iconsKeralaiconsNationaliconsInternationaliconsEntertainmenticonsShort VideosiconsKochiiconsKozhikodeiconsThiruvananthapuramiconsSportsiconsCareericonsUtilityiconsReligioniconsPhotoiconsVideo
Home Ministry Website Hack: ആഭ്യന്തര മന്ത്രാലയത്തിന്റെ സൈറ്റ് ഹാക്ക് ചെയ്ത 14-കാരൻ പിടിയിൽ; ചോർത്തിയത് അഗ്നിവീർ വിവരങ്ങൾ?

Home Ministry Website Hack: ആഭ്യന്തര മന്ത്രാലയത്തിന്റെ സൈറ്റ് ഹാക്ക് ചെയ്ത 14-കാരൻ പിടിയിൽ; ചോർത്തിയത് അഗ്നിവീർ വിവരങ്ങൾ?

ന്യൂഡൽഹി: എഐയുടെ സഹായത്തോടെ കേന്ദ്ര ആഭ്യന്തര മന്ത്രാലയത്തിന്റെ പോർട്ടൽ ഹാക്ക് ചെയ്ത 14 വയസ്സുകാരൻ പിടിയിൽ. അഗ്നിവീറുകളുടെ വിവരങ്ങൾ ഉൾക്കൊള്ളുന്ന വെബ്‌സൈറ്റ് ആണ് വിദ്യാർഥി ഹാക്ക് ചെയ്തതെന്നാണ് വിവരം. എന്നാൽ, സംഭവത്തിൽ ഇതുവരെ ഔദ്യോഗിക സ്ഥിരീകരണം വന്നിട്ടില്ല. ചോർത്തിയെടുത്ത ചില രേഖകൾ വിദ്യാർഥി ഡാർക് വെബിൽ വിൽപനയ്ക്കായി പ്രദർശിപ്പിച്ചിരുന്നതായും ബന്ധപ്പെട്ട വൃത്തങ്ങളെ ഉദ്ധരിച്ച് വാർത്താ ഏജൻസിയായ എഎൻഐ റിപ്പോർട്ട് ചെയ്യുന്നു. വിൽപന പൂർത്തിയാകുന്നതിന് മുൻപ് തന്നെ സുരക്ഷാ ഏജൻസികൾ ഇടപെട്ട് കുട്ടിയെ പിടികൂടുകയായിരുന്നു. കണ്ടെടുത്ത വിവരങ്ങൾക്ക് അഗ്നിവീർ സൈനിക റിക്രൂട്ട്‌മെന്റ് നടപടികളുമായി ബന്ധമുണ്ടാകാമെന്നാണ് അന്വേഷണ ഏജൻസികളുടെ പ്രാഥമിക നിഗമനം. സംഭവത്തിൽ വിശദമായ അന്വേഷണം നടന്നു വരികയാണ്. ചോർത്തിയെടുത്ത ഫയലുകളുടെ യഥാർത്ഥ സ്വഭാവമെന്താണെന്നും റിക്രൂട്ട്‌മെന്റ് പോർട്ടലിൽ നുഴഞ്ഞുകയറിയാണോ ഇവ ശേഖരിച്ചതെന്നും അന്വേഷണ സംഘം പരിശോധിക്കുന്നുണ്ട്. പെട്ടെന്ന് പണം സമ്പാദിക്കുക എന്ന ലക്ഷ്യത്തോടെ നടത്തിയ നീക്കമാണിതെന്നാണ് പ്രാഥമിക ചോദ്യം ചെയ്യലിൽ വ്യക്തമായത്. ഡാർക് വെബിൽ ഡൽഹി പോലീസിന്റെ സ്പെഷ്യൽ സെൽ നടത്തിയ നിരീക്ഷണത്തിനിടയിലാണ് വിവരച്ചോർച്ച ശ്രദ്ധയിൽപ്പെട്ടത്. സൈനിക സേവനം പൂർത്തിയാക്കിയവർക്ക് തുടർ തൊഴിലവസരങ്ങൾ കണ്ടെത്തുന്നതുമായി ബന്ധപ്പെട്ട കരിയർ വിവരങ്ങൾ കൈകാര്യം ചെയ്യുന്ന പോർട്ടലാണിതെന്നാണ് സൂചന. ഈ സൈറ്റിൽ നിന്നുള്ള 2,500-ലധികം അഗ്നിവീറുകളുടെ വിവരങ്ങൾ വിൽപനയ്ക്കായി വെച്ചിരുന്നതായും വിവരമുണ്ട്. എങ്കിലും, ഇക്കാര്യത്തിൽ ഔദ്യോഗിക സ്ഥിരീകരണം ഇതുവരെ പുറത്തുവന്നിട്ടില്ല. പിടിയിലായ 14 വയസ്സുകാരനെ പൊലീസ് ചോദ്യം ചെയ്തുവരികയാണ്. പോർട്ടലിലേക്ക് എങ്ങനെയാണ് കടന്നുകയറിയതെന്നും സിസ്റ്റം ഹാക്ക് ചെയ്തത് ഏത് രീതിയിലാണെന്നും കണ്ടെത്താനുള്ള ശ്രമത്തിലാണ് അന്വേഷണ ഉദ്യോഗസ്ഥർ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Cyber Fraud: കൊച്ചിയിൽ ഇ-ചെലാന്റെ പേരിൽ സൈബർ തട്ടിപ്പ്; ലിങ്കിൽ ക്ലിക്ക് ചെയ്തതോടെ പണം നഷ്ടമായി

Cyber Fraud: കൊച്ചിയിൽ ഇ-ചെലാന്റെ പേരിൽ സൈബർ തട്ടിപ്പ്; ലിങ്കിൽ ക്ലിക്ക് ചെയ്തതോടെ പണം നഷ്ടമായി

കൊച്ചി: ഇ-ചെലാൻ എന്ന പേരിൽ തൃപ്പൂണിത്തുറ സ്വദേശിയുടെ ഫോണിലേക്കെത്തിയ വ്യാജ ലിങ്കിൽ ക്ലിക്ക് ചെയ്തതോടെ പണം നഷ്ടമായതായി പരാതി. തൃപ്പൂണിത്തുറ സ്വദേശിയ അജിത്തിന് ആണ് പണം നഷ്ടമായത്. 12-ാം തിയതിയാണ് അജിത്തിൻറെ ഫോണിലേക്ക് സന്ദേശം എത്തിയത്. കാറിന് പിഴ ഈടാക്കിയിട്ടുണ്ടെന്നും പിഴയൊടുക്കണമെന്നും കാണിച്ച് ഇ-ചെലാൻ എന്ന വ്യാജേനയാണ് ലിങ്ക് അയച്ചത്. പണം അടയ്ക്കാൻ വേണ്ടിയാണ് ലിങ്ക് അയച്ചത്. ഈ ലിങ്കിൽ ക്ലിക്ക് ചെയ്തതോടെ ഫോൺ ഹാങ് ആയി. പിന്നീട് അക്കൌണ്ടിൽ നിന്ന് 88,000 രൂപ നഷ്ടപ്പെടുകയായിരുന്നു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Cyber Fraud: കേന്ദ്രമന്ത്രിയുടെ പേരിൽ വ്യാജ എഐ വീഡിയോ കാട്ടി തട്ടിപ്പ്; നടുവണ്ണൂർ സ്വദേശിക്ക് 1.45 കോടി നഷ്ടമായി

