Videos
CIAL:അന്താരാഷ്ട്ര യാത്രക്കാർക്കായി ഡിജിയാത്ര സംവിധാനം നടപ്പാക്കി കൊച്ചി വിമാനത്താവളം
@ZeeMalayalam7d ago
Kerala
National
International
Entertainment
Short Videos
Kochi
Kozhikode
Thiruvananthapuram
Sports
Career
Utility
Religion
Photo
Video&imwidth=640&imheight=360)
Kochi Accident Case: ചേരാനല്ലൂര്‍ വാഹനാപകടം: 17 കാരന്റെ ചിത്രങ്ങൾ പ്രചരിപ്പിച്ചവർക്കെതിരെ കേസ്
കൊച്ചി: ചേരാനല്ലൂരിൽ സ്‌കൂട്ടർ യാത്രാക്കാരൻ ആഡംബരക്കാർ ഇടിച്ചു മരിച്ച സംഭവത്തിൽ കാറോടിച്ച 17 കാരന്റെ ചിത്രങ്ങൾ പ്രചരിപ്പിച്ചവർക്കെതിരെ കേസെടുത്ത് പോലീസ്. കേസ് പരിഗണിക്കവെ കഴിഞ്ഞ ദിവസം ഇതുമായി ബന്ധപ്പെട്ട എന്ത് നടപടിയാണ് സ്വീകരിച്ചതെന്ന് കോടതി ആരാഞ്ഞിരുന്നു അതിനെ തുടർന്നാണ് കൊച്ചി സിറ്റി സൈബർ പോലീസ് 18 പേർക്കെതിരെ കേസ് എടുത്തത്. ജയബാലകൃഷ്ണന്റെ കുടുംബം പുതിയതായി നൽകിയ പരാതിയിൽ ക്രൈംബ്രാഞ്ച് ഇന്ന് മൊഴിയെടുക്കുമെന്നാണ് റിപ്പോർട്ട്. പ്രതിയായ പതിനേഴുകാരന്റെ അച്ഛനായ ജഡ്ജിക്കെതിരെ ഗുരുതര ആരോപണങ്ങളാണ് കുടുംബം പോലീസിന് നൽകിയ പരാതിയിൽ പറഞ്ഞിട്ടുള്ളത്. അപകടം നടന്ന സമയം മുതൽ 3 മണിക്കൂർ സംഭവസ്ഥലത്ത് തങ്ങിയ ജഡ്ജി തെളിവുകൾ നശിപ്പിച്ചെന്നും അന്വേഷണം വഴിതിരിച്ചുവിടാനുള്ള ഇടപെടൽ നടത്തിയെന്നുമാണ് കുടുംബം നൽകിയ അപ്രതിയിൽ ആരോപിക്കുന്നത്. മാത്രമല്ല സംഭവത്തിൽ വിശദമായ അന്വേഷണം നടത്തണമെന്നും സ്പെഷ്യൽ എഫ്‌ഐആർ രജിസ്റ്റർ ചെയ്യണമെന്നുമാണ് കുടുംബം ആവശ്യപ്പെടുന്നത്. ഈ പരാതി കേസ് അന്വേഷിക്കുന്ന ക്രൈംബ്രാഞ്ചിന് കൈമാറിയതായി കൊച്ചി സിറ്റി പോലീസ് കമ്മീഷണർ ആർ നിശാന്തിനി പറഞ്ഞു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
എറണാകുളത്ത് എസ്‌ഐആറിന്റെ പേരില്‍ വൻ തട്ടിപ്പ്; വയോധികന് നഷ്ടമായത് 7.70 ലക്ഷം
കൊച്ചി: എസ്‌ഐആറിന്റെ പേരില്‍ എറണാകുളത്ത് വൻ തട്ടിപ്പ്. തൃപ്പുണിത്തുറ സ്വദേശിയായ 72 കാരന് നഷ്ടമായത് 7.70 ലക്ഷം രൂപ. എസ്ഐആർ രേഖകളിൽ തെറ്റുണ്ടെന്ന് പറയുകയും അത് തിരുത്താനായി ഒരു ലിങ്ക് നൽകിയുമായിരുന്നു തട്ടിപ്പ് നടത്തിയത്. മെസ്സേജ് ലഭിച്ചത് വോട്ടർ പട്ടികയിലെ പേരിനും പിതാവിന്റെ പേരിനും തമ്മിൽ പൊരുത്തക്കേടുണ്ടെന്ന് കാണിച്ചായിരുന്നു. തിരഞ്ഞെടുപ്പ് കമ്മീഷന്റെ ഉദ്യോഗസ്ഥനാണ് എന്നും പറഞ്ഞ് ഫോൺ വഴിയും ബന്ധപ്പെട്ടിരുന്നു. ഇതിനുശേഷം പേര് തിരുത്താൻ എന്നതിനായി ഇലക്ഷൻ കമ്മീഷന്റേതെന്ന പേരിൽ വാട്ട്സ്ആപിൽ വ്യാജ ലിങ്കും അയച്ചുകൊടുത്തു. ഈ ലിങ്കിലേക്ക് കേറിയതോടെ തന്റെ രണ്ട അക്കൗണ്ടുകളിലെയും പണം നഷ്ടമായെന്നും പറഞ്ഞ് വയോധികൻ ഹില്‍പ്പാലസ് പോലീസില്‍ പരാതി നൽകി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Ernakulam Court Theft: എറണാകുളം ജില്ലാ കോടതിയിൽ മോഷണം: റാഡോ വാച്ചടക്കം 124 തൊണ്ടിമുതലുകൾ കാണാതായി
കൊച്ചി: എറണാകുളം ജില്ലാ കോടതിയിൽ നിന്ന് തൊണ്ടിമുതൽ മോഷണം പോയി. റാഡോ വാച്ച് അടക്കം 124 തൊണ്ടിമുതലുകൾ മോഷണം പോയതായാണ് വിവരം. ജെഎഫ്സിഎം 2 കോടതിയുടെ പരിഗണനയിലുള്ള തൊണ്ടിമുതലുകളാണ് കവർച്ച ചെയ്യപ്പെട്ടിരിക്കുന്നത്. മോഷണം പോയതിനെ തുടർന്ന് ജൂനിയർ സൂപ്രണ്ടിന്‍റെ പരാതിയിൽ പോലീസ് കേസെടുത്തിട്ടുണ്ട്. 2016 മുതൽ 2026 വരെയുള്ള കേസുകളിലെ രേഖകളാണ് മോഷണം പോയിട്ടുള്ളത്. സ്‌ട്രോംഗ് റൂമിൽ മോഷണം നടന്ന വിവരം ജൂനിയർ സൂപ്രണ്ട് അറിയിച്ചതിനെ തുടർന്ന് കോടതിയുടെ നിർദേശപ്രകാരം എറണാകുളം സെൻട്രൽ പൊലീസിന് പരാതി നൽകുകയായിരുന്നു. പരാതിയിൽ കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. എറണാകുളം ജില്ലാ കോടതിയിൽ മുൻപും ഇത്തരത്തിൽ തൊണ്ടിമുതൽ മോഷണം പോയിട്ടുണ്ട്. നേരത്തെ അഭിമന്യു കൊലക്കേസിലെ കുറ്റപത്രം ഉൾപ്പെടെയുള്ള 11 പ്രധാനപ്പെട്ട രേഖകളാണ് അന്ന് നഷ്ടപ്പെട്ടത്. തുടർന്ന് പ്രോസിക്യൂഷന്റെയും പോലീസിന്റെയും കൈവശമുള്ള പകർപ്പുകൾ ഉപയോഗിച്ച് കാണാതായ രേഖകൾ പുനർനിർമിക്കാൻ ഹൈക്കോടതി ഉത്തരവിട്ടിരുന്നു. സമാനരീതിയിൽ തലശേരി ഫസൽ വധക്കേസിലെയും തൊണ്ടിമുതലുകൾ മോഷണം പോയിരുന്നു. ഫസൽ വധക്കേസിലെ നിർണായക തെളിവായ രക്തം പുരണ്ട തൂവാലയാണ് കോടതിയിൽ നിന്ന് മോഷണം പോയത്. തൂവാല 'എലി കൊണ്ടുപോയി" എന്നായിരുന്നു അത് സൂക്ഷിച്ചിരുന്ന മുദ്രവെച്ച കവറിന് പുറത്ത് ജീവനക്കാർ രേഖപ്പെടുത്തിയത്. പിന്നീടിത് കോടതിയിൽ നിന്നുതന്നെ കണ്ടെത്തിയിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.
