻ സ്കോർ പടുത്തുയർത്തി. ഓപ്പണർ അഭിഷേക് ശർമയുടെയും മധ്യനിരയിൽ തിലക് വർമയുടെയും വെടിക്കെട്ട് പ്രകടനമാണ് ഇന്ത്യൻ ഇന്നിങ്സിന് കരുത്തായത്. വെറും 20 പന്തിൽ നിന്ന് അർധസെഞ്ചുറി തികച്ച അഭിഷേക് ശർമ ഇന്ത്യയ്ക്ക് മികച്ച തുടക്കമാണ് സമ്മാനിച്ചത്. ഇന്നിങ്സിന്റെ അവസാന ഓവറുകളിൽ തിലക് വർമയും ശിവം ദുബെയും ചേർന്ന് ഇന്ത്യൻ സ്കോർ 200 കടത്തുകയായിരുന്നു. പാകിസ്താനെതിരേ തകർപ്പൻ തുടക്കമാണ് ഇന്ത്യക്ക് ലഭിച്ചത്. അഭിഷേക് ശർമയുടെ ബാറ്റിങ് വെടിക്കെട്ടിൽ പവർപ്ലേയിൽ തന്നെ ഇന്ത്യ കൂറ്റൻ സ്കോറിലേക്ക് കുതിച്ചു. എന്നാൽ 9 പന്തിൽ രണ്ട് സിക്സറുകളോടെ 15 റൺസെടുത്ത ഓപ്പണർ വൈഭവ് സൂര്യവംശിക്കും, 4 പന്തിൽ 2 റൺസ് മാത്രമെടുത്ത് സഞ്ജു സാംസണും വേഗത്തിൽ മടങ്ങേണ്ടിവന്നു. എങ്കിലും പാക് ബൗളിങ് നിരയെ നിഷ്പ്രഭമാക്കിയ അഭിഷേക് ശർമയുടെ ആറാട്ടിൽ പവർപ്ലേ അവസാനിക്കുമ്പോൾ ഇന്ത്യൻ സ്കോർ 80 കടന്നിരുന്നു. 20 പന്തിൽ അർധ സെഞ്ച്വറി തികച്ച അഭിഷേക് ശർമയുടെ മികവിൽ ഇന്ത്യ മുന്നേറിയെങ്കിലും, എട്ടാം ഓവറിൽ താരം പുറത്തായത് തിരിച്ചടിയായി. 3 ഫോറുകളും 7 സിക്സറുമടക്കം 28 പന്തിൽ 61 റൺസെടുത്താണ് അഭിഷേക് മടങ്ങിയത്. തുടർന്ന് ക്യാപ്റ്റൻ ശ്രേയസ് അയ്യരും ഇഷാൻ കിഷനും ചേർന്ന് പത്തോവറിൽ ടീം സ്കോർ 114-ൽ എത്തിച്ചു. എന്നാൽ അഭിഷേകിന്റെ മടക്കത്തിന് പിന്നാലെ റണ്ണൊഴുക്ക് കുറയുകയും ഇഷാൻ (20), ശ്രേയസ് (21) എന്നിവർ വേഗത്തിൽ മടങ്ങുകയും ചെയ്തതോടെ ഇന്ത്യ 14.1 ഓവറിൽ 133-5 എന്ന നിലയിലേക്ക് വീണു. തുടർന്ന് ക്രീസിലൊന്നിച്ച തിലക് വർമയും ശിവം ദുബെയും ചേർന്ന് 200 കടത്തുകയായിരുന്നു. അവസാന ഓവറുകളിൽ തകർത്തടിച്ച ഇരുവരും 18-ാം ഓവറിൽ 18 റൺസും 19-ാം ഓവറിൽ 23 റൺസും അടിച്ചുകൂട്ടി ഇന്ത്യയെ കൂറ്റൻ സ്കോറിലേക്ക് നയിച്ചു. ശിവം ദുബെ 15 പന്തിൽ 27 റൺസും, തിലക് വർമ 22 പന്തിൽ 51 റൺസുമായി പുറത്താകാതെ നിന്നു. മറുപടി ബാറ്റിങ്ങിനിറങ്ങിയ പാകിസ്ഥാൻ ശ്രദ്ധയോടെയാണ് തുടങ്ങിയതെങ്കിലും ഇന്ത്യൻ ബൗളർമാർ കൃത്യമായ ഇടവേളകളിൽ വിക്കറ്റ് വീഴ്ത്തി അവരെ പ്രതിരോധത്തിലാക്കി. നാലാം ഓവറിൽ സാഹിബ്‌സാദ ഫർഹാനും (10), അഞ്ചാം ഓവറിൽ ഉസ്മാൻ ഖാനും (3), പിന്നാലെ മാസ് സദാഖാത്തും (23) പുറത്തായതോടെ പാകിസ്താൻ പ്രതിരോധത്തിലായി. എന്നാൽ നാലാം വിക്കറ്റിൽ ഒന്നിച്ച സയിം അയൂബും (29) ഹസൻ നവാസും ചേർന്ന് പാകിസ്താനെ മത്സരത്തിലേക്ക് തിരികെയെത്തിച്ചു. ശിവം ദുബെ സയിം അയൂബിനെ പുറത്താക്കി ഇന്ത്യക്ക് ബ്രേക്ക് ത്രൂ നൽകിയെങ്കിലും, മറുവശത്ത് 96 റൺസുമായി തകർത്തടിച്ച ഹസൻ നവാസ് അവസാന നിമിഷം വരെ പാക് പ്രതീക്ഷകൾ നിലനിർത്തി. ഒടുവിൽ നിശ്ചിത ഓവറിൽ 192 റൺസെടുക്കാനേ പാകിസ്താന് സാധിച്ചുള്ളൂ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: 44 വർഷത്തിനു ശേഷം ചരിത്രനേട്ടം, ചൈനയെ തകർത്ത് ഇന്ത്യൻ വനിതാ ഹോക്കി ടീം ഏഷ്യൻ ഗെയിംസ് ചാമ്പ്യന്മാരായി
നഗോയ: ഏഷ്യൻ ഗെയിംസിൽ ഇന്ത്യൻ വനിതാ ഹോക്കി ടീം ചൈനയെ 1-0-ന് തോല്‍പ്പിച്ച് സ്വര്‍ണ്ണമെഡല്‍ നേടിയപ്പോള്‍ 44 വര്‍ഷത്തെ കാത്തിരിപ്പാണ് അവസാനിച്ചത്. 