Cyber Fraud: കേന്ദ്രമന്ത്രിയുടെ പേരിൽ വ്യാജ എഐ വീഡിയോ കാട്ടി തട്ടിപ്പ്; നടുവണ്ണൂർ സ്വദേശിക്ക് 1.45 കോടി നഷ്ടമായി

കോഴിക്കോട്: കേന്ദ്ര ധനമന്ത്രി നിർമല സീതാരാമന്റെ പേരിലും തട്ടിപ്പ്. സോഷ്യൽ മീഡിയയിലൂടെ നിർമല സീതാരാമന്റെ വ്യാജ എ.ഐ. വീഡിയോ പ്രചരിപ്പിച്ച് വൻ ഓൺലൈൻ തട്ടിപ്പാണ് നടത്തിയിരിക്കുന്നത്. തട്ടിപ്പിലൂടെ നടുവണ്ണൂർ സ്വദേശിക്ക് നഷ്ടമായത് ഒരു കോടി 45 ലക്ഷം രൂപയാണ്. കോഴിക്കോട് ജില്ലയിൽ കഴിഞ്ഞ ഒരാഴ്ചയ്ക്കിടെ സമാന രീതിയിൽ റിപ്പോർട്ട് ചെയ്യുന്ന മൂന്നാമത്തെ തട്ടിപ്പ് കേസാണിത്. സംഭവത്തിൽ കോഴിക്കോട് റൂറൽ സൈബർ പോലീസ് അന്വേഷണം തുടങ്ങി. ട്രേഡിങ്ങിലൂടെ വൻ ലാഭം നേടാമെന്ന് കേന്ദ്രമന്ത്രി വാഗ്ദാനം ചെയ്യുന്ന തരത്തിലുള്ള എഐ വീഡിയോ ആണ് തട്ടിപ്പുകാർ പ്രചരിപ്പിച്ചത്. ഇത് വിശ്വസിച്ച് വീഡിയോയ്ക്ക് ഒപ്പം ഉണ്ടായിരുന്ന ലിങ്കിൽ ക്ലിക്ക് ചെയ്തത് വഴിയാണ് നടുവണ്ണൂർ സ്വദേശിക്ക് പണം നഷ്ടമായത്. ലിങ്കിൽ ക്ലിക്ക് ചെയ്ത ഉടൻ തന്നെ നടുവണ്ണൂർ സ്വദേശിക്ക് മലയാളത്തിൽ സംസാരിച്ച ഒരാളുടെ കോൾ വന്നിരുന്നു. തുടർന്ന് ട്രേഡിങ്ങിൽ പണം നിക്ഷേപിച്ചാൽ വലിയ ലാഭം നേടാനാകുമെന്ന് വിശ്വസിപ്പിക്കുകയായിരുന്നു. പിന്നാലെ ബാങ്ക് അക്കൗണ്ട് വിവരങ്ങൾ ഉൾപ്പെടെ തട്ടിപ്പുകാർ കൈക്കലാക്കി. ജൂൺ മുതൽ നവംബർ വരെയുള്ള അഞ്ച് മാസത്തിനിടെ 30 തവണകളായി 1.45 കോടി രൂപയാണ് നടുവണ്ണൂർ സ്വദേശിക്ക് നഷ്ടമായത്. നിക്ഷേപിച്ച പണമോ വാഗ്ദാനം ചെയ്ത ലാഭമോ തിരികെ കിട്ടാതെ വന്നതോടെയാണ് വഞ്ചിക്കപ്പെട്ടുവെന്ന വിവരം പരാതിക്കാരൻ മനസിലാക്കുന്നത്. സമാനമായ എ.ഐ വ്യാജ വീഡിയോ വിശ്വസിച്ച് ലിങ്കിൽ ക്ലിക്ക് ചെയ്തതിനെ തുടർന്ന് വടകരയിലെ വൃദ്ധ ദമ്പതികൾക്ക് മൂന്ന് ലക്ഷം രൂപ നഷ്ടമായി. പെൻഷൻ തുകയും മറ്റുമായി ബാങ്കിൽ സൂക്ഷിച്ചിരുന്ന സമ്പാദ്യമാണ് തട്ടിപ്പുകാർ കവർന്നത്. ദിവസങ്ങൾക്ക് മുമ്പ് താമരശ്ശേരിയിലും സമാനമായ രീതിയിൽ വ്യാജ വീഡിയോ വഴിയുള്ള ഓൺലൈൻ തട്ടിപ്പ് റിപ്പോർട്ട് ചെയ്തിരുന്നു. ദമ്പതികളുടെ പരാതിയുടെ അടിസ്ഥാനത്തിൽ സംശയാസ്പദമായ ബാങ്ക് അക്കൗണ്ടുകളും ഫോൺ കോളുകളും കേന്ദ്രീകരിച്ച് റൂറൽ സൈബർ പോലീസ് ഊർജിതമായ അന്വേഷണം നടത്തിവരികയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Online Trading Scam: പ്രവാസി മലയാളിയെ കുടുക്കി ഓൺലൈൻ ട്രേഡിങ് തട്ടിപ്പ് സംഘം; നഷ്ടമായത് 2.11 കോടി രൂപ, അന്വേഷണം

Online Trading Scam: പ്രവാസി മലയാളിയെ കുടുക്കി ഓൺലൈൻ ട്രേഡിങ് തട്ടിപ്പ് സംഘം; നഷ്ടമായത് 2.11 കോടി രൂപ, അന്വേഷണം

കൊച്ചി: ഓൺലൈൻ ഓഹരി കച്ചവടത്തിന്റെ പേരിൽ തട്ടിപ്പ്. തട്ടിപ്പിനെ തുടർന്ന് ദുബായ് മലയാളിക്ക് നഷ്ടപ്പെട്ടത് 2.11 കോടി രൂപയാണ്. ദുബായിൽ ജോലി ചെയ്യുന്ന എറണാകുളം കുന്നത്തുനാട് സ്വദേശി ആണ് തട്ടിപ്പിനിരയായത്. സംഭവത്തിൽ എറണാകുളം റൂറൽ സൈബർ ക്രൈം പോലീസ് കേസെടുത്ത് അന്വേഷണം തുടങ്ങി. തട്ടിപ്പിനിരയായ ആളുടെ സുഹൃത്തായ മാവേലിക്കര സ്വദേശി നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തിരിക്കുന്നത്. ഇന്റർനെറ്റിൽ കണ്ട ഒരു അംഗീകൃത ഓഹരി ട്രേഡിങ് കമ്പനിയുടെ വെബ്‌സൈറ്റ് ലിങ്കിലൂടെയാണ് തട്ടിപ്പിനിരയാകുന്നത്. ലിങ്ക് ക്ലിക്ക് ചെയ്ത പ്രവാസിയെ ഒരു ടെലിഗ്രാം ഗ്രൂപ്പിൽ ചേർക്കുകയായിരുന്നു. തുടർന്ന് ട്രേഡിങ് കമ്പനിയുടെ മാതൃകമ്പനിയാണെന്ന് പറഞ്ഞ് അതേ പേരിലുള്ള വ്യാജ വെബ്സൈറ്റിന്റെ ലിങ്ക് നൽകുകയായിരുന്നു. പിന്നീട് കമ്പനിയുടെ ആപ്പിൽ ലോഗിൻ ചെയ്യിപ്പിച്ചു. ഉയർന്ന ലാഭം വാഗ്ദാനം ചെയ്തായിരുന്നു നീക്കം. പണമിടപാടുകൾ നടത്തുന്നതിനായി തട്ടിപ്പുകാർ തന്നെ പ്രവാസിക്ക് ഒരു ഫോൺ നമ്പറും ടെലിഗ്രാം ചാനലും നൽകി. ഇവർ പറഞ്ഞ വിവിധ ബാങ്ക് അക്കൗണ്ടുകളിലേക്ക് പ്രവാസി പണം അയയ്ക്കുകയായിരുന്നു. 2025 ഒക്ടോബർ 9 മുതൽ നവംബർ 26 വരെയുള്ള കാലയളവിലാണ് പണം കൈമാറിയിട്ടുള്ളത്. 2.11 കോടിയിലധികം രൂപയാണ് ഇത്തരത്തിൽ കൈമാറിയത്. എന്നാൽ, വാഗ്ദാനം ചെയ്തിരുന്ന ലാഭമോ മുതലോ തിരികെ നൽകിയില്ല. അംഗീകൃത ട്രേഡിങ് കമ്പനികളുടെ മാതൃകയിൽ വ്യാജ വെബ്സൈറ്റും മൊബൈൽ ആപ്പും നിർമ്മിച്ചാണ് സംഘം പണം തട്ടിയതെന്നാണ് റൂറൽ സൈബർ പോലീസിന്റെ പ്രാഥമിക നിഗമനം. മുൻപും സമാന രീതിയിലുള്ള ഓൺലൈൻ തട്ടിപ്പുകളിലൂടെ മലയാളികൾക്ക് കോടിക്കണക്കിന് രൂപ നഷ്ടമായിട്ടുണ്ട്. കഴിഞ്ഞ വർഷം കൊച്ചി സ്വദേശിയായ വ്യവസായിക്ക് 24.7 കോടി രൂപയാണ് ഇത്തരത്തിൽ നഷ്ടമായത്; ആ കേസിൽ ഹൈദരാബാദ് സ്വദേശിയടക്കം നിരവധി പേർ അറസ്റ്റിലായിരുന്നു. കുന്നത്തുനാട് സ്വദേശിക്ക് പണം നഷ്ടമായ പുതിയ കേസിൽ ഭാരതീയ ന്യായ സംഹിത (BNS) 318 (4), ഐടി നിയമത്തിലെ 66 (ഡി) എന്നീ വകുപ്പുകൾ ചുമത്തിയാണ് പൊലീസ് അന്വേഷണം മുന്നോട്ട് കൊണ്ടുപോകുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Videos

DJ PARTY KOCHI KERALA: ഡി ജെ പാർട്ടികൾ മുടങ്ങില്ല

@ZeeMalayalam10d ago
#Kochi
എറണാകുളത്ത് എസ്‌ഐആറിന്റെ പേരില്‍ വൻ തട്ടിപ്പ്; വയോധികന് നഷ്ടമായത് 7.70 ലക്ഷം

എറണാകുളത്ത് എസ്‌ഐആറിന്റെ പേരില്‍ വൻ തട്ടിപ്പ്; വയോധികന് നഷ്ടമായത് 7.70 ലക്ഷം

കൊച്ചി: എസ്‌ഐആറിന്റെ പേരില്‍ എറണാകുളത്ത് വൻ തട്ടിപ്പ്. തൃപ്പുണിത്തുറ സ്വദേശിയായ 72 കാരന് നഷ്ടമായത് 7.70 ലക്ഷം രൂപ. എസ്ഐആർ രേഖകളിൽ തെറ്റുണ്ടെന്ന് പറയുകയും അത് തിരുത്താനായി ഒരു ലിങ്ക് നൽകിയുമായിരുന്നു തട്ടിപ്പ് നടത്തിയത്. മെസ്സേജ് ലഭിച്ചത് വോട്ടർ പട്ടികയിലെ പേരിനും പിതാവിന്റെ പേരിനും തമ്മിൽ പൊരുത്തക്കേടുണ്ടെന്ന് കാണിച്ചായിരുന്നു. തിരഞ്ഞെടുപ്പ് കമ്മീഷന്റെ ഉദ്യോഗസ്ഥനാണ് എന്നും പറഞ്ഞ് ഫോൺ വഴിയും ബന്ധപ്പെട്ടിരുന്നു. ഇതിനുശേഷം പേര് തിരുത്താൻ എന്നതിനായി ഇലക്ഷൻ കമ്മീഷന്റേതെന്ന പേരിൽ വാട്ട്സ്ആപിൽ വ്യാജ ലിങ്കും അയച്ചുകൊടുത്തു. ഈ ലിങ്കിലേക്ക് കേറിയതോടെ തന്റെ രണ്ട അക്കൗണ്ടുകളിലെയും പണം നഷ്ടമായെന്നും പറഞ്ഞ് വയോധികൻ ഹില്‍പ്പാലസ് പോലീസില്‍ പരാതി നൽകി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
E-Mudhra Certificate Keys Hacked: ഇ-മുദ്രയിലെ ഡിജിറ്റര്‍ സര്‍ട്ടിഫിക്കറ്റുകള്‍ ചോര്‍ന്നു; ഗൂഗിളും ആപ്പിളും നടപടിയെടുത്തു, ഓഹരികള്‍ 20 ശതമാനം ഇടിഞ്ഞു

