Thiruvananthapuram

Google Fitbit Air: ഡിസ്പ്ലേയില്ലാത്ത പുതിയ ഫിറ്റ്നസ് ട്രാക്കറുമായി ഗൂഗിൾ!

Written & Updated by: Mekha P Panicker

Published: Oct 26, 2026, 05:19 PM | Updated: Oct 26, 2026, 05:19 PM

ഗൂഗിൾ പുതിയ ഫിറ്റ്നസ് ട്രാക്കർ അവതരിപ്പിച്ചു. ഗൂഗിൾ ഫിറ്റ്ബിറ്റ് എയർ (Google Fitbit Air) ഡിസ്പ്ലേയില്ലാത്ത ഒരു ഫിറ്റ്നസ് ട്രാക്കറാണ്.

വെറും 12 ഗ്രാം മാത്രം ഭാരമുള്ള ഗൂഗിൾ ഫിറ്റ്ബിറ്റ് എയർ ഡിസ്പ്ലേ ഇല്ലാത്ത രീതിയിലാണ് അവതരിപ്പിച്ചിരിക്കുന്നത്. ദിവസം മുഴുവനും യാതൊരു അസ്വസ്ഥതയുമില്ലാതെ ഇത് ധരിക്കാം.

സ്മാർട്ട് വാച്ചുകളെപ്പോലെ നോട്ടിഫിക്കേഷനുകളുടെ ശല്യം ഗൂഗിൾ ഫിറ്റ്ബിറ്റ് എയറിനില്ല. നിങ്ങളുടെ ജോലിയിൽ ശ്രദ്ധ കേന്ദ്രീകരിക്കാൻ ഇത് സഹായിക്കും.

ഇന്ത്യയിൽ 13,999 രൂപയാണ് ഗൂഗിൾ ഫിറ്റ്ബിറ്റ് എയറിന്റെ വില. കൂടാതെ 3 മാസത്തെ ഫ്രീ ഗൂഗിൾ ഹെൽത്ത് പ്രീമിയം ട്രയലും ഇതിനൊപ്പം ലഭിക്കും.

ഹൃദയമിടിപ്പ്, രക്തത്തിലെ ഓക്സിജന്റെ അളവ്, ഹാർട്ട് റേറ്റ് വേരിയബിലിറ്റി, ഉറക്കത്തിന്റെ വിവിധ ഘട്ടങ്ങൾ, ഡെയ്ലി റെഡിനസ് സ്കോർ എന്നിവ കൃത്യമായി ട്രാക്ക് ചെയ്യും.

ഗൂഗിൾ ഹെൽത്ത് ആപ്പ് വഴി ഹെൽത്ത് ഡാറ്റ വളരെ എളുപ്പത്തിൽ മനസ്സിലാക്കാം. ബാൻഡിൽ സ്ക്രീൻ ഇല്ലാത്തതിനാൽ വിശദമായ വിവരങ്ങൾ കാണാൻ ഫോണിനെ ആശ്രയിക്കണം.

Mekha P Panicker