Tap to read more
&imwidth=640&imheight=360)
നഗ്നദൃശ്യങ്ങൾ പ്രചരിപ്പിച്ച കേസിൽ തൊപ്പിക്കെതിരെ കുറ്റപത്രം സമർപ്പിച്ചു
കൊച്ചി: സുഹൃത്തുക്കളുടെ നഗ്നദൃശ്യങ്ങൾ പ്രചരിപ്പിച്ച കേസിൽ തൊപ്പിക്കെതിരെ പോലീസ് കുറ്റപത്രം സമർപ്പിച്ചു. തൊപ്പി എന്ന മുഹമ്മദ് നിഹാദിനെതിരെ കുറ്റം നിലനിൽക്കുമെന്നും ഐടി നിയമത്തിലെ വിവിധ വകുപ്പുകൾ ചുമത്തിയാണ് കേസെടുത്തതെന്നും അധികൃതർ അറിയിച്ചിട്ടുണ്ട്. കുറ്റപത്രം എറണാകുളം സിജെഎം കോടതിയിൽ റൂറൽ സൈബർ പോലീസാണ് സമർപ്പിച്ചത്. കുറ്റപത്രത്തിൽ ഒപ്പമുണ്ടായിരുന്ന സുഹൃത്തുക്കൾ ചതിച്ചെന്നും തർക്കത്തെ തുടർന്നാണ് ദൃശ്യങ്ങൾ പ്രചരിപിച്ചതെന്നും തൊപ്പി മൊഴി നൽകിയതായും വ്യക്തമാക്കിയിട്ടുണ്ട്. തൊപ്പി സുഹൃത്തുക്കളുടെ അശ്ലീല ദൃശ്യങ്ങൾ പ്രചരിപ്പിച്ചത് സോഷ്യൽ മീഡിയയിലൂടെയാണ്. ഇതിനെ തുടർന്ന് കേസെടുത്തത് ആലുവ റൂറൽ പോലീസായിരുന്നു. അഭിഭാഷകനായ ശ്രീജിത്ത് പെരുമനയുടെ പരാതിയുടെ അടിസ്ഥാനത്തിലായിരുന്നു പോലീസ് ഐടി നിയമത്തിലെ വകുപ്പുകൾ പ്രകാരം കേസെടുത്തത്. തുടർന്ന് പോലീസ് ഇയാളോട് ഹാജരാകാൻ ആവശ്യപ്പെടുകയായിരുന്നു. ഇതിനിടയിൽ ഒളിവിൽ പോയ തൊപ്പിക്കെതിരെ പോലീസ് ലുക്ക്ഔട്ട് സർക്കുലർ ഇറക്കിയിരുന്നു. ഇതിനിടയിലാണ് തൊപ്പി ചോദ്യം ചെയ്യലിന് ഹാജരായത്. പരാതി ലഭിച്ചതിന് പിന്നാലെ തൊപ്പിയുടെ യൂട്യൂബ് ചാനൽ നീക്കം ചെയ്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
LPG Price Hike: വാണിജ്യ സിലിണ്ടർ വില വീണ്ടും വർധിച്ചു; കൊച്ചിയിൽ പുതിയ നിരക്ക് ഇങ്ങനെ...
കൊച്ചി: ദീപാവലിക്ക് തൊട്ടുമുമ്പ് രാജ്യത്ത് വാണിജ്യ ആവശ്യങ്ങൾക്കുള്ള പാചകവാതക സിലിണ്ടറുകൾക്ക് വീണ്ടും വില കൂട്ടി. 19 കിലോഗ്രാമിന്റെ വാണിജ്യ സിലിണ്ടറിന് കൊച്ചിയിൽ 12.50 രൂപയാണ് കൂടിയത്. പുതിയ നിരക്ക് 2,840 രൂപയായി ഉയർന്നു. പുതുക്കിയ നിരക്കുകൾ ഞായറാഴ്ച മുതൽ പ്രാബല്യത്തിൽ വന്നു. അതേസമയം, സാധാരണ ഗാർഹിക ഉപഭോക്താക്കൾ ഉപയോഗിക്കുന്ന പാചകവാതക സിലിണ്ടറുകളുടെ നിരക്കിൽ മാറ്റമൊന്നുമില്ല. വിവിധ നഗരങ്ങളിൽ 10 രൂപ മുതൽ 17 രൂപ വരെയാണ് വില കൂട്ടിയത്. ഡൽഹിയിൽ 19 കിലോഗ്രാം വാണിജ്യ സിലിണ്ടറിന്റെ പുതിയ നിരക്ക് 2,820 രൂപയായി ഉയർന്നു. തുടർച്ചയായ മൂന്നാം മാസമാണ് വാണിജ്യ സിലിണ്ടറിന്റെ വിലയിൽ വർധനവുണ്ടാകുന്നത്. ഉത്സവ സീസൺ ആയതിനാൽ വില വർധനവ് വ്യാപാരികളെയും ആശങ്കയിലാക്കിയിട്ടുണ്ട്. വില കൂട്ടിയത് പ്രധാനമായും ബാധിച്ചിരിക്കുന്നത് റെസ്റ്റോറന്റുകളെയാണ്. പാചകവാതകത്തിന് വില കൂടുമ്പോൾ ഭക്ഷണത്തിന്റെ വിലയിലും അതിന്റെ സ്വാധീനമുണ്ടാകും. അതിനാൽ ഈ വിലവർധനവ് സാധാരണക്കാരേയും പരോക്ഷമായി ബാധിക്കും. കഴിഞ്ഞ സെപ്റ്റംബറിൽ 9.50 രൂപയും ഒക്ടോബറിൽ 62.50 രൂപയുമാണ് കൂട്ടിയിരുന്നത്. ഇതിന് പുറമെയാണ് ഇപ്പോഴത്തെ വർദ്ധനവ്. മേയ് മാസത്തിൽ വാണിജ്യ സിലിണ്ടറുകൾക്ക് ഒറ്റയടിക്ക് 993 രൂപ വരെ കുത്തനെ കൂട്ടിയിരുന്നു. ഹോട്ടൽ, റസ്റ്റോറന്റ് മേഖലയ്ക്ക് വലിയ തിരിച്ചടിയാണ് ഈ തുടർച്ചയായ വിലക്കയറ്റം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.
Tap to read more
&imwidth=640&imheight=360)
KMRL Recruitment 2026: പരീക്ഷയുമില്ല, അഭിമുഖവുമില്ല! കൊച്ചി മെട്രോയിൽ അവസരം; 70 അപ്രന്റീസ് ഒഴിവുകൾ, ഉടൻ അപേക്ഷിക്കാം...