E-Mudhra Certificate Keys Hacked: ഇ-മുദ്രയിലെ ഡിജിറ്റര്‍ സര്‍ട്ടിഫിക്കറ്റുകള്‍ ചോര്‍ന്നു; ഗൂഗിളും ആപ്പിളും നടപടിയെടുത്തു, ഓഹരികള്‍ 20 ശതമാനം ഇടിഞ്ഞു

ഇ-മുദ്ര (E-Mudhra) ഡിജിറ്റൽ സർട്ടിഫിക്കറ്റുകളിലെ സുരക്ഷാ വീഴ്ച ആഗോളതലത്തിൽ ആശങ്കകൾക്ക് കാരണമായി. ഇതിനെത്തുടർന്ന് ഗൂഗിൾ അടക്കമുള്ള പ്രമുഖ ടെക് കമ്പനികൾ അടിയന്തര നടപടിയുമായി രംഗത്തെത്തി. എന്താണ് ഇ-മുദ്ര? ‌‌ ഇ-മുദ്ര (E-Mudhra) ഇന്ത്യൻ ഡിജിറ്റൽ സെക്യൂരിറ്റി, സൈബർ സുരക്ഷാ ഏജൻസിയാണ്. 2008-ൽ പ്രവർത്തനം ആരംഭിച്ച ബെംഗളൂരു അധിഷ്ഠിത കമ്പനിയായ ഇ-മുദ്രയെ ആണ് ഇന്ത്യയിലെ ഏറ്റവും കൂടുതൽ ആളുകളും സ്ഥാപനങ്ങളും ഡിജിറ്റൽ ഒപ്പുകൾക്കായി സമീപിക്കുന്നത്. ഓൺലൈൻ സാമ്പത്തിക ഇടപാടുകൾ, ഔദ്യോഗിക രേഖ സമർപ്പണം എന്നിവ സുരക്ഷിതവും കൃത്യവുമാണെന്ന് ഉറപ്പുവരുത്തുന്ന ഡിജിറ്റൽ ഒപ്പുകളും സെക്യൂരിറ്റി സർട്ടിഫിക്കറ്റുകളുമാണ് കമ്പനിയാണ് വിതരണം ചെയ്യുന്നത്. ഇ-മുദ്രയാണ് ആദായനികുതി റിട്ടേൺ, ജിഎസ്ടി, സർക്കാരുമായി ബന്ധപ്പെട്ട ഓൺലൈൻ ടെൻഡറുകൾ, കമ്പനി രജിസ്ട്രേഷനുകൾ തുടങ്ങിയവയ്ക്ക് ആവശ്യമായ ഡിജിറ്റൽ ഒപ്പുകൾ നൽകുന്നു. വ്യക്തികളുടെ ഒപ്പിന് തുല്യമായ നിയമസാധുതയാണ് ഓൺലൈനിൽ ഇത്തരം ഡിജിറ്റൽ സിഗ്നേച്ചറുകൾക്കുള്ളത്. ഡിജിറ്റൽ ഒപ്പുകൾ എങ്ങനെയാണ് പ്രവർത്തിക്കുക? ഡിജിറ്റൽ ഒപ്പുകൾ നൽകാൻ 'ക്രിപ്റ്റോഗ്രാഫി' (Cryptography) എന്ന സുരക്ഷാ സാങ്കേതികവിദ്യയാണ് ഇ-മുദ്ര ഉപയോഗിക്കുന്നത്. ഇതിൽ പ്രധാനമായും രണ്ട് കീകളാണ് അടങ്ങിയിരിക്കുന്നത്. 1. പ്രൈവറ്റ് കീ (Private Key): ഉപയോക്താവിന് പെൻഡ്രൈവ് പോലുള്ള ടോക്കണിലാണ് പ്രൈവറ്റ് കീ ലഭിക്കുന്നത്. രേഖകളിൽ ഡിജിറ്റലായി ഒപ്പിടാൻ ഇത് സഹായിക്കും. 2. പബ്ലിക് കീ (Public Key): ഇത് ഇ-മുദ്രയുടെ സെർവറിലും പൊതു സംവിധാനങ്ങളിലും ഉണ്ടാകുന്നതാണ്. വ്യക്തിയുടെ ഡിജിറ്റൽ ഒപ്പ് വ്യാജമല്ലെന്ന് ഉറപ്പുവരുത്താൻ പബ്ലിക് കീ സഹായിക്കും. എവിടെയാണ് സുരക്ഷാ വീഴ്ചയുണ്ടായത് ? ഇ-മുദ്ര വിതരണം ചെയ്ത ഡിജിറ്റൽ സർട്ടിഫിക്കറ്റുകളുമായി ബന്ധപ്പെട്ട 8 സ്വകാര്യ ക്രിപ്റ്റോഗ്രാഫി കീകളിലാണ് വീഴ്ചയുണ്ടായത്. ഇതിലൂടെ വ്യാജ വെബ്സൈറ്റ് നിർമ്മിക്കാൻ സാധിക്കും. ബ്രൗസർ അവയെ സുരക്ഷിത വെബ്സൈറ്റുകളായി തെറ്റിദ്ധരിക്കും. ബ്രൗസറിലെ വെബ് അഡ്രസിൽ HTTPS-ന് സമീപമുള്ള പാഡ്ലോക്ക് ഐക്കൺ ഇതിലൂടെ ലഭിക്കും. ഇതുവഴി ആളുകളുടെ ക്രെഡിറ്റ് കാർഡ് വിവരങ്ങളും പാസ്‍വേഡുകളും എളുപ്പത്തിൽ തട്ടിയെടുക്കാൻ സാധിക്കും. കീകൾ നിർമ്മിച്ചപ്പോൾ മതിയായ സുരക്ഷാ ക്രമീകരണങ്ങൾ ഇല്ലാതിരുന്നതാണ് ഹാക്കർമാർക്ക് വിവരങ്ങൾ ചോർത്താൻ എളുപ്പമായത്. ഇതൊരു വലിയ സുരക്ഷാ ഭീഷണിയായതുകൊണ്ട് ഗൂഗിൾ, ആപ്പിൾ, മൈക്രോസോഫ്റ്റ്, മോസില്ല എന്നിവർ അടിയന്തരമായി ഇടപെട്ട് ഈ 8 കീകൾ ഉപയോഗിച്ചുണ്ടാക്കിയ സർട്ടിഫിക്കറ്റുകൾ ബ്ലോക്ക് ചെയ്തു. ഇ-മുദ്ര നൽകിയ വിശദീകരണം സംഭവത്തെക്കുറിച്ച് അന്വേഷിക്കുന്നുണ്ടെന്നും ബ്രൗസർ, സോഫ്റ്റവെയർ കമ്പനികളുമായി സഹകരിച്ചാണ് പ്രവർത്തിക്കുന്നതെന്ന് ഇ-മുദ്ര അവകാശപ്പെട്ടു. ബാധിക്കപ്പെട്ട എട്ട് ഇന്റർമീഡിയറ്റ് സർട്ടിഫിക്കറ്റുകളിൽ ഒന്നുമാത്രമാണ് ഉപയോഗത്തിൽ ഉണ്ടായിരുന്നതെന്നും കമ്പനി അറിയിച്ചു. എന്നാൽ അവയൊന്നും ഉപയോക്താക്കൾക്ക് സർട്ടിഫിക്കറ്റുകൾ നൽകിയിട്ടില്ലെന്നും കമ്പനി വ്യക്തമാക്കി. മാത്രമല്ല തങ്ങളുടെ റൂട്ട് സർട്ടിഫിക്കേഷൻ അതോറിറ്റിയുടെ പ്രൈവറ്റ് കീകളെയും മറ്റ് ഇന്റർമീഡിയറ്റ് സർട്ടിഫിക്കറ്റുകളെയും സുരക്ഷാ വീഴ്ച ബാധിച്ചിട്ടില്ലെന്നും ഇ-മുദ്ര കൂട്ടിച്ചേർത്തു. ഇ-മുദ്ര ഓഹരികളിൽ ഇടിവ് ഡിജിറ്റൽ സർട്ടിഫിക്കറ്റ് സുരക്ഷാ വീഴ്ച പുറത്തുവന്നതോടെ ഓഹരി വിപണിയിൽ ഇ-മുദ്രയുടെ ഓഹരി വിലയിൽ വൻ ഇടിവ് നേരിട്ടു. ഇ-മുദ്രയുടെ ഓഹരി വിലയിൽ ഇന്ന് മാത്രം 20% താഴ്ന്ന് ലോവർ സർക്യൂട്ടിൽ എത്തുകയും വില ഏകദേശം 432 രൂപയിലേക്ക് ഇടിയുകയും ചെയ്തു. അതേസമയം സുരക്ഷാ വീഴ്ച ബാധിച്ച ഇന്റർനാഷണൽ TLS ബിസിനസ്സ് കമ്പനിയുടെ ആകെയുള്ള വരുമാനത്തിന്റെ ഏകദേശം 1% മാത്രമാണ് സംഭാവന ചെയ്യുന്നതെന്ന് ഇ-മുദ്ര അറിയിച്ചു. കമ്പനിയുടെ പ്രധാന വരുമാന മാർഗ്ഗമായ ഇന്ത്യയിലെ ഡിജിറ്റൽ സിഗ്നേച്ചർ, ഇ-സൈൻ സേവനങ്ങളെ ഇത് ബാധിച്ചിട്ടില്ലെന്നും ഇത് പൂർണ്ണമായും സുരക്ഷിതമാണെന്നും കമ്പനി നിക്ഷേപകരെ ബോധ്യപ്പെടുത്തി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Videos