1982-ൽ ന്യൂഡൽഹിയിൽ വെച്ചാണ് ഒമ്പതാമത് ഏഷ്യൻ ഗെയിംസ് നടന്നത്. അതേ വര്‍ഷം തന്നെയാണ് ഏഷ്യൻ ഗെയിംസിൽ വനിതാ ഹോക്കി മത്സരങ്ങൾ ആദ്യമായി ഉൾപ്പെടുത്തിയത്. അന്ന് ദക്ഷിണ കൊറിയയെ പിന്തള്ളിയാണ് ഇന്ത്യ സ്വർണ്ണ മെഡൽ കരസ്ഥമാക്കിയത്. അതിനുശേഷം 2002-ലും 2018-ലും വിജയത്തിന് തൊട്ടടുത്ത് എത്തിയിട്ടും റണ്ണേഴ്സ് അപ്പായി ടീമിന് മടങ്ങേണ്ടി വന്നു. അന്ന് ദക്ഷിണ കൊറിയയോടും ജപ്പാനോടുമാണ് ഇന്ത്യന്‍ ടീം പരാജയപ്പെട്ടത്. അതേസമയം ജപ്പാനിലെ ഐച്ചി-നഗോയയില്‍ അരങ്ങേറിയ മത്സരത്തിൽ ലാൽറെംസിയാമിയാണ് ഇന്ത്യക്കായി നിർണ്ണായക ഗോൾ നേടിയത്. ചൈനയുടെ പെനാൽറ്റി സ്ട്രോക്ക് മികച്ച രീതിയിൽ തടഞ്ഞിട്ട ഗോൾകീപ്പർ സവിത പൂനിയയുടെ പ്രകടനം ഇന്ത്യയുടെ വിജയത്തിൽ നിർണ്ണായകമായി. മത്സരത്തിലേക്ക് തിരിച്ചുവരാനുള്ള ചൈനയുടെ ശ്രമത്തെ ഇന്ത്യ പ്രതിരോധിച്ചു. 20-ാം ഏഷ്യന്‍ ഗെയിംസിലെ വനിതാ ഹോക്കി ടീമിന്റെ വിജയത്തോടെ ഇന്ത്യ 2028-ലെ ലോസ് ഏഞ്ചൽസ് ഒളിമ്പിക്സിനുള്ള നേരിട്ടുള്ള യോഗ്യതയും നേടി. ചൈന രണ്ടാം സ്ഥാനത്ത് വെള്ളി മെഡല്‍ നേടിയപ്പോള്‍ മൂന്നാം സ്ഥാനത്തിനായുള്ള മത്സരത്തില്‍ ദക്ഷിണ കൊറിയയെ 4-2 ന് പരാജയപ്പെടുത്തി ജപ്പാന്‍ വെങ്കലവും നേടി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Subhash Chandra Foundation: ഏഷ്യൻ ഗെയിംസിൽ സ്വർണത്തിളക്കത്തിൽ അങ്കുഷ് പങ്കൽ; സുഭാഷ് ചന്ദ്ര ഫൌണ്ടേഷൻ ബോക്സിങ് പരിശീലന കേന്ദ്രത്തിന് ഒരു പൊൻതൂവൽ കൂടി
ഏഷ്യൻ ഗെയിംസ് 2026ൽ സ്വർണമെഡൽ നേടി അങ്കുഷ് പങ്കൽ. പുരുഷന്മാരുടെ 80 കിലോഗ്രാം ഭാരോദ്വഹനത്തിലാണ് അങ്കുഷ് സ്വർണമെഡൽ നേടിയത്. ജപ്പാനിൽ നടക്കുന്ന ഏഷ്യൻ ഗെയിംസിൽ ദക്ഷിണ കൊറിയയുടെ കിം മിൻസോങ്ങിനെ 4-0ന് പരാജയപ്പെടുത്തിയാണ് അങ്കുഷിൻറെ സ്വർണനേട്ടം.
Tap to read more
&imwidth=640&imheight=360)
Asian Games 2026: സ്വർണം എയ്തിട്ട് ഇന്ത്യ; അമ്പെയ്ത്തിൽ വനിതാ ടീമിന് റെക്കോർഡോടെ സ്വർണ്ണം
നഗോയ: ഏഷ്യൻ ഗെയിംസിൽ അമ്പെയ്ത്തിൽ സ്വർണം റെക്കോർഡോടെ സ്വന്തമാക്കി ഇന്ത്യൻ വനിതാ ടീം. മത്സരത്തിൽ ഇന്ത്യൻ താരങ്ങൾ എയ്തിട്ടത് ചൈനയെ ആയിരുന്നു. ജ്യോതി സുരേഖ വെന്നം, പ്രിതിക പ്രദീപ്, ചികിത തനിപർത്തി എന്നിവരടങ്ങുന്ന ഇന്ത്യൻ ടീമാണ് ചൈനയ്‌ക്കെതിരെ 234-228 എന്ന സ്കോറിന് മികച്ച വിജയം കൈവരിച്ചത്. ദക്ഷിണ കൊറിയയെ 234-233 എന്ന സ്കോറിന് പരാജയപ്പെടുത്തി ഇന്ത്യ ഫൈനലിൽ ചൈനയെ നേരിടുകയായിരുന്നു. വനിതാ ടീം സ്ക്വാഷിൽ അനാഹത് സിങ്ങും തൻവി ഖന്നയും സെമിഫൈനലിലേക്ക് യോഗ്യത നേടിയതോടെ ഉടൻ തന്നെ മറ്റൊരു മെഡൽ നേട്ടം കൂടി ഇന്ത്യ കാത്തിരിക്കുകയാണ്. നിലവിൽ മെഡൽ പട്ടികയിൽ ഇന്ത്യ ഏഴാം സ്ഥാനത്താണ്. വരും മത്സരങ്ങൾ നില ഉയർത്തും എന്ന പ്രതീക്ഷയുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games: സ്വർണ്ണത്തിളക്കത്തിൽ ഇന്ത്യ: വനിതാ റിലേയിൽ അത്‌ലറ്റിക്സിലെ ആദ്യ സ്വർണം
നഗോയ: ഏഷ്യൻ ഗെയിംസിൽ മചെതിര പൂവമ്മ ഉൾപ്പെട്ട വനിതാ 4x400 മീറ്റർ റിലേ ടീം ഇന്ത്യയ്ക്കായി ചരിത്രസ്വർണം നേടി. കിരൺ, പൂവമ്മ, പ്രാചി, വിദ്യ രാംരാജ് എന്നിവരടങ്ങിയ സംഘം 3:29.69 മിനിറ്റിൽ ഫിനിഷ് ചെയ്താണ് അത്‌ലറ്റിക്സിലെ ഇന്ത്യയുടെ ആദ്യ സ്വർണം സ്വന്തമാക്കിയത്. ബഹ്റൈൻ വെള്ളിയും ചൈന വെങ്കലവും നേടി. 5000 മീറ്റർ ഓട്ടത്തിൽ ഇന്ത്യയുടെ ഗുൽവീർ സിങ് വെങ്കലം സ്വന്തമാക്കി. നേരത്തെ 1500 മീറ്ററിലും 10,000 മീറ്ററിലും വെള്ളി നേടിയ ഗുൽവീറിന്റെ ഗെയിംസിലെ മൂന്നാം മെഡലാണിത്. 4x100 മീറ്റർ മിക്സഡ് റിലേയിൽ 41.06 സെക്കൻഡിൽ പുതിയ ദേശീയ റെക്കോർഡോടെ ഇന്ത്യ വെങ്കലം നേടി. ഗുർവീന്ദർ സിങ്, സ്നേഹ, അനിമേഷ് കുജൂർ, ഹരിത ഭദ്ര എന്നിവരടങ്ങിയ സംഘമാണ് മിക്സഡ് റിലേയിൽ മത്സരിച്ചത്. വനിതകളുടെ ഹൈജംപിൽ ഇന്ത്യയുടെ പൂജ സിങ് വെങ്കല മെഡൽ സ്വന്തമാക്കി. വനിതാ വിഭാഗം ട്രാപ് ഷൂട്ടിങ്ങിൽ ഏഷ്യൻ റെക്കോർഡോടെ ഇന്ത്യയുടെ നീരു ദണ്ഡ സ്വർണം നേടി. 