കൊച്ചി: കൊച്ചി മെട്രോ റെയിൽ ലിമിറ്റഡിൽ വിവിധ ട്രേഡുകളിൽ അപ്രന്റീസ്ഷിപ്പ് പരിശീലനത്തിന് ഉദ്യോഗാർത്ഥികളിൽ നിന്ന് അപേക്ഷകൾ ക്ഷണിച്ചു. ആകെ 70 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ഒരു വർഷമാണ് അപ്രന്റീസ്ഷിപ്പ് പരിശീലനത്തിന്റെ കാലാവധി. എഴുത്തുപരീക്ഷയോ അഭിമുഖമോ ഉണ്ടാകില്ല. ലഭിക്കുന്ന അപേക്ഷകളിൽ നിന്ന് തയ്യാറാക്കുന്ന ഷോർട്ട്‌ലിസ്റ്റ് അടിസ്ഥാനമാക്കിയാണ് നിയമനം നടത്തുക. നവംബർ 10 ആണ് അപേക്ഷിക്കേണ്ട അവസാന തിയതി. വിഭാഗങ്ങളും ഒഴിവുകളും 1. ഗ്രാജുവേറ്റ് അപ്രന്റീസ് (ടെക്നിക്കൽ) – 16 ഒഴിവുകൾ യോഗ്യത - സിവിൽ എഞ്ചിനീയറിങ്, ഇലക്ട്രിക്കൽ എഞ്ചിനീയറിങ്, ഇലക്ട്രോണിക്സ് & ഇൻസ്ട്രുമെന്റേഷൻ, മെക്കാനിക്കൽ എഞ്ചിനീയറിങ്, ഐ.ടി / കമ്പ്യൂട്ടർ സയൻസ്. 2. ഗ്രാജുവേറ്റ് അപ്രന്റീസ് (നോൺ-ടെക്നിക്കൽ) – 06 ഒഴിവുകൾ യോഗ്യത: ബി.ബി.എ, ബി.കോം, ബി.സി.എ. 3. ഡിപ്ലോമ ടെക്നീഷ്യൻ അപ്രന്റീസ് – 28 ഒഴിവുകൾ യോഗ്യത: ഡിപ്ലോമ ഇൻ സിവിൽ എഞ്ചിനീയറിങ്, ഡിപ്ലോമ ഇൻ ഇലക്ട്രിക്കൽ എഞ്ചിനീയറിങ്, ഡിപ്ലോമ ഇൻ മെക്കാനിക്കൽ എഞ്ചിനീയറിങ്, ഡിപ്ലോമ ഇൻ ഇലക്ട്രോണിക്സ് എഞ്ചിനീയറിങ്, ഡിപ്ലോമ ഇൻ കമ്പ്യൂട്ടർ സയൻസ്. 4. ട്രേഡ് അപ്രന്റീസ് (ITI) – 20 ഒഴിവുകൾ യോഗ്യത: ഇലക്ട്രീഷ്യൻ, ഇലക്ട്രോണിക്സ്, വെൽഡർ, ഫിറ്റർ, പ്ലംബർ. റഗുലർ കോഴ്സ് വഴി പഠനം പൂർത്തിയാക്കിയവർക്ക് മാത്രമെ ഈ ഒഴിവുകളിലേക്ക് അപേക്ഷിക്കാൻ സാധിക്കുകയുള്ളൂ. മേൽപ്പറഞ്ഞ കോഴ്സുകളിൽ പൈനൽ പരീക്ഷാഫലം വന്ന് 5 വർഷത്തിനുള്ളിൽ ഉള്ളവർക്ക് അപേക്ഷിക്കാം. 18 വയസ് തികഞ്ഞിരിക്കണം. മുൻപ് അപ്രന്റീസ്ഷിപ്പ് പരിശീലനം ലഭിച്ചവർക്ക് ഇതിലേക്ക് അപേക്ഷിക്കാനാകില്ല. അപേക്ഷിക്കേണ്ട വിധം ഐ.ടി.ഐ ട്രേഡുകാർ NAPS പോർട്ടൽ വഴി (https://apprenticeshipindia.gov.in) രജിസ്റ്റർ ചെയ്യണം. ഡിഗ്രി/ഡിപ്ലോമക്കാർ NATS പോർട്ടലിൽ കയറി വേണം (https://nats.education.gov.in/) രജിസ്റ്റർ ചെയ്യാൻ. രജിസ്ട്രേഷൻ നമ്പർ ലഭിച്ചു കഴിഞ്ഞാൽ ഉദ്യോഗാർത്ഥികൾ വിജ്ഞാപനത്തോടൊപ്പമുള്ള ബയോഡാറ്റ ഫോം പൂരിപ്പിച്ച ശേഷം ആവശ്യമായ രേഖകൾ സഹിതം താഴെ പറയുന്ന വിലാസത്തിൽ അപേക്ഷ അയക്കുക. General Manager (HR, ADMN & TRG), Kochi Metro Rail Ltd., Corporate Office, 4th Floor, JLN Stadium Metro Station, Kaloor, Kochi, Kerala - 682017. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം.
Tap to read more
&imwidth=640&imheight=360)
Nedumbassery Accident: നെടുമ്പാശ്ശേരി കാർപകടം: 4 പ്രതികളും പോലീസ് കസ്റ്റഡിയിൽ
കൊച്ചി: നെടുമ്പാശ്ശേരി അപകട കേസിലെ പ്രതികളെ പോലീസ് കസ്റ്റഡിയിൽ വിട്ടു. പ്രത്യേക അന്വേഷണ സംഘത്തിന്റെ അപേക്ഷ പരിഗണിച്ചാണ് അങ്കമാലി കോടതി കസ്റ്റഡി അനുവദിച്ചത്. ശനിയാഴ്ച വൈകീട്ട് അഞ്ച് മണി വരെയാണ് കസ്റ്റഡിയിൽ അനുവദിച്ചിട്ടുള്ളത്. വെള്ളിയാഴ്ച ഉച്ചയോടെയാണ് കോടതി കസ്റ്റഡി അപേക്ഷയിൽ ഉത്തരവിട്ടത്. തുടർന്ന് കാക്കനാട് ബോസ്റ്റൽ സ്കൂളിൽ പാർപ്പിച്ചിരുന്ന നാല് പ്രതികളെയും കോടതിയിൽ ഹാജരാക്കിയിരുന്നു. സുഹൈൽ, നിനവ്, ജോയൽ, അമീൻ എന്നിവരെയാണ് കസ്റ്റഡിയിൽ വിട്ടത്. അപകടവുമായി ബന്ധപ്പെട്ട് പോലീസ് ശേഖരിച്ച സി.സി.ടി.വി. ദൃശ്യങ്ങൾ, ശാസ്ത്രീയ തെളിവുകൾ, വാഹനം സംബന്ധിച്ചുള്ള വിവരങ്ങൾ ഉൾപ്പെടെയുള്ളവ പരിശോധിക്കുന്നതിനും സംഭവത്തിന്റെ വിവിധ വശങ്ങളിൽ വ്യക്തത വരുത്താനുമാണ് പ്രതികളെ അന്വേഷണ സംഘം കസ്റ്റഡിയിൽ ആവശ്യപ്പെട്ടത്. രണ്ടാം തവണയാണ് ഇപ്പോൾ പ്രതികളെ കസ്റ്റഡിയിൽ വിടുന്നത്. കസ്റ്റഡിയിൽ വാങ്ങിയ പ്രതികളെ വിശദമായി ചോദ്യം ചെയ്യും. ഡിവൈ.എസ്.പി. ബൈജു പൗലോസിന്റെ നേതൃത്വത്തിലായിരിക്കും ചോദ്യംചെയ്യൽ. നെടുമ്പാശ്ശേരി എയർപോർട്ട് റോഡിൽ ഒക്ടോബർ 11-ന് പുലർച്ചെയാണ് അപകടം നടന്നത്. മൂന്ന് പേരാണ് അപകടത്തിൽ മരിച്ചത്. കേസിലെ ഒന്നാം പ്രതി സുഹൈൽ, നിനവ്, അമീൻ, ജോയൽ എന്നിവരുടെ ജാമ്യാപേക്ഷ അങ്കമാലി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയും എറണാകുളം ജില്ലാ സെഷൻസ് കോടതിയും നേരത്തെ തള്ളിയിരുന്നു. അതേസമയം കേസിലെ ഒന്നാംപ്രതി സുഹൈൽ സജീവിന്റെയും (19) മൂന്നാം പ്രതി ജോയൽ എസ്. ആന്റോയുടെയും (19) ജാമ്യഹർജി ഹൈക്കോടതി നവംബർ ആറിന് പരിണിക്കും. ഹർജി പരിഗണിച്ച ജസ്റ്റിസ് കൗസർ എടപ്പഗത്ത് സംഭവത്തിൽ സർക്കാർ വിശദീകരണം തേടിയിട്ടുണ്ട്. അപകടം നടന്ന ദിവസം മുതൽ താൻ ജുഡീഷ്യൽ കസ്റ്റഡിയിലാണുള്ളതെന്നും തുടർച്ചയായുള്ള ജയിൽവാസം പഠനത്തെ ബാധിക്കുമെന്നും അതിനാൽ ഉപാധികളോടെ ജാമ്യം അനുവദിക്കണമെന്നുമാവശ്യപ്പെട്ടാണ് കോളജ് വിദ്യാർഥിയായ സുഹൈൽ ഹർജി സമർപ്പിച്ചത്. കേസിന്റെ അന്വേഷണവുമായി പൂർണമായി സഹകരിക്കുമെന്നും സാക്ഷികളെ സ്വാധീനിക്കാനോ തെളിവുകൾ നശിപ്പിക്കാനോ ശ്രമിക്കില്ലെന്നും പ്രതി ഹർജിയിൽ വ്യക്തമാക്കിയിട്ടുണ്ട്. വാഹനത്തിന്റെ പിൻസീറ്റിലിരുന്ന താൻ ഡ്രൈവർക്ക് നിർദേശങ്ങൾ നൽകുകയോ അമിതവേഗത്തിൽ പോകാൻ പ്രേരിപ്പിക്കുകയോ ചെയ്തിട്ടില്ലെന്ന് ചൂണ്ടിക്കാട്ടിയാണ് ജോയൽ ഹർജി നൽകിയത്. അനാവശ്യമായാണ് തന്റെ പേര് പ്രതിപ്പട്ടികയിൽ ചേർത്തതെന്നും മദ്യപിച്ചുവെന്ന ആരോപണം തെളിയിക്കാൻ തന്റെ രക്തപരിശോധന നടത്തിയിട്ടില്ലെന്നും ജോയൽ പറയുന്നു. പഠനം തടസ്സപ്പെടുന്ന കാര്യവും ജോയൽ ഹർജിയിൽ ചൂണ്ടിക്കാട്ടിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം
Tap to read more
&imwidth=640&imheight=360)
Kochi Metro Award: കൊച്ചി മെട്രോയ്ക്ക് രണ്ടു ദേശീയ പുരസ്‌കാരങ്ങൾ
കൊച്ചി: മൾട്ടി-മോഡൽ ഇന്റഗ്രേഷനിലും സ്‍മാർട്ട് മൊബിലിറ്റിയിലും ദേശീയ പുരസ്‌കാരം സ്വന്തമാക്കി കൊച്ചി മെട്രോ റെയിൽ ലിമിറ്റഡ്. മികച്ച മാതൃകയ്ക്കും പ്രവർത്തന മികവിനുമുള്ള കേന്ദ്ര ഭാവന നഗരകാര്യ മന്ത്രാലയത്തിന്റെ ദേശീയ പുരസ്‌കാരമാണ് കൊച്ചി മെട്രോ സ്വന്തമാക്കിയത്. ഒഡീഷയിലെ ഭുവനേശ്വറിൽ നടന്ന 19-ാമത് ഹാർബർ മൊബിലിറ്റി ഇന്ത്യ കോൺഫറൻസ് സമാപന ചടങ്ങിൽ കെകെന്ദ്രമന്ത്രി മനോഹർ ലാൽ ഗട്ടറിൽ നിന്നാണ് അവാർഡുകൾ കൊച്ചി മെട്രോയുടെ ഡയറക്‌ടർമാരായ സഞ്ജയ് കുമാർ, ഡോ എം.പി. രാം നവാസ്, രവീന്ദ്ര കുമാർ എന്നിവർ ഏറ്റുവാങ്ങി. ചടങ്ങിൽ KMRL അഡീഷണൽ ജനറൽ മാനേജർ, ജോയിന്റ് ജനറൽ മാനേജർ എന്നിവർ പങ്കെടുത്തു. കൊച്ചി മെട്രോയ്ക്ക് മികച്ച മള്‍ട്ടി-മോഡല്‍ ഇന്റഗ്രേഷനുള്ള എക്സലന്‍സ് പുരസ്‌കാരവും നവീകരണത്തിലും സ്മാര്‍ട്ട് മൊബിലിറ്റി സൊല്യൂഷനുകളിലുമുള്ള പ്രശംസാപത്രവുമാണ് ലഭിച്ചത്. യാത്രക്കാര്‍ക്ക് സുഗമവും മികവാര്‍ന്നതുമായ യാത്രാാനുഭവം ഉറപ്പാക്കുന്നതിലും നഗര ഗതാഗത രംഗത്ത് നൂതന സാങ്കേതികവിദ്യകള്‍ നടപ്പിലാക്കുന്നതിലുമുള്ള കൊച്ചി മെട്രോയുടെ തുടര്‍ച്ചയായ മുന്നേറ്റത്തിനുള്ള അംഗീകാരമായാണ് ഈ ദേശീയ പുരസ്‌കാരങ്ങള്‍. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Kochi Synagogue Fire: കൊച്ചി സിനഗോഗ് തീവെപ്പ് കേസിൻറെ അന്വേഷണം ഏറ്റെടുത്ത് എൻഐഎ
കൊച്ചി: ജൂതപ്പള്ളിക്ക് മുൻപിൽ ഉണ്ടായ തീവയ്പ്പ് കേസിൻറെ അന്വേഷണം എൻഐഎ അന്വേഷിക്കും. തീവ്രവാദ വിരുദ്ധ സേന (എടിഎസ്) അന്വേഷണം ഏറ്റെടുക്കാനിരിക്കെയാണ് എൻഐഎ അന്വേഷണം. പ്രതിയായ എബിൻ പോളിനെതിരെ യുഎപിഎ ചുമത്തിയിരുന്നു. പുത്തൻകുരിശ് സ്വദേശിയായ എബിൻ പോൾ കാറിൽ എത്തി പെട്രോൾ ഒഴിച്ച് സിനഗോഗിന് പുറത്ത് തീയിടുകയായിരുന്നു. ഇതിൻറെ സിസിടിവി ദൃശ്യങ്ങൾ പുറത്തുവന്നിരുന്നു. തീവ്രവാദ സ്വഭാവമുള്ള ചില ഗ്രൂപ്പുകളിൽ പ്രതി ചാറ്റ് നടത്തിയിട്ടുണ്ടെന്നും ബോസ് എന്ന ടെലഗ്രാം അക്കൌണ്ട് ഇയാളെ നിയന്ത്രിച്ചിരുന്നുവെന്നും പ്രാഥമിക അന്വേഷണത്തിൽ കണ്ടെത്തിയിരുന്നു. ആക്രമണത്തിന് ശേഷം ഇയാൾ രണ്ട് ലക്ഷം രൂപ ക്രിപ്റ്റോ കറൻസി വഴി കൈപ്പറ്റിയതായും പോലീസ് അന്വേഷണത്തിൽ കണ്ടെത്തിയിരുന്നു. ഇയാൾ താമസിച്ചിരുന്ന സ്ഥലത്ത് നിന്ന് സിന്തറ്റിക് ലഹരികളും കണ്ടെടുത്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: ചേരാനല്ലൂർ വാഹനാപകടം: ജഡ്ജിയുടെ അറസ്റ്റ് തടഞ്ഞ് ഹൈക്കോടതി
കൊച്ചി: ചേരാനല്ലൂർ അപകടത്തിലെ പ്രതിയുടെ പിതാവായ അഡീഷണൽ ജഡ്ജിയുടെ അറസ്റ്റ് തടഞ്ഞ് ഹൈക്കോടതി. അറസ്റ്റിനെതിരെ ജഡ്ജി ഇന്നലെ മുൻകൂർ ജാമ്യാപേക്ഷ സമർപ്പിച്ചിരുന്നു. അത് പരിഗണിക്കവെയാണ് ഹൈക്കോടതി സിംഗിൾ ബഞ്ചിന്റെ ഈ ഇത്തരവ്. പൊതുബോധത്തിന് കീഴ്പ്പെടാനാകില്ലെന്നും നിയമം അനുസരിച്ചു മാത്രമേ മുന്നോട്ടു പോകാൻ കഴിയൂവെന്നും കേസ് പരിഗണിക്കവെ ഹൈക്കോടതി വ്യക്തമാക്കിയിട്ടുണ്ട്. ഹർജി പരിഗണിക്കവെ ജഡ്ജിയുടെ അറസ്റ്റ് എന്തിനാണെന്ന് ചോദിച്ച ഹൈക്കോടതി അദ്ദേഹം ജുഡീഷ്യൽ ഓഫീസറാണെന്നും അന്വേഷണവുമായി സഹകരിക്കുന്നുണ്ടെന്നും ചോദ്യം ചെയ്യലിന് ഹാജരായല്ലോയെന്നും വിലയിരുത്തി. ഇതിനിടയിൽ ഇന്നലെ 4 മണിക്കൂറോളം ചോദ്യം ചെയ്തുവെന്ന് അഡീഷണൽ ജഡ്ജി പറഞ്ഞപ്പോൾ അതെന്തിനാണ് 4 മണിക്കൂർ ചോദ്യം ചെയ്തതതെന്നും കോടതി ചോദിച്ചു. ഒപ്പം ജഡ്ജിയെ കസ്റ്റഡിയിലെടുത്ത്‌ ചോദ്യം ചെയ്യേണ്ട ആവശ്യമെന്തെന്നും കോടതി ചോദിച്ചു. അപകടസ്ഥലത്ത് ജഡ്ജി മണിക്കൂറുകളോളം ഉണ്ടായിരുന്നുവെന്നും തെളിവ് നശിപ്പിച്ചുവെന്നും അപകടത്തിൽ മരിച്ച ജയബാലകൃഷ്ണന്റെ കുടുംബം കോടതിയെ അറിയിച്ചു. ഇന്നലെ ചോദ്യം ചെയ്തപ്പോൾ മകൻ വാഹനം എടുത്തുകൊണ്ടുപോയത് അറിഞ്ഞില്ലെന്നും പിതാവ് എന്ന നിലയിലാണ് താൻ പോലീസ് സ്റ്റേഷനിൽ പോയതെന്നും ജഡ്ജി പറഞ്ഞിരുന്നു. ജഡ്ജിയുടെ മുൻകൂർ ജാമ്യത്തെ ജയബാലകൃഷ്ണന്റെ കുടുംബം എതിർത്തു. കേസിൽ നീതി നടപ്പായില്ലെന്നും കേസിൽ നിന്നും രക്ഷപ്പെടാനുള്ള ശ്രമത്തിന്റെ ഫലമാണ് കേസ് ഹൈക്കോടതിയിൽ എത്തിയതെന്നുമാണ് കുടുംബത്തിന്റെ പ്രതികരണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: ചേരാനല്ലൂർ വാഹനാപകടം: മുൻകൂർ ജാമ്യം തേടി അഡീഷണൽ ജഡ്ജി