hackers took france supermarkets: ഫ്രിഡ്ജുകളും ഫ്രീസറുകളും ഹാക്ക് ചെയ്യുന്നു

@ZeeMalayalam38d ago
#CYBER ATTACK
Janhvi Kapoor Deep Fake: ജാൻവി കപൂറിന്റെ ഡീപ്‍ഫെയ്ക്ക് വീഡിയോ: പ്രതികരിച്ച് നടി, പിന്തുണയുമായി നായകനും താരങ്ങളും

Janhvi Kapoor Deep Fake: ജാൻവി കപൂറിന്റെ ഡീപ്‍ഫെയ്ക്ക് വീഡിയോ: പ്രതികരിച്ച് നടി, പിന്തുണയുമായി നായകനും താരങ്ങളും

ഇന്റർനെറ്റിൽ പ്രചരിക്കുന്ന തന്റെ ഡീപ്ഫെയ്ക്ക് വീഡിയോയ്ക്കെതിരെ നടി ജാൻവി കപൂർ രംഗത്ത്. 'ദേവര' സിനിമയിലെ 'ചുട്ടമല്ലെ' ഗാനത്തിലെ ജാൻവി കപൂറിന്റെ ദൃശ്യങ്ങളാണ് ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് മോർഫ് ചെയ്ത് അശ്ലീല വീഡിയോയായി പ്രചരിക്കുന്നത്. ഇതിനെതിരെയാണ് നടി സമൂഹമാധ്യമങ്ങളിലൂടെ രംഗത്ത് എത്തിയത്. വ്യക്തിയുടെ അന്തസ്സിനെ ചോദ്യം ചെയ്യുന്നതും ലൈംഗിക അതിക്രമത്തിന് തുല്യമായ ഡിജിറ്റൽ കടന്നുകയറ്റവുമാണ് ഇത്തരം ഡീപ്ഫെയ്ക്ക് വീഡിയോകളെന്ന് ജാൻവി തുറന്നടിച്ചു. ഒരു സ്ത്രീ എന്ത് വസ്ത്രം ധരിക്കുന്നു അല്ലെങ്കിൽ അവളുടെ ചോയിസുകൾ എന്തൊക്കെയാണ് എന്നതെല്ലാം തികച്ചും അവളുടെ മാത്രം അവകാശമാണെന്ന് ജാൻവി പറയുന്നു. ഒരു സ്ത്രീ മിനിസ്കർട്ട് ധരിക്കുന്നു എന്നതിനർഥം അവളുടെ ശരീരത്തെ ചൂഷണം ചെയ്യാനോ അതിലേക്ക് ക്യാമറ പിടിക്കാനോ ഉള്ള അനുവാദമല്ലെന്ന് നടി ഓർമ്മിപ്പിച്ചു. ഒരു സ്ത്രീയുടെ കൺസെന്റും ചോയിസുകളും പലപ്പോഴും അവഗണിക്കപ്പെടുന്നുണ്ടെന്നും ജാൻവി പറയുന്നു. ഇത് വെറുമൊരു എഐ വീഡിയോയുടെ മാത്രം വിഷയമല്ലെന്നും സമൂഹത്തിൽ സ്ത്രീകൾ നേരിടുന്ന സുരക്ഷാ ഭീഷണികളുടെയും തെറ്റായ കാഴ്ചപ്പാടുകളുടെയും വലിയൊരു യാഥാർഥ്യമാണെന്നും നടി ചൂണ്ടിക്കാണിച്ചു. പെൺമക്കളെ മാത്രം സംരക്ഷിക്കാൻ പറയുന്നതിന് പകരം മറ്റൊരാളുടെ സ്വകാര്യതയിൽ കടന്നുകയറാൻ തങ്ങൾക്ക് അവകാശമുണ്ടെന്ന ചിലരുടെ തെറ്റായ ചിന്താഗതിയാണ് തിരുത്തേണ്ടതെന്ന് താരം വ്യക്തമാക്കി. ജാൻവിക്ക് പിന്തുണയുമായി ജൂനിയർ എൻടിആർ, ചിരഞ്ജീവി, വിജയ് ദേവരകൊണ്ട, ഖുശ്ബു സുന്ദർ തുടങ്ങിയ പ്രമുഖർ രംഗത്തെത്തി. എഐ ദുരുപയോഗത്തിനെതിരെ കർശന നടപടി വേണമെന്ന് ജൂനിയർ എൻടിആർ. പ്രതികരിച്ചു. ഇക്കാര്യത്തിൽ തെലുങ്ക് ഫിലിം ചേംബറുമായി ചേർന്ന് പ്രവർത്തിക്കുമെന്ന് ചിരഞ്ജീവിയും വ്യക്തമാക്കിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Social Media for Minors: കുട്ടികളുടെ സോഷ്യൽ മീഡിയ അക്കൗണ്ട്: കേന്ദ്ര സർക്കാരിനോട് വിശദീകരണം തേടി സുപ്രീം കോടതി