28 പോയിന്റുകൾ നേടിയാണ് നീരു ഒന്നാമതെത്തിയത്. ഈ ഗെയിംസിൽ ഇന്ത്യ നേടുന്ന ആദ്യ വ്യക്തിഗത സ്വർണനേട്ടമാണിത്. ഈ ഇനത്തിൽ ചൈനയുടെ സൺ യുനോങ് വെള്ളിയും കുവൈത്തിന്റെ അബ്ദുൽ മാലിക് ഹജർ വെങ്കലവും സ്വന്തമാക്കി. കൂടാതെ, വനിതകളുടെ ട്രാപ് ടീം ഇനത്തിൽ ഇന്ത്യ വെള്ളി മെഡലും കരസ്ഥമാക്കി. ഷൂട്ടിങ്ങിലും ബോക്സിങ്ങിലും ഇന്ത്യയ്ക്ക് തിളക്കമാർന്ന നേട്ടം സ്വന്തമാക്കാനായി. വനിതാ വിഭാഗം ട്രാപ് ടീം ഇനത്തിൽ 328 പോയിന്റുകളോടെ ഇന്ത്യ വെള്ളി മെഡൽ നേടി. ഈ ഇനത്തിൽ ചൈന സ്വർണവും കുവൈത്ത് വെങ്കലവും സ്വന്തമാക്കി. ബോക്സിങ്ങിൽ വനിതകളുടെ 65 കിലോ വിഭാഗത്തിൽ ഇന്ത്യയുടെ പർവീൺ ഹൂഡ ഫൈനലിൽ കടന്നു. സെമിഫൈനലിൽ ചൈനയുടെ ലി ഷുവിനെ 5–0 എന്ന സ്കോറിന് തകർത്താണ് പർവീൺ ഫൈനൽ പ്രവേശനം നേടിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസ് ഷൂട്ടിങ്: വനിതകളുടെ ട്രാപ്പ് ടീം ഇനത്തിൽ ഇന്ത്യക്ക് വെള്ളി
നഗോയ: ഏഷ്യൻ ഗെയിംസിലെ ഷൂട്ടിങ് ഇനത്തിൽ ഇന്ത്യയുടെ കുതിപ്പ് തുടരുന്നു. ട്രാപ്പ് ടീം (Trap Team) വിഭാഗത്തിൽ നീരു ധാണ്ഡ, ആഷിമ അഹ്‌ലാവത്, മനീഷ കീർ എന്നിവരടങ്ങിയ ഇന്ത്യൻ ടീം വെള്ളി മെഡൽ സ്വന്തമാക്കി. 328 പോയിന്റ് നേടിയാണ് ഇന്ത്യൻ ടീം വെള്ളി നേടിയത്. ഒന്നാം സ്ഥാനത്ത് 346 പോയിന്റോടെ ചൈന സ്വർണ മെഡലും, 325 പോയിന്റോടെ കുവൈറ്റ് വെങ്കല മെഡലും സ്വന്തമാക്കി. എന്താണ് ട്രാപ്പ്? ഒളിമ്പിക്സിലും ഏഷ്യൻ ഗെയിംസിലും ഉൾപ്പെടുത്തിയിട്ടുള്ള ഒരു പ്രമുഖ ഷൂട്ടിങ് ഇനമാണ് ട്രാപ്പ് (Trap). ഇതിനെ ഷോട്ട്ഗൺ ഇനങ്ങളുടെ കീഴിലാണ് ഉൾപ്പെടുത്തിയിരിക്കുന്നത്. ഷോട്ട്ഗൺ ഉപയോഗിച്ച് ആകാശത്തേക്ക് പെട്ടെന്ന് ഉയർന്നുവരുന്ന ചെറിയ കളിമൺ ഡിസ്കുകൾ വെടിവെച്ചു തകർക്കുകയാണ് മത്സരം. ഷൂട്ടിങ്ങിലെ കുതിപ്പ് ഏഷ്യൻ ഗെയിമിലെ ഷൂട്ടിങ് ഇനങ്ങളിൽ ഇന്ത്യ മികച്ച മുന്നേറ്റമാണ് കാഴ്ചവെക്കുന്നത്. ഇതുവരെ 13 മെഡലുകളാണ് ഷൂട്ടിങ് ഇനങ്ങളിൽ മാത്രം ഇന്ത്യ നേടിയിട്ടുള്ളത്. ഇതിൽ മിക്സഡ് 10 മീറ്റർ എയർ പിസ്റ്റൾ വിഭാഗത്തിൽ കമാൽജീത്തും സുരുചി സിംഗും ചേർന്ന് നേടിയ ഒരു സ്വർണ്ണവും ഉൾപ്പെടുന്നുണ്ട്. തിങ്കളാഴ്ച നടന്ന വനിതകളുടെ 25 മീറ്റർ പിസ്റ്റൾ വിഭാഗത്തിൽ ഈഷ സിങ്ങും വെള്ളി മെഡൽ സ്വന്തമാക്കിയിരുന്നു. ഇന്ത്യയുടെ മെഡൽ നേട്ടം വനിതകളുടെ ട്രാപ്പ് ടീം ഇനത്തിലെ വെള്ളി മെഡൽ നേട്ടത്തോടെ 2026-ലെ ഏഷ്യൻ ഗെയിംസിലെ ഇന്ത്യയുടെ ആകെ മെഡൽ നേട്ടം 46 ആയി ഉയർന്നു. ഇതിൽ 4 സ്വർണവും 21 വെള്ളിയും 21 വെങ്കലവും ഉൾപ്പെടുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
ഏഷ്യൻ ഗെയിംസ്: പരിക്കിനിടയിലും 'വെള്ളി' തിളക്കം! ലോങ് ജംപിൽ നേട്ടവുമായി മലയാളി താരം എം. ശ്രീശങ്കർ
നഗോയ: ഏഷ്യൻ ഗെയിംസ് പുരുഷവിഭാഗം ലോങ് ജംപിൽ മലയാളി താരം എം. ശ്രീശങ്കറിന് വെള്ളി മെഡൽ. മത്സരത്തിന്റെ രണ്ടാം ശ്രമത്തിൽ 8.07 മീറ്റർ ദൂരം കണ്ടത്തെിയാണ് ശ്രീശങ്കർ വെള്ളി കരസ്ഥമാക്കിയത്. നാലാം ശ്രമത്തിനിടെ കാലിന് പരിക്കേറ്റതിനെ തുടർന്ന് അവസാന ശ്രമങ്ങളിൽനിന്ന് പിൻമാറിയെങ്കിലും താരത്തിന് രണ്ടാം സ്ഥാനം നിലനിർത്താനായി. 8.17 മീറ്റർ ചാടിയ ചൈനയുടെ ഷി യുഹാവോയ്ക്കാണ് സ്വർണം. ഉസ്ബക്കിസ്ഥാന്റെ അൻവർ അൻവറോവ് വെങ്കലം നേടി. മത്സരത്തിലുണ്ടായിരുന്ന മറ്റൊരു ഇന്ത്യൻ താരം പട്ടുരാജ് ഡേവിഡ് സോളമൻ (7.70 മീറ്റർ) ഏഴാം സ്ഥാനത്താണ് ഫിനിഷ് ചെയ്തത്. അതേസമയം വനിതകളുടെ 400 മീറ്റർ ഹർഡിൽസിൽ 54.75 സെക്കൻഡിൽ ഫിനിഷ് ചെയ്ത് ഇന്ത്യൻ താരം വിദ്യ രാംരാജ് വെങ്കലം നേടി. പി.