കൊച്ചി: ചേരാനല്ലൂർ വാഹനാപകടക്കേസിലെ പതിനേഴുകാരന്റെ പിതാവായ ജഡ്ജി മുൻകൂർ ജാമ്യം തേടി. കേസിലെ രണ്ടാം പ്രതിയാണ് മുൻകൂർ ജാമ്യം നേടിയ ഈ അഡീഷണൽ ജില്ലാ ജഡ്ജി. ഹൈക്കോടതിയിലാണ് അദ്ദേഹം മുൻകൂർ ജ്യാമ്യാപേക്ഷ നൽകിയത്. ജഡ്ജിയുടെ മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിച്ചേക്കും. പതിനേഴുകാരനായ മകൻ ഓടിച്ച ബെൻസ് കാറിടിച്ചു സ്‌കൂട്ടർ യാത്രക്കാരൻ മരിച്ച സംഭവത്തിലാണ് കാറുടമയായ ജഡ്ജിക്കെതിരെ ഇന്നലെ കേസെടുത്തത്. വാഹനമോടിച്ച ആൾക്ക് പ്രായപൂർത്തിയായില്ല എന്നതിനാലാണ് വാഹന ഉടമയായ പിതാവും പ്രതിയായത്. ഇതിനിടയിൽ കഴിഞ്ഞ ദിവസം ജഡ്ജിയുടെ വീട്ടിലെത്തി പോലീസ് ചോദ്യം ചെയ്തിരുന്നു. ഇതിന് പിന്നാലെ ഇന്നലെ ഉച്ചയോടെ ജഡ്ജിയെ ആലുവ പോലീസ് ക്ലബിലേക്കും വിളിച്ചുവരുത്തി. ജഡ്ജിയുടെ വീട്ടിൽ നടത്തിയ പരിശോധനയിൽ പ്രതിയായ പതിനേഴുകാരൻ അമിതവേഗത്തിൽ കാർ ഓടിച്ചുകൊണ്ട് ചിത്രീകരിച്ച മൂന്നു വീഡിയോകളും കണ്ടെത്തിയിരുന്നു. ഇത് കേസിൽ നിർണായക തെളിവാകും. ഇന്നും കേസിലെ പ്രതിയുടെ പിതാവായ ജഡ്ജിയെ ക്രൈംബ്രാഞ്ച് ചോദ്യം ചെയ്യും. രാവിലെ 11 മണിക്കാണ് ചോദ്യം ചെയ്യലിന് ഹാജരാകാൻ ജഡ്ജിയോട് ആവശ്യപ്പെട്ടിരിക്കുന്നത്. കേസിൽ കൂടുതൽ തെളിവ് ശേഖരിക്കാനുള്ള ശ്രമത്തിലാണ് പോലിസ് എന്നാണ് റിപ്പോർട്ട്. കേസ് വീണ്ടും കോടതി നാളെ പരിഗണിക്കും. മോട്ടർ ആക്സിഡന്റ് ക്ലെയിംസ് ട്രൈബ്യൂണൽ അഡീഷണൽ ജില്ലാ ജഡ്ജിക്കെതിരെ പ്രായപൂർത്തിയാകാത്ത ആൾക്ക് വഹനം നൽകിയതിന് മോട്ടോർ വാഹന നിയമത്തിലെ 199 എ(2) വകുപ്പ് പ്രകാരമാണ് കേസെടുത്തിരിക്കുന്നത്. ഇത് മൂന്നുവർഷം തടവും 25000 രൂപ പിഴയും ചുമത്തുന്ന വകുപ്പാണ്. ഈ കഴിഞ്ഞ ഞാറാഴ്ച പുലർച്ചെയോടെയാണ് എറണാകുളം ചേരാനല്ലൂർ കണ്ടെയ്നർ റോഡിൽ വച്ച് 17 കാരൻ ഓടിച്ച ബെൻസ് കാർ ഇടിച്ചു തട്ടുകടമ ഉടമയായ ജയകൃഷ്ണൻ മരിച്ചത്. നീതി വേണമെന്ന കുടുംബത്തിന്റെ ശക്തമായ ആവശ്യമാണ് കേസിൽ കടുത്ത നടപടികൾക്ക് കാരണമായത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Nedumbassery Accident: സുഹൈലിന് ജാമ്യമില്ല; 4 പ്രതികളുടെയും ജാമ്യാപേക്ഷ തള്ളി!
കൊച്ചി: നെടുമ്പാശ്ശേരി മിനി കൂപ്പർ അപകടത്തിൽ പ്രതികളായ 4 പേരുടെയും ജാമ്യാപേക്ഷ കോടതി തള്ളി. വിധി പ്രസ്താവിച്ചത് എറണാകുളം ജില്ലാ അഡീഷണൽ സെഷൻസ് കോടതിയാണ്. കേസിൽ പ്രതിയായ സുഹൈൽ സജീവിന്റേയും കൂട്ടാളികളായ നിനവ്, അമീർ, ജോയൽ എന്നിവരുടെയും ജാമ്യമാണ് കോടതി നിഷേധിച്ചത്. പ്രോസിക്യൂഷൻ ഉന്നയിച്ച വാദങ്ങളെല്ലാം അംഗീകരിച്ചുകൊണ്ടാണ് കോടതി വിധി പ്രസ്താവിച്ചത്. ജാമ്യം തള്ളിയതിനെ തുടർന്ന് പ്രതികൾ ബോസ്റ്റൽ സ്കൂളിൽ തുടരും. പ്രതികളുടെ റിമാൻഡ് കാലാവധി 14 ദിവസം കഴിഞ്ഞതോടെയാണ് ഇവർ ജ്യാമ്യാപേക്ഷ നൽകിയത്. അപകടം നടന്നപ്പോൾ വാഹനം 163 കിലോമീറ്റർ വേഗതയിലായിരുന്നുവെന്നും അമിതവേഗത്തിൽ വാഹനം ഓടിക്കുന്നത് പ്രതിയുടെ സ്ഥിരം പതിവാണെന്ന് പോലീസിന് തെളിവ് ലഭിച്ചെന്നും പ്രോസിക്യൂഷൻ കോടതിയെ അറിയിക്കുകയായിരുന്നു. അതുകൊണ്ടുത്തന്നെ പ്രതികൾക്ക് ജാമ്യം നൽകുന്നത് സമൂഹത്തിന് തന്നെ ഒരു തെറ്റായ സന്ദേശമാകുമെന്നും പ്രോസിക്യൂഷൻ വാദിച്ചു. മുഖ്യപ്രതിയായ സുഹൈലിനെ വെട്ടിലാക്കിക്കൊണ്ട് കേസിലെ മൂന്നാം പ്രതി ജോയലിന്റെ ശബ്ദ സന്ദേശം പോലീസിന് ലഭിച്ചതും കോടതിയിൽ ഹാജരാക്കിയിരുന്നു. അപകടശേഷം ജോയൽ സുഹൃത്തിന് അയച്ച ശബ്ദസന്ദേശത്തിൽ മദ്യപിച്ച് വാഹനം ഓടിച്ചത് വ്യക്തമായിരുന്നു. അപകടം നടന്നത് ഒക്ടോബർ 11 നാണ്. സുഹൈൽ സജീവൻ ഓടിച്ച ആഡംബര കാർ ഇടിച്ചു 3 പേരുടെ ജീവനാണ് പൊലിഞ്ഞത്. അപകടം നടന്നത് വിമാനത്താവള റോഡിലെ അത്താണി എയർപോർട്ട് സിഗ്നൽ കവലയ്ക്ക് സമീപത്തായിരുന്നു. അപകടത്തിൽ മരിച്ചത് വയനാട് സ്വദേശി ദേവിക, മംഗലാപുരം സ്വദേശി ഇയാസ്, പാലക്കാട് സ്വദേശി ഗോപിക എന്നിവരായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: ചേരാനല്ലൂർ അപകടം: ജഡ്ജിയുടെ ഫ്ലാറ്റിൽ പോലീസ് പരിശോധന; ആഡംബര ബൈക്കും, ഡിജിറ്റർ ഉപകരണങ്ങളും പിടിച്ചെടുത്തു