Social Media for Minors: കുട്ടികളുടെ സോഷ്യൽ മീഡിയ അക്കൗണ്ട്: കേന്ദ്ര സർക്കാരിനോട് വിശദീകരണം തേടി സുപ്രീം കോടതി

സോഷ്യൽ മീഡിയ അക്കൗണ്ടുകൾ ഉപയോഗിക്കുന്നതിന് 18 വയസ്സെന്ന കുറഞ്ഞ പ്രായപരിധി കർശനമായി നടപ്പിലാക്കാൻ കേന്ദ്ര സർക്കാരിനോട് സുപ്രീം കോടതി ആവശ്യപ്പെട്ടു. ജസ്റ്റിസ് റൈറ്റ്സ് ഫോർ ചിൽഡ്രൻ അലയൻസ് (Just Rights for Children Alliance) എന്ന എൻജിഒ നൽകിയ പൊതുതാൽപ്പര്യ ഹർജിയാണ് ചീഫ് ജസ്റ്റിസ് സൂര്യകാന്ത് അടങ്ങിയ ബെഞ്ച് പരിഗണിച്ചത്. സീനിയർ അഡ്വക്കേറ്റ് എച്ച്. എസ്. ഫൂൽക്കയാണ് ഹർജിക്കാർക്കായി ഹാജരായത്. കുട്ടികൾ നേരിടുന്ന വിവിധ ഓൺലൈൻ ഭീഷണികളായ സൈബർ ആക്രമണങ്ങൾ, ഓൺലൈൻ ഗ്രൂമിംഗ്, വ്യക്തിഗത വിവരങ്ങളുടെ ദുരുപയോഗം എന്നിവ ഹർജിയിലെ പ്രധാന ആശങ്കകളാണ്. കേന്ദ്ര ഇലക്ട്രോണിക്സ് ഇൻഫർമേഷൻ ടെക്നോളജി മന്ത്രാലയവും നിയമ-നീതിന്യായ മന്ത്രാലയവുമാണ് കേസിലെ എതിർകക്ഷികൾ. സോഷ്യൽ മീഡിയ അക്കൗണ്ട് ആദ്യമായി എടുക്കുമ്പോള്‍ അംഗീകരിക്കുന്ന 'സേവന വ്യവസ്ഥകൾ' (Terms of Service) നിയമപരമായി ഒരു കരാറാണ്. ഇന്ത്യൻ കരാർ നിയമപ്രകാരം (Indian Contract Act, 1872) പ്രായപൂർത്തിയാകാത്തവർക്ക് കരാറുകളിൽ ഏർപ്പെടാൻ അവകാശമില്ലാത്തതിനാൽ കുട്ടികൾ നടത്തുന്ന ഇത്തരം കരാറുകൾ നിയമപരമായി അസാധുവാണെന്ന് ബെഞ്ച് ചൂണ്ടിക്കാണിച്ചു. മാത്രമല്ല ഫേസ്ബുക്ക്, സ്നാപ്ചാറ്റ് പോലുള്ള പല പ്രധാന സോഷ്യമീഡിയ പ്ലാറ്റ്‌ഫോമുകളും 13 വയസ്സിനു മുകളിലുള്ള കുട്ടികൾക്ക് അക്കൗണ്ട് അനുവദിക്കുന്നതിന് ജനനത്തീയതി സ്വയം നൽകാനുള്ള അവസരമാണ് നൽകുന്നത്. എന്നാൽ ഇന്ത്യയിലെ നിയമങ്ങൾ അനുസരിച്ച് 18 വയസ്സിന് താഴെയുള്ളവരെല്ലാം മൈനറാണ്. ഇത്തരത്തിൽ പ്ലാറ്റ്‌ഫോമുകൾ ഇന്ത്യൻ നിയമങ്ങളുമായി പൊരുത്തപ്പെടുന്നില്ലെന്നാണ് ഹർജിയിലെ പ്രധാന വാദം. കുട്ടികൾക്ക് ഇന്റർനെറ്റ് ഉപയോഗിക്കുന്നതിന് സമ്പൂർണ്ണ നിരോധനമല്ല ഹർജിക്കാർ ആവശ്യപ്പെടുന്നത്, മറിച്ച് ഇത്തരം പ്ലാറ്റ്‌ഫോമുകൾ ഉപയോഗിക്കുന്നതിന് രക്ഷിതാക്കളുടെ മേൽനോട്ടവും, കുട്ടികള്‍ തെറ്റായ വയസ്സ് നല്‍കുന്നത് തടയാന്‍ സാധിക്കുന്ന സാങ്കേതിക സഹായങ്ങളുമാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Online Taxi Driver Scam: വ്യാജ സന്ദേശവും വാട്സ്ആപ്പ് ലിങ്കും; ഡിജിറ്റൽ തട്ടിപ്പിൽ വീണ് ഓൺലൈൻ ടാക്‌സി ഡ്രൈവർമാർ

Online Taxi Driver Scam: വ്യാജ സന്ദേശവും വാട്സ്ആപ്പ് ലിങ്കും; ഡിജിറ്റൽ തട്ടിപ്പിൽ വീണ് ഓൺലൈൻ ടാക്‌സി ഡ്രൈവർമാർ