ടി. ഉഷയുടെ വർഷങ്ങൾ പഴക്കമുള്ള ദേശീയ റെക്കോർഡ് തകർത്താണ് വിദ്യയുടെ ഈ നേട്ടം. ഈ മത്സരത്തിൽ മലയാളി താരം അനു രാഘവന് അഞ്ചാം സ്ഥാനം കൊണ്ട് തൃപ്തിപ്പെടേണ്ടി വന്നു. പുരുഷന്മാരുടെ 1500 മീറ്ററിൽ വ്യക്തിഗത മികച്ച സമയത്തോടെ (3:36.72 മിനിറ്റ്) ഇന്ത്യൻ താരം ഗുൽവീർ സിങ് വെള്ളി മെഡൽ സ്വന്തമാക്കി. അതേസമയം, പുരുഷന്മാരുടെ 3000 മീറ്റർ സ്റ്റീപ്പിൾ ചേസിൽ കഴിഞ്ഞ തവണത്തെ സ്വർണനേതാവ് അവിനാഷ് സാബ്ലെ നാലാമതായി ഫിനിഷ് ചെയ്തതോടെ ഇന്ത്യയ്ക്ക് മെഡൽ നഷ്ടമായി. വനിതകളുടെ 25 മീറ്റർ പിസ്റ്റൾ വ്യക്തിഗത വിഭാഗത്തിൽ ഹൈദരാബാദ് സ്വദേശിനി ഇഷ സിങ് വെള്ളി മെഡൽ നേടി. ചൈനയുടെ സിയാവോ ജിയാറൂയിക്സ്വാനോട് ഷൂട്ടൗട്ടിൽ ഒരു ഷോട്ടിന്റെ വ്യത്യാസത്തിലാണ് ഇഷയ്ക്ക് സ്വർണം നഷ്ടമായത്. ഇരുവർക്കും 38 പോയിന്റ് വീതമായിരുന്നു. അതേസമയം, രണ്ട് തവണ ഒളിംപിക് മെഡൽ ജേതാവായ മനു ഭാക്കറിന് 11-ാം സ്ഥാനത്ത് ഫിനിഷ് ചെയ്തതോടെ ഫൈനലിലേക്ക് യോഗ്യത നേടാനാകാതെ പുറത്താകേണ്ടി വന്നു. 25 മീറ്റർ പിസ്റ്റൾ ടീം ഇനത്തിലും ഇന്ത്യക്ക് മെഡൽ ലഭിച്ചില്ല. അതേസമയം, കുറാഷ് (Kurash) വനിതകളുടെ -78 കിലോഗ്രാം വിഭാഗത്തിൽ ഇന്ത്യയുടെ പിൻകി ബൽഹാര വെങ്കലം നേടി. സെമിയിൽ ദക്ഷിണ കൊറിയൻ താരത്തോടാണ് പിൻകി പരാജയപ്പെട്ടത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസ് ക്രിക്കറ്റ്: ക്വാര്‍ട്ടര്‍ ഫൈനല്‍ കളിക്കാതെ ഇന്ത്യ സെമിയിലെത്തി
നഗോയ: ക്വാർട്ടർ ഫൈനൽ കളിക്കാതെ ഇന്ത്യൻ പുരുഷ ടീം 2026 ഏഷ്യൻ ഗെയിംസ് സെമി ഫൈനലിലേക്ക് പ്രവേശിച്ചു. ജപ്പാനിൽ നടക്കേണ്ടിയിരുന്ന ഇന്ത്യ-അഫ്ഗാനിസ്ഥാൻ ക്വാർട്ടർ ഫൈനൽ മത്സരം മഴ കാരണം ഉപേക്ഷിച്ചതോടെയാണ് ഇന്ത്യ നേരിട്ട് സെമിയിലേക്ക് കടന്നത്. ടൂർണമെന്റിലെ നോക്കൗട്ട് നിയമങ്ങൾ പ്രകാരം മഴമൂലം മത്സരം നടത്താൻ സാധിച്ചില്ലെങ്കിൽ ഗ്രൂപ്പ് ഘട്ടങ്ങളിലെ ഉയർന്ന റാങ്കിംഗോ അല്ലെങ്കിൽ മുൻകാല യോഗ്യതകളോ പരിഗണിച്ചാണ് ടീമുകളെ അടുത്ത ഘട്ടത്തിലേക്ക് തിരഞ്ഞെടുക്കുന്നത്. സമാന രീതിയിൽ പാകിസ്ഥാനും സെമി ഫൈനലിലേക്ക് പ്രവേശിച്ചു. ഹോങ്കോങ്ങുമായി നടക്കേണ്ടിയിരുന്ന പാകിസ്ഥാന്റെ ക്വാർട്ടർ ഫൈനൽ മത്സരവും കനത്ത മഴ കാരണം പൂർണ്ണമായി ഉപേക്ഷിച്ചു. ശ്രീലങ്കയും നേപ്പാളും തമ്മിലുള്ള മൂന്നാം ക്വാർട്ടർ ഫൈനലിൽ വിജയിക്കുന്ന ടീമിനെ ഇന്ത്യ സെമിഫൈനലിൽ നേരിടും. അതെസമയം ബംഗ്ലാദേശും മലേഷ്യയും തമ്മിലുള്ള നാലാം ക്വാർട്ടർ ഫൈനലിൽ വിജയിക്കുന്ന ടീമിനെ പാകിസ്ഥാൻ നേരിടും. ഇന്ത്യൻ സ്ക്വാഡ് ഏഷ്യൻ ഗെയിംസിനായി പരിചയസമ്പന്നരായ മികച്ച താരങ്ങള അടങ്ങിയ ശക്തമായ സ്ക്വാഡിനെയാണ് ഇന്ത്യ ഇറക്കിയിരിക്കുന്നത്. ശ്രേയസ് അയ്യർ ടീമിനെ നയിക്കുമ്പോൾ തിലക് വർമ്മയാണ് വൈസ് ക്യാപ്റ്റൻ. അഭിഷേക് ശർമ്മ, സഞ്ജു സാംസൺ, ഇഷാൻ കിഷൻ, ശിവം ദുബെ, നിതീഷ് കുമാർ റെഡ്ഡി, അക്സർ പട്ടേൽ, വാഷിംഗ്ടൺ സുന്ദർ, വരുൺ ചക്രവർത്തി, രവി ബിഷ്ണോയ്, ജസ്പ്രീത് ബുംറ, അർഷ്ദീപ് സിംഗ്, വൈഭവ് സൂര്യവംശി, യാഷ് താക്കൂർ എന്നിവരാണ് ടീമിലുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യന്‍ ഗെയിംസ് ക്വാർട്ടർ ഫൈനലിൽ പരാജയപ്പെട്ട് പി. വി. സിന്ധു, മത്സരക്രമത്തിനെതിരെ വിമർശനം