കൊച്ചി: ചേരാനല്ലൂർ അപകടത്തിലെ പ്രതിയുടെ പിതാവായ ജഡ്ജിയുടെ വീട്ടിൽ പോലീസ് പരിശോധന നടത്തി. 7 മണിക്കൂർ നീണ്ട പരിശോധനയാണ് ക്രൈം ബ്രാഞ്ചും പോലീസും നടത്തിയത്. പരിശോധനയും ആഡംബര ബൈക്ക്, ഡിജിറ്റർ ഉപകരണങ്ങളും പിടിച്ചെടുത്തു. ബൈക്ക് ഉപയോഗിച്ചിരുന്നത് പതിനേഴുകാരനായ മകനാണ് എന്നാണ് റിപ്പോർട്ട്. പതിനേഴുകാരൻ ഓടിച്ച കാർ ഇടിച്ചു സ്‌കൂട്ടർ യാത്രികനായ ജയബാലകൃഷ്ണൻ മരിച്ച സംഭവത്തിലാണ് പോലീസ് നടപടി. ഹൈക്കോടതിയുടെ നിർദേശപ്രകാരമായിരുന്നു പോലീസ് പരിശോധന നടത്തിയത്. ജഡ്ജിയുടെ അറസ്റ്റിനായി ഹൈക്കോടതിയുടെ അനുമതിക്കായി നില്കുനന്നതിനിടെയാണ് ഈ പരിശോധന പോലീസ് നടത്തിയത്. പരിശോധന നടത്തിയത് അപകടവുമായി ബന്ധപ്പെട്ട വിവരങ്ങൾ തേടിയാണ് എന്നാണ് റിപ്പോർട്ട്. പരിശോധനയിൽ സിസിടിവി ദൃശ്യങ്ങളും ചെക്ക് ചെയ്തിട്ടുണ്ട്. ഇതിനിടയിൽ ചേരാനല്ലൂർ വാഹനാപകടത്തിൽ മരിച്ച ജയബാലകൃഷ്ണന്റെ ബന്ധുക്കളും പോലീസും തമ്മിൽ ഇന്നലെ ചർച്ച നടത്തിയിരുന്നു. ജയബാലകൃഷ്ണന്റെ ബന്ധുക്കൾ അഭിഭാഷകനൊപ്പമാണ് പോലീസിനെ കാണാനെത്തിയത്. പോലീസിന്റെ ഭാഗത്തു നിന്നുള്ള മുന്നോട്ടുള്ള നടപടി എന്താകുമെന്ന് ചർച്ചയിൽ വിശദീകരിച്ചു. വിഷയത്തിൽ തുടർ നടപടികൾ സ്വീകരിക്കേണ്ടത് ഹൈക്കോടതിയായണെന്നും ഇത് സംബന്ധിച്ചുള്ള വിവരങ്ങൾ പോലീസ് ഹൈക്കോടതിക്ക് കൈമാറിയിട്ടുണ്ടെന്നും ചർച്ചയിൽ പോലീസ് കുടുംബാംഗങ്ങളോട് വ്യക്തമാക്കിയിരുന്നു. അപകടത്തിൽ വാഹന ഉടമയായ ജഡ്ജിക്കെതിരെ കേസെടുക്കണമെങ്കിൽ പൊലീസിന് ഹൈക്കോടതിയുടെ അനുമതി ആവശ്യമാണ്. ഇതിനായുള്ള ഉത്തരവ് ഇന്ന് ലഭിക്കുമെന്ന പ്രതീക്ഷയിലാണ് കുടുംബം. ഇതിനിടയിൽ പ്രതിയുടെ ജമൈമ റദ്ദാക്കണമെന്ന ആവശ്യവുമായി കുടുംബം ഇന്ന് ജില്ലാ കോടതിയെ സമീപിക്കുമെന്നും റിപ്പോർട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: സിഐ അടക്കം നാല് പൊലീസുകാര്‍ക്ക് സസ്പെന്‍ഷന്‍, പ്രതിയുടെ ജാമ്യം റദ്ദാക്കാന്‍ നീക്കം
കൊച്ചി: ചേരാനല്ലൂര്‍ അപകടത്തിലെ അന്വേഷണത്തില്‍ വീഴ്ച വരുത്തിയവര്‍ക്കെതിരെ നടപടിയെടുത്തു. സിഐ അടക്കമുള്ള നാല് പൊലീസുകാരെ സസ്പെന്‍ഡ് ചെയ്തു. സിഐ ശ്യാംകുമാര്‍ കെ. എസ്, എസ്ഐ വിശ്വജിത്ത്, ഗ്രേഡ് എസ്ഐ മനോജ് കെ. ടി, സിപിഒ അരുണ്‍ ജോഷി എന്നിവര്‍ക്കാണ് സസ്പെന്‍ഷന്‍ ലഭിച്ചത്. എഫ്ഐആറില്‍ വീഴ്ച വരുത്തിയതിനാണ് നടപടി. എഡിജിപി പി. വിജയൻ നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് നടപടി. പൊലീസിന്റെ ഭാഗത്തുനിന്നുണ്ടായ വീഴ്ചകൾ ചേരാനല്ലൂരില്‍ നേരിട്ടെത്തി എഡിജിപി പരിശോധിച്ചിരുന്നു. ചേരാനല്ലൂർ കണ്ടെയ്നർ റോഡിൽ ഞായറാഴ്ച പുലർച്ചെ രണ്ടരയോടെയാണ് അപകടം നടന്നത്. 17-കാരൻ അമിതവേഗതയിൽ ഓടിച്ച ബെൻസ് കാർ മാഞ്ഞാലി സ്വദേശിയായ ജയബാലകൃഷ്ണന്റെ സ്കൂട്ടറിൽ ഇടിക്കുകയായിരുന്നു. ദുർബല വകുപ്പുകൾ ചുമത്തി പതിനേഴുകാരനെ പൊലീസ് സ്റ്റേഷൻ ജാമ്യത്തിൽ വിട്ടതും വാഹന ഉടമയായ ജഡ്ജിക്കെതിരെ കേസെടുക്കാത്തതും വലിയ പ്രതിഷേധത്തിന് കാരണമായിരുന്നു. അതേസമയം ചേരാനെല്ലൂര്‍ അപകടത്തിലെ പ്രതിയുടെ ജാമ്യം റദ്ദാക്കാന്‍ കോടതിയെ സമീപിക്കുമെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. പ്രതിയുടെ പിതാവായ ജഡ്ജിക്കെതിരെ നടപടി ആവശ്യപ്പെട്ട് ഹൈക്കോടതി രജിസ്ട്രാര്‍ക്ക് കത്ത് നല്‍കി. നിയമപരമായ എല്ലാ സാധ്യതകളും പരിശോധിക്കുമെന്ന് രമേശ് ചെന്നിത്തല അറിയിച്ചു. 17-കാരന് 25 വയസ്സ് വരെ ലൈസൻസ് നൽകുന്നത് വിലക്കാനും അപകടത്തിൽപ്പെട്ട ബെൻസ് കാറിന്റെ ആർസി സസ്പെൻഡ് ചെയ്യാനും എംവിഡി നടപടികൾ ആരംഭിച്ചു. ഔദ്യോഗിക അനുമതിയില്ലാതെ കുട്ടിയുടെ പിതാവായ ജഡ്ജി പൊലീസ് സ്റ്റേഷനിൽ പോയത് ഗുരുതര വീഴ്ചയാണെന്ന് കണ്ടെത്തിയിരുന്നു. ഇത് ജുഡീഷ്യറിക്ക് അവമതിപ്പുണ്ടാക്കിയെന്ന് ചൂണ്ടിക്കാട്ടി ജില്ലാ ചുമതലയുള്ള ജഡ്ജി ഹൈക്കോടതിക്ക് റിപ്പോർട്ട് കൈമാറി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: 'ജഡ്ജിയായാലും പൊലീസായാലും ശക്തമായ നടപടിയുണ്ടാകും' വീഴ്ചകള്‍ നേരിട്ട് പരിശോധിച്ച് എഡിജിപി പി. വിജയന്‍