തിരുവനന്തപുരം: സൗബർ തട്ടിപ്പിൽ കുരുങ്ങി ഓൺലൈൻ ടാക്സിഡ്രൈവർമാരും. ഓൺലൈനായി ബുക്കുചെയ്ത വാഹനം യാത്രക്കാരുള്ള ലൊക്കേഷനിലേക്ക് പോകുമ്പോഴേക്കുംഡ്രൈവറുടെ മൊബെൽഫോണിലേക്ക് തട്ടിപ്പുകാർ ബന്ധപ്പെടും. തുടർന്ന് യാത്രക്കൂലി അല്ലാത്ത പണം ഡ്രൈവറുടെ അക്കൗണ്ടിലേക്ക് ഇട്ടിട്ടുണ്ടെന്നും അത് ഉടൻ തന്നെ യാത്രക്കാർക്ക് ഓൺലൈനിൽ കൈമാറണമെന്നും ആവശ്യപ്പെട്ട് കൊണ്ടാണ് തട്ടിപ്പുകാരുടെ വിളി എത്തുന്നത്. ബുക്ക് ചെയ്ത യാത്രക്കാരൻ ആശുപത്രിയിൽ നിൽക്കുകയാണെന്നും പണം അത്യാവശ്യമാണെന്നും, സാങ്കേതികപ്രശ്നങ്ങൾ മൂലമാണ് ഡ്രൈവറുടെ അക്കൗണ്ടിലേക്ക് പണം അയയ്ക്കുന്നതെന്നും തട്ടിപ്പ് സംഘം പറയും. ഇതേ സമയം തന്നെ ഡ്രൈവറുടെ ഫോണിലേക്ക് പണം അയച്ചതിന്റെ എസ്.എം.എസ്സും വന്നിരിക്കും. നമ്മുടെ ബാങ്ക് അക്കൗണ്ടിലേക്ക് പണം എത്തുമ്പോൾ ഫോണിൽ വരുന്ന സന്ദേശത്തിന് സമാനമായിട്ടുള്ള മെസേജാണ് തട്ടിപ്പ് സംഘം അയയ്ക്കുന്നത്. ഇത് വളരെ സൂക്ഷിച്ച് പരിശോധിച്ചാൽ മാത്രമെ വ്യാജമാണ് എന്ന് മനസിലാകുകയുള്ളൂ. ഡ്രൈവ് ചെയ്യുന്നത് കൊണ്ട് തന്നെ അതിനിടയിൽ മെസേജ് പരിശോധിക്കാനുള്ള സാവകാശം ഡ്രൈവർക്ക് ലഭിക്കില്ലെന്നതാണ് തട്ടിപ്പുകാർ മുതലെടുക്കുന്നത്. മെസേജ് കണ്ട വിശ്വാസത്തിൽ ബാങ്ക് അക്കൗണ്ടിലേക്ക് പണം വന്നുവെന്ന് കരുതി ഡ്രൈവർമാർ പണം കൈമാറും. എന്നാൽ ബുക്ക് ചെയ്ത സ്ഥലത്ത് എത്തുമ്പോഴാകും യാത്രക്കാരെ കാണാനില്ലെന്ന വിവരം ഡ്രൈവർമാർ അറിയുന്നത്. ബാങ്ക് അക്കൗണ്ട് പരിശോധിക്കുമ്പോഴാണ് തങ്ങൾ വഞ്ചിക്കപ്പെട്ടതായി മനസ്സിലാകുന്നത്. തിരുവനന്തപുരത്ത് നിരവധി ഓൺലൈൻ ടാക്സി ഡ്രൈവർമാർക്ക് ഇത്തരത്തിൽ പണം നഷ്ടപ്പെട്ടിട്ടുണ്ട്. വാട്സാപ്പിലാണ് പണം കൈമാറുന്നതിനുള്ള ലിങ്ക് അയയ്ക്കുന്നത്. തട്ടിപ്പ് നടത്തിയതിന് തൊട്ടുപിന്നാലെ ഇത് ഡിലീറ്റ് ചെയ്യുകയും ചെയ്യും. കഴിഞ്ഞ ദിവസം കരിക്കകം സ്വദേശിയായ ഓട്ടോഡ്രൈവർക്ക് 4200 രൂപയാണ് ഇത്തരത്തിൽ നഷ്ടമായത്. നഗരത്തിലെ സ്വകാര്യ ആശുപത്രിയിൽനിന്നായിരുന്നു ഓട്ടോ ബുക്ക് ചെയ്തിരുന്നത്. ആശുപത്രിയിൽ അടയ്‌ക്കേണ്ട തുക എന്നുപറഞ്ഞായിരുന്നു ഓട്ടോഡ്രൈവർക്ക് മെസേജ് അയച്ചത്. സംഭവത്തിൽ അന്വേഷണം തുടങ്ങിയതായി സൈബർ പോലീസ് അറിയിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Harmanpreet Somersault Catch: ഹർമൻപ്രീത് കൗറിന്റെ വൈറൽ ക്യാച്ച് യഥാർത്ഥമോ?

Harmanpreet Somersault Catch: ഹർമൻപ്രീത് കൗറിന്റെ വൈറൽ ക്യാച്ച് യഥാർത്ഥമോ?

എന്തും ഏതും വൈറലാകാന്‍ ഡിജിറ്റല്‍ യുഗത്ത് നിമിഷങ്ങള്‍ മതി. യാതൊരു സത്യവുമില്ലാത്ത കാര്യങ്ങള്‍ പോലും നിമിഷനേരം കൊണ്ട് ലക്ഷക്കണക്കിന് ആളുകളിലേക്ക് എത്താനും തെറ്റിദ്ധാരണ പരത്താനും സോഷ്യല്‍ മീഡിയക്ക് പ്രത്യേക കഴിവാണ്. അത്തരത്തില്‍ സമൂഹമാധ്യമങ്ങളില്‍ നിറഞ്ഞ് നില്‍ക്കുന്നത് ഒരു വൈറല്‍ ക്യാച്ചാണ്. ഇന്ത്യന്‍ വനിതാ ക്രിക്കറ്റ് ടീം താരം ഹര്‍മന്‍പ്രീത് കൗര്‍ കരണം മറിഞ്ഞ് (Somersault) ഒരു ക്യാച്ച് എടുക്കുന്നതാണ് വീഡിയോ. ഇതില്‍ എന്തെങ്കിലും സത്യാവസ്ഥയുണ്ടോ? സോഷ്യല്‍ മീഡിയയില്‍ പ്രചരിക്കുന്ന ഈ വീഡിയോ പൂര്‍ണമായും ആര്‍ട്ടിഫിഷ്യല്‍ ഇന്റലിജന്‍സ് (AI) സാങ്കേതികവിദ്യ ഉപയോഗിച്ച് നിര്‍മ്മിച്ച വ്യാജ ദൃശ്യമാണ്. ഒരു ഡിപ് ഫേക്ക് വീഡിയോയാണ്. ഇങ്ങനെ ഒരു ക്യാച്ച് എടുക്കണമെന്ന് ഹര്‍മന്‍പ്രീത് കൗര്‍ സ്വപ്നത്തില്‍ പോലും വിചാരിച്ച് കാണില്ല. എന്നാല്‍ തെറ്റിദ്ധാരണ കാരണം പലരും ഈ ദൃശ്യങ്ങള്‍ പ്രചരിപ്പിക്കുന്നുണ്ട്. ഡിപ് ഫേക്ക് (Deepfake) സാങ്കേതികവിദ്യ ഇന്ന് സമൂഹത്തിന് വലിയൊരു ഭീഷണിയായി മാറിയിരിക്കുകയാണ്. പ്രശസ്ത വ്യക്തികളാണ് ഇത്തരത്തില്‍ ഡിപ് ഫേക്കിന്റെ ഇരകളാകുന്നത്. അവരുടെ മുഖവും ശബ്ദവും വ്യാജമായി നി‍ര്‍മ്മിക്കാന്‍ ഇത്തരം സാങ്കേതിക വിദ്യകള്‍ സഹായിക്കും. പലപ്പോഴും ഇത്തരം വീഡിയോകളിലെ യാഥാര്‍ത്ഥ്യവും കൃത്രിമത്വവും തിരിച്ചറിയാന്‍ കഴിയാത്ത അവസ്ഥയിലാണ്. ഇത് പൊതുജനങ്ങള്‍ക്കും നിയമപാലകര്‍ക്കും ഒരുപോലെ വെല്ലുവിളിയാണ്. ഡീപ് ഫേക്ക് പോലുള്ള ഭീഷണികളില്‍ നിന്നും രക്ഷപെടാന്‍ ചില മുന്‍കരുതല്‍ മാത്രം സ്വീകരിക്കാനാണ് സാധിക്കുക. ഒരിക്കലും100% സുരക്ഷ ലഭിക്കില്ലെന്നതാണ് സത്യാവസ്ഥ. ശക്തമായ പാസ്‍വേഡുകള്‍, ആന്റിവൈറസ് പ്രോഗ്രാമുകള്‍ എന്നിവ ഉപയോഗിക്കുക. മാത്രമല്ല ഇത്തരത്തില്‍ നിങ്ങള്‍ ഒരു ഭീഷണി നേരിടുകയാണെങ്കില്‍ പെട്ടന്ന് തന്നെ പരാതി നല്‍കുക. സോഷ്യല്‍ മീഡിയയില്‍ സ്വന്തം ചിത്രങ്ങള്‍ പോസ്റ്റ് ചെയ്യരുതെന്ന് ഇന്ന് ആര്‍ക്കും ആരോടും പറയാന്‍ സാധിക്കില്ല എങ്കിലും സുരക്ഷ മുൻകരുതലുകൾ സ്വീകരിക്കുന്നതിനൊപ്പം തന്നെ ചിത്രങ്ങൾ എവിടെയൊക്കെ പങ്കുവെക്കുന്നു എന്നതിനെക്കുറിച്ച് അതീവ ജാഗ്രത പുലർത്തേണ്ടത് അത്യന്താപേക്ഷിതമാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more
Malappuram News: കോളേജ് ഓണാഘോഷ ചിത്രങ്ങൾ മോർഫ് ചെയ്ത് പ്രചരിപ്പിച്ചു; മലപ്പുറം സൈബർ പോലീസ് കേസെടുത്തു

Malappuram News: കോളേജ് ഓണാഘോഷ ചിത്രങ്ങൾ മോർഫ് ചെയ്ത് പ്രചരിപ്പിച്ചു; മലപ്പുറം സൈബർ പോലീസ് കേസെടുത്തു

മലപ്പുറം: കോളേജ് വിദ്യാർത്ഥിനികൾ സമൂഹമാധ്യമങ്ങളിൽ പങ്കുവെച്ച ഓണാഘോഷ ചിത്രങ്ങൾ അശ്ലീലമായി മോർഫ് ചെയ്ത് പ്രചരിപ്പിച്ച സംഭവത്തിൽ സൈബർ പോലീസ് കേസെടുത്തു. മലപ്പുറം ജില്ലയിലെ വിവിധ കോളേജുകളിലെ പന്ത്രണ്ടോളം വിദ്യാർത്ഥിനികളുടെ ചിത്രങ്ങളാണ് വ്യാജ അക്കൗണ്ടുകൾ വഴി ഇത്തരത്തിൽ ദുരുപയോഗം ചെയ്യപ്പെട്ടത്. ഓണാഘോഷങ്ങളുമായി ബന്ധപ്പെട്ട് ഇൻസ്റ്റാഗ്രാം, ഫേസ്ബുക്ക് തുടങ്ങിയ സാമൂഹിക മാധ്യമങ്ങളിൽ പങ്കുവെച്ച ചിത്രങ്ങൾക്ക് പുറമെ, കോളേജ് വാട്സാപ്പ് ഗ്രൂപ്പുകളിൽ പങ്കുവെച്ച ഫോട്ടോകളും ചോർത്തി ദുരുപയോഗം ചെയ്തിട്ടുണ്ടോ എന്ന് സംശയിക്കുന്നുണ്ട്. ആസൂത്രിതമായ സംഘടിത അന്വേഷണത്തിലൂടെ മാത്രമേ ഈ കുറ്റകൃത്യത്തിന് പിന്നിലുള്ളവരെ കണ്ടെത്താനാകൂ എന്ന നിഗമനത്തിലാണ് പൊലീസ്. സംഭവത്തിൽ പ്രാഥമിക അന്വേഷണം ആരംഭിച്ചതായി പൊലീസ് വ്യക്തമാക്കിയിട്ടുണ്ട്. ഇതിനിടയിൽ, ദുരിതത്തിലായ വിദ്യാർത്ഥിനികൾക്ക് പൂർണ്ണ നിയമസഹായവുമായി എം.എസ്.എഫ് വനിതാ വിഭാഗമായ 'ഹരിത'യും രംഗത്തെത്തിയിട്ടുണ്ട്. ഹരിത ഭാരവാഹികൾ നേരിട്ട് പരാതി നൽകുകയായിരുന്നു. മലപ്പുറം ജില്ലാ പോലീസ് മേധാവിക്കാണ് പരാതി നൽകിയത്. വിഷയം ചൂണ്ടിക്കാട്ടി സംസ്ഥാന ആഭ്യന്തര മന്ത്രിക്കും പരാതി കൈമാറുമെന്ന് ഭാരവാഹികൾ വ്യക്തമാക്കിയിട്ടുണ്ട്. മോർഫിങ്ങിനിരയായ കൂടുതൽ വിദ്യാർത്ഥിനികളും അതത് പൊലീസ് സ്റ്റേഷനുകളിൽ ഔദ്യോഗികമായി പരാതി നൽകുന്നുണ്ട്. വ്യാജ അക്കൗണ്ടുകൾ നിർമ്മിച്ച് ചിത്രങ്ങൾ പ്രചരിപ്പിക്കുന്ന സംഘങ്ങൾക്കെതിരെ ശക്തമായ നടപടി സ്വീകരിക്കണമെന്ന ആവശ്യം ഇതിനോടകം ശക്തമായിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more