നഗോയ: ഏഷ്യൻ ഗെയിംസിൽ ഏറെ പ്രതീക്ഷയുണ്ടായിരുന്ന ബാഡ്മിന്റണിൽ ഇന്ത്യയ്ക്ക് നിരാശ. ഇന്ത്യയുടെ ഒളിമ്പിക് മെഡൽ ജേതാവായ പി. വി. സിന്ധു ഏഷ്യൻ ഗെയിംസ് ക്വാർട്ടർ ഫൈനലിൽ ചൈനയുടെ ചെൻ യു ഫെയോട് പരാജയപ്പെട്ട് പുറത്തായി. 21-11,18-21,10-21 എന്നിങ്ങനെയായിരുന്നു സ്കോർ. തോൽവി തനിക്ക് വലിയ വേദനയുണ്ടാക്കിയെന്നും മത്സരങ്ങൾക്കിടയിൽ ആവശ്യത്തിന് വിശ്രമം ലഭിച്ചിട്ടില്ലെന്നും സിന്ധു എക്സിൽ പങ്കുവെച്ച കുറിപ്പിൽ പറയുന്നു. 18 മണിക്കൂറിനുള്ളിൽ മൂന്ന് മത്സരങ്ങൾ കളിക്കേണ്ടി വന്നതും, രാത്രി 3 മണിക്ക് മടങ്ങിയെത്തി രാവിലെ 8:30 ന് വീണ്ടും കളത്തിലിറങ്ങേണ്ടി വന്നതും തന്റെ ശരീരത്തിന് വലിയ ക്ഷീണമുണ്ടാക്കിയെന്ന് സിന്ധു വ്യക്തമാക്കി. കഠിനമായ പരിശീലന ക്യാമ്പ് മികച്ച ആത്മവിശ്വാസം നൽകിയിരുന്നെങ്കിലും ഫലം നിരാശപ്പെടുത്തിയെന്നും, തന്റെ ടീമിനൊപ്പം ചേർന്ന് ഈ പാഠങ്ങൾ ഉൾക്കൊണ്ട് ഭാവിയിൽ ഇത്തരം നിമിഷങ്ങൾ മറികടക്കുമെന്നും അവർ ഉറപ്പ് നൽകുന്നു. 2014 മുതൽ നാല് ഏഷ്യൻ ഗെയിംസുകളിലായി ഇന്ത്യയ്ക്ക് 12 വർഷം സിന്ധു പോരാടി. ഇതുവരെ നടന്ന ഏഷ്യൻ ഗെയിംസുകളിലായി സിന്ധു രണ്ട് മെഡലുകളാണ് സ്വന്തമാക്കിയത്. 2014 ലെ ഇൻഷോൺ ഏഷ്യൻ ഗെയിംസിൽ വനിതാ ടീം ഇനത്തിലൂടെ വെങ്കല മെഡലും, 2018-ലെ ജക്കാർത്ത ഏഷ്യൻ ഗെയിംസിൽ വനിതാ സിംഗിൾസിൽ വെള്ളി മെഡലും സിന്ധു സ്വന്തമാക്കി. തന്നെ പിന്തുണച്ച ആരാധകർക്ക് നന്ദി പറഞ്ഞ സിന്ധു വീണ്ടും ശക്തമായി തിരിച്ചുവരുമെന്നും ഉറപ്പുനൽകി. സിന്ധുവിനൊപ്പം ഉന്നതി ഹൂഡയും കൂടി പുറത്തായതോടെ ഏഷ്യൻ ഗെയിംസിലെ ഇന്ത്യയുടെ സിംഗിൾസ് ബാഡ്മിന്റൺ മത്സരങ്ങൾ അവസാനിച്ചു. പുരുഷ ടീം നേടിയ വെങ്കലം മാത്രമായി ഇന്ത്യയുടെ മെഡൽ നേട്ടം ഒതുങ്ങുകയും ചെയ്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസ് ഷൂട്ടിംഗ്: ഇന്ത്യയ്ക്ക് വീണ്ടും വെള്ളി; മിന്നിത്തിളങ്ങി മലയാളി താരം വിദർശ വിനോദ്
നഗോയ: ഏഷ്യൻ ഗെയിംസ് വനിതകളുടെ 50 മീറ്റർ റൈഫിൾ 3 പൊസിഷൻസ് ടീം ഇനത്തിൽ ഇന്ത്യൻ സംഘത്തിന് വെള്ളിമെഡൽ. തിലോത്തമ സെൻ, വിദർശ വിനോദ്, ആഷി ചൗക്സി എന്നിവരടങ്ങിയ ഇന്ത്യൻ ടീമാണ് നേട്ടം സ്വന്തമാക്കിയത്. 1,773 പോയിന്റോടെ ചൈന സ്വർണം നേടിയപ്പോൾ 1,763 പോയിന്റോടെയാണ് ഇന്ത്യ വെള്ളി മെഡൽ സ്വന്തമാക്കിയത്. തിലോത്തമയും വിദർശയും യഥാക്രമം മൂന്നും ആറും സ്ഥാനങ്ങളോടെ വ്യക്തിഗത ഫൈനലിലേക്ക് കടന്നിരിക്കുകയാണ് എന്നാൽ ആഷിക്ക് ഫൈനലിലെത്താൻ സാധിച്ചില്ല. മലയാളി താരമായ വിദർശ നേടുന്ന രണ്ടാമത്തെ വെള്ളിയാണ് ഇത്. മുമ്പ് വനിതകളുടെ 10 മീറ്റർ എയർ റൈഫിൽ ടീം മത്സരത്തിൽ ആതിഥേയരായ ജപ്പാനെ പരാജയപ്പെടുത്തി വെള്ളി മെഡൽ വിദർശ അടങ്ങുന്ന ഇന്ത്യൻ ടീം നേടിയിരുന്നു. ഏഷ്യൽ ഗെയിംസ് ഷൂട്ടിങ്ങ് മത്സരത്തിൽ മെഡൽ നേടുന്ന ആദ്യ മലയാളി വനിതയാണ് കോഴിക്കോട് തിരുവമ്പാടി സ്വദേശിനികൂടിയായ വിദർശ. വിദർശയുടെ ആദ്യ ഏഷ്യൻ ഗെയിംസാണ് ഇത്. ഏഷ്യൻ ഗെയിംസ് മെഡൽ നിലയിൽ നിലവിൽ 12-ാം സ്ഥാനത്താണ് ഇന്ത്യ. മൊത്തത്തിൽ 24 മെഡലുകളാണ് ഇന്ത്യ ഇതുവരെ സ്വന്തമാക്കിയത്. ഇതില്‍ 2 സ്വർണം, 10 വെള്ളി, 12 വെങ്കലം എന്നിവ ഉള്‍പ്പെടുന്നുണ്ട്. ഷൂട്ടിങ്, അത്‌ലറ്റിക്സ് തുടങ്ങിയ ഇനങ്ങളിലാണ് ഇന്ത്യ പ്രധാനമായും മെഡലുകൾ നേടിയിട്ടുള്ളത്. ചൈനയാണ് മെഡല്‍ പട്ടികയില്‍ ഒന്നാം സ്ഥാനത്തുള്ളത്. ജപ്പാനിലെ ഐചി-നഗോയ വേദിയായി നടക്കുന്ന ഇരുപതാം ഏഷ്യൻ ഗെയിംസ് മത്സരങ്ങൾ ഒക്ടോബർ 4 വരെയാണ് നടക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: സ്വർണ്ണത്തിളക്കത്തിൽ ഇന്ത്യ, ഷൂട്ടിംഗിൽ ഇന്ത്യയ്ക്ക് ആദ്യ സ്വർണ്ണം