കൊച്ചി: ചേരാനല്ലൂർ വാഹനാപകടക്കേസിൽ ജഡ്ജിയായാലും പൊലീസായാലും വീഴ്ച വരുത്തിയാൽ ശക്തമായ നടപടിയുണ്ടാകുമെന്ന് എഡിജിപി പി. വിജയൻ. സംഭവത്തിൽ പൊലീസിന്റെ ഭാഗത്തുനിന്നുണ്ടായ വീഴ്ചകൾ നേരിട്ട് പരിശോധിക്കാനാണ് എഡിജിപി പി. വിജയൻ ചേരാനല്ലൂരിലെത്തിയത്. അപകടത്തിൽ മരിച്ച ജയബാലകൃഷ്ണന്റെ കുടുംബാംഗങ്ങളെയും കേസുമായി ബന്ധപ്പെട്ട മറ്റുള്ളവരെയും നേരിൽ കാണുമെന്നും അദ്ദേഹം വ്യക്തമാക്കി. ഔദ്യോഗിക അനുമതിയില്ലാതെ കുട്ടിയുടെ പിതാവായ ജഡ്ജി പൊലീസ് സ്റ്റേഷനിൽ പോയത് ഗുരുതര വീഴ്ചയാണെന്ന് കണ്ടെത്തിയിരുന്നു. ഇത് ജുഡീഷ്യറിക്ക് അവമതിപ്പുണ്ടാക്കിയെന്ന് ചൂണ്ടിക്കാട്ടി ജില്ലാ ചുമതലയുള്ള ജഡ്ജി ഹൈക്കോടതിക്ക് റിപ്പോർട്ട് കൈമാറി. പൊലീസിന്റെ ഭാഗത്തുനിന്ന് വീഴ്ചയുണ്ടായിട്ടുണ്ടോയെന്ന് പരിശോധിക്കാൻ കേസ് ക്രൈംബ്രാഞ്ചിന് കൈമാറി. ഇതിന്റെ അടിസ്ഥാനത്തിൽ 17-കാരന്റെയും അമ്മയുടെയും മൊഴിയെടുത്തു. കേസിൽ ജഡ്ജിയെ ചോദ്യം ചെയ്യുന്നതിനായി ഹൈക്കോടതി ചീഫ് ജസ്റ്റിസിന്റെ അനുമതി തേടിയിട്ടുണ്ട്. അനുമതി ലഭിച്ചാലുടൻ നടപടികളിലേക്ക് കടക്കും. പ്രതിയായ 17 കാരന്റെ ജാമ്യം റദ്ദാക്കാനുള്ള നിയമനടപടികളും സ്വീകരിച്ചിട്ടുണ്ട്. 17-കാരന് 25 വയസ്സ് വരെ ലൈസൻസ് നൽകുന്നത് വിലക്കാനും അപകടത്തിൽപ്പെട്ട ബെൻസ് കാറിന്റെ ആർസി സസ്പെൻഡ് ചെയ്യാനും എംവിഡി നടപടികൾ ആരംഭിച്ചു. ഞായറാഴ്ച പുലർച്ചെ രണ്ടരയോടെയാണ് ചേരാനല്ലൂർ കണ്ടെയ്നർ റോഡിൽ അപകടം നടന്നത്. 17-കാരൻ അമിതവേഗതയിൽ ഓടിച്ച ബെൻസ് കാർ മാഞ്ഞാലി സ്വദേശിയായ ജയബാലകൃഷ്ണന്റെ സ്കൂട്ടറിൽ ഇടിക്കുകയായിരുന്നു. ദുർബല വകുപ്പുകൾ ചുമത്തി പതിനേഴുകാരനെ പൊലീസ് സ്റ്റേഷൻ ജാമ്യത്തിൽ വിട്ടതും വാഹന ഉടമയായ ജഡ്ജിക്കെതിരെ കേസെടുക്കാത്തതും വലിയ പ്രതിഷേധത്തിന് കാരണമായിരുന്നു. ജയബാലകൃഷ്ണന്റെ മക്കളും നാട്ടുകാരും സ്റ്റേഷനിൽ പ്രതിഷേധിച്ചത് ആഭ്യന്തരമന്ത്രി രമേശ് ചെന്നിത്തല സംസാരിച്ചതിനെ തുടർന്നാണ് താൽക്കാലികമായി നിർത്തിവെച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Kerala HC: സിഎംആർഎൽ-എക്‌സാലോജിക് കേസ്: വിജിലൻസ് അന്വേഷണത്തിന് ഹൈക്കോടതിയുടെ സ്റ്റേ
തിരുവനന്തപുരം: സിഎംആർഎൽ - എക്‌സാലോജിക് വിവാദത്തിൽ വിജിലൻസ് അന്വേഷണം സ്റ്റേ ചെയ്ത് ഹൈക്കോടതി ഡിവിഷൻ ബെഞ്ച്. പ്രതിപക്ഷ നേതാവ് പിണറായി വിജയൻ, മകൾ വീണാ തൈക്കണ്ടിയിൽ, മുൻ മന്ത്രിയും മരുമകനുമായ പി.എ. മുഹമ്മദ് റിയാസ് തുടങ്ങിയവർക്കെതിരെയുള്ള അന്വേഷണമാണ് താൽക്കാലികമായി തടഞ്ഞത്. കേസിൽ എഫ്‌ഐആർ രജിസ്റ്റർ ചെയ്യാൻ സിംഗിൾ ബെഞ്ച് ഉത്തരവിട്ടിരുന്നു. ഈ നടപടിക്കെതിരെ പിണറായി വിജയനടക്കമുള്ളവർ നൽകിയ ഹർജിയിലാണ് ഹൈക്കോടതി ഇടക്കാല ഉത്തരവ് പുറപ്പെടുവിച്ചിരിക്കുന്നത്. ജസ്റ്റിസ് കെ.എം. നടരാജൻ, ജസ്റ്റിസ് ജോൺസൺ ജോൺ എന്നിവരടങ്ങിയ ഡിവിഷൻ ബെഞ്ചാണ് കേസ് പരിഗണിച്ചത്. സിംഗിൾ ബെഞ്ച് ഉത്തരവിനെതിരെ അപ്പീൽ നൽകാൻ അനുമതി തേടിയുള്ള ഹർജികൾ ഹൈക്കോടതിയുടെ മറ്റൊരു ഡിവിഷൻ ബെഞ്ച് ഇതിനുമുമ്പ് മെറിറ്റിലേക്ക് കടക്കാതെ തള്ളിക്കളഞ്ഞിരുന്നു. തുടർന്ന് പിണറായി അടക്കമുള്ളവർ സുപ്രീം കോടതിയെ സമീപിച്ചിരുന്നു. ഹൈക്കോടതി ഡിവിഷൻ ബെഞ്ച് അപ്പീലുകൾ വിശദമായി കേൾക്കണമെന്ന് കഴിഞ്ഞാഴ്ച സുപ്രീം കോടതി വ്യക്തമാക്കിയിരുന്നു. തുടർന്നാണ് ഹൈക്കോടതി അപ്പീൽ പരിഗണിക്കുകയും സിംഗിൾ ബെഞ്ച് വിധി സ്റ്റേ ചെയ്യുകയും ഉണ്ടായത്. മുൻപ് സിംഗിൾ ബെഞ്ച് ഉത്തരവിനെതിരെ അപ്പീൽ നൽകാൻ അനുമതി തേടിയുള്ള ഹർജികൾ ഹൈക്കോടതിയുടെ മറ്റൊരു ഡിവിഷൻ ബെഞ്ച് മെറിറ്റിലേക്ക് കടക്കാതെ തള്ളിയിരുന്നു. ഇതിനെത്തുടർന്നാണ് പിണറായി വിജയനടക്കമുള്ള ഹർജിയുമായി സുപ്രീം കോടതിയെ സമീപിച്ചത്. അപ്പീലുകൾ വിശദമായി കേൾക്കാൻ ഹൈക്കോടതി ഡിവിഷൻ ബെഞ്ചിനോട് സുപ്രീം കോടതി നിർദ്ദേശിച്ചിരുന്നു. ഇതിന പിന്നാലെയാണ് ഇപ്പോൾ സിംഗിൾ ബെഞ്ച് വിധി ഹൈക്കോടതി സ്റ്റേ ചെയ്തത്. നാല് അപ്പീലുകളും ഫയലിൽ സ്വീകരിക്കുന്നുവെന്നും അതിനാൽ അടുത്ത വാദം കേൾക്കുന്നത് വരെ സിംഗിൾ ബെഞ്ചിന്റെ വിധി സ്റ്റേ ചെയ്യുന്നുവെന്നുമായിരുന്നു കോടതി ഉത്തരവ്. അടുത്ത ഉത്തരവ് ഉണ്ടാകുന്നതുവരെ എഫ്‌ഐആറിന്മേലുള്ള തുടർ അന്വേഷണം നിർത്തിവയ്ക്കുന്നതായും കോടതി വ്യക്തമാക്കി. പിണറായി അടക്കമുള്ള ഹർജിക്കാരെ കേൾക്കാതെയാണ് കേസിൽ സിംഗിൾ ബെഞ്ച് തീരുമാനമെടുത്തതെന്ന് അദ്ദേഹത്തിന് വേണ്ടി ഹാജരായ സീനിയർ അഭിഭാഷകൻ ഹരിഹരൻ വാദിച്ചു. പ്രത്യേക അന്വേഷണ സംഘത്തെ രൂപീകരിച്ച നടപടി റദ്ദാക്കിയ സിംഗിൾ ബെഞ്ച് ഉത്തരവിനോട് പൂർണ്ണമായി യോജിക്കുന്നില്ലെങ്കിലും സർക്കാർ ആ ഉത്തരവിനെ മാനിക്കുകയായിരുന്നുവെന്ന് സംസ്ഥാന സർക്കാരിന് വേണ്ടി ഹാജരായ അഡ്വക്കേറ്റ് ജനറൽ ഹൈക്കോടതിയെ അറിയിച്ചു. ഇ.ഡി നൽകിയ കുറ്റകൃത്യങ്ങളുടെ രേഖകൾ പരിശോധിച്ചാണ് സിംഗിൾ ബെഞ്ച് ഉത്തരവിട്ടതെന്നും എ.ജി വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: അന്വേഷിക്കാൻ SIT; ജഡ്ജിയെ പ്രതിചേർത്ത് കേസെടുത്തു!