നാഗോയ: ഏഷ്യൻ ഗെയിംസിൽ ഇന്ത്യയ്ക്ക് വീണ്ടും സ്വർണ്ണം. 10 മീറ്റർ എയർ പിസ്റ്റൽ മിക്സഡ് ടീം ഇനത്തിൽ സുരുചി സിംഗും കമൽജീത്തും ചേർന്നാണ് ഇന്ത്യയ്ക്ക് 2026 ലെ ഏഷ്യൻ ഗെയിംസിലെ രണ്ടാമത്തെ സ്വർണ്ണ മെഡൽ നേടിക്കൊടുത്തത്. ഇന്ത്യൻ സഖ്യം 484.6 എന്ന സ്കോറോടെയാണ് ഒന്നാം സ്ഥാനം സ്വന്തമാക്കിയത്. ദക്ഷിണ കൊറിയ (478), ഇറാൻ (415.8) എന്നിവരാണ് രണ്ടും മൂന്നും സ്ഥാനങ്ങൾ നേടിയത്. 2026 ഏഷ്യൻ ഗെയിംസിൽ വനിതാ ക്രിക്കറ്റ് ടീമിന്റെ വിജയത്തിന് ശേഷം ഇന്ത്യ നേടുന്ന രണ്ടാമത്തെ സ്വർണ്ണ മെഡലാണിത്. കൂടാതെ നിലവിലെ ഗെയിംസിൽ ഷൂട്ടിംഗ് വിഭാഗത്തിൽ നിന്നുള്ള ഇന്ത്യയുടെ ആദ്യ സ്വർണ്ണ മെഡലും ഇതാണ്. ഡൽഹിയിൽ നടന്ന ഏഷ്യൻ ചാമ്പ്യൻഷിപ്പിൽ ഉസ്ബെക്കിസ്ഥാൻ സ്ഥാപിച്ച 481.3 പോയിന്റ് എന്ന ഏഷ്യൻ റെക്കോർഡാണ് ഇന്ത്യൻ ടീം തകർത്തത്. വ്യക്തിഗത മത്സരങ്ങളിലെ നിരാശാജനകമായ പ്രകടനങ്ങൾക്ക് ശേഷമാണ് ഇരുവരും ഈ മികച്ച തിരിച്ചുവരവ് നടത്തിയത്. യോഗ്യതാ റൗണ്ടിൽ 587 പോയിന്റ് നേടി ഏഷ്യൻ ഗെയിംസ് ക്വാളിഫിക്കേഷൻ റെക്കോർഡിം ഇവർ തകർത്തിരുന്നു. ഹരിയാന സ്വദേശിയാണ് സുരുചി സിംഗ്. ഗുസ്തി പാരമ്പര്യമുള്ള കുടുംബത്തിൽ നിന്നാണെങ്കിലും ഷൂട്ടിംഗിനോടാണ് സുരുചിക്ക് താത്പര്യം. അന്തർദേശീയ തലത്തിൽ നിരവധി മെഡലുകൾ നേടിയിട്ടുള്ള സുരുചി, ഇന്ത്യയുടെ ഏറ്റവും തിളക്കമാർന്ന യുവ ഷൂട്ടിംഗ് പ്രതിഭകളിൽ ഒരാളാണ്. അതെസമയം കമൽജീത്ത് ഹരിയാന സ്വദേശിയാണ്. പിസ്റ്റൾ ഇനങ്ങളിൽ മികച്ച വൈദഗ്ധ്യമുള്ള കമൽജീത്ത് ജൂനിയർ ലോക ചാമ്പ്യൻഷിപ്പുകളിലും ഏഷ്യൻ ചാമ്പ്യൻഷിപ്പുകളിലും ഇന്ത്യക്കായി ഇതിനുമുമ്പും സ്വർണ്ണ മെഡലുകൾ നേടിയിട്ടുണ്ട്. നിലവിൽ 2 സ്വർണ്ണവും, 6 വെള്ളിയും, 8 വെങ്കലവുമടക്കം 15-ലധികം മെഡലുകളാണ് ഇന്ത്യയുടെ അക്കൗണ്ടിലുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: വിവാദങ്ങളുടെ വുഷു മത്സരം, ഏഷ്യൻ ഗെയിംസിൽ റോഷ്ബിന ദേവിക്ക് തുടർച്ചയായ മൂന്നാം മെഡൽ
ഐചീ-നഗോയയിൽ നടക്കുന്ന 20-ാമത് ഏഷ്യൻ ഗെയിംസിൽ വനിതകളുടെ വുഷു 60 കിലോഗ്രാം സാണ്ട (Sanda) വിഭാഗത്തിൽ ഇന്ത്യയുടെ റോഷ്ബിന ദേവി വെള്ളി മെഡൽ സ്വന്തമാക്കി. ഫൈനലിൽ ചൈനയുടെ ചാങ് ഷിയോയുവിനോട് 0-5 എന്ന സ്കോറിനാണ് റോഷ്ബിന പരാജയപ്പെട്ടത്. ഏഷ്യൻ ഗെയിംസ് ചരിത്രത്തിൽ റോഷ്ബിന ദേവി തുടർച്ചയായി നേടുന്ന മൂന്നാമത്തെ മെഡലാണിത്. രണ്ടാമത്തെ വെള്ളി മെഡലും. ഈ മെഡൽ നേട്ടത്തോടെ നിലവിലെ ഗെയിംസിൽ ഒരു സ്വർണ്ണവും ആറ് വെള്ളിയും ഏഴ് വെങ്കലവുമടക്കം ഇന്ത്യയുടെ ആകെ മെഡൽ നേട്ടം 14 ആയി ഉയർന്നു. ബുധനാഴ്ച നടന്ന സെമിഫൈനൽ മത്സരത്തിൽ ഇന്തോനേഷ്യയുടെ താനിയ കുസുമാനിങ്ത്യസിനെ 2-0 സ്കോറിന് പരാജയപ്പെടുത്തിയാണ് താരം ഫൈനലിലെത്തിയത്. 2018, 2023 ഏഷ്യൻ ഗെയിംസുകളിൽ റോഷ്ബിന മെഡലുകൾ നേടിയെങ്കിലും, വുഷു അസോസിയേഷൻ ആദ്യം ദിവ്യാൻഷി ചൗധരിയെയാണ് സാണ്ട വിഭാഗത്തിലേക്ക് തിരഞ്ഞെടുത്തത്. എന്നാൽ ദിവ്യാൻഷിക്ക് പരിക്കേറ്റതിനാൽ വുഷു അസോസിയേഷൻ ഓഫ് ഇന്ത്യ (WAI) റോഷ്ബിനയെ ടീമിൽ ഉൾപ്പെടുത്തുകയായിരുന്നു. വുഷു അസോസിയേഷന്‍ തീരുമാനത്തിനെതിരെ ദിവ്യാൻഷി രംഗത്തെത്തി. തന്നെയും കുടുംബത്തെയും റോഷ്ബിന മാനസികമായി പീഡിപ്പിച്ചെന്നായിരുന്നു ദിവ്യാൻഷിയുടെ ആരോപണം. പരിക്കിന് ശേഷം മെഡിക്കൽ ടീമിന്റെ ക്ലിയറൻസ് ലഭിച്ചതിന് ശേഷമാണ് താൻ ഏഷ്യൻ ഗെയിംസിൽ മത്സരത്തിന് ഫിറ്റാണെന്ന് പ്രഖ്യാപിക്കപ്പെട്ടതെന്നും അവർ അവകാശപ്പെട്ടു. എന്നാൽ ദിവ്യാൻഷിയുടെ ആരോപണങ്ങൾക്ക് മറുപടിയുമായി വുഷു അസോസിയേഷൻ ഓഫ് ഇന്ത്യ രംഗത്തെത്തി. മെഡിക്കൽ കാരണങ്ങളുടെ അടിസ്ഥാനത്തിൽ മാത്രമാണ് ദിവ്യാൻഷിയെ മാറ്റിനിർത്തി റോഷ്ബിനയെ ഉൾപ്പെടുത്താൻ തീരുമാനം എടുത്തതെന്ന് അസോസിയേഷൻ പ്രസ്താവനയിലൂടെ വ്യക്തമാക്കി. പിന്നീട് നിലപാട് മാറ്റിയ ദിവ്യാൻഷി, 2030-ലെ ഏഷ്യൻ ഗെയിംസിൽ ശക്തമായ തിരിച്ചുവരവ് നടത്തുമെന്ന് അറിയിച്ചു. ചൈനീസ് മാർഷൽ ആർട്സായ കുങ്ഫുവിന്റെ ആധുനിക കായിക രൂപമാണ് വുഷു (Wushu). ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസിൽ സ്വർണം നേടിയ ക്രിക്കറ്റ് താരം കമാലിനിക്ക് 75 ലക്ഷം രൂപ പാരിതോഷികം പ്രഖ്യാപിച്ച് മുഖ്യമന്ത്രി വിജയ്
ഏഷ്യൻ ഗെയിംസിൽ വനിതാ ക്രിക്കറ്റിൽ സ്വർണം നേടിയ ഇന്ത്യൻ ടീം അംഗം ജി. കമാലിനിക്ക് തമിഴ്നാട് മുഖ്യമന്ത്രി ജോസഫ് വിജയ് 75 ലക്ഷം രൂപ പാരിതോഷികം പ്രഖ്യാപിച്ചു. ഏഷ്യൻ ഗെയിംസിൽ സ്വർണം നേടി ചരിത്രം കുറിച്ച ഇന്ത്യൻ വനിതാ ടീമിന് ആശംസകൾ നേർന്ന മുഖ്യമന്ത്രി, കമാലിനിയേപ്പോലുള്ള യുവപ്രതിഭകൾക്ക് തമിഴ്നാട് സർക്കാരിൻറെ പൂർണ പിന്തുണ ഉണ്ടാകുമെന്നും മുഖ്യമന്ത്രി എക്സിൽ പങ്കുവച്ച കുറിപ്പിൽ വ്യക്തമാക്കി. കമാലിനിയുടെ ഈ മികച്ച നേട്ടം സംസ്ഥാനത്തെ മറ്റ് സ്ത്രീകൾക്കും യുവാക്കൾക്കും വലിയൊരു പ്രചോദനം ആകുമെന്നും അദ്ദേഹം വ്യക്തമാക്കി. തമിഴ്നാട്ടിലെ മധുര സ്വദേശിയായ പതിനെട്ടുകാരി കമാലിനി ഗുണാലൻ വിക്കറ്റ് കീപ്പർ ബാറ്ററും സ്പിൻ ബൌളറുമാണ്. ഏഷ്യൻ ഗെയിംസിലെ മൂന്ന് മത്സരങ്ങളിലാണ് താരം കളത്തിലിറങ്ങിയത്. ബംഗ്ലാദേശിനെതിരെ മൂന്ന് റൺസ് നേടിയപ്പോൾ ജപ്പാനെതിരെ നടന്ന മത്സരത്തിൽ റൺസൊന്നും എടുക്കാൻ സാധിച്ചില്ല. ശ്രീലങ്കയ്ക്കെതിരായ മത്സരത്തിൽ ബാറ്റ് ചെയ്യാൻ താരത്തിന് അവസരം ലഭിച്ചില്ല. 2025ൽ ഡിസംബറിൽ ശ്രീലങ്കയ്ക്ക് എതിരെ നടന്ന മത്സരത്തിലൂടെയാണ് കമാലിനി ഇന്ത്യൻ ദേശീയ ടീമിൽ അരങ്ങേറ്റം കുറിച്ചത്. വനിതാ ഐപിഎല്ലിൽ മുംബൈ ഇന്ത്യൻസിൻറെ താരവുമാണ് കമാലിനി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസ് കബഡി: ബംഗ്ലാദേശിനെ തകർത്ത് ഇന്ത്യക്ക് വിജയത്തുടക്കം
ജപ്പാനിലെ ഐചി-നഗോയയിൽ നടക്കുന്ന 2026 ഏഷ്യൻ ഗെയിംസിൽ വനിതാ കബഡി ടീമിന് വിജയത്തുടക്കം. ടോക്കായി സിറ്റിസൺസ് ജിംനേഷ്യത്തിൽ നടന്ന ഗ്രൂപ്പ് എ ആദ്യ മത്സരത്തിൽ ബംഗ്ലാദേശിനെ 42-21 എന്ന സ്കോറിനാണ് ഇന്ത്യ തോൽപ്പിച്ചത്. സഞ്ജു ദേവിയുടെ മികച്ച റെയ്ഡുകളുടെ കരുത്തിലാണ് ഇന്ത്യ തുടക്കം മുതൽ മത്സരത്തിന്റെ നിയന്ത്രണം നേടിയത്. ബംഗ്ലാദേശ് ക്യാപ്റ്റൻ സ്രബോണി മൊല്ലിക്ക് ചെറുത്തുനിൽപ്പിന് ശ്രമിച്ചെങ്കിലും മനീഷ കുമാരിയുടെ ലെഫ്റ്റ് കവർ പ്രതിരോധവും സോണാലി ഷിംഗഡെ, ക്യാപ്റ്റൻ പുഷ്പ റാണ എന്നിവരുടെ ആക്രമണവും ഇന്ത്യക്ക് മുതൽക്കൂട്ടായി. ആദ്യ പകുതി അവസാനിക്കുമ്പോൾ ഇന്ത്യ 21-10 എന്ന ലീഡ് നേടിയിരുന്നു. രണ്ടാം പകുതിയിലും ഇന്ത്യ ആക്രമണം തുടർന്നു. സഞ്ജു ദേവിയും പൂജയും വേഗത്തിലുള്ള ഹാൻഡ് ടച്ചുകളിലൂടെ പോയിന്റുകൾ വാരിക്കൂട്ടി. ബംഗ്ലാദേശ് അവസാന ഘട്ടത്തിൽ ചെറിയൊരു തിരിച്ചുവരവിന് ശ്രമിച്ചെങ്കിലും സഞ്ജു ദേവിയുടെ മിന്നുന്ന റെയ്ഡുകൾ കൊണ്ട് ഇന്ത്യ ബംഗ്ലാദേശിന്റെ തിരിച്ചുവരവിനെ വെട്ടി. ഇന്ത്യയുടെ 42 പോയിന്റുകളിൽ 11 ബോനസ് പോയിന്റുകളും നാല് ഓൾ ഔട്ട് പോയിന്റുകളും ഉൾപ്പെടുന്നു. മറുഭാഗത്ത് ബംഗ്ലാദേശ് അഞ്ച് ബോനസ് പോയിന്റുകളും ഒരു സൂപ്പർ ടാക്കിൾ പോയിന്റും മാത്രമാണ് നേടിയത്. വനിതാ കബഡി ടീം മികച്ച തുടക്കമാണ് ഗ്രൂപ്പ് മത്സരത്തിൽ കാഴ്ചവെച്ചിരിക്കുന്നത്. ബുധനാഴ്ച രാവിലെ 8:30-ന് ഇറാനെതിരെയാണ് ഇന്ത്യൻ വനിതാ ടീമിന്റെ അടുത്ത മത്സരം. ഗ്രൂപ്പ് ഘട്ടത്തിലെ അവസാന മത്സരത്തിൽ ഇന്ത്യ വ്യാഴാഴ്ച ജപ്പാനെ നേരിടും. ഗ്രൂപ്പ് എയിൽ ആദ്യ രണ്ട് സ്ഥാനങ്ങളിൽ ഇന്ത്യ എത്തുകയാണെങ്കിൽ വെള്ളിയാഴ്ച സെമി ഫൈനലിൽ മത്സരിക്കും. ഫൈനൽ മത്സരം ശനിയാഴ്ചയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഏഷ്യൻ ഗെയിംസ് എംഎംഎ: ഇന്ത്യക്കായി ചരിത്രനേട്ടം കുറിച്ച് സുചിക തരിയൽ
ഏഷ്യൻ ഗെയിംസ് 2026-ൽ മിക്സഡ് മാർഷ്യൽ ആർട്സിൽ (MMA) വെങ്കല മെഡൽ നേടി സുചിക തരിയൽ. ഏഷ്യൻ ഗെയിംസിൽ എംഎംഎയിൽ ഇന്ത്യയുടെ ആദ്യ മെഡലാണിത്. വനിതകളുടെ 60 കിലോഗ്രാം വിഭാഗത്തിലാണ് സുചിക മെഡൽ നേടിയത്. സിംഗപ്പൂരിന്റെ ഹുയ് ഹൂൻ ടിയോയുമായാണ് സുചിക ഏറ്റുമുട്ടിയത്. കടുത്ത പോരാട്ടത്തിനൊടുവിൽ മത്സരം എക്സ്ട്രാ റൗണ്ടിലേക്ക് നീളുകയും സിംഗപ്പൂർ താരം വിജയിയാകുകയും ചെയ്തു. ഇതോടെയാണ് സെമി ഫൈനലിലെത്തിയ സുചിക വെങ്കല മെഡലിന് അർഹയായത്. ചരിത്രം രേഖപ്പെടുത്തി സുചിക ആദ്യമായിട്ടാണ് ഏഷ്യൻ ഗെയിംസിൽ മിക്സഡ് മാർഷ്യൽ ആർട്സ് (MMA) ഉൾപ്പെടുത്തുന്നത്. ജപ്പാനിലെ ഐചി-നാഗോയിൽ നടക്കുന്ന എംഎംഎയുടെ അരങ്ങേറ്റ മത്സരത്തിൽ തന്നെ ഇന്ത്യക്കായി മെഡൽ നേടാനും സുചികയ്ക്ക് സാധിച്ചു. മിക്സഡ് മാർഷ്യൽ ആർട്സ് എന്നത് വിവിധ യുദ്ധകലകളുടെ സമന്വയിപ്പിച്ചുള്ള മത്സരയിനമാണ്. ബോക്സിങ്, റെസ്ലിങ്, ജുഡോ, കരാട്ടെ, ജിയു-ജിത്സു തുടങ്ങിയ വിവിധതരം മാർഷ്യൽ ആർട്സ് മുറകൾ ഇതിൽ ഉൾപ്പെടുന്നുണ്ട്. എംഎംഎയ്ക്ക് പുറമെ മറ്റ് പല യുദ്ധകലകളിലും സുചിക ഇന്ത്യയെ പ്രതിനിധീകരിച്ചിട്ടുണ്ട്. 2022 കോമൺവെൽത്ത് ഗെയിംസിൽ സുചിക ജൂഡോയിൽ മത്സരിച്ചിരുന്നു. 2023 ഏഷ്യൻ ഗെയിംസിൽ കുരാഷ് ഇനത്തിലും ഇന്ത്യക്കാി കളത്തിലിറങ്ങി. 2024-ൽ ഫൈറ്റിംഗ് ജിയു-ജിത്സുവിൽ ലോക കിരീടം നേടി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Asian Games 2026: ഷൂട്ടിങ്ങിലൂടെ ഇന്ത്യക്ക് ആദ്യ മെഡൽ, വെള്ളി തിളക്കത്തിൽ മലയാളി താരം വിദർശയും സംഘവും
ഏഷ്യൻ ഗെയിംസ് 2026-ൽ ഇന്ത്യയുടെ ആദ്യ മെഡൽ സ്വന്തമാക്കി വനിതകളുടെ ഷൂട്ടിങ് ടീം. ഏലാവെനില്‍ വലാരിവര്‍, സോനം ഉത്തം മാസ്കര്‍, വിദര്‍ശ വിനോജ് കൊച്ചാലുംകല്‍ എന്നീ മൂവര്‍ സംഘമാണ് വനിതകളുടെ 10 മീറ്റര്‍ എയര്‍ റൈഫില്‍ ടീം മത്സരത്തില്‍ ആതിഥേയരായ ജപ്പാനെ പരാജയപ്പെടുത്തി വെള്ളി മെഡല്‍ നേടിയത്. അതെസമയം ഏഷ്യല്‍ ഗെയിംസ് ഷൂട്ടിങ്ങ് മത്സരത്തില്‍ മെഡല്‍ നേടുന്ന ആദ്യ മലയാളി വനിതയായി കോഴിക്കോട് തിരുവമ്പാടി സ്വദേശിനിയായ വിദര്‍ശ വിനോജ് മാറി. വിദര്‍ശയുടെ ആദ്യ ഏഷ്യന്‍ ഗെയിംസാണ് ജപ്പാനിലെ ഐച്ചി-നഗോയ നഗരത്തില്‍ അരങ്ങേറുന്നത്. വിദർശയുടെ പ്രധാന ഇനം 50 മീറ്റർ റൈഫിൾ ത്രീ-പൊസിഷൻസ് (50m rifle 3-positions) ആണെങ്കിലും ഏഷ്യൻ ഗെയിംസിന് വെറും രണ്ട് മാസം മുമ്പ് മാത്രമാണ് വിദർശ 10 മീറ്റർ എയർ റൈഫിൾ ഇനത്തിലേക്ക് മാറിയത്. എന്നിട്ടും മികച്ച പ്രകടനം കാഴ്ചവെച്ച് ഇന്ത്യക്ക് വെള്ളി മെഡൽ ഉറപ്പാക്കുന്നതിൽ വിദർശ നിർണായക പങ്കുവഹിച്ചു. 1904.2 സ്കോറോടെ ഒന്നാം സ്ഥാനത്ത് ചൈനയാണ്. 1898.0 പോയിന്റുകള്‍ കരസ്തമാക്കിയാണ് ഇന്ത്യന്‍ വനിതാ ടീം വെള്ളി നേടിയത്. ജപ്പാന്‍ 1897.1 പോയിന്റുമായി വെങ്കം നേടി. മൂന്ന് ഷൂട്ടര്‍മാരുടെയും യോഗ്യതാ റൗണ്ടിലെ സ്കോറുകള്‍ കൂട്ടിച്ചേര്‍ത്താണ് മെഡല്‍ നേതാക്കളെ നിശ്ചയിക്കുന്നത്. ഏലാവെനില്‍ വലാരിവര്‍ 633.5, സോനം ഉത്തം മാസ്കര്‍ 634.1, വിദര്‍ശ വിനോജ് 630.4 എന്നിങ്ങനെയാണ് പോയിന്റുകള്‍ നേടിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more