കൊച്ചി: ചേരാനല്ലൂരിൽ അമിതവേഗത്തിലെത്തിയ ബെൻസ് ഇടിച്ചു സ്‌കൂട്ടർ യാത്രക്കാരന്റെ മരണത്തിനിടയാക്കിയ പ്രതിയായ പതിനേഴുകാരന്റെ പിതാവായ അഡീഷണൽ സെഷൻസ് ജഡ്ജി റിനോ ഫ്രാൻസിസ്‌ സേവ്യറിനെതിരെ പോലീസ് കേസെടുത്തു. വാഹനത്തിന്റെ ആർസി ഓണർ എന്നനിലയിൽ പ്രായപൂർത്തിയാകാത്തയാൾക്ക് വാഹനം നൽകിയതിനെ തുടർന്നുണ്ടായ അപകടത്തിലാണ് ജഡ്ജിക്കെതിരെ കേസ് രജിസ്റ്റർ ചെയ്തിരിക്കുന്നത്. 2022 ലാണ് ജഡ്ജി ഈ വാഹനം വാങ്ങിയത്. നാലുവർഷമായി കോടതി ആവശ്യങ്ങൾക്കുംമറ്റുമായി ഈ വാഹനം ജഡ്ജി ഉപയോഗിക്കുന്നുണ്ട്. ഈ വാഹനമാണ് ജഡ്ജിയുടെ മകനായ 17 വയസുകാരൻ എടുത്തുകൊണ്ടുപോയി ഒരാളുടെ ജീവൻ കവർന്നത്. വാഹന ഉടമയ്ക്കെതിരെ പോലീസ് തുടക്കത്തിൽ നിയമനടപടി എടുക്കാൻ മടികാണിച്ചുവെന്നും ആരോപണമുണ്ടായിരുന്നു. ഇതിനിടയിൽ അപകടത്തിൽ മരണപ്പെട്ട ജയപാലകൃഷ്ണന്റെ കുടുംബത്തിന്റെ ആരോപണങ്ങൾ അന്വേഷിക്കാൻ എസ്‌ഐടി രൂപീകരിക്കാൻ തീരുമാനിച്ചിട്ടുണ്ട്. നേരത്തെ പ്രതിയായ 17 കാരന് മുൻകാല കുറ്റകൃത്യങ്ങളില്ലെന്ന കാര്യം പരിഗണിച്ചു ജാമ്യം അനുവദിച്ചിരുന്നുവെങ്കിലും തങ്ങളുടെ അച്ഛന് നീതി ലഭിക്കുന്നതുവരെ പ്രതിഷേധം തുടരുമെന്ന് ജയപാലകൃഷ്ണന്റ കുടുംബം അറിയിച്ചിരുന്നു. പോലീസിന്റെ ഭാഗത്തുനിന്നും പ്രതിക്ക് അനുകൂലമായ നിലപാടാണ് ലഭിച്ചതെന്നും പോലീസിലുള്ള വിശ്വാസം നഷ്ടപ്പെട്ടുവെന്നും കുടുംബം ആരോപിച്ചിരുന്നു ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cheranalloor Accident: ജഡ്ജിയുടെ മകൻ വാഹനമോടിച്ചത് 104 കിമീ വേഗതയിൽ; നരഹത്യാക്കുറ്റം ചുമത്തി
കൊച്ചി: ചേരാനല്ലൂരിൽ അമിതവേഗത്തിലെത്തിയ ബെൻസ് ഇടിച്ചു സ്‌കൂട്ടർ യാത്രക്കാരന്റെ മരണത്തിനിടയാക്കിയ സംഭവത്തിൽ പ്രതിയായ പതിനേഴുകാരൻ വാഹനം ഓടിച്ചത് 104 കിലോമീറ്റർ വേഗതയിൽ. മാത്രമല്ല അമിതവേഗതയിൽ കാറോടിക്കുന്നതിനിടെ ദൃശ്യങ്ങളും പ്രതി മൊബൈൽ ഫോണിൽ പകർത്തിയിരുന്നു. ഈ ദൃശ്യങ്ങൾ പൊലീസിന് ലഭിച്ചു. പ്രതിക്കെതിരെ പോലീസ് മോട്ടോർ വാഹന നിയമത്തിലെ 181,183 വകുപ്പുകളാണ് ചുമത്തിയിരിക്കുന്നത്. പ്രതിക്കെതിരെ 105 വകുപ്പുപ്രകാരം നരഹത്യാക്കുറ്റം ചുമത്തിയിട്ടുണ്ട്. ജാമ്യം ലഭിക്കാവുന്ന വകുപ്പുകൾ മാത്രം ചുമത്തി സ്റ്റേഷൻ ജാമ്യത്തിൽ പ്രതിയെ വിട്ടയച്ച നടപടി വിവാദമായതിന് പിന്നാലെയാണ് കേസിൽ കൂടുതൽ വകുപ്പുകൾ ചുമത്തിയത്. പ്രതി അഡീഷണൽ ജഡ്ജിയുടെ മകനാണ്. ഇതോടെ പ്രതിയെ വീണ്ടും പോലീസ് കസ്റ്റഡിയിലെടുക്കും. പോലീസിന്റെ ആദ്യ നടപടിയിൽ വിയോജിപ്പ് പ്രകടിപ്പിച്ച ആഭ്യന്തര മന്ത്രി രമേശ് ചെന്നിത്തല ഡിജിപിക്ക് കർശന നടപടി സ്വീകരിക്കാൻ നിർദ്ദേശം നൽകിയതിന് പിന്നാലെയാണ് കേസിൽ പ്രതിക്കെതിരെ ഗൗരവമുള്ള വകുപ്പുകൾ ചുമത്തിയത്. ഞായറാഴ്ച പുലർച്ചെ 2.15 നും 2.30 നും ഇടയിലായിരുന്നു അപകടം നടന്നത്. തട്ടുകടയിലെ ജോലി കഴിഞ്ഞ് സ്കൂട്ടറിൽ വീട്ടിലേക്ക് മടങ്ങുകയായിരുന്ന ജയപാലകൃഷ്ണന്റെ വാഹനത്തിൽ അമിതവേഗത്തിലെത്തിയ ബെൻസ് കാർ പുറകിൽ നിന്നും ഇടിക്കുകയായിരുന്നു. ഇടിയുടെ ആഘാതത്തിൽ ജയപാലകൃഷ്ണൻ റോഡിലേക്ക് തെറിച്ചു വീഴുകയും സ്‌കൂട്ടർ പൂർണമായും തകരുകയുമുണ്ടായി. പരിക്കേറ്റ ജയപാലകൃഷ്ണൻ മരിച്ചു. അപകടസമയത്ത് ശക്തമായ മഴയായതിനാൽ റോഡ് വ്യക്തമായി കാണാൻ കഴിഞ്ഞില്ലെന്നാണ് പ്രതിയുടെ മൊഴി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Kashi Cafe Controversy: ഫോര്‍ട്ട് കൊച്ചിക്കെതിരായ വിദ്വേഷ പ്രചാരണം; വ്ലോഗര്‍ക്കെതിരെ കര്‍ശന നടപടിയുമായി ആഭ്യന്തവകുപ്പ്
ഫോർട്ട് കൊച്ചിയെക്കുറിച്ചും മുസ്ലിം സമുദായത്തെക്കുറിച്ചും മോശമായി ചിത്രീകരിച്ച ഉത്തരേന്ത്യൻ ഇൻഫ്ലുവൻസറുടെ വീഡിയോയ്ക്കെതിരെ പ്രതികരിച്ച് ആഭ്യന്തരമന്ത്രി രമേശ് ചെന്നിത്തല. വർക്കലയെയും ഫോർട്ട് കൊച്ചിയെയും കുറിച്ച് വ്യാജപ്രചാരണങ്ങൾ നടത്തി വർഗീയ സംശയവും വിദ്വേഷവും വളർത്താനുള്ള ശ്രമങ്ങൾ ഗൗരവത്തോടെയാണ് കാണുന്നതായി ആഭ്യന്തരമന്ത്രി രമേശ് ചെന്നിത്തല ഫേസ്ബുക്കിൽ കുറിച്ചു. ആവിഷ്‌കാര സ്വാതന്ത്ര്യം ഉത്തരവാദിത്വത്തോടെ വിനിയോഗിക്കേണ്ടതാണെന്നും അത് സമൂഹത്തിൽ ഭിന്നതയും വർഗീയ വിദ്വേഷവും പടർത്താനുള്ള ഉപാധിയാകരുതെന്നും ആഭ്യന്തരമന്ത്രി ഓർമ്മപ്പെടുത്തി. നിയമം ലംഘിക്കുന്നവർക്കെതിരെ കർശന നടപടി ആഭ്യന്തര വകുപ്പ് സ്വീകരിക്കുമെന്നും അദ്ദേഹം വ്യക്തമാക്കി.
